فراق وحرمان كتابة واقتباس الكاتب محمد منصور حصريه وجديده

 فراق وحرمان كتابة واقتباس الكاتب محمد منصور حصريه وجديده 

قصة حقيقية 

علي طريق مصر اسماعلية الزراعي وبعد اذان المغرب ومع حلول الظلام  عربية ملاكي وبسبب مجهول تنحرف عن الطريق وكان جوة منها ام وبنتها اللي عندها 10 سنين  الام بعد الحادثة بكام ساعة تفوق علشان تلاقي العربية علي ظهرها وبنتها مصابه في دماغها وبتنزف.  والحادثة حصلت بالتحديد قبل فايد ب 5 ك.  في منطقة اسمها الجنينة.  وبعد ما الام تفوق تشيل بنتها وتنزل بيها من العربية وهي زي المجنونه البنت مغمي عليها والدم بينزل منها والمنطقة مقطوعه تروح بيها فين. ووسط حيرة الام تشوف من بعيد نور تروح ناحية النور وتلاقي فيلا كبيرة تجري ناحية الفيلا وتلاقي بوابتها مفتوحة وعربية مركونة قدام الباب علي الكابوت بتاعها دم.  عدي عليه سنين. ودة كان باين تحت اللمبة الوحيدة الموجودة قدام باب الفيلا وباقي الفيلا مظلمة خبطت علي الباب وهي  هتموت من القلق علي بنتها وتستني حد يفتح وفعلا انفتح الباب. لكنة ما كنش باب عادي دة كان باب. هيكون سبب فراق وحرمان.

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                       ★ محكمة الاسرة ★

وكانت الجلسة سرية وقدام القاضي تقف شيرين موظفة في النيابة العامة. وقصاد منها بنتها رحاب. وجنب بنتها من الناحية التانية الزوج طارق.  والقاضي كان باصص ليهم وبيقول

حكمت المحكمة برفض دعوي الزوج طارق عبد الحميد دسوقي. بحضانة بنته رحاب. واستمرار حضانة الام شيرين شادي فاروق لبنتها رحاب.  رفعت الجلسة

طارق بعصبية

جاملتها علي حسابي. ما النيابة ولاد عم القضاء.

القاضي بعصبية

حبس شهر ل طارق عبد الحميد دسوقي لاهانتة للقضاء.  

لسة هيتكلم طارق قال القاضي بمنتهي الحزم

كلمة تاني تخرج من بوقك الحكم هيكون سنة.  علشان فعلا اوريك احنا بنجامل النيابة واللي شغالين فيها ازاي

وقام القاضي مشي وخرج من القاعة والعساكر مسكو طارق وهو بص ل شيرين وقال

ورحمة امي ل حرمك منها.

خافت شيرين من اسلوب طارق وضمت بنتها ل حضنها وهو بص ل رحاب وبرق لها وقال

وانتي انا هعرفك ازاي تختاري امك.  هي كلها شهر وخارج لكم. خارج لكم 

دخلت رحاب في حضن امها اوي وحالها ما كنش يختلف عن حال امها وهو بيبص لهم والعساكر بيسحبو لتنفيذ الحكم.  وخرج من القاعة وقالت رحاب

ماما هو بابا ممكن يحرمني منك.

شيرين

متخافيش طول ما انا معاكي متخافيش 

وخرحت شيرين وبنتها من القاعة، ،،،،،،،،،،

المشهد الثاني

                       ★شقة شيرين★

                       ‏

شيرين بتصب شاي لاختها فريدة الكبيرة وهي بتقول

انتي ما تعرفيش انا خايفة اوي ازاي. طارق فعلا ناوي ليا ول بنتي علي الشر.  انتي عارفة في وقت الخسارة هو بيبقي مجنون قد اية

فريدة

قاكرة من يوم ما كان بيخسر في التنس كان بيكسر المضرب وكان عنده استعداد يكسر دماغ اللي كسبه

شيرين

اهو انتي قولتيها وبنفسك ودة رد فعله في خسارة لعبة ما بالك بقي في خسارة بنته. اكتر واحدة بيحبها في الدنيا

فريدة

والله يا شيرين مش عارفة اقول لك اية بس انتي اللي جبتي ل نفسك. وياما بابا الله يرحمه حذرك من الجواز منه وانتي ركبتي دماغك واتجوزتي

شيرين

كنت صغيرة وحبيته اوي. لكن خلاص بقي ما بقاش ينفع الندم ويارتني كنت سمعت كلامكم

فريدة

طيب دلوقتي بقي ممكن تسمعي كلامي وتيجي تعيشي معانا في فايد مع جوزي اسامة. واهو اسامة ظابط شرطة ويقدر يحميكي انتي وبنتك

شيرين وهي بتشرب. الشاي.

بتقولي اية بس وشغلي في النيابة ومدرسة بنتي انا كدة بلخبط حياتي كلها. 

فريدة

تتلخبط حياتك ولا نفضلي عايشة في قلق من اللي هيعملو طارق فيكي. دة مجنون ومش بعيد يخطف بنتك

شيرين

ما يقدرش البلد دي فيها قانون وانا لو سمعت كلامك ونقلت حياتي كلها ل عندك يبقي بقول له انا خايفة منك وانا حتي لو خايفة ما ينفعش ابين لي ولازم اقف في وشة واحمي بنتي

فريدة

دة لو انتي هتتعاملي مع راجل يعرف الاصول مش واحد ما عندوش ذرة رجوله ولا يعرف الاصول زي جوزك

شيرين

ربنا قادر يحميني منه. 

وفي الوقت دة ينضم ليهم اسامة جوز فريدة اللي كان في البالكونة معه مكالمة من زميلة في الشغل واول ما شافته فريدة قالت

كل دة رغي

اسامة بيقعد جنب منها وهو بيقول

شغل يا ماما هو انتي فكراني عاطل زيك

فريدة

قولت لك اشتغل وانت اللي مش راضي

اسامة وهو بيبص ل كوبيتين الشاي قال

كوبيتك اني واحدة في الاثنين

فريدة بصت ل شيرين وقالت

عايز يشرب مكاني علشان يفضل يجري ورايا

اسامة بهزار. وهو بيضربها في ذراعها

انا عايز اجري منك.  اخلصي وقولي اني كوبيا بتاعتك

فريدة وهي بتدعك ذراعها

ايدك ثقيلة 

شيرين وهي بتقف

اقوم اعمل لك كوباية شاي بسرعه

اسامة

لا. انا عايز كوبيتها هي علشان اشربها لانها مش هتشرب شاي تاني بالليل.

شيرين مستغربه

ولية بس

اسامة بصت ل فريدة

هي عارفة لية

فريدة بصت ل شيرين وقالت وهي لسة  يتدعك ذراعها 

اصل الشاي بيخليني ادخل بالليل الحمام كتير وهو بيصحي وانا معدية من فوق منه

اسامة

لانك كل مرة بدوسي بركبتك علي رجلي

فريدة

ما انا ما ببقاش شايفة

اسامة ل شيرين

شايفة

شيرين ضحكت وقالت

وربنا انتو الاثنين عسل. ربنا يخليكم ل بعض

اسامة

طيب ما تسمعي الكلام وتعالي عيشي معانا في فايد 

فريدة. وهي ماسكة كوبية الشاي

قولت لها وهي مش راضية دة،،،،،،،،،،،،،

وسكت لما شافت بص اسامة. ليها وللكوباية اللي علي  شفايفها وقال

شكلك انا اللي هسيبك هنا وهروح فايد ل وحدي

فريدة شالت الكوباية من علي شفايفها وحطتها تاني في الصنية وقالت

مش شاربة.  دة انت راجل صعب

وخنقته بهزار. وضحكت شيرين ضحكة المر.   شيرين اللي ياما حلمت براجل يحبها زي اسامة.  راجل يرويها بحبه. ويحببها في الدنيا. اللي شافته شيرين مع طارق خلاها تبان اكبر من اختها الكبيرة. واللي بتشوفو فريدة مع اسامة خلاها تبان بنت بنوت.  ،،،،،،،،،،،،،

المشهد الثالث

                           ★القسم★

من جوة مكتب المامور يجلس راجل باين عليه الهيبة والشهر الابيض زاد كتير من هيبته والشخص دة هو محامي عائلة طارق.  واسمة ابو المجد وكان قاعد قصاد منه طارق وبيقول

اديني عملت اللي انت طلبته مني وبسبب فكرتك دي اتخبط شهر حبس

ابو المجد

دة.ل مصلحتك صدقني

طارق

اية بقي المصلحة في حبسي

ابو المجد بشر 

ما انا قولت لك بنتك ترجع لك 

طارق

ازاي ومراتي عرفت. تكره بنتي فيا وخلتها تختار تعيش معها

ابو المجد

البت عملت الصح هو انت مين يعيش معاك. دة انا نفسي لو القاضي سالني هقول له اعيش مع كلاب السكك وانت لا

طارق 

اية يا متر ما تخلي بالك من كلامك. انا ساكت لك بس علشان انت في مقام بابا

ابو المجد

لا يا طارق انت ساكت علشان محتاجني وعارف ان ابو المجد هو الوحيد اللي يقدر يرجع لك بنتك

طارق

وماله هو انا ساكت علشان كدة. فهمني بقي اية المصلحة في حبسي وازاي هترجع لي بنتي. هترفع قضية تانية 

ابو المجد 

بالقانون مش هينفع. 

طارق

اومال هتعملها ازاي

ابو المجد

هنخطفها

طارق

تخطف مين يا متر ما وقتها الحكومة هتعرف اني انا اللي عملتها

ابو المجد

تعملها ازاي وانت محجوز عندهم

طارق عيونه لمعت من حلاوة الفكرة وكمل ابو المجد وقال

تخرج تلاقي بنتك في حضنك تاخدها وتسافر علي سفينة رايحة ايطاليا سنة اتنين. بكون الحوار مات ترجع تاني وبنتك معاك تكون قدرت تميل قلبها وعقلها ناحيتك وتخليها تحب تعيش معاك. ولو ما قدرتش تعمل كدة. احسن لك خليك عايش برة انت وبنتك.

طارق

مش طارق اللي بت مفعوسة زي رحاب تعصي عليها. وانا هثبت لك ان سنة كفاية اوي علشان تقول بابا حبيبي

ابو المجد ضحك وقال بسخرية

ورحمة امي البت ممكن ترجع من ايطاليا عوم بس تهرب منك

طارق

هو انت مالك يا متر مش حاببني لية. ولما انت شايفها خسرانه خسرانه بتساعدني لية

ابو المجد وقف وعدل بدلته وقال

علشان فلوسك اصلك بتدفع حلو.  

طارق

وانا اللي قولت انك زي بابا

ابو المجد

ابو المجد لو جاب عيل زيك. مش فالح الا في الفشل كنت ضربته بالنار من زمان ووقفت اول واحد اخد عزاء.  قوم يلا كمل اللي كنت في.  وبكرة تحضر لي شيك ب 20 الف ج.  لزوم العملية ولزوم ترويقك في السجن هنا. ولا تحب تنام مع المسجلين

طارق

لا. زي ما انا في الزنزانه الخصوصي اللي دخلتني فيها

ابو المجد

طيب ادفع بقي واستني مني قريب خبر يفرحك ،،،،،،،،،،،،،،،،،

المشهد الرابع

                         ★شقة شيرين★

بعدها باسبوع شيرين بتحضر شنطة سفرها في اوصتها تدخل عليها رحاب وتقول لها

ما يلا بقي يا ماما خالتي قالت لك ما نتاخرش

شيرين

مش بجهز هدوم تقضينا التلت ايام اللي هنقعدهم في فايد

رحاب

انتي ما تعرفيش انا فرحانه قد اية انك وافقتي اننا نروح

شيرين. بصوت حزين 

علشان تبطلي زن انتي وخالتك مع اني مش فايقة دلوقتي ل رحلة زي دي

رحاب

ماما بطلي نكد بقي ويلا بينا

شيرين

انا نكدية يا رحاب 

رحاب حضنتها وقالت

ما تزعليش حقك عليه. انا اقصد انك نكدية اوي 

وضحكت رحاب وبعدها ضحكت شيرين وخدتها اوي في حضنها وقالت شيرين

يجو يشوفو الرجاله اللي انا مديرتهم في الشغل وانا بتهزق من عقلة الاصبع،،،،،،،،،،،،

