جميع الروايات كامله

 عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 
كامله على مدونة النجم المتوهج 

في بيت متوسط المعيشة في حارة شعبية بيسكن عيلة محمود المهدي 

الصبح بدري  دخلت ام اسر  اوضة بنتها حور زي كل يوم تترجاها تطلع تقعد معاهم برة شوية دخلت لقت حور قاعدة  وساندة ضهرها علي شباك السرير وكالعادة  سرحانة وفي عالم تاني ومحستش حتي بامها وهيا داخلة عليها بصتلها امها بحزن علي حال بنتها وقالت : 

هتفضلي كدة لحد امتي يا حور ؟ 

وكملت كلامها وقالت : 

 عدي خمس شهور وانتي مش بتخرجي ولا بتروحي في حتة حتي الاكل يا بنتي مش بتاكلي كويس انا خايفة عليكي .

 انتبهت حور اخيرا لامها ردت وعدلت  قاعدتها وقالت بحزن باين في عنيها  :

- متخفيش عليا يا ماما وبعدين انتي عايزاني انسي كدة كل حاجة بسهولة ؟

ردت امها بحزن وهيا بتقعد قدامها :

-لا يا بنتي مش قصدي انا عارفة ان الموضوع صعب بس ده ميستاهلش حتي تبكي عشانه او تضيعي عمرك بسببه

ضحكت حور بسخرية وقالت :

-متخفيش يا ماما ان شاء الله هنسي مع الوقت هنسي 

ردت امها وهيا بتطبطب علي ايديها :

ماشي  يا حبيبتي ربنا يريح قلبك يا بنتي يارب وسابتها وخرجت .

بطلة قصتنا اسمها حور عندها ٢٦ سنة جميلة جدا شعرها بني طويل لنص ضهرها وعنيها عسلي و بيضة جدا و قصيرة شوية  وقمر وعايشة مع مامتها وباباها حاليا وعندها اخ اسمه اسر واخت اسمها رهف هنتعرف عليهم بعدين .

 خرجت امها و هيا حزينة علي بنتها وقعدت جنب جوزها  اللي كان قاعد بيشرب الشاي بتاعه قعدت جمبه بحزن وهيا بتمسح دموعها وشافها جوزها محمود وساب الكوباية من ايده وسألها بقلق:

:هيا حور عاملة ايه انهاردة يا نبيلة ؟

ردت عليه نبيلة بحزن :

 -زي ما هيا انا خايفة عليها لتعمل في نفسها حاجة كله منه اللي منه لله 

هز محمود راسه كذا مرة بقلة حيلة  وهو بيقؤلها :

-النصيب يا ام اسر الحمد لله انها جت علي قد كدة ومجبتش منه عيال كانو ربطوها بيه اكتر 

ردت عليه نبيلة وهيا بتأيد رأيه :

-علي رأيك والله يا ابو اسر ، الحمد لله يا رب 

واتكلم محمود بتأنيب ضمير وقالها :

-والله انا اللي حاسس بالذنب لانه ابن صديق العمر وانا اللي اختارته ياريتني ما كنت وافقت 

ردت عليه نبيلة بسرعة :

-لا يا حج وحور كمان كانت ميالة ليه دي بنتي وانا عارفة ولولا اني حسيت انها عايزاه انا مكنتش وافقت انا اصلا مرتحتلوش واتنهدت وقالت ، بس انا قولت هيا اللي هتعيش ومرضيتش اك*سر فرحتها يلا منه لله ربنا ينتقم منه وان شاء الله هتتردله انا متاكدة انا بس قلقانة عالبت حاسة انها مكس*ورة يا حبت عيني ولسة مش مصدقة لحد دلوقتي انها اتطلقت ....

حور كانت لسة في اضتها ومبطلتش تفكير في اللي حصلها وفضلت تعيط كل ما يجي صورة حسام في خيالها  وافتكرت كل حاجة تاني كانها حصلت امبارح زي ما بتفتكر كل يوم نفس الاحداث وتعيط بقهرة .

فلاش باااك 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

كانت حور قاعدة وكل شوية تبص في ساعتها لحد ما دخل حسام جوزها عليها واول ما شاف حور مراته اتنهد بضيق ورمي المفاتيح علي السفرة.....

قربت منه حوروقالت :

 هو كل يوم يا حسام تيجي متأخر كدة ؟ 

رد حسام وهو بينفخ من الزهق :

 معلش يا حور عندي ضغط شغل وانا قولتلك من فترة ان الايام الجاية هبقي مشغوول جدا 

ردت عليه حور بدموع وقالتله:

-انت علطول مشغول يا حسام من ساعت ما اتجوزنا لينا اكتر من سنة وانت مشغول دايما مشغول انا تعبت وحاولت كتير اقرب منك وانت بتبعدني ليه معرفش 

حسام رد بتوتر عليها :

ليه بتقؤلي كدة ما احنا عايشين مع بعض اهو وكله تمام 

حور بصتله باستغراب وقالتله  :

-تمام !! تمام من وجهة نظرك انت لكن مش طبيعي ابدا ان واحد لسة متجوز كل يوم يخرج ومش بيرجع الا نص الليل وكمان حتي مش بيعوض مراته عن غيابه وكمان بيعاملها بجفاء انا حاولت كتير اعرف في ايه بس انت مش مديني فرصة 

حسام رد وهو بيحاول يداري تقصيره :

-بقؤلك ايه يا حور اعتقد انا مش مقصر معاكي في حاجة كل طلباتك مجابة من كل حاجة ياريت بقي متعمليش مشكلة من مفيش وانا تعبان وداخل انام وسابها ودخل اوضتهم .

حور قعدت عالكنبة بقلة حيلة  وفضلت تعيط وبتكلم نفسها :

 انا حاسة في حاجة غلط طيب لو موضوع الحمل احنا روحنا للدكتور وعملنا تحاليل وقالنا ان مفيش حاجة واننا محتاجين وقت بس طيب وبعدين حتي واحنا مخطوبين كنت كويس معاايا حتي في اول جوازنا ليه اتغير  انا اعصابي تعبت وحطت ايدها علي وشها وعيطت بقهرة 

رجوع من الفلاش باااك 

دموعها كانت نازلة شلال وهيا بتفتكر كل حاجة بالتفصيل وبعد شوية هديت وقامت من عالسرير ودخلت اتوضت وطلعت جابت المصلية وفردتها  وصلت ركعتين لان الصلاه هيا الحاجة الوحيدة اللي بتخفف قلم قلبها  وبتجبر خاطرها ......

............

