القائمة الرئيسية

الصفحات

الأخبار[LastPost]

رواية بنات السعد البارت السادس عشر حتى البارت العشرون بقلم نورهان ثروت حصريه وجديده

رواية بنات السعد البارت السادس عشر حتى البارت العشرون بقلم نورهان ثروت حصريه وجديده 

رواية بنات السعد البارت السادس عشر حتى البارت العشرون بقلم نورهان ثروت حصريه وجديده 


فارس بعدم تصديق :انت بتقول اي يامحمد انت لو بتقول كده عشان اصدقك 


محمد بغضب:هقول اني قت*لت حد عشان حضرتك تصدقني ازاي يعني بقولك والله انا اللي قت*لتها ضرب*تها رصا*صتين واحده فى كتفها والتانيه فى قلبها مستحيل تكون عايشه انا حتي اتاكدت انها ما*تت وانا اللي دف*نتها 


فارس بهدوء مزيف:انت فين انا محتاج اسمع منك كل كلمه وانا قدامك 


محمد بقلق:انا فى القسم تعال هستناك


........

جلست سمر على الاريكه وهي تنظر لهم بستغراب :في اي احنا من اول ما دخلنا البيت وانتم بتبصوا ليا كده في حاجه فى وشي 


نفت سليا وقالت بضيق:ماحنا بنقول ان ممكن تفهمي بس حماره انتي يابت مش كنتي انهارده فى الاختبار اي اللي حصل واي الاسال اللي جت ليكي 


نظرت لها سمر بضيق وقالت:دا على اساس ان انهارده مش اول يوم شغل ليكي بصي انا هقول اي اللي حصل وبعدها انتي ولان الفضول اللي موجود فى وشهم مخليني احس انهم دقيقه وهيخنقوني ثم قالت بجديه دخلت وكان اول اختبار الامتحان فى المعلومات العامة و


قطعت كلماتها ساندي وهي تقول :وطبعا انتي اخرك فى المعلومات العامه ان القرد بياكل موز 


قهقهة سليا بقوة ابتسم عليهم والدهم ثم نظر لولدتهم بحزن نظرت ولدتهم لسمر وقالت :كملي يابت ها وبعد كده اي اللي حصل وعملتي 


ابتسمت سمر وقالت بتحذير:اي تنمر عليا تاني هوقف كلام ثم قالت بهدوء المهم الاسالة كانت اي هقولكم كم سوال اللي انا اعرفهم من اول شخصية عربية حصلت على جائزة نوبل؟ جريت علي احمد زويل و


نظرت لها ساندي بصدمه وقالت :مش قولت ليكم دي جاهله ازاي يبقي فى اختبار كده اول شخصية عربية كانت أنوار السادات انتي فاكره ان طبعا محدش خد الجائزة دي غير احمد زويل 


نظرت لها سمر بعدم تصديق وقالت :انتي بتقولي اي دا انا كنت بقول ان دا السوال الوحيد اللي صح يالهوي يالهوي طب بصي اسكتي اكتمي خليني اقول السوالين واغو*ر من وشك لقيت بقي انهم بيسالوني عن طول نهر النيل هعرف منين بالله المهم ان من هنا اصلا اخدت وضع حادي بادي وانتم عارفين الوضع دا بينجحنا ازاي المهم اللي غريب بقي فى الموضوع شوفت الظابط فاكروا يابابا اللي كان سبب فى اني ادخل القسم 


نظر لها والدها بضيق :فاكر دا اول مر ادخل القسم كانت بسببك 


ابتسمت سمر بتهرب وقالت :استهدي بالله المهم الغريب فى الموضوع انه بيقولوا انه دكتور وانه هو هيدرس لينا فى بداية الدراسه انا قلقانه منه 


نظرت لها ساندي بعدم تصديق وقالت:واي الغريب هنا تقصدي عشان دكتور ممكن يكون فى مهمه او اي حاجه سمر ابعدي عن الرجل دا احنا مش قد ظابط 


اؤمات سليا بتاكد على حديث ساندي وقالت:اختك عندها حق بلاش تقربي من الظابط دا المهم هحكي ليكم اي اللي حصل انهارده متخيلين اني كنت هتطرد من اول دقيقه 


نظرت لها والدتها وقالت :كنت متاكده انتي محدش يستحملك بس ليه اي اللي حصل 


نظرت لهم سليا بضيق مزيف  وقالت:محدش هيكدب الكلام دا انتم مش اهلي  المهم انا عملت اصلا مصيبه عرفت ان لازم اعمل قهوه كل يوم وافقت معترضتش عشان تعرفوا اني متواضعه بس اللي حصل مكنتش اعرف ان فى عندهم ملح وطبعا انتم متواقعين اللي حصل 


قهقهة سمر بقوه وهي تقول :مش قادره يخربيت عقلك و


قطع كلماتها سليا وهي تقول :اضحكي اضحكي دا انتي لسه معرفتيش انا عملت اي قالي اشربي القهوه اللي عملتيها وشربتها ومن هنا عينك ماتشوف الا النور تفيت القهوه فى وشه لو مكنتش اليس بنت بلعب معاها فى الجنينه جت لعمها اللي هو صاحب الشركه كان زماني مطرودة بس دا اللي حصل 


تنهد والدهم براحه يشعر انه اسعد انسان فى الدنيا لانه اخيرا فى منزله وقال:الحمدلله ان يومكم خلص على خير سليا ركزي اكتر فى شغلك وانتي ياسمر كملي فى الاختبارات ومتقلقيش باذن الله هتتقبلي والفلوس انا هظبطها ليكي ثم نظر لولدتهم وقال بهدوء بنات ممكن تدخلوا اوضتكم عايز والدتكم فى موضوع 


نظرت له سمر بهدوء وقالت:حاضر بس بابا انا هنزل مع الظابط عشان اوصل مصطفي لى اهل امه ابن الحج محمود قالي انه جه وساب رقمه انا هتصل بي واول ما يجي هنزل مش هتاخر 


اؤما لها والدها بتفهم وقال:اول ما تنزلي قوليلي وخليكي متابعه معايا طول الطريق 


غادرت الفتيات نظر  السعد لاحلام وقال:ممكن اعرف الدكتور قالك عندي اي 


نظرت له احلام بضيق قالت:قال ان جالك السكر وانك لازم تلتزم بالعلاج وتتبع مع دكتور ودي الورقه فيها كل حاجه ممنوعه ياريت يكون دا اخر كلام بينا 


نظر لها السعد بحزن وقال:مقدرش دا انتي عمري كله دا انتي الحاجه الوحيده اللي انا مكمل عشانها انا غلطت وعارف اني غلطت واستاهل اي حاجه منكى انا اهو بتعاقب وجالي السكر انا مش زعلان انا شايف ان دا عقاب عشان سيبتكم انا طلقتها انا ولا عايز واد ولا زفت انا عايزك انتي والبنات معرفش كنت بفكر فى اي لما قولت ولد يغور الولد قدام نظرت رضا منكى انتى والبنات سامحيني عشان خاطر البنات وحيات كل حاجه حلوه عملتها ليكي 


تنهدت احلام بتعب وقالت :دا مش وقت الكلام دا اتفضل ادخل ارتاح فى اوضتك وانا هروح ارتاح فى اوضه البنات 


.............

