رواية الحب كدا الفصل السابع عشر والثامن عشر والتاسع عشر والعشرون بقلم اسماء إبراهيم حصريه وجديده علي مدونة النجم المتوهج للروايات والمعلومات
 |
الحلقه 17
كانت نازله تجيب ميا تشرب...عدت من أدام اوضة صفيه سمعت صوت عمها عادل معاها....حطت ايديها علي بوقها بصدمه في عمها انو طلع كدا...جايه تلف ضهرها لقت صفيه بتشدها للاوضه ولسه هتدخلها لعادل لقت يوسف نازل من عالسلم وينادي علي هنا
سابتها صفيه بسرعه وقفلت الباب علي عادل.....
يوسف..في اي...مالك يا هنا
هنا بسرحان..مفيش...مفيش يا يوسف
يوسف..في اي يا صفيه....اي مخرجك من الاوضه دلوقتي
صفيه بارتباك..مفيش....تحب اعملك حاجه
يوسف حاوط هنا اللي كانت مصدومه بين دراعه ..لا شكرا..ادخلي يلا ومتخرجيش تاني...في هنا رجاله..مينفعش تخرجي من اوضتك كدا
صفيه..حاضر.....وبصت لهنا بحده...مع السلامه....ودخلت وقفلت الباب
يوسف..يلا يهنا
هنا ..هاا...اه...يلا يلا......
يوسف..مالك يحبيبتي....فيكي اي
هنا..مفيش ييوسف.....
يوسف..البت دي ضايقتك في حاجه..قوليلي بس
هنا..لا خالص....مفيش حاجه والله...
يوسف..طب كنتي نازله لي
هنا..كنت جايه اشرب.......هجيب ميا واجيلك
يوسف..لا يحبيبي اطلعي انتي فوق ونا هجيبلك واجي....يلا
ابتسمت هنا..حاضر يحبيبي.....وطلعت.....
يوسف كان حاسس ان في حاجه غلط....راح جاب ميه وطالع لهنا.....
هنا كانت عماله تفكر تعمل اي...معقول عمها يعمل كدا..دا مفيهوش حاجه كويسه...ولا حنين ولا راجل ولا فيه اي ميزه.....يوسف جهه
يوسف بهدوء وحنيه..اشربي يحبيبتي...شربت هنا.......
هنا..ماشي.....انت اي صحاك
يوسف..ونتي قايمه بس نومي قلق شويه...يلا يحبيبتي ننام
هنا..ماشي..يلا.....دخلت في حضنه بحب شديد وغمضت عيونها وحاولت تنام بصعوبه..وهو كمان نام
دخلت صفيه لعادل
عادل..اي حصل برا
صفيه..البت هنا الزفته...عرفت
عادل..ينهار اسود....طب وهنعمل اي
صفيه..انا خايفه بس تقول ليوسف...انا كنت هشدها علي هنا عشان تهددها لكن يوسف نزل
عادل..يوسف معرفش حاجه..صح
صفيه..لا معرفش حاجه..بس خايفه هنا تقولو
عادل..لا..هنا هتخاف مننا انها تقولو..ونا هكلمها بكرا
صفيه..لو حليمه عرفت..هتق"تلني
عادل بخوف خفيف من حليمه..لا..متقلقيش...مش هتعرف
عدي اليوم وصحيت هنا وعملت الفطار وكانت واقفه في المطبخ
يوسف صحي..صباح الخير.....
هنا بابتسامه ..صباح النور يحبيبي..
يوسف بابتسامه..اي بتعملي اي...
هنا..بحضرلك الفطار...
يوسف..امم..طيب انا هدخل بقا اتوضي واصلي علي ما تخلصي
هنا..ماشي..روح انت ونا هخلص...وراح يوسف
هنا لنفسها..في حاجات كتير مستخبيه عنك يا يوسف....مش عارفه لو عرفت اني عارفاها هتعمل اي....اقولك ولا اي...انا خايفه
صحيت حليمه الصبح هي صفيه وبداو يعملو حاجات في البيت....
صفيه..هو انتي هتسيبي هنا دي كدا علطول...دي مبقتش تشتغل خالص
حليمه..لا خلاص...انهارده هظبطها...زمن الدلع خلاص..اول ما يوسف يخرج بس
صفيه..طيب.....كنت عاوزه اقولك علي حاجه كدا
حليمه..قولي......
صفيه..صباح...حامل.....