المشهد الخامس

                          ★الشارع★

 شيرين جوة عربيتها وماشية في طريق فايد الزراعي ووراء منها كذا نقطة من زيت الفرامل اللي واضح ان بيسرب من وقت طويل.  ومع اذان المغرب وحلول الظلام. تبص رحاب ليها وتقول

ماما ما قربناش نوصل

شيرين

هانت كلها 6 كيلو

رحاب وهي بتبص للطريق المهجور

وهو الطريق ماله كدة يخوف

شيرين

هو الطريق دة كدة الاضاءة في قليلة و العربيات علية برضو قليلة. لكن متخاف،،،،،،،،،

في الوقت دة تظهر عربية تانية. فيها اتنين مسجلين خطر. باعتهم ابو المجد المحامي الاول اسمه سعد. والتاني صبحي  ويبداو يخبطوا في عربية شيرين من وراء. صرخت رحاب وبصت شيرين ليهم وهي مرعوبه وقالت

عملها طارق الكلب

وشخط فيها سعد وقال 

اركني علي جنب. احسن لك

لكن شيرين ما تسمعلوش وتفضل دايسة علي البنزين والعربية تنحرف منها وتدخل وسط اراضي زراعية وتبدأ تتخبط وشيرين تحاول تدوس فرامل لكن الفرامل ما كنتش شغاله وشيرين ما بقتش قادرة تسيطر علي العربية وفضلت تحاول تدوس فرامل ومافيش فايدة لغاية ما اتقلبت بيهم اكتر من مرة. وسط صرخات الخوف والرعب  واستقرت العربية علي ظهرها ،،،،،،،،،،،،

ح(2)

فراق وحرمان

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                    ★الطريق الزراعي★

شيرين جوة عربيتها. وجنب منها بنتها رحاب وفي طريقهم ل فايد و تظهر عربية تانية. فيها اتنين مسجلين خطر. باعتهم ابو المجد المحامي الاول اسمه سعد. والتاني صبحي  ويبداو يخبطوا في عربية شيرين من وراء. صرخت رحاب وبصت شيرين ليهم وهي مرعوبه وقالت

عملها طارق الكلب

وشخط فيها سعد وقال 

اركني علي جنب. احسن لك

لكن شيرين ما تسمعلوش وتفضل دايسة علي البنزين والعربية تنحرف منها وتدخل وسط اراضي زراعية وتبدأ تتخبط وشيرين تحاول تدوس فرامل لكن الفرامل ما كنتش شغاله وشيرين ما بقتش قادرة تسيطر علي العربية وفضلت تحاول تدوس فرامل ومافيش فايدة لغاية ما اتقلبت بيهم اكتر من مرة. وسط صرخات الخوف والرعب  واستقرت العربية علي ظهرها. ودخل سعد وصبحي بعربيتهم في نفس الطريق اللي دخلت في عربيه شيرين وشافو العربية المقلوبة فقال سعد ل صبحي. وهو مرعوب 

العربية اتقلبت بيهم. دول زمانهم راحو في خبر كان 

صبحي

طيب والعمل يا صاحبي

سعد

هي فيها عمل لازم نبلغ فرار دة جريمة قتل

صبحي

انت هتخرف واحنا مالنا ومال اللي حصل لهم

سعد

لا ياراجل مش جريها مننا هو السبب في انها تدخل في الزراعه وتنقلب عربيتها.  بقول لك اية ارجع بينا

صبحي

طيب ما ننرل نشوفهم يمكن البت فيها الروح ناخدها ونمشي

سعد بحدة 

انت هتخرج بينا من هنا قبل ما حد يشوفنا.

صبحي

وابو المجد باشا لما يسالنا

سعد

هنقول له ماتت مع امها في العربية. انا اخطف اسرق انما اقتل مش سكتي لو انت عايز حيل المشنقة يلف حوالين رقبتك انزل انت 

صبحي

لا يا صاحبي انا زيك الدم مش سكتي

واتحركوا الاثنين بالعربية وسابو شيرين وبنتها جوة العربية المقلوبة، ،،،،،،،،،

المشهد الثاني 

                        شقة فريدة 

بعد اذان العشاء بساعة. كانت فريدة واقفة في البالكونة قلقانة علي اختها شيرين اللي لسة ما وصلتش. دخل لها اسامة البالكونة وقال

ما ظهرتش برضو

فريدة بقلق شديد

ما ظهرتش يا اسامة ومش معقوله كل دة في الطريق. دي نازله بعد العصر

اسامة

ان شاء الله خير.  ما تقلقيش يمكن بعد ما نزلت افتكرت انها ناسية حاجة ورجعت تاني تجيبها من شقتها او مثلا الطريق الزراعي واقف بسبب حادثة او عربيتها عطلت. يعني خير باذن الله

فريدة 

يعني لو كنت سمعت كلامي وروحت جبتها ب عربيتك

اسامة

ما هي ما رضيتش يا فريدة

فريدة

ما كنتش سمعت لها وروحت جبتها.

اسامة

هي شيرين صغيرة اروح اجيبها بالعافية.  

فريدة

طيب اتصرف يا اسامة هو انت مش ظابط

اسامة

هاتصل بالدوريات علي الطريق الزراعي يشوفو عربيتها ممكن تبطلي قلق بقي

وراح اسامة ناحية التيلفون الارضي وطلب رقم. واستني للحظات وبعدها قال

ايوة يا ابني حولني بقائد الدوريات علي الطريق الزراعي.،،،،،،،،،،،

المشهد الثالث

                        ★مكتب★

ودة مكتب المحامي ابو المجد.  اللي كانت قاعد وراء مكتبه بيقراء بعض الاوراق وقت ما رن التيلفون الارضي رفع السماعة وقال

الو

صوت سعد

ابو المجد باشا معاك سعد

ابو المجد

اية سعد. طمئني البت بقت معاكم

سعد

العربية اتقلب بالبت وامها والاثنين ماتو

ابو المجد بنرفزة

بتقول اية.

سعد

حادثة يا باشا والعربية ولعت بيهم وماقدرناش نلحق البت

ابو المجد

جوز اغبياء.  انا غلطان اني اعتمد علي اتنين زيكم.  

سعد

غصب عننا يا باشا واحنا ما رضناش نستني لغاية ما نوصل القاهرة وبنكلمك نعرفك اللي حصل من كشك علي الطريق الزراعي

ابو المجد

طيب اقفل ومش عايز اسمع صوتك تاني

وحط ابو المجد السماعة وقال بعصبية شديدة

بموت البت اتحرمت من 100 الف ج. كنت هاخدهم من طارق علي حس العملية دي

وقام من وراء مكتبه وهو متعصب جدا وبدأ يروح ويجي في المكتب ووقف مرة واحدة وابتسم وقال

معلش بقي يا طارق هخليك تسافر ببت تانية علي انها بنتك.  ويبقي برضو مبروك عليه ال 100 الف ج.

وضحك اوي اوي اوي،  ورن التيلفون تاني راح رد وقال

الو

صوت سعد

ياباشا الكلام ما يبقاش كدة احنا برضو لينا عندك فلوس. وعيب لما تقفل السكة في وشي

ابو المجد

لو عايز فلوس ترجع لي ببت

سعد

ارجع بس بالبت ازاي بقول لك ماتت يا باشا

ابو المجد بصوت الشيطان

ارجع لي باي بت تانية تكون في سن رحاب

سعد

ودة بقي اسمه اية

ابو المجد

ماتسالش فلوسك هتاخدها لما تنفذ اللي قولت لك عليه. سلام

وحط ابو المجد السماعة تاني، ،،،،،،،،

المشهد الرابع 

                      ★شقة فريدة★

اسامة بيحط سماعة التيلفون وفريدة بتقول له

لقو العربية 

اسامة

العربية ملهاش اي اثر علي الطريق

فريدة

يعني اية. شيرين عملت حادثة

اسامة

يا فريدة ما تقدريش البلا. قبل وقوعه. بقول لك ملهاش اي اثر علي الطريق. لو عملت حادثة كنا عرفنا

وبرضو مش عايزك تقلقي الدوريات بدور عليها

فريدة

عملها طارق وخطفها هي وبنتها

اسامة

والله يا فريدة لو طلع طارق وراء اي حاجة حلصت ل شيرين او بنتها انا مش هرحمة. بس خلينا نهدي وان شاء الله تكون هي وبنتها بخير

فريدة

قوم البس وجهز عربيتك انا هنزل ادور علي اختي بنفسي

اسامة

دة كلام بس 

فريدة وهي بتقف ومصرة

هتيجي معايا ولا انزل لوحدي

اسامة

جاي معاكي بس اهدي، ،،،،،،،،،،،،

المشهد الخامس

                       ★عربية شيرين★

بعدها بساعتين شيرين جوة العربية مصابة في دماغها ودراعها وبدات تفوق لقت نفسها مقلوبه حاولت تتعدل بصعوبه واتعدلت وعيونها تيجي علي رحاب اللي كانت بتجيب دم من دماغها صرخت شيرين وبدات تهز في رحاب وهي بتقول

رحاب ردي عليه. رحاب

فتحت باب العربية وخرجت بصعوبه وبدات تسحب رحاب وخرجتها  برة العربية وفضلت تهز فيها وتقول بقلق شديد 

رحاب.

وحطت ودنها علي صدرها سمعت دقات قلبها اطمئنت شوية قطعت حتي من فستانها،  وبدات تكتم الدم اللي نازل من رحاب. وشالتها وهي مش قادرة وبدات تبص حوالين منها. لكن المنطقة مقطوعة ومافيهاش اضاءة تقريبا لكن لفت نظرها لمبة كبيرة علي مسافة قررت تروح ناحية اللمبة دي.  يمكن تلاقي حد يساعدها.  واتحركت ناحية اللمبة وبدات الخطوات تبقي ثقلية خطوات مصحوبه بالخوف والتعب لان شيرين كمان فقدت كتير من الدم ووصلت شيرين لغاية اللمبة لقتها لمبة متعلقة قدام باب فيلا داخلي وبوابة الفيلا كانت مفتوحة دخلت وشافت عربية عليها بقعة دم عدي واضح انها عدي عليها سنين. ما اهتمتش شيرين مع ان الفيلا تبان مريبة لكن كل اللي يهم شيرين انها تلاقي حد يساعدها و تنقذ بنتها.  وبدات تخبط وتخبط وتخبط. واخيرا باب الفيلا اتفتح او بمعني ادق اتفتح اللي يبين وش اللي واقف وراء الباب  علشان تشوف وش عجوز في الستينات من عمره ماسك شمعه في ايدة  بص لها وبص ل بنتها وقال

انتي مين

شيرين

من فضلك انا غريبة مش من هنا وعملت حادثة انا وبنتي وبنتي زي ما انت شايف. ومحتاجة مساعدتك

فضل باصص. لها العجوز دة وهو ساكت وبص ل رحاب وفضل ساكت فقالت شيرين برجاء

ابوس ايدك انقذ بنتي. لو تقدر

فتح العجوز الباب للاخر وسمح ل شيرين بالدخول ودخلت شيرين الفيلا اللي كانت مظلمة تمام ومشيت علي ضوء الشمعة اللي في ايد العجوز وقالت شيرين

انت لية مش مولع النور

العجوز 

دة شئ ما يخصكيش

احرجت شيرين وفضلت ماشية وراء العجوز لغاية مالقت نفسها قصاد عيادة كاملة متكاملة وفي كمان اوضة للعمليات استغربت جدا والعجوز فتح درج من الادراج وطلع شمعتين وولعهم من الشمعة اللي في ايدة وحطهم علي تربيزتين وقال

حطي بنتك علي طاولة العمليات دي

وشاور ناحية تربيزة من الاستلس بصت شيرين للتربيزة وخافت علي بنتها فقال العجوز

بنتك محتاجة عملية علشان نوقف النزيف لو مش عايزا تقدري تاخديها وتخرجي انا مش محتاج اشم ريحة الموت النهاردة

شيرين بلعت ريقها وحطت بنتها علي التربيزة الاستلتس وبدأ العجوز يجهز نفسه للعملية وعقم نفسه. وعقم شيرين وقال

فصيلة دم بنتك اية

شيرين

اوو.

