expr:class='data:blog.languageDirection' expr:data-id='data:blog.blogId'>

كل قلب له قلب يليق به كامله جميع الفصول حصريه وجديده علي مدونة النجم المتوهج للروايات والمعلومات

كل قلب له قلب يليق به كامله جميع الفصول حصريه وجديده علي مدونة النجم المتوهج للروايات والمعلومات


 =ابن عمك اتقدملك النهاردة 

- رفض علطول 

=لي بس يبنتي دا محترم و... 

-ماما انتي عارفة اني أصلا مش بطيق عمي ولا عيالو وبعدين ابن عمي اي اللي اتقدملي دا امه عقربة 

= بت عيب احترمي نفسك ابوكي لو سمعك بتقولي الكلام دا هيقطعك 

- يا حجة والنبي لتسكتي دا هو اصلا معترف بكدا 

= يا رحمه يبنتي انا عايزة افرح بيكي انا كبرت يبنتي ومش هعيشلك طول العمر 

- هو انا مش لسه مفرحاكو بالنتيحة وبعدين خدي هنا يا حجة كبرتي اي بس دا انتي لسه في عز شبابك 

بعصبية= والله انا ما هتكلم مع واحده زيك اما ييجي ابوكي بس 

وخرجت من الاوضة 

- والله يا أحلام ل أقعدالك في البيت ولا انا متجوزه 

وكملت الرواية اللي كانت في ايدي 

12:00

- الواحد نفسو يعيش قصة حب زي البطله والله اشمعناا هما يعني  

- يا أحلام انا نازلة 

= رايحه فين يا آخر صبري 

- نازلة أقعد مع خالتو وااه انا طلبت واحد برجر واتنين بيتزا وواحد كريب ابقي حاسبي عليهم 

= نهار ابوكي اسود اي دا كلو 

- انتي عارفة بقاا اني بجوع وكدا المهم انا نازلة 

حدفتني بالشبشب اللي في ايدهاا والحمد الله مجاش فيااا نزلت جري علي السلالم وانا بضحك وبخبط علي خالتو 

"مين 

- عفريت ما تفتحو يولاد هو انا عفريت هياكلكو ولا اي 

" اي يا خريه عايزة اي 

- مش عيب عليكي يا خالتو بدل ما تقوليلي اتفضلي انا هكون احسن منك وادخل 

" يابت دا انتي قرفانا الـ 24ساعه 

-جرا اي يا خالتو لا متخلنيش اطلعك ال اي.. المهم عاملين اكل اي النهارده 

" يالهووتييي الاكل هيخلص يولاه

-شوفتي يا فرح أمك اللي بتغلط الأول ما تيجو يا خالتو ننادي ماما وكلنا ننزل نقعد قدام الشارع 

" ومالو يختي يلا 

-مش بهزر يا خالتو 

" ولا انا يبت استني انادي علي أمك 

-وأخيرا نزلنا شايفة يبت يا فرح الواد دا 

*اه يختي مزة 

- مزة مين يبتليكي بشلة وقربت منها دا الكراش يبت 

*اوعاا كبرنا وبقا لينا كراشات 

-كلي يفرح وخليكي في كرشك 

(طبعا امي ماسكه خالتي ومش مبطلين كلام) 

أوباا ولقينا ابن خالتي داخل علينا دا انتو متعرفوش يجدعان دا دا الكراش (بالمناسبه عندي كراشين😂) 

♡اي اللي مقعدكو هناا 

*رحمه حبت تغير الجو وكداا 

♡ازيك يا رحمه عامله اي 

في سري:  حلوه ياللي تتشل في لسانك 

-وانت طيب 

*يبت بيقولك عامله اي مش كل سنه وانتي طيبة 

اتكلمت وانا بضحك:  معلش بقاا يا چو مش واخدين بالنا وكدا 

لقيت خالتي اتكلمت وقالت من حق يبت يا رحمه انتي عملتي اي ف موضوع ابن عمك دا 

♡ مش فاهم هو في حاجة 

"لا بس ابن عمها اتقدملها 

لقيتو رفع حاجبه وبصلي نظرة كدا اللي هو في اي 


التاني


"2🐥💝" 