جلس فارس امام محمد وقال :اتفضل قولي بظبط كل حاجه يعني اي انت اللي قتلتها ومقولتش ليا ليه


نظر له محمد وقال بضيق:لانك مكنتش مصدقني محدش مصدقني اصلا اقولك انها كانت جاسوسة ازاي عرفت ان هي كده سمعتها بتتكلم فى الموبايل باللغه العبرية انت عارف اني بعرف عبري كويس بسبب المهمات اللي كنت بروحها هناك المهم عرفت انها مش عارفه تقنعك انك تخرج بره بلدك وانك ديما بتفضل تشكر فى بلدك وبتحبها جدا ومستعد تعمل اي حاجه عشان تفضل تحمي بلدك وهي كانت بتقول انها برده مستعده تعمل اي حاجه عشان تخرجك بره البلد وتشتغل معاها اه هي مسمهاش يافا هي اسمها اديل بنت اسرئيلة جت هنا عشان بس تاخدك تكون جاسوس معاها بس هتكون بتجيب معلومات عن بلدك بس هي اكتر حاجه بتكرها فيك انك حتي مش بتستحمل اسم بلدها وديما بتشتم فيهم وقفلت المكالمه على وعد ان لو معرفتش تخليك جاسوس هتقت*لك و


نظر له فارس بعد تصديق وقال:كل دا انا معرفوش ازاي وليه مقولتش ليا هو لدرجه دي انا مش مهم عندك ياصحبي انا لحد دلوقتي مش مصدق اني كنت مغفل 


تنهد محمد بتعب وقال:حاولت اقولك بس كل مره كنت بلقيك معاها لحد اليوم اللي جيت ليا قولت ان اقامة يافا فى مصر قربت تخلص وانك لازم تتجوزها قريب هنا اتاكدت انها مش عايزك تتجوزها زي مانت فاكر هي كانت عايزك تسفر بره معاها لما حاولت اقولك هي جت وانت بعدها بفتره كلمتني وقولت اني اساعدك عشان نزين مكان عشان تروح تتقدم ليها فاكر 


اؤما فارس  بنعم وقال بتفكير:اه فاكر اليوم دا انا قولت ليك تشوف لينا مكان فى اسكندريه جنب البحر اي اللي حصل 


نظر له محمد بغضب:ايوه اليوم دا المهم انا زينت المكان زي ما قولت وخرجت بس رجعت تاني عشان نسيت المحفظة واللي شوفته فى الوقت دا مستحيل تخيل كنت هخسرك لو مكنتش جيت دخلت ولقيتك قاعد على رجلك ومضر*وب بالنا*ر فى ايدك وانها كانت ناويه تضر*بك تاني بس انا ضر*بتها رصا*صتين وكلمت ابراهيم انت عارف انه كان بيساعدني فى المكان قولتله يجي ياخدك لمستشفي وفعلا مكملتش٥دقايق وابراهيم خدك وانا فضلت قاعد جنب يافا بتفرج عليها مكنتش عايزها تعيش وهي مقالتش غير جمله واحده ان هيجي يوم وهتنت*قم مني قبل الكل بعدها غمضت عنيها وقطعت النفس اتاكدت ان نبض قلبها وقف وروحت د*فنتها بعدها روحت ليك المستشفي لقيتك مش بتقول غير ان هي ضر*بتك من النا*ر اول ما اتقدمت ليها وهتمو*ت وتعرف ليه عملت كده وساعتها سالتني عليها وانا قولت ليك ما*تت بس انت مصدقتنيش ورفضت تسمعني وكل اللي عليك انها عايشه وهيجي يوم وتعرف منها هي الحقيقه و


قطع حديث محمد صوت دق الباب ودخول عسكري يقول :باشا فى بنت جايه عايزه تعمل محضر 


تنهد محمد بضيق وقال :دخلها يابني ثم نظر لفارس وقال استني نكمل كلام لما نشوف موضوع المحضر 


اؤما لها فارس بتفهم وقال بهدوء مزيف :تمام يامحمد ثم قال بجديه صح انا نسيت انت عملت اي فى المشوار البت اللي قولت ليك عليه 


نظر له محمد بهدوء وقال بجديه :روحت بس هي مكنتش موجوده سيبت رقمي مع ابن الجزار دا وهو كلمني وقال انها جت بعت عسكري ليها من شويه  عشان يسلموا الولد لاهله وكمان يقولهم على كل حاجه ويعرفهم اهل الولد في انهي مشرحة و


قطع كلمات محمد دخول فتاة القسم وهي تقول :سلام عليكم انا عايزه اعمل مخضر سرقة 


نظر لها محمد بصدمه وقال:انتي جايه تعملي اي هنا 


.............

تجلس ساندي على الاريكه وهي تنظر لمصطفي وتقول :انت اكلت ولا لسه تيجي ناكل 


ينظر مصطفي لارض بشرود يتذاكر والدته سقطت الدمو*ع من عينه نظرت له ساندي بصدمه وقالت: في اي بتعي*ط ليه اي اللي حصل حد ضايقك 


نفى مصطفي وقال بحزن:امي وحشتني اوووي متخيلتش ان اعيش من غيرها 

تنهدت ساندي بحزن على حاله وقالت:احنا قولنا اي ياحبيبي بص انت لو عايز تكلم ماما اكتب فى ورقه كل حاجه انت عايز تقولها وماما هتبقي شايفه وعارفه كل كلمه انت كتبتها ليك وكمان هتيجي ليك فى الحلم و


قطع كلمات ساندي صوت دق الباب نهضت ساندي وقالت:مصطفي اهدي وامسح دمو*عك هشوف مين على الباب وهاجي ثم قالت بصوت مرتفع ايوه حاضر 


فتحت الباب نظرت له بستغراب وقالت:خير في حاجه ولا اي 


نفى هشام وقال بهدوء:خير متقلقيش انا بس كنت عايز استاذه سمر لان انا لما كلمت الظابط قولتله انكم هنا قالي هيبعت عسكري يروح مع سمر عشان يسلموا مصطفي لاهله والعسكري اهو 


اؤمات له ساندي بتفهم وقالت:طب لحظه سمر كده كده لبسه ثم قالت بصوت مرتفع سمر سمر تعالي العسكري جه عشان توصلوا مصطفي 


اقتربت منها سمر وقالت :بس طيب وطي صوتك ابوكي نايم انا اهو لبسه مصطفي يلا ياحبيبي 


نفى مصطفي وقال بخوف :لا مش عايز اروح حته انا عايز افضل معاكم 


اقتربت منه سمر وقالت وهي تجلس امامه :ليه ياحبيبي انا عارفه انك بتحب ستك اووي هو في  حد هناك بيضايقك 


نفى مصطفي وقال بحزن :لا مفيش بس انا عايز افضل معاكم انتم مش هتيجوا ليا تاني 


عانقته سمر بقوه وقالت :لا والله هنيجي مره انا هاجي ومره ساندي ومره سليا ومره كلنا ياحبيبي محدش فينا هينساك هنفضل كل شويه ننط فوق راسك لحد ما تزهق مننا ها اتفقنا 


نظر له مصطفي بقلق وقال:بجد مش بتقولي كده عشان نمشي


نفت سمر وهي تقول :لا والله هاجي ليك وسليا وساندي هيجوا كمان يلا بقي مينفعش الظابط يفضل واقف كل دا 


امسك مصطفي يدها وقال بهدوء:يلا 


غادرت سمر ومصطفي المنزل نظر هشام لساندي وقال:بعد اذنك هنزل 


نفت ساندي وقالت بلهفه :لا لا استني عايزه اطلب منك طلب 


نظر لها هشام بستغرب وقال:خير في حاجه 


تنهدت ساندي بحزن وقالت:كنت عايزه اطلب منك طلب انا عايزه انزل اشتغل نزلت دورت وملقتش كلهم عايزين حد متخرج انا عايزه بس اشتغل الشهرين دول لحد ما الدراسه ترجع و


قطع هشام حديثها وقال بسعاده:انتي عايزني اشوف ليكي شغل صح عيوني ياست البنات انتي ممكن تشتغلي معايا الشهرين دول فى المحل 


نظرت له ساندي بصدمه وقالت:هشتغل اي فى محل جزارة

..................

فى منزل يحيي يجلس فى مكتبه وهو يحدث ندا ويقول بغضب  :بقولك في ملف مختفي اي الاهمال دا انا عايز افهم ملفات شركة *** كانت مع مين 


ندا بتوتر :معرفش يافندم انا كل اللي اعرفوا ان سلمت كل الملفات لسليا السكرتيرة الجديده اكيد هي اللي ضيعتهم 


اغلق يحيي الهاتف فى وجهه ثم نظر امام بغضب وقال:يوم واحد وتعملي في كل المصيب دي وربنا ما هسيبك 


ياتر سليا هتعمل اي فى المصيبه دي واي اللي هيحصل لبنات السعد 

البارت السابع عشر

#بنات_السعد

نظر لها محمد بصدمه وقال:انتي جايه تعملي اي هنا


نظرت له يافا بستغرب وقالت:حضرتك تعرفني منين ثم نظرت لفارس بصدمه وقالت اي دا انت هنا 


ابتسم محمد بسخريه وقال :دا على اساس متعرفيش ان فارس شاغل هنا اي المفاجاه دي 


نظرت له يافا وقالت بغضب:كلمني عدل انا عملتك اي عشان تكلمني كده 


تنهد فارس بضيق وقال:محمد بس كفايه كده وعلى فكره انا مش مصدقه ولا كلمه انت قولتها دي قصه ميصدقهش عيل صغير ثم نظر ليافا وقال تعالي انا هعمل ليكي المحضر 


غادر فارس المكتب وقال بصوت مرتفع:ركز يامحمد فى شغلك ثم نظر ليافا وقال اتفضلي دا المكتب بتاعي 


نظرت  له يافا وقالت بامتنان:شكر جدا انا بس عايزه اعمل محضر ان لاب توب بتاعي اتسرق 


جلس فارس وقال بجديه:ازاي احكي اي اللي حصل بظبط 


جلست يافا وقالت بحزن :انا كنت فى اول الشارع دا بتاع القسم وكنت لبسه الشنطه فيها لاب توب بتاعي عدي من جنبي موتسكل لونه اسود ولد راكب الموتسكل دا شد الشنطه وجري انا محتاجه جدا  لاب توب عليه كل شغلي 


اؤما فارس بتفهم وقال بهدوء:تمام بصي انا عارف هجيب لاب توب ازاي انهارده او بكره بكتير اووي هتصل بيكي تيجي تاخدي لاب 


نهضت يافا وقالت بامتنان :شكر جدا ليك يارب تعرف تجيبوا 


....................