راح العجوز ناحية ثلاجة فيها اكياس دم وطلع كيس دم. وعلقة ووصله بذراع رحاب علشان يعوض الدم اللي نزفته وبدأ العملية، ،،،،،،،،،،

المشهد السادس

                       ★صالون قديم★

العجوز قاعد في الصالون مع شيرين اللي طهر لها جرحها وربط ذرعها المصاب وقال 

بنتك هتبقي بخير. بس هحتاج منك تخرجي وتجيبي ليها. شوية ادوية

شيرين

اكتب اللي انت عايزة وانا. اجيبه

العجوز

في الوقت دة صعب تلاقي عربية توصلك فايد. لكنك بكرة الصبح هتلاقي عربيات كتير

شيرين

اكتب لي العلاج اللي انت عايزه وانا هتصرف مش هستني للصبح

العجوز

علي راحتك

وكتب ورقة واداها ل شيرين.  وبص لها بصة غريبة وهي بتخرج من الفيلا، ،،،،،،،،،

المشهد السابع

                    ★الطريق الزراعي★

شيرين واقفة علي الطريق بتحاول تلاقي اي عربية وفجاة تشوف نور عربية جاي من بعيد تشاور لها تطلع عربية اسامة وفريدة يقف اسامة وفريدة تنزل بسرعه من العربية وتقول. وهي بتبص لحالتها المتبهدله 

شيرين حبيبي. اية اللي عمل فيكي كدة 

شيرين تترمي في حضن اختها اوي وتقول 

كنت هموت يا فريدة انا ورحاب

اسامة

ازاي كان هيحصل

شيرين

هاحكي لكم بس في الاول وصلوني لاقرب صيدلية تكون فتحها اجيب منها العلاج دة، ،،،،،،،،،،

المشهد الثامن

                     ★فيلا العجوز★

توصل شيرين ومعها اسامة وفريدة عند الفيلا ويستغرب اسامة الفيلا ويقول

انتي متاكدة ان في فتح لك الفيلا دي

شيرين

ايوة راجل عجوز وباين علية دكتور لانه كمان عمل عملية ل بنتي

اسامة

غريبة الفيلا دي انا اسمع عنها انها مهجورة من وقت ما صاحبها الدكتور الجراح صادق مات

شيرين

اومال مين اللي فتح لي

وجريت شيرين ناحية باب الفيلا وفضلت تخبط علي الباب وهي زي المجنونة. والباب ما اتفتحش بصت فريدة ل اسامة وقالت

اتصرف يا اسامة

اسامة كسر الباب بضربه واحدة من رجله وولع نور الفيلا وشيرين جريت ناحية الاوضة اللي اتعملت فيها العملية ومالقتش اي اثر ل بنتها فضلت تدور في كل اوض الفيلا لكن الفيلا كانت فعلا مهجورة وقفت في وسط الفيلا وقالت باعلي صوتها

رحاب بنتي. ضاعت.  

ووقعت من طولها مغمي عليها، ،،،،،،،،،،

ح(3)

فراق وحرمان

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                    ★قدام فيلا العجوز★

 شيرين جريت ناحية باب الفيلا وفضلت تخبط علي الباب وهي زي المجنونة. والباب ما اتفتحش بصت فريدة ل اسامة وقالت

اتصرف يا اسامة

اسامة كسر الباب بضربه واحدة من رجله وولع نور الفيلا وشيرين جريت ناحية الاوضة اللي اتعملت فيها العملية ومالقتش اي اثر ل بنتها فضلت تدور في كل اوض الفيلا لكن الفيلا كانت فعلا مهجورة وقفت في وسط الفيلا وقالت باعلي صوتها

رحاب بنتي. ضاعت.  

ووقعت من طولها مغمي عليها.  بص اسامة ل فريدة وقال وهو بيشيل شيرين من علي الارض 

ساعديني نشلها وندخلها العربية

وفعلا شالوها وراحو بيها ناحية العربية وقدر اسامة يفوق شيرين اللي اول ما انتبهت هي فين صرخت وقالت

بنتي

وقررت تخرج من العربية منعها اسامة وقال

اهدي وخلينا نفكر بالراحة واكيد هنوصل للي خطفها

شيرين وهي منهارة 

اهدئة ازاي بنتي ضاعت وانا السبب يارتني ما سبتها وخرجت

اسامة

اللي انتي بتعملي دة مش حل. لو قدرنا نهدئة ونفكر صح هنوصل للي فتح لك باب الفيلا وبعدها نوصل

 ل رحاب 

فريدة 

انا شايفة ان اسامة بيتكلم صح ودة شغله بقي وهو يعرف ازاي يوصل للي عمل كدة

شيرين بحرقة

يا جماعة قدروا اللي انا في بنتي ضاعت مني ولسة عاملة عملية يعني محتاجة اللي يرعايها. ازاي بتطلبة مني اهدي 

اسامة

خلاص افضلي عيطي يمكن العياط يرجعها

اقتنعت شيرين وقالت

ناوي علي اية يا اسامة

اسامة

ندخل الفيلا تاني وبالراحة كدة ندور علي اي يخط يوصلنا للي عمل كدة

فريدة

وتفتكر يا اسامة مين خطف رحاب وراح فين العجوز ومين اصلا العجوز دة 

اسامة

انا حاسس ان اللي كانو بيطاردو شيرين رجعوا تاني بامر من اللي باعتهم ولقو العربية فاضية. والطبيعي انهم يشكوا ان شيرين وبنتها دخلو الفيلا اقرب حاجة لمكان الحادثة

شيرين

كدة بنتي بقت تحت ايد طارق

اسامة

شيرين دة مجرد احساس لسة مش اكيد.  خلاونا ندخل الفيلا ونشوف ممكن نوصل ل اية 

المشهد الثاني

                         ★الفيلا★

من جوة الفيلا يمشي اسامة وفريدة وشيرين وهما مركزين بشدة وكل خطوة ليها حساب والغريب ان الفيلا كان باين عليها انها فعلا مهجورة وماحدش دخلها من وقت طويل وراحت شيرين للثلاجة اللي طلع منها العجوز كيس دم وبصت في الثلاجة لقتها زي ما هي فقالت ل اسامة

اسامة العجوز اللي فتح لي طلع كيس دم من الثلاجة دي

راح اسامة ناحية الثلاحة وبص لها وقال

اوعي تلمسيها بايدك.  انا محتاج البصمات اللي عليها بصمات العجوز

وبدأ اسامة يبص للثلاجة بتركيز شديد وبص ل اكياس الدم الموجودة في الثلاجة وقالت فريدة

اسامة مالك متنح للثلاجة كدة

اسامة بص ل فريدة وقال

مستغرب ازاي فيلا مهجورة من وقت موت صاحبها وفيها اكياس دم ويقدر حد يسحب منهم وكمان يعمل بيها عملية

شيرين

تقصد ان الفيلا في حد ساكنها

فريدة

مش شرط لية ما يكنش الدم ملهوش مدة صلاحية  وطالما في الثلاجة يستخدم في اي وقت عادي

اسامة

دي بقي معلومة يفدنا فيها دكتور.  مع اني ما افتكرش ان للدم صلاحية انه يفضل صالح ل مدة 10 س. صعب. عموما يلا نكمل لف في الفيلا

وبدوا يدخلو اوضة وراء اوضة لغاية ما دخلت شيرين اوضة وفضلت تصرخ، ،،،،،،،،،،

المشهد الثالث

                     ★اوضة نوم ★

شيرين واقفة في الاوضة بتصرخ وقدام منها جوة تابوت من ازاز. بنت في نفس سن رحاب واقفة في محلول من ثلج وملح. يمنع تحلل الجثة. دخل اسامة ومعه فريدة الاوضة. وقال اسامة

شيرين مالك

وقبل ما ترد شيرين صرخت فريدة لما شافت البنت الموجودة في الملح والثلج واسامة قرب من التابوت الازاز وفضل باصص لجثة البنت وقال

مين يعمل كدة في جثة بنت صغيرة

شيرين

مافيش غيرة العجوز اللي فتح لي

فريدة

دة يبقي مجنون اكيد

اسامة كان عمال يبص للتابوت وقال

واضح اننا قدام شئ خطير وغامض

شيرين

والشئ دة معه بنتي

اسامة بص ل شيرين

احنا لسة ما نعرفش بنتك مع مين

شيرين اللي بدات تعيط تاني

انا دلوقتي اتمني بنتي تكون مع ابوها ولا تكنش مع المجنون دة

اسامة

لازم نعرف وبسرعة جثة مين دي. ومين العجوز بس خلونا نكمل لف في الفيلا ،،،،،،،

المشهد الرابع

                      ★ورشة خراطة★

وقصاد الورشة دي تقف عربية سعد وصبحي الاثنين المسجلين اللي بعتهم ابو المجد ل خطف رحاب وينزل سعد من العربية ومن بعد منه صبحي ويروح سعد يفتح الورشة ويطلع كرسي ويقعد قدام منها وصبحي يخرج كرسي ويقعد عليه وقال

هتعمل اية يا صاحبي. هنجيب للمحامي دة بت منين

سعد

انا طول الطريق بفكر. ما تفكر انت كمان شوية

صبحي

فكرت ومافيش حاجة حاضرة في دماغي.

سعد

عارف انا بفكر في مين

صبحي

مين

سعد

بنت طليقتي اية عندها 10 وتقضي الغرض

صبحي

شمس الرقاصة. انت لسة فاكرها

سعد 

وهي شمس دي تتنسي ياة. دي الحب الاول والاخير 

صبحي

والله هي فكرة حلوة.

سعد

حلوة جدا وعلشان تتنفد.  لازم دلوقتي قبل شمس ما ترجع من الكبارية.

صبحي

باالراحة علينا يا عمنا هو انت تعرف البت فين

سعد

من زمن الزمن وهي بتسبها مع امها وامها ست كبيرة سهل واحد مننا ياخد البت ويخرج والتاني يكتم نفس امها

صبحي

دة الخطة جاهزة كمان

سعد

دة اسمة ارتجال.  قفل الورشة ويلا بينا، ،،،،،،،،،

المشهد الخامسة 

                    ★قدام الفيلا ★

اسامة كان واقف قصاد العربية اللي عليها بقعة الدم وبيفحص العربية فحص دقيق وفريدة بتقول

وصلت ل حاجة يا اسامة

اسامة

مش بسرعه كدة.  بس العربية وجثة البنت الصغيرة حاسس انهم مربوطين ببعض

شيرين

فهمني بالراحة تقصد اية

اسامة

ولا اي حاجة. انا دلوقتي اوصلكم البلد ترتاحو وتسبوني انا بقي اشوف شغلي

شيرين

اروح ازاي بس وبنتي ما عرفش هي فين

اسامة

شيرين انتي مش واثقة فيا ولا اية. انا باذن الله هقدر ارجعها. بس مش هعرف اتحرك وانا مش مطمئن عليكي خلينا اركز في حادثة اختفاء. رحاب وقولي يارب نوصل لها في، ،،،،،،،،

ويسكت اسامة لما يشوف كذا نقطة دم علي الارض الرملية اللي قدام باب الفيلا. وقالت فريدة

اسامة سكت لية

اسامة ما ردتش ونزل علي ركبته ل بقعه الدم وحط صباعه عليها وكان الدم لسة سخن قام وقف وقالت شيرين

اسامة فهمنا في اية. واية الدم دة

اسامة

ما تقلقوش 

وبدا يبص ل بقع الدم ويتتبع اثارها ويوصل ل بقعه في الارض تنتهي عندها بقعة الدم بدا يحفر في الارض الرملية وعلي عمق بسيط يوصل ل فستان احمر يخص طفلة شيرين مسكت الفستان اللي كان غرقان دم وبصت له وقالت

دة الفستان اللي كانت لابسة رحاب

ولقي في الحفرة كمان كف ايد. لسة مقطوعة. وكف ايد طفلة  صرخت فريدة ومن بعدها شيرين اللي بصت لكف الايد وبالتحديد للخاتم الذهب اللي في اخر صباع وقالت

دة خاتم رحاب.  يعني دي ايد رحاب 

وصرخت شيرين اكتر واكتر، ،،،،،،،،،،،،،،

ح(4)

فراق وحرمان

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول 

                      ★قدام عمارة★

ودي العمارة اللي ساكن فيها اسامة وفريدة ويقف اسامة بعربيتة قدام العمارة ويقول ل فريدة

خدي اختك وانزلي

شيرين

عايزني انزل اروح فين. وبنتي ما عرفش اية اللي حصل لها

اسامة تاني ل فريدة

اسمعي الكلام وخدي اختك وانزلي

فريدة ل شيرين

شيرين يا حبيبتي يلا ننزل ونخلي اسامة يشوف شغله

شيرين

ازاي بس 

اسامة

شيرين من فضلك.  خليني اشوف شغلي لو عايزا ترجعي بنتك

شيرين

بنتي اللي المجرم قطع ايديها 

اسامة

لسة ما نعرفش ان كانت دي ايد رحاب ولا.  لا

شيرين

اومال لو مش ايديها هتكون ايد مين. وفستانها المدفون

اسامة بحدة

يا شيرين انتي كدة هتخليني اخرج عن شعوري من فضلك انزلي من العربية مع فريدة. خليني الحق اعمل شوية اجراءات

فضلت شيرين بص له واسامة رجع بص ل فريدة وقال

خدي وانزلي خلوني اشوف شغلي

ونزلت فريدة وبعدها نزلت شيرين ومشي اسامة بعربيته بعد ما فريدة وشيرين دخلو العمارة، ،،،،،،،،

المشهد الثاني

                      ★شقة فريدة★

كانت فريدة في المطبخ بتعمل اتنين وبتقول بصوت عالي علشان شيرين اللي قاعدة في الصاله تسمعها

ما تزعليش من اسامة هو اتنرفز عليكي علشان خاطر مصلحة بنتك.  صدقيني يا شيرين اسامة خايف علي رحاب دي زي بنته. وهيعمل كل اللي يقدر عليه علشان يرجعها ليكي.

