رواية زواج تاني الفصل الاول والثاني والثالث والرابع والخامس بقلم إيمان أحمد حصريه وجديده على مدونة النجم المتوهج للروايات والمعلومات
رواية زواج تاني البارت الاول والثاني والثالث والرابع والخامس بقلم إيمان أحمد
رواية زواج تاني الجزء الاول والثاني والثالث والرابع والخامس
 |
رواية زواج تاني الفصل الاول والثاني والثالث والرابع والخامس بقلم إيمان أحمد حصريه وجديده على مدونة النجم المتوهج للروايات والمعلومات
جوزك اجوز عليكى
ردت بصدمة: انتى بتقولى ايه؟؟
=اه والله زى مابقولك كدا فى نفس اللحظة الل بكلمك فيها دى حبيب القلب بيكتب كتابه ومش هتصدقى بيجوز مين
ردت بغضب: مى بطلى حوارات انتى عايزة ايه بالظبط؟!
مى بشماته: بس انا مش بحور هو فعلا بيجوز عليكى يعنى ده ذنبى انى بعرفك
ردت الاخرى بغضب وهيا مش مصدقه ولا كلمه
= انتى هتستفادى ايه انك توقعى بينى وبين مراد تانى انا زهقت من عمايلك دى
قالت بغل: ياااه انتى واثقة قوى فيه طب لحظة
طلعت تليفونها وبعدها اجرت مكالمه هاتفية لم تستمر طويلا
= عشان انتى اختى حبيبتى انا هثبتلك كلامى يكون فى علمك مش بعمل كدا مع اى حد
ادتها التليفون وهيا بتبتسم بحقد
خدت منها التليفون وبصت بصدمة
قالت بعدم تصديق... ده.. ده
قاطعتها مى: ده يبقى مراد جوزك والل معاه روان بنت عمه شوفتى بقى انا اصيله ازاى صورتلك فيديو بث مباشر وهو بيكتب كتابه عليها مع انه كان صعب والله بس عشان خاطر عيونك اعمل اى حاجة
رضوى بدموع: لا الكلام ده مش حقيقى مستحيل لا
مى بضحك: بس ده مبقاش مجرد كلام ده انتى شوفتى بعينك
رضوى بانكار: انتى عايزة تنتقمى منى صح بس انا قولتلك انى مكنتش اقصد
مى بحقد: انا صحيح عايزة انتقم منك بس مكدبتش فى حاجة يعنى مفترتش على جوزك انا بس ضورت وراه يا.. يامغفل*ة
قعدت على الارض بضعف وهيا ماسكه التليفون بتشوف جوزها الل كان بيكتب كتابه على بنت عمه ودموعها نازلة بصمت
بصتلها مى بتشفى وهيا مبسوطة انها شايفاها بالحالة دى كانت مفكرة انها كدا بالطريقة دى خدت حقها من اختها مشاعرها متهزقش لما شافت اختها بالحالة دى
ميلت خدت من اختها التليفون وقبل ماتمشى القت نظرة اخيرة على اختها بشماته
اما رضوى فظلت على نفس وضعها لمدة ساعتين لحد ماسمعت تليفونها رن مرار واخيرا قدرت تسند نفسها وتجيب التليفون كانت مكالمة من مراد فتحت ومقالتش ولا كلمه وصلها صوته وهو بيقول
=بقولك ياحبيبتي انا للاسف مش هقدر ابات النهارده كمان فى البيت بسبب ظروف الشغل
.... الو رضوى.... رضوى انتى معايا
خرجت من صمتها وقالت بصوت هادئ
=ايوا....
.....ايه مالك مبترديش ليه قلقت عليكى!