لقيت خالتي اتكلمت وقالت من حق يبت يا رحمه انتي عملتي اي ف موضوع ابن عمك دا 

♡ مش فاهم هو في حاجة 

"لا بس ابن عمها اتقدملها 

لقيتو رفع حاجبه وبصلي نظرة كدا اللي هو في اي 

- والنعمه رفضتو يباشااا قصدي يا خالتو

♡ هو الواد دا مش ناوي يتهد بقااا 

-هنعمل اي بقاا يا چوو

=عيب يولاد الكلام دا دا مهما كان ابن عمك يا رحمه 

-حاضر يست الكل يلا بقاا عشان بابا مستنينا فوق 

" ماشي يبنت الكلب يعني بعد ما نزلتينا تطلعي انتي 

- عيب يوليّــه الألفاظ دي احنا ناس محترمه برضو 

" اه من بنتك يا أحلام 

= معلش بقاا يختي هنطلع عشان الراجل الغلبان اللي فوق دا 

فجأة لقيت تيليفون ابن خالتي رن لقيتو مشي بعيد وهو بيتكلم 

- فرح هو أخوكي راح فين 

* معرفش تلاقيه بيكلم المزة يبت 

= يلا يرحمه عشان نطلع 

-حاضر يا ماما 

طلعت البيت ولسه برضو الحركه اللي هو عملها مضيقاني 

- تفتكري يا ماما محمد ابن خالتي بيحب حد غيري 

لقيتها سكتت شوية وكان باين علي ملامحها الحزن 

- في اي يا ماما هو انتي عارفة حاجة ولا اي 

= لا معرفش بس.. روحي نامي دلوقتي 

دخلت اوضتي وانا مستغربة من ماما هي أكيد عارفة حاجة ومخبية علياا بس هتكون عارفة اي يعني فضلت افكر لحد ما نمت 

1:00

صحيت علي صوت دوشة براا قومت وانا مضايقه اشوف في اي 

- اي الصوت داا يا ماما 

يادي الخراا دول عيال عمي هنا 

• صباح الخير يرحمه يلا يبت فوقي كفياكي نوم 

- لا يختي مبصحاش دلوقتي 

= يلا يرحمه ادخلي البسي حاجه حلوه كدا وتعالي عشان عيال عمك جايين يقعدو معاكي 

- حاضر يماما

دخلت اوضتي وفعلا لبست وخلصت وطلعت براا 

• ايوا يبت كدا نضفتي

-نضيفة طول عمري يا حبيبتي 

تن تن 

= افتحي الباب يرحمه 

قومت وفتحتو ولقيتو ابن عمي 

- ازيك يا باسم 

لقيتو شدني لبراا وهو بيتكلم: هترفضيني برضو 

صراحه معرفتش ارد اقول اي 

ما تردي؟ نفسي اعرف اي اللي ناقص فيا يخليكي ترفضيني كدا 

- انا... انا 

لقيتو بصلي بصه كدا مفهمتش معناها وسابني ومشي 

معرفش لي حسيتو وهو بيتكلم ان دموعه هتنزل عيونه تقريبا كانت كلها دموع 

دخلت البيت تاني وقفلت الباب وفهمت من كدا ان بابا لسه مبلغهومش برفضي  

= مين اللي كان براا يا رحمه 

- دا..دا.. مش حد يا ماما

فضلت قاعده مع بنات عمي لحد ما مشيو وجه الليل واليوم خلص علي كدا 

فجأة لقيت محمد بيتصل عليا

فتحت ولقيت...


"3💍💖"

فضلت قاعده مع بنات عمي لحد ما مشيو وجه الليل واليوم خلص علي كدا 

فجأة لقيت محمد بيتصل عليا رديت وانا قلبي بيرفرف من الفرحة اي دا هو بجد بيتصل عليااا

ليكون هيعترفلك يبت يرحمه انو بيحبك يالهوي دا انا هموت فيها 

♡ ازيك يا رحمه عامله اي 

-الحمد الله بخير وانت 

♡ انا تمام رحمه كنت عايز اقولك حاجة 

- هي خالتو جرالها حاجة 

♡ لا لا موضوع غير كدا خالص 

بصراحه خوفت هو الموضوع هيكون عن اي يعني هو هيعترفلي بحبو ليا حق 

-طيب اتفضل 

♡ بس عايزك تكوني قوية كدا وانا آسف والله آسف علي اللي هقولهولك دا 

تقريباً مفهمتش هو قصدو اي ف سكت 

♡ رحمه بصي انا بحب.... 