نظرت له ساندي بصدمه وقالت:هشتغل اي فى محل جزارة


نظر لها هشام بستغرب وقال:محل جزارة اي يابنتي لا انتي هتشتغلي معايا انا فى المحل بتاعي انا عندي كذه محل بس فى واحد انا لسه طرد البنت اللي شاغله فى عشان سرقتني 


اؤمات له ساندي بتفهم وقالت :طب دا محل اي وفين انت موافق اشتغل الشهرين دول بس صح 


اؤما لها هشام بنعم وقال:ايوه طبعا موافق هو محل لبس موجود بعد شارعين من هنا مش هتاخدي اي موصلات والمواعيد من ١٠ الصبح لي ٤ والمرتب هيكون ٣ الف ها موافقه 


اؤمات له ساندي بحماس وقالت:طبعا موافقه شكر مش عارفه اقولك اي بجد 


ابتسم هشام على حماسها وقال:تقوليلي انك هتيجي بكره المحل فى الوقت مظبوط انا هستناكي عند محل الجزارة هعرفك الطريق واديكي المفتاح يلا سلام عليكم 


اغلقت  ساندي الباب وقالت بهمس:سلام عليكم ياقمر الحمدلله يارب اخيرا هشتغل هروح اقول لبابا

..........

جلست سليا على الفراش وامسكت هاتفها وقالت:الو سلام عليكم حضرتك بتكلمني ليه دلوقتي اليس كويسه 


يحيي بهدوء مزيف :اليس كويسه جدا سليا عايز اسالك على حاجه وقولي بصراحه الملف بتاع شركه *** اخر مره شوفتي كان فين 


سليا بستغراب :اخر مره انا دخلته مكتب حضرتك وبعدها سيبته هناك بس حضرتك ليه بتسال هو حصل حاجه  ولا اي


ابتسم يحيي ببرود وقال:بسيطه اصلا الملف اختفاء من الشركه كلها بكره ياسليا لو الملف مظهرش واعتبري نفسك مطروده بس قبلها هتتدفعي تمن الصفقه دي 


سليا بغضب :انت بتقول اي انا متاكده ان الملف فى الشركه مليش دعوه بقي لو ضاع دا حاجه تخصك انت شوف فى الكاميرات اي اللي حصل لان انا متاكده انه هناك ولو فضلت كل شويه تقولي هطردك ياعم اطردني دا اي دا مكملتش عندك يومين وكل ثانيه تقولي هطردك انت طبيعي عموما انا فعلا هاجي بكره الشركه وهدور على الملف وانت شوف فى الكاميرات وبعد ما تلقي الملف استقالتي هتكون قدامك 

...............

تقف سمر امام راجل كبير وتقول :حج سعيد انا عايزه ازازه زيت وكيلو سكر وهات علبه كيكه و


قطع كلمات سمر صوت شخص يدخل ويقول: السلام عليكم لو سمحت ياحج شايف انك مركب كاميرا بره عايز اشوف اي اللي حصل انهارده بره لان متبلغ عندنا على سرقة حصلت فى الشارع هنا 


اؤما له سعيد وقال بهدوء:ماشي يابني بس هات بطاقتك او اي حاجه تثبت انك ظابط 


اؤما له فارس بتفهم وقال:اكيد اتفضل البطاقه اهي ثم نظر لسمر وقال بضيق انتي هو انا كل مروح حته القيكي فى وشي 


ابتسمت سمر بسخريه وقالت:معلش بقي ياحضرت الدكتور فارس مش دكتور برده 


نظرت له فارس بغضب وقال:بقولك اي يابت لو عايزه انك تنجحي وتدخلي اكاديمية الشرطه يبقي خليكي ساكته ومسمعش ليكي صوت انتي متعرفيش انا ممكن اعمل اي مكالمه واحده مني يتعمل ليكي بدل المحضر تالت وانتي عارفه ان سهل جدا اخليكي تعيشي الباقي من عمرك عذ*اب فا الاحسن تكون كويسه كده وشاطره عشان مزعلش اصلا انا زعلي وحش اووي 


نظرت له سمر بغضب من اسلوبه وقالت:بقولك اي انت فاكرني هخاف 


قطع كلماتها صوت سعيد وهو يقول :سمر خدي حاجتك اطلعي بيتك يابنتي ملكيش دعوه بالظابط 


نظرت له سمر بعترض نظر لها سعيد بتحذير وقال:يلا بدل ما اتصل با ابوكي 


..................

نظرت ساندي لملامح سليا بستغراب وقالت بقلق :في اي يابت وشك مخطوف كده ليه انتي كنتي بتكلمي مين من شويه 


تنهدت سليا بغضب وقالت :الز*فت صاحب الشركه دا بيقولي ان فى ملف مش موجود فى الشركه والمفروض ان الملف دا اخر واحده كانت ماسكه انا وهو بيهد*دني ان لو مجبتش الملف هيطردني وهيدفعني تمن الصفقه كلها 


تنهدت ساندي بضيق وقالت:استهدي بالله فكري يمكن سيبتي الملف دا فى حته ومش فاكره 


نفت سليا وقالت بتفكير:لا اخر مره دخلته مكتب يحيي عشان يبقي فى امان اكتر طلع لا في امان ولا نيله و


قطع كلماتها دخول سمر الغرفه وهي تقول بغضب:انا فاضل ليا تكه وهق*تل الظابط دا


نظرت لهم ساندي بغضب وقالت :في اي انتم الاتنين ثم نظرت لسمر وقالت شوفتي الظابط فين انتي التانيه 


سردت لهم سمر كل شيء حدث نظرت لها ساندي وقالت بشك:سمر انتي بتحبي الظابط دا او معجبه بي ما هو انا عارفه انك مش من النوع اللي تفضلي تتصرفي كده 


تنهدت سمر بتعب وقالت:معجبه بي اعرفوا اصلا من تالت سنين كنت كل يوم بشوفوا واقف قدام القسم بيتكلم مع صاحبه دا شكلوا كان بيبقي حلو اووي فتي احلامي متخيلتش اننا ممكن نتكلم نهايي تعرفي ان فى مره كنت همو*ت فيها من الخوف عليه لان فى مره كنت  بكشف عشان الو*جع الغريب اللي كان موجود فى بطني انتم فاكرين الموضوع دا 


اؤمات سليا بنعم وقالت:اه انا فاكره اليوم دا جيتي منهاره من العياط لدرجه اني شكيت ان الدكتور قالك حاجه  مر*عبه بس انتي ساعتها قولتي انه مجرد مكروب بس انتي مخنوقه 


اؤمات ساندي تاكيد على حديث سليا نظرت لهم سمر وقالت ببكاء:كنت خايفه لان وانا خارجه من المستشفي شوفته نايم على سرير وبيدخلوا اوضه العمليات معرفش مالوا ولا اي حصل ولما سالت ممرضه اعرفها هناك قالتلي انه وخد رصا*صه فى كتفه قولت ليها تتصل عليا لما يخرج فضلت اعيط اليوم دا قد كده لحد ما الممرضه دي اتصلت عليا والحمدلله طمنتني عليه  والصراحه يوم الكمين اول مره كانوا نتكلم مكنتش مصدقه نفسي من الفرحه ولقيت نفسي بهبل فى الكلام وبتصرف بسلوب غريب وكل مره اشوفه بتصرف بنفس الاسلوب دا احتمال يكون مش طا*يقني اصلا وقبل ما حد فيكم يتكلم عارفه ان انا اعجابي بداء يتحول لحب وان دا غلط بس مش بيدي 


