رواية عنب اسود البارت الاول بقلم جمانه السعيدي حصريه وجديده على مدونة النجم المتوهج
رواية عنب اسود الجزء الاول بقلم جمانه السعيدي حصريه وجديده
رواية عنب اسود بقلم جمانه السعيدي
رواية عنب اسود الحلقه الاولي بقلم جمانه السعيدي حصريه وجديده
 |
اني التقيت صاحبة القصه بلصدفه يم بنيه صديقه
ولمن عرفت اني عندي كروب قصص طلبت مني انشر قصتها
اني حيل اتاثرت بهاي القصه
اني عنب عنب اسود مثل ما اهلي يسموني
اني اسمي عنب عبد الكريم
بس اهلي يسموني عنب اسود
راح احجيلكم قصتي وانتم احكمو عليه
بلبدايه لازم ابدي من زواج امي وابوي
امي حلوه بشكل بيضه وملامحها تخبل
من عائله كلهم بيض وحلوين
اما ابوي اسود عبد كلنا عباد الله شعرا عكش عيونه
زغار خشمه جبير
جدي ابو ابوي صديق الجدي ابو امي صداقه صافيه
سنيين هاي الصداقه دامت
وواحد يحب الثاني وواحد يساعد الثاني
أصدقاء على المره قبل الحلوه
جدي ابو ابوي حالته الماديه ممتازه عندا املاك وحالته ميسور
اما جدي ابو امي يعني على كد الحال
لمن قرر جدي سلمان ابو ابوي يخطب الابوي عبد الكريم
جدي..محمد عرض علي ينطي بته اسمها عليه
الي هي امي مره الابنه
لان يعرفه ويعرف اخلاقه ويعرف هو شنو يملك
من اراضي ومحلات وبيوت
جمانه السعيدي
جدي سلمان ابو ابوي فرح صديقه راح ينطي مره
هلمره النسل راح يتحسن
عائله سمره تناسب عائله بيضه
بس امي رفضت هذا الزواج ماكان هامها شكد عندا فلوس لو املاك
المهم هو اسمر ومو حلو
يعني هي حلوه ليش تأخذ واحد مو حلو
بقت ترفض وترفض ابوها ضغط عليه
لازم تزوج عبد الكريم
عليه....شنو ازوج هذا ماتشوف شلونه اسود وبخرع
جدي....شنو موحلو شنو يخرع هنيالج خطبوج
ناس محترمين وأخلاقهم عاليه
عدهم املاك خير من الله بعد شتربدبن
احسن تاخذين واحد فكر لو بلا اخلاق
عليه....ميخالف حتلو فكر بس هذا مااخذا مااريده
جدي...تزوجينا وغصبا ماعليج فهمتي لو لا
شكد حاولت امي ترفض بس جدي صمم على هاي الزواجه
جدي اذا حجا كلام لازم يصير
كال هاي الزواجه أتم يعني أتم
قبل البنيه مالها كلمه ولا احد يسئلها اذا موافقه اولا
هاي شجاعه من امي
وكفت كبال جدي وحجت ذني الكلمتين
بدو اهل ابوي يحضرون للعرس
اشترو غرفة النوم وشترو الذهب كله من الزين
تراجي ام الشباك كبار وباون نازل على الصدر عبالك درع
( الباون كلاده جبيره زنجبيل برم ثكيل والمداليه قرص دائري منقوش علي ويكون حجمه جبير )
وبتوت ومحبس
كل هذا وابوي بس يسمع باامي بعده ماشايفه
يسمع بيها بيضه وحلوه
جمانه السعيدي
قبل عقد الشيخ بعد الزفه اول يزفون العروس البيت العريس ومن تدخل غرفتها يعقدلها الشيخ
وبعدين يزفون العريس
زفو امي البيت العريس وهي ضايجه وما مقتنعه بلعريس
شلون تاخذ واحد اسود وهي بيضه
المهم اجا الشيخ يعقدلها هي بغرفة النوم وياها امها والحبايب والشيخ ورا الباب يسئلها اذا هي قابله بهاي الزواجه لو لا
ماقبلت ترد لا اول مره ولا الثانيه ولا الرابعه وصل للسابعه وهي رافضه ترد
الحد ما بيبي كامت تحجي عليه