حليمه بصدمه..اي....بتقولي اي.......
صفيه..زي ما بقولك كدا......
حليمه..ونتي عرفتي منين......
صفيه..من سهام امبارح..كانت قاعده معايا وقالتلي..وهي عاوزه تسقطها
حليمه..طبعا لازم تسقط...كدا لو جابت واد هيقاسمنا في الارض والورث
صفيه..سألتني تعملها ازاي..ونا بقا فيدتها وقولتلها تعمل اي
حليمه..عفارم عليكي....قوليلي قولتلها تعمل اي...........
لسه جايه تتكلم صفيه لقت هنا نازله هي ويوسف...
يوسف..صباح الخير ياما
حليمه..صباح النور يحبيبي..........
يوسف..انا رايح العياده....نزلتلك هنا اهو..بس بالله عليكي متحمليهاش كتير
حليمه بصت لهنا..لا متقلقش.....
يوسف..انا ماشي يحبيبتي..عاوزه حاجه
هنا..سلامتك يحبيبي..وشارتلو يقرب عليها وقرب
هنا بهمس..متتاخرش بتوحشني
يوسف بنفس الهمس..حاضر يحبيبي وبا"س راسها..سلام......
وسابهم ومشي
حليمه بحده..تعالي هنا يبت
هنا بخوف منها..نعم ياما حليمه
حليمه..عرفتي تعملي كدا فيوسف ازاي..هااا
هنا بخوف وتوتر..دا جوزي ياما حليمه....عادي يعني
حليمه..طب يختي انتي وهي تدخلو المطبخ دا شطبوه ونا هروح اجيب اللبن واجي....
وسابتهم وخرجت....هنا بصت لصفيه باحتكار شديد.....
صفيه..هنا...عمك عادل عاوزك.....
اترعبت هنا انو يعاقبها تاني...وصلت لحاله هيستريا وخوف شديد.....
هنا بجنون ورعب..لا.....لاء.....لااااء.....مش هاجي معاكي لااااااء
صفيه باستغراب شديد..هنا...اهدي
هنا عيطت اوي بهيستريا شديده..مليش دعوه بحاجه والله وربنا ما عملت حاجه......
شدتها صفيه بالعافيه ودخلتها الاوضه اللي فيها عادل..........
عادل بحده..بت يا هنا عارفه لو........
هنا اتكلمت بهيستريا رهيبه وصوتها علي جدا..والله ما هقول لحد حاجه.....وعيطت جدا ونبي يا عمي.....ونبي ارحمني ارحمني و.....
رواية الحب كدا ❤️
الحلقه 18
هنا بحاله هيستريا رهيبه وعياط شديد..ونبي يا عمي.. ارحمني يا عمي...والله العظيم ما عملت حاجه
عادل ولا اتاثر حتي بحالتها وقام قف وخنق"ها في الحيطه....وهي فضلت تعيط بجنون لكن لا حياة لمن تنادي
عادل بتهديد وحده..بت،..أمور الهبل دي مبتخيلش عليا.....عارفه لو يوسف او حليمه شمو خبر هعمل فيكي اي ..كانت بتتنفس بالعافيه ونفسها بيروح من خن"قه ليها..وضر"بها كمان علي ضهرها وعلمت ايده علي ضهرها وكتفها
هنا بانهيار..والله العظيم ما هقول حاجه....والله العظيم
عادل..يلا...غوري قبل ما حليمه تيجي
جريت هنا برا البيت خالص ولقت حليمه داخله البيت
حليمه..مالك يبت...شوفتي عفريت
هنا برعب وبتتنفض..انا عاوزه يوسف...انا هروح ليوسف...وسابتها وجريت
حليمه باستغراب شديد..مالها دي..تكونش بتهرب من الشغل والتنضيف.........
كانت بتمشي هنا بسرعتها لحد ما وصلت للعيادة....دخلت جوه بدون استاذان من عايده السكرتيرة.....استغربت لكن سابتها لانو كان وقت راحته
دخلت هنا وهي بتتنفض من الرعب وقفلت الباب...قام وقف يوسف بقلق شديد عليها وهي جريت علي حضنه في ثانيه
يوسف بقلق شديد..مالك يا حبيبتي....حصل اي
هنا بخوف شديد..عاوزه اشرب.....هاتلي ميه.......