وصبت كوبيتين الشاي وخرجت بيهم علشان تلاقي الصاله فاضية وباب الشقة مفتوح حطت الصنية وخرجت من الشقة وهي بتنادي علي شيرين اللي اختفت تماما. لدرجة انها نزلت تدور عليها في الشارع وقالت لنفسها بياس انها ممكن تلاقيها

عندية و كنت عارفة انها. مش هتسكت  وهدور علي بنتها بنفسها. انا لازم اعرف اسامة،،،،،،،،،،

المشهد الثالث

                      ★عربية اجرة★

شيرين جوة العربية اللي حجزتها مخصوص علشان ترجع القاهرة وكانت قاعدة في الكرسي اللي وراء. بتبص ل فستان رحاب بنتها اللي غرقان دم. وعماله تعيد كل اللي فات واللي حصل وتفكر بتركيز شديد يمكن توصل لاي خيط تبدأ منه. لكنها قررت تبدأ من عند جوزها طارق.،،،،،،،،،،

المشهد الرابع

                      ★السجن★

قدرت شيرين بعلاقتها في النيابة بحكم شغلها تجيب اذن زيارة وراحت ل طارق اللي قعد معها في مكتب المامور واول ما بقو ل وحديهم قال طارق

جاي لي،،،،،،،،،

قبل ما يكمل كانت شيرين طلعت من هدومها سكينة فاكهة صغيرة حادة جدا وحطت السكينة علي رقبته وقالت بتهديد واضح وصريح 

لو صرخت او طلبت حد يلحقك مني. هقطع رقبتك قولي بنتي ضاعت مني لو معاك طمني عليها لو مع العجوز يبقي هي فعلا في خطر 

طارق بص للسكينة وخاف منها وقال

نزلي السكينة دي وفهميني في اية

نزلت شيرين السكينة ونزلت تبوس رجلة وقالت

بالله عليك لو اللي انت يعتهم يخطفوا بنتي رجعوا الفيلا وخدوها عرفني وريح قلبي. انت ابوها ومستحيل تاذيها 

طارق خلاها تقوم وقعدها قدام منه وقال

شيرين انا مش فاهم منك اي حاجة بالراحة كدة وفهميني في اية

حكيت له شيرين كل اللي حصل وهي منهارة وختمت كلامها بانها قالت

بنتنا يا اما معاهم وكدة هي عايشة. ان شاء الله. او مع العجوز دة. ودة باين عليه مجنون. ومش عارفة ممكن يكون عمل فيها اية

طارق بعصبية

الغبي بعت اتنين يقتلوكم مش يجيبوا بنتي منك

شيرين

نقصد مين

طارق

مش هينفع اقول لك. لكن انا هتصرف وهعرف بنتي معاهم ولا. لا   

شيرين

عرفني مين هو وانا اروح له

طارق

قولت لك هتصرف هو جاي لي النهاردة وهعرف منه كل اللي حصل وهبلغك

شيرين

بجد

طارق

طبعا، ،،،،،،،،،،،

المشهد الخامس

                       ★شقة دوبلكس★

ودي كانت شقة الرقاصة شمس طليقة سعد وكانت شمس في وسط الشقة بتلطم وتنوح وعماله نبص ل امها الست الكبيرة في السن وتقول وهي بتعيط 

يعني اية بنتي اتخطفت.  وانتي يا ما سيبتهم ياخدوها ازاي بس

الام

كنت اقدر اعمل اية وما عملتوش دول طبو علية زي القضا المستعجل وكتفوني وخدوا البت بالعافية ونزلو بيها

شمس

ما شفتويش شكلهم يا اما

الام

كانو لابسين شربات في وشهم.  بس حاسة ان واحد منهم انا شفته قبل كدة 

شمس. باست ايد امها وهي بتقول

ابوس ايدك افتكري مين هو

الام

خايفة اظلم حد

شمس

يا اما بنتي اتخطفت وانتي خايفة تظلمي.  قولي يا اما شاكة في مين

الام

الواد سعد طليقك

شمس استغربت وقالت

سعد وهو لية يعمل كدة واية اللي فكروا بيا بعد السنين دي كلها

الام

انا بقول يمكن هو والله اعلم

شمس

انا هعرف بطريقتي، ،،،،،،،،

المشهد السادس

                        ★السجن ★

ابو المجد المحامي قاعد مع طارق وكان بيقول طارق

يعني البت معاك

ابو المجد

معايا طبعا خلص انت الشهر بتاعك اكون جهزتلك الاوراق اللي تسافر بيها انت وهي. بس اعمل حسابك انت مش هتشوفها الا وانت في المركب علشان اكيد شيرين هتبلغ. وهيحطوك تحت المراقبة

طارق

والاغبياء اللي انت بعتهم ازاي يفضلو يخبطوا في عربية مراتي لغاية ما تنقلب بيها العربية

ابو المجد استغرب 

انت عرفت ازاي 

طارق

شيرين كانت هنا وحكيت لي قصة غريبة كدة وراحت هي وبنتها فيلا والعجوز اللي فتح لهم اختفي.  هما رجالتك قتلو ولا اية

ابو المجد

اهدي كدة عليا وعرفني شيرين حكت لك اية بالظبط

وبدأ طارق يحكي كل اللي حكيته شيرين لي. وبان علي وش ابو المجد الارتباك فقال طارق

مالك يا متر وشك اتغير لية كدة هما ما حدش من رجالتك عرفك هما خطفوا البت ازاي

ابو المجد. وهو لسة مرتبك

هما قالو لي كلام غير دة. مجرمين بقي بس ليا حساب تاني معاهم

طارق

متر انت مخبئ عليه اية.  هما قتلو العجوز اللي بتقول عليه شيرين

ابو المجد

لا. طبعا الدم هيفتح علينا ابواب احنا في غنا عنها.

طارق

ايوة الحكومة في مصر ممكن تعدي اي حاجة الا الدم وخصوصا لو العجوز دة راجل معروف او لي وسطي جامدة. ودة واحد عايش في فيلا يعني اكيد حد جامد

ابو المجد

مش بتقول مهجورة

طارق

دة اللي اتقال لكن مش شرط يبقي حقيقة

ابو المجد وقف وقال

طارق انا لازم امشي وهبقي اعدي عليك تاني 

طارق

ماشي يا متر بس ما تغبش عليه وطمئني،،،،،،،،

المشهد السابع

                     ★مكتب اسامة★

وبعدها ب كام ساعة كان اسامة قاعد في مكتبه مع ظابط زميلة اسمه شريف. وكان شريف دة. قدام منه ملف وبيقول 

جمعت لك كل المعلومات اللي انتي طلبتها

اسامة باهتمام

طيب قول

شريف طلع صورة للدكتور صادق عرفات صاحب الفيلا وحط الصورة قدام اسامة وقال

اللي فتح الباب ل مدام شيرين هو الدكتور صادق عرفات ودي صورتها زي ما هي وصفته بالظبط.  

اسامة

طيب ازاي دكتور صادق مات

شريف

دة بقي اللي يحير. انه مات من 10 س. ومن وقتها ما حدش دخل الفيلا ودة باين من حالتها والمعينة اللي تمت وبيوت العنكبوت الموجودة والحشرات تثبت الكلام دة 

اسامة

واحدة واحدة عليه علشان احنا كدة وصلنا ل حيطة سد.  ازاي ما فيش حد دخلها من 10 س. وفيها اكياس دم صالحة للاستخدام ولما سالت دكتور الطب الشرعي قال ان الدم في الثلاحة اخرة 5 ايام

شريف

دة بقي بينفي ان الفيلا ما دخلهاش حد من 10.سنين 

اسامة

يعني اية. في حد بيدخل ويخرج من مكان سري

شريف

بالظبط سيدك. والحد دة هو دكتور صادق عرفات 

اسامة فكر للحظات وقالت

يعني ما ممتش طيب لو هو عايش لية مستخبئ في الفيلا 

شريف

سؤال ملهوش اجابة دلوقتي لكن التحريات شغاله

في الوقت دة يدخل مامور القسم الي المكتب ويقف الاثنين ويدو التحية العسكرية لي ولكن المامور كان متعصب جدا وقال ل اسامة بحزم شديد

انت ازاي يا حضرة الظابط تكسر باب فيلا وتدخل تفتشها. من غير اذن نيابة

اتصدم اسامة وسال نفسه عرف ازاي لكن المامور كمل وقال

انت يا اللي المفروض تنفذ القانون.  تعمل كدة.

اسامة

يا فندم الفيلا دي حص،،،،،،،،،،

المامور قطعة وقال

مش عايز اسمع اي مبرر. لان اليلاغ اللي متقدم فيك بلاغ جاي من مجهول لكنه قلب الوزارة. لان الفيلا اللي حضرتك كسرتها دي فيلا ملك اللواء. سامح الصافي. 

اسامة

ازاي يا فندم دي ملك دكتور جراح اسمه صادق عرفات

المامور

يمكن زمان كانت ملكة انما دلوقتي هي مش ملكة. اسف يا اسامة. بس انت موقوف عن العمل ومتحول للتحقيق

اسامة

وقضية خطف رحاب

المامور

ما فيش في السجلات عندنا بلاغ رسمي بخطف بنت اسمها رحاب

اسامة

البلاغ علي مكتب حضرتك من الصبح بدري متقدم باسمي

المامور

قولت لك ما فيش اي بلاغات. سلم القضايا اللي معاك ل شريف واتفضل روح

وخرج المامور من المكتب واسامة رمي جسمة علي الكرسي وشريف قال

اية اللي بيحصل دة يخوف 

اسامة

الفيلا دي وراء منها حقيقية ل سر. يخرب عقول. بس انا وعد شيرين ولازم انفذ وعدي وارجع لها بنتها

شريف

وانا معاك سيدك ولو انت اتوفقت عن العمل ف انا موجود مكانك. وهسد 

وهنا يرن تيلفون مكتب اسامة فيرد اسامة قائلا

الو

صوت شيرين

اسامة الحقني

اسامة بقلق شديد

خير يا شيرين

شيرين

دخلت شقتي من كام دقيقة لقيت ايد تانية مقطوعه وتحت منها ورقة مكتوب فيها. بالدم 

★بطلي تدوري علي بنتك دي ملكنا مش ملكك★

وكملت شيرين وقالت 

وبعدها الكلام اختفي والورقة رجعت بيضاء.

اسامة ما بقاش قادر يصدق او يستوعب اللي بيسمعه، ،،،،،،،،،،

ح(5)

فراق وحرمان

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                     ★شقة شيرين★

اسامة قاعد قدام شيرين وفي ايدة الورقة اللي كان مكتوب فيها

★بطلي تدوري علي بنتك دي ملكنا مش ملكك★

وطبعا الورقة كانت فاضية واسامة بيشم الورقة فقالت شيرين

انا مش عارفة انت سايب كل اللي حكيتة ليك ومركز مع الورقة الفاضية اللي الكلام فيها اختفي

اسامة

شيرين دة شغلي واي تفصيلة ممكن توصلنا لمين حطها في شقتك.  

شيرين

سالتني يا اسامة. وقولت ما شوفتش حد كان نازل من العمارة وقت ما دخلتها انا. واللي دخل اصلا هيدخل ازاي والمفتاح معايا وانا قافلة الشقة. انا قلبي حاسس ان الحكاية فيها سحر وجن 

اسامة ابتسم وقال

جن اية بس مش للدرجة دي

شيرين 

طيب لو مش جن اللي بعتها عرف ازاي عنواني.