في اوضة اسر اخو حور اسر عنده ٢٩ سنة طويل وجسمه رياضي وعنده غمازات ودقن خفيفة وشعره ناعم وقمررر ...

 كان قاعد علي سريره وماسك تلفونه وبيحاول يتصل بخطيبته رانيا وفضل يرن كذا مرة وهيا مبتردش وقلق جدا عليها لحد اخر مرة ردت عليه فاتكلم بلهفة :

-الو ايه يا رانيا  كل ده عشان تردي قلقتيني افتكرت في حاجة انتي كويسة

رانيا ردت عليه ببرود مش لايق علي قلق اسر عليها : 

اسفة يا حبيبي مسمعتوش كنت في الكوافير وكنت بغسل شعري والفون سبته عشان مش يبوظ 

اسر اتعصب وضغط علي ايده جامد وقالها :

- نعم !!هو انتي خرجتي من غير ما تقؤليلي ليه هو انا مش راجل يا رانيا عشان تستأذنيه

رانيا نفخت بصوت واطي عشان ميسمعش وبعدين ردت :

-يوووه هو كل شوية حوار طب يا سيدي نسيت معلش ثم انا يعني يا اسر روحت فين ده الكوافير يعني 

اسر نفخ بضيق ورد بغضب :

 بقؤلك ايه اقفلي يا رانيا اقفلي وقفل في وشها وهو متعصب عالاخر 

رانيا بصت للفون واتصدمت انه قفل في وشها وبعدين قالت بعصبية : انسان خنيييق اوووف 

هيا  بنت جميلة بس للاسف مش كل حاجة الجمال لان شخصيتها غريبة ومتناقضة بس اسر بيحبها جداا مع ان امه وابوه مكنوش موافقين عليها وابوه قاله ان دي مش هتنفعك ولا هتقف جنبك لو وقعت هتسيبك عند اول مشكلة وهتتخلي عنك بس هو تغاضي عن كلامهم لانه بيحبها ومش شايف فيها اي عيووب 

اسر قفل وهو متعصب وبيفكر :

دي مش اول مرة تعمل معايا كدة ليه مش عايزة تفهمني وتسمع كلامي لقاها بترن بص للفون وهو متردد بس لانه بيحبها كالعادة بعد شوية رد 

اسر رد بغضب وهي بيحط الفون علي ودنه:

 - خير عايزة ايه مش قولتلك اقفلي دلوقتي 

رانيا ردت بدلع حاولت فيه انها تهديه :

 حبيبي انت لسة زعلان ، انا بكلمك عشان اعتذرلك معلش متزعلش مني انا مكنتش اقصد ازعلك يا روحي دي صاحبتي اللي قالتلي وانا بصراحة مقدرتش اقؤلها لا وقولت عشان لما اقابلك 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

اسر قلبه حن ليها وقالها وهو بيبتسم :

-خلاص مش زعلان يا رانيا بس لو سمحتي متتكررش تاني ممكن؟ 

رانيا / خلاص بقي قولتلك مش هتتكرر وعد كمان ها هتخرجني بقي انهاردة 

اسر فكر شوية وقالها بهزار:

- هو مين اللي مزعل مين بس ماشي يا ستي ها تحبي تروحي فين ؟

رانيا ابتسمت بخبث لانها عرفت تسيطر عليه وتنسيه اللي عملته وقالتله بدلع :

 -طبعا ستي ستارز عشان عايزة اعمل شوبنج 

اسر كان بيفكر انه مش هيكون معاه فلوس كفاية بس فكر انه لازم يراضيها وقالها: 

-خلاص بليل هعدي عليكي اتفقنا 

رانيا ردت وهي بتفتح دولابها و بختار هتروح بأيه :

-اووووه بجد خلاص يا قلبي اتفقنا بااي 

اسر بسرعة قبل ما تقفل قالها بتحذير:

- رااانيا بلاش لبسك الضيق ماشي والا هلغي الخروجة 

رانيا بصت لفوق بزهق وردت عليه:

- اوف خلاص يا اسر بقي قولتلك ان دي طريقة لبسي هو انا كدة ومش هعرف اتغير عشان كدة بلييز متضغطش عليا ممكن ؟

اسر رد عليها بحب عشان متحسش انه بيتحكم فيها  :

-  لو بتحبيني هتتغيري عشاني ولا ايه يا رانيا ثم انا خايف عليكي مش عايز حد يشوف جسمك او يقؤل عليكي انك مش كويسة 

رانيا مدتش اهتمام لكلامه كانها مش سامعاه وكانت بتنقي لبسها وبتختار بينهم وقالتله :

-هه تمام يا اسر خلاص هلبس واسع و كويس حاجة تاني بقي يلا سلام عشان الحق اظبط نفسي 

اسر بتحذيرتاني عشان عارف تصرفاتها :

-وبلاش ميكب اوفر 

رانيا ردت بعصبيةوهي بتقفل الدولاب جامد :

-يوووه بقؤلك ايه بلاها الخروجة دي مش عايزاها 

اسر رد عليها وهو بيحاول يتمالك نفسه وميتعصبش بسبب تصرفاتها  :

-يا حبيبتي بغير عليكي ودي حاجة تفرحك 

رانيا بملل قالتله:

-حاضر يا اسر خلاص بقي اقفل عشان بجد مودي متعكر يلا سلام 

اسر رد عليها بحب وقالها :

- متزعليش يا رورو بقي يلا سلام يا حبيبتي اشوفك بليل  باااي ....

...........

حور كانت لسة حابسة نفسها في اوضتها ، بعد ما صلت طلعت البلكونة وشافت من بلكونة الشقة اللي قدامها واحد كان قاعد جمب مراته ومحاوطها  بايديه  وبيتفرجو سوا علي فيلم وهو باس دماغها بكل حنية  وكان شكلهم حلو اوي اتمنت في نفسها انها كانت تعيش حياه مستقرة زي دي مع حسام بس للاسف ودموعها نزلت ومسحتهم بحزن ودخلت اوضتها تاني قعدت علي كرسي  التسريحة وبصت لنفسها في المراية وابتسمت بسخرية علي اللي بقت  فيه وحياتها اللي ادمرت وغصب عنها وهيا قاعدة سرحت تاني 

فلاش باااك 

دخلت حور لحسام القوضة لقيته ماسك موبايله نفخت بضيق وقربت منه وقالتله:

- انا هروح عند امي اريح اعصابي شوية 

حسام بابتسامة باردة:

فكرة كويسة روحي غيري جو اهو تنسي الافكار اللي دماغك دي وتعقلي بقي 

حور بصتله بخيبة امل وخرجت وهيا كان نفسها انه يتمسك بيها يحسسها انها مهمة عنده طلعت قعدت علي كنبة الانتريه  وبقت تفكر وقالت في نفسها انا لازم احافظ عليه وارجعه بحبني تاني زي الاول بكرة هو هيبقي في الشغل هنزل اشتري زينة واعمل حاجة حلوة والبس كدة وابقي حلوة عشان الفت نظره ليا وقلبه يتعلق بيا ياااه لو يعرف انا متعلقة بيه ازاي كان عمل المستحيل عشان يسعدني 

تاني يوم حور نزلت جابت زينة وبلالين وزينت الشقة وعملت الاكلة اللي بيحبها ولبست دريس حلو وميكب خفيف وكانت قمر وجاتلها ماسيدج علي الموبايل وهيا بتحط ماسكارا قدام المرايا مسكت الفون واتصدمت وعنيها دمعت وقالت لا مستحيييل والرسالة كانت صورة حسام  وهو حاضن واحدة ،  وفجأة مسدج تانية،  جت مكتوب  لو عايزة تشوفي جوزك وهو بيخونك روحي العنوان ده 

حور محستش بنفسها غير وهيا بتغير هدومها ونزلت تروح العنوان ده وكل تفكيرها  ازاي وهل فعلا ده حسام اول ما وصلت العمارة كانت خايفة وقلقانة ليكون الموضوع بجد حاولت تشجع نفسها و جت تطلع وقفها البواب وهو بيقرب منها وبيسألها:  

- طالعة لمين يا بنتي 

حور بصتله وكانت عاملة زي التايهة وكلامها كله متلخبط : 

انا انا كنت عايزة اطلع لحسام مش هو ساكن هنا برضه؟ 

 

البواب بصلها بقلق وقالها

قصدك حسام غانم  ؟

حور اتصدمت واتأكدت انه هو حسام جوزها وردت عليه وقالتله:

-هو ساكن هنا صح ؟

البواب رد عليها بثقة وحسن نية وقالها: 

-اه شقته في الدور التاني هو ومراته وبنته 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

حور بصتله بحزن ودموعها ابتدت تتكون في عنيها وقالتله: 

-الكلام ده بجد انت قولت مراته وبنته مش كدة بس ازاي وامتي معقؤلة اتخدعت فيه قوي كدة وكملت كلامها وقالت للبواب تمام خلاص انا طالعاله بعد اذنك وسابته وطلعت وهيا حاسة انها بتنهار وبتدعي انه يكون تشابه اسماء مش اكتر ووصلت للشقة  ورنت الجرس بس للاسف هو اللي فتحلها!! 

 

حسام اتصدم اول ما لقي حور قدامه و اتوتر وبصلها وقالها بتهتها: 

-حور انتي ازاي جيتي هنا ؟

-حور سابته ودخلت ولقت واحدة قاعدة  وشايلة بنتها اللي باين عليها عندها  شهور بصتله حور بدموع وسألته وهيا بتشاور علي البنت اللي قاعدة  : 

-مين دي يا حسام؟؟؟ 

حسام اتوتر والعرق ابتدي ينزل علي وشه وبقي مش عارف يقؤل ايه وقالها: 

-حور الموضوع مش زي ما انتي فاهمة وقاطعته مراته  وهي بتقؤم بعصبية وقالتله: 

هو في ايه يا حسام ما تقؤلها الحقيقة واخلص يعني كنت هتفضل مخبي عليها لحد امتي وبصت لحور وقالتلها:

ايوة انا مراته ودي بنته واحنا متجوزين علي سنة الله ورسوله وبنحب بعض ولا ايه يا حسام 

-حور حست ان لسانها اتشل اللي هو امتي وفين وازاي كل ده دار في دماغها بس مقدرتش تنطق بصت لحسام وقالتله: 

-الكلام اللي بتقؤله ده حقيقي يا حسام 

-حسام وهو بيوطي راسه في الارض قالها: 

-ايوة  انا كنت هقؤلك والله بس مستني الوقت المناسب  ، وقرب منها وقالها: ارجوكي تعالي ننزل نقعد في مكان وافهمك كل حاجة لو سمحتي 

حور كانت بتفكر وبتكلم نفسها بتقؤل ان مش وقته اني ابين ضعفي وانهار قدامهم مش وقته اني ابين كسرتي وحاولت تتماسك ورفعت وشها وقالتله تمام يلا بينا

 

حسام بلهفة اول بعد ما وافقت قالها: 

- ثواني بس اغير هدومي واحصلك مش هتأخر وفعلا نزلو راحو اقرب كافيه وحسام طلب اتنين لمون حور قالتله: 

انا مش جاية اشرب انا عايزة اعرف كل حاجة ودلوقتي حالا 

حسام اتنهد وهو بيرجع بضهره لورا وقالها:

- انا ومنة كنا بنحب بعض من ايام الجامعة بس للاسف ابويا في يوم جه فاجئني بأنه عايزني اتقدم ليكي واخطبك عشان طبعا بنت صاحبه الروح بالروح وانه شايفك انسانة كويسة وهتسعديني بس انا والله اتكلمت معاه وقولتله اني مرتبط بزميلتي في الجامعة وزعل وتعب جدا وكان لازم اعمله اللي هو عايزه اتقدمت ليكي وخطبتك وفعلا انا بيني وبين نفسي كنت ناوي اقؤلك بس لقيتك اعترفتيلي........كمل حسام كلامه بتردد وهو بيقؤل: 

انك بتحبيني من زمان ومرضيتش اك*سر قلبك واقؤلك ان قلبي ملك واحدة تانية وقولت هحاول علي قد ما اقدر اني مجر*حكيش بس انا برضه بحبها وهيا كان في حد متقدملها ومكنش ينفع اتخلي عنها واسيبها تضيع مني واتجوزتها بعد جوزانا بشهر وكنت بعاملك بما يرضي الله حور انا بجد كنت هقؤلك بس.... وسكت معرفش يقؤل ايه تاني يبرر بيه اللي عمله ولانه عارف انه جر*حها بكلامه دلوقتي. 