جابلها يوسف ميه تشرب وحست بعدها انها بقت احسن.شويه....قعدها علي الكرسي وقعد عالارض ادامها ومسك ايديها بحنيه
يوسف بحنيه شديده..مالك يحبيبتي.....اي حصلك
هنا كانت بتاخد نفسها..مفيش.....
يوسف..اومال مالك بس
خبطت عايده عالباب
يوسف..تعالي يا عايده........
دخلت عايده واستغربت جدا أن الدكتور يوسف قاعد كدا تحت رجليها كدا
عايده..احم..دكتور يوسف...ادخل المرضي امتي
يوسف..معلش شويه شويه كدا.....
عايده..حاضر وخرجت.........راح قفل يوسف الباب بالترباس وراح عندها
يوسف..قومي يهنا كدا....قامت هنا وقعد يوسف وشدها علي رجلو بحنيه.......ورفع النقاب وفضل يبصلها بحب
وهنا بقت مكسوفه اوي من نظراته ليها.....
يوسف..مش ناويه بقا تقوليلي اي حصل
هنا بهدوء..انا خايفه اقولك ييوسف
يوسف..لي بس يهنا
هنا..عشان لو قولتلك...هيكون في خط"ر عليا
يوسف..لا..دا الموضوع كبير...ونا هعرفو....قومي بس انتي روحي دلوقتي ونا هخلص بدري...واطلعي عالشقه متعمليش حاجه معاهم
هنا..خايفه اروح لوحدي.....
يوسف بحنيه..خلاص...هاجي انا اوديكي وارجع...يلا
هنا..يلا......قربها عليه وبا"س خدها بحنيه......
يوسف..اوعي تخافي من حاجه طول ما انا معاكي......
هنا ابتسمت وقربت منو با"ستو من خده بحب شديد..حاضر يحبيبي.......
يوسف بضحكه خفيفه..لا دا احنا اتجرانا اوي
ضحكت كدا بكسوف ونزلها النقاب واخدها وخرجو وماسك ايديها...
يوسف..بعتذر يا جماعه..زوجتي بس تعبانه شويه...هروحها واجيلكم علطول..بعتذر مره تانيه.....شوفيهم يشربو اي كلهم يا عايده بدون مقابل
عايده..تحت امرك يا دكتور.......
خرج يوسف وماسك في ايده هنا وماشين في البلد......
يوسف..يسلام عليا ونا ماشي كدا جنب اجمل بنوته في العالم كله
هنا بفرحه..ونا ماشيه مع الدكتور يوسف..جوزي وحبيبي وكل ما ليا
يوسف..طب ولما اشدك دلوقتي بقا احضنك ادام الناس.....
هنا ضحكت بكسوف..خلاص..روحنا اهو.......
دخلو البيت واتقلبت ملامح يوسف خالص وظاهر عليه الجمود الشديد.....شافهم عادل وحليمه وصفيه...وكان عادل وصفيه مرعوبين....
عادل بتوتر خفيف..في حاجه ولا اي يا يوسف
يوسف بهدوء..هنا حبيبتي..اطلعي فوق ولو مين طلب منك تنزلي متنزليش....وبا"س راسها
هنا..حاضر يا يوسف.....وطلعت بسرعه........
عادل وصفيه اترعبو اكتر ومعاهم حليمه مستغربه جدا...
حليمه..مالك يابني
يوسف بحده..هنا فيها حاجه....ونا هعرفها واللي مضايقها وربي ما هسيبو
صفيه..ومين بس هيضايقها..هي اللي بتدلع
يوسف بعصبيه رعبتهم..انتي نسيتي نفسك ولا اي يبت..انتي هنا حتت خدامه فاهمه.....ازاي تتكلمي كدا علي ستك.....اقسم بالله اللي هيضايقها لازعلو مني جامد...مهما كان....فاهمين....ونتو بقا عارفين زعلي كويس....ومحدش يقرب من باب شقتنا..فاهمين
ولف ضهره ومشي خطويتين واتكلم ولسه لافف ضهره..يبقي حد بس يفكر يطلع عالسلم...ومشي
التلاته بقم واقفين مرعوبين........
حليمه..مالو دا........
صفيه..اكيد هنا الزفته مقوياه علينا
حليمه..بت....بطلي بدل ما يقت"لك...انتي يختي بتقولي في وشو بتدلع.. احمدي ربنا انو مدفن"كيش هنا
خافت صفيه اوي وسكتت
عادل..بس خلاص......المهم دلوقتي محدش يقرب من هنا....حليمه تعالي معايا.........