قالت بنبرة هادئة غير طريقتها معاه: معاك
.... كنت هقولك هبات النهارده برة البيت بصى انا بصراحه مش عارف الشغل ده هخلصه امتى عندى ضغط شغل فى الشركة ومقدرش احدد هاجى امتى بالظبط
كان متوقع منها انها تزعق وتعترض زى كل مرة بس اتفاجئ بردها
.... ماشى مفيش مشكله
رغم انه اتفاجئ بردها بس معلقش وفرح انه بكدا هياخد راحته اكتر
... طب هقفل ياحبيبتي دلوقتي عايزة حاجة
سلام
عند مراد
حضنته روان من الخلف وقالت
=ايه يابيبى مالك؟؟
قال باستغراب... ولا اعترضت ولا زعقت ولا سألتنى هتيجى امتى ده حتى قفلت من غير ماتقولى خلى بالك من نفسك
روان: طب كويس مفروض تكون مبسوط مش كنت خايف انها تفتح معاك تحقيق
رد بتوهان: ايوا بس... بس فعلا حاسس انها متغيرة
نفخت بضيق وقالت: مش عندنا سيرة غير الست رضوى بقى انتى ناسى ان الليلة فرحنا
جه والدها قالهم
=ايه العرسان هيفضلوا واقفين كدا مكانهم
لاحظ تغير ملامح بنته فقال بقلق
=مالك يابنتى فى ايه؟؟
ردت بتذمر: مفيش يابابى
قال : اوعى يكون الواد ده زعلك
رد مراد وهو بيضمها ليه
= انا اقدر ياعمى ده روان حياتى
طب بقول تطلعوا اوضتكم ولا ايه
ابتسموا الاتنين وبعدها مسك ايدها ومشيوا
مر يوم يومين تلاته مكنتش رضوى بتكلم مراد خالص صحيح مراد كان مبسوط الايام دى لكن الحيرة كانت متملكاه انها مش بتسأل عليه معقول تكون عرفت حاجة نفض كل الافكار دى من دماغه وجه اليوم الل مراد قرر يروح بيته
روان وهيا بتناوله القميص
=مالسة بدرى ياحبيبي
مراد: معلش ياروان لازم امشى عشان رضوى متشكش فيا
قالت بتذمر: ماشى
مراد وهو بيبوس ايدها: هتوحشينى
حضنته وقالت بدلع: وانت اكتر
بعدها مشى مراد وبعد وقت كان وصل قدام بيته فتح ودخل ضور على رضوى بس مكنتش موجودة فى البيت استغرب جدا بس الل خلاه فعلا ينصدم اكتر الل شافه
تفتكروا شاف ايه
وياترى رضوى هتتصرف ازاى هل هتواجهه ولا هتعمل خطة تانية
رضوى... رضوى انتى فين.... راحت فين دى
دور فى كل البيت مكنش ليها اثر وبعدها رجع الاوضة تانى بيفتح الدولاب بالصدفه انصدم اما لقى الدولاب فاضى تماما حس بتوتر شديد وقال بهمس... لا مش معقول
=ايه بتحسبنى طفش*ت ولا ايه؟؟
لف بصدمه لقاها واقفة مبتسمه وبعفوية خدها فى حضنه
انتى كنتى فين؟؟ انا قلقت عليكى اوى ياحبيبتي
بعدته عنها بهدوء وقالت
=روحت يومين قعدت عند ماما
قال بغض*ب: يومين عند امك من غير ماتكلمينى وتعرفينى؟؟
ردت ببرود: معلش نسيت
قال بدهشة: نسيتى! انتى هتستعبط*ى؟
رضوى: طب مانت بقالك اكتر من تلت تيام برة البيت ولا فكرت تكلمنى وتقولى هتيجى امتى
سكت شوية وبعدها حب يغير الموضوع عشان متسألهوش عن سبب غيابه او تفتح معاه تحقيق
قال بهدوء: ياحبيبتي انا اقصد بس انك كنتى عرفتينى لانى قلقت عليكى اوى اما جيت وملقتكيش وبعدين انتى واخده كل هدومك ليه؟
رضوى: عادى يعنى...