اسامة

انتي ناسية ان عربيتك عملت حادثة واتسابت في الطريق الزراعي يوم بحاله قبل ما الونش يرفعها يعني اي حد يعرف موظف في المرور ب 20 ج. يجيب عنوانك 

شيرين

طيب الكلام اللي كان مكتوب بالدم. في الورقة واول ما خلصت قريته الكلام اختفي

اسامة

الورقة ما فيهاش ريحة دم. دي ريحتها حبر

شيرين باستغراب

حبر.  ازاي حبر وازاي اختفي

اسامة 

ما هو دة نوع من الحبر السري لما بينشف بيختفي ودة معني انك قبل ما تدخلي بكام دقيقة الورقة اتكتبت واتسابت لك علشان تقريها وبعد كدة الكلام يختفي.  والايد المقطوعة مش ايد بنتك. 

شيرين

واية الغرض من دة كله 

اسامة

انك تخافي وتفتكري ان الجن خدوا بنتك مثلا. وتبطلي تدوري عليها 

شيرين

طيب مين يعمل كدة ويعمل كدة لية

اسامة هز دماغه وقال

ما عرفش. لكن ان شاء الله قريب هنعرف وهنوصل له. انما ممكن اعرف  بقي انت اية اللي خلاكي تسيبي فايد وترجعي القاهرة. انا مش قولت لك تفضلي مع اختك 

شيرين

ما قدرتش يا اسامة. افضل قاعدة جنب فريدة

وما عرفش فين رحاب

اسامة

فريدة قالت لي دماغك نشفة. بس انتي فاكرة انك لما تنزلي تدوري بنفسك هتلاقيها 

شيرين

سيبك مني والنبي وخلينا في رحاب

اسامة

بعد الورقة دي اقدر اطمئنك علي بنتك. انها عايشة

شيرين باستغراب

وعرفت ازاي بقي

اسامة

حد باعت لك وبيقول لك بطلي تدوري علي بنتك دة ملكنا مش ملكك. تفتكري يبعد كلام زي دة علشان واحدة ماتت.

شيرين اقتنعت وقالت

صح.  طيب مين دة. دة انا روحت ل طارق السجن وسالته وما طلعش هو 

اسامة

بصي بقي حكاية بنتك دي تخلص في كلمتين ان طارق خطفها وبيلعب بينا.  او ينتك تكون مع الدكتور صادق عرفات ولسبب ما يعرفهوش الا ربنا هو واخدها عنده 

شيرين

هو صادق دة عايش ولا ميت

اسامة

التحريات بتقول مات. لكن اللي انتي وصفتي وبتقولي انه فتح لك باب الفيلا بتقول انه عايش. 

شيرين

اية بقي اللخبطة دي

اسامة

اللخبطة اللي بجد ان الفيلا ما طلعتش باسم صادق وبقت بتاعت لواء شرطة كان السبب في اني موقوف دلوقتي عن العمل وبيتحقق معايا 

شيرين 

موقوف

اسامة

دي حكاية انا قادر اخلصها. خلينا نركز في رحاب ونركز اكتر في اجابة  سؤال ما خدناش كلنا بالنا منه. البنت اللي جثتها في التابوت الازاز تبقي مين 

شيرين

هو انت لسة ما عرفتش هي مين

اسامة

تمت المعاينة والجثة اتنقلت للطب الشرعي لكن لسة التقرير النهائي ما طلعش.   

ورجع بص تاني للورقة وشمها وقال

الورقة دي جزء منها ريحتة صدأ 

شيرين

ودة معني اية

اسامة قام وقف وراح ناحية الحمام وفتح باب الحمام ودخله وراح ناحية شباك كبير في الحمام وبص للشباك اللي ما كنش مقفول ووقف فوق حرف البانيو  وبدأ يبص علي المواسير اللي في المنور واللي الصدأ اتملك منها.  وبص ل فوق وبعدها بص ل تحت وهنا دخلت شيرين وراء منه وقالت 

في اية 

اسامة 

اللي اعرفه عنك انك مستحيل تسيبي شباك الحمام مفتوح علشان بتخافي جدا من الفيران والصراصير

شيرين

فعلا

اسامة

طيب اية ريك بقي ان الشباك كان مفتوح

شيرين

تقصد اية

اسامة

في حد دخل من شباك الحمام. حط الورقة وخرج تاني من الشباك وطبعا هو يعرف يفتح من برة لكن صعب يقفلة بعد ما يخرج

شيرين اترعبت وبصت للشباك قفل اسامة الشباك وقال

مش عايزك تخافي. ومن فضلك ارجعي فايد. وخليكي مع فريدة 

شيرين 

سيبني براحتي. الله يخليك كفاية علية نار الفراق والحرمان اللي بتكوي بيهم كل ساعة وبنتي بعيد عن حضني

اسامة

ماشي يا شيرين خليكي برحتك.،،،،،،،،

المشهد الثاني

                    ★مكتب ابو المجد ★

وكان ابو المجد واقف قدام منه سعد وصبحي وبيقول لهم بمنتهي العصبية

انتو الاثنين جوز اغبياء. اهه طلعت عايشة هي وبنتها وانتم قولتو انها ماتت.

سعد

يا باشا انت لو شوفت العربية وهي بتلف حوالين نفسها تقول مستحيل اللي فيها يطلعوا عايشين

صبحي

سؤال ولاموخذة يا متر هيفرق اية معاك انهم لسة عايشين ولا ماتو

ابو المجد

البت اتخطفت والبوليس بيدور وممكن يوصل لها ساعتها لما ترجع رحاب ل شيرين طارق هيعرف وساعتها يدفع ازاي فلوس في بت هو هيبقي متاكد انها مش بنته.  انما لو ميته هنبيع واحنا متاكدين اننا مش هنتكشف.  فهمت يا بغل

سعد

طيب ما هو كان ممكن يعرف لما يخرج من السجن ان البت ماتت هي وامها وساعتها برضو مش هيدفع

ابو المجد

ما كنتش هخلي يعرف.   الموت  نقدر نخبي انما اللي عايشة ومش تحت ايدينا نخبيها ازاي

سعد

يعني اية باظت

ابو المجد

لازم نوصل ل رحاب قبل طارق ما يخرج علشان نطلع كلنا كسابنين

سعد

والبت اللي احنا خطفنها

ابو المجد

خليها يمكن يبقي ليها عوزة. ونركبها المركب مع طارق بدل رحاب.  بس المهم دلوقتي نعرف رحاب فين، ،،،،،،

المشهد الثالث

                         ★السجن★

وكانت شيرين قاعدة مع طارق وبتقول

طلبت من المامور اني اجي لك علشان خاطر موضوع مهم

طارق

بنتنا مش مع اللي بعتهم يخطفوها

شيرين

انت متاكد

طارق

كلامي مع الراجل اللي كلفته بالعملية دي خلاني اتاكد من ارتباكة وكلامة اللي عكس بعضة انه ما يعرفش فين بنتي.  

شيرين

يعني كدة دكتور صادق عرفات هو اللي خطف البت

طارق

دة صاحب الفيلا

شيرين

هو.

طارق

انتي اتاكدي انه عايش

شيرين

لغاية دلوقتي لسة. لكني هعرف هو عايش ولا ميت

طارق

ناوية تعملي اية

شيرين

هعرف اكتر مين هو صادق عرفات

مسك طارق ايد شيرين وبص لها في عيونها وقال

خلي بالك من نفسك. وما تعرفيش انا بتوجع ازاي اني كنت السبب في ضياع بنتا

شيربن سحبت ايدها من ايد طارق وقامت وقفت وقالت

انا لازم امشي علشان اكسب وقت

وفعلا مشيت شيرين، ،،،،،،،،،،

المشهد الرابع

                   ★نقابة الاطباء★

شيرين جوة النقابة بتجيب عنوان الدكتور صادق عرفات وفعلا جابت العنوان. ،،،،

المشهد الخامس

                      ★فيلا صادق★

والفيلا دي في حلوان وشيرين قاعدة في الريسبجين بتاع الفيلا مستنية مرات الدكتور صادق الدكتورة الفت وفعلا جت وقعدت قدام منها وبعد الترحيب قالت الفت

اقدر اساعدك ازاي

حكيت لها شيرين كل اللي حصل ضحكت الفت اوي ف استغربت شيرين جدا وقالت بحدة

اظن ان اللي حكيتة وحرماني من بنتي ما فيهوش شئ يضحك

الفت اتوقفت عن الضحك وقالت

انا اسفة. بس تخيلي نفسك كدة مكاني وواحدة جاية تقولك جوزك اللي انتي دفنتي من 10 س.  عايش. وفتح لها باب الفيلا اللي جنب فايد وكمان عمل عملية

الضحك وقتها هيكون اقل رد فعل منك. مش كدة

شيرين

الضحك دة لو انا بهزر

الفت بوش حازم

اومال اللي انتي قولتي دة جد

شيرين

مدام الفت ممكن اعرف دكتور صالح مات ازاي

الفت

مات في حادثة عربية وكل الجرايد كتبت عنها وقتها 

شيرين 

طيب انا شوفت في الفيلا تابوت ازاز جوة منه بنت عندها 10 س.  تقريبا ممكن اعرف مين دي

الفت ارتبكت وقالت

بتقولي جثة بنت 

شيرين

تعرفيها صح

الفت بعصبية 

ما عرفهاش و من فضلك كفاية كدة

وقامت وقفت الفت وقفت شيرين هي كمان وقررت تحرج من الفيلا وهي عند الباب قالت الفت

نصيحة واتمني انك تكوني تستهليها. البنت اللي لقتوها دي. ادفنوها والا. هتفتح عليكم ابواب كلها شر والا قريب بنتك هتكون مكانها 

شيرين برقت واتصدمت وقالت

تقصدي اية

الفت

الزيارة انتهت 

وندهت الفت علي الخدامة وجت الخدامة قالت لها ألفت

اقفلي الباب وراء منها 

وخرجت شيرين والرعب اتملك منها وما بقتش عارفة اخرة الكابوس دة اية، ،،،،،،،،

المشهد السادس

                        ★مكان مظلم★

وحد بيحاول يخرج منه وصوت من برة المكان دة بيقول

قريب هتخرجي. بس لما هي تبطل تدور عليكي.  متخافيش. انتي مع جدك.  يا سمر

وبدات العياط والدبدبة تزيد عياط طفلة مربوطة. متكمم بوقها.  عياط رحاب، ،،،،،،،،،،،،،،،،

ح(6 وح 7 و 8 و9 الاخيرة)

فراق وحرمان

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                      ★اوضة ألفت★

ألفت بتتكلم في التيلفون مع اللواء سامح الصافي   وبتقول

سامح ام البنت كانت عندي. وشكلها مش هتسكت

الا لما توصل ل بنتها.  ومين العجوز اللي فتح لها وازاي دة يحصل معقوله صالح اللي مات قدام مننا ودفنا يكون لسة عايش 

سامح بعصبية 

انا ما عرفش مين اللي كلمني لكنة عارف كل اللي حصل. ليلتها  لدرجة انه هددني لو ما خلتش الظابط اللي جة الفيلا وفضل يفتش فيها  يبعد عن الفيلا  هيقول علي كل اللي فات ويخرب الدنيا عليا وعليكي ولما قدرت اعزل الظابط اتصل بيا تاني وطلب مني اخلي امها ما دورش عليها. وبعدها بكام دقيقة وبمجرد ما خرجت من المكتب ورجعت لقيت علي مكتبي ايد عيلة صغيرة مقطوعة وطلب مني اوصلها ل شيرين. 

الفت

ودي عملتها ازاي 

سامح

كتبت لها ورقة ب حبر سري لونه احمر. ينشف يختفي. وخليت مرشد في المنطقة يرمي لها الورقة جوة شقتها قبل ما توصل بكام دقيقة. وبمجرد ما تقراء اللي مكتوب الحبر ينشف والكلام يختفي. وحطيت الايد جنب الورقة. زي ما طلب  وكل دة علشان اخوفها واخليها تحس انه شغل جن يمكن تبعد وتبطل تدور علي بنتها 

ألفت 

وهنفضل في القلق والتوتر دة ل حد امتي انا خلاص اعصابي باظت. مش كفاية بقي كدة. 10 س. كل ما افتكر اللي حصل اموت الف مرة. 