في بيت حسين....
سهام مسكت ازازة زيت ورميتها عالسلم عشان صباح تقع من عالسلم وتسقط......وقفت سهام تحت اخر السلم وندهت علي صباح
سهام..صباح....يا صباح...انزلي عاوزاكي
صباح فوق..عاوزه اي يا سهام
سهام..انزلي عاوزاكي انا.......
صباح..لازم انزل يعني
سهام..اه...تعالي......
صباح..طيب هلبس حاجه في رجلي واجيلك......دخلت لبست وخرجت ونازله عالسلم ومش شايفه الزيت...فلتت رجليها واتزحقت لحد آخر السلم ووقعت اغم عليها.....جريت عليها سهام بخوف متصنع.......
لكن مسكت نفسها لحد ما مسحت الزيت كلو وبعدها صوتت وابوها نزل واخوها
حسين برعب عليها..مالها اي حصل
سهام بعياط وخوف متنصنع..مش عارفه يابوي...ندهت عليها لقيتها وقعت
طب تعالي بينا ناخدها عيادة يوسف.......يلا بسرعه
حسام..بس يوسف مش نسا يبوي
حسين..كان قايلي انو لما اشتغل في امريكا..زمايله فادوه في كل الأقسام...يلا بسرعه
وشالوها راحو بيها لحد العياده......
كانت منه قاعده مكتئبه في بيتها مش بتاكل ولا تشرب ولا بترد علي حد
دخلتلها امها..منه حبيبتي....ممكن بقا تخرجي معايا
منه..مش عاوزه اخرج
الام..طب في واحد عاوزك برا...
منه بلهفه..يوسف..صح
الام..انسيه بقا...لا مش يوسف..دا فريد زميلك في الشغل
منه..مش عاوزه اقابل حد.......
الام..لا هدخلو
منه..بالله عليكي ياماما....بلاش دلوقتي
خرجت امها لفريد
الام..معلش يبني.....هي تعبانه فعلا
فريد بحزن..طيب....ممكن بس لما تكون كويسه حضرتك تتصلي بيا تطمنيني
الام..حاضر يفريد.. ابقي سلملي علي والدتك
فريد..يوصل..عن اذنك
وصلو حسين ومعاه صباح وسهام وحسام......
حسين..الحقني يايوسف
يوسف..اي حصل بس
حسين..اغم عليها.......
يوسف..هي كانت فيها حاجه
حسين بحزن وخوف..كانت حامل
يوسف بصدمه..حامل.....طب انا مش هعرف لان دا مش اختصاصي...انا هتصل علي دكتوره زميلتي شغاله في الوحده الصحيه اللي هنا
حسين..طب تعالو نروحلها احنا
ووصلو هناك والدكتوره فحصتها و.......
كانت هنا في البيت بتبص علي المرايا ولكتفها اللي عمها٠ ضرب"ها عليه وعلم جدا ومش عارفه تقول اي ليوسف وكتفها بيحر"قها......
عدي كام ساعه ورجع يوسف وهو ميعرفش اي حصل مع صباح ومحبش يقلق هنا عليها
اول ما دخل نده عليها..هنا....يهنا
هنا جاتلو حضنتو وبا"س راسها
هنا بحب..وحشتني
يوسف بحنيه وابتسامه..انتي وحشتيني اكتر....تعالي........ودخلو الاوضه وهي كانت لابسه لبس بيت عادي ومداريه العلامات بشعرها.. غير هدومو وقعدو كلو وخلصوا
يوسف..انتي لي فارده شعرك..الجو حر اوي
هنا بتوتر خفيف..عادي يعني.....
يوسف بحنيه..تصدقي اني نفسي اسرحهولك...قومي هاتي الفرشه ونا اسرحهولك
هنا فرحت ونسيت العلامات دي خالص وقامت جابت الفرشه وبدأ هو يسرحو
يوسف بابتسامه..شعرك جميل اوي ماشاءالله
هنا بكسوف..اه انا بحب شعري اوي
يوسف..انتي عارفه اني بقيت مدمن لريحتك وريحة شعرك اللي بتوديني دنيا تانيه
هنا اتكسفت شويه..ونا بقيت مدمنه يوسف كله
ابتسم يوسف ولسه هيرد شاف العلامات اتحولت ملامحه
يوسف بصوت رعبها..عارفه يهنا لو ضحكتي عليا وقولتيلي وقعت او كدا هعمل فيكي اي....