- بس خلاص وربنا كنت عارفة انك هتقولي كدا انا كمان بعشقك مش بحبك 

♡رحمه 

- اقسم بالله كنت عارفه انك هتقول كدا يالهويي علي الفرحه اللي انا فيها انا مش مصدقة 

♡ رحمه مش قصدي كدا بصي يا رحمه انا مش عايز اسببلك عقدة في حياتك وتبقا بسببي انا عارف والله انك بتحبيني بس انا بعتبرك زي اختي بالظبط مشاعري من ناحيتك كإخوات وبس وان شاء الله تلاقي ابن الحلال اللي يستاهلك وانتي طيبة وقلبك ابيض وربنا هيرزقك بإنسان أحلي مني انا آسف يرحمه 

.......................-

♡رحمه انا قولتلك الكلام دا عشان عارف انك قوية وانا والله مش بإيدي اعمل حاجة 

- أن.. ا أخـ.. تك

♡أنا آسف يرحمه وبعتذر اني قولت الكلام دا بس كان لازم اقولك دلوقتي عشان لما يحصل.. نصيب واقابل بنت الحلال ان شاء الله متتصدميش وقتها وانا بعتذر منك يرحمه 

وقفل 

اي دا انا في حلم صح استحالة يكون دا حقيقة لا انا في حلم وهفوق  دلوقتي فضلت اضرب في نفسي اااه انا في حلم هفوق دلوقتي 

طلعت برا وروحت لماما اللي كانت نايمه 

ببكاء:  ماما انا في حلم صح هفوق دلوقتي اضربيني عشان افوق لا لا دا مش حلم دا كابوس حب الطفولة راح يماما راح كدا بالساهل لا لااااا

فضلت أكسر في كل حاجه وانا مش وعيي 

لحد ما بقيت في حضن ماما 

=اهدي عشان خاطري متعمليش كدا في نفسك والله انا آسفة اني مش قولتلك من الاول بس كنت خايفة عليكي والله 

-قال.. ي زيك كدا يماما قالي انو آسف وكـ.. ان لازم يقولي عشان هيخطب... حب الطفولة راح يماما 

فضلت علي الوضع دا مباكلش مبعملش اي حاجة غير نايمه في سريري فقدت شغفي في كل حاجة حتي الضحكه اللي كانت مرسومه علي وشي راحت ما اللي كنت بحبو راح اللي كنت بتمناه من كل قلبي راح هعمل اي بعديه 

= يرحمه طيب عشان خاطري كلي انتي مأكلتيش بقالك تلات ايام 

بزعيق- قولت مش عااااايزة مش عااايزة 

= يرحمه انتي صعبانه علياا وفي نفس الوقت مش عارفه اعمل اي 

- ولما انا صعبانه عليكي مش قولتيلي قبل متعشم فيه لييي هاا

= مكنتش عايزة اشوفك مكسورة يبنتي والله كنت عايزة اشوف الضحكه دايما علي وشك 

................... 

=طب عشان خاطري كلي دي بس 

- مــ.. ش عايزة يا ماما عايزة انام 

=ماشي يرحمه 

احساس وحش اووي لما تكون متعلق بروح شخص وفجأة تلاقيه بيسيبك و بيبعد عنك ياااه هو انا كنت مخدوعه طول السنين دي كلها وفي الآخر حبيت واحد محبنيش يااه علي غبائي طب هو انا محستش دا مكنش حتي بيهتم بياا صدق وقال ان الحب بيعمي 

فجأة لقيت بابا أوضتي بيتفتح جامد وصوت حد بيزعق و...... 