باس راسها وقال بحنية: ماشى ياحبيبتي مش عايزك تزعلى منى
=مش زعلانة
قال بحماس: وحشنى اكلك عايزك تعمليلى اكل من تحت ايدك العسل دى
قالت بهمس: بالس*م الها*رى
=بتقولى ايه ياحبيبتي مش سامع
ردت وقالت: بقولك نص ساعه بالظبط ويكون الاكل جاهز
رد بحماس: على ماكان خدت دش
بعد حوالى نص ساعه
دق جرس المنزل فتحت رضوى واستلمت الحاجة حاسبت وجهزت الاكل
طلع مراد لقى رضوى قاعده بتاكل استغرب شوية انها مستنتهوش
=ايه ده ياحبيبتي انتى لحقتى تعملى الاكل وكمان كلتى؟
ردت وهيا بتبلع: اه معلش بقى اصلى على لحم بطنى من الصبح بس وطلبت اوردر
قعد جمبها وهو مستغرب تصرفاتها هل يعقل ان تكون علمت بأمر زواجه من ابنة عمه نفض هذه الافكار مرة اخرى
.... ايه مبتاكلش ليه؟؟
قال بسخرية: آكل ايه بقى هو انتى سبتيلى اكل
ردت ببراءه مصطنعه: اه معلش انا مخدتش بالى بص ممكن تطلبلك اوردر او اقولك انزل كل فى اى مطعم احسن
قالت كلامها وكملت اكل
فقال بااستنكار: مطعم واوردر! مع انك كنتى بتزعقى اما تعرفى انى كلت بره وتقوليلى اومال انا لازمتى ايه
قالت وهيا بتقوم من على الاكل: اهو كل حاجه بتتغير مفيش حاجه بتفضل على حالها
استغرب كلامها بس قاطعت تفكيره وقالت...... هدخل انام
رد بدهشة: من دلوقتي؟؟
ردت بهدوء: ايوا عشان ورايا شغل بدرى
رد بدهشة اكبر: شغل!!؟
قالت بدون اهتمام لدهشته: اه نسيت اقولك صحيح انى اشغلت اختى مى شافتلى شغل
.... اختك مى انتم اتصالحتوا!
رضوى بسخرية: اومال يعنى هنفضل متخاصمي*ن العمر كله
قال بعدم تصديق: كل ده حصل فى التلت تيام الل مكنتش موجود فيهم وانا معنديش علم بأى حاجة
رضوى: معلش بقى انا قولت انك مش فاضى ومحبتش اشغلك بحواراتى اهم حاجة شغلك
مراد باانفعال بسيط: ايوا بس حتى لو مشغول لازم تعرفينى كل حاجه تخصك
ردت بكلمه واحدة..... حاضر
بعدها دخلت نامت
اما مراد فبيفتح التليفون لقى رسايل كتير من روان قفل التليفون تانى بغض*ب من غير مايرد على اى رسالة
عند روان ألقت هاتفها ارضا بغض*ب
والدتها بتشفى: مش قولتلك انه مجرد ماهيروحلها ولا هيعبرك
روان بغض*ب: مامى من فضلك مش وقت كلامك ده خالص
والدتها: انتى الل عملتى كدا فى نفسك وقبلتى بالوضع ده عشان البيه ضحك عليكى وفهمك انه بيحبك لانه طمعان فيكى
والد روان بزعيق: خلاص بقى ياداليا انتى عايزة ايه من البنت سبيها فى حالها
قالت بغضب هى الاخرى: عشان انت عارف انى مش راضية عن الجوازة دى من الاول البيه ابن اخوك بعد ماابوه فلس وخسر الل وراه والل قدامه جه يرسم على بنتى دور الحب وزى الهبل*ة صدقته وهلوم عليها ليه ماهو ضحك عليك انت كمان
حطت ايدها على دماغها بتعب وقالت: بابى خلى مامى تسكت انا... مراد بيحبنى يابابى بيحبنى
طلعت جريت على اوضتها بعدها
مسكها من ايدها وقال بتوعد
=اقسم بالله بنتى لو حصلها حاجة من وراكى لكون قال*ب عليكى ياداليا ابعدى عن بنتى
عند رضوى
استيقظت مبكرا وجهزت نفسها صحى مراد على صوت رضوى فتح بصعوبه وقال
=مش هاكل دلوقتي يارضوى
انصدم اما شافها بهيئتها الجديدة الل كانت مبهره بالنسباله
قال باعجاب: رضوى
قالت بثقه: انا رايحه الشغل
قال بهمس: وانا الل مفكرها مصحيانى عشان الفطار...... انا سايب شغلى عشان نقضى وقت مع بعض
رضوى بهدوء: وانا مش هينفع أأجل شغلى معلش بقى
قال وهو بيقوم: طب استنى اوصلك وبالمرة اشوف مكان شغلك الجديد
قالت بااستفزاز: لا ماهو هاشم ابن خالتى هيوصلنى
بصلها والشرر بيطلع من عينه وقال...... مين ياختى
ماهو هاشم ابن خالتى هيوصلنى
بصلها والشرر بيطلع من عينه وقال بغض*ب..... مين ياختي؟؟
ردت ببرود وهيا تحمل حقيبتها.... بقولك هاشم ابن خالتى همشى بقى عشان متأخرش
مسك دراعها جامد وقال باانفعال
= انا مش موافق على الشغل ده مش هتروحى
رضوى: ليه ماله الشغل مش عاجبك فى ايه ولا عايزنى افضل قاعده فى البيت والملل هيمو*تنى
مراد: وانت يعنى ملقتيش غير شغل مع ابن خالتك اصلا ازاى تفكرى تركبى معاه ياهانم العربية شايفانى دلدو*ل قدامك ولا مش مالى عينك
ردت باستفزاز: مش عارفه والله انت مكبر الموضوع ليه محسسنى ان هركب مع واحد غريب ده هاشم ده ابن خالتى ومتربيين مع بعض
قال بعصبية: انا قولت كلمتى وخلاص ومش عااايز كلااام كتير
ردت ببرود وهيا قاصده انها تستفزه
= مش قادرة افهم ايه مشكلتك؟
رد بانفعال: الزف*ت ده هو مشكلتى
.... مش اسمه زف*ت اسمه هاشم
قال بصوت عالى وعيونه حمرا من كتر الغضب
=رضووووى.... اقسم بالله لو شوفتك بتنطقى اسمه تانى على لسانك لكون....