هنا بصتلو بخوف شديد منو..في اي بس..اي حصل
يوسف بزعيق رعبها اكتر..مين اللي ضر"بك يا هنا....انطقي ومتخبيش
هنا بعياط وخوف شديد..هقولك...بس انا خايفه منهم
يوسف حاول يهدي..طب اهدي....قوليلي
هنا مفكرتش وقالت..عمى عمل فيا كدا عشان.....
يوسف..عشان اي..اتكلمي ومتخافيش
هنا بعياط وخوف وبتفرك في ايديها..عشان شوفتو مع صفيه في الاوضه بيخون امي حليمه.......
يتبع.................
رواية الحب كدا ❤️
الحلقه 19
يوسف بعصبيه شديده..مين ضر"بك يا هنا...انطقي ومتخبيش عليا
هنا بخوف وعياط..هقولك...بس انا خايفه منهم.....
يوسف حاول يهدي..متخافيش من حد انا جنبك...قولي بقا
هنا مفكرتش وقالت..عمي عادل هو اللي ضر"بني عشان......
يوسف..عشان اي..قولي متخافيش...
هنا..عشان شوفته مع صفيه في اوضتها بيخو"ن امي حليمه.....
يوسف اتصدم من كلامها.. انتي بتقولي اي......ابويا انا......
هنا..اه والله هو دا اللي حصل......
يوسف بصدمه..طب ممكن تحكيلي بالظبط اي حصل
هنا..فاكر لما انا كنت نازله عشان اشرب...كنت عديت من أدام اوضتها وسمعت صوت عمي جوه و..كملت...........كان بيسمع كلامها وهو مش مستوعب....ابويا انا الحاج عادل...يخو"ن امي..طب لي وحس انو مخنوق اوي وعينه دمعت خفيف..هنا خلصت
هنا قربت منو..والله مكنتش عاوزه اقولك.....
يوسف بزعيق شديد..ازاي متقوليليش.....ازاي تخبي عليا حاجه زي دي.....ازاي
هنا بعياط..والله عمي هددني وضر"بني......اعمل اي يعني
يوسف مسكها من دراعها جامد ووجع"عها..اقسم بالله لو خبيتي عليا حاجه تاني....انا اللي هضر"بك بقا يهنا....وسعي كدا
هنا بعياط شديد..يوسف متظلمنيش انت كمان....استني ونبي متقولوش هيعا"قبني
يوسف كان مش شايف ادامو اصلا من صدمته وعصبيته..هنا ابعدي من ادامي دلوقتي....
هنا بعياط وخوف..لا....مش هسيبك تنزلو ونت كدا بالله عليك
يوسف..بالله عليكي ابعدي...هرجع اندم لو زعلتلك...ابعدي عني
هنا..بالله عليك اهدي ومتروحش......
يوسف فقد اعصابه وزق"ها خفيف وقعت عالسرير وسابها وخرج........هنا فضلت تعيط اوي.....
هنا لنفسها..اومال لو عرف ان حليمه مش امو وان حليمه هي اللي قت"لت امو.....وكمان انا عارفه هيعمل فيا اي
نزل يوسف متعصب جدا وراح خبط علي اوضة ابوه وحليمه......وكانو نايمين......صحي عادل وفتحلو
عادل بخضه من منظره اللي متعصب جدا..خير ييوسف.....في حاجه
يوسف بص لحليمه كدا.. عاوزك لوحدنا.........
عادل اتأكد انو عرف..طيب....ادخلي انتي يا حليمه.
حليمه باستغراب شديد..هو حصل حاجه ولا اي ييوسف
يوسف بحده وباصص لابوه..ابويا الحاج عادل...قالك ادخلي...ادخلي ياما...ادخلي
دخلت حليمه وقفلت الباب
يوسف..تعالي برا....عشان مينفعش هنا
عادل..تعالي...وخرجو برا........
كانت صباح نايمه عالسرير بتعيط اوي علي حالها.........
حسين..متزعليش بقا يحبيبتي.....خلاص انا اصلا مش عاوز خلفه
صباح بقهره..بس انا كنت عاوزه......دول شالو الرحم كمان...يعني مش هقدر اخلف تاني
حسين..انتي بنتي وحبيبتي......متزعليش نفسك
صباح لنفسها..اقسم بالله ما هسيب بنتك اللي عملت فيا كدا...وربنا لاوريها..انتو فاكريني طيبه..اقسم بالله لاوريكم كلكم
حسين..مبترديش لي بس يحبيبتي
صباح..معلش يا حسين...اخرج دلوقتي عاوزه اكون لوحدي شويه
حسين با"س راسها..امر ربنا يحبيبتي......انا هسيبك ترتاحي شويه.....وخرج
صباح..اقسم بالله يا سهام..لاعيشك عيشه سودا.....واخليكي تتمني المو"ت
خرج عادل مع يوسف........
