رواية دكتـورتـي الجـميله البارت الثاني بقلم رنا تامر حصريه وجديده على مدونة النجم المتوهج للروايات والمعلومات
رواية دكتـورتـي الجـميله البارت الثاني بقلم رنا تامر حصريه وجديده على مدونة النجم المتوهج للروايات والمعلومات
طارق بإبتسامة/ انا طارق.. طارق الانصاري.. اكيد تسمعي عني.
نور شردت للحظه وتذكرت مراد عندما قال انه يدعي مراد الانصاري.. ثم عادت النظر الي طارق وتحدثت بهدوء.
/ لا الحقيقه مسمعتش عن حضرتك قبل كده.. عموما تشرفنا.. ثم اكملت بتساؤل.. ها بقي ايه الموضوع الضروري اللي حضرتك عاوزني فيه.
طارق بهدوء/ هقولك.. بصي يا دكتور.. انا عندي تلات اولاد.. ولادين وبنت.. المهم الولد اللي المفروض كبيرهم وقدوتهم.. معذبني اكتر من اخواته الصغيرين وانا عن نفسي جربت كل الطرق عشان يتغير بس هو مش بيتغير..ف انا عايز اشوف حل معاه وجيت لحضرتك انهارده عشان تساعديني.
نور وهي تدون ملاحظتها/ ممكن تقولي اسمه وشخصيته بالضبط عامله ازاي.
طارق بجديه/ هو اسمه مراد.. وشخصيته بارده جدا ومش بيعمل غير اللي علي مزاجه وشخصيته بجد صعبه جدا واتمني يتغير فعلا لانه تاعبني انا ومامته.
نور سمعت اسمه ولم تسمع اي شئ بعدها.. ثم تأكدت انه هو مراد الذي راته صباحا.
نور نظرت ل طارق وتحدثت بإستغراب/ وانا المفروض اعمل ايه دلوقتي.. يعني انا دكتوره نفسيه مش مصلحه اجتماعيه.. ثم اكملت بإبتسامة مزيفه.. اكيد حضرتك غلطان في العنوان.
طارق بإبتسامة ثقه/ انا مش غلطان في العنوان ولا حاجه.. انا جاي وبقدملك عرض ومتاكد انه هيعجبك.. والعرض هو انك تساعديني اني اغير ابني وارجعه مراد ابني بتاع زمان.. والمقابل اي حاجه انتي تطلبيها.. ها ايه رايك.
نور شردت للحظه وتذكرت ما حدث بينها وبين مراد وكيف كان بارد في الحديث معاها.. ومن ثم عادت النظر الي طارق وتحدثت بهدوء/ ممكن تسبني افكر..واشوف انا هعمل ايه.
طارق بإبتسامة/ ااه طبعا اوي اوي يا دكتور (ثم اخرج كارت من جيبه واكمل وهو يعطيها الكارت) ده الكارت بتاعي خليه معاكي وقت ما تاخدي قرارك عرفيني.
نور بإبتسامة خفيفه وهي تاخذ الكارت/ done.
ذهب طارق ونور شردت في الفراغ وهي تفكر في حديث طارق.
ــــــــــــــــــــــــــــــــــــــــــــ✦
في الجامعه...
حازم قرر الذهاب الي الفتاه حتي يعتذر منها.. وظل يبحث عنها حتي وجدها تجلس في مكتبه الجامعه.
حازم بارتباك/ احم احم.. ممكن اقعد.
الفتاه بلا مبالاه/ ما تقعد هو انا صاحبه المكتبه.
حازم في نفسه بإحراج/ احم.. ايه الاحراج ده.
جلس حازم ونظر لها وتحدث بنفس عميق/ بصي اولا انا بجد بعتذر.. بس انا..
الفتاه بمقاطعه وجراءة/ هقولك انا.. انت متعود علي كده اصلا عارف ليه عشان بنات الجامعه كلهم بيتمنوا نظرة منك.. عشان هما بنات مش كويسه.. وانت عشان زايهم واحد مش محترم ف فكرتني زايهم وانك اول ما تديني رقمك انا المفروض اكون في قمه سعادتي وابقي مش مصدقه نفسي.. ثم اكملت بسخريه.. لتكون مفكر نفسك دنجواي الجامعه بجد لأ انسااا.. ده هما بيجروا وراك كده عشان انت من عائله غنيه ومعروفه غير كده مكنش حد هيعبرك.
حازم شعر انها تجرح غروره وكرامته ومن ثم تحدث بحده/ انتي ازاي تسمحي لنفسك تكلميني بالطريقه دي.. انتي متعرفيش انا ابقي مين ولا ايه.
