حكاية فيروز كامله جميع الفصول علي مدونة النجم المتوهج للروايات والمعلومات
 |
ربيت اخوات جوزي ولما كبرو واخوهم اتو-في مش هتصدقو عملو فيا ايه
انا فيروز عندي دلوقتي 55 وهحكيلكم لما كنت صغيره انا بنت من عيله فقيره من ارياف مصر كنت عايشه وصابره مع ابويا وجه اليوم المشؤم الي اتقدملي ابن عمي وابويا كان شديد وكنا بنفذ كلامه عشان تعبه الكلمه هي الكلمه وفي يوم ابويا جه و قالي
ابويا اتخطبتي علي ابن عمك والدخله بعد شهر
فيروز وعشان عارف ان الكلام مش هيجيب مع ابويا نتيجه قولت من غير نقاش الي تشوفه ياابويا
حتي ياناس دخلت من غير شبكه ولا فرح وبرضو سكت ومتكلمتش
دخلت علي بنتين وولد اخوات جوزي كانو اطفال وانا الي اتوليت تربيتهم
اخته الكبير فتحيه والاخت الاصغر مني والولد صلاح
وجوزي حسين
كنت بين شغل البيت وتربيه اخواته وكمان شغل في الارض وفي مصانع
وفي يوم اختي الكبيره جتله زينب
زينب مبروك ياحسين فيروز حامل بس الدكتور قال بلاش مجهود ولا حركه
حسين الله يبارك فيكي
زينب اوعا ياحسين بلاش شغل الايام دي لحد الجنين مايثبت
حسين اه اه طبعا انا هاذيها يازينب
اختي يادوب مشيت وقال
حسين اعملي حسابك بكره معانا في الشغل
فيروز انت مسمعتش اختي قالت ايه شغل ايه ده ياحسين والي في بطني
حسين بطل دلع شويه ما الحريم اهي شغالين كلهم ومحصلهمش حاجه
فيروز ولو ابني حصله حاجه الشغل هينفعني بايه حرام عليك طيب سبني اسبوعين بس اسبوعين بس خلي ربنا يسترها والجنين يثبت
حسين بلاش رغي كتير هتطلعي يعني هتطلعي ااكلكم منين انتي واخواتي
فيروز بس اتحمل اسبوعين عشان ابنك يثبت ياحسين
حسين ولا يوم واحد حتي يلا قومي ومتخفيش مش هتقل عليكي في الشغل دول شويه رمل علي الفين طوبه يعني مش كتير هتعبيلي بس وانا اشيل
فيروز امري لله حاضر ياحسين
روحت معاه الشغل وهناك
فيروز انت قولت ياحسين مش هشيل حاجه
حسين امال انا الي اشيل لوحدي يلا خلينا نخلص بقولك هروح اجيب علبه دخان واجي واد ياعلي شايل خالتك فيروز علي مااجي
فيروز. هوا اتاخر ليه داانا قربت اخلص الشغل
علي والله مااعرف ياخالتي... باقي أحداث الرواية مشوق جدا لازم الكل يقرأه تابع
ج٢
فيروز بطني حسه فيها بوجع
علي طيب كفايه كده وارتاحي
فيروز الشغل ده لازم يخلص النهارده ياعلي وعمك حسين مجاش يلا شيلني الدورين دول خلينا نخلص
علي طيب استني اشيل انا مكانك
فيروز ياابني انت كلك عندك 14سنه هتقدر تشيل ايه بس يلا يلا خلينا نخلص
كان يوم متعب ووقتها حسيت بخبط جامد وتعب شديد بقيت اصوت وكان بيتي في الشارع جنب الشارع الي فيه اختي الجيران سمعو صوتي راحو نادولها
. الحقي يازينب اختك صوتها عالي وعماله تصوت
اختي جريت وجتلي
زينب مالك يافيروز فيكي اي ياختي
فيروز جيت من الشغل تعبا-نه الحقيني يازينب
زينب شغل شغل ايه انا مش قولت مفيش شغل شغلتها ياحسين اهو ابنك ولا بنتك راحو افرح ياحسين بلشغل بس وحياه لو حصلها مش هيكفيني فيك بلدك ولا هقول ابن ولا هقول حاجه