عادل..خير يبني في اي
يوسف كانت عينه بتطلع نا"ر.. انت..بتمد ايدك علي مراتي لي يابا
عادل اترعب جواه..انا...كدا"به
يوسف بحده خوفته.. هي اللي كدا"به.....بتخو"ن امي صفيه يابا
عادل بلع ريقه بتوتر..يبني دي...دي نزوه بس
يوسف..نزوه...طيب....البت دي لازم تطرد من هنا
عادل..مينفعش تطرد.....
يوسف..لي......بتحبها اوي كدا
عادل..عشان....عشان مكتباني وصل امانه ب٥ مليون جنيه
يوسف بسخريه..الله اكبر.....برافو يابا شااطر......
عادل..خلاص بقا يبني...اوعدك هحل الموضوع
يوسف..طيب...دا ميهمنيش دلوقتي...انا اللي يهمني حاجه واحده بس....
عادل..اي هي
يوسف بحده..اقسم بالله يابا..لو حد ايده اتمدت علي مراتي تاني....اقسم بالله ما هرحموه......وسابو وطلع.........
عادل بقا مش عارف يعمل اي..طيب يا هنا الكل"ب....انا هوريكي ...
يتبع........
رواية الحب كدا ❤️
الحلقه 20
يوسف بحده..انا كل دا ميهمنيش...اقسم بالله لو حد مد ايده علي مراتي تاني...وربنا ما هرحمو...تماام....وسابو ومشي...
عادل بخوف من طريقته..ماشي يا هنا الكل"ب.....انا هوريكي
طلع يوسف للشقه وطبعا كان متضايق من نفسو علي اللي عملو فيها...دخل الشقه لقاها قاعده كدا عالكنبه وبتعيط اوي...دخل كدا وقعد عالارض ادامها ومسك ايديها......
يوسف بهدوء..انا اسف يحبيبتي...والله مكنتش شايف ادامي..انتي عارفه اللي كنت فيه
هنا بعياط اكتر..ماشي
يوسف..لا ونبي...انا مقدرش اشوفك كدا بتعيطي....والله يا حبيبتي مكانش قصدي...انا غلطت انا اسف
هنا بعياط شديد..هو نت ممكن تضر"بني زيهم كدا يا يوسف
يوسف قام وقف وشدها لحضنه براحه وحضنها اوي..انا عمري فحياتي ما أمد ايدي عليكي..تن"قطع ايدي قبل ما تتمدد عليكي يا حبيبتي...دا انتي قلبي...حد بردو يزعل قلبو.....انا اسف يحبيبتي....انا بحبك
هنا دفنت وشها فحضنه اوي وهو طبق ايده عليها اوي وحاضنها اوي ..مكانتش باينه من حضنه.....بعدها بشويه شالها
هنا بكسوف..يوسف...انت بتعمل اي.....
يوسف..ششش.....متقوليش حاجه....انتي هتفضلي فحضني لحد ما امو"ت....
هنا ضر"بتو في صدرو براحه وبطفوله..بعيد الشر عنك...انا مقدرش اعيش منغيرك يا يوسف...بحبك
يوسف حطها عالسرير بحب وبا"س شفايفها بحب ورقه........
يوسف بابتسامه وغمزه..متيجي كدا عاوزك في موضوع
هنا بكسوف وعضت علي شفايفها بكسوف..موضوع اي...
يوسف بغمزه..هصالحك...نتي زعلانه صح
هنا بضحكه..لا خلاص...
يوسف..لا لا...انتي لسه زعلانه.....تعالي بس.................
دخل عادل الاوضه لحليمه...
حليمه..ها...اي حصل
عادل بتوتر خفيف..لا مفيش...موضوع كدا ونا حليتو
حليمه..اه اي الموضوع دا
عادل اتعصب..ما خلاص بقا يا يحليمه....قولتلك حليتو
حليمه..خد بالك...انا حاسه انك مخبي عليا حاجه...بس اقسم بالله...انا لو عرفت انك بتعمل حاجه من ورايا...بجد هزعلك
عادل بسخريه..لا خوفتيني...بقولك اي...احنا دفن"ينو سوا...تمم......بطلي بقا حركاتك دي..نامي بقا
حليمه..ماشي يا عادل...ماشي.........