الفتاه بسخريه/ لا اعرف كويس انت تبقي مين.. ثم اكملت بإستفزاز.. عشان كده انا بتعامل معاك كده.. لتكون مفكر انه بفلوسك اللي ملهاش قيمه بالنسبالي تقدر تخليني اتكلم بالطريقه اللي انت عاوزها.. لأ إنسااا.. شكلك انت اللي متعرفش انت بتتكلم مع مين.
كانت الفتاه ستذهب ولكن اوقفها حازم وهو يتحدث بسخريه/ طيب يستي انا معرفش انتٍ مين.. عرفيني بقي انتي تبقي مين.. يمكن اخاف لما اعرف انتي مين واسيبك في حالك.
الفتاه بسخريه/ لأ ما هو انت بمزاجك او غصب عنك هتسبني في حالي عشان لو مسبتنيش في حالي هيكون ليا تصرف تاني معاك.
ذهبت الفتاه.. ونظر حازم للفراغ بإبتسامة سخريه.. ثم تحدث بغضب و توعد/ بقي انا مش محترم ومش دنجواي الجامعه.. تمام حلو اوي الكلام ده.. انا بقي هعرفك مين هو حازم الانصاري بحق وحقيقي.
ــــــــــــــــــــــــــــــــــــــــــــ✦
في النادي..
كان يجلس ويستريح من تمرين لعبه التنس وللحظه شرد وتذكر عندما رأها وتذكر كل شيء بالتفصيل وكانها امامه في هذا الوقت.
عاد للواقع وفاق من شروده وقام من مكانه حتي يستعد للتمرين مره اخري.
ــــــــــــــــــــــــــــــــــــــــــــ✦
في المشفي..
كانت تجلس في مكتبها وتفكر في حديث طارق.. وتفكر في الذي ستفعله مع مراد وماذا بإمكانها تفعل حتي تجعله شخص اخر تماما عن الشخص الذي موجود بداخله.. كان لديها شعور غريب.. وكانها اول مره لا تعرف ماذا يجب عليها ان تفعل بالضبط..
بعد عده دقائق جاءتها فكره ممتازه..
ظلت تبحث عن مراد وعرفت عنه كل التفاصيل التي تريد ان تعرفها عنه ومن ثم نظرت للفراغ بإبتسامة خبيثه واكملت عملها بعد ذلك.
ــــــــــــــــــــــــــــــــــــــــــــ✦
في المدرسه الثانويه"international"..
كانت تجلس في الكافيه وترتشف بعض من القهوه تبعاها بهدوء وهي تنظر الي الهاتف وتقوم بتصفح وسائل التواصل الاجتماعي.
حتي جاء من يعكر مزاجها كل يوم.
يوسف بإبتسامة ساحره/ هاي لي لي.. وحشتيني.
لينا بضيق/ متشوفش وحش يا جو.
يوسف بإستغراب/ ايه ده يا لي لي ده بدل ما تقوليلي وانت كمان يا جو.
لينا بملل/ خير يا يوسف جاي عايز ايه.
يوسف بتساؤل/ مالك يا لينا هو انا زعلتك في حاجه.. يعني بقالك فتره متجاهلاني ومش طيقالي كلمه.. ليه كده؟؟.
لينا بضيق/ بص يا يوسف مش معني اني كنت بكلمك ك زميل ليا الفتره اللي فاتت وكنت بطلب منك الدروس اللي بتبقي فايتاني او محتاجه توضيح لحاجه في الدروس.. معني كده انه هيبقي في كلام بينا.. لوسمحت انا مش بتاعت الكلام الفاضي اللي بيحصل في المدرسه ده.. ف لوسمحت متتعداش حدودك معايا والكلام ده ليك ولاي ولد غيرك في المدرسه ف ياريت تحترم كلامي وتتجانبني خالص.. فاااهم يا يوسف.
ذهبت لينا من امامه وظل ينظر لها حتي اختفت من امامه ومن ثم تحدث بتأثر/ مش بإيدي يا لينا.. حقيقي مش بإيدي عشان انا بحبك بجد ومقدرش ابعد عنك.
ــــــــــــــــــــــــــــــــــــــــــــ✦
في الجامعه..
كانت قد انتهت من جميع محضراتها وخرجت من الجامعه ومعاها صديقتها وكانت في طريقها الي موقف السيارات ولكن وجدت من يوقفها ب سيارته ويتحدث بغرور وهو يهبط زجاج نافذه السياره.
/ شايف انك هتطولي في المشي.. انا من راي اوصلك بدل الفرهده دي.
الفتاه بضيق/ محدش طلب رايك.