حسين اختك بتدلع مفهاش حاجه
فيروز لو كنت جيت شيلت معايا مكنتش تعبت لكن انت سبتني ومشيت
زينب كمان شغلتها لوحدها منك لله ياشيخ كنت فين بقا ياخويا
حسين كان ورايا مشوار
زينب مشوار اي بقا ان شاءلله الي يخليك تسيبها وتمشي
فيروز الحقيني يازينب بتصفي
زينب طيب يلا يلا يااختي
حسين ابقو طمنوني وبطلي دلع ياختي
زينب دلع ايه خلاص اختي نزلت الجنين وحسابك بعدين وهقول لابويا الي هوا عمك وشوف هيعمل ايه
حسين قوليله ولا هيعمل حاجه
روحنا المستشفى وفعلا الجنين راح وقولت لابويا
وفعلا ابويا معملش حاجه وقال مفيش نصيب ومرضيش يكلم ابن اخوه ولا يحاسبه
وفقد الجنين الاول كان قاصد كده علشان مخلفش واربي اخواته حلو وماساش عليهم كل مره احمل كان يخليني انزل الجنين عن قصد لحد ماخلاص احتماليه اني احمل راحت خلاص كنت عايشه اربي اخواته الصغيرين وبس مكنتش احب جوزي ولا اطيقه وكل مااقول لابويا اطلق يقول
فيروز انا مش طايقاه ولا خلاني اخلف ولا اجيب عيل يصبرني علي عيشته ياابا ابوس ايدك ارحمني منه
ابويا حب ايه الي بتتكلمي عنه معنديش بنات تحب امشي علي بيت جوزك انجري
وفي يوم كنت تعبت وعرفت اني محتاجه اغسل كلي عملت غسيل كلي بس اهمال الدكاتره حطولي القسطره بلسده بتاعتها كنت تعبانه الم شديد اوووي بعد ماروحت
فيروز اااه الحقيني يازينب الحقيني وجع جامد الحقيني
زينب مالك يافيروز مالك يااختي
فيروز الحقيني يااختي وديني مستشفى بسرعه ااه
ورحنا المستشفى واكتشفنا غلطت الدكاتره وشالو القسطره تعبت اووي وجوزي حتي مسالش عني اختي روحتني وبتقول لحسين
زينب بقا كده ياحسين متسالش في فيروز وهي تعبانه ولا تيجي لها علي المستشفى
حسين حصل ايه يعني لها مهي رجعت وزي الفل اهو محصلهاش حاجه يعني
زينب الكلام معاك ممنوش فايده كنت وقفت جنبها امتي علشان تقف دلوقتي خدي بالك يافيروز من نفسك وهاجي اطمن عليكي تاني واعملك الاكل بس ابص علي العيال واجي
فيروز ماشي يااختي تعبتك معايا عملتي معايا الي مفيش حد يعمله
زينب تعب اي يابت داانتي اختي وبنتي
زينب اختي لما كنا في المستشفى عملت المستحيل التحاليل كانت طلعت اني خلاص بنتهي دخلت عليا العنبر الي كنا فيه في المستشفى وزغرتت زغروته عاليه احنا كنا في قسم النسا كان عندي لغبطه وتعب مش مفهوم الي زينب عملته رفعت حالتي النفسيه ورفعت من معنوياتي الدكاتره جهم علي صوت الزغروطه وشافو التحاليل قالو
. انتي بلي عملتيه ده رفعتي حالتها المعنويه ووفرتي علينا نص المشوار الحاله النفسيه عامل اساسي في علاج اي مرض
خفيت بفضل ربنا ثم اختي زينب
زينب اختي لو طلبت عيوني متاخرش عليها زينب مفيش دقيقه ورجعتلي عملت لي اكل وروقت البيت واكلتني وادتني العلاج واطمنت عليا وروحت
زينب ها ياحبيبتي عايزه حاجه تاني
فيروز ربنا يخليكي ليا يااختي ياحبيبتي