مسح على وشه بغضب وبعدها قال
=انا آسف يارضوى والله مكنش اقصدى اتعص*ب عليكى انتى عارفه انا بحبك قد ايه
فى اللحظه دى كانت نار شاعله جواها أحقا يحبها؟ كيف وذهب و تزوج ابنة عمه
كانت نفسها انها تواجهه وتقوله انت كدا*ب كان نفسها تسأله ليه اتجوز عليها قصرت معاه فى ايه ولما هو فعلا بيحب بنت عمه ليه اتجوزها من الاول كل ده كان بيدور فى عقلها لكن مهلا فهى ان واجهته فى ذلك الوقت فلم تنجح الخطه التى تخطط لها
=رضوى حبييتى مش بتردى ليه؟!
مسحت دمعه من عنيها وقالت: عايزنى اقول ايه مانت قولت الل عندك واتعصبت عليا
قال بحنية: معلش انا اسف والله ماقصد بس مش عايزك تجيبى سيرة الشغل دى تانى خالص هو انا حارمك من حاجه عشان تشتغلى انت متعرفيش انا بعمل ايه عشانك وعشان راحتك
كانت بتمنع نفسها بصعوبه انها تنفجر فيه وفجأة عيطت بقوة
مراد بقلق: حبيتى فى ايه مالك انا زعلتك فى حاجه بتعيطى ليه؟
كانت بتعيط وهى بتفتكر خيانته بتفتكر الفيديو الل شافته وهو بيكتب كتابه على اخرى وفوق كل ده بيمثل الحب عليها
خدها فى حضنه وهو بيهديها وقالها بحب
=فيكى ايه بس قوليلى!؟
بعدت عنه وهيا بتمسح دموعها وقالت بصوت متقطع..... انا... انا ك.. كنت محت... محتاجة الشغل
قال باستغراب: محتاجه الشغل فى ايه؟
قالت بحزن مصطنع: عشان... خلاص
مراد: عشان ايه يارضوى قولى ياحبيبتي انا سامعك
.... مانا مكنتش عايزة اقولك وأشيلك الهم معايا
مراد بزعل: اخس عليكى من امتى واحنا بنخبى حاجة على بعض قولى فى ايه
قالت بصوت يملؤه الحزن...... بابا واقع فى ور*طة كبيرة بتوع الضرايب رافعين الضرايب عليه اوى وباع نص المحلات الل عنده انا كنت هساعده روحت البنك وطلبت قرض بس رفضوا لان معنديش وظيفه
قال بدهشة: معقول!.... انتى بتتصرفى من دماغك ليه مجتيش قولتيلى ونشوف حل مع بعض
رضوى....... وانت فى ايدك تعمل ايه يعنى؟ انا عارفه انك مشغول فى الشغل ومش فاضى
مراد بانفعال: ياستى يحر*ق الشغل قولتلك اى حاجة تحصل معاكى عرفينى وبطلى تتصرفى لوحدك كدا
... بصى انا هكلم عمى ونشوف هنعمل ايه
ردت على الفور بصوت متوتر
=لا... لا اوعى تعمل كدا بابا لو عرف انى قولتلك هيقطع علاقته بيا هو اصلا رافض اى مساعده من حد
سكت شوية وكانت بتبصله بترقب بعدها قال بعد مافكر
=بصى انا هحولك مبلغ على حسابك اديهم لباباكى بطريقتك المهم انى مش عايزك تجيبى سيرة الشغل خالص
ردت برفض: لا لا انت مش معاك فلوس ده باباك فل*س وخسر كل الل وراه والل قدامه هتجيب منين بس
بصلها بنظرات نارية فقالت.... آسفه ياحبيبي مش قصدى انى افكرك
غير الموضوع وقال: هبعتلك المبلغ الل معايا دلوقتي وأدبرلك باقى الفلوس قريب مش عايزك تقلقى اهلك زى اهلى بالظبط
خرج موبايله وكان أجرى اتصال بعدها قفل وقالها
=انا حولتلك الفلوس على حسابك وزى ماقولتلك هدبرلك باقى المبلغ قريب بس مش عايزك تشتغلى
قالت بتمثيل: ربنا يخليك ليا ياحبيبي