ونامو وحليمه شاكه في عادل انو مخبي حاجه..اي هي متعرفش.....
جه الصبح وروحت صباح مع حسين وولاده.........
سهام..حمدالله ع سلامتك يحبيبي....
صباح بهدوء عكس اللي جواها..الله يسلمك
سهام..كدا يابا انت وصباح..تخبو علينا الخبر الجميل دا ان صباح حامل...بجد زعلت اوي...
حسام..اه..ع الاقل مكناش خليناها تعمل اي حاجه في البيت
سهام بحزن مصطنع.. اه والله..دنا قلبي اتق"طع علشانها
صباح بنفس الهدوء وجواها نا"ر..كتر خيركم..حسين..انا هطلع بقا عن اذنكم...وطلعت اوضتها بسرعه وقفلت الباب وفضلت تعيط اوي وتخبط في كل حاجه ادامها....من كتر غيظها وغللها....وربي ما هسيبك يا سهام انتي واخوكي...انا هوريكم......
كانت حليمه خرجت تجيب اللبن
صفيه..ونت عملت اي يا عادل
عادل..قولتلو اني مش هسيبك......
صفيه بصتلو..هو نت مش عاوز تسيبني..عشان بتحبني ولا عشان وصل الامانه
عادل بكدب..عيب عليكي كدا...اكيد عشان بحبك
صفيه..ماشي يا عادل..لما نشوف............بقولك صحيح
عادل..اي قولي
صفيه..هو يوسف عارف..إن البت هنا دي..مش بنت عمو وان عمو كان لقاها وكدا
عادل..لا طبعا محدش عارف الكلام دا خالص...فاهمه
صفيه..اممم....ماشي........
صحي يوسف من النوم وكانت هنا صاحيه وفي حضنه وبتمشي ايديها علي وشو بحب....
يوسف مسك ايديها باسها..صباح القمر يا حبيبي
هنا بحب..صباح النور يروحي.....
يوسف قام..اي..صاحيه من امتي
هنا..من ٣ ساعات..مش بعمل حاجه غير اني بحفظ ملامحك.....
يوسف بابتسامه جميله ظهرت وسامته..لي كل دا
هنا بابتسامه وحب..عشان بحبك اوي
يوسف..ونا بعشقك......بحبك دي كلمه قليلة اوي علي حبي ليكي
هنا معرفتش ترد...راحت في حضنه وكدا وصلو الرد....
بعدها بشويه قامت تحضر الفطار وهو قام يلبس......وبعدها قعدو ياكلو وقامت تلبس هي كمان
يوسف..متعمليش حاجات كتير تحت
هنا بخوف وتوتر.. انا..خايفه من عمي .....
يوسف..تعالي هنا...قربي عليا......
هنا قربت عليه اوي..نعم
يوسف..عارفه ان انا سمعت كلمه خايفه دي تاني...هعمل فيكي اي.....
هنا..هتعمل اي....
يوسف..مش هعمل حاجه....بس هزعل منك...ودي كفايه اوي عليكي
هنا..لا...اوعي تزعل مني فيوم يا يوسف.....لو سمحت
يوسف..ونا اي يزعلني منك يحبيبتي
هنا..اي حاجه..واتأكد اني لو زعلتك يوم...هيكون غصب عني جدا
يوسف..ونا عمري ما ازعل منك ..بس هو نتي مخبيه حاجه
هنا بتوترخفيف..لا طبعا...راحت لحضنه بحب..بعدها خرجو.......
نزلو ماسكين في ايد بعض
حليمه..صباح الخير
يوسف..صباح النور.......ابويا فين
حليمه..راح الزرعه......عاوز ترحلو
يوسف..هشوف كدا.......وكانت صفيه واقفه بصلها يوسف نظره رعبتها واول ما بص لهنا اتحول
يوسف بحنيه..عاوزه حاجه يحبيبتي
هنا..لا يحبيبي...سلامتك بس
يوسف..لو عوزتي حاجه تعاليلي علي ما اجيبلك تليفون انهارده
هنا بفرحه..حاضر يا يوسف
يوسف للكل..سلام.......وخرج
صفيه..عامله اي يا هنا
هنا..كويسه
صفيه..كدا....ما سالتيش علي صاحبتك
هنا بقلق..صاحبتي مين..صباح..مالها
صفيه..البت كانت حامل وسقطت....وكمان شالت الرحم.....