-حور كانت مش مصدقة كل كلمة حاسة انها بتتق*طع من جواها معقؤلة الانسان اللي حبته يعمل فيها كدة بصتله وهي دموعها علي خدها وقالتله: 

-انا مش مصدقة انت ازاي كدة يعني عشان سعادتك وعشان ترضي ابوك وعشان ترضي حبيبتك تعمل فيا كدة في انسانة كل ذنبها انها حبتك ! انت اكيد مش بني ادم انا كان ذنبي ايه ياريت كنت كس*رت قلبي وقولتلي واحنا مخطوبين حتي كنت انا اللي فسخت الخطوبة وقولت مش عايزاك بس ليه تبقي اناني كدة انا بكر*هك ومش مسامحاك علي اللي عملته فيا منك لله وحقي عند ربنا وسابته وقامت وقبل ما تمشي قالتله: 

 اه قبل ما امشي طلقني 

حسام قالها بندم: 

- انا اسف يا حور بجد اسف ممكن تدي علاقتنا فرصة ؟

حور ضحكت بسخرية وقالتله من بين دموعها: 

- انت عبيط ؟ علاقة ايه اللي نديها فرصة انا المفروض اشكر اللي بعتلي الرسالة انه عرفني حقيقة انسان اناني وز*بالة زيك انا بكر*هك 

حسام اتصدم وقالها بغضب......... يتبع

البارت التاني 

حسام اتصدم وقالها بغضب: 

- رسالة  ايه ؟ وريني فونك ومين اللي بعتلك الرسالة دي وازاي متقؤليش حاجة زي دي!! 

حور بصتله بقرف وردت عليه وقالتله: 

-شئ ميخصنيش المهم انه خدمني لما عرفني حقيقتك ياريت تطلقني ومش عايزة اشوف وشك تاني وبحمد ربنا اني مخلفتش من انسان زيك 

عودة من الفلاش باااك 

حور كانت دموعها علي خدها وكلمت نفسها بضعف: انا مستاهلش كل ده كل اللي اتمنيته انه يحبني زي ما حبيته ونعيش سوا في سعادة.....  وقامت دخلت الحمام  اتوضت وطلعت تصلي وتدعي ان ربنا يخرجها من حزنها ده قريب..... 

............

في مكان تاني

في عربية فخمة وقفت قدام شركة مكتوب عليها العامري جروب نزل بهيبته وشكله اللي يخطف عقل اي حد ودخل الشركة ومشي تحت نظرات الموجودين بالرهبة منه فهو ياسين العامري رجل الاعمال المعروف بسمعته الغنية عن التعريف وراح علي مكتبه رفع سماعة الفون اياد تعالالي 

استوووب 

ياسين عبد المجيد العامري  صاحب شركات العامري جروب 37سنة طويل وبشرته بيضة وشعره اسود وناعم وعينه عسلي ودقنه خفيفة وحاجة كدة قمر في نفسه 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

اياد صاحب ياسين وعنده 33سنة وقمر برضه اووي دخل اياد مكتب السكرتيرة وقالها: 

- حضرتي اوراق صفقة شركة المهدي ؟

السكرتيرة قامت بدلع وقالتله:

  اه يا فندم اتفضل 

اياد بصلها بخبث وقالها:

 مش وقته ياسين هيقتلني اخلصي وخد منها الملف وراح لمكتب ياسين وهو بيدعي ان ربنا يستر وخبط ودخل وقاله بمرح: 

-صباح الفل يا ياسين باشا الملف اهو يا برنس 

ياسين رفع وشه وقاله بحدة:

- هفضل اقؤلك لحد امتي ان الصحوبية حاجة والشغل حاجة تاني 

اياد اتوتر واتكلم باحراج: 

احم خلاص يا عم مكنش صباح يعني اللي يزعلنا من بعض 

ياسين ضحك وهو بيحرك راسه شمال ويمين وقاله: 

- مفيش فايدة فيك مش هتتغير ابدا المهم فين اوراق الصفقة 

اياد مد ايده بالورق وهو بيقؤله: 

-اهي اتفضل وكل حاجة تمام 

ياسين فضل شوية باصص للورق وبعدين بص لاياد وقاله:

 في حاجة غلط في الحسابات بتاعة الصفقة مين اللي اشتغل عليها ؟

اياد استغرب وقاله:

- دي خرجت من مدير الحسابات واتراجعت كمان وانا بصيت عليها 

ياسين رفع سماعة الفون وكلم السكرتيرة: 

- ابعتيلي مدير الحسابات بسرعة 

السكرتيرة بخوف: 

-تمام يا فندم 

ثواني والباب خبط وياسين قال ادخل 

 

دخلت رهف وتبقي اخت حور، تبقي بنوتة قمر بيضة وشعرها كيرلي وعيونها بني وهيا جميلة جدا 

اياد اول ما شافها تنح!! 

..............

رانيا واسر راحو ستي ستارز وفضلو يلفو كتير  ورانيا اختارت حجات كتير اوي بس اسر مكنش مديها وش وبيكلمها ببرود ووقفت رانيا قدام محل وقالت لاسر: 

-الله بص يا اسر الفستان ده يجنن ولقيته مردش عليها فبصتله وقالتله 

- مالك مكشر ليه بقي كدة؟؟ 

اسر بصلها بضيق وقالها بعصبية: 

-اولا لانك مش بتسمعي الكلام قولتلك بلاش لبس ضيق ومتحطيش ميك اب وبرضه عملتي اللي في دماغك 

رانيا بصتله بزهق وقالتله  : 

-يووه يا اسر ماهو محترم اهو اعمل ايه تاني

اسر شاور علي لبسها وقالها بغضب: 

-ده محترم بنطلون ضيق مق*طع من كل حتة وعليه بادي ض*يق  ده يبقي محترم يا هانم

رانيا بصتله ببرود وقالتله: 

-ده اللي عندي وكل الهدوم كدة اعمل ايه بقي؟ 

اسر قالها بضيق وهو بيدور وشه بعيد عنها:

 -بعد الجواز كل ده علي فكرة هيتغير وهتلبسي اللي انا اقؤل عليه 

رانيا كانها مش سامعاه قالتله: 

-تمام تمام بص بس الفستان ده حلو اووي 

اسر وقف قدامها وقالها: 

- لا طبعا ده مفتوح من كل حتة ومش هتجبيه يا رانيا سمعتي 

رانيا نفخت بضيق وبعدين اترجته وقالتله: 

هووووف طيب عشان خاطري بليييز يا اسر 

اسر وهو بينهي الموضوع قالها: 

-وانا قولت لا شوفي غيره والا مفيش شوبنج 

رانيا بضيق وهي بتبص بعيد عنه: 

-طيب خلاص بقي هشوف غيره وخلاص 

بعد ما خلصت وجت عند الكاشير بتدور في الشنطة قالتله بخبث:

  اوووبس نسيت محفظتي ياربي عالموقف بجد مش عارفة اتصرف ازاي 

اسر قالها بسرعة: 

تمام انا عامل حسابي وطلع فلوس ودفع هو 

رانيا قالتله بدلع: 

ربنا يخليك ليا يا بيبي 

اسر قالها بضحك: 

اسر بقي بيبي اه لو امي سمعتك يلا يلا وضحكو سوا 

.........

