ذئاب_الجبل.(عودة البدري) الجزء الثاني الحلقة_الأولي بقلم حماده فاروق هاشم حصريه وجديده على مدونة النجم المتوهج للروايات والمعلومات

 ذئاب_الجبل.(عودة البدري) الجزء الثاني الحلقة_الأولي بقلم حماده فاروق هاشم حصريه وجديده على مدونة النجم المتوهج للروايات والمعلومات

ذئاب_الجبل.(عودة البدري) الجزء الثاني الحلقة_الأولي بقلم حماده فاروق هاشم حصريه وجديده على مدونة النجم المتوهج للروايات والمعلومات


انتهى الجزء الأول بعد ما البدرى اتقبض عليه عن طريق الضابط عصام الرخم...زى ما كلنا كنا شايفينه ساعتها 😊😊.

وطبعا كلنا عيطنا😭😭😭😭😭 لما وردة دخلت وحضنت البدرى مع اغنية علي الحجار الرائعه ولابد من معلوم تترد فيه المظالم...ابيض علي كل مظلوم واسود علي كل ظالم....

والضابط عصام اتبط وكلنا فرحنا فيه😂😂

وكنا بنعملنه كده من جوانا 😜😜😜😜

.........

المهم بقي الكاتب سابنا في فراغ وخصوصا ان المسلسل المفروض يكون ليه تكمله لانه في حاجات كتير ناقصه وفيه احداث حصلت فيه بوظت المسلسل...

مثلا زى موت علوان((بلا عربي بلا انحليزى عاد 😂😂))

......

انا بقي قررت اكمل المسلسل بقي.

 لا وايه جبتلكم علوان ابو البكري معايا علشان طبعا كلنا مستنيين نفش غلنا فيه....

مينفعش يموت طبعا بعد كل البلاوى اللي عملها زى 

قتله لمهجه((يامرك يا مهجه))

 وقتله ليس....

وكمان لسه هيعمل بلاوى كتير اوى....

وبسم الله بقي نكمل.....

.........

انتهي المشهد في النيابه بعض اصدار امر الافراج عن البدرى ابو بدار بعد ان اتضح انه مقتلش ورده وطلعت لسه عايشه.....

الضابط عصام بيبص للبدرى بغل وحقد وهو بيفكر.....!!!!!

امال الجثه اللي لاقيناها دى جثة مين ياعصام؟؟!!!

 يعني بعد كل السنين دى يطلع البدري برئ....

وانا اللي مخدوع....

يااااااه ياعصام. 

يعني الصول نفادى كان عنده حق...

 يااااما قاللي

 بس انا مفهمتوش....

ياااااااااه....طب مين الست المقتوله دى....مين....انا مش هسكت ولازم اعرف....

ويفيق علي صوت البدرى وهو بيمدله ايده وهو مبتسم....

البدري....

أشوف وشك بخير ياعصام بيه

وياريت تكون اتعلمت الدرس كويس....

الظابط عصام بيبص للبدرى وبيمد ايده وهو في نص هدومه....

بالسلامه يابدرى....

ولا تحب اقولك يا فاروق بيه....

البدرى...

لاااااه عاد فاروق بيه خلاص مات....

أنا البدرى ابو بدار كبير هواره....

ويمشي البدرى ويسيب عصام في حسرته وخيبته التقيله 😂😂.

........

طلع البدرى من النيابه وفي انتظارة

الحج المصري وحرمه ومراته

ووردة اخته طبعا وكل الشله....

الكل جري عليه وبقي ياخدو بالحضن....

وصلاااااح😂خصوصا

اخده حضن جامد اوى اوى ومبسوط...وبيقوله....

والله...والله يافاروق بيه انا كان قلبي حاسس.

قلبي من جوة كده كان بيقولي ياواد ياصلاح فاروق بيه ده تحسه مننا وعلينا...والله والله ولا ليك عليا حلفان...

والكل طبعا يضحك وبثينه عمال تشد في صلاح وتقوله خلاص ياصلاح بصوت هادى خلاص ياصلاح....وصوتها يعلي مره واحده صلاااااااح....

وصلاح يتخض ويبص ليها برضو بشخطى تاني...تاني يابُسبُس...

والكل يضحك 😂😂😂😂..

......

المشهد في هوارة....

علوان في المستشفي في غيبوبه بعد محاولة قتله من الشاذلي بعد مالكل فكر ان علوان مات....

واللي ماسك هوارة العربي ودبور بيمشو امور الكل ولكن مش زى ايام الشيخ بدار الله يرحمه....

كتير منهم بقي يتعدى علي حدود الاخوة...

ومنهم اللي بقي ياكل حق اخوه وياكل حق اخواته البنات....

وكترت القضايا وبقت هوارة حاجه تانيه خالص....

العربي ودبور قاعدين مع بعض....

دبور....

ووووه ياعربي ده مهما كان علوان برضك جوز نعمه خيتك....

ولو مسألتش عليه ياعربي وانت بحكم كبير هوارة مين اللي هيسأل عليه يا واد عمي.....

العربي....بعصبيته...

عليا النعمة من نعمة ربي يادبور عليا النعمه لولا بس عامل خاطر لنعمه زعلها ما كنت سألت عليه واصل ولا طليت عليه....

بس هنقول ايه عاد...

ادى الله...وادى حكمته....

دبور.....حاطط العصا علي كتفه....

انا برضو قولت اكده العربي معيهملش علوان واد عمه واصل في ظروف زى دى مهما كان بيناتهم....

العربي....

طب هِم بينا يادبور هِم بينا وكفاياك حديت ملوش عازة...

يلا نلحقو نطل عليه قبل الليل ما ياجي....

دبور....

معاك ياعربي....معاك ياواد عمي....

......

نعمه في المستشفي وقاعدة علي الارض علي باب الاوضه اللي فيها علوان وبتبكي ومعاها الخاله لبيبه......

نعمه....

يامورك يانعمه...يامورك يانعمه كان مدسيلك فين ده كلو يابت هريدي كان مدسيلك فيييييين...

الخاله لبيبه....

كفاياكي يابنيتي....كفاياكي متعمليش في روحك اكده وقومي كوليلك لقمة....

انتى علي دة الحال من يومها والزاد مبيخشش جوفك بابتي....

قومي لاجل خاطري...

قومي كوليلك لقمه يابتي...قومي....

وفي اللحظه دى يدخل العربي ودبور....

العربي...

واه عاد يانعمه...انتى برضك لسه زى مانتي علي حالك...

قومي يابت ابوي....قومى وكفاياكي نويح عاد قومي....

نعمه....

واه ياعربي....ان ما كتش انوح علي جوزى وعلي واد عمك انوح علي مين ياعربي....

وتبكي....

العربي....متأثرا....

مقصديش يابت ابوى متاخذنيش يانعمه انا بس صعبان عليا حالك اكده يانعمه...

قومي يانعمه...قومي واستهدى بالله وتعالي لبيتك وريحي جتتك ولما علوان يقوم بالسلامه انا هجيبك لحد هنه....

نعمه....

لاااااه...مهملش علوان واصل....احب علي يدك ياعربي.. احب علي يدك يا ولد ابوى هملنى جمب جوزى انا مرتاحه اكده.... انا مرتاحه.... 

دبور.... 

خلااااص خلاص ياعربي هملها لحالها ده مهما كان جوزها  برضك.... 

دبور يفكر.... 

وااااه يابت هريدي... العشق ده كلو عشان علوان.... علواااان بتاع الغوازى.... حتي بعد ماكان عاوز يجوز عليكي... ااااخ يابت هريدى ااااااخ.... 

صوت جاي من بعيد... 

ياعربي.... ياعربي.... يادبور.... 

البدرى راجع.... 

البدرى راجع... ووردة عايشه... 

الكل في ذهول... 

الخاله لبيبه.... بدرى... وردة بتي... 

......... 

والي لقاء في الحلقه الثانيه غدا بأذن الله .... 

أهداء مني الي الرائع 

مستشار  #محمد_صفاء_عامر

 مؤلف الجزء الاول❤

والمخرج العظيم

مجدي_ابوعميره

رايكم يهمني في التعليقات....



انضموا معنا على تليجرام ليصلكم اشعار بالروايات فور نزولها من هنااااااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

تعليقات



close
 
CLOSE ADS
CLOSE ADS