رواية غزالي بقلم جيجي حصريه وجديده وكامله جميع الفصول على مدونة النجم المتوهج
رواية غزالي بقلم جيجي حصريه وجديده وكامله جميع الفصول
الاول بدون روابط.. ولدى.. ادينى ولدى يا عمار... حرام عليك ادينى ولدى والنبى... بالله عليك سيبهولى انا لسه جرحى ما لم ...
قالتها غزال بنت فى العشرين ببكى وكانت ماسكه شاب فى التلاتين من رجلو ده عمار طليقها وكان شايل ولد عمرو ايام زقها برجلو وقال بغضب...
اش اكتمى ما عاوزش اسمع نفسك... انا قولتلك يوم ما طلقتك اول ما تولدى ولدى هحللو وطلع ولدى هاخدو منك... وانا حللتلو وطلع ولدى خلاص اكيد مش هسيبو معاكى عشان يطلع هملان زيك...
غزال قالت ببكى... والله العظيم ما عملت حاجه... انا ما خنتكش انا لحد ما انت وريتنى الصور ما كنتش اعرف حاجه وتصدمت زيك.. . انا كنت نايمه فى اوضتنا عادى... والله حتى ما طلعتش من الدار. اصلا..
عمار..... يمكن هو دخلك... صورك وهو نايم فى احضانك وصلتلى على موبايلى.. فكرتها تركيب وسالت بس طلعت اصليه...
غزال قالت بوجع... ده كل اللى عملت.. لا كتر خيرك والله... انت طلقتنى وانا حبله.. وحبستنى فى المخزن وانا حبله وما سالتش فيا.. كنت خاطفنى فى المخزن فى الضلمه تدخلى الاكل كيف المساجين... بدل ما تجيبلى حقى من اللى عملو فيا كده... ده اللى انت عملتو
عمار... حق ايه انا شوفت صوركم وانتو سوا بعينى.. واجيبو من مين اصلا.. بس هو وشو مش باين انا مش مطلقك من وقتها.. يلا عاد.. خلى عندك دم وغورى من هنه... يلا هوينا... ولو حبيتى تاجى تقوليلى على اللى خونتينى معاه بس.. مسموحلك تاجى هنه.. غير كده ما عاوزش اشوف وشك هنه تانى...
غزال قالت بصدمه.. يعنى ايه مش هشوف ولدى تانى...
عمار... انا هطلع زين وياكى وما هقلهوش ان امو خاطيه.. هقولو انك متى... ف ما ينفعش تظهرى تانى.... ولو فكرتى تروحى البوليس وتطالبى بولدى.... هقدم الصور دى وتسقط عنك وصايتك... وهبعتها لشباب البلد كلهم وافضحك... يلا غورى من هنه..
بس فاقت من شرودها على صوت شاب بيقول..
احم احم يا رب يا ساتر..
ده طاهر شاب فى التلاتين..
غزال.... ايه هلك اتخانقو وياك عشان تجوزتنى صح..
طاهر... انا ما عملتش حاجه حرام ولا غلط.. انتى خلصتى عدتك وتجوزنا على سنة ربنا ورسوله...
غزال... بس اهلك هيزعلو.... انا فى الاول والاخر طليقت ولد عمك.. اللى عايش وياك فى نفس الدار.. وامو مربياكم وكيف الاخوات انت وهو..
بس طاهر قال بحزم... انا متجوزك عشان يبقالى حق فيكى.. واعرف مين اللى عمل فيكى كده.... وارجع حقك من حباب عنيه...
غزال بعدم بتصديق من كتر الفرحه.. ايه يعنى انت جد مصدقنى يا طاهر .. مصدق انى مظلومه...
طاهر.... معلوم لو ما مصدقكيش ما كنتش حطيتك على اسمى وبقيتى مرتى وتحت جناحى.. انا خدت الرقم اللى تبعتت بيه الصور لطليقك... وهعرف تابع لمين وهجيبو من قفاه ما تقلقيش...
قالت بكسوف شديد... احم.. انت... ش... شو.. شوفت... شوفت الصور
طاهر بحرج... احم.. هو.. وشو ما كانش باين...
غزل ببكى.... بس انا كنت باينه.. كنت بلبس النوم.. ومش فاهمه ازاى.. انا طول ما عمار ما بايتش وياى كنت بنام بجلابيتى... وهو كان فى شغل.. وانا كنت نايمه بهدومى عادى كيف كل يوم... ما عرفاش كيف حصل كده.... هجن حتى لما صحيت كنت بهدومى.. ميتى طيب حتى دى ما عرفهاش .. والله هجن يا طاهر..
طاهر... وحدى الله يا غزال مش كده.. حقك هيرجع بأذن الله...
غزال بصوت متقطع من الحسره.... خدو ولدى منى يا طاهر قالو مش هيدهولى من ساعتها وانا ما شفتوش..
طاهر... هتشوفيه اهدى بس.... هيخبطو على الباب ده دلوك ويجيبوهولك ترضعيه متقلقيش..
غزل... لا قالو بيدولو لبن صناعى ..
طاهر... ههه لا هيجيبوهولك متخافيش..
غزل قالت بستغراب من ثقته اللى بيتكم بيها...
انت عملت ايه.. طاهر ولدى زين صوح...
بس الباب خبط وسمعت صوت عياط طفل.. بصتلو بصدمه..
٢... انت عملت ايه.. طاهر ولدى زين صوح...
بس الباب خبط وسمعت صوت عياط طفل.. بصتلو بصدمه.. راح بثقه وفتح الباب. اخد شويه ودخل.. ورجع قفل الباب تانى.. وادالها ابنها بين اديها وقال..
هخش اخد دش على بال ما ترضعيه.... يلا فرفشيلك حبه النكد بيقصر العمر...
غزال قعدت وبقت ترضع ابنها بتوهان وهى مش فاهمه اى حاجه...
بعد شويه طاهر طلع ومدد على الكنبه وقال ..
انا هنام هنه وهسيبلك السرير تنامى براحتك... عاوزه حاجه قبل ما انام
غزال نومت ابنها وراحت قعدت جمبه على الكنبه وقالت...
عاوزه اعرف انت عملت ايه !!
طاهر قعد وقال بصوت واطى...
حطيتلو دوا فى اللبن يخليه يرجعو تانى.. ولما تعب منهم ودوه للدكتوره... انا دفعتلها وخليتها قالتلهم لازم يرضع طبيعى.. واتجوزتك.. عشان تبقى جارو.. اصلهم لو سابوه مات ما هيدوهولكش وانتى مش هنه... دلوك جابته نعيمه وقالت هيبات معاكى باليل عشان بيصحى كتير زنان كيف امو.. وفى نهار هتاخدو جدتو وتجبهولك على كد الرضعه...
كانت بتبصلو بذهول وقالت...
انت اتجنيت ايه اللى انت عملتو فى ولدى !!