رن هاتف مراد مسك التليفون يشوف مين بعدها بان عليه التوتر
قالت رضوى بجمود: ايه مبتردش ليه؟
مراد بارتباك: لا ده رقم غريب
رن الهاتف مرة تانية وتالته وقفله مراد وهو باين على التوتر
مراد: انا همشى ياحبيبتي عشان ورايا شغل ضرورى اوى
اما رضوى فكانت بتغل*ى من جواها ومقدرتش تمسك نفسها اكتر من كدا فلتذهب الخطه الى الجحيم قالت بغضب اتملكها
= وراك شغل برضه ولا راااايح للهانم الل مجوزها عليا ياخا*اين
وراك شغل برضه ولا راااايح للهانم الل مجوزها عليا ياخا*اين
بصلها مراد بصدمه وقال: ايه بتقولى ايه!
ردت بعصبي*ة: مش انت برضه روحت اجوزت عليا يامراد ولا فاكرنى مش هعرف
مكنش مراد مصدق الل سامعه هل يعقل ان هذا مجرد حلم كيف علمت بأمر زواجه اذن
قاطع تفكيره صوت ضحكات رضوى كانت بتضحك بقوة
...... ايه مالك كنت بهزر ياعم
قال بهمس... بتهزرى!
ردت مابين ضحكاتها: ايوا بهزر... مالك اتغيرت كدا انت اجوزت عليا بجد يامراد
رد على الفور وهو بينفى كلامها: لا طبعا انا بس استغربت كلامك متبقيش تهزرى من النوعية دى تانى لو سمحتى
رضوى بمرح: ماشى ياعم..... خلاص متبقاش قفوش كدا
قال بهدوء.... انا هدخل اغير عشان امشى
بعد دقايق كان مشى
رضوى بغضب: كنت هبوظ كل خطتى بسبب غبائى ماشى يامراد اما خليتك تتندم على اليوم الل فكرت تخونى فيه وتجوز غيرى
فى بيت عم مراد
كانت روان مش على بعضها ومتعصبة جدا
جت الخادمه وهى تحمل كوب القهوة واعطته لروان
شربت روان رشفه واحده وبعدها رمته على الارض بعصبية
انتى غبييي*ية قولتلك ميت مرة من غير سكر
البنت بخوف: بعتذر من حضرتك يامدام نسيت والله
روان بغض*ب: روحى من وشى مش عايزه اشوف وشك هنا
مشيت البنت بخوف بعد مانضفت المكان
والدتها بااستغراب: فى ايه يابنتى مالك؟
روان بانفعال: زهقت من شوية الاغبي*ة الل انتم مشغلنهم
.... دى جديدة ياحبيبتى فى الشغل فهميها براحه مش بالاسلوب ده
كملت بشك..... وبعدين مش ده الل مضايقك فى ايه عرفينى؟
بالرغم انها مكنتش عايزة تعرف والدتها عشان متشمت*ش فيها بس غضبها كان اكبر من غرورها
.... مراد يامامى مش بيرد على مكالمتى خالص غير انه سحب مبلغ كبير اوى من حسابى فى البنك
ردت بسخرية: كمان يبقى اكيد بيخطط لحاجه انا قولتلك ان مراد ده مش سهل
روان بتوتر: يخطط لحاجة ايه!؟
ردت والدتها...... اكيد عايز يسر*قك ويهرب مع مراته وانتى زى الهبل*ه مصدقاه وكمان مأمناه على كل فلوسك
بدأ الشك يدخل قلب روان فلاحظت والدتها ده وكملت
.... مش بعيد يكون هرب دلوقتي بعد ماسرق*ك يامغف*له
=لا يامرات عمى انا مهربتش وكلامك كله غلط
التفت الاتنين بصدمه كان صوت مراد
جريت روان عليه وهى بتحضنه وقد تناست كل حديث والدتها اما والدتها فكانت هتنفجر من الغيظ
.... كنت متأكده انك هتيجى ياحبيبى مش هتسيب حبيبتك روان ابدا
بعدها مراد عن حضنه ووجه كلامه لوالدتها
=كنتى بتقولى ايه بقى يامرات عمى!