سامح

انا كمان تعبت وزهقت يارتني ما كنت جيت لك ليلتها ولا كان حصل اللي حصل 

ألفت

كلنا ليلتها غلطنا وكان لازم ندفع الثمن.  بس انا عمري ما كنت اتخيل انه لسة عايش وكمان يوصل بي الجنان يطلع سمر من قبرها ويخليها عنده في الفيلا 

سامح باستغراب شديد

اية اللي انتي بتقولي دة

الفت

دة اللي قالته ليا شيرين. ماما البنت. انها شافت بنت عندها 10 س. تقريبا جوة تابوت ازاز. واكيد دي سمر 

سامح

وانتي عملت اية لما عرفتي

ألفت

خوفتها منها وقولت لها لازم تندفن قبل ما بنتها تحصلها 

سامح

كويس انك عملتي كدة 

واتنهد سامح وقال

للدرجة دي يا صالح.  وصل بيك الحال تنبش قبر طفل ميتة. لية عايز تقلب القديم والجديد 

الفت

مش بقول لك اتجنن رسمي. انت لازم تعرف هو فين

سامح

بعت اللي قلب فيلا فايد عليها وطيها وما وصلش لاي جديد 

الفت

طيب ناوي علي اية 

سامح

قبل اي حاجة لازم نوصل ل جثة سمر. ونخفيها.  هي شيرين دي ما قالتش الجثة راحت فين 

ألفت

لا. ما قالتش

سامح سكت شوية وبعدها قال

انا لازم اوصل ل جثة سمر لانهم بالكشف عليها هيقدروا يعرفوا مين هي وماتت ازاي. وهتبقي مصيية سوداء لو عرفوا انها ماتت مقتوله 

ألفت

وهيعرفوا ازاي بس دة عدي علي الحادثة  10 س. 

سامح

ولو انا لازم اخد احتياطي. واتصرف بسرعه، ،،،،،،،،

المشهد الثاني 

                     ★شقة شيرين★

وكانت شيرين قاعدة قدام اسامة وفريدة اللي جت من فايد وبتقول شيرين

انا متاكدة ان الفت دي وراء منها سر كبير

اسامة

الحكاية كلها اسرار ومتعقدة وملهاش اي تفسير

فريدة

احنا بس لو نعرف صالح دة فين. اكيد هنوصل ل رحاب

اسامة

البلاغ اللي وصل باني كسرت الباب ودخلت الفيلا بدون اذن نيابة يقول ان صالح دة عايش جوة الفيلا بس في مكان سري. مكان يقدر يسمع منه ويشوف اللي بيحصل في الفيلا والا يبقي عرف ازاي باني دخلت الفيلا بالطريقة دي

شيرين

تقصد زي الافلام كدة اوضة وراء حيطة

اسامة

مثلا

شيرين

طيب ما نروح نفتش كل ركن في الفيلا ونوصل للمكان دة

اسامة

دخول الفيلا دلوقتي مش ممكن لانها بقت تحت الحراسة بعساكر من الدخلية.  وبرضو احتمال انه يفضل في المكان السري دة بعد اللي حصل. احتمال ضعيف جدا. هو اكيد اتحرك وخرج من الفيلا 

شيرين

طيب والعمل يا اسامة

اسامة

اديني متابع شريف زميلي واللي ماسك القضية مكاني  وبعرف منه التحريات واصلة ل فين  وربنا قادر يوصلنا لاول الطريق اللي بي نقدر نوصل ل رحاب.، ،،،،،،،،

المشهد الثالث

                     ★ورشة خراطة★

شمس الرقاصة قاعدة علي كرسي وحوالين منها خمس رجاله وقصاد منها متعلق من رجلية سعد وهو مضروب علقة موت  وكانت شمس بتقول

عارف لو بنتي حصل لها حاجة انا هعمل فيك اية

سعد

ما خلصنا بقي. وصبحي راح يجيب لك البت 

شمس

مين قال لك اننا خلصنا دة احنا لسة هنبتدي بس البت ترجع لي علشان اعرفك ازاي يا كلب السكك تقطع قلبي علي البت

وفعلا يوصل صبحي ومعه اتنين رجاله من رجاله شمس ومعهم البت.  تحضن شمس بنتها اللي كانت مرعوبه من اللي حصل فيها وبصت ل رجالتها وقالت

خدوهم علي اقرب قسم.

سعد

لية طيب قلة الاصل طالما البت رجعت لك

شمس بصت له وقالت

فرحتي برجوع البت سليمة خلتني ارحمكم من ايد رجالتي وصدقني اللي هيحصل فيكم في القسم ارحم بكتير من اللي كان هيحصل فيكم علي ايد رجالتي ،،،،،،،،،

المشهد الرابع

                   ★شقة شيرين★

وكانو الثلاثة لسة قاعدين ويرن التيلفون الارضي فيقف اسامة ويقرر يروح ناحية التيلفون وهو بيقول

دة اكيد شريف. اصلي اديته رقمك علشان لو في جديد

ورد اسامة وقال

الو

شريف

ايوة يا اسامة. عرفت الجديد 

اسامة

اية

شريف

الطب الشرعي قدر يكشف علي البت وعرفنا ماتت ازاي وعرفنا هي مين 

اسامة

طيب

شريف

البت اسمها سمر عادل صادق عرفات يعني صالح عرفات يبقي جدها. وماتت مقتوله

اتصدم اسامة وقال

مقتوله.  وازاي الطب الشرعي قدر يحدد معلومة زي دي رغم مع ان الجثة واضح ان بقالها كتير ميتة 

شريف

الثلج والملح اللي كانت مدفونه فيهم  قدرو يحافظو علي الجثة وكانها ميتة من فترة قريبة. 

اسامة

ومين بس يقتل طفلة واتقتلت ازاي دي 

شريف

وقعت من مكان عالي زي بالكونة او سطوح بيت  مثلا. نزلت علي دماغها. ودخل فيها صاج فتحها في منطقة مميتة 

اسامة

صاج.

شريف

ايوة والغالب انه الصاج المصنع منه العربيات. 

اسامة شك في الدم اللي علي كابوت العربية في جنينة فيلا صادق. وقال

ولية بيقولو انها اتقتلت مش ممكن كانت بتلعب مثلا ووقعت

شريف

سالتهم السؤال دة وقالو ان بيقع بسبب اختلال التوازن ما بينزلش ابدأ علي ظهرة  دة حد زق البت بقوة وهي وشها لي وظهرها للمكان اللي اتزقت منه  نزلت علي طهرها ودماغها من الخلف 

اسامة

دي معلومة خطيرة

شريف

تاخد الاخطر

اسامة

اية تاني

شريف

جثة سمر اختفت. 

اسامة اتصدم

ازاي

شريف

حد قدر يدخل المشرحة وياخدها. لكنه ما يعرفش انه جة متاخر وان الدكتور كتب تقريرة وسلمه ليا من غير ما يقول لحد. ودة بتوصية منك قبل ما يحصل اللي حصل وتتوقف عن العمل

اسامة

كويس انه عمل كدة. اسمعني كويس اوعي حد يعرف بان التقرير جالك وعرف الدكتور ان لو حد ساله يقول انه ما لحقش يخلص كشف علي الجثة

شريف

والغرض اية من دة كله

اسامة

مش عاوزين اللي خد الجثة يحس انها مابقاش ليها لزمة واننا عرفنا اللي كان عايز يخبي

شريف

وبعدين

اسامة

هقول لك في وقتها،

وانهي اسامة المكالمة وبص ل شيرين وفريدة وقال

شكلنا كدة قربنا نوصل ل رحاب، ،،،،،،،،،،

المشهد الخامس

                      ★مكتب اللواء سامح★

وبعدها بيومين يدخل اللواء سامح مكتبه ويلاقي اسامة متنكر في لبس واحد صعيدي  قاعد علي المكتب فيقول بعصبية

انت مين وازاي دخلت مكتبي

اسامة

انا رسول جاي لك من عند واحد بيحبك.

سامح

ازاي الحمار اللي واقف علي باب مكتبي يسمح لك بالدخول 

ولسة هيمسك سامح مقبض الباب ويفتحة علشان يعنف العسكري قال اسامة

بلاش يا باشا احسن ليك ولينا.  حاكم الشوشرة ممكن تصحي الميت. وخصوصا لو عيلة زي سمر. 

برق سامح وساب المقبض ولف وشة تاني ناحية اسامة وقال

انت جاي من عند صادق

اسامة

لا. جاي من عند فيلا فايد المهجورة. وطلعت من بطنها هدية تستاهل تملي عيونك منيها.  تعالي اتفرج اني حطيطهالك تحت مكتبك

سامح بدأ يبان عليه الارتباك وراح ناحية المكتب ورجلة بقدم خطوة وبترجع اثنين لكنة وصل ولقي تحت المكتب كفن ابيض ملفوف بي عيلة صغيرة. انصدم وقلبه بدأ يدق بشدة من الخوف وصوت اسامة بيقول 

هدية عدي عليها 10 س.  مش خسارة فيك  اتحدفت من فوق سطح فيلا فايد.  افتح يا بية وملي عينك. دي برضيك زي بنتك

سامح

انت وصلت ازاي لجثة سمر  دة انا دفنتها بايدية وما حدش شافني 

اسامة 

دفنتها بعد ما سلط اللي يسرقها من المشرحة

سامح ارتبك اكتر واكتر واسامة قال 

بس انا لو مكانك أكشف الاول وشها واشوف الكفن جوة منه مين مش يمكن ما تطلعش اللي في بالك

سامح مد ايدة ناحية الكفن وبدأ يشيل الكفن عن الوش علشان يشوف،

ح(7)

فراق وحرمان

                                  ‏

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                   ★مكتب سامح★

سامح

انت وصلت ازاي لجثة سمر  دة انا دفنتها بايدية وما حدش شافني 

اسامة 

دفنتها بعد ما سلط اللي يسرقها من المشرحة

سامح ارتبك اكتر واكتر واسامة قال 

بس انا لو مكانك أكشف الاول وشها واشوف الكفن جوة منه مين مش يمكن ما تطلعش اللي في بالك

سامح مد ايدة ناحية الكفن وبدأ يشيل الكفن عن الوش علشان يشوف. عروسة بلاستيك بالحجم الكبير. اتعصب وبص ل اسامة وقال

انت جاي تهزر معايا

اسامة

لا. انا جاي اعرفك اني عرفت.  وانت كمان من حقك تعرف ان اعترافك متسجل صوت وصورة وباذن نيابة 

وقلع اسامة لبس الراجل الصعيدي وقال

انا الظابط اسامة اللي حضرتك وقفته عن العمل. لاني دخلت فيلتك من غير اذن نيابة وحضرتك كنت صح وانا غلطت.  لكني المرة دي صلحت غلطي ودخلت مكتبك بأذن نيابة وعامل المشرحة اللي سلطة يسرق جثة الطفلة سمر. اعترف عليك.  

سامح قعد علي مكتبه بياس واحباط شديد وقال

يعني القضية لبساني لبساني

اسامة

اعترافك هيخلي موقفك احسن. ولو قدرت تساعدنا نوصل للطفلة المفقودة افتكر انك هتكون صلحت غلط كبير وقعت نفسك في

سامح

اقسم لك اني ما عرفش البنت فين 

اسامة

مع دكتور صادق 

سامح

انا كمان ما عرفش مكان صادق اصلا كل اللي اعرفه ان صادق مات واندفن من 10 س. بعد حادثة سمر

اسامة

لسة مصمم تضيع وقت

سامح بحدة

انا ما بضعيش وقت وافهمني وصدقني الحكاية من اولها ل اخرها كلها غلط في غلط

اسامة

طيب خليني اسمعها من الاول علشان افهم اللي وصلنا لي في الاخر

سامح اتنهد وقال

الدكتور صادق دة صديق عمري لكني مع الاسف ضعفت وخنت ابنه عادل وكنت علي علاقة بمراته. وعادل عرف وشافني وانا معها. وقبل ما ياخد اي رد فعل ما ستحملش الصدمة ومات 

اسامة

خلصت منه

سامح

والله ابدا دة مات موته ربنا. 

اسامة

ازاي خونت عادل 

سامح 

كله بسبب الحرباية صفية مراته هي اللي قدرت توقعني وتجيب رجلي وخلتني اخون ابن صديق عمري.