طاهر... هو ايه اصلو ده... ما هو زين قدامك اهه... انا اكيد ما هموتهوش يعنى... انا جاتنى الفكره وانا بقرا فى المصحف.. لما ربنا عز وجل حرم المراضع على سيدنا موسى... عشان يردو لامو... حاشه لله مش تشبيه ولا حاجه عزيز فى شأنه... بس هو الهمنى كده انا روحت لدكتوره وكتبتلو دوى تنضيف للمعده وربنا وقف معانا.. عمرها ما كانت تتمت من غير توفيق من ربنا بس..
غزال... دواك ده مالوش مضاعفات صح..
طاهر... تؤ ما تخافيش... ولو هتبقى ضعيفه كدا لقيلك ركن وابكى فيه... عشان انا بزهق بسرعه.. هما اصلا فاكرين عينى منك وحبو يوجبو معايا ويضربولى الليله.. ف جبوهولك باليل... على العموم لو عايزه تقومى ونرجع حقك فوقى كدا عشان انا مبحبش البنات الخرعين.. انا احب الجامد... مرتى احطها مع راجلين تبقى تالتهم..
غزال... اكيد هقوم بجد شكرا من قلبى على كل حاجه عملتها عشانى... ولو على موضوع مرتك والليله وكدا انا لسه والده قريب و
بس قاطعها طاهر لما قال....
لا لا انسى ولا قريب ولا بعيد.. انتى مش فى دماغى اساسا... وانا اللى عملتو ده مش عشانك... عشان زين انا يتيم وعارف احساس الواحد لما يكبر من غير ام.. ومعاوزهوش يعيشو.... انتى عارفه جوازى منك ليه اصلا.. انا بعد جميله لاشفت حريم ولا هشوف..
غزل... الله يرحمها.. انا هروح انام تصبح على خير
طاهر.. وانتى من اهلو..
غزل... حضنت ابنها وبقت تشم ريحته وضمته بفرحه وارتياح..
فى صباح يوم جديد.... قامو من النوم على صوت خبط على الباب.... قام طاهر ورمى الغطى والمخده على السرير بسرعه.
غزال.. مين بيخبط كدا..
طاهر بضيق.... هيكون مين يعنى غير الست نعيمه...
وفتح وكانت ست فى الخمسين وقالت.. هاتو الواد..
غزال برجاء... ست نعيمه خليه وياى شوى..
نعيمه.. لولا انو بيتعب من اللبن التانى انا ما كنتش خليتك تشوفيه... بس النصيب مسيرو يشد كدا ويتفطم.. واقلعو منك... ولو شفتيه بحق...
واخدت منها الولد ومشيت...
طاهر قال... ما تزعليش نصايه وهيبكى وهتجيبهولك.. لو خلاكى خلصتى حمامك يبقى جدع قوى.. اه ودى اسمها نعيمه ما تقوليش ست انتى مرتى مش خدامتها..
غزل.. واه اناديلها باسمها..
طاهر.. اه كيف ما بتناديكى باسمك.. هى نعيمه مرت سعيد الراوى.. وانتى غزال مرت طاهر الراوى.. ما حدش احسن من حد...
ودخل اخد شور ونزل تحت وجات بنت فى العشرين دى عليا اختو باسته من خدو وقالت..
صباحو رغم انى مقهوره منك...
طاهر.. امم وانتى مقهوره ليه بقى..
عليا.. عشان اتجوزت طليقت ولد عمك وانت عارف انها..
طاهر بمقاطعه.. اش حرام ده رمى محصنات
عليا.... احنا شوفنا الصور بعنينا
طاهر.. مش كل اللى تشوفو عنيكى حقيقه.. يا عليا..
براحتك.. وصلت لحاجه يعنى لقيت دليل.. اصلك متاكد..
طاهر.. هى قالت ما عملتش حاجه... انا متاكد منها.. ومتاكد انها ما تعملش كدا.. انا واثق فيها...
عليا بحزن... النهارده الذكرى السنويه بتاعت جميله..
طاهر... اه فاكر.... صحى رحومه ولبسيها عشان هنروح انا وهى نزور جميله..
جيه عمار وقال بغضب..
اتجوزت مرتى ان شاء الله تكون مبسوط معاها....
طاهر... كانت.. كانت مرتك يا عمار... دلوك مرتى انا تمام كلمة مرتك دى اتلغت من وقت ما رميتها فى الشارع من غير ما تقف معاها ولا تشوف مين اللى عمل فيها كدا.. من غير ما تساندها وتجيب حقها.. جيت عليها انت كمان.. بدل ما تحميها وتوقف معاها...
عمار بغضب..... وانت مالك ما لقيتش غيرها يعنى ما حبكتلكش الحريم كتير ما وقفتش عليها يا اخى...
طاهر... انت ظلمتها... وانا ما حبش اشوف حد بيتظلم قدامى واقف اتفرج..
عمار.. انت نسيت نفسك... امى اللى واقف قصاد ولدها دلوك وبتتجوز المره اللى خانتو.. امى دى هى اللى ربتك.. وعملت منك راجل الوقت ده نزلت غزال بخوف وهى بتفرك اديها فى بعض بس اتقدم عليها عمار بغضب ووو
٣...
فى الوقت ده نزلت غزال بخوف وهى بتفرك اديها فى بعض بس اتقدم عليها عمار بغضب ولسه هيرفع ايده يضربها قلم بس طاهر شدها وراه بسرعه ومسك دراعو يثبتو مكانو وقال...
اياك تفكر حتى.. ما عوزش اصدمك بس امك ما ربتنيش انا اساسا ما تربيتش... واعقل كدا بدل ما اربيك انا.. دى مرتى ويدك لو اتمدت عليها هتبقى اخر مره ليك تشوف يدك راكبه على جسمك فيها.... سمعت انا طالع وهى اهى ولو دكر بصلها بس...
وبعد وشدها وقفها قصاده بالظبط... عمار نزل عينه ومشى بغضب وهو بيتوعدلهم...
طاهر.. يلا بالاذن انا
غزال.. لا استنى رايح فين وسايبنى..
طاهر.. انا رايح المقابر ازور مرتى جميله وهاخد بتى معايا وانتى اللى يكلمك لحد ماجى هزئيه... وانا هاجى اكمل على باقيه.. ونزلت عليا وادتلو بنت اربع سنين شالها ومشى بيها وغزال طلعت اوضتها وقفلت الباب عليها وفضلت تبص للاوضه بحزن.... وبقت دموعها تنزل بغزاره ... وهى بتفتكر ازاى حياتها تقلبت فى يوم وليله.. كانت نايمه فى اوضتها وجوزها رجع ورالها صور ليها مع شخص اصلا ما تعرفش هو مين ولا جيه ازاى ولا حتى الصور اتلقطت امتى.. دخلت اتوضت وصلت وبقت تدعى بعد وقت سمعت طاهر بيقول... بيب بيب
وطفله بتقول.. قطر صغيور..