قالت بتعجرف: من حقى اسألك عن فلوس بنتى الل عمال تبعز*ق فيها يمين وشمال
روان.... مامى لو سمحتي انا ومراد واحد وفلوسى هيا فلوسه
ردت بغضب.... اخرسى انتى يامغفل*ه يلا رد يابيه عملت ايه بالفلوس الل سرقت*ها من حساب بنتى
رد ببرود: تمام هقول لحضرتك خدتها عشان ناوى ابدأ مشروع برأس مال صغير وقولت لعمى ووافق قالى فلوس مراتك هيا فلوسك مكنتش اعرف انكم هتتضايقوا كدا
كلماته اخرستها لكن روان قالت بتبرير لموقفها...... ياحبيبي انا مشكتش فيك لحظه بس كنت مضايقه انك مش بترد على مكالمتى بس
قالت والدة روان بعد تفكير: مشروع ايه بقى الل هتعمله بفلوس بنتى
رد ببرود: وانا ملزم اقول لحضرتك ايه المشروع؟؟
ردت بسخرية: ايوا طالما فلوسنا مانت فاش*ل زى ابوك الل فلس وخسر الل وراه وقدامه وفى الاخر هر*ب من البوليس ولحد دلوقتي منعرفلهوش طريق
عينه احمرت من كتر الغضب، كل مايحاول ينسى ييجى حد يذكره بأكتر حاجه بتضايقه
.... انا طالع اوضتى
بصت روان لوالدتها بلوم وبعدها جريت ورى مراد تصالحه
والدتها بسخرية: قال اوضته قال
مر شهر على ابطالنا وخلال الشهر ده عملت روان خطة تانية مش انها تتجاهل مراد بل بالعكس كانت بتهتم بيه لكنها فى نفس الوقت بدأت طلباتها تزيد من الفلوس وقدرت تجمع منه مبلغ محترم اما مراد فكان بيحاول ان يرضيها بأى طريقه عشان ميخلهاش تطلب تشتغل مع ابن خالتها الل هو بيكرهه
فى بيت مراد ورضوى
كانت رضوى بتجهز الفطار لمراد
مراد: ايه يارضوى هتغيبى ياحبيبتي اليوم كله بتجهزى الفطار
رضوى: خلصت اهو استنى اوعى تمشى
بعدها جابت الاكل وبدأت توكله بايدها وهو بيبصلها بحب
.... بقولك يامراد!
مراد بحب وهو بياكل من ايدها: قولى ياقلب مراد
ابتسمت وقالت: كنت محتاجه قرشين
سعل مراد بقوة وقال وهو مازال يسعل
=فلوس تانى!؟ ده انتى لسة واخده منى مبلغ كبير مكملش اسبوع
رضوى بزعل مصطنع: كدا يامراد انت بتشك فيا؟؟
مراد...... لا لا ياحبيبتي بس كنت بسأل بس
رضوى: طيب ياسيدى ناوية اعملك مفاجأه
رد باستغراب: بمناسبة ايه!
رضوى: عيد جوازنا ياحبيبي انت نسيت
سكت شوية وهو بيفتكر يوم عيد جوزاهم بس مفتكرش فرد........ اه... اه افتكرت طب شوفى عايزة كام وهبعتلك
رضوى باابتسامه: هعمل بقى حفله كبيره واعزم كل صحابنا واهلنا
مراد بحب: هتكون اجمل حفله ياحبيبتي بس هتعمليها فين؟
ردت بغموض خليها مفاجأه
وفعلا جهزت رضوى للحفله كان مراد فى الشغل لما وصله رساله من رضوى بتبعتله الموقع وتقوله ان الحفله هتكون فى المكان ده
ساب مراد كل الل فى ايده وطلع بعربيته على المكان وهو مبسوط جدا ان كل شكوكه ان رضوى تعرف حاجة عن جوازه من بنت عنه خاطئه
بالفعل وصل المكان فى وقت قياسى...