هنا بقلق شديد..يالهوي....انا لازم اروحلها
مسكتها حليمه من دراعها..تعالي هنا.....خلصي شغلك الاول
زقت"ها هنا والكل استغرب حتي هنا نفسها....
هنا..ابعدي عني...دي صحبتي...مش هسيبها وسعي وخرجت بسرعه
حليمه بصدمه..البت دي مالها.....بدأت تتجرأ عليا
صفيه بخبث..ماهو انتي لو بتخوفيها منك..ماكنش كل دا حصل
حليمه..عندك حق...ليها روقه لما تيجي بس
خرجت هنا وهي خايفه علي صاحبتها مبقتش عارفه تروح كدا ولا تستاذن يوسف الاول...رجلها اخدتها عند يوسف....
عايده..اهلا حضرتك..عاوزه دكتور يوسف
هنا..اه يحبيبتي...ممكن ادخلو
عايده..هو عندو مريضه دلوقتي...لما تخرج حضرتك تدخلي
هنا..طب استناه فين.....
عايده..اتفضلي هنا..وقعدت
حسام..عفارم عليكي يا سهام.......خلصتينا من قرف
سهام..ولسه......فاضل بقا ست هنا بتاعتك ابعدها عن يوسف
حسام..اه لو سلمتيهالي وربنا انا نفسي بس اشوف وشها...واقضي معاها ليله حلوه
سهام..خلاص يا حسام.....اكيد هتيجي تسلم علي صباح...ياريت تيجي منغير يوسف...ساعتها بقا
سرح حسام في اللي هيعملو معاها وسرحت سهام انها مع يوسف.....
كانت هنا قاعده زعلانه علي صاحبتها اوي ونفسها تشوفها وتاخدها في حضنها تواسيها
عايده..اتفضلي يا هانم
هنا..شكرا ليكي ...دخلت ليه وقفلت الباب بالترباس ورفعت النقاب لان يوسف مش بيحبها تنزل النقاب ادامه
يوسف بقلق خفيف..مالك يحبيبتي
هنا بدموع..اي حصل لصباح دا
يوسف..انتي عرفتي....مكنتش عاوزك تعرفي يحبيبتي
هنا..يعني كنت عارف ييوسف وخبيت عليا
يوسف..صدقيني والله ما اعرف حتي اي حصلها...عمي بس وديته المستشفى
هنا..صفيه قالتلي انها سقطت وشالت الرحم
يوسف بصدمه..بجد......لا يعيني يا عمي
هنا بعياط..يوسف انا عاوزه اشوفها
يوسف..طب اهدي بس ومتعيطيش...انا هوديكي بليل
هنا..بس انا عاوزه اروحلها دلوقتي
يوسف..هنا..قولتلك لا...بليل والله انا هوديكي ..قولي حاضر بقا
هنا بدموع خفيفه..حاضر....مسحلها دموعها بهدوء وبا"س خدها
يوسف..يلا يحبيبتي...روحي
هنا نزلت النقاب..حاضر..متتاخرش ييوسف
يوسف..حاضر يحبيبي.....خرجت هنا وروحت للبيت
حليمه..تعالي هنا يبت
هنا مردتش عليها وطلعت بسرعه لشقتها
حليمه..شوفي البت
صفيه..البت دي لازم تتظبط بس بلاش انهارده
حليمه..اومال امتي بس
صفيه..هيجي الوقت وهقولك....متقلقيش
كانت قاعده هنا في شقته وعدت كذا ساعه وهي مش قادره تقعد عاوزه تروح لصباح...جه معاد رجوع بوسف لكن كان في مرضي كتير فمعرفش يروح وهي قامت لبست لأنها عاوزه تشوف صاحبتها
عند يوسف
عايده..في لسه ٦ مرضي برا
يوسف اتنهد..طب دخليهم
عايده..حاضر......كان يوسف عاوز يوفي بوعده ليها لكن مش بايده
نزلت هنا وملقتش حد تحت كانو كل واحد في اوضته..خرجت ووصلت لحد بيت حسين شافها حسام وهي داخله لوحدها جري راح لسهام
حسام..الحقي يا سهام....هنا جات....
تعليقات
إرسال تعليق