راحت فتحت الباب وقالت.. جيت امتى
رحمه.. شوفى يا خالتى ابويا جابلى لعب كتير..
غزال.. حبيبتى حلوين ربنا يخليهولك..
رحمه جريت بالالعاب..
غزال.. من امتى جيت..
طاهر دخل وقال.. جيت دلوك.. كنت عند رحمه عاوزه تعمل تسريحه تطقم بيها مع بت خالتها يرحم ابوها... ده انا حلقت شعر ودقن ب 20 جنيه يوم فرحي على امها.. عند الحج سيد كان بيحلق للبني ادمين الصبح وبيحلق للحمير بعد العصر..
غزال بضحك.. حلاق حمير ايه بس اللى حلقت عندو..
طاهر... ما هو كان بيشتغل الاثنين ب 20 جنيه حلقلى وبشرقنى كمان... وحطلى كلونيا كمان بعد ما خلصت حلاقه.. ضحكتك حلوه قوى على فكره...
غزال.. ما اخدوها منى حتى ولدي اخدوه مني ..
عارف اتمنيت نربى ولدى سوا ونلعب معاه كيف ما انت يعنى بتلعب مع رحمه.. كنت عاوزه يعيش احساس العيله وما يطلعش مقطوع من شجره كيفى انا...
طاهر.. معلش ما حدش بياخد كل حاجه يا غزال.. انا كمان اتربيت من غير ام.. ومتمنتهاش لبتى حطينا انا وجميله كومت حاجات هنعملها لبتنا.. وهى برضو بتعيش اللى انا عيشتو لما امى اتوفت.. دى اقدار... ان شاء الله لما نجيب حقك هتاخدى ولدك وتلاعبيه براحتك..
غزال بغيظ... هو حتى ما سمعنيش اصلا ماشى ورا امو..
طاهر ضحك جامد
غزال.. بتضحك ليه بقول نكت اياك..
طاهر بضحك.. هو طلع ولد امو !!
غزال.. ههه.. اه..
طاهر.. طب خلاص زعلانه عليه ليه... ولد امو خليه لامو الحكومه ما خدتوش فى الجيش وقالت ولد امو خليه لامو... هتاخديه انتى تعملى بيه ايه..
غزال بضحك.. انت مسخره.. والله..
طاهر.. اضحكى مش مستاهله..
غزال بغضب... انا بس اخد ولدى وهمرجحهم..
طاهر... طب ما نمرجحهم الاول.. وناخد ولدك.
غزال... هو ينفع.. طب ازاى..
طاهر.. هنتسمع على اللى شاكين فيهم..
غزال.. لا ياعم التجسس حرام..
طاهر... واللى عملوه فيكى رز بلبن شاكه فى مين انا شاكك فى..
وقالو هما الاتنين فى نفس الوقت... نعيمه..
طاهر... يلا بينا..
وراحو عند اوضت نعيمه وكانت بتحاول تسكت الولد وبتتكلم مع عمار وبتقول..
خلاص انت زعلان ليه مش طلقتها
عمار... ايوه بس هو المفروض يفهم انى ما عاوزش اشوف وشها.. مش يجيبها يحطها فى وشى ليل ونهار.. نسى اللى عملتيه عشانو..
نعيمه... البت حلوه ودخلت مزاجو سيبو ليله ولا تنين هيقضيهم معاها ويرميها كيف ما انت رميتها... ولا حنيت ما انتاش قادر تشوفها مع غيرك..
عمار... لا بس ليه يعنى. من قلة الحريم.. وبعدين ليالى ايه اللى يقضيهم معاها دى مرتى انا يا اما..
غزال.. بيغير عليا معقول ..
طاهر.. يا مثبت العقول..
غزال.. احم اسفه..
نعيمه.. اه وما صانتكش وطلعت قليلت اصل وخانت ولقت قليل اصل زيها وغارت معاه خلاص.. انا قولتلك من الاول دى خدامه حدانا خد واحده بنت ناس انت اللى اصريت وجبتها شيل بقى..
عمار ... انا مش عارف يمكن اتسرعت لما مشيتها..
نعيمه... انت حبستها فوق التلت شهور فى المخزن وهى حبله وبعد ما ولدت خدت ولدها ورميتها وجاى تقولى اتسرعت ولا مش قادر على الحضن فاضى لو مستهوى شوفلك واحده واملاه ..
عمار.. خلاص بقى يا اما.. جواز ايه تانى انا مش هسكتلهم....
طاهر.. تعالى يا ختى ما فيش فايده طالما ابو نطوق ده قاعد معاها.. اللى بيغير عليكى يعنى.. ما هتقولش حاجه..
ورجعو اوضتهم
غزال بحرج.. انا بس اتفاجأت
طاهر.. لا هتحنى هسبغلك..... اه... انا مرتى ما تريلش على حد وقدامى كمان..
غزال بسرعه... لا والله مش كده... ايه.. ايه تريل دى !!
طاهر.. خلاص انسى
غزال... لا دى كلمه عيب صوح
طاهر.. اش انتى هتنامى ميتى
غزال بضيق.. دلوك
ونامت على السرير وهو قال وهو نايم على الكنبه.. وكان بيغير صوته لصوتين ويقلدها..
ايوه بِغير..
ده حبسك..
لا ده كان بيغير..
ده طلقك...
لا دا كان بيغر..
شك فيكى..
لا دا كان بيغير..
وقال بضحك.. هيهئ كان بيغير..
غزال بغيظ شديد منو.. طاهر نام
طاهر.. حاضر انا بس بحب اغير مره قبل النوم... اه ما هو انا كمان بغير مش بس هو... ده طبع فى الرجاله عامه الغيره دي طبع في الرجاله... انا كنت بغير على جميله قوي مره قلتلها بنت جميله... قالتلى ايه يا سيد الناس... اصل هى كانت تحب تقولي يا سيد الناس.. قولتلها ما تقفيش قدام البوتاجاز.
غزال... مش فاهمه ايه علاقه البوتاجاز بالغيره بس حاسه انك بتتريق عليا..
طاهر... ما انا ما كنتش احبها هتروح للبوتاجاز...
وكمل بضحك.. اصلى كنت بغير عليها من عيونه....
غزال مسكت مخده وحدفتها عليه وقالت بغيظ منه
نام لأنيمك على طول..
طاهر.. خلاص انا الحق عليا اللي بحكيلك حاجات حصلت معايا وبشاركك ذكرياتي..
غزال.. زباله انت زباله وذكرياتك ازبل منك.. انا كان قصدي على فكره انو
بس طاهر قال بمقاطعه.. اش بلاش حج.. فى ايه يخيبك وينيلك هيعمل فيكى ايه اكتر من اللي عامله تستاهلى.. لسه بعد اللى عملوا فيكى ده كله بتقولى... بغير وفرحانه وعينيكي بتطلع قلوب حمراء ايه الكرامه بتاعتك خدتها لفحت هوا من هوا الشتاء اللي داخل ده..