عانقتها ساندي بقوه وقالت وهي ترتب على كتفها وقالت بهدوء :بس بس استهدي بالله فى اي يابنتي بصي تسمعيني بهدوء انا مش عايزكي تتكلمي مع الظابط دا تاني اول ما تشوفي ابعدي عنه وهو لو نصيبك ياسمر هيجي ولو بعد الف سنه انتي كده غلط انك كل شويه ترخمي عليه وتغلطي فيه انتي متعرفيش هو ممكن يعمل فيكي اي اوعي تنسي انه ظابط وممكن يحطك فعلا فى مص*يبه احنا مش قدها فاهمني انا عايزك دلوقتي تركزي فى الاختبارات بتاعتك عشان تدخلي شرطه ركزي على مستقبلك وادعي وسيبي كل حاجه لربنا ثم قالت بمرح امسحي دموعك بقي وخلوني اقولكم المفاجاه اللي عندي 


نظرت سليا لسمر وقالت بهدوء:ساندي عندها حق يانن عيني سبيها على ربنا وادعي ولو هو نصيبك وخير هيجي راكع تحت رجلك ياجميل ثم نظرت لساندي وقالت مفاجاه اي 


مسحت سمر دموعها وقالت :معاكم حق يارب يكون من نصيبي رغم انه عايز الدبح بس بحبه ثم نظرت لساندي بستغراب وقالت مفاجاه اي بقي فرحينا 


نظرت لهم ساندي بهدوء وقالت:طلبت من هشام انه يشوف ليا شغل وهو قالي ان اشتغل معاك فى محل هدوم بتاعه قالت لابوكم وهو قالي ان هشام شخص كويس وهيكون مطمن عليا لو اشتغلت معا 


غمزت لها سليا بمرح وقالت :ياواد ياجامد مركزه انتي مع سمر ومع هشام اووي ها بس طلع راجل جدع 


نظرت لها ساندي بضيق وقالت:مجرد اعجاب بشكلوا وانه جدع غير كده لا متخليش دماغك تروح لبعيد وبعد كده ياسليا متكلمنيش بالاسلوب دا انا مش بحب كده 


تنهدت سمر بغضب منهم وقالت :بس انتي وهي دا انتم صداع ثم نظرت لساندي وقالت سيبك منها هتشتغلي امتي 


نظرت لها ساندي وقالت بهدوء:بكره الصبح هبداء شغل يلا عشان ننام وانتي ياسليا كلميني اول ما تدوري على الملف طمنيني عليكي 


نظرت لهم سمر بستغراب وقالت:ملف اي يابنتي هو اي اللي حصل فى غيابي 


تنهدت ساندي  بتعب وقالت:لا انا تعبت انا عايزه اروح انام خلي سليا تحكي ليكي وبعدها نامي 


................

فى صباح يوم جديد تقف سليا امام يحيي وهي تقول بغضب :بقولك اي انا على اخري من اللي بيحصل دا انا قلبت الدنيا على الملف وهو مش موجود يبقي اكيد حد خده وانت سيب شخص ياخد ملف لصفقه مهم ومركز ان انا اللي هاخد الملف هاخدو ليه 


نظر لها يحيي بغضب من اسلوبها وقال:بقولك اي يابت اتكلمي عدل بدل ماتشوفي مني وش تاني وانتي مصممه نشوف الكاميرات ماشي تعالي اهو لاب توب وادي الفيديو اللي مش بيان في غير انك دخلتي المكتب 


نظرت له سليا بضيق ثم نظرت لفيديو وقالت بصدمه:بص بص فى حد دخل بعدي المكتب بص 


نظر يحيي بصدمه وقال:ازاي مستحيل 


ياتر اي اللي هيحصل 


البارت الثامن عشر 

#بنات_السعد

نظر يحيي بصدمه وقال:ازاي مستحيل ثم نظر لسليا وقال حالا تروحي تنادي ندا 


نظرت له سليا بستغراب وقالت:مالها ندا اللي فى الفيديو دا رجلاً 


نظر لها يحيي بغضب وقال:تعرفي تنفذني وانتي ساكته اتفضلي

 


نظرت له سليا بغيظ ثم غادرت المكتب وهي تتمت :امتي اخلص منك 


ظل ينظر يحيي لفيديو بتركيز وقال :انتي ياندا مكنتش اتخيل ان دا يحصل منكى


دقة باب المكتب دخلت سليا وهي تقول :ندا اهي 


نظرت له ندا بتوتر وقالت :خير يااستاذ يحيي في حاجه 


ابتسم يحيي بسخريه وقال :اه في اني مصدوم فيكي ياندا انتي ياندا تعملي كده 


نظرت له ندا بخوف وقالت:انا معملتش حاجه دي سليا هي اللي خدت الملف انا شوفتها 


نظرت لها سليا بصدمه وقالت وهي تقترب منها:انا اخدت اي يابت انتي هتحوري ثم نظرت ليحيي وقالت دي كذابه انا معملتش حاجه والله وانت شوفت بنفسك 


تنهد يحيي بضيق وقال:سليا اسكتي ثم نظر لندا بغضب وقال مش دا رضا خطيبك ولا انا مبشوفش كويس انتي ياندا عموما انتي مطروده والملف اللي معاكي دا ملوش اي تلاتين لازمه لان اصلا دا كان اختبار لسليا اشوف هتحافظ على ملف لصفقه كبير ولا لا متخيلتش ان انتي اللي تعملي كده قبل ماتمشي قوليلي ليه 


تنهدت ندا بحزن وقالت:لان انا وخطيبي مش عارفين نتجوز فى شركه منافسه لحضرتك اسمها** قالت انها هتدفع لينا مبلغ كويس جدا مش بس هيخلينا نتجوز لا وكمان هيخلينا نقدر نعيش احسن شويه من كده اسفه 


 نظر لها يحيي وقال ببرود:اسفك مش مقبول اتفضلي انتي مطروده وفى ملحوظه فى اخر الملف بتاعك هتخليكي متشتغليش تاني فى شركات كبيره وخطيبك انا قرصت ودانه يودبك خليت صاحب المطعم يطرده 


نظرت سليا بحزن لدموع ندا وقالت بهدوء :هو ممكن حضرتك تسامحها وهي اكيد مش هتعمل كده تاني


ابتسم يحيي على طيبه قلب سليا وقال:مش كل الناس كويسه متثقيش في حد ثم نظر لندا وقال بحده اطلعي بره ملكيش فرصه تانيه عندي 


غادرت ندا المكتب نظرت سليا ليحيي وقالت :انا هقدم استقالتي دلوقتي حضرتك مش واثق فيا اكيد مش هتعرف تشتغل معايا شكر جدا انك ساعدتني نعرف مين اللي اخد الملف بعد اذنك 


نهضت يحيي وقال بهدوء:لا استني انا اسف حقك عليا انا لازم اشك فى الكل هنا لان اول حد هيعرف اني بثق فيه هيكون اول واحد هيغدر بيا المهم انتي مش هتمشي استقالتك مرفوضه انتي روحي انهارده وارتاحي وبكره تعالي نكمل شغل 

..............

بعد مرور ثالث شهور تجلس سليا على الفراش بجانب  الفتيات وتقول بضيق:اخيرا ياست سمر صحيتي  انتي من اول ما دخلتي اكاديميه الشرطه دي بتيجي  يوم الاجازه تنامي اليوم كله انا انهارده مش هسيبك انا مصدقت اننا اخيرا اتجمعنا يلا قوليلي عملتي اي فى الشهر دا 


تنهدت سمر بتعب وقالت:طلع عيني متخيلتش انها صعبه كده اصحي بدري جدا تمرين وبنات مستفزه موجوده بتحاول تفرض سيطرتها علي الكل بس رغم كل دا انا بحمد ربنا ان الحمدلله دخلت وهفضل اعافر لحد ما يخلصوا السنتين دول بس كده 


نظرت لها سليا بخبث وقالت:بس كده يعني مفيش حاجه حصلت من فارس او متكلمتيش معا 


تنهدت سمر وتذاكرت اول يوم ليها فى الاكاديمية 


Flashback

تسير سمر وهي تنظر حواله بشرود وتحدث نفسها بحماس :ياا اخيرا الجو حر جدا بس مش مشكله المهم ان خلاص بقيت فى الاكاديميه هعمل المستحيل عشان اتخرج من هنا واتعين كمان و


