نوفيلا ضرتي الحنونه بقلم أماني سيد حصريه وجديده وكامله جميع الفصول علي مدونة النجم المتوهج للروايات والمعلومات
 |
مش دى ضرتك اللى داخله الفرح دى
نظرت منال فى إتجاه الباب وجدت زوجها قام من الكوشه لاستقبال زوجته الاولى
ولاء: هو بيعاملها مده ليه ده زى ماتكون هى العروسه مش انتى بصى راح استقبلها وباس ايديها وفضلها ترابيزه عشان تقعد عليها
منال : شكلها مش سهله ابدا هى مفهماه إنها طيبه وحنينه بس بصى بدأت اللعب بدرى أوى بس على مين انا عامله حسابى
ولاء: هو هيقضى الفرح عندها ولا إيه
منال : مش عارفه ايه حرقه الدم دى بصى كل الموجودين بيبصوا مستغربين اللى بيحصل
ولاء: دول جايين ناحيتنا بصى أنا هقف قريب منك أسمع بيقولولك إيه ماشى وانتى خليكى جامده كده وزى ماهى بتمثل وبتلعب من تحت لتحت اعملى انتى كمان زيها
منال : حاضر ماتقلقيش
تركت ولاء منال وذهبت لتشاهد من بعيد ما يحدث
اقترب مؤمن ومعه زوجته الأولى اسراء واقتربوا من منال
مؤمن : احب اعرفك يا منال على إسراء مراتى هى جت بنفسها الفرح تتعرف عليكى وتديكى هديه
اخرجت اسراء من حقيبتها علبه مخمليه بها سلسال وبه دلايه لايه الكرسى
اسراء : ازيك يا حبيبتي عامله ايه اتفضلى الهديه دى ويارب تعجبك واتمنى انك تعتبرينى زى اختى الكبيرة انتى هتسكنى معايا فى نفس العمارة اى حاجه تحتاجيها كلمينى اى وقت
اخذت منال منها السلسال وشكرتها
منال: أكيد طبعا هنبقى أخوات انا حبيتك من كلام مؤمن عنك
إسراء: مؤمن ده مافيش راجل زيه ربنا يباركلكم فى بعض ويرزقكم الزريه الصالحه
انا جيت ابارك واستاذنكم بقى همشى عشان الحق اجهزلكم حاجه العشا
مؤمن: السواق بره خليه يوصلك
انتهى الفرح بدون احداث جديده وسلمت منال على أهلها وتركتهم وصعدت لمنزلها الذى يوجد فى نفس العقار الذى تسكن به اسراء
تعريف الشخصيات
مؤمن شاب ابن عيله غنيه فى الصعيد أتى للعيش فى القاهره لفتح فرع معرض للسيارات المستعمله وكان المعرض تحت ادارته لذلك انتقل مع اسراء زوجته وحبيبته وابنته عمه للعيش بالقاهرة
اسراء: زوجته وحبيبته من الطفوله دائما تضح مصلحة مؤمن أولا لا تستطيع الانجاب لذلك أصرت عليه عائلته بالزواج رفض مؤمن فى البداية رفضاً قاطعا ولكن اسراء استطاعت إقناعه ووعدته إنها لن تتركه
منال موظفه تعمل كسكرتيره لدى مؤمن وتعلم مدى حبه لزوجته ولكنها دائما كانت تريده لنفسها وعندما طلبها مؤمن للزواج وافقت فوراً واقنعت أهلها رفض اهلها فى البداية ولكن تحت إلحاحها وافقوا
مؤمن : بصى يا منال ده من دلوقتي بيتك ومملكتك تقدرى تعملى فيها كل اللى نفسك فيه ووعد منى أى حاجة هتطلبيها هجبهالك طالما فى مقدرتى بس انا ليا عندك طلب اسراء عايزك تعتبريها زى اختك هى طيبه جدا جدا وهتحبك تصدقينى عايزك تقربى منها وهى هتعرفك انا بحب أيه وبكره ايه ولو حصل نصيب وحملتى وخلفتى مش عايزك تحرميها من الطفل ده اعتبريها اختك وخليها تساعدك في تربيته ممكن هو ده الطلب الوحيد اللى عايزه منك
حركت منال رأسها موافقه على حديثه وهى تبتسم لكن من داخلها نار الغيره تحتلها ايعقل ان يحدثها عن زوجته الأولى فى أول يوم لها فى بيتها لا لن تتركها فى حالها يجب أن تريه وجهه هذه الفلاحه الحقيقى