زينب ويخليكي ليا ياروحي هروح انا عشان الولاد وهجيلك تاني
فيروز تعبتك معايا يازينب ووجعت قلبك يااختي
زينب بطلي هبل يابت انتي اختي حبيبتي وعيوني ليكى
حسين مش تنزلي الشغل بقا ولا ختي علي الراحه اخواتي دول اصرف عليهم منين
فيروز هوا انا ملزومه باخواتك والله علشان بس ايتام وصغيرين وبعدين اانت بتروح تاكل بره وتشوف نفسك وسايبني انا واخواتك الايتام دول انا الي بصرف عليهم من شغلي
حسين انتي هتعايريني ولا ايه
فيروز ولا تعايرني ولا اعايرك الكلام مش جايب همه معاك
فتحيه فيروز انا جعانه
فيروز اخوكي مش سايبلي اكل اعمله اعمل اي بس ياربي
مني وانا كمان جعانه
فيروز ياحبايبي ذنبكم اي بس ان اخوكم الكبير همه علي نفسه وبس وانتو اطفال ده اكبر واحده فيكم عندها عشر سنين فتحيه عشر سنين وصلاح 9ومني 6
صلاح كلنا جعانين
فيروز طيب استنو هنا ومتعملوش شقاوه علي ماارجع ماشي
.. ماشي
روحت لابويا
فيروز يابا يابا
ابو فيروز تعالي يافيروز مالك يابنتي
فيروز العيال جعانه يابا اخوات حسين ومفيش اكل وانت عمهم هات اي اكل اعمله لهم
الاب الي تلاقيه خديه اخواتك جعانين كمان وانتي عارفه اني مريض ومبشتغلش واخواتك صغيرين لسه يادوب ببيع حبه خضار علي قدي كان علي عيني يابنتي
مشيت من عنده وانا حزينه علي الايتام دول الي جعانين فكرت في زينب اختي قولت يمكن الاقي عندها حاجه الاولاد ياكلوها دول ايتام واطفال لا عندهم ام ولا اب مفيش غير اخ يعتبر عاطل وانا الفتره الي تعبتها جاعو روحت لزينب اختي
فيروز انا مكسوفه منك يازينب اووي
زينب قولي يااختي في اي
فيروز ياعني العيال جعانين وحسين مش لاقي شغل زي ماانتي عارفه
زينب متكمليش تعالي انتي عارفه انا مربيه طيور كتير علي السطوح تعالي معايا امسكي دكر البط ده والفرخه دي خديهم للعيال واكليهم دول ايتام ويابخت الي يطعم يتيم
فيروز مش عارفه اقولك ايه يازينب
زينب خلصي متقوليش حاجه ويلا العيال جعانه
روحت للاولاد
فيروز يا ولاد جبت اكل
الاولاد هيييه
فيروز ساعه بظبط والاكل يجهز اقعدو مؤدبين بقا ماشي
. ماشي
وخالتكم زينب بعتت برضو رز وبطاطس عشان اطبخ كمان يكفينا يومين
الدنيا لفت بينا وجه وقت ارد لاختي الجميل كنا شغالين سوا في مصنع طوب انا واختي وجوز اختي وكان عليهم اقساط بيت كانو اشتروه يقعدو فيه اشتغلت معاهم ولما يجي وقت القبض
زينب خدي يافيروز قبضك اهو
فيروز لا يااختي سيبهم ادفعيهم للقسط خلي البيت اقساطه تخلص
زينب ازاي يافيروز وحسين هيقولك اي هتشتغلي من غير فلوس
ج ٣
محدش يبخل عليا باللايك والكومنتات الكتير عشان القصة تظهر لغيرك لان شروط الفيس بوك انك تكون متفاعل على البوستات عشان تظهر لك وتظهر لغيرك
مالوش دعوه هوا ده عرقي وشغلي انا مش هوا
اه كان پيتخانق معايا بس استحملت لحد ماالبيت اقساطه خلصت وساعده اختي فيه الحمدلله ارتحت شويه لما وقفت جنبها جوزي
بدئ يتعب وكل شويه يدخل مستشفى كان عنده دوالي علي المرئ زي