خرجت من شرودها على يد تضع على فمها وتجذبها لغرفه قريبه منها نظرت سمر حوالها بخوف من شدة الظلام الموجوده فى الغرفه وهي تحرك يديها بعشوائية وقالت بخوف:مين هنا مين 


اقترب فارس منها بهدوء وقال:انا فاكره صوتي 


نظرت سمر لي تجاه الصوت وقالت:فارس انت مدخلني الاوضه دي ليه عايز مني اي 


ابتسم فارس بسخريه وقال :فارس كده من غير الظابط فارس او الدكتور دا انتي خدتي عليا اووي 


سمر بتوتر :اسفه مقصدش بس انا بعمل اي هنا عايز مني اي 


تنهد فارس بضيق وقال:عايز احذرك مني لو عرفت انك قولتي لحد اني ظابط او اصلا سيرتي جت على لسانك هزعلك خليكي كده شاطره وكويسه عشان تعرفي تعدي الفتره دي على خير فاهمه ياشاطره 


تنهدت سمر بحزن وقالت بخوف:حاضر اوعي عايزه اخرج 


استيقظت سمر من شرودها على يد ساندي تصفع وجهه بخفه وتقول :نحن هنا انتي روحتي فين يابنتي 


ابتسم سمر بتوتر وقالت:مروحتش محصلش حاجه هو الكلام الوحيد اللي اتقال بينا ان لو حد عرف انه ظابط هيزعلني ومن بعدها انا مش بشوفه غير وهو بيشرح لينا الماده المهم احنا هنفضل نتكلم فى فارس كتيرر انتم عملتوا اي انتي لسه بتشتغلي مع هشام وانتي ياسليا اي اخبار الدنيا مع مديرك 


نظرت لها ساندي بهدوء وقالت:اه المفروض اني اسيب الشغل اصلا من الشهر بس انا مش قادره اتعودت على وجوده انه بيجي كل شويه يطمن ان الدنيا كويسه معايا ولا لا ولو فى كد ضايقني بياخد حقي حسه ان الموضوع هيكبر عن الاعجاب ودا مخوفني انا مش عايزه اعيش المشاعر دي مع حد مش مضمون انه يتجوزني او حتي يحبني عشان كده بفكر ان فعلا اسيب الشغل وكفايه كده 


اؤمات لها سمر بتاكيد وقالت:اه بالله عليكي متبقيش زيي انا هموت واخرج من المشاعر دي فارس حرفيا مش شايفني انا بنسبه لي واحده مستفزه لو يطول يقت*لني او يدخلني السج*ن هيعمل كده سيبي الشغل لو نصيبك هيجي احنا مش عايزين نعمل حاجه تغضب ربنا هم باذن الله هيكونوا من نصيبنا اضحكي كده وسبيها على ربنا ثم نظرت لسليا وقالت وانتي يااخرة صبري عملتي اي 


ابتسمت سليا بهدوء وقالت:احله حاجه فى الشغل اليس بيتجي تقاعد معايا كل يوم بعد المدرسه البنت دي ملاك بجد انا بحبها جدا اما الشغل نفسه الصراحه بشوف كل يوم ناس مرعبه ناس كتير منهم بيدخلوني فى مشاكل بس العبد لله محدش يقدر عليه اللي بيقرب ليا باكله والصراحه يحيي كويس معايا جدا ولو لقي حد بيضايقني بيدخل و


نظرت لها سمر بخبث وقالت:ها وبعدين يحيي احنا شيلنا استاذ ياتر دا بمزاجك ولا هو اللي قالك وياتر بيعمل اي يحيي دا تاني 


قهقهة ساندي على حديث سمر وقالت:بس ياسمر خليها تكمل كلمي ياحبيبتي وبعد يحيي اي اللي حصل 


نظرت لهم سليا بغيظ وقالت:بقولكم اي الشغل تمام وانا زي الفل مش هقول اكتر من كده 


تنهدت ساندي بتعب وقالت: ماشي هسيبك بمزاجي انا هقوم  اتصل بي هشام واقوله  اني هسيب الشغل لان مش هعرف اقولها وش لي وش الصراحه 


نهضت ساندي دخلت الشرفة ضغطت على عددة ارقام وقالت :الو السلام عليكم 


هشام بقلق :عليكم السلام غريبه اول مره تتصلي بيا في حاجه انتي كويسه 


ابتسمت ساندي على قلقه وقالت:لا مفيش حاجه انا كويسه الحمدلله انا بس كنت عايزه اتكلم معاك فى موضوع 


هشام بتساؤل :خير موضوع اي 


ساندي بهدوء :انا كنت قولت ليك اني هشتغل شهرين بس انا اشتغلت تالت شهور ومش هقدر اشتغل وادرس فى نفس الوقت اسفه انا مش هقدر انزل تاني المحل عشان اركز فى دراستي اكتر 


تنهد هشام بحزن وقال:تمام ياساندي بس انا كنت عايزك تيجي المحل عشان تاخدي مرتبك وتاخدي كتابك اللي فى المحل 


تنهدت ساندي براحه وقالت:تمام بتمني مكنش ازعاجتك بكره باذن الله هاجي المحل سلام عليكم 

.........

يقف فارس وهو يضع يده على عيون يافا ويقول بهمس:امشي براحه وحاولي متبوظيش المفاجاه انتي مش عارفه انا تعبت قد اي لحد ما عملت كل دا 


اؤمات يافا وهي تقول بسعادة :متخافش انا اهو مغمضه عيني كويس اووي يلا بقي احنا كل دا موصلنش 


ابتسم فارس وقال:لا ياستي وصلنا اطلعي بس اخر سلمه اهو ياستي وقوليلي رايك 


نظرت يافا حوالها وقالت بصدمه:دا بجد


البارت التاسع عشر

#بنات_السعد

نظرت يافا حوالها وقالت بصدمه:دا بجد انت جيبني بيت مهجو*ر ليه 


ابتسم فارس بسخريه وقال :لا ركزي دا مش اي بيت مهجو*ر بصي الحيطه فيها اي 


نظرت يافا لجدار بتركيز يوجد صور لها مع احد الرجال و ورق معلق على الجدار اقتربت يافا من احد الاورق وقالت بزعر:لا يافا عايشه انا يافا 


قهقهة فارس بقوه وقال:دا على اساس اني تلميذ هتقوليلي انك عايشه هقولك امين انا كل دا كنت ساكت عشان اعرف اخرك اي انتي مين يابت يافا ماتت اصلا حتي لو انتي يافا مفيش اي دليل بيقول انك خرجتي بره مصر هو مفيش غير ورق دخولك مصر ودا القديم انتي مين واي علاقتك بي عزت تاجر المخد*رات 


نظرت له يافا بتوتر وقالت :انا معرفش لا معرفش حد بالاسم دا انا خرجت الورق دا مزيف


ابتسم فارس بسخريه وقال:صح انتي صح الورق مزيف يا ايالاه مش دا اسمك برده ثم قال بحده انجزي يابت هتقولي انتي مين ولا اخلص عليكي دلوقتي 


نظرت له يافا بصدمه وقالت:ايالاه مين اكيد محمد صاحبك اللي قالك كده هو كداب عايز يخسرنا بعض انا كنت بدات افتكرك 


ابتسم فارس بسخريه ثم رفع سلا*ح امام وجهة وقال :محمد ها انجزي يابت هعدد من واحد لتلاتاء واحد اتنين 


قطع حديثه يافا وهي تقول بخوف :هقول هقول انا اه ايالاه توام يافا 


نظر لها فارس بصدمه :ازاي يافا مقالتش ليا انها عندها اخوات اصلا 


ابتسمت ايالاه بسخريه وقال:عشان اصلا هي مش يافا محمد صح فى كل كلمه قالها ليك هتقولي عرفت منين كلام محمد انت ديما مترقب وانا متاكده ان فى حد هيجي ينقذني انا مش لوحدي خليك عارف دا 


جذبها فارس من يديها بقوه وقال:انا عملت ليكم اي انتي ولا اختك ومالك بتاجر المخد*رات  فاهميني دلوقتي كل حاجه ياما سامعه الصوت دا 


نظرت ايالاه تجاه الصوت وقالت بزعر :قنب*له انت مجنون كلنا هنمو*ت 


نظر لها فارس بالامبالاة وقال بحده :مش فارق المهم اعرف الحقيقه اقدر اوقف القنب*له دي دلوقتي بس لما تحكي ليا اي اللي حصل من الاول 