بعد انتهاء حديثهم رن جرس الباب فتح مؤمن وجد اسراء اتت له بطعام العشاء للعروسين عباره عن حمام وطاجن من الارز المعمر ودجاج محشى بجانبهم بعض السلطات والمقبلات إضافة إلى الحلويات الشرقيه
اخذ منها مؤمن الطعام وشكرها وعادت اسراء مره اخرى لمنزلها
جهز مؤمن الطاوله ونادى على منال التى ابدلت ملابسها وجلسوا يتناولون الطعام سوياً
وقضوا ليلتهم الاولى
كانت اسراء تجلس فى منزلها تريد البكاء لكن كانت تهون على نفسها انها تعلم جيداً مدى عشق مؤمن لها اتت لها العامله وجلست معها وظلت تحدثها وتحكى لها مواقف طريفه جعلت اسراء تنشغل معها فى الحديث
مر الاسبوع الاول وكان مؤمن مابين منال واسراء يريد ان يعدل بينهم وكانت اسراء يومياً تصنع الطعام وترسله مع العامله
سافر مؤمن ومنال تحت إصرار منال لتغيير للسفر لقضاء شهر عسل وعندما عادوا اصر مؤمن على البقاء مع اسراء اسبوع حتى يعوضها ويبدأ فى تقسيم الايام بينهم ثلاث ايام لمنال وثلاثه لاسراء وجمعه لمنال وجمعه لاسراء
لم يقل حب إسراء فى قلب مؤمن
ولكن الغيره كانت تذداد داخل منال لكنها قررت أن تصبر إلى أن تتأكد من حملها فحتماً عندما يعلم مؤمن بحملها سيفضلها بالتأكيد ويزداد حبها فى قلبه
مر شهر اخر وابلغت منال مؤمن بحمله فرح كثيرا بذلك الخبر وابلغ اسراء التى فرحت هى الاخرى فهى تعتبر منال اختها
مر شهرين على حمل منال كانت اسراء تعتنى بها ترسل لها الطعام الصحى يوميا ولم يتغير حب مؤمن لاسراء أو بعده عنها كما ظنت منال
اتصلت منال على ولاء صديقتها وقررت ان تصنع لاسراء سحر
استغلت انشغال مؤمن وخرجت بحجه زياره الطبيب وذهب مع ولاء لذلك الساحر ( لعنه الله هو ومن يذهب له )
جلست اسراء مع الساحر واعكته مبلغ كبير من المال وقصت له مدى حب مؤمن لاسراء وانها لم تستطع ابعتدها عنه وهى تريد ابعادها
اعطي الساحر لمنال زجاجه وطلب منها وضعها فى الطعام والشراب لاسراء لمده ثلاثه أيام وبعدها سترى التحول
ذهبت منال للمنزل وصنعت عصير لها ولاسراء ووضعت ذلك الشراب وذهبت لاسراء ك. تعطيها اياه
اسراء: ايه ده اما مش مصدقه انك جيتى بنفسك تقعدى معايا نورتينى يا منال
منال : انا عملت عصير بزياده وجبته وقلت اشرب انا وانتى وندردش سوا اكلمك عن نفسي تحكيلى عنك كده
شربت اسراء ذلك العصير الموضوع به السحر وظلت تدردش مع منال إلى أن اتى مؤمن وفرح كثيراً بتقربهم
مر الثلاث ايام وبدأ مفعول السحر يظهر على اسراء اصبحت مريضه ذهب مؤمن بها لاكثر من دكتور ولم يعلم السبب
اهمل مؤمن عمله وظل مرافق لاسراء لا يعلم ماذا يفعل اصبحت منال تزور اسراء وتطلب من مؤمن الذهاب للعمل وهى ستجلس معها
ورغم مرض اسراء إلا انها احبت منال واصبحت تعطيها من ذهبها ظناً منها أن منال تحبها وحزينه عليها اخذ الفضول منال أن تسأل اسراء عن حياتها مع مؤمن ولما وافقت على زواجه
منال : أنا عايزة اعرف واحده بتحب جوزها كده ليه تخليه يتجوز عليها ماخفتيش يتغير عليكى
اسراء : حتى لو اتغير طالما مبسوط اما مرضيه