حازم ادرك انها لن تركب معه.
اوقف السياره وخرج منها واتجه اليها.
حازم بهدوء/ انا بكلمك بجد انتِ كده هتتعبي فيها ايه لما اوصلك يعني.
الفتاه بتساؤل/ هو انت عبيط ولا بتستهبل؟؟.
حازم بمرح/ الاتنين.. ثم اكمل بجديه.. بكلمك بجد بقي يا..
الفتاه بملل/ ساره.. اسمي ساره ارتحت.
حازم بهدوء/ طيب يا ساره.. دلوقتي احنا هنركن خلافنا علي جمب وانتي هتركبي معايا عشان اوصلك ومتخفيش يا ستي انا كده كده هعدي علي مدرسه اختي واخدها من المدرسه وهتفضل معانا لحد ما توصلي بيتك بالسلامه.. ها ايه رايك.
ساره فكرت في حديثه ومن ثم تحدثت بإعتراض/ لا لا لا.. استحاله انت فاهم.. ثم اكملت بسخريه.. وبعدين متقلقش يا ابو قلب كبير انا متعوده اروح كده كل يوم ف متشغلش بالك.. وخليك في حالك لو سمحت.
ذهبت ساره من امامه وتركته وهو غاضب من عنادها المبالغ فيه.
حازم بغيظ وحيره/ انا مش فاهم هي بتعمل معايا كده ليه.. دي شكلها متسلطه عليا.. اصل مفيش واحده اتجرءت تعمل معايا العمايل دي غيرها.
بعد عده ثواني..حازم اتجه الي سيارته وشغلها واتجه الي مدرسه شقيقته.
ــــــــــــــــــــــــــــــــــــــــــــ✦
في المدرسه الثانويه...
قد انتهت لينا من يومها الدراسي وخرجت من المدرسه و وقفت جانبا منتظره قدوم اخيها..
بعد عده دقائق.. جاء اثنان من الشباب وحاولوا ازعجها..
شاب 1/ القمر واقف لوحدوا ليه.
شاب 2/ لا مينفعش كده.. مش اصول بردوا.
لينا كانت خائفه ولكن تظاهرت انها عاديه حتي لا يشعروا انها خائفه/ امشوا من هنا والا..
شاب 1 بمقاطعه وهو يمسك يديها بشده/ والا ايه يا حلوه.
لينا تألمت كثيرا من مسكه الشاب ل يديها ولكن في خلال ثواني تحررت من قبضه هذا الشاب.
الشباب انصدموا كثيرا من ذالك الشاب الذي يقف امامهم وانصدموا كثيرا لانه امسك بذالك الشاب الذي حاول ازعاج لينا وظل يربحه ضربا ولينا كانت واقفه مصدومه ولا تعرف ماذا تفعل.
الشاب واخيرا ترك الشاب الذي كان يربحه ضربا والشباب ظلوا يركضون بعيد عنهم.
الشاب اقترب من لينا وتحدث بتساؤل/ انتِ كويسه يا انسه.
لينا بصدمه/ لا.. ثم فاقت من صدمتها واكملت بإبتسامة خفيفه.. احم.. انا كويسه وبجد بشكرك جدا علي اللي عملته معايا ده.
الشاب بإبتسامة/ متشكرنيش انا معملتش حاجه.. انتِ زي أختِ.
لينا نظرت له بإبتسامة وبعد ذلك شردت في ملامحه وتذكرت انه نفس الشاب الذي تراه كل يوم يمر من امام مدرستها.
لينا بإبتسامة خفيفه/ هو ممكن اسالك سؤال.
الشاب بترحيب/ طبعا اتفضلي.
لينا بتساؤل/ هو انا شوفتك قبل كده بتعدي من قدام مدرستي هو فيه مدرسه تانيه غير المدرسه دي.
الشاب بإبتسامة/ لا بس هو فيه جامعه فعلا قريبه من المدرسه دي عشان كده انا بعدي من قدام المدرسه دي كل يوم.
لينا بدات ترتب الاحداث في ذاكرتها ومن ثم ابتسمت.
الشاب بإبتسامة/ بس انا حاسس انك مركزه معايا اوي لدرجه انك عارفه اني بعدي من قدام المدرسه كل يوم.
لينا ارتبكت كثيرا من حديثه ومن تحدثت بإرتباك/ احم.. لا والله مش حكايه مركزه معاك بس يعني زي ما قولتلك انه انا لاحظت في مره انك عديت من هنا قبل كده.. بس دي كل الحكايه.
الشاب بإبتسامة/ تمام هعمل نفسي مصدقك.. عموما انا اسمي هشام عبدلله وانتي.