في مكان تاني 

خبطت الام علي قوضة حور ودخلت لقت حور برضه كالعادة سرحانة وفي عالم تاني وحتي محستش بيها لما دخلت وخبطت عل كتفها فانتبهت حور وقالتلها: 

- هه معلش يا ماما مخدتش بالي قولتي حاجة ؟

امها  قالتلها بحزن: 

-بقالي شوية بكلمك وانتي يا قلب امك مش معايا خالص 

حور ردت عليها وهيا بتقؤم من مكانها: 

-معلش يا امي والله مكنتش سامعاكي ومحستش بيكي اما دخلتي 

امها طبطبت عليها وقالتلها: 

-في واحدة برة بتقؤل صحبتك عايزاكي 

حور باستغراب قالت: 

-صحبتي !! طيب يا ماما انا جاية اشوفها وفعلا خرجت وامها راحت تعمل لصحبتها عصير وحور دخلت الصالون و اول ما شافت منة مرات حسام طليقها  اتصدمت وقالتلها بعصبية:

- انتي ايه اللي جابك هنا؟ انا مش سبتهولك تشبعي بيه جاية لحد عندي ليه 

منة بصتلها وضحكت باستفزاز وقالت: 

-اهدي علي نفسك كدة ولمصلحتك تسمعي انا جاية اقؤلك ايه

حور قالت بهدوء وهيا بتقعد بتعب: 

-انا مليش مصلحة من قعادي معاكي عشان اللي بيني وبينك خلاص انا نهيته من حياتي 

منة ابتسمت بثقة وقالت: 

-حتي لو قولتلك اني انا اللي بعتلك الرسالة

 

ابتسمت حور بسخرية وقالتلها: 

-تفتكري انا ساذجة اوي كدة انتي اول واحدة جت في بالي عارفة ليه لأن محدش ليه مصلحة ان انا اعرف انه متجوز عليا غيرك، واتنهدت بتعب وبعدين كملت وقالتلها: 

- وعادي مش فارقة بالنسبالي واقؤلك الجديد عارفة انك عملتي كدة لانك عارفة اني مش هرضي بالوضع ده وهطلب الطلاق وهو يبقي ليكي لوحدك ها ايه رأيك لسة شايفاني ساذجة برضه ؟

سقفت منة باعجاب وقالتلها: 

-بصراحة برافوو متوقعتش كدة ابدا 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

وقفت حور وردت ببرود عكس اللي جواها: 

-يبقي مع السلامة بقي ولو سمحتي مش عايزة اشوفك تاني في حياتي لا انتي ولا هو 

منة قالتلها بخبث وهي بتاخد شنطتها: 

-ماشي بس في حاجة انتي لسة متعرفهاش

حور ردت باستغراب وسألتها: 

-ايه هو اللي انا معرفوش ده؟ 

ابتسمت منة بتشفي وقالتلها: 

 مفكرتيش ليه محملتيش من ساعت ما اتجوزتي ؟

حور اتصدمت وعنيها دمعت وسألتها بخوف: 

-انتي قصدك ايه ،ااكيد عشان ربنا بيحبني ومش عايزني ارتبط بيه اكتر من كدة 

ردت منة بغيظ من مبررها: 

- لا يا حلوة عشان هو كان بيحطلك حباية م*نع الحمل في العصير عارفة ليه عشان مش عايز يرتبط بيكي اكتر من كدة ولا عايز حاجة تفكره بيكي ومقلكيش عشان خاف لتروحي تقؤلي لابوه وتفض*حيه قدامه. 

حور قعدت علي الكرسي من الصدمة وعمالة تعيط ،وفجأة وقفت بعصبية وقالتلها: 

-اطلعي بررررة 

منة قالتلها بشماتة قبل ما تمشي: 

-انا بس جيت أاكدلك انه مش بيحبك ولا هيحبك عشان تبعدي عننا بقي للابد يلا بااي 

اول ما خرجت منة ، حور انهارت علي الارض وفضلت تبكي لحد ما الدنيا اسودت

وامها دخلت عليها بالعصير وفجأة وقعت من ايديها  الصنية لما شافت حور بنتها واقعة عالارض وجريت عليها بلهفة وهيا بتنده عليها......... 

...........

 ياسين بعد فترة وهو قاعد مع رهف وبتشرحلو شغلها قالها وهو بيرجع ضهره لورا: 

-تمام انا كدة فهمت بس باين عليكي شاطرة عشان كدة قدرتي تاخدي منصب مديرة الحسابات 

رهف ردت بعملية وجدية: 

-الحمد لله يا فندم اتمني اكون عند حسن ظن حضرتك.

ياسين وهو بيقفل الملف قالها: 

-تمام اتفضلي انتي شغلك خلص لحد هنا 

 خرجت رهف و كان متابعها اياد بعنيه وسرحان في جمالها شافه ياسين وضحك عليه وقاله: 

- يا بني اقفل بؤقك ده الدبان هيخش وشكلك وحش 

اياد سأله بتوهان وهو بيقعد قدامه: 

-هيا المزة دي بجد ولا خيال 

ياسين بحدة وغضب: 

-احترم نفسك يا زفت هما كلهم زي اللي انت تعرفهم 

رد عليه اياد بعشق: 

-بس انا قررت اتوب واتجوز القمر اللي كان هنا 

ياسين ضحك وقاله: 

- كاتك نيلة ثم دي مش زيك دي باين عليها محترمة فياريت تبعد عنها لو انت مش جد في كلامك ويلا بقي علي مكتبك عشان اشوف شغلي 

اياد وهو بيقؤم من مكانه: 

-خلاص يا عم ماتزوقش خرج اياد وهو عقله مشغول برهف 

...........

الاب خرج مع الدكتور بعد ما كشف علي حور وصله للباب وسأله:

- خير يا دكتور طمني علي بنتي الله يخليك

الدكتورقاله وهو بيديله الروچتة: 

-الحمد لله هيا كويسة دلوقتي انا اديتها حقنة مهدئة عشان كانت داخلة في انهيار عصبي ياريت تبعد عن الزعل والتوتر وجه اسر وادي للدكتور فلوس وقاله 

-متشكرين يا دكتور اتفضل وقفل وراه الباب ودخلو كلهم وقعدو في الصالة فسأل الاب مراته نبيلة: 

-ايه اللي حصل يا ام اسر 

ردت الام وهيا بتمسح دموعها: 

-معرفش يا حاج واحدة صحبتها جاتلها وسبتهم مع بعض ودخلت اعملهم حاجة يشربوها طلعت لقيتها منهارة في الارض وفجاة اغمي عليها 

اسر قام بغضب وقال: 

-والله لو طلع طليقها ليه يد في الموضوع لاروح اربيه واشوف حسابي معاه واصفيه

 

ابوه حاول يهديه وقاله برجاء: 

لا يابني خلاص هو دلوقتي في حاله واحنا في حالنا ملوش لزوم المشاكل عشان اختك متتعبش اكتر 

 حور فاقت بليل وافتكرت كلام منه واتوجعت اووي  وفضلت تعيط وقررت انها مش هتسمح تاني لحد انه يستغلها وانها لازم تقف علي رجلها ومش هتأمن لأي راجل تاني لان كلهم خاينين من وجهة نظرها وقررت تشتغل وتشوف حياتها وترمي اللي حصل كله ورا ضهرها. 