بصى يا منال عيلتنا كان عليها طار كبير أوى راح منه اتنين من اخوات مؤمن ماتبقاش غيره هو والبنتين وولاد عمه برضه راح منهم كتير لحد ماتعمل الصلح فاحنا كصعايده بنهتم اوى بالعصب ( يعنى خلفه الولاد ) عشان كده لما عرفت انى مستحيل اخلف طلبت من مؤمن يتجوز وهو ماعترضش مش معنى كده إنه اتجوزك عشان الخلفه وبس لأ هو لو مكنش حبك مكنش اختارك كان فضل عاذب وانا حبيتك عشان هو حبك ولما عاشرتك حبيتك
جلست منال تبكى وهى تشعر بالذنب اتجاه تلك الملاك وذهب للساحر مره اخرى حتى تبطل العمل لكن الساحر رفض وابلغها إنه سينقلب عليها إذا اوقفه
ذهبت منال وجلست مع اسراء وكانت تبكى وتستغفر الله وكانت تظن اسراء ومؤمن ان بكائها حزناً على اسراء
الأخير
مؤمن: انا مكنتش اعرف انك اصيله كده يا منال وحبيتى ضرتك اوى كده كنت شاكك انك مش هتتقبليها
منال: اسراء طيبه وبتحبك وبنت حلال
مؤمن: وقوفك معانا في المحنه دى علامى اوى فى نظرى ومعزتك ذادت فى قلبى اوى يا منال
منال : ايه رايك تجبلها شيخ يقرأ عليها يمكن
مؤمن: تصدقى فكره انا هجبلها شيخ يقرا عليها
بالفعل جلب مؤمن أكثر من شيخ لاسراء واجمعوا جمعيا على أن اسراء مصنوع لها س*حر يجرى بدمها و لا يمكن فكه أبدا
ازداد الهم على مؤمن واسراء اصبح وضعها فى حال لا يرسى له ولم يشعر مؤمن بفرحه بحمل منال نظراً لوضع
مر سبعه اشهر من حمل منال ولم تستطع الفرحه قط ولا تشهدعر بفرحه مؤمن تجاهها واصبح وضع اسراء اسوء ونقص وزنها اكثر من النصف
جلست اسراء كعادتها تقرأ القرآن وكان ذلك اليوم مؤمن فى منزل منال
جلست اسراء تقرأ سوره البقره فرب الفجر ووقفت عند الايه
بسم الله الرحمن الرحيم
وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ الآية
صدق الله العظيم
اخذت اسراء تكرر تلك الايه مراراً وتكراراً وهى تبكى وتتضرع إلى الله أن يزيل اى س*حر او ش*ر بها
غفت اسراء فى نوم عميق اثر البكاء وهى على سجادة الصلاة
ورأت فى المنام انها تجلس فى غرفه مظلمة بها افعى حاولت الهرب من تلك الأفعى واخذت تجرى وكانت الافعى تلاحقها وفجأة فتح باب وخرجت من الغرفه المظلمه الى حديقه كبيره بها انواع كثيره من الفاكهه
ويقف على باب تلك الحديقه رجل يرتدى جلباب ابيض وعمامه بيضاء اخذها من يدها وجلس بها أمام بحر مالح واعطاها حقيبه سوداء وامرها بفتحها ففتحتها اسراء ووجدت بها قطعه قماش معقوده فامرها بفكها ثم حرقها واعطاها قداحه فعلت اسراء ما أمرها به ثم امرها بعد ذلك بالقاء بقايا الحريق في البحر وفعلت مثلما امرها الشيخ
وعندما وضع رماد تلك القماشه فى ذلك البحر تحول لقطعه معدن اخذها ذلك الشيخ وقام بكسرها اشار لها بيده أن تخرج من ذلك الباب واخبرها انها تخلصت من تلك العقد استيقظت اسراء من ذلك الحلم على صوت أذان الفجر قامت وتوضت وصلت فرضها واحست براحه شديدة وتحسن بحالتها واحست بجوع شديد ذهبت للمطبخ وصنعت الطعام وجلست تأكل ثم بعد ذلك خلدت للنوم
استيقظ الجميع بعد ذلك ولم يريدوا ان يزعجوها فتركوها الى ان تستيقظ بمفردها
مر بعض الوقت واستيقظت اسراء واحست بتحسن كبييير فى صحتها وشعرت بجوع شديد واشتهت بعض الأطعمة
قامت من السرير وذهب للمطبخ وراتها العامله وارادت مساعدتها لكنها رفضت وابلغتها انها تريد صنع الغداء بنفسها اليوم
جاءت مناا وتفاجئت باسراء وفرحت كثيراً أن صحاها تحسنت واصرت على مساعدتها فى صنع الغداء وأثناء طهيهم اخذتهم الأحاديث