غزال بضيق.. لا انا بس اتفاجات انه بيغير عليا وازاي مشاني..
طاهر.. هو ما بغيرش عليكى ده نوع من انواع الحسد اللي هو اللى ما تاكلهاش خسرها.. انتى مش ليه بس ما تكونيش لحد تاني.. ولا تعيشي مع غيره... استخسار عارفه كيف ما بيقولوا كده.... حلت في عينه..... اما بقت لغيره... انتى بتشوفي الحاجات منين بجد !!
غزال سكتت ونامت على السرير.
طاهر قال.. بس اوعى تكونى خدتى على خاطرك منى انا كنت بهزر وياكى..
غزال.. لاه عمرى ما ازعل منك.. بس انا مش سهل انسى هو زعل لما شاف الصور بس يعنى.. لاكن قولى يا طاهر.. لو انت يعنى كنت شوفت جميله مكانى ايه اللى كان هيتم.. كنت هتعمل ايه يعنى.. هتعمل زيو....
طاهر.. مبدئيا كدا مع احتقارى لقرطاس اللب اللى انتى متجوزه مكانش حد هيتجرء يعمل كدا بس انا.. كنت هعمل نفس اللى بعملو دلوقت معاكى انتى.. هقف لحد ما اجيب حقها لانى واثق انها ما تعملش كدا.. ودى كانت هتبقى غلطتى انا مش هى.. انا اللى المفروض احميها انى اسيب حد يدخل اوضتها ويصورها وهى معاه وانا ما اقدرش احميها غلطى انا مش هى...
غزال... كنت بتحبها !!
طاهر.. اكيد مش عشرت عمرى وام بتى وشركتها اكلى وفرشتى دى اول حب.. جميله دى حب الطفوله.. من واحنا عيال اهلنا قالو.. طاهر لجميله.. وجميله لطاهر..
انا فاكر في مره كان عندها 10 سنين طلعت تلعب مع البنات في الحاره في ولد كان بيلعب كوره شاط الكوره راحت عند رجلها... الولد راح عندها قالها جميله اديني الكوره بتاعتي... جريت بقى انا واخدت منها الكوره حدفتها له في وشو نزف من مناخيرو... وقلتلو بغضب يلا يلا خد كورتك روح من هنه.. ما لكش صالح بمرتي
..
غزال.. مرتك ايه بس ليه كدا هو انت كنت لسه اتجوزتها..
طاهر بخبث..... ايوه..
وضحك وقال... اصلى كنت بغير..
غزال بضحك.. اوف... اوف... تصبح على خير..
طاهر.. وانتى من اهله..
٤... طاهر.. وانتى من اهله...
بعد اسبوع عدى على نفس الوضع في صباح يوم جديد.. كانت جميله بتمشط شعر ها على المرايه..
طاهر كان قاعد على كنبته لسه قايم من نومو قال بتوهان...... غزال وشارد.. وعوده علينا جامد...
غزال بستغراب... ايه ايه هو اللى جامد !!
طاهر.. احم.. اه.. بقول الجو الجو بردو جامد...
غزال.. طب تقل هدوم استنى اجيبلك.. حاجه تلبسها.. وراحت عند الدولاب واخدت هدوم ودتها الحمام.. بس كان فى مسمار مسك فى ضهر جلابيتها.. قالت بخضه...
اه.. ايه ده..
طاهر راحلها بسرعه وقال... براحه مش تخلى بالك...
غزال.. ايه اللى مسكنى ده..
طاهر بضحك.. ده المسمار كل ما اقول ادقو انسى.. بس ايه مسكك مسكت حراميه...
غزال.. طب فكنى...
طاهر.... قرب منها وحاوطها وبقى يحاول يفكو وكانو قريبين جدا من بعض... واتلاقت عيونهم.. بس طاهر... بعد بحرج وقال...
خلاص فكت....
وراح استحمى.. ولبس ونزل.. راح شغلو.... وقف مع شاب فى العشرين وقال..
لقيت حاجه يا ايوب !!
ايوب... والله يا طاهر دورت كتير... الخط اللى اتبعتت منو الصور.. طلع باسم حسناء هلال.. بس هما في الشركه ما رضيوش يدوني اي معلومات اكتر من كدا... بس انا هكلم واحد معرفه في الشركه نفسها يحاول يدينا شويه بيانات وربنا يسهل..
طاهر... طب هو موظف الشركه بتاعت الاتصالات ده ما ياخدش فلوس ودينا معلومات عن صاحبت الخط...
ايوب... انا قعدت احاول معاه يدينا معلومات مرضاش... ده موضوع كبير...
طاهر.... حسناء هلال... طب ده استفدنا ايه يعنى... ان الخط متسجل بالاسم ده... مش كفايه يا ايوب مش كفايه انا عايز كل حاجه عن صاحبت التليفون ده... او الخط ده بمعنى اصح.... تقب تغطس تجيبلى المعلومات...
ايوب.. ما تقلقش هجيب لك كل حاجه فى ظرف ليله كده ولا اتنين بالكتير هتكون كل حاجه عندك ان شاء الله ما تقلقش...
طاهر... هو انا لسه حقلق انا قلقان لحد ما تجيبلي صاحب الخط ده انا قلقان... يلا سلام..
عند غزال كانت بترتب الاوضه بتاعتهم وسمعت الباب بيخبط.. اتنهدت برتياح وجريت فتحت بابتسامه.. بس الابتسامه اختفت بسرعه وملامحها بان عليها التوتر الشديد.. بلعت ريقها بخوف وقالت...
عمار انت بتعمل ايه هنه... انت ايه اللي جابك... طاهر مش هنه..
ولسه هتقفل الباب بس مسكو بغضب وبصلها وقال بغضب...
ايه.... انتى قلتى ايه.. هو مش هنا هو انا مستني اذن من طاهر عشان ادخل اياك... انتى مجنونه يا بنت انتى ولا ايه... انتى مرتي يا غزال اجى امتى ما احب وفى اى وقت...
غزال بغضب.. مرتك ده ايه.. مر فى حلقك... ده كان زمان.. انا دلوقت مرت طاهر.. ولا انت ناسي انك رميتني وما سالتش فيا انت ما صدقتنيش.. لا انت مش بس ما صدقتنيش.. انت حتى ما سمعتنيش اصلا.. خلاص جاي تاني ليه بقى انا فيا اللي مكفينى منك..
عمار.. فيكى اللى مكفيكي هئ.. ده انا هولع فيكي.. انتى فاكره نفسك ايه.. يعنى انا امشيكى من هنه واطلقك... تقومى.. تتجوزى ولد عمي وتقعديلي في البيت.. لا ومش مكسوفه من نفسك.. بتنزلي معاه وتطلعى..
غزال.. اه مش مكسوفه من نفسى.. انا ما عملتش حاجه عشان اتكسف منها.. هو وقف جاري وصدقني.. صدق انى ما عملتش حاجه.. هو صدق من غير حتى ما يسال.. وانت سبت من غير ما تسال..