اؤمات له ايالاه برعب جسدها يرتجف من الخوف قالت :انت ظابط معروف جدا فى بلدنا لان فى ظابط مصري يعرفك هو دلوقتي معانا وهو قال انك اشطر ظابط موجود فى القاهرة وانك عندك معلومات مستحيل حد يعرفها غيرك من هنا نزلت اختي التوام اللي هي يافا عشان تخليك تيجي معاها حاولت انها تجيبك معاها من غير ما توقعك فى حبها والجو دا بس انت اللي كنت رومانسي اووي وغبي عشان كده هي قرارات انها هتخليك تيجي بلدنا بس بطريقتها اللي محمد قالها ليك ان الإقامة قربت تخلص عشان ترجع معاها فلسطين ومن هنا هتسلمك لينا هناك ثم قالت بحقد بس انت كل مره تبوظ خططها ومحمد قت*لها عشان كده انا رجعت عشان اخد حقها منكم عايز تعرف علاقتي بي عزت دا اكبر جا*سوس لينا فى مصر وهو اللي ساعدني ادخل مصر من غير اي ورق عشان حتي لو عرفت اسمي متقدرش توصل لمعلومه ليا غير كده هو بيكر*هك بشكل مش طبيعي عشان كده ساعدني فى حاجات كتير مش بس اني ادخل مصر ودا اللي حصل وريني هتعمل اي انا متاكده ان عزت هيجي ينقذني من هنا او حد من بلدي وانت محدش هينقذك من ايدي 


ابتسم فارس بسخريه وقال :مش دا لو انتي كنتي عايشه ابقي سلميلي علي اختك 


بعد تلك الكلمات اطلق فارس علي جسد ايالاه اكثر من رصا*صه سقطت ايالاه على الارض وهي تنظر له بصدمه  نظر لها فارس بحقد:قومي وقعتي من تالت رصا*صات بس انتي غلبانه اووي قومي يابت 


قطع حديثه صوت هاتفها التقطه وقال :عزت باشا فاكرني صح شكل ابنك وحشك وعايز تنور عندنا انا معنديش مانع 


عزت بتوتر:مين معايا الو الو لو سمحت الرقم دا اتصل بيا 


قهقهة فارس بهستريا وقال بجنون:انا فارس انت عارف كويس مين فارس وهيعمل فيك اي اه اللي كانت معاك حقك عليا ما*تت بالغلط متقلقش هتحصلها قريب 


اغلق فارس الهاتف وضعه بجانب ايالاه نظر لها بسخريه ثم غادر المنزل جذب فارس هاتفه من جيبه وقال :الو يامحمد بتتصل ليه 


محمد بقلق :انت فين من الصبح ر*عبتني عليك كل شويه اتصل بيك وانت مبتردش هي البت دي عملت ليك حاجه 


ابتسم فارس بسخريه وقال:بت مين اللي تعمل ليا حاجه انت متعرفنيش يامحمد اهي دلوقتي مع اختها شويه عيال فاكرين هيلعبوا بيا انا خلصت قصتها بس فاضل عزت انا هخلي يفكر الف مره قبل ما يقرب مني تاني المهم انت عامل اي فى القسم 


تنهد محمد براحه وقال:اخيرا خلصت من البت دي انا كنت مر*عوبه يافارس تكون صدقتها كويس انك صدقتني ودورت وراءها هكون بعمل اي فى القسم كل شويه مشكله وحوارات انت كنت شيل عني كتير امتي تخلص المهمه اللي عندك دي 


فارس بهدوء :انا لسه بداء فى المهمه تقريب بقالي شهر لسه قدامي فتره كويسه هناك لسه مش قادر احددها اول ما هخلصها هاجي يلا انا هقفل معاك دلوقتي اول ما يحصل اي حاجه غريبه عندك قولي انا هروح انام وارتاح شويه سلام 


...................

استيقظت سمر على صوت والدها يقول :سمر قومي ياحبيبتي الساعه٦ 


نظرت له سمر بنعاس وقالت وهي تتثاؤب: في اي يابابا انا المفروض اصاح ٧ الساعه دي مهمه عندي مش بلقيها هناك 


تنهد والدها بتعب وجلس بجانبها وقال:عارف انا صاحي وامك صاحيه بره انا كنت عايز اطلب منك طلب 


جلست سمر على الفراش وقالت بقلق :في اي يابابا انت كويس 


اؤما لها والدها بنعم وقال:كويس متقلقيش بس تعبت امك رافضه تسمعني اخواتك اتكلموا معاها وانا اتكلمت معاها قد كده وهي كل اللي عليها اننا مفيش كلام بينا وان خلاص هنفضل عايشين كده عشانكم انا تعبت من كتر منا مش عارف اتكلم معاها عارف ان مينفعش ادخلك انتي واخواتك فى الموضوع دا بس امك مش مخليني حتي اكلمها مفضلش غيرك حاولي معاها ياسمر انا بجد مش هقدر اتحمل اكتر من كده 


تنهدت سمر بحزن وقالت:يابابا ماما عندها حق محدش فينا هيقدر يتحمل دا الموضوع صعب و 


قطع حديثها صوت والدها وهو يقول بقهر:عارف عارف ان دا غلط وانا معترف بالغلط دا انا مش عايز في حياتي غيركم ولا واد ولا بت انتم وبس حاولي معاها عشان خاطر ابوكي هي دلوقتي واقفه فى المطبخ بتعمل ليكي فطار حاولي معاها وانا هكون قاعد فى الصاله 


اؤمات له سمر بتفهم ثم نهضت من على الفراش وقالت:حاضر يابابا هغسل وشي واروح اكلمها 


ابتسم والدها وقال بحب:ربنا يديمكم ليا يابنتي يارب امك تسامحني 


..............

يقف يحيي امام الطبيب وهو يقول بقلق :طمني يادكتور اليس مالها 


نظر له الطبيب بهدوء وقال:الحمدلله هي كويسه بس هتفضل  لحد بليل فى المستشفي لان عندها برد شديد و درجه حرارتها عالية جدا لازم تكون فى المستشفي عشان لو حصل اي حاجه نلحقها بس باذن الله مش هيحصل حاجه 


تنهد يحيي بتعب وقال:تمام يادكتور انا ممكن ادخل ليها 


اؤما له الطبيب بنعم وقال:اه اتفضل


دخل يحيي الغرفه جلس بجانب اليس وقال بتعب:اتر*عبت عليكي الحمدلله انك كويسه جذب لهاتفه وضغطت عددت ارقام وقال الو سليا 


سليا بستغراب:الو انا متاخرتش و


قطع حديثها يحيي بتعب:بس بس اسكتي انا مش قادر اتكلم انا مش هاجي انهارده اليس  فى المستشفي تعبانه جدا المهم عايزك تروحي انهارده الشغل تجهزي ليا كل الملفات المهمه وتبعتيها ليا على الايميل 


سليا بقلق:حاضر هعمل كده بس هي كويسه دلوقتي ممكن اجي ليها 


يحيي بتفكير :طب بصي جهزي ليا الملفات دي وتعالي على المستشفي انا فى مستشفي ****


سليا بهدوء:تمام 

............

تقف سمر بجانب والدتها وهي تنظر لها بضيق وقالت:ياماما انتي ليه رافضه تسمعي اي حد فينا احنا عارفين ان بابا عمل حاجه كبيره اووي بس هو صلحها واعتذار وبيتمني انك بس توافقي انك تكلمي 


تنهدت والدتها بحزن وقالت:انتي فاكره الموضوع سهل يابت ابوكي دا عمري كله الزعل بيكون على قد المحبه انا متخيلتش ان ابوكي يعمل كده ابوكي كسر*ني و


قطع حديثها دخول السعد المطبخ وهو يقول بذعر:ماعاش ولا كان اللي يكسر*ك ياام البنات انا عمري مقدار اكسر*ك غلطت وانا عارف دا وعمرها ما هتتكرر تاني اتعملت من غلطي انا عرفت ان مقدرش اعيش دقيقه واحده من غيركم سامحيني بصي لو حصل اي حاجه تانيه مني اوعى تسامحيني ثم قال بمرح ابقي بهدليني فى المحاكم ساعتها


ابتسمت والدت الفتيات وقالت بهدوء:انا هسامحك بس صدقني لو حصل اي غلطانه تاني مش هتلقيني فى حياتك اصلا 


اؤما لها السعد بسعاده وقال:انا مقدرش اغلط تاني المهم انك سامحتيني الحمدلله يارب


نظرت لهم سمر بحب وقالت:الحمدلله ربنا يديمكم لينا يارب ثم قالت بمرح انا هخلع بقي لان اتاخرترعلى الاكاديميه وكده هتعلق هناك 


نظر لها السعد بهدوء وقال:يارب البسي وانا هوصلك 

................