تاني يوم خرجت حور من القوضة وقعدت جنب مامتها وامها مستغربة انها خرجت وبتتكلم عادي وكويسة واتفاجأت بحور بتقؤلها: 

- صباح الفل يا ماما يا روح قلبي 

الام ردت باستغراب من حالة بنتها: 

-صباح الخير يا نور عيني عاملة ايه انهاردة 

حور ردت عليها وهيا بتمسك كوباية الشاي: 

الحمد لله احسن متقلقيش عليا انا كويسة يا امي 

امها بفرحة طبطبت عليها وقالتلها: 

-ربنا يباركلي فيكي يارب ويريح بالك يا بنتي 

وفي نفس الوقت كانت رهف خارجة من اوضتها وفرحت اول ما شافت حور قاعدة مع امهم وقربت عليهم وقالت وهيا بتحضن حور: 

-صباح الخير يا احلي حور في الكون    

ردت حور وهيا بتبتسم لاختها: 

-صباح الفل عليكي يا روحي كنت عايزاكي في موضوع 

رهف ردت وهي بتاكل سندوتش: 

-قولي يا قلبي انا لسة قدامي شوية علي معاد الشغل 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

حور قالتلها بتوتر: 

-انا عايزة اشتغل ياريت تسأليلي عندك في الشركة اللي شغالة فيها علي شغل 

رهف ونبيلة امها بصو لبعض بفرحة وبعدين ردت رهف وقالتلها: 

- طبعا والله ده احسن قرار خدتيه ايوة كدة هيا دي حور اللي انا عارفاها 

امهم قالت وهيا بتدعيلهم: 

-ربنا يسعدكو يا ولادي يارب ويسترها عليكو 

ردت حور ورهف في وقت واحد: 

-ويخليكي لينا يا ست الكل يارب 

رهف بصت في ساعتها وقالت بلهفة: 

-انا هنزل بقي عشان متأخرش وان شاء الله يا حور انهاردة هلاقيلك شغل ده انتي معاكي بكالريوس تجارة قد الدنيا 

حور قالتلها بحب: 

-متشكرة اوي يا حبيبتي متحرمش منك يارب 

وجرس الباب ضر*ب واسر خرج من القوضة وقالهم هفتح انا وفتح الباب ولقي بنت اية في الجمال وهو تنح وقالها:

- انتي مين يا شاطرة 

ردت رؤي بخجل وقالتله........

البارت الثالث

ردت رؤي بخجل وقالتله: 

- هيا خالتو سعاد موجودة لو سمحت؟

 

ردت زينب بفرحة وهيا بتقؤل: 

- معقؤلة رؤى بنت اختي تعالي يا حبييتي 

 راحت رؤي دخلت جري واترمت في حضنها وقالتلها: 

خالتوووو وحشتيني اووي اوي 

نبيلة ردت  وهي بطبطب عليها: 

-وانتي كمان يا روح خالتك كل دي غيبة ماشي ليا حساب مع امك دي 

قاطعهم اسر وهو بيقؤل باستغراب: 

-ما تفهمونا حاجة عشان انا مش فاهم 

امه قالتله بعتاب وهيا بتاخد رؤي في حضنها: 

-معقؤلة نسيت رؤى يا اسر بنت خالتك اللي كانت بتلعب مع رهف وهما صغيرين،  ليك حق ما كانو صغيرين اووي 

اسر وهو بيفتكر ويمسح علي شعره: 

-يااه معقؤلة دي انتي اخر مرة شوفتك كنتي عيلة اووي بس كبرتي 

رؤى بصتله بكسوف وقالتله بهزار: 

-ايوة وانت طولت خالص يا ابيه اسر ههههه 

اسر بتوتر من ضحكتها اتكلم بهدوء: 

-احم اه عندك حق فعلا 

قربت رهف من رؤي وقالتها بهزار: 

-اخس عليكي طيب وانا ايه بقي يا ست رؤى ماما بس اللي ليها احضان 

رؤى بتحضن رهف وبتقؤلها: 

-وانا اقدر يا رورو وخدتها بالحضن وكمان وحضنت حور كمان  وكانو فرحانين هما التلاتة انهم اتجمعو تاني سوا وشوية وبعدت رؤي وقالت لخالتها نبيلة: 

-خالتوانا جاية لوحدي ماما في البلد وبابا بعتني مع عمي  وبصراحة انا هقعد معاكو فترة كدة لحد ما اخلص ورق الانتساب بتاع جامعتي واحول علي هناك

 

نبيلة ردت بفرحة وهي بتاخدها في حضنها: 

-ده يوم المني يا حبيبة قلبي يااه اخيرا هشبع منك وتقعدي معايا 

واسر كان بيكلم نفسه وبيقؤل في عقله:

- ما شاء الله كبرت اووي وكمان جميلة زي ما هيا لسة 

قامت رهف وقالت باستعجال: 

-همشي انا عشان اتاخرت عالشغل هخلص واجي بقي نسهر احنا التلاتة ونعوض القديم ايه رأيكو يا بنات؟ 

ردت حور ورؤي في وقت واحد: 

-اتفقنا طبعا وضحكو هما التلاتة بحب 

اسر نزل علي شغله وحور بصت لرؤي وقالتلها: 

-ايه رأيك تيجي نقعد نرغي شوية في اوضتي 

ردت رؤي بابتسامة: 

-طبعا موافقة يلا بينا ودخلو هما الاتنين القوضة...... 

......... 

دخلت رهف مكتبها واتفاجئت باياد في وشها قاعد مستنيها

رهف اتخضت وحطت ايدها علي قلبها وقالت: 

-بسم الله الرحمن الرحيم 

اياد باستغراب قالها: 

-ايه شوفتي عفريت ولا ايه 

رهف قالتله وهي بتروح عند مكتبها: 

-اسفة بس اتخضيت ، هو في حاجة حضرتك عايز حاجة.. 