اسامة

وبعدين

سامح

اختلفت انا وصفية وقررت اخلص منها ومن قرفها ولبستها قضية مخدرات ودخلتها السجن. قررت صفية تهد المعبد عليه وعليها وبعدت ل ألفت وطلبت انها تشوفها وفعلا راحت لها الفت السجن، ،،،،،،،،،،،،

المشهد الثاني

                      ★السجن★

هنرجع بالاحداث ل كام سنة.   واحنا دلوقتي جوة سجن النساء. وقت زيارة الفت ل صفية. لكنها زبارة متوصي عليها واتقابلو في مكتب المامور وقالت ألفت

خير

صفية

انا اعرف انك جامدة وتقدري تاخدي حق ابنك من اللي قتله

ألفت بشئ من السخرية

الله هو عادل ابني مات مقتول 

صفية

اة واللي قتله صاحب جوزك المقدم سامح

ألفت

ودة بقي حصل ازاي

صفية

عادل عرف اني،،،،،،

وسكتت صفية اتكسفت تكمل الجملة.  لكن ألفت قالت

انك بتخوني معه

صفية استغربت وقالت

انتي كنتي عارفة 

ألفت

شوفتكم مرة في فيلا المقطم. فيلا سامح

صفية

وسكتي

ألفت

واتكلم لية. انتي حرة

صفية استغربت اكتر واكتر

 دة شرف ابنك ازاي تسكتي 

الفت 

ما يخصكيش. عايزا تقولي كلام تاني

صفية فضلت تبص لها وهي مصدومة مش مصدقة اللي بتقولو الفت شافتها الفت علي الحالة دي قامت وقفت وقالت

اشوفك بعد 25 سنة.

ومشيت ألفت وسابت صفية مش مصدقة ان دي ممكن تكون ام ودة يبقي رد فعلها لما تعرف اني ابنها كان بيتخان . ،،،،،،،،،،،

المشهد الثالث 

                     ★مكتب سامح★

ونرجع تاني ل مكتب سامح واسامة بيقول

صفية عندها حق تشك ان الفت والدة عادل.

سامح

ألفت مش والدة عادل دي كانت ممرضة في مستشفي دكتور صادق. ولما مراته الاولي ماتت قدرت تلعب عليه وتوقعه في حبها واتجوزته

اسامة

كدة اتعدلت الصورة.  طيب لية صفية لما شافت ان دة رد فعل ألفت ما بلغتش صادق

سامح

سالت نفسي في الاول نفس السؤال لغاية ما جت ليلة 

ولقيت فيها تيلفوني بيرن رديت ،،،،،،،،

المشهد الرابع

                      ★فيلا سامح★

هنرجع بالاحداث. لكام سنة وراء.  و سامح ماسك سماعة التيلفون وبيقول

الو

صوت ألفت

سامح أنا الفت 

سامح باستغراب

ألفت بتكلمي لية في ساعة زي دي 

ألفت

حبيت اعرفك ان صادق ناوي لك علي الشر

سامح بقلق

يعني اية.

الفت

صفية حكيت له علي كل حاجة كانت بينك وبينها. واحنا لازم نتكلم ونشوف تقدر تعمل اية 

سامح 

صفية دي كذابة وانا مستعد اقول لها كدة في وشها

وقدام صادق

الفت

مش وقته. انت تنزل من عندك دلوقتي وتيجي فيلا فايد انا هناك. مستنياك.  وصدقني لازم تيجي علشان مصلحتك

وقفلت الفت وسامح ما بقاش عارف يعمل اية،،،،،،،

المشهد الخامس

                       ★مكتب سامح★

ونرجع تاني ل اسامة وسامح واسامة بيقول

وطبعا نزلت وروحت فايد

سامح

روحت ويارتني ما روحت،،،،،،،،،،،،

المشهد السادس

                         ★فيلا فايد★

ونرجع بالاحداث.   وسامح بيدخل الفيلا علشان يلاقي ألفت قاعدة في وسط الفيلا. بص لها وقال

صادق ناوي علي اية يا ألفت 

هنا باب الفيلا يتقفل ويدخل صادق ومعه سمر بنت ابنه.  وفي ايدة مسدس وبيقول

صادق ناوي يجيب حق ابنه من خاين زيك

لف سامح وشة وشاف الحالة اللي فيها صادق وقال

صادق نزل السلاح وخلينا نتكلم بالعقل

صادق

اني عقل.  دة انا هخليك تشوف جهنم قبل ما تدخل قبرك

وبعدها بص صادق ل سمر وقال

شوفي جدك وهو بينتقم ل ابوكي منهم

وضرب صادق خمس رصاصات في جسم سامح وقع سامح بعدبها ميت، ،،،،،،،

المشهد السابع

                       ★مكتب سامح★

نرجع ل اسامة وسامح ويقول اسامة وهو مصدوم

وازاي بقي انت ميت وانا شايفك قدام مني واقف علي رجلك.

سامح

اوقات عيونا ما بتشوفش الحقيقية. لكن انعكاس صورتي في المرايا اللي وراك هيعرفك انا مين

اسامة باستهزاء

اية يعني عفريت ولا روح سامح

سامح

شوف بنفسك في المرايا اللي يخليك تعرف انا مين

اسامة من لهجة سامح صدق وبدأ يلف وشة ناحية المرايا الموجودة في المكتب علشان يشوف في المرايا، ،،،،،،،،،،،،،،،

انسوا المرايا واللي فيها وركزوا مع التعليق. المرايا دي ازاز وممكن تتكسر في اي وقت. انما تعليقكم هيفضل محفور في قلبي.

ح(8)

فراق وحرمان

 كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول

                   ★مكتب سامح★

نرجع ل اسامة وسامح ويقول اسامة وهو مصدوم

وازاي بقي انت ميت وانا شايفك قدام مني واقف علي رجلك.

سامح

اوقات عيونا ما بتشوفش الحقيقية. لكن انعكاس صورتي في المرايا اللي وراك هيعرفك انا مين

اسامة باستهزاء

اية يعني عفريت ولا روح سامح

سامح

شوف بنفسك في المرايا اللي يخليك تعرف انا مين

اسامة من لهجة سامح صدق وبدأ يلف وشة ناحية المرايا الموجودة في المكتب علشان يشوف في المرايا سامح ماسك طفاية سجاير وبيستعد علشان يضربه بيها لكن اسامة بسرعه رد فعل انحي بجسمة ولف نفسه بسرعه وضرب سامح بالرجل في بطنه قدر يطيح بي ومن قوة الضربه اتخبط في الحيطة راح ناحيتة اسامة ولف ايدة حوالين منه وقال

دة اللي ربنا قدرك عليه

سامح

ابوس ايدك سيبني اهرب وقول انك ما قدرتش تمسكني وانا هديك نص ما املك

اسامة

ياريت ينفع يا سامح باشا

وسحبة اسامة قدام منه وهو لافف ايدة حوالين ظهرة وخرج بي من المكتب، ،،،،،،،،،،،،،

المشهد الثاني

                  ★مكتب التحقيقات★

اسامة وشريف قدام منهم سامح. وشريف بيقول 

ما كفاية عند بقي يا سيادة اللواء وقول الحقيقة  

سامح

الحقيقة لو اتقالت هيكون ثمنها رقبتي 

سامح 

ما عرفش مكانه دة انا اصلا ما كنتش اعرف انه عايش الا لما انت روحت فتشت فلبته اللي في فايد ووقتها هو اتصل بيا وقالي ابعدك عن الفيلا  والباقي انت عارفه مش محتاج اعيده تاني 

شريف 

بحكم ان دكتور صادق صديق عمرك ف انت اكيد روحت فيلا فايد كتير 

سامح 

كنت كل صيف بروح اقضي كام يوم مع صادق 

شريف 

تفتكر أن ممكن يكون فيها اوضة سريه 

سامح 

وصادق هيعمل اية بالاوضة السرية 

أسامة 

هو مش صاحبك اكيد تعرف هو ممكن يعمل اية باوضة سرية 

سامح 

لو في اوضة سرية كان قالي. 

أسامة 

طيب لو ما فيش اوضة عرف ازاي اني دخلت الفيلا 

سامح 

ما عنديش اجابه 

أسامة 

طيب مراته ألفت ما تعرفش

سامح

ألفت ما تعرفش غير اللي انا اعرفه 

شريف

انا من رأيي اننا نستدعيها ونسالها

سامح 

ابعتي اختي ألفت عن الحكاية دي 

شريف

ما هي متهمة زي ما انت متهم 

سامح 

متهمة بأية 

شريف 

لية ما تكنش هي اللي قتلت سمر 

سامح بحدة

قولت من شوية أن اللي قتل سمر صادق 

شريف

و اية اللي يثبت لنا أن دي الحقيقة. لازم نسالها

سامح

من فضلك بلاش

أسامة 

انت خايف نسألها لية  اية اللى تعرفو ألفت يخوفك كدة 

سامح

مافيش اهي عندكم اسالوها.،،،،،،،،،،، 

المشهد الثالث

                    **شقة شيرين**

وكانت شيرين وفريدة قاعدين قصاد أسامة اللي كان بيقول 

وبعتنا جبنا ألفت وما وصلناش ل اي جديد هو نفس الكلام صادق هو اللي قتل سمر 

شيرين 

معقوله في جد يقتل بنت ابنه 

فريدة 

ويقتلها لية 

أسامة 

سألنا كل الأسئلة دي في التحقيقات وصلناش ل اي اجابه كلهم خايفين يحكوا اية اللى حصل ليلتها 

شيرين

أسامة فين جثة سمر 

أسامة 

مدفونه قريب من فيلا اللواء سامح في مقابر تخص عيلته 

شيرين 

طيب انا عايزها

أسامة 

هتعملي بيها اية 

شيرين 

قلبي بيقولي أن صادق مخلي معه رباب بدل سمر اللي قتلها ب ايدة 

أسامة 

نوع من الاحساس بالذنب 

شيرين 

حاجة زي كدة

فريدة

طيب جثة سمر هتفيدك في أية 

شيرين 

لو قدرت اعيد ليلة الحادثة واروح ل فيلا صادق وأطلب المساعدة مش ممكن يخرج من المكان اللي مستخبي في ووقتها لما يشوف سمر اقدر أساومة على رجوع بنتي قصاد انه ياخد سمر 

اسامة 

ياخدها ميته 

شيرين 

وقتها مش هيشوفها ميته. لأنها هتتكلم 

إسامة 

هو في ميت بيتكلم 

شيرين 

هنخليها تتكلم

أسامة 

دي فكرة مجنونه  ومش مضمون نجاحها 

شيرين 

أسامة ساعدني من فضلك دة آخر امل ليا أن يكون جوة الفيلا وهو اللي يفتح  بس أمر العساكر اللي هناك يمشوا علشان يحس ان القضية خلصت واني بطلت ادور على بنتي  دي بنتي وضاعت مني وانا بإذن الله اللي هرجعها

فريدة  ل أسامة 

انا شايفة اننا نجرب مش هنخسر حاجة 

إسامة 

خلينا طاوعتك وطلعت لك البت من قبرها تقدري تقولي هنخليها تتكلم ازاي،،،،،،،،،،، 

المشهد الرابع 

                          **فيلا صادق**

أسامة ومعه شيرين قاعدين قصاد ألفت والفت بتقول 

في شرايط فيديو كتير ب صوت سمر لأنها كانت بتحب تغني وصادق كان بيحب بصورها وعادل ابني اكتر من مرة يقعد ويتكلم معه ويسجل لها ويقول الحاجات دي كلها بتبقى ذكريات جميلة  بس لية عايزين شريط يكون في صوتها واضح 

أسامة 

دة شغل المباحث بقى واحنا هنا بصفة ودية ومش عايز لحضرتك الشوشرا 

ألفت 

ولو رفض 

أسامة بابتسامة ثقة 

ابعت لحضرتك ظابط واتنين عساكر وبوكس ياخد حضرتك وكل الشرايط اللي عندك لأنها دليل يمكن يعرفنا مين قتل سمر 

ألفت 

قولت صادق قبل كدة 

اسامة

حقك تقولي وحقي اني ما صدقش حضرتك واشك فيكي كمان 

شيرين 

ملَهوش لزوم يا اسامة دي ست كبيرة ومش هتستحمل البهدلة  

وتبص بطرف عينها ل ألفت وتقول 

هي هتجيب لك الشريط. وياريت صوت واضح ولو في أي حوار بينها وبين جدها أو ابوها  

أسامة 

انا من رأيي تجيبي اكتر من شريط واحنا نختار منهم 

ألفت جست على سنانها وقامت تجيب شريط،،،،،،،،،، 

المشهد الخامس 

                        **شقة شيرين**

شيرين وأسامة وفريدة قاعدين قصاد يتفرجو على شرائط الفيديو اللي خدوها من ألفت لغاية ما شافو فيديو ل عادل وهو بيلعب مع بنته في عيد ميلادها قبل مايجي الضيوف وظهر في الفيديو صادق ومعه علبه وقال 

حزري فزري انا جايب لك ابة في العلبة دي 

سمر 

اية 

صادق

قولي انتي انا جايب اية 

سمر 

افتح يا جدي صادق بقي لو بتحبني 

وقفت شيرين الفيديو عند الجملة دي وقالت 

هي دي اللي انا عايزها 

وجابت وكمن من جنبها وكانت حطة في شريط فاضي وسجلت الجملة دي وشغلتها  من الوكمن وقالت وهي بتبص ل أسامة 

كدة ناقص لنا جثة سمر،،،،،،،،،،، 

المشهد السادس 

                        **فيلا فايد**

وشيرين بتدخل من بوابة الفيلا وعلى ايدها جثة سمر وكانت ورغم أن شيرين كانت مرعوبة الا انا تمالكت نفسها ودخلت ل غاية باب الفيلا الداخلي بعد ما بصت ناحية الأشجار المستخبي وراء منها أسامة وفضلت تخبط وهي بتقول 

من فضلكم ساعدوني بنتي على ذراعي مصابه 

وفضلت تخبط وتخبط وداست على زرار التشغيل في الوكمن وطلع صوت سمر وهي بتقول 

افتح يا جدي صادق بقى لو بتحبني 

وفضلت شيرين تكرر الصوت على أمل أن صادق يفتح لكن الباب ما اتفتحش واليأس أتملك منها وقررت تمشي وقبل ما تمشي تسَمع،،،،،،،،،،،،،،،، 

ح(9)

الاخيرة 

فراق وحرمان

                             ‏.    ‏

كتابة واقتباس

محمد منصور. منص 

وقبل ما نبدأ نوحد الله ونصلي علي خير خلق الله سيدنا محمد.