اسراء: صحيح يا منال مورتنيش جبتى ايه للبيبى أنا عرفت أنه ولد
منال : بصراحه مكنتش حاسه بأى فرحه ومجبتلوش حاجه
اسراء: بتهزرى ايه رايك نجهز الغدى ونروح لمؤمن المعرض نعملهاله مفاجئة ونتغدى معاه وننزل أنا وانتى بعد كده نشترى لبس للبيبى
منال : مافيش مشكله مؤمن هيفرح اوى بيكى
بالفعل انتهت اسراء من صنع الطعام بمساعدة منال وذهبوا للمعرض عند مؤمن تفاجأ مؤمن بدخول اسراء ومنال ومعهم حقيبه طعام ذهب لهم مباشره وترك العميل لإحدى الموظفين للمتابعه معه
مؤمن: معقول اسراء قدرتى تنزلى من البيت
اسراء: أه حسيت انى بقيت احسن قلت اجى نتغدا مع بعض
طيب تعالوا فى المكتب
دلفوا جميعاً للمكتب وجلسوا يتناولون الطعام
مؤمن : الله الأكل ده انتى اللى عملاه صح نفسك واضح فيه
اسراء : فعلاً أنا اللى عملاه وقلت نتغدا كلنا مع بعض وبعد الغدا ننزل نشترى حاجه النونو اللى معرفش ازاى لحد دلوقتي نسيتوها
مؤمن : اه صحيح ازاى يا منال مقولتليش انا مش بفهم فى الحاجات دى دى حاجات ستات
منال : وحد قلك عليا مقطعه الخلفه ماهى اول مره برضو
اسراء: خلاص هننزل سوا ونختار مع بعض كل حاجه
مؤمن: على أساس انك خبره لانتى ولاهى بتفهموا
اسراء : نتعلم نتعلم يا مؤمن نسأل نمسك الخامه بادينا مش هنغلب هات بس انت الفيزا ويبقى كده كتير خيرك أوى
مؤمن: هتقدرى تنزلى إنتى لسه تعبانه
اسراء: لا بقيت كويسه وبقالى كتبر مش بقوم من السرير عندى طاقه وعايزه اخرجها ثم نظرت له بمعنى انها لا تريد الحديث الآن
مؤمن : اتفضلوا الفيزا اهى هاتولكم اللى نفسكم فيه
خرجت اسراء مع منال واشتروا جميع مستلزمات البيبى لكن منال لم تختار أى شئ فقد تركت اسراء هى من تشترى كل الاشياء على ذوقها
انتهوا من التسوق وخلال ذلك الوقت كانت اسراء تتناول اطعمه جاهزه من المطاعم كانت تتناول مل ماتشتهيه نفسها
ذهبوا للمنزل وجدوا مؤمن منتظرهم
مؤمن : مالسه بدرى
اسراء: بدرى من عمرك تعالى بص جبنا ايه
جلست اسراء ترى مؤمن ماقاموا بشراءه وكانت منال تجلس صامته تفكر
فتلك الفتره السابقه تغيرت كثيرا حتى طريقه تفكيرها قد تغيرت
مؤمن: مالك يا منال سرحانه ليه مش فرحانه بالحاجة فى حاجه مش عجباكى
منال : لأ بالعكس الحاجه جميله اوى بس انا هطلع ارتاح خليك انت مع اسراء انهارده
اسراء: ده يومك يا منال
منال : انا كده كده هنام عشان مرهقه بسبب اللف انهارده عن اذنكم
تركتهم ورحلت وجلس مؤمن بجانب اسراء وقصت له اسراء جمبع ما حدث معها وهم الرؤيا التى شاهدتها وجلبت منه عدم قصها لأى شخص آخر
وافق مؤمن على حديقها وعادت اسراء كما كانت واصبحت علاقتها بمنال كأختين
مرت الايام وتبقى اسبوع على انجاب منال وطلبت منال من مؤمن الحديث فى امر هام
منال: مؤمن انا عايزه بعد ما اخلف ابنك ننفصل
مؤمن : ليه يا منال انا زعلتك او حد ضايقك في حاجه
منال : بالعكس يا مؤمن انا حبيتك انت واسراء بس انا مش هقدر اكمل انا عايزه اسافر وأبدا من جديد
مؤمن : طيب وابنى
منال: انا هسيبهولك تربيه انت واسراء وهاج. كل فترة اشوفه واطمن عليه انا خليت اسراء تختار بنفسها كل حاجه عشان تحس أنها امه فعلا
مؤمن: طيب لو عايزه تفصلى أو تبعدى شويه تريحى اعصابك اما معنديش مشكله بس بلاش الطلاق احنا مبسوطين