كولي نعم تردين تفشلينا كولي لا ولله اصيح ابوج يكسر راسج
خافت امي من التهديد وكالت نعم
.الشيخ...يابويه كطعتي كلبي شنو قصتج
بعدها راحو يعقدون الابوي شويه وكالو راح يزفون العريس
ابوي فرحان واخيرا راح يشوف العروس الحلوه
مامصدك نفسه راح يزوج وحده بيضه
زفو دخل عليه شال البركع
شافها تخبل على جمالها
بيضه وعيونها حلوات والكصايب نازلات منا ومنا حمر
من الحنه بقه فاتح حلكه على جمالها
وما مصدك هاي عروسته ابد
جمانه السعيدي
عبد الكريم... الله يساعدج بيها الخير
امي...هله من ورا خشمها اذا قبل شايفته من بعيد وهلكد تكرها
هسه صار واقع حال واكف كبالها
كلما يريد يقرب عليه ترفض وتصدا
لان ما تكدر تتقبله ابد
رفضت امي تسلمه نفسها بسهوله لان ماتحبه ومااطيقه
بس هو صمم يكون عريس حتلو هي ماتقبل
اصلا مامصدك نفسه
قرب عليه واخذها بلغصب
وهذا الشي خلاها تكرها اكثر واكثر
من هاي اللحظه ابوي تعلق ببها
ابوي يحبها يموت عليها ومايكدر يرفضلها طلب
امي رغم حب ابوي وتعلقه بيها بس ماكدرت تحبه
رغم هو مدللها دلال مو طبيعي
ومايرفضلها طلب بس ماتكدر تباوع بوجها
ماطولت امي شهرين وحملت بيه
اني مواليد ٧٥
اني البنيه الحبيره بلعائله
شكد امي جانت تكره ابوي كرهتني اكثر
لان اني طلعت نسخه من ابوي
سوده شعري عكش عيوني زغار خشمي جبير
من شافتني امي تخبلت ياا ابنبه وسوده
يبوووي طلعت على ابوها
مااريدها شنو طلعت على ابوها
اول فتره حتى رفضت ترضعني شمرتني وعمتي رضعتني
تخبلت مني
ماتريدني ولاتقرب عليه ولا دخلتني غرفتها ابد
ابوي....شبيها تخبل شحلاتها جنها حبة عنب
طبعا اني سمينه وسوده ومدهربه صدك جني حبة عنب
من بعدها قرر ابوي يسميني عنب
حتى تكمل الحسبه ويصحولي عنب السوده
ابد امي ما تعاطفت وياي ولا حن كلبها عليه
كانت تسمعني ابجي وابد ماتجي تسكتني
من يسمعني ابوي ابجي
ابوي....ليش عنب تبجي
امي...خليها بلكت تموت واخلص منها
امي كانت ترفض حتى ترضعني
بيت عمتي الجبيره بصف بيتنا من ابجي تاخذني بيبي
العمتي حتى ترضعني
لو ينطوني ماي وشكر
اكثر وحده مهتمه بيا بيبي تحبني ومتقبل ابجي
بس امي ابد مااذكر تشيلني لو تحبني
مااذكر يوم من الايام نومتني بحضنها
من كد الاهمال من بديت امشي طلع عندي طرف قصير وطرف طويل
رجليه وحده طويله ووحده شويه اقصر
من امشي انزل رجلي اليمين على الكاع
ورجلي اليسار تنزل بس اصابعي الكدام
خاف جنت سوده عبده وبس هسه كملت الحسبه
طلعت عرجه
امي كرهتني اكثر واكثر
المهم بعد ماصار عمري سنتين امي حبلت للمره الثانيه
كانت خايفه لا يكونون جهالها كلهم مثلي
بحيث طلبت من امها تساعدها حتى تطلك
تخاف جهاله كلهم يطلعون على ابوي
بس قبل وين اكو وحده تطلك لو كلشي المره تتحمل وتصبر ولا تطلك
بلاضافه جدي مستحيل يقبل امي تطلك
لان فعلا عايشه عيشة الملوك ليش تطلك
اجا اخوي الاول ابيض وحلو يشبه امي
امي قررت تسمي علي
كانت فرحانه بي بشكل
مايوكع من ايدها ابد كل النهار شايلته وتفتر بي
اما اني مكاني الكاع