وبسم الله توكلت علي الله وهو رب العرش العظيم

المشهد الاول 

                    ★فيلا فايد★

وفضلت شيرين  تخبط وتخبط وداست على زرار التشغيل في الوكمن وطلع صوت سمر وهي بتقول 

افتح يا جدي صادق بقى لو بتحبني 

وفضلت شيرين تكرر الصوت على أمل أن صادق يفتح لكن الباب ما اتفتحش واليأس أتملك منها وقررت تمشي وقبل ما تمشي تسَمع باب الفيلا بيتفتح ويظهر صادق لفت شيرين وشها وبصت ناحيته وهو قال 

فين سمر   طالما جت معاكي تبقي سامحتني 

شيرين قليها فرح ووريته وشها وقالت 

سمر معايا اهه  اديني رحاب بنتي وخد حفيدك سمر 

صادق فضل باصص للبنت نظرات مجنون وقال 

وهي فين رحاب انا من ساعة ما دفنتها ما شوفتهاش تاني 

شيرين صرخت باعلي صوت عندها ووقعت من ايدها جثة سمر وقت ما هجمت علي صادق وحفرت ظوافرها في رقبته وقالت 

بنتي فين والا روحك هتطلع في ايدي 

صادق بجنون 

دفنتها جنب جدها   هناك 

وشاور ناحية شجرة موجودة في جنينة الفيلا  هنا ينضم لهم اسامة ويتمكن من القبض عليه وشيرين قالت 

دفن بنتي يا اسامة  قتلها ودفنها 

وراحت جري ناحية الشجرة اللي شاور عليها وبدات تحفر بايديها وهي منهارة من كتر العياط اسامة ل شيرين 

يا شيرين اللي بتعملي دة ما ينفعش 

شيرين ما ردتش واسامة طلع سلاحة الميري وحطة في راسة وقال 

انطق عملت اية في البت 

صادق 

دفنتها مع جدها اللي كان عايز يقتلني علشان هي تعيش 

اسامة

جدها مين مش انت جدها 

صادق 

انت غلطان انا ابوها  عادل يا حضرة الظابط  مش انت برضو الظابط اللي جة فتش الفيلا 

اسامة اتصدم اكتر واكتر  وعادل بيشيل المكياج من فوق وشة ويظهر تحت المكياج رجل في الاربعينات وقال 

طالما عرفتو توصلو لي  يبقي ملهوش لزمة اللي انا عاملة في نفسي 

شيرين بعد ما حفرت حوالين متر ولقت ما فيش حد قالت 

بنتي مش موجودة 

وراحت ناحية عادل  وهدومها كلها تراب وشعرها تراب ووشها تراب وغرزت ظوافرها تاني في رقبته وقالت 

انطق فين بنتي 

بص لها وبعدين بص ناحية شجرة تانية وقال 

شوفيها هناك كدة 

شيرين حست انها بيلاعبها مسكت المسدس من ايد اسامة وشدد الاجزاء وحطتها في نص راسة وقالت بتهديد واضح وصريح 

لاخر مرة فين بنتي 

خد  اسامة منها المسدس وقال 

اللي بتعملي دة مش صح  

شيرين وهي بتعيط 

اومال اية اللي الصح اتحرم من بنتي وينكتب عليه اتكوي بنار الفراق والحرمان ودة كله لية علشان وقعنا تحت ايد مجنون 

عادل 

انا مش مجنون صادق ابويا هو اللي مجنون 

وبدأ عادل يبكي وهو بيقول 

لما اب يفكر يقتل ابنه علشان خاطر بنته تعيش يبقي مين اللي مجنون انا ولا هو 

شيرين باست ايد عادل 

ابوس ايدك طلع بنتي برة اللي بينكم  بنتي ملهاش اي ذنب وقولي هي فين 

بص عادل ل شيرين وحالتها ودموعها اللي نزلت علي ايدة وقال 

بنتك جوة في اوضة سرية  وراء المدخنة  

دخلت شيرين الفيلا جري ،،،،،،،،،،،

المشهد الثاني 

                    ★من جوة الفيلا★

شيرين واقفة قدام المدخنة وعماله تبص ليها وتمشي بايدها علي الحيطة زي المجنونة وبتقول 

رحاب لو سماعني ردي عليه 

هنا تسمع شيرين صوت رحاب بتقول 

ماما انا هنا 

شيرين بلهفة 

رحاب انتي بخير 

وهنا كان اسامة ومعه عادل واقفين وراء منها واسامة بيقول 

افتح الاوضة وخرج البت 

وراح عادل ناحية المدخنة وداس علي زرار جوة منها وانشقت الحيطة نصين وظهرت اوضة فيها ثلاجة وسرير وحمام واكل وفاكهة ومية ورحاب تخرج من الاوضة اول ما تتفتح وتجري ناحية شيرين وتاخدها بالحضن لكن دماغها توجعها شوية فتتوجع فتقول شيرين وهي بتبوس كل حتة فيها 

انتي كويسة 

عادل 

ما تقلقيش عليها دماغها هتوجعها شوية بسبب الخياطة انتي ناسية انها عاملة عملية 

وبص عادل ل رحاب وقال 

واحنا متفقين انك ما تتحركيش جامد كدة 

رحاب 

نسيت يا عمو عادل 

شيرين استغربت وقالت

عمو عادل 

رحاب 

دة عمو طيب اوي يا ماما مع اني كنت بخاف منه لما كان سايبني لوحدي في الظلمة لكنة بقي يلاعبني ويجيب لي  احلي اكل  وكان بيدور عليكي 

ورجعت رحاب تبص تاني ل عادل وقالت 

شكرا يا عمو عادل انك لقيت ماما 

استغرب اسامة وبص ل شيرين وما بقوش فاهمين اي حاجة   ،،،،،،،،،،،،،

المشهد الثالث 

                   ★قصاد مكتب اسامة★

شيرين واقفة مع اسامة وبتقول

مش هروح يا اسامة ولازم اعرف اية حكاية عادل دة 

اسامة 

يا شيرين دة تحقيق رسمي ازاي بس تحضري افرضي

المامور جة في اي وقت

شيرين 

اية اللي يجيب المامور في ساعة زي دي 

اسامة 

يعني بنتك ضايعة بقالها كام يوم واول ما ترجع تسييها وتيجي تحضري تحقيق 

شيرين 

رحاب مع فريدة وزمانها نايمة  ومهما تقول انا لزقة وعندي فضول اعرف حكاية عادل دة وانت عارف بقي فضول الستات   من فضلك  يا اسامة علشان خاطري 

اسامة  فكر للحظات وقال 

طيب يا ستي 

ودخلو المكتب ،،،،،،،،،

المشهد الرابع 

                   ★مكتب اسامة★

اسامة وشيرين قاعدين وقصاد منهم عادل وكان بيقول 

عايزين تعرفو اية بالظبط

اسامة 

الحكاية من اولها ل اخرها وازاي صادق كان عايز يقتلك علشان سمر تعيش ازاي يقتل ابنه علشان تعيش حفيدته 

عادل 

انا مش ابنه  

اتصدمت شيرين وحال اسامة ما اختلفش وعادل بيقول 

صادق والفت ما بيخلفوش فقررو يتبنوء طفل من الملجاة  وانا كنت الطفل دة وكبرت وانا كل اللي اعرفه ان صادق بابا والفت امي وبعد سنين كتير الفت تحمل وهي في سن ال 45  حمل كان مستحيل لكنه حصل وتخلف سمر لكن وقتها صادق كان بقي كبير في السن خاف من الفضيحة وازاي راجل في السن دة مراته تحمل قرر اني اتجوز وسمر تبقي بنتي وقدام الناس هو جدها وهي حفيدة وتبقي كدة شكلها اظرق بكتير  وفعلا اشتري لي زوجة بفلوسة وهي اخت صديق عمره سامح وبعلاقات سامح البنت اتكبت باسمي وبقيت ابوها ما كنتش اقدر اقول لا والا هتحرم من الفلوس والعز اللي انا عايش في  وبسبب ان سمر اتولدت من ام  عندها 45 س  دة خلاها ضعيفة وعندها ضمور في خلايا المخ  حاول كتير صادق علاجها لغاية ما تمت عشر سنين  وعلشان تعيش كان لازم عملية وهي نقل جزء من نخاع المخ ل سمر ودة معني احتمال كبير يموت اللي يتاخد منه الجزء دة  دور كتير صادق علي حد يقدر ياخد منه ولو حتي يالفلوس لكنهم ملقوش وقررت الفت تعمل العملية ل بنتها ولو حتي فيها موتي ودة بتحريض من سامح علشان لما اموت مش هورث ويبقي كل اللي ملك صادق ل سمر وفعلا بداو يجهزوا للعملية وانا ما عرفش  وجابو كل المعدات وعملو اوضة عمليات هنا في فيلا فايد 

شيرين 

واشمعني فيلا فايد 

اسامة

بعيد عن العمار ولو مات يدفنوا في اي مكان 

وبعدها بص اسامة ل عادل وقال 

ولما كل حاجة كانت متجهزة قدرت تفلت منهم ازاي 

عادل 

مراتي عرفت في اخر ساعة  باللي بيتجهز ليا بعد ما سمعت الف بتكلم سامح في التيلفون وبتقول ان صادق ضميرة صحي ومش عايز يعمل العملية وخليت سامح يروح فيلا فايد بالليل علشان يقنع صادق ودة من فضل ربنا انهم فضلو كتير يتكلمو لغاية ما قدرت مراتي يارا  توصل وتنقذني وقدرت تفوقني من البنج اللي كنت تحت تاثيرة لكن الفت رفضت ان الليلة تخلص بهدوء وضربتني علي دماغي  مالقتش قدامي غير سمر اتحاما فيها كنت دايخ من الينج والضريه وسمر في ايدي والفت مصممة علي الشر والشر خلي سامح يهجم عليه بدافع عن نفسي جه يضربني برجله حطيت سمر في وش الضربه وقعت من بالكونة الدور الثالث نزلت فوق كبوت عربية صادق صادق بص ل دم بنته اللي علي الكابوت ما استحملش وقع ميت  يارا استغلت انهيار الفت وموت بنتها خدتني وهربنا لكني شوفت سمر بتبص لي وهي بطلع في الروح وبتقول  بابا هتسيبني اموت  ما قدرتش استحمل لكن يارا خدتني وهربنا 

شيرين

هي سمر ما كنتش تعرف ان صادق ابوها 

عادل 

تعرف ازاي بس باتفاق الشياطين اللي تم بينا كلنا 

اسامة 

ولما انت هربت رجعت لية تاني الفيلا 

عادل

رجعت اعالج سمر 

اسامة 

تعالجها