منال: مؤمن لو سمحت دى رغبتى ارجوك نفذهالى
ذعن مؤمن لطلبها وحاولت اسراء ارجاعها عن الطلاق لكنها أثرت عليه
اسراء: منال أنا اختك خليكى صريحة معايا وقوليلى مالك
منال : بصى يا اسراء انا هقولك الحقيقة بس ارجوكى سامحينى وتأكدى إن منال اللى قدامك دى مش هى منال اللى اتجوزها مؤمن
انا كنت بغير منك اوى فوق ماتتخيلى كنت بغير من حب مؤمن ليكى حتى يوم فرحى كان بيوصينى عليكى طول الوقت بيتكلم عنك اخاف اعلق او ازعل يقولى انى بغير حتى لما حملت برضو بقى يوصينى إن الطفل ده هيبقى ابنى أنا وانتى وده خلانى أعمل اكتر ذنب ممكن اعمله
عملتلك سحر وللأسف ندمت وحاولت افكه لكن للأسف معرفتش والدجال رفض يفكه بقيت اقرأ عن السحر أكتشفت إن اللى عملته ده ذنب كبير وشرك بالله سبحانه وتعالى بقيت كل يوم اصلى وادعى واعيط لربنا عشان يغفر لى ذنبى ويشفيكى والحمد لله ربنا شفاكى بعدها
حسيت بفرحه مؤمن وحبه ليكى وإن عمرى ماهاخد مساحه فى قلبه ربع مساحتك وأنا مش عايزه اغير منك تانى ولا ادى فرصه للشيطان يدخل عقلى تانى عشان كده انسب حل الطلاق وابنى انا مأمنه عليه معاكى وعارفه إنك هتربيه احسن منا هربيه هو هيتولد على ايدك وانتى اللى اختارتى حاجته بنفسك هتبقى انتى أمه الحقيقة مش أنا
صمتت إسراء ولم تجب عليها فهى كانت تظن بها ولكنها كانت تلوم نفسها على ظنها فماذا تفعل هل تسامحها على مافعلته
منال : عندى طلب اخير ماتقوليش لمؤمن عشان مايمنعش ابنى عنى لما احب اشوفه
تركتها وصعدت لمنزلها وطلبت من مؤمن البدء في إجراءات الطلاق وبالفعل تم الطلاق ومر باقى الاسبوع كانت اسراء ومنال لا يتحدثان أبدا فاسراء حاولت مسامحتها لكن فشلت ولكن اليوم ستضحى منال بطفلها لها
تجهزت إسراء وذهبت للمشفى مع منال هى ومؤمن وحضر والد ووالده مؤمن
وعلموا بالطلاق وأن منال ستترك طفلها
لم يؤثر ذلك الخبر على فرحتهم بذلك المولود
جلست اسراء برفقه منال بمفردهم
اسراء: منال انا سامحتك لو مكنتش خفيت مكنتش هسامحك ابدا لكن الحمدلله اراده ربنا فوق كل شئ وغير كده بسبب اللى عملتيه قربنى من ربنا أكتر وخلانى أشوف غلاوتى عن مؤمن وبعتلى طفل جميل شبه باباه
منال : الحمد لله انا بعد ماقدر اتحرك هسافر وابدا بره من جديد وربنا يسامحنى على ذنبى
وبالفعل سافرت منال احدى الدول الأوربية وعملت بها
بعد مرور خمس أعوام اصبح الصغير يتحدث ويلعب معهم واليوم عقد قران منال لاحدى الشباب المهاجرين
لم ترى منال ابنها سوا مرتين في تلك الفترة
بينما عند اسراء كانت اراده الله فوق كل شئ
دلف مؤمن للمنزل ووجد اسراء تلعب برفقه ابنهم وعندما رأتهم ارسلت له سياره وهى تحمل شيئا اسفل قدمه
اسراء : وطى وشوف بعتالك ايه غى العربية
اميك مؤمن باليياره وأمسك اختبار الحمل
مؤمن: ايه ده
اسراء: اراده ربنا يا مؤمن هتبقى اب مره تانيه
فرح مؤمن كثيراً بالخبر وادمعت عيانه من الفرحه فحب عمره وطفولته اصبحت حامل
اليوم من افضل الايام لديه بعد يوم زواجهم ويوم شفائها فهو فرح عندما علم بحمل منال لكن حمل اسراء له وضع اخر سيحب الطفلين مقل بعضهم فهم أبناءه من صلبه سجد شاكرا لله على عطاياه
وتوته توته خلصت الحدوته ايه رايكم
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