اياد عاكسها وقالها: 

-قولت اجي اصبح عالقمر 

رهف تجاهلت كلامه وعملت نفسها مسمعتوش وقالتله: 

-احم افندم حضرتك قولت ايه ؟

اياد قالها بجدية مصطنعة: 

- قصدي يعني اشوف الشغل ايه اخباره ايه  

ردت عليه رهف بجدية: 

-لا حضرتك كله تمام هخلص انهاردة ورق الصفقة وابعته لحضرتك 

اياد قالها وهو متنح و مش في وعيه: 

- هو جمالك ده طبيعي بجد؟ 

رهف اتوترت ووشها احمر من الخجل وحاولت تكون جادة: 

- هو حضرتك بتقؤل ايه مش فاهمة؟ 

اياد حس بنفسه واتكلم بتوتر: 

-احم انا هستني تبعتيلي الورق وياريت تجبيه بنفسك عشان ده ورق مهم 

رهف استغربت اصراره وقالتله: 

-حاضر يا فندم واول ما لف عشان يمشي ندهت عليه: 

 لو سمحت يا استاذ اياد ممكن طلب

اياد لف وبصلها بتوهان وقالها: 

- هو انا اسمي احلو كدة ليه قوليه تاني كدة وحيات ابوكي 

رهف ردت بتكشيرة: 

-افندم !

اياد حاول يتمالك نفسه قدامها وقالها: 

-لا مفيش هو انتي كنتي عايزة ايه ؟

حاولت تستجمع شجاعتها وقالتله: 

-بصراحة انا اختي معاها بكالريوس تجارة وكنت بتمني لو الاقي شغل ليها هنا معانا في الشركة

اياد بصلها بفرحة عشان طلبت منه هو كدة وقالها: 

- اه طبعا خليها تيجي تعمل مقابلة بكرة ان شاء الله وانا هقابلها بنفسي 

رهف مش مصدقة نفسها وقالتله : 

-بجد متشكرة اووي لحضرتك انا بجد مش عارفة اقؤلك ايه 

اياد سرح في ابتسامتها اووي وحبها هو عارف انه خلاص حبها انتبه علي صوتها: 

 مستر اياد في حاجة ؟

اياد بابتسامة  قالها: 

- لا مفيش لازم امشي احسن  

رهف استغربت وقالتله تمام يا فندم ولما مشي ضحكت وقالت بصوت واطي:

-ايه حكايتك يا اياد شكلي كدة هتهف واحبك وبعدين قعدت تكمل شغل..... 

..........

بعد الشغل روحت رهف البيت ودخلت جري  قوضة حور لقتها قاعدة مع رؤى بيرغو 

رهف فضلت تنده:

-حور يا حور يا حور وضحكت بفرحة وهي ماسكة ايد اختها وبتلف بيها القوضة  

حور استغرب وقالتلها بضحك: 

-ايه يا مجنونة في ايه مالك مبسوطة كدة ليه؟ 

رهف وقفت فجاة وقالتلها وهيا بسقف بايدها: 

- لقيتلك شغل وهتعملي بكرة مقابلة كمان 

حور ابتسمت بفرحة وقالتلها: 

-بجد انا مش مصدقة بالسرعة دي ربنا يخليكي ليا يا رهف يا اجمل اخت في الدنيا 

رهف بحب حضنتها وقالتلها: 

-حبيبة قلبي انتي تستاهلي كل خير يلا تنامي بدري بقي وتستعدي وان شاء الله هنمشي سوا يا جميل الصبح

 

رؤى قامت وحضنت حور بفرحة وقالتلها: 

-الف مبروك يا حور انتي تستاهلي كل خير بجد 

حور بادلتها الحضن وقالتلها: 

-الله يبارك فيكي يا رؤى تسلميلي يا قلبي 

.........

قدام الشركة كانت حور ماسكة ايد رهف اختها وبتقؤلها بتوتر: 

-انا خايفة اوي يا رهف بجد حاسة اني اول مرة اقابل ناس في حياتي 

   

رهف شددت علي ايد حور وقالتلها: 

-متخفيش يا حور انا جنبك وخليكي قوية كدة انتي اقوي من كل اللي مريتي بيه عايزاكي تفكري ان دي حياتك الجديدة وبايدك ترسميها وتخليها سعيدة فاهمة؟ 

حور هزت دماغها بأه وقالتلها:

-انتي عندك حق يا رهف انا مش هبان ضعيفة تاني ابدا  ومسكت ايدها ودخلو الشركة سوا ووقفو عند الاسانسير 

بس الامن نده علي رهف وبيشاورو ليها عشان تيجي نفخت بضيق وبصت لحور وقالتلها: 

-ثواني يا حور هشوف في ايه وجاية متخفيش مش هتأخر عليكي 

عشق_اقتحم_كياني
بقلمي_اسراء_ابراهيم
البارت الاول  حتي البارت الحادي عشر والاخير 

حور هزت دماغها وقالتلها: 

-ماشي يا رهف بس متتأخريش عليا وسابتها رهف ومشيت والاسانسير فتح وجه ياسين   من ورا حور ودخل بصلها وقالها بزوق هتطلعي يا انسة؟؟ 

حور بصتله بتوتر وبصت علي  رهف اللي اختفت من قدامها ومش عارفة تعمل ايه

 وانتبهت علي صوت ياسين وهو بيقؤلها: 

-ايه انتي طرشة مش بكلمك انا 

حور بصتله بغضب وكشرت وقالتله:

- انت قليل الذوق ولو طالعة مش هطلع معاك وسابته ومشيت 

ياسين  تنح وقبض علي ايده بغضب وطلع بالاسانسير 

وحور وقفت علي جمب وبقت تدور بعينها علي رهف وبتكلم نفسها: 

اوووووف يا رهف انتي روحتي فين 

وشوية و جت رهف من وراها وهبا بتعتذر منها: 

-اسفة يا حور والله كان في مشكلة مع الامن بس تمام خلصتها 

حور بتوتر قربت منها وقالتلها: 

-طيب يلا بقي احسن كان في انسان رخم شوفته هنا وبصراحة بداية غير مبشرة وحكت ليها اللي حصل 

رهف ضحكت وقالتلها باستغراب: 

-يا بنتي ماهو قالك هتطلعي ولا لا يعني عنده زوق اهو وبعدين انتي اللي كنتي سرحانة يعني بصراحة هو مش غلطان 

حور بصتلهاوبغضب وقالتلها:

- طب يلا يا رهف بدل ما اغير رأي وامشي من هنا 

..........