المړض اللي كان عند عبد الحليم حافظ ده كنت بروح بيه المستشفى واخواته الي هما انا الي مربياهم علي ايدي كان خلاص كبرو فتحيه كانت اتجوزت وصلاح كمان اتجوز ومني مجهزاها وعلي وش جواز حسين دخل المستشفى والتعب تقل عليه وكان بيحتضر واخواته مبيرحوش له المستشفى حتي
شيماء رمضانسلفتي بتجوزني جوزها 23
روحت لهم
فيروز انت مجتش تشوف اخوك ليه ياصلاح
صلاح انا راجل متجوز ومش فاضي ازور حد انا شغال علشان اربي ولادي عايزاني اعمله اي يعني
فيروز بس ده اخوك الكبير الي رباك وكبرك
صلاح انا كنت صغير وده كان واجبه وبعدين انتي ناسيه انه كان بسيبنا من غير اكل ولا حاجه وكان يخرج
فيروز كان ايده قصيره مكنش معاه فلوس وانا مكنتش بسيبكم
صلاح انا لا معايا اروح مستشفيات ولا معايا اروح لحد لو اټوفي ابقي عرفيني احضر الدفنه
فيروز طيب روح المستشفى حتي هديك اجره السكه بس اخوك نفسه يشفك انت واخواتك ده بقاله اسبوع في المستشفى انتو اخوات ازاي بس
مرات صلاح . انتي يافيروز الي بتحبي قعدت المستشفيات ياختي وبعدين صلاح وراه شغل مش هيعطل نفسه عشان يروح لاخوه لما يرجع البيت هيشوفه
زينب عيب كده انتي بتقولي ايه سلفك تعبان وانتي مش هاين عليكي حتي تحنني قلب اخوه عليه يبص عليه قبل ما ربنا يفتكره
مرات صلاح بلاش ۏجع دماغ هوا احنا لاقين ناكل
زينب تعالي يافيروز نروح لجوزك دول مفيش فايده فيهم
روحنا له لقينها بلفظ انفاسه الاخيره
حسين فيروز سامحيني حرمتك وحرمت نفسي من كلمه بابا ومن طفل يشيلني في ساعه زي دي علشان اخواتي قولت هتقسي عليهم لو خلفتي كنت اتعمد اشغلك واقسي عليكي علشان تنزليه سامحيني يافيروز حرمتك من الخلفه ومن الامومه تعبت صحتك وضيعتي شبابك مع اخواتي وانا عارف انهم مش هيطمر فيهم حاجه ختك عيله صغيره بنت 16سنه وشغلتك
فيروز مسمحاك نصيبي كده ربنا كتبلي مبقاش ام ياحسين بس ارتاح انت حسين كفايه اني ربيت ايتام حسين رد عليا ياحسين حسين
زينب بدموع البقاء لله يافيروز
فيروز بدموع الله يرحمه ويسامحه
خلصت مراسم الډفن ورجعت البيت عشان افضل في بيت جوزي هروح فين غيره البيت الي راح فيه شبابي وصحتي ولقيت صلاح بيقول
صلاح بقولك اي يافيروز
فيروز نعم ياصلاح
صلاح انتي دلوقتي لازم تدفعي في البيت ده زي مايكون حسين لسه عايش
فيروز هتدفعني في مصروف البيت ياصلاح
صلاح اه اومال تاكلي منين
مرات صلاح وشغل البيت كمان مااحنا مش هنخدمك يااختي انا بخدم عيالي بلعافيه
فيروز حاضر ياام محمد
فات فتره وكنت شغاله وبدفع منا ماليش مكان غيره ابويا الله يرحمه واخواتي اتجوزو وبقا كل واحد عنده الي مكفيه بس الناس مسبتنيش في حالي بلد ارياف وانتو عارفين مبيسبوش حد في حاله وبقو يجيبو في سيرتي دي ارمله وقاعده مع سلفها جت مرات صلاح
مرات صلاح فيروز بقولك ايه يااختي
فيروز نعم عايزه ايه
مرات صلاح اظن سمعتي الي الناس بيقولوه عنك وعن جوزي