عمار.. اسأل ايه انا شفت الصور بعيني..
غزال... وانا قلتلك ما عرفتهاش ما عرفش الراجل اللي فيها وحياه ولدي ما اعرفو..
عمار.. انا عرفت اللي فيها مين..
غزال.. جد مين !!
عمار.. طاهر.
غزال بصدمه... طاهر.. انت بتخرف تقول ايه.. طاهر ايه اللي هيجيبه لا مستحيل.. طاهر ما يعملش كده..
عمار.. لا هو.. عارفه ليه عشان اول ما طلقتك اتجوزك.. هو اللي عمل الفيلم ده كله عشان يتجوزك.. لانو عارف انى بغير عليكى وبحبك.. انا بعشقك يا غزال...
ولسه هيقرب منها بس ضربتو قلم جامد وقالت بزعيق...
اتفو عليك خسيس وواطى.. انا متجوزه طاهر اياك تقرب منى.. انا مرتو سمعت ما تداريش خيبتك فى الناس..
عمار قال بغضب... يبقى انتى كنتى متفقه معاه وخونتونى وانا ما هسيبكمش تتهنو واصل..
ومسكها من رقبتها وبقى يخنقها باديه... وغزال بقيت تكح وتحاول تبعدو عنها بس ما كانتش قادره.. بس جات نعيمه وشدته وقالت...
انت مجنون انت بتعمل ايه.. عايز تموتها وتودي نفسك في داهيه علشان حته واحده زي دي... اطلع معاي... تعال قلتلك تعال..
واخدته وطلعت بيه بره الاوضه وراحت على اوضتهم وقالت..
انت مجنون.. تودى نفسك فى داهيه عشان دى...
عمار.. نسيتنى يا اما.. بتقولي قال ايه طاهر مش هنا ما عاوزانيش اخش الاوضه وهو مش قاعد فيها...
نعيمه.. خلاص ما هي كانت معاك وانت رميتها عشان هي ما تستاهلش تفضل هنه.. هى خانت وانت رميتها خلاص حلال عليه سيبها تغور مطرح ما غايره.. اللي ترميه من يدك ما ترجعش توطي عليه... لان الكل هيكون داس عليه وما خدش بالو او حد لقاه وخدو...
طاهر كان راجع على البيت فتح باب الاوضه وقال...
احم احم بت يا غزال..
بس غزال كانت قاعده على الارض وحاطه اديها على وشها وبتعيط.. طاهر قعد جنبها ونزل ايديها من على وشها وبصلها وقال بخضه....
ايه اللي حصل مالك مين زعلك... !!
بس غزال فجاه اترمت في حضنه وبقت تعيط وتقول...
كان هيموتني يا طاهر.. كان هيموتني قال ان انت اللى كنت فى الصوره.. وقال انا كنت متفقه معاك واننا خوناه.. قال كلام كتير يا طاهر.. كلام بيوجع قوى انا مش عارفه البني ادم ده مين.. مش هو اللي انا كنت عايشه معاه. مش هو اللي انا حبيته والله العظيم مش هو
طاهر كان حاطط ايديه في الهوا ومثبتهم بس حمحم وبعدها منه بحذر وبص لها وقال...
تمام كل حاجه ليها حل اهدي ماشى...
بس غزال كانت بتعيط ووشها احمر من كتر البكاء بس بصلها بغضب لما شاف علامات ايده على رقبتها قال بذهول...
مد يدو عليكى.. خنقك صح انطقى...
المزه اتهانت وطاهر لسه عايش.. ياترى ايه هتكون ردت فعلو.. انطلاق يلا 🥰
٥... بصلها بغضب لما شاف علامات ايده على رقبتها قال بذهول...
مد يدو عليكى.. خنقك صح انطقى...
غزال بقت تبكي تاني وقالت...
ايوه عشان انا ضربتو.. عشان ... احم هو يعنى كان.. كان عايز يبوسنى.. وانا ضربتو قال كده وخنقنى... ولولا امو فلتتو منى كان موتنى...
طاهر.. احتدت ملامح وشو وضم اديه بغضب لسه هيمشي بس مسكه ايده وقالت....
غزال.. ما تروحلوش هتعمل ايه معاه ده ولد عمك..
طاهر.. هقولو ان الحركات اللي كان بيعملها وبيقبلها على نفسه انو يضرب مرته انا ما اقبلهاش على نفسي.. وهوريلو ازاى يحاول يقرب منك... هعرفو ان اللى على اسمي وتحت جناحي وفي حمايتي ما قبلش حد يقربلها لو كنت انا شخصيا..
غزال.. بصتلو وقالت.... بلاش هتكبر الموضوع اكتر عشان خاطر النبي خلاص هم اساسا مش طايقينك بعد ما انت اتجوزتني.... ما تعملش مشاكل عشان خاطري انا كنت مخنوقه وفضفضت معاك بس...
طاهر بصلها وحاوط وشها وقال.....
قلت لك من اول يوم لو هتبقي مرتي.. ما عاوزش اشوفك بتبكي ولا اشوفك منكسره ولا موطيه راسك ليهم انا مرتي ما تبكيش وما توطيش راسها تمام... انا راسى من راس مراتي ولو وطت راسها تبقى بتوطى راسي معاها...
ونزل بغضب وخبط باب اوضه عمار كسروا برجله.. عمار اول ما شافو رجع لورى برعب بس طاهر قرب عليه وخنقوا وخبطوا في الحيطه وخنقو وهو بيقول.....
قلت لك بقت مرتي انا وعلى اسمي وانت مش من حقك تمد يدك عليها.. لا وكمان بتقرب منها...
وسابو وقع على الارض ورجع وقفوا وضربوا تاني وفضل يضرب فيه جامد وبغل وبقى يخنقوا لحد ما بقى يكح..
طاهر بغضب... انت قادر تعمل حاجه.. قادر تعمل حاجه دلوك.. لا عارف ليه عشان انت اضعف مني مديت يدك على اللي اضعف منك ودي مش رجوله خالص انك تضرب اللي اضعف منك... علشان كل قوي فيه اللي اقوى منه ماشي...
ومسك ايدو اليمين ولواها ورا ضهرو وداس عليها لحد ما اتكسرت... ووقع على الارض... ومشي... وعمار بقى يتلو في الارض من كتر الام.. طاهر وهو طالع لقى نعيمه شايله الولد وواقفه بخوف اخد الولد من ايدها وبصلها بحده وقال...
كلمه كمان واللي خلق الخلق اسود عليكم عيشتكم.
نعيمه بتوت ... الصور معانا ما تفردش ريشك قوي في ثانيه الا ثانيه تلاقيها على موبايلات كل الناس..
طاهر بغضب.. اعمليها اعمليها بس قولي لولدك لو دكر يعملها عشان اخليها اخر حاجه يعملها في دنيته قبل ما ابعته للرفيق الاعلى.. قوليلو لو دكر بس يعملها ده لو ها..