نزل من عربيته استغرب انها كانت حفله كبيرة كأنها حفل زفاف وليس من اجل الاحتفال بعيد زواج
شاف رضوى كانت واقفه ولابسه فستان جميل جدا ومزوقه نفسها كانت جميله جدا تخطف نظر كل الل يشوفها
قرب منها بابتسامه هيا كمان شافته ابتسمت وقربت منه هيا كمان
قالت والابتسامه لسة على وشها: تعرف ان ده اسعد يوم فى حياتى
كان لسة هيرد بس انصدم اما واحد جه قدامه ومسك ايدها وقال.
واسعد يوم فى حياتى انا كمان يارضوتى
تعرف ان ده اسعد يوم فى حياتى
كان لسة هيرد بس انصدم اما واحد جه قدامه ومسك ايدها وقال.
واسعد يوم فى حياتى انا كمان يارضوتى
ردت بابتسامه: ربنا يخليك ليا يارب
اما مراد فكان مش مدرك الل بيشوفه معقول دى رضوى
خرج صوته اخيرا وهو بيقول بغض*ب جحيمى
ايه الل بيحصل هنا ده؟؟
محدش فيهم بصله وكملوا كلامهم
هاشم: طب ايه مش هنلبس الدبل
=انت بتكلم مين ياحيوااااا*ن
قالها بغض*ب جحيم*ى وهو بيلك*مه فشهقت رضوى بخوف
قرب من رضوى مسكها من ايدها بعن*ف......... وانتى فى ايه مالك!؟ اظبطى يارضوى وقولى ايه الل بيحصل ومتخلنيش اتجن*ن عليكى
فى اللحظه دى وقع نظره على روان الل كانت لسة داخله الحفله
قال بهمس وصل لمسامع رضوى: روان
زقت ايده بعيد عنها وقالت قدام كل الواقفين والل كانوا هما كمان مصدومين من الل بيحصل
ياأهلا أهلا بالدلوعه روان تعالى يابطه جمب ابن عمك.... ولا تحبى اقولك جوزك احسن!
بصلها مراد بصدمه فقالت
ايه كنت فاكرنى مش هعرف انك روحت اجوزت عليا دى
روان بصوت رقيق: هو ايه بيحصل هنا يامراد
مراد بغضب: انتى ايه الل جابك؟؟
روان بخوف: انبعتتلى رساله انك بتخونى وجيت جرى اشوف بتخونى مع مين
مراد بعصب*ية: هخونك مع مراتى ياغبي*ه!
...... آسفه انى بقطع حديثكم الممل بس يلا غور*وا من هنا انتم الاتنين عشان اكمل حفلة خطوبتى على ابن خالتى هشومه حبيب قل.....
قاطعها مراد وهو بيجز على اسنانه بغيظ: رضوى احترمى نفسك وخلينا نقعد وهفهمك كل حاجه عيب الل بتعمليه قدام الناس ده
رضوى بسخرية: اه صح عيب.... لا وانت تعرف العيب اوى ياراجل
مراد بغضب: رضووو*ى
واحد من أصحاب مراد قال بهمس: احنا جينا على أساس انه حفلة عيد جوزاهم طلعت مراته بتجوز عليه
زوجته بهمس: اسكت اسكت عايزين نشوف هيحصل ايه
سمعهم مراد فقرب ضر*ب صاحبه بوك*س بغضب: احترم نفسك ياحيوا*ن
زوجته بغضب: انت بتمد ايدك على جوزى طب روح يابابا اقدر على مراتك الاول الل بتتخط*ب لغيرك وهيا على زمتك
....... لا ياقموره الراجل ده مش جوزى انا خلعته من شهر
صدمه اخرى حلت على رأسه
قال بصدمه: خلعتينى!! ازاى وامتى انتى اكيد بتهزرى!