اصلا ما تعتبرني بتها
تخاف علي بشكل مو معقول تخاف يبجي لو يضوج
ولد وابيض شلون تخلي يبجي
بعدها على الأربعين طلعت حامل جابت ولد ثاني
طلع ابيض ويخبل
سمته حسن كل العنايه والمدارا الخواني
واني محد بحالي
بيبي جانت تعتني بيه بس على كد عرفته
لان هي مره جبيره
وتعبانه ماكنت البس مثل خواني ولا اكل مثل اكلهم
حتى ابوي فرحان بلولد
طبعا اني بنيه وسوده ليش يحبني
بس هاي خلقة رب العالمين قابل اني شبيدي
جمانه السعيدي
من صار عمر حسين سنتين وعلاوي اثلاثه
حملت امي للمره الرابعه
كل مره تحمل بيها امي تبقى خايفه
لا اجيب وحش يشبهني
بس رب العالمين جبر خاطرها واجا الولد الثالث ابيض وحلو
سمته عمار
حتى أسمائهم حلوه مو مثلي سموني على لوني
امي كامت ماتشوفني اصلا
اني من اول مانولت واني انام يم بيبي
تصدقون الحد ماكبرت واني متوقعه بيبي امي
لان امي مو بحالي ولا تهتملي ولو اموت كدامها ماتسئلني شبيج
كبرت واني اعاني من الاهمال
امي ماقبلت اسجل بلمدرسه
تكول خاف الناس تشوفها ونتفشل
بس بيبي صممت ادخل المدرسه حتى اتعلم اقرا اكتب
الحمد لله كنت شاطره بلمدرسه رغم محد يقريني
بس شاطره
امي الصبح تكعد. حايره بخواني واذا واحد منهم تمرض
تحرك الجووو
تركض بي ركض تريدا بس يصير زين
اذكر مره تمرضت صخنت بليل حيل
بيبي راحت اجيب منها خافض حراره
ماقبلت تنطيها
تكله لا ماانطي خاف واحد من الولد يصخن
هي شعليها جنها حصان هسه تصير زينه
بيبي بقت تسويلي كمادات للصبح منا لمن نزلت حرارتي
ولا اجت ولا سئلت عني
الصبح بيبي تكعد كوه تمشط شعري لان عكش
وتضفرلي كصايب ثنيبن ناصيات تريكني حتى اروح للمدرسه
جمانه السعيدي
بقينا بيت جدي الحد ماخلصت السادس ابتدائي
مات جدي وبعد بفتره قصيره
ماتت بيبي
شكد بجيت وحزنت عليها لان هي امي اني مااعرف ام
غيرها بلدنيا
فعلا ضعت من بعدها
محد جان يهتم بيه غيرها
بيت جدي نباع وتوزعت حصص وطلعنا بيت وحدنا
اكيد امي مجبوره تاخذني وياها
لان وين ابقى كل واحد اخذ حصته وشترا بيت وسكن
اول قرار بحقي امي اخذته
مدرسه ماكوووو
طلعه ماكووو
انتي شغلج خدامه بهذا البيت
طفله عمرها ١٢ سنه تشتغل شغل البيت كله
وممنوع تفتح حلكه بكلمه وحده
مو بس هاي تشجع اخواني يضربوني ويغلطون عليه
والكل يصيحلي السوده
تكعدني من الصبح غسل كنس مسح غسل ملابس
طبخ ماكنت اكدر اوصل للطباخ
اخلي تخته الثرم وواكف عليه حتى اكدر اطبخ
من امشي تقلد عليه لان اني اعرج بسبب رجلي
اذا اجانا خطار ماتخليني اطلع
تستحي من شكلي
ممنوع اطلب اي شي هي اذا عجبها تشتريلي ملابس
تشتريلي من الملابس الرخيصه العاديه
بس خواني لا يلبسون كله ملابس حلوه احدث موديل
ابوي كان بخاف يناقشها باي موضوع
يحبها ويخاف على زعلها
بقت تعيره بزواجه الغصب الحد مامات
كلما تحجي نكول اني انجبرت عليك
لو بيدي مااخذك ابد
بكل هاي المعمعه اني الضحيه الوحيده
محد يريدني ولا واحد.يفكر بيه
للحكايه بقيه
تابعووووني
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