فيروز هعملهم ايه يعني الي يتكلم يتكلم هعملهم ايه يعني
مرات صلاح عندي حل حلو
فيروز ايه هوا بقا ان شاءلله
مرات صلاح تتجوزي جوزي
فيروز انتي اټجننتي ولا ايه
مرات صلاح لا متتجننتش هتتجوزيه بس لا هيلمسك ولا تقعدي معاه علي اكل ولا يبقا بينكم كلام تقعدي عشان تربي العيال
وبس ويبقا فيه اربع حيطان يلموكي
فيروز لا عشتي ولا كنتي داانا لو هنام في الشارع مش هتزل ليكي تاني ياقليلت الاصل داانا الي مجوزهولك وانا الي مربياه اتجوزو ازاي انا قاعده في حقي وورثي مش قاعده عندك انتي
صلاح مالكيش ورث عندنا هتوافقي بلوضع ده ماشي متقلقيش مش هبصلك داانتي الي مربياني
فيروز هتاكل حق الست الي ربتك انا معرفتش اربيك اصلا
صلاح ده حق ولادي مالكيش ورث ولا حاجه وكمان طولت لسان مش عايز عشان عامل حساب للعشره
فيروز انا هخرج بهدومي بس بس مش مسامحاكم ابدا ياخساره تعبي وشقايا عليكم ياخساره جوعي عشان ااكلكم منكم لله
صلاح يلا بسلامه انتي هتنوحي ولا ايه
فيروز فتحيه موافقه علي كلام اخوكي ده
فتحيه اه موافقه طبعا تاخدي ورثنا ليه اخويا راح وخلاص
فيروز وانتي يامني
مني
انا ماليش دعوه الي يقولوه هوافق عليه
فيروز ياخساره تربيتي فيكم ياخساره شقايا وتعبي عليكم
خرجت وانا دموعي نازله علي سنين عمري الي
ضاعت علي الفاضي بس عند ربنا انا ربيت ايتام واجري عند ربنا
اختي قابلتني بره
زينب راحه فين يافيروز الساعه دي
فيروز رايحه بيت ابويا يازينب مبقاليش عيشه في البيت ده طلعو معندهمش اصل خرجوني بهدومي يااختي
زينب هما فاكرينك لو حدك ولا ايه داانا اروح افرج عليهم الدنيا تعالي يابت
فيروز مالوش لازمه يازينب
زينب ازاي يعني وحقك
فيروز عمري ضاع عندهم وصحتي راحت عندهم مجتش علي شويه الكراكيب والقرشين ياخدوهم الله يسهلهم
زينب طيب تعالي عندي والصباح رباح
فيروز لا هروح عند امك بيت ابويا اولي بيا روحي انتي بيتك
زينب لا تعالي اروحك الدنيا ليل
فيروز وهترجعي لوحدك
زينب هتخطف يابت ولا ايه تعالي يلا نروح سلفتي بتجوزني جوزها 3
روحت بيت ابويا كان اخويا متجوز في بيت ابويا
الام ياما قولت لك دول مايستهلوش بس هقول ايه الواطي واطي
زينب مالوش لازمه الكلام ده ياامي فيروز تعبانه دلوقتي سبيها ترتاح
فيروز والنبي ياامي انا مش ناقصه الي فيا مكفيني ومبقتش متحمله
الام طيب هتعملي اي دلوقتي
فيروز هعمل اي يعني ياامي هعيش هنا اعيش فين يعني في الشارع
الام لا مش قصدي كده قصدي ناويه علي جواز يعني تاني مهو انتي لازم تتجوزي
فيروز تاني اتجوز تاني حرام عليكم بقا سبوني في حالي
الام انا عايزه مصلحتك مين هيتحملك محدش بيتحمل حد اخوكي علي قده يادوب يقدر ياكل بيته
زينب فيروز هتشتغل ياامي وزي ماكانت بتصرف على نفسها في بيت جوزها هتصرف علي نفسها ومحدش هيصرف عليها
فيروز انا مش عاوزه حاجه من حد هشتغل واصرف علي نفسي