بعد مرور ساعتين استيقظت ساندي على صوت هاتفها جذبت الهاتف وقالت بنعاس :الو مين 


هشام:مين اي انتي مسحتي رقمي ولا اي 


نظرت ساندي لهاتف ثم قالت بهدوء:لا بس لسه صاحيه مش مركزه 


هشام:تمام يلا قومي افطري وتعالي المحل عشان تاخدي حاجتك واكلمك فى الموضوع اللي قالتلك عليه 


ساندي :تمام ماشي ساعه بكتير اووي وهكون عندك 


...............

يجلس فارس فى مكتب وهو ينظر حواله وقال وهو يحدث نفسه:امتي المهمه دي تخلص وارجع القسم والله القسم ارحم من هنا مليون مره 


دقة باب المكتب دخلت سمر وقالت بتوتر:حضرتك لوحدك 


نظر لها فارس بستغراب وقال:اه انا لوحدي خير فى اي انتي كويسه 


اؤمات له سمر بنعم وقالت بخوف وهي تنظر وراءها:اه كويسه بس انا عايزه اقول لحضرتك علي حاجه مهمه 


نهض فارس واقترب منها وهو يقول بتسأول:انتي خايفه كده ليه واي الحاجه المهمه 


اغلقت سمر باب المكتب وهي تقول :انا لسه جايه الاكاديميه من نص ساعه فكرت اني اتمشي شويه قبل التمرين شوفت اربع بنات شكلهم واقفين على جانب واحده فيهم واقفه بتبص على الطريق واحده مسكه شريط برشام وبتيبع ليهم بالحبايه انا قولت يمكن دا برشام مغص او صداع بس الفلوس اللي البنات دفعتها ليها دول يجيبوا بدل شريط تالت علب برشام ويمكن اكتر المهم واحده فيهم شافتني بس انا جريت معرفش بقي شافت وشي ولا لا جيت عشان اقولك لان معرفش حد هنا من الظابط غيرك وحتي اللي اعرفهم مش مطمنه ليهم 


تنهد فارس بتعب وقال:تمام بصي ياسمر عايزك واحد تنسي اني ظابط دي حلو جدعه انك قولتلي ركزي معايا انتي عارفه شكل البنات دي 


اؤمات له سمر بنعم وقالت:اه عارفهم في منهم  بنات معايا فى نفس الاوضه والباقي فى الاوضه اللي جنبي اللي كانت واقفه مرقبه دي اسمها دنيا ابراهيم واللي كانت بتبيع اسمها عبير مصطفي والاتنين اللي اخده الحبايه مي وهدير بس صراحه انا مستغربه البنات دول لو فعلا اللي فى دماغي صح البنات دي محترمين  جدا مي وهدير انا من اول ما دخلت الاكاديميه وشايفهم مش بيسيبوا فرض انا مصدومه فيهم الصراحه 


ابتسم فارس بسخريه وقال:مش كل حاجه بتشوفيها لازم تكون حقيقه ثم قال بجديه المهم انا هدور وراء البنات دي بس عايزك تركزي معايا راقبي حركاتهم وخصوص عبير بس لو حسيتي ان ممكن البنات دي تاخد بالها منكي ابعدي حياتك مهمه والناس دول بنسبه ليهم حياتك ولا حاجه بس متخافيش انا مش هسيبك انا بس عايزك تراقبيهم من بعيد وانا هقوم بكل حاجه وعايزك تيجي تحكي ليا اقل تحركاتهم انا ديما بكون قاعد هنا لوحدي او فى محاضره لو لقيتي ان مش موجود هنا ولا فى المحاضره خدي رقمي اتصلي عليا وهتلقيني قدامك 


اومات له سمر بتفهم وقال بخوف:انا خايفه منهم اووي انا اصلا بخاف من عبير دي اول يوم ليا حاولت تضر*بني عشان شافتني مش خايفه منها دي ديما ماشيه ومعاها بدل البت خمسه شكلهم مر*عب كلهم 


ابتسم فارس وقال بستغراب:اومال فين سمر اللي بتبقي هتاكلني كل مره 


ابتسم سمر بهدوء وقالت:والله ما اعرف المهم موبايلي اهو اكتب رقمك واي حاجه هتحصل هقولك عليها 


جذب فارس هاتفها وقال بهدوء:اهو كتبت الرقم واتصلت بيا اخرجي دلوقتي ولو ليكي اصحاب هنا لو حد سالك بتعملي اي عندي قولي انك كنتي قاعده معايا بشرح ليكي حاجات مش فاهمها و


قطع حديث فارس دخول شخص الغرفه وهو يقول :سمر انتي هنا انا بدور عليكي من بدري 


نظرت لها سمر بخوف وقالت بتوتر :بدوري عليا ليه ياعبير هو في حاجه 

...............

واقفت ساندي امام هشام وهي تقول :انا اهو جيت اي الموضوع المهم 


نظر لها هشام بهدوء وقال :اقاعدي بس الاول خدي حاجتك اهي كلها 


جلست ساندي ثم جذبت الحقيبة من يده وقالت:شكر جدا دي استقالتي انا كتبتها فى البيت فاضل انك توافق عليها 


اؤما لها هشام بتفهم وقال بتوتر:تمام هوافق عليها بس كنت عايز نتكلم فى الموضوع اللي قولتلك عليه و و


نظرت له ساندي بستغراب وقالت بقلق:في اي انت متوتر كده ليه هو في حاجه حصلت 


نظر لها هشام بخوف وقال:لا كل حاجه تمام بس بس ساندي تتجوزيني 


نظرت له ساندي بصدمه ثم قالت :انت بتقول اي 


تنهد هشام براحه وقال:بقالي اسبوع بحاول اقولك ان عايز اتقدم ليكي اخيرا عرفت اقولها تتجوزيني 


نظرت ساندي إلى الارض وقالت بتوتر:لا انا انا  مش موافقه 


البارت العشرون

#بنات_السعد

نظرت ساندي إلى الارض وقالت بتوتر:لا انا انا  مش موافقه


نظر لها هشام بصدمه وقال:ليه انتي رفضني ليه 


نظرت له ساندي بخجل وقالت:بص بص قول لبابا وهتعرف رايي منه 


بعد تلك الكلمات غادرت ساندي ابتسم هشام وقال بهمس:يارب تكوني من نصيبي 


.................

نظرت لها سمر بخوف وقالت بتوتر :بدوري عليا ليه ياعبير هو في حاجه


نظر لها فارس بغضب وقال:انتي ازاي تدخلي كده هو انتي فاكره نفسك داخله اي 


نظرت له عبير بسخريه وقالت:معلش يادكتور اصلا دورت على سمر فى كل حته فا قولت اكيد هلقيها هنا عشان كده مركزتش 


نظرت لها سمر بقلق وقالت:انا كنت مع الدكتور بيشرح ليا حاجه 


اؤمات لها عبير بتفهم وقالت :تمام عايزكي لحظه بعد اذنك يادكتور 


جذبت عبير يد سمر بقوه وقالت بهمس:امشي معايا بهدوء بدل ما از*علك على نفسك وانتي لسه صغيره 


نظرت سمر لفارس بخوف تتمني ان تجد فرصه لهروب نظر لها فارس وقال:عبير انا لسه مشرحتش لصاحبتك اللي هي عايزه سبيها وهي هتيجي ليكي بعد ما نخلص 


تركت عبير يدها وقالت بتحذ*ير وهمس:عارفه لو مخلصتيش العب*ط دا وجيتي ليا هعمل فيكي اي هخليها مفاجاه ثم قالت بصوت مرتفع ماشي يادكتور سلام ياسمر هستناكي 


غادرت عبير الغرفه نهض فارس اغلق الباب وقال وهو ينظر ليد سمر:هي مسكت ايدك جامد 


ابتسمت سمر بسخريه وقالت:جامد دا انا حسيت ان ايدي هتنكس*ر ثم قالت بخوف انا خايفه اووي انت شوفت هي عملت اي دي اكيد عرفت اني شوفتها شكل نهايتي على ايديها انا عارفه 


اقترب فارس منها وقال بهمس:اتكلمي بصوت واطي هي اكيد عند الباب بصي لو لقتيها عرفت وافقي علي  اي حاجه هتقولها ليكي انتي سامعه وبعد ما توافقي اتصلي بيا انا هستناكي تتصلي وتحكي ليا اللي حصل متقلقيش انا معاكي اخر البت دي تهديد متقدرش تعمل ليكي حاجه 


نظرت له سمر وقالت بر*عب:انا مش عايزه امو*ت او يحصل ليا حاجه على ايديها انا شوفتها ضر*بت بت قبل كده كانت هتمو*تها فى ايديها انا مليش فى كل دا 


تنهد فارس بحزن وقال بهدوء:ياست متخافيش والله انا معاكي محدش هيقدر يقرب منكى ولو فكرت تعمل ليكي حاجه انا مش هرحمها اهدي كده وتعالي نتكلم بصوت عالي كاني بشرح ليكي حاجه وبعدها امشي 


................