لينا بإبتسامة/ لينا الانصاري.
هشام بإبتسامة/ اتشرفت بمعرفتك يا انسه لينا وياريت تاني مره متقفيش بره المدرسه لوحدك عشان محدش يضايقك.
لينا بحركه طفوليه/ حاضر.
هشام ضحك ضحكه خفيفه ومن ثم ذهب وتركها واقفه وهي شارده فيه حتي اختفي من امامها ومن ثم تذكرت طريقه حديثها معه وحدثت نفسها بغيظ
/ هو ايه اللي انا هببته ده.. شكلي كان طفولي اوي ليه كده.. ليه حق يقول اني زي اخته.
وبعد دقائق معدوده جاء شقيقها حتي يأخدها معه الي المنزل.
ركبت معه وذهبوا دون اي حديث بينهم.
ــــــــــــــــــــــــــــــــــــــــــــ✦
في مكان اخر...
كان يقف يحاسبهم علي فعلتهم.
يوسف بغضب/ انا مش قولتلكم تعملوا نفسكم بتعكسوها عشان اجي انا ابعدها عنكم ايه اللي حصل وايه اللي خلي خلقه الحيوان ده متبهدله كده.
تحدث واحد منهم بتبرير وخوف/ والله يا يوسف بيه احنا عملنا اللي انت قولت عليه.. لكن فيه واحد جه وضربنا واحنا خوفنا وجرينا.
يوسف بغضب / اغبيه انا بضيع فلوسي علي شويه اغبيه.. غوروا من وشي فورا.
ذهبو الشباب وبقي يوسف مع نفسه وهو غاضب ويحطم في اي شي يراه امامه.
ــــــــــــــــــــــــــــــــــــــــــــ✦
في اليوم التالي..
في سياره نور..
كانت تنظر للكارت بإبتسامه خبيثه ومن ثم قامت بالاتصال علي الرقم.
نور بإبتسامة/ اهلا يا طارق بيه.
طارق بثقه/ كنت واثق انك هتتصلي.
نور بهدوء/ وثقتك في محلها.. المهم انا موافقه اني اساعدك بس بشرط.
طارق بتساؤل/ ايه هو؟؟
نور بحزم/ تسمع كلامي في كل حاجه واي حاجه تشوفها غريبه بالنسبالك اعتبرها عادي وكانها حاجه عاديه.. لانه اي غلطه هتبوظ كل اللي بنخططله.
طارق بهدوء/ وانا موافق.. المهم انه مراد يبقي شخص كويس.
نور بإبتسامة/ يبقي اتفقنا.
اغلقت نور الهاتف واتجهت الي وجهتها.
ــــــــــــــــــــــــــــــــــــــــــــ✦
في النادي..
وصلت ودخلت النادي وقامت بتسجيل العضويه واجراءات الاشتراك في مسابقه التنس وبعد ذلك ذهبت لتستكشف النادي و من ثم تذهب الي التدرب.
ــــــــــــــــــــــــــــــــــــــــــــ✦
في مكان اخر في النادي..
كان يتدرب بكل مهاره حتي دخل عليه المدرب تبعه وتحدث بنفس عميق.
/ مراد يؤسفني اقولك انه فيه عضو جديد اشترك في النادي.
مراد بتعجب/ طيب وفين المشكله.
المدرب بحزم/ لا طبعا مشكله ومشكله كبيره اوي كمان.. لانه العضو ده مش مشترك في النادي وبس ده مشترك في لعبه التنس كمان.. وعلي فكره بقي دي تبقي بنت.. واللي عرفته عنها انها شاطره جدا وكسبت مسابقات كتير في الرياضه وكان من ضمنهم لعبه التنس.. يعني احتمال كبير تشترك في المسابقه بتاعت السنادي.
مراد بلا مبالاه/ انت عارف مين هو مراد الانصاري.. وعارف بردوا انه مش بيهمه اي حاجه.. اللي بيهمني حاجه واحده بس وهي الفوز.
المدرب بحزم/ مراد انا عارفك كويس و واثق فيك.. بس بردوا لازم نبقي عارفين الخصم اللي بنلعب ضده.. الثقه بالنفس والغرور مش هينفعونا بحاجه لما نخسر.
مراد بعدم اهتمام لحديثه/ متخفش انت..انا عارف انا بعمل ايه كويس جدا.. ثم اكمل بسخريه.. قولي بقي تطلع مين البطله دي.
المدرب بتذكر/ غالباً اسمها نور عبدالله.
مراد بصدمه/ اييييييه!!..
يـتــبـع🦋..
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