زينب انا هقوم اروح الجو اتاخر اوووي بت يافيروز اي حاجه ابعتيلي عيل صغير واجيلك اطلع عين الكبير والصغير هه واخده بالك يامرات اخويا
مرات اخوها ساميه نورتي يااخت جوزي
فيروز ده نورك ياساميه
ساميه اجبلك تاكلي ولا تنامي خفيفه كده
فيروز لا مش عايزه شكرا يااختي
ماما احنا عايزين نتعشي دول كانو ولاد اخويا
ساميه هقوم اجهز اهو مش قادره اقوم لو حد يريحني
فيروز خليكي انتي ياحبيبتي وانا هجهز
ساميه مش عايزه اتعبك بس يااختي
فيروز لا لا تعب ولا حاجه
قومت جهزت الاكل ومرات اخويا ماصدقت رمت كل حاجه عليا بقيت اشتغل وادفع في البيت وارجع من الشغل اروق واكنس واطبخ وفي يوم لقيت اخويا بيقولي
مدحت اخوها جالك عريس لقطه ميترفضت
فيروز طيب يامدحت اهو اي راجل اداره في ظله عنده كام سنه ده
مدحت 70سنه بس
فيروز اييييه ليه 70دانا يادوب 40 هيتجوز يعمل ايه بلجواز ده
مدحت انتي عايزه سنه في ايه بصي لفلوسه والعز الي هتعيشي فيه
فيروز انا انسانه ده اكيد خلاص مالوش في الجواز ولا في اي حاجه ده رجله والقپر وعياله عنده كام عيل
مدحت عنده خمس عيال كلهم رجاله كبار ده غني غني اتجوزيه هتورثيه ده خلاص بيخلص
فيروز هترميني يامدحت ابوك زمان رماني لابن اخوه وربيت اخواته واديهم رموني وانت عايزني اتجوز ده يتوفي وولاده يبهدلوني حرام عليكم بقا
مدحت امال عايزاني
افضل مقعدك هنا مزنقه علي العيال
سبتهم وخرجت روحت لاختي وحبيبتي زينب
زينب معلش ياحبيبتي والله يااختي لو الناس يسكتو كنت خليتك هنا ولا خليتك تتحوجي لحد
فيروز عارفه يازينب بس شوفتي ميلت بختي
زينب طيب ماتروحي عند عمتك
فيروز عمتك
زينب اه عمتك الي في مصر ولادها كلهم اتجوزو وعايشه لوحدها مع جوزها وبقو ناس كبيره في السن وجوزها بيعزك زي بنته
فيروز تفتكري مش هتزهق
زينب لا مش هتزهق طول عمرها بتحبك
فيروز خلاص هكلمها واسافر لها
كلمت عمتي ورحبت جدا وقالت كمان ان مطلوب عاملات في مستشفى جنبها قولت يافرج الله الحمدلله اشتغلت وفضلت هناك فتره كان بيجيلي عرسان وكنت راضيه بنصيبي نزلت البلد عشان اقنع امي تيجي معايا مصر وناجر شقه وتعيش معايا
فيروز ياامي تعالي معايا علشان بس كلام الناس هشتغل ومش هخليكي تحتاجي حاجه بس تعالي عيشي معايا
الام لا ابدا واسيب اخوكي ابدا ولا اقدر اسيب بلدي ابدا
امي رفضت الموضوع واطريت اوافق اني اتجوز اي حد مهو مش هفضل عايشه علي طول مع عمتي اتقدملي ناس كتير ملقتهمش مناسبين لحد ماجالي راجل عنده 55سنه كهربائي
وافقت جددلي امل ان ابقي ام كان ماجر شقه ووقفت جنبه لكن الشغل قفل ونزلنا نعيش في البلد تاني اجرنا بيت فلاحي وربيت طيور وخير كتير وكنا عايشن حلوين
الاخير
ولاده كانو مع خالتهم هوا كان ارمل وولاده مش صغيرين كان مطلوب منه مصاريف لهم كمان الدنيا زنقت بس في يوم
فيروز مش عارفه يا محمد نفسي غم عليا وبطني ۏجعاني
علي يمكن برد روحي خدي حقنه برد من الصيدليه عشان ميتقلش عليكي
فيروز حاضر