ورجع على الاوضه وادى الولد لغزال.. وقعد على الكنبه...
غزال.. انت جبتو منهم ازاى رضيو يدوهولك....
طاهر.. لا عادى ما هي مش فاضيه اصلا دلوقتي لما ترجع تبقى تاخده....
غزال... هترجع من فين..
طاهر... ترجع من المستشفى بعتناها مشوار لحد المستشفى تجبس دراع ولدها...
غزال بذهول.. نهار اسود كسرت دراعه..
طاهر مسكها بغضب من دراعها وقال....
ايه اتخضيتي عليه اوعي تقوليلي اتخضيتي عليه بعد بيغير عليا انا لسه ما نسيتهاش والله ادفنو مطرحو...
غزال... لا انا ما اقصدش انا بجد زعلانه عليك انت شوف واقف قصاد الكل عشانى... وانت اصلا مش ناقص.. انا مش عارفه اقولك.. والله
طاهر.... ما تقوليش حاجه.. قوليلى بس على اي حد يضايقك وانا هموتهو لك هو واللي جابوه.. لا عاش ولا كان اللي يمد يدو عليكى وانت مرتي وفي حمايتي...
غزال... شكرا والله.. انت اول حد يوقفلي كده ويسندنى...
طاهر مسك ايدها وقال... طالما انتى مرتي وفي حمايتي.. عمرى ما هسيبك... معروفه ما فيهاش كلام.. وريتلو ازاى يقرب منك... طول ما انتى مرتى ده حقك عليا.. بعد ما نجيب حقك منهم حريتك معاكي.. توكلى على الله مطرح ما انتى عايزه....
غزال.... ما فيش مكان في الدنيا ائمن منك اروح عليه اصلا انا لو روحت بطن امي مش هيبقى انئمن من عندك. الدنيا معاك مش ناقصها حاجه... وانا مش عاوزه حقى خلاص... هو ربنا جابو كده عشان افضل معاك عشان يوريني ان اللي انا كنت معاه ده حيوان..... انا بس اللي كنت برضى بالقليل..
طاهر... هو انتى بتطلبيني ولا انا بتهيئلى...
غزال... خليك معايا ما تسيبنيش...
طاهر بتوتر.. احم نجيب حقك الاول وبعدين نتكلم في الموضوع ده... تصبحى على خير...
غزال.. وانت من اهله..
وبقت تنيم الولد فى سريرو الصغير بس الباب خبط راح طاهر فتح الباب وكانت عليا قالت بغضب...
ايه اللي انت عملته ده... انت كسرت دراع ولد عمك ليه انت على طول يا طاهر كيف التور الهايج كده نسيت عمار ده كان كيف ضلك..
طاهر... بيهين مرتي وانا عايش على الدنيا اسيبه يعني ..
عليا... لا ما تسيبوش يا طاهر اكسر دراعو... انتو كنتو كيف الاخوات ايه اللي حصل لك رايح تتجوز مرته وتضربه تكسر دراعه...
طاهر.. انا تجوز طليقته مش مرتو.. هو طلقها يبقى ما عاوزهاش... خلاص يبقى مالوش حق يسال اخدت مين ولا راحت فين ولا جات منين... لو كان يهمو امرها ما كانش سابها... بعدين يعني لو انتى حصل معاكي اللي حصل معاها كنت هترضي يسيبوكى كده...
عليا.. لا طبعا وانا ما بلومكش ان انت اتجوزتها بس كمان ما تكسرش دراعو وتزعلو ده ولد عمك... ولا لازم تستنى نعيمه تاجى كل شويه تقول لك انا عملت عشانك وانا عملت عشانك وانت خاين العيش والملح...
طاهر... اللي يقولوا يقولوا انا مش هعبر حد من هنا ورايح انا ما تجوزتهاش عشان اسيبها لهم ملطشه في البيت مرتي بقت على اسمى المفروض يحترموها كيف ما انا كنت محترمها لما كانت مرتو وكيف مكانو بيحترموا جميله الله يرحمها..
عليا وطت صوتها وقربت منه قالت...
بس يا اخويا جميله كانت ست محترمه الله يرحمها انت كنت قاعد وشفت جوزها طلقها ليه...
طاهر.. جوزها طلقها عشان حمار.. فى بلوه حصلت لمرتو ما عرفش مين اللي وراها حتى بس عرف يطلقها.. انا كمان ما اعرفش مين اللى وراها بس عارف انها ما تعملش كده لو كانت جميله انا مطرحها كنت عملت نفس اللي بعمله مع دي ما كنتش سبتها تبقى ملطشه للكل.. دى واحده بريئه بشرفك لو كانت بريئه بعد كل البلاوي اللي عملها فيها دي شوفي انتى بقى الذنوب اللي هيروح بيها..
عليا... خلاص انت حر.. بس بشويش على ولد عمك ما تزعلش منو راضيه يلا سلام تصبح على خير...
طاهر.. وانتى من اهله
ودخل ينام على كنبته بس بقى يبص عليها كل شويه كانت بترتجف من الخوف وبتبص حواليها...
طاهر .. مالك ما تنامي في حاجه... !!
غزال بصوت بيتقطع... مش عارفه ما نمتش مش قادره انام...
طاهر بابتسامه.. اوعى تكونى خايفه يا وحش الكون...
غزال بدموع... قوى.. قوى يا طاهر...
طاهر راح على السرير مدد جمبها وفرد ايده وشدها لعنده.. وغزال مسكت فى هدومو بخوف.. طاهر حط ايدو على دماغها وبقى يقرا قران لحد ما نامت.. وفضل يبصلها لحد ما نام هو كمان... في صباح يوم جديد.. جاتلو رساله على الموبايل.. بصلها بفرحه ونزل وراح على مكان.. وكان عماره عاليه وبقى يطلع على السلالم لحد ما وصل على السطح وشاف ايوب ماسك بنت 18 سنه واقفه وبتقول بخوف...
عاوزه امشي انا ما عملتش حاجه..
طاهر.. مين الحلوه !!..
ايوب... دي حسناء هلال صاحبه الخط..
اوبا الفار دخل المصيده..
الاخير.. طاهر.. مين الحلوه !!..
ايوب... دي حسناء هلال صاحبه الخط..
طاهر.. الله يحرقك بجد وانا قلت لك جيبلي معلومات عن البنت. مش البنيه نفسها...
ايوب... شوف بقى خير عم تعمل شر تلقى انت قلتلي عايز معلومات من تحت الارض جبتها لك هي كلها.... خد اللى عايزه انت بقى ...
طاهر.... عملت خير.. بصي عشان انا ما بحبش الف وادور كثير في الكلام...
وطلع سلاح وحطه على دماغها وقال..