"تفتكرو مين اللي جه توقعاتكو يقمرات🐥💖"


" الأخير 💍❤" 

وقفت في البلكونه وشوفت ابن خالتي واقف مع بنت وتقريباً كدا كان بيضحك من كل قلبه معاها وهي كمان حسيت انو أخد باله مني دخلت بسرعه انا مش عايزاه يشوفني وانا ضعيفة بالشكل دا انا عايزة بس اثبتلو ان عمر ما حد هيحبو قد الحب اللي حبتهوله 

بصيت ورايا وشوفت باسم 

"بتعيطي لي 

- لا لا انا مبعيطش انا بضحك اهو 

قرب مني- طب والدموع دي اسمها اي 

بضحكة- لا لا يعم مفيش حاجه دا بس وانا واقفة في البلكونه شوية تراب كدا دخلو عيني متشغلش بالك 

ولسه همشي لقيتو شدني 

"  انتي فاكرة انك بتكلمي حد عبيط ولا اي وع فكرة انا شوفت كل حاجه ف بلاش كدب 

" شوفت ما صدق ان انا بعدت عنو وراح للي بيحبها بعد عني اي هو اصلا حبني عشان يبعد عني الأول 

لقيت علي ملامح وشو الغضب ولقيتو زعق فياا: تصدقي انا كرهت كل البنات بسببك حبيتك من كل قلبي مكنتش اعرف في حياتي غيرك انتي وبس وفي الآخر أشوفك حبيتي حد غيري انا لما بسمع الكلام دا منك بتعصب اشمعناا محبتنيش زي ما حبتيه كدا انتي كرهتيني في نفسي معرفش انا فيا اي ناقص عنه عشان تحبيه هو وانا لا 

وسابني  ومشي من البيت

= في اي يرحمه يبنتي هو باسم مالو 

كنت واقفة وقتها وانا بركز في كلامه (انا كرهت كل البنات بسببك)  

هو انا فعلاً كدا بكسر قلبه بس انا مش بإيدي ان انا أعمل حاجة انا فعلاً بحب محمد جدا بس نفسي هو كمان يحبني 

= يرحمه يبنتي 

بتوهه- هاا.. بتقولي اي يا ماما 

=هو باسم مالو يبنتي مشي وهو متعصب كدا لي 

- معـ.. رفش معرفش يماما 

تقريباً فضلت افكر طول اليوم لحد ما الصبح طلع عليا مجاليش نوم خالص قومت غسلت وشي وقعدت قدام المراية وانا ببص لشكلي اي دا هو دا انا بجد تحت عيوني اسود جدا عيوني بهتانه وشي تقريبا بقا عبارة عن عضم وبس 

اي دا وكل دا لي عشان واحد ميستاهلش لا لا انا لازم افوق كدا مش عايزة ابين لحد اني ضعيفة قومت وانا واخدة عهد مع نفسي اني هرجع زي الاول واحسن كمان 

فجأة سمعت صوت من ورايا وهو بيقول 

"رحمه انا آسف والله مكنش قصدي حاجة من اللي قولتو دا بس اتعصبت وانا لما بتعصب بقول اي كلام كدا فــ متزعليش 

- انت معاك حق ع فكرة انا لازم أتغير ومفضلش في الحالة اللي انا فيها دي انا كدا بأذي نفسي انا فعلا هتغير 

وفعلا بدأت أغير من نفسي ودا مكنش سهل ابدا بس اللي سهلو عليا ان باسم كان جنبي آحساس جميل اوي لما يكون شخص جنبك ودايما بيشجعك وبيتابعك  بعد خمس شهور بالظبط كنت رجعت زي ما انا رحمه اللي الضحكة ماليه وشها ومبتفارقهاش وفي الفترة دي باسم كان واقف جنبي جداً مسبنيش ولا لحظة وبصراحه قربنا من بعض جدا واتغيرت نظرتي ليه وبقت كلها حب انا تقريباً لو كنت كملت مع محمد عمري ما كنت هلاقي الحب دا معاه باسم علمني يعني اي أحب بجد وجه اليوم اللي اتجمعنا فيه في بيت واحد ايوه انا وباسم اتجوزنا ودي كانت احلي حاجه في حياتي ربنا فعلا عوضني بأحسن زوج في الدنيا انا لو فضلت اتكلم عنه مش هسكت والله ياجدعان لو هشحت كدا محبش إلا غيره والحمد الله ربنا كرمني بــآسر وداليا ودول عيالي اللي مطلعين عيني وعين أبوهم بس نقول اي بقاا ‏ ربنا يخليهم ليا  ويخليني لــ أبوهم 😂❤ 

_ انــتـــــهـت 

"كُل قَلب وله قلَب يَليق به".💙



تعليقات



CLOSE ADS
CLOSE ADS
close