نظرت سليا لملفات امامها وقالت بسعاده :اخيرا خلصت 


جذبت هاتفها ضغطت على عدده ارقام وقالت:الو سلام عليكم انا خلصت الملفات هاجي لحضرتك على المستشفي صح 


يحيي بهدوء:لا الحمدلله اليس بقت احسن وخرجنا من المستشفي انا دلوقتي رايح البيت 


سليا بتفكير:تمام انا هاجي اسلم حضرتك الملفات واشوف اليس وامشي دا لو مش هعمل لحضرتك ازعاج 


ابتسم يحيي وقال:ولا ازعاج ولا حاجه تنوري المهم انزلي لحارس الشركه وقوليله يخلي السواق يوصلك لبيتي وانا برده هكلمه دلوقتي سلام 


اغلقت سليا الهاتف ثم حذبت بعض الملفات غادرت الشركه نظرت حواله وقالت بهمس:هو فين الحارس دا 


واقف شخص بجانبها وقال:استاذه سليا استاذ يحيي كلمني السواق اهو اتفضلي 


اؤمات له سليا بتفهم وقالت :تمام شكر 

.....................

جلست ساندي على الاريكه وهي تقهقهة بقوه نظرت لها والدتها بستغرب وقالت يخوف:بت في اي مالك انتي اتجنن*تي ولا اي 


ابتسمت ساندي وهي تقول بسعاده:مبسوطه مبسوطه اوووي ياماما 


جلست والدتها بجانبها وقالت بهدوء:يارب ديما مبسوطه بس قوليلي اي اللي حصل فرحك فرحيني معاكي 


نظرت ساندي لها بخجل وقالت:بصي هقولك بس اهدي كده واسمعي لي الاخر انا كنت معجبه بي هشام الشخص اللي انا بشتغل معا انتي عارفه طبعا محصلش اي كلام بينا وكان كل كلامنا شغل وبس المهم انا انهارده روحت عشان اقول اني هسيب الشغل هو وافق واتقدملي بس انا من التوتر قولت لا المهم قولتله يكلم بابا وهو اللي هيقولوا راي 


اطلقت والدتها الزغاريد وهي تقول :اخيرا يابت انا اصلا كنت حسه انكم شبه بعض وانا كنت بقول هو بيكلم ابوكي ليه دلوقتي 


نظرت لها ساندي بصدمه وقالت:هو لحق كلم بابا بابا قال اي ها ها 


ابتسمت والدتها وقالت :شكل الواد مستعجل ابوكي قال هيسال ويكلموا مفهمتش قولت اخرج اقاعد معاكي وبعدها اشوفه 


نظرت لها ساندي وقالت برجاء:بالله عليكي ياماما قومي شوفي هيقولك اي  ماما انا موافقه انا بقولكم اهو


قهقهة والدتها عليها وقالت :اتلمي يابت وخليكي تقيله ياموكوسه هقوم اشوف ابوكي 


.....................

جلس يحيي على الاريكه وبجانبه اليس نظر لها وقال بهدوء:انا عايز اعرف انتي رافضه تطلعي اوضتك ليه الدكتور قال ترجعي البيت تنامي وترتاحي


نظرت له اليس بحزن وقالت:لو طلعت نامت سليا هتيجي ومش هتلعب معايا 


نظر لها يحيي بستغرب وقال:وانتي عرفتي منين ان سليا جايه 


ابتسمت اليس وقالت:الموبايل كان صوت عالي سمعت صوتها وهي بتكلم هطلع اوضتي بس بعد ما اشوفها والعب معاها شويه


نظر لها يحيي بغضب مزيف وقال:لا مفيش لعب انتي تعبانه انتي هتشوفيها وتسلمي عليها وتطلعي تنامي و


قطع حديثه صوت دق الباب ركضت اليس وهي تقول بسعاده:سليا جت سليا جت 


ابتسم يحيي على تصرفاتها وقال صوت مرتفع:اليس متجريش 


تجاهلت اليس حديثه فتحت الباب وهي تقول بسعاده:وحشتيني اووووي 


ابتسمت سليا و جلست على الارض عانقتها بحب وقالت:وانتي وحشتيني جدا طمنيني عليكي انتي كويسه 


اؤمات لها اليس بنعم وقالت:اه الحمدلله كويسه 


نهضت سليا امسكت يد اليس وقالت :تعالي نشوف عمو فين 


نظر لهم يحيي وقال بسخريه:اخيرا افتكرتوا ان فى حد هنا غيركم 


ابتسمت سليا وقالت بهدوء:اسفه كنت مركزه مع اليس كانت وحشاني اووي 


مسك يحيي يد اليس وقال بهدوء:ولا يهمك اتفضلي ارتاحي لحظه وهكون عندك اليس يلا اهو انتي شوفتي سليا دلوقتي لازم تنامي وترتاحي


تنهدت اليس بحزن وقالت :هتيجي تاني صح وهنلعب 


اؤمات لها سليا بنعم وقالت بحب:تاني وتالت بس المهم انك تخفي وتكوني كويسه يلا اسمعي الكلام ثم نظرت ليحيي وقالت انا هسيب لحضرتك الملفات على التربيزة وهمشي عايز مني اي حاجه تانيه 


اؤما لها يحيي بنعم وقال بتركيز:اه فى كم ملف كنت عايز اسالك فيهم مش هتاخر عليكي البيت بيتك


جلست سليا على الاريكة وهي تنظر حوالها وتقول بهمس:شكل البيت حلو اووي اللهم بارك 


اغمضت عنيها بتعب فتحت عينيها ونظرت لملفات بضيق ثم وضعتها بجانبها سمعت صوت دق على  باب المنزل وقالت بصوت مرتفع:استاذ يحيي الباب بيخبط 


يحيي بصوت مرتفع :افتحي دا اكيد البواب 


نهضت سليا وقالت بصوت مرتفع:حاضر حاضر دقيقه 


فتحت سليا باب نظرت لتلك السيده التي تنظر لها بشمئزاز :حضرتك مين وبتبصي ليا كده ليه


ابتسمت هدي بسخريه وقالت:المفروض انا اللي اسالك انتي مين انا مامت اليس هو فين يحيي 


....................

واقفت سمر امام عبير وهي تقول بتوتر:في اي ياعبير بتدوري عليا ليه 


ابتسمت عبير وقالت بخبث:انا شوفتك وانتي بتجري بس هعديها ليكي لو فضلتي ساكته المهم ادخلي الاوضه دي فى ورقه مهمه جوه خديها وبعدها هنتكلم 


نظرت لها سمر بستغراب وقالت بجديه:ورقه اي وكلام اي احنا مفيش بينا كلام


امسكت عبير يدها بقوه وقالت بحده:بقولك اي انا نفسي اخلص منكى من بدري بس صبره عليكي خلي يومك يعدي وادخلي جيبي الورقه


ابتعدت سمر عنها وقالت بغضب :هدخل بس خليكي عارفه ان انا هجيب الورقه وبس خليكي بعيد عني لان انا معنديش حاجه اخسرها لو فضلتي تعملي كده هيبقي عليا وعلي اعدائي 


دخلت سمر الغرفه وهي تنظر حواله بخوف وتقول :عبير الاوضه ضلمه ورقه اي اللي هنا اي دا افتحي الباب انتي بتقفلي الباب ليه 


ضربت سمر الباب بيدها بقوه ابتسمت عبير وقالت بحقد:خليكي جوه دوري على الورقه لو طلعتي عا*يشه هيكون لينا كلام تاني لو لا يبقي الله يرحمك 


ياتر اي اللي هيحصل بتمني البارت يعجبكم 


تكملة الرواية من هنا  


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺



تعليقات

CLOSE ADS
CLOSE ADS
close