الصور اللي اتبعتت من تليفونك على تليفون عمار.. مين اللي قالك تبعتي الصور دي يا شاطره... وايه حكايتها بالظبط.. زي ما قدرنا نجيبك هنقدر نعرف اذا كنت كدابه ولا لا ساعتها مش هجيبك لان مش هيبقى عندك رجلين تاجى عليها... واحتمال ما تبقيش عايشه اصلا فانجزيني عشان انا بزهق بسرعه...
حسناء بسرعه.. واحده ما عرفش اسمها ادتنى فلوس كتيره قوي عشان اعمل كده... رقمها معايا اتصلكم بيها بس سيبونى في حالي انا والله العظيم ما عملتش حاجه ..
طاهر... يعني حلقت عليكى واحد في الشارع قالتلك تعالى ابعت الصور من عندك.. هتستعبطيني يا بنت.. هى اصلا شكلها ما لهاش فيها اصلا...
حسناء.. بصراحه كده انا انا اصلا خدامه.. انا واخويا هو 20 سنه بنشتغل يعني حد عنده جنينه عاوزه تتنضف بنروح عند كل الناس.. فى مره روحنا عند واحده... طلبت مني انا اعمل كده.. قالت اخوي هينام جار البت دي وبعتتها من عندي عشان رقمها ما يظهرش عند الراجل اللي بعتتله الرسايل..... بس انا الرقم بتاعها قاعد معايا اقدر ارن عليها.. اخويا ما عملش حاجه بس لقطت الصوره ومشى احنا كنا عاوزين فلوس.. لامى وماتت برضو...
طاهر.. انتى هتشحتي.. ماتت عشان الفلوس حرام ازاى تفكو ضيقتكم على حساب بت تانيه... لا ده انتى هتتنفخي عارفه يعني ايه هتتنفخي... هتفضلي تتنفخي تتنفخي لحد ما تطيري انتى واخوكى واللي بعتتكم.... اتصلي بيها قوليلها تاجي هنه وحسك عينك تقوليلها ان انا هنه.... ولا يمين بالله اخلص عليكى...
هي اتصلت باللي بعتتها وقالتلها تيجي ودتلها العنوان.. وهو اتصل بغزال وقالها العنوان.. وبعتو بعدها بشويه لعمار ودالو العنوان... بعد شويه جات غزال وقالت بتعب من السلم...
انت فين يا عم في المغاره دي انا خوفت على بال ما طلعت.. مين دي... !!
طاهر.. دى تعرف مين اللي ورا المصايب كلها واخوها اللى كان معاكى...
غزال بغضب... ليه عملتلكم ايه انا !!
طاهر... اهدى هى اتصلت بيها وجايه وهنعرف هنتخبى ورا العمود ده.. ونشوف هتعرفها او لا.. اه وما تفكريش ترمحي عشان في رجاله مستنينك تحت...
ووقفه ورا العمود شويه وطاهر كان واقف قصادها ومحاوطها....
طاهر.. ايه بتبصلي كده ليه.. !!
غزال... مش مصدقه انك قدرت تجيب اللى عمل كده.. طب كنت جبتو من غير ما تتجوزنى... يعني لازم تطلقني وتتجوزني...
طاهر... ههه انا كنت فاكره حبسك وبيدور... ما كنتش فاكره هيحبسك ويرميكى وياخد ولدك... يلا كل حاجه فى أوانها بتبقى جميله...
بس برق بصدمه كبيره لما دخلت اخته عليا وقالت لحسناء بغضب...
ابو اللي جابك انا مش قلتلك يا بنت تنسي انك شفتيني انتى هتوديني في داهيه...
حسناء... انا انا ما ليش دعوه مشيو ورايا وهيعرفو انه انا واخويا اللى اذينا البت وعدتيني ان اخويا بره اللعبه قولتى وشه مش هيظهر في الصور وانتى صدرتينا وخلعتى....
عليا.... بقولك ايه يا بنت انتى بيدور وراكم تهجو من البلد...
حسناء... هو احنا لو حيلتنا حاجه تهربنا كنا اشتغلنا معاكى..
طاهر وغزال كانو واقفين بصدمه وبيبصوا لبعض بصدمه.. فى الوقت ده دخل عمار ونعيمه عمار قال بغضب..
ايه اللي بتقوله البنت دي.. اخوها نام جار مين... وصورتو مين... اوعي تكون هي...
حسناء ببكى... لا انا ولا اخويا لينا صالح هي لقيتنا احنا كنا جايين ننظف الجنينه وقالت لنا نعمل كدا قصاد فلوس استنتهم يناموا وحطت للبنيه منوم نومتها ونومت اخويا جارها.. وصورت.. احنا ما نعرفش عملت كدا ليه.. بس اتجبرنا امى كانت بتموت وخدنا للفلوس للعمليه وبرضو ماتت...
عمار.. اه يا بنت الكلب يا واطيه ليه تخربي حياتي انا طلقت مرتي وبعدتها عن ولدي بسببك..
عليا ببكى... ليه خربت بيتك جد.. كيف ما انت خربت حياتى... انت خربتلى حياتي انت قلت انك بتحبني قلت لي انك هتتجوزني خليتني صدقتك وسلمتك روحي ولما اخدت مني اللي انت عايزه قلتلي ما حدش ياخد واحده كانت معاه واللي تاجى رخيص تروح رخيص.. حسستنى اني واحده رخيصه كنت مع ميت واحد غيرك... واتجوزتها هى وسبتنى...
عمار بغضب.... عشان انتى فعلا رخيصه عشان هي عمرها ما كانت تعمل اللي انتى عملتيه...
طاهر بصدمه... مين دي مش اختي صح... انا شايف غلط... في حاجه غلط... في حاجه مش صح.. كيف كده طب انا كيف ما كنتش عارف.. انا..
غزال بدموع... اهدى.. اهدى تمام خلاص.. انا.. انا مسامحاها انا مش زعلانه منها ما فيش حاجه خلاص..
طاهر.. ضيعه شرفنا كانت عايزه تطلعك بالصوره اللي هي طلعت بيها... ايه الغل ده... كيف تعمل حاجه تغضب ربنا مش دي اختي اللي انا ربيتها مش هي...
وطلع السلاح بتاعه بس هي مسكته وفضلت تترجاه وتقوله...
علشان خاطري عشان خاطري.. لجل خاطر النبي.. لجل خاطر النبي.. خلاص عشان خاطر...
طاهر.. الموضوع مش بس ليكي.. ده شرف العيله ده مصيبه.. خربت حياتك ما ينفعش تعيش مع الناس اصلا...
بس بعده بخضه لما سمعوا صوت نعيمه بتصرخ باسم ابنها وكان بيخنق عليا ومصر يرميها من فوق.. وهي مسكت في رقبته وقعو هم الاتنين من فوق العماره.. جريو بسرعه يشوفوهم بس كانو واقعين على الارض.. والدم محاوطهم.. طاهر غمض عينيه والدموع بقت تجري على خده.. وغزال شهقة بصدمه وجريت على نعيمه... اللى رجليها اختلت وقعدت مكانها على الارض بقت تندب على ابنها...