روحت خت الحقنه وعلي ماروحت البيت لقيت نفسي ڠرقانه وبطني ۏجعاني طلع اني حامل ونزل الامل جالي تاني بس الحمدلله في يوم تعبت
زينب وشك اصفر يابت يافيروز مالك يااختي
فيروز تعبانه يااختي معرفش مالي
زينب نروح نكشف ونطمن
فيروز ياختي طنشي
محمد لا هنكشف
فيروز بس الحاله يعني
محمد مالكيش دعوه المهم اطمن ياغايه الغاليين
روحنا كشفنا وطلع ان عندي ورم خبيث في الرحم
دخلنت المستشفى
فيروز انا فيا ايه يازينب صارحيني يااختي
زينب ياابت مفيش حاجه شويه تعب بسيط كده انتي بس بتدلعي
محمد متخفيش ياحبيبتي انتي كويسه مفيش حاجه
فيروز حسه بحاجه غريبه قلبي مش مطمن
زينب يابت دي الزايده بسيطه
فيروز حسه انها مش زايده
دخلت عملت استقصال رحم ولما خرجت وعرفوني
زينب العمليه خلصت علي خير وبقيتي كويسه ولازم تعرفي
فيروز اعرف ايه
زينب انتي شيلتي الرحم
فيروز اييه يعني ايه خلاص مفيش امل ولو بسيط ابقا ام لييه يارب ليييه
زينب استغفري ربنا استغفري ياحبيبتي
فيروز استغفر آلله العظيم
شيماء رمضانسلفتي بتجوزني جوزها الاخير
احتسبت الي حصلي عند الله ورضيت وكنت راضيه انقطع
وفي يوم لقيت بنت جوزي جايه بتقول
. انتي تسيبي ابويا في حاله احسنلك ده راجل كبير ومحلتوش حاجه سبيه
فيروز ده جوزي اسيبه ازاي انا زي امك
بنت جوزي لا مش زي امي انتي ختي مكانها ابويا سابنا لخالتي ربتنا وهو راح يتجوز ده راجل كبير شاف نفسه وبس
فيروز ده شرع ربنا هوا كان عايز واحده تونسه انتي هتتجوزي واخواتك هيتجوزو وهوا هيفضل لوحده هيكون محتاج واحده تاخد بالها منه اهدي يابنتي تعالي عيشي معانا وانا هكون لك الام
البنت هديت ووافقت تعيش معايا وفي يوم جالي واحده بتجري وتقول
. الحقي يافيروز بيت اختك بيولع
فيروز ايييه بيولع يالهوي واختي ووالادها حصلهم حاجه
. لا هما بخير بس البيت مش بيطفي
جريت زي المجنونه علي بيت اختي لقيت البيت قايد فيه الڼار جريت طفيت معاهم واختي وولادها قعدو في ركام البيت
فيروز حصل ايه يازينب
زينب جارنا يافيروز ۏلع في البيت عشان كان عايز يشتري البيت ورفضنا
فيروز هوا محتاج البيت في ايه هوا مبسوط وعنده بيت وارض عايز ايه تاني
زينب افترا يااختي افترا بيتي اتخرب الطيور الي كنت بسترزق منها راحت كلها والعفش كله اتحرق اعمل اي بس يارب
فيروز
ربنا هيدبرها متقلقيش ارمي حمولك علي الله يااختي
زينب الحمد لله اهو كله خير الحمدلله
وفضلت عايشه بعافر في الدنيا والدنيا تعافر فيا بس رضيت بلي ربنا جبهولي كفايه ان ربنا عوضني براجل كويس معاملته كويسه بيسندني لما اقع
متفتكروش ان عوض ربنا علي الدنيا وبس لا عوض ربنا لما يشيلهولك للاخره هيبقا اجمل عوض في الدنيا اصبرو علي الابتلاء واحتسبوه عند ربنا وهيقدملك الخير اكيد مش انت لوحدك الي تعبان ولا انت لوحدك الي اتظلمت يمكن انت احسن من ناس كتير في الدنيا
دمتم بخير..
انضموا معنا على تليجرام ليصلكم اشعار بالروايات فور نزولها من هناااااا