رضوى بثقة: لا ياحبيبي مش بهزر انت خونتنى واجوزت عليا وانا خلعتك ودلوقتى هنخطب واجوز غيرك بعد ماعدتى تخلص ولا مش من حقى اكمل حياتى زيك؟
التفت مراد لل واقفين كأنهم بيسمعوا فيلم ومستنينن يشوفوا ايه ال هيحصل
=الكل برررررة مش عااااايز اشوف وش حد
وفعلا خرج الكل وكان اتبقى رضوى وهاشم وروان بس
بصلهم مراد بنظرات غاضبه
=وانت لسة واقف مكانك ليه؟ مش قولت الكل بره
رد هاشم ببرود: مسبش خطيبتى مع واحد غريب
مراد وهو بيقرب منه بغضب: لسة هيقووووولى خطيبتى
كان لسة هيضرب*ه بس رضوى وقفت قدامه بتحدى
اتكلم هاشم باستفزاز: رضوى لمى طليقك عشان ميزعل*ش وياريت تاخد مراتك وتمشى
مراد بنظرات جحيمي*ة....... رضوى ابعدى عن وشى انا لازم اربى الحيوا*ن ده واخليه ميبجش اسم مراتى على لسانه تانى
اتكلمت روان بحماق*ة: خلاص ياحبيبي مش هيجيب سيرتى تانى على لسانه سيبهم وخلينا نمشى
اتكلم مراد بعصبي*ة شديده اما لقاها بتتكلم: انتى لسة واقفه عندك بتعملى ايه امشى من هناااااااااا
ردت بخوف: انا... انا
مراد وهو بيزقها بقوة فوقعت على الارض........... بقولك غوووو*رى
قامت من على الارض وهيا بتعدل هدومها بصتله بخوف وطلعت تجرى
مراد وهو بيمسك ايد رضوى بعصبية: يلا قدامى على البيت انا هربيكى من اول وجديد يارضوى
زقت ايده وقالت: اجى معاك بصفتك ايه؟؟
..... مراتى وبلاش كلامك الخا*يب ده لانى عارف كويس انك مخلعتنيش اصل مش انا يارضوى الل واحده ست تخلعنى
ردت باستفزاز: وانا عملتها يامراد وكسر*ت غرورك وعن اذنك انا مروحه بيت ابويا ومش مصدق انى خلعتك تقدر تروح بنفسك تتأكد من المحكمه
وفعلا مشيت وفضل هاشم واقف مكانه بصله مراد بنظرات نارية وبعدها خرج هو كمان
فى منزل روان
كانت بتعيط بانهيار
والدتها بقلق: يابنتى فى ايه وجعتى قلبى بطلى عياط وعرفينى
روان وهيا بتعيط بقوة: ضرب*نى يامامى وزقنى ووقعت على ايدى....... بصى يامامى ايدى اتكسر*ت وو ايدى التانية كمان واجعنى يابابى
ابراهيم: هو مين ده يابنتى!!
كملت عياط بقوة فوقفت والدتها بغض*ب
=هيكون مين غيره ابن اخوك الل طالعلى بيه السما
ابراهيم بانفعال: لا اكيد مراد ميعملش كداااا
روان بعياط: لا يابابى هو الل ضربن*ى واهان*ى
والدتها بغض*ب: مش قولتلك ان هو قومى يابت معايا نعمله محضر انا هسجن*ه ووديه فى داهي*ة
روان بخوف: لا يامامى مش عايزاه ينحبس انا مسمحاه
والدتها=خليكى طووول عمرك خايبة ومعندكيش كراامه
خرج ابراهيم بغض*ب وهو بيقول........... ماشى يامراد انا هوريك
فى بيت والد رضوى
بمجرد مارضوى خبطت كان والدها فتح قبل ماتتكلم كان ضرب*ها كف حطت ايدها على وشها ودموعها نزلت بوجع.......... بابا انت بتضر*نى انا عملت ايه؟
حسين بعصبي*ة........... وبتسألى عملتى ايه يامحترمه بقى بتفضح*ى نفسك وتفضحي*نا معاكى
كانت لسة هتتكلم بس شافت مراد واقف بيبص بشماته
قالت وهيا بتبصله بنظرات نارية........ انت لحقت تصلط بابا عليا ماشاء الله عليك مبتضيعش وقت
اتكلم بهدوء: عمى لو سمحت انا عايز اتكلم مع رضوى كلمتين
ردت بحدة......... خلص الكلام الل بينا
قال برحاء: رضوى ارجوكى اسمعينى الاول هقولك سبب جوازى منها ووقتها من حقك تقررى اذا كنتى هتكملى معايا ولا لا
جت والدتها قالت...... جوزك معاه يابنتى انتى لازم تسمعيه
فكرت شوية بعدها قالت....... عندى استعداد اسمعك بس قبلها تنفذلى شرطين
بدون اى تفكير رد...... موافق على كل شروطك بس متسبنيش انا مقدرش اعيش من غيرك
ردت بسخرية........ استعجلت اوى اما قولت انك موافق بس تمام اقولك على الشرطين
تابعوووووووني
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