بعد ٣ سنين عدوا على ابطالنا.. وكانو غزال ورحمه فى المطبخ وبيحضرو...
رحمه.. كفايه ورق عنب انتى مليتي نص الاطباق...
غزال.. يا بت ابوكى بيحبو..
رحمه.. ايوه بيحبه بس مش لازم نعمل له كل اللي هو بيحبه...
جيه طاهر.. حبيبه قلب ابوها بتعمل ايه... ايه ده انتى داخله تعمليلي اكل يا سته انا..
رحمه.. بقولها كفايه لسه بتلف..
طاهر.. اتفقتو عليا.
رحمه.. انت حبيبي كده كده انا هروح العب مع زين تحت بقى.. وانتم خليكم...
غزال... جدتك نعيمه نايمه شوفيها لو عايزه تقوم اندهينى ما تزقيش انتى الكرسي بيها لا توقع..
رحمه.. ماشي اصلا هحط زين على كرسي جدتي وازقه..
ومشيت طاهر... ايه الفال العفش ده..
غزال.. بيلعبوا قال.. يا ريت عقلي عقل صغير الكرسي بعجل لعبه عندهم... وجدتهم ماساه عندها.. يا عيني من يوم الحادث وهي قاعده عليه.. هم بيلعبوا بيه عربيه..
طاهر.. اه سيبك من المواضيع دى بتجيب كرشت نفس.. تعالى معايا هوديكى للطراوه....
غزال.. ايه هتوريني ايه... تعالي معايا هو انا هخطفك..
وطلع فوق في اوضته.. وقال..
شايفه البرواز الكبير ده.. عايزك تشيلي القماشه من عليه بقى وتتفاجئي باللي جواها.. ها لازم تتفاجئ...
غزال شالت القماشه وكان راسم هو وهي واقفين سوا وزين ورحمه جنبهم وغزال كانت شايله ولد صغير خمس شهور.. وطاهر محاوطها باديه وقدامهم نعيمه على كرسى بعجل.. والرسمه محطوطه في اطار بالذهب..
غزال... ايه الجمال ده... يا ربي..
طاهر.. ايه حلوه... النهارده ايه.. عيد جوازنا... عيد جوازنا الحقيقي... ما اقدرش انسى اي حاجه متعلقه بيكي... خلاص القلب والعقل اتشغلو بيكى..
غزال.. حبيبى انا كمان جبتلك هديه خد افتحها..
طاهر فتحها وكانت بيجامه حمرا ستان طاهر بصلها بتوتر وقال...
احم دى لمين !!.
غزال.. ليك انت يا قلبى..
طاهر.. ايه بيجامه.. هو انا بلبس البتاعه دى... يا بت دي حريمي...
غزال.. حريمي ايه البيجامه دى ليك انت...
طاهر.. بس بيجامه حمرا ليه يعني ما عجبتكش ..
طاهر.. انتى لو جبتى بتمنها بدله رقصه.. وهزتيلى بيها كان احسن ليا وليكى... اه والله بتكلم بجد...
غزال.. لا بقى انا عملتها بيدى مخصوص عشانك.. يلا البسها عشانى..
طاهر.... صعب والله يعني انتى لو بتطلبي عينى احسن..
غزال.. لا انا عملتهالك على يدي بالمكنه والله العظيم عملتها لك على يدي حته حته..
طاهر... انا عشان انتى عملتيها حته حته هعلقها في الدولاب وابص عليها كده على طول 24 ساعه... رسمتى تتعلق على الحيطه وهى تتعلق فى الدولاب كده خالصين..
غزال.. يلا بقى روح البسها بلاش غلاسه...
طاهر.. هه لا ما تحلميش.. انسي مستحيل... على جثتي خلاص خلصانه..
بعد شويه كان لابسها وقاعد على الطاوله وفى حواليهم شموع... وهي كانت لابسه روب طويل باللون الاحمر من نفس القماشه..
غزال.. حلوه قوى عليك كيف ما تخيلتها..
طاهر.. خلاص ما تفكرينيش بتضايق من نفسى لما بشوفنى لابسها.. مش كفايه باكل الاكل على زوقك... البس كمان على ذوقك..
غزال.. مالو زوقى ما عجبكش اياك..
طاهر.. لاع عاجبني.. بس شكلي بيها.. شبه كوتي قمور.. كوتي شطور...
غزال بدلع.. كوتى يا حياتي يا كيوتي.. غنيهالى...
طاهر.. ايون ايوه.. ما كانش ناقص غير اغنيلك...
غزال.. عادى مش انا مرتك حبيبتك... احلى حاجه فيك انك مش بتكسر بخاطري..
طاهر.. صوح.. عبيط ما شى وراكى... على راى المثل شورت المرا... ترجع ورا...
غزال.. لا اسمها بيجبر بخاطرها يعني بيحبها.. وشورتنا ما بترجعش ورا.. ورا كل عظيم امرأة..
طاهر بغيظ منها.. تهد اللى بناه.. دى تكملتها..
غزال.. جد
طاهر.. وايه اللى يصبرنا على بلاويكم غير حبنا ليكم.. انتى الحب يابت.. يعنى انا لو ما كنتش بحبك كان زمانى لابس احمر دلوك.
غزال.. بحبك احلى حاجه فيك..انك بتحبني وما بتكسرش خاطري... انك بتعملى اللي عايزاه.. معاك كدا بحس ان انا فرحانه قوي.. ببقى متطمنه وانا معاك.. انت بقى تحس بايه وانت معايا..
طاهر.. انا بحس اني مجنون.. بيكى يعنى مجنون بيكى..
غزال.. لسه ناقصلك شويه فى الرومانسيه..
طاهر.. هتعلم مش لبست البيجامه الحمرا... العافيه درجات..
غزال.. يدي بيدك نطلع فوق سلم الحب درجه درجه..
طاهر.. فعلا واقولك حبيبتي تقولي حبيبي.. يقولوا على ايه... اقول حماره الحب عرجه...
غزال بغيظ منه.. طااااهر..
طاهر.. يا بت بهزر معاكى.. انتى حبى والله عيوني.. انا من ساعه ما شفتك وانا رجعت اضحك.. انا قلت بعد جميله عمري ما هحب ولا عمري هعيش... ما كنتش اعرف ان القلب ده هيرجع يدق لحد تاني واصل... كنت مفكر ان بعدها خلاص ما فيش حياه.. بس انتى الحياه اللى ربنا بعتهالى.. انتى ربنا جابك ليا رحمه عشان ترديلي الروح من تاني.. ميت فيكى يا روحى اللي رجعت لقلبي روحو.. ربنا يديمك فيه.. ويفضل ينبض بيكي.. يا غزالى الطاهر..
كدا خلصت كل قصه وانتو طيبين.. هستنى رايكم فيها 🥰
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق