رواية سهرة الخميس الفصل الخامس بقلم سميه عامر حصريه وجديده على مدونة النجم المتوهج للروايات والمعلومات
 |
قرب زين منها اكتر و باسها : انا بحبك يا ليلى
""لانها انتِ ليلتى لا استطيع أن أكون سئ معكِ ""
بعدت ليلى عنه : انا مقدرش انت عارف انه غلط زين انا مش عايزة اجيبلك مشاكل احنا عالمنا مختلف
زين : انا اسف عارف انك بتحبي خطيبك
قعدت ليلى واتنهدت : لا مبحبوش لانه اناني و حتى مش هتجوز
ضحك زين : انا عارف كل كلامك ده لما كان السحر فيكي قولتي كده
ليلى : انا لازم اسافر بكره لازم ..انا خايفة جدا قلبي مقبوض يا زين
قرب منها مسك ايديها : وعد انا مش هحبك بس هفضل احميكي لاخر نفس
ليلى وهي بتبص في عينه :انا مش قصدي احرجك لما قولتلك عالمنا مختلف ..بس انت نفسك منعت زياد مني يعني أنا خطر عليكم
زين : دمك المميز محدش فينا يعرف لو مصه ايه اللي هيجراله ..من 100 سنه احمد شاف المستقبل و عرف بوجودك و قال انك هتكوني اكتر واحده مميزة
ليلى : صح مين أحمد انا سمعتك في اليوم اللي فات لما كنت بتتكلم مع زياد و كنت بتقول احمد وقتها انا فهمت أنه خطر بس هو مين ..
زين : هو عادي زينا بس شراني جدا و وقت ما عرف بيكي قرر انك بتاعته وأنه هيلاقيكي في يوم من الايام
خافت ليلى : طب ازاي ..و ليه
زين : لانه اناني و حقير ..وانا عمري ما هسيبك تقعي في أيده يا ليلى انتي لازم تتجوزي
ليلى بزعل : بس انا مش عايزة اتجوز مفيش حل تاني
قرب زين منها قرب شفايفها : مش عارف بس ممكن نجرب
( حس بارتباكها و توترها )
ضحك و راح ناحيه الباب : استعدي يا لوليتا انهاردة اخر يوم ليكي هنا لازم يبقى مميز
ليلى بفرحه : بجد هنعمل ايه يا خفاشي
ضحك زين اكتر :هههههه خفاشك ها ..طيب خليها مفاجأة جهزي نفسك لحد ما ارجعلك
قامت ليلى و لبست فستان نبيتي غامق مع بشرتها البيضه و ملامحها الجميلة حطت مكياج خفيف وخرجت نزلت في الاستقبال
كان زين بيتكلم مع واحده و بيضحك فجأة بص وراه كانت ليلى واقفة بتطلع نار من عينيها بسبب ضحكه مع البنت بس مبينتش
قرب زين منها :في واحده هنا عايزة تتاكل من حلاوتها
ليلى وهي بتهز رجليها : اه اه واضح من وقفتك معاها شكلها كان مبسوط وانت بتهزر معاها يا خفاش
همس زين في ودنها : دي ممكن تبقى وجبه فطار اسلك بيها سناني ..إنما انتي وجبه عشا لذيذ
ضربته ليلى في كتفه ضحك اكتر و مسك ايديها وخرج
ركبوا العربيه
زين : في حد عايز يكلمك
ليلى : مين
أداها التليفون
الو مامي ..وحشتيني اوي اوي
_ ليلى ازاي ماتصلتيش بيا و عرفتيني كل حاجه كل الوقت ده لوحدك والحيوان اللي سرق الشركه كنتي كلميني انا هعرف اتعامل معاه انا واخوكي
- مامي انا كويسه انا راجعة باريس بكره و الشركه انا رجعتها بفضل زين
_ انا هستناكي في المطار خلي بالك على نفسك
قفلت ليلى وهي فرحانة بصت لزين ..انا متشكره جدا بس ازاي وصلت لأهلي
زين : من تليفونك و كلمتهم الاول اطمنهم عليكي انتي عندك عيله حلوة جدا
ليلى :شكرا يا زين
وصلوا عند حديقة ضلمه
خافت ليلى ..مسك زين ايديها
ليلى : ايه يا خفاش ناوي تاكلني هنا ولا ايه
ضحك زين : الخفاش ميقدرش يأكل ليلى
ليلى بتريقة : اوه ..ليه بقى يا سيدي ..رومانسية وكده
داس زين برجله في الأرض نورت الأرض كلها بآلاف من حشره سراج الليل المضيئة
فضلت ليلى تضحك بفرحه ..: الله
كان بيضحك على ضحكتها
قربت منه : ممكن تشيلني
زين : يعني في خفاش بيشيل الأوزان دي
ضربته ليلى على صدرة : اوزان في عينك يا خفاش د انا حتى خسيت
و شالها فعلا قعدها على فرع الشجرة و طلع قعد جنبها
مالت ليلى نامت على كتفه : انت مش زيهم انت لطيف
زين : انا لطيف عشان عايز اكون لطيف معاكي ..وعد مني يا ليلى محدش هيقدر يقربلك
بصتله ليلى في عينه : تفتكر هشوفك تاني يا زين
زين : انا دايما هكون شايفك حتى وانتي بعيدة عني
خرج علبه تلج اللي بيترش من جيبه و طلعلها واحده و فضل يرش عليها نزلت من الشجرة وهي بتضحك و بيرشوا على بعض و الانوار حوليهم
خلص بتاعها و جريت
جري زين وراها و شالها من وسطها رفعها لفوق و نزلها براحه كان صوت ضحكتهم عاليه و اللي يسمعهم يقول دول حبيبين أو متجوزين
كانت الساعة سبعة الا ربع تعبت ليلى و راحوا الفندق يتعشوا لان زياد جاي يودعها و يعتذرلها
قعدت ليلى تاكل الشاورما بتاعتنا و زين في البلكونة بيشرب كاس دم
دخل زين قعد جنبها : زياد هيكون هنا بعد نص ساعة
بدأ جسمها يترعش و درجه حرارتها تعلى
بص زين في الساعة : 7 الساعة 7 تاني اه فقرة التحرش بقى ولما ترجع طبيعيه تقولي اغتصبتني انا هخرج بكرامتي لحد ما الساعة تخلص
وقف عند الباب : انا خارج يا ليلى
ليلى : لا زين استنى ارجوك
خرج و قفل الباب وهو بيتنفس بصعوبه
بتاع خدمه الغرف : حضرتك هتحضر الحفله يا فندم
زين بفرحه : هو في حفله ...اضيع الوقت هناك احسن
نزل زين بعد ما سابها في الاوضه بتغلي
فتحت ليلى الدش عليها برضوا نفس الاحساس انها عايزاه فتحت الدولاب لبست فستان مفتوح من الجناب و جريئ جدا
سيبت شعرها و حطت روج احمر و فتحت الباب و خرجت تلف شويه سمعت صوت في قاعة الفندق و عرفت انها حفله دخلت تطلع الكبت اللي فيها
قعدت عند البار كان زين واقف بعيد شافها برق بعينه ..
كانت بتشرب كاس ورا التاني
زين لبتاع البار : خلاص كفايه
اول ما شافته حضنته جامد : مشيت ليه يا خفاش
زين : ليلى فوق نتكلم
ليلى : تؤ تؤ هنا يا خفاش بوسني
ضحك زين : هستحملك ازاي نص ساعة كمان مسك كاس و را التاني و فضل يشرب
ليلى : يلا يا زين بقى
انقض على شفايفها لحد ما ورمت و الروج باظ
كانو هما الاتنين دايخين
في مدخل الفندق
زياد : سوزان تفتكري من الصح اننا نيجي
سوزان : اه يا زياد هي خلاص هتسافر واحنا لازم نعتذر وانا اكتر منك عاللي حصل مني
سألو على رقم الأوضه و طلعوا لقوها مفتوحه و مفيش حد دخلت سوزان قعدت : اكيد جايين الباب مفتوح
زياد بضحك : وليه متقوليش أن آخر يوم هيكون ليهم لوحدهم
سوزان : مستحيل يا زياد انت عارف يعني ايه علاقه بين مصاص دماء وبشريه يعني موتها
زياد : ليلى مش بشريه كامله دمها في مننا
سوزان : معرفش بقى بس هي هتتأذي و معتقدش زين يعمل كده هو حريص معاها
كان زين حاضنها و بيرقصوا سوا دخل واحد في النص بينهم و بدأ يعاكس ليلى السكرانه
اتعصب زين و هجم عليه بهدوء لما دخلوا الحمام قتله و خرج كان مش في وعيه
في الصباح
صحيت ليلى على السرير كانت رأسها بتوجعها
لقيت زين نايم جنبها بيبصلها
ليلى : هو ايه اللي حصل راسي بتوجعني
زين بخبث : ليلى انتي امبارح اتحرشتي بيا وانا مقدرتش اقاوم
ليلى وهي بتبرق : ايه ...انا اتحرشت بيك
بتبص على نفسها لقيت نفسها لابسه هدومها اتنهدت ..: الحمدلله محصلش حاجه احنا مش متجوزين عشان يحصل حاجه عيب متفكريش كده يا ليلى
زين وهو بيضحك : انتي بتفكري بصوت عالي سمعتك ها انا مقدرش المسك وانتي مش في وعيك ..قرب من شفايفها : لازم تقوليلي الاول وانا افكر اصلك مش مغريه
ليلى بكسوف : بس يا قليل الادب يعني خفاش و قليل الادب
ضحك زين و قام وقف : علفكره زياد و سوزان كانو هنا امبارح بس لما اتاخرنا مشيوا
ليلى بحزن : للاسف ..الطيارة الساعة 9 بليل صح
زين : مش هتوحشيني يا بطه
ليلى بزعل : بجد
زين وهو ماسك ايديها : انتي شايفة ايه
ليلى : انا عارفة ان الخفاش قلبه حنين وانا هوحشه
ضحك زين و حضنها وفي نفسه : عايز اخبيكي في حضني ياريتني بشري زيك كنت اتجوزتك و تبقى ملكي ولا انك تمشي من هنا.....يتبع
بقلم سمية عامر
انتوا نيمتوا ولا ايييه❤️😂 اتفاعلوا معايا
اعملوا متابعه لصفحتي عليها جميع الروايات إللي عوزينها من هناااااااا
انضموا معنا على تليجرام ليصلكم اشعار بالروايات فور نزولها من هناااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