اياد خبط علي مكتب ياسين ودخل:

- صباح الخير يا باشا مصر

ياسين  كان باين علي وشه الغضب وقاله:

- بقؤلك ايه انا مش طايق نفسي فلخص هه

اياد باستغراب قعد. امه وسأله: 

- ليه كدة مالك شكلك مضايق ايه اللي حصل؟ 

ياسين رد بغيظ: 

-ايوة مضايق ومش طايق روحي  وحكاله اللي حصل كله  

اياد حط. ايده علي راسه من الصدمة وقاله: 

-نهارها اسود هيا متعرفش انت مين ولا ايه 

ياسين رد بغضب داخلي: 

-شكلها كدة المهم خلاص احسن اما بفتكر بتعصب 

اياد اداله الملفات وقاله: 

-تمام همشي انا عشان عندي مقابلة عمل 

ياسين بصله  بغضب وقاله بعصبية: 

-نعم ومن امتي حضرتك اللي بتقابل الموظفين وبتعينهم 

اياد بتوتر رد: 

-انا اسف بس بصراحة رهف اللي طلبت مني شغل لأختها وانا ما صدقت انها تطلب مني طلب وقولت يعني 

فرصة نقرب من بعض 

ياسين بصله بغموض وقاله: 

-دي البنت بتاعة الحسابات صح كدة

اياد بتوتر وهو بيمسح علي شعره: 

-احم ايوة بصراحة هيا يا بوص

ياسين بصله بببرود وقاله: 

-طيب روح يا اياد روح 

اياد خد.نفسه وقاله :

-هيييح طيب الحمد لله هروح انا بقي المقابلة 

كمل ياسين كلامه وهو بيبصله بغيظ وقاله: 

-روح وابعتلي البنت المقابلة معايا انا ومتتكررش تااني 

اياد بلع ريقه بخوف وقاله بتوتر: 

-حاضر حاضر ربنا يستر بس ياريت يعني متعقدهاش عشان واضح انها محتاجة الشغل ده 

ياسين بصله ببرود وبعدين اتكلم:

-حاجة تاني؟..... اتفضل علي مكتبك 

اياد بسرعة وهو بيخرج:

-حاضر حاضر  ربنا يستر 

...........

في مكتب اياد دخل لقي رهف قاعدة مع حور اختها واول ما شافوه وقفو بسرعة واتكلمت رهف: 

-مستر اياد اختي اهي اللي كلمت حضرتك عليها 

اياد ابتسم اول ما شافها وقالها: 

-طيب قولي صباح الخير الاول

عليا  ردت باحراج: 

-متأسفة جدا، صباح الخير يا فندم

اياد. بص لحور وقالها: 

-اهلا بيكي يا ... فردت حور وقالتله

-حور اسمي حور يا فندم 

اياد بترحيب: 

-اهلا بيكي نورتي شركة العامري  

حور بعمليةردت عليه : 

-متشكرة اووي يافندم 

اتكلم اياد بجدية وقالها: 

-المقابلة مع رئيس مجلس ادارة الشركة مستر ياسين يلا عشان منتأخرش 

حور قالت في سرها: 

-ربنا يستر ويعدي المقابلة دي علي خير... 

............. 

السكرتيرة خبطت ودخلت لمكتب ياسين وقالتله: 

-مستر ياسين استاذ اياد بيقؤل لحضرتك ان البنت اللي جاية تعمل مقابلة برة معاه

ياسين ساب الورق وقالها: 

-تمام خليها تدخل لوحدها 

وبعد شوية الباب خبط ودخلت حور وهيا خايفة ومتوترة جداااا ومشيت ناحيت ياسين واول ما شافت اتصدمت ووقفت مكانها واتكلمت في سرها وقالت: 

-انا  كدة مرفودة من قبل ما اشتغل يا لهووي عليا 

ياسين بصلها شوية ومعملش اي ريأكشن وقالها: 

- هتفضلي واقفة عندك!!  

حور مشيت ناحيته وقعدت عالكرسي اللي قدامه وبصتله بدموع وقالتله ببراءة: 

- انا اسفة اووي مكنتش اعرف ان حضرتك صاحب الشركة بجد والله  

ياسين استغرب وفضل باصصلها شوية بهدوء وبعدين اتجاهل اسفها وقالها: 

- اشتغلتي قبل كدة ؟

حور بحزن انه تجاهل اسفها:

- بصراحة لا بس والله بتعلم بسرعة يعني حضرتك جربني وهتشوف بنفسك 

ياسين اتكلم وهو بيلف بالكرسي يمين وشمال وباصص في عينها: 

-تمام هنشوف حاليا انتي هتشتغلي سكرتيرتي الخاصة 

يعني بدل اللي قاعدة برة دي لأن كدة كدة كانت هتمشي عشان هتتجوز وهنشوف بقي هتتعلمي بسرعة ولا لا

حور فرحت اوي وابتسمت بامتنان وقالتله: 

-متشكرة جدا ومتقلقش انا بتعلم بسرعة جدا وهتشوف حضرتك والله 

ياسن قام وقف ومشي ووقف قصادها وهيا قامت وقفت علطول هيا كمان ولقيته بيقؤلها: 

-انا مبحبش التقصير في الشغل واي تقصير بيبقي عقابه قووي عندي فاهمة 

حور اتوترت وخافت من كلامه بس حاولت متبينش وقالتله: 

-طبعا يا فندم ان شاء الله مش هيبقي في تقصير 

كل ده وياسين باصصلها وبيدقق في ملامحها اللي جذبته من اول ما شافها  

وحور لاحظت نظراته واتوترت وبصت في الارض  .

ياسين حس بنفسه ورجع مكتبه وقالها وهو بيقعد.عالكرسي:

-احم تقدري تستلمي شغلك من بكرة بس انهاردة تقعدي اليوم كله مع السكرتيرة تفهمي منها كل الشغل والمواعيد وكل حاجة عشان من بكرة تبدأي شغل رسمي 

تقدري تتفضلي .

خرجت حور واول ما خرجت اتشاهدت وقالت لنفسها:

- ايه ده ده انا عصابي باظت هشتغل معاه ازاي ده 

رهف اول ما شافت  حور خارجة من مكتب ياسين قامت وقفت وقالتلها:

-ها يا بنتي طمنيني ايه الاخبار 

ردت حور بفرحة: 

- الحمد لله هشتغل سكرتيرته الخاصة 

ردت رهف وهيا بتمسك ايديها: 

-بجد طيب كويس جدااا الحمد لله 

اياد قالها بعملية وحاول يحذرها: 

-خلي بالك عشان دي مش شغلانة سهلة خالص وياسين صعب لو حد قصر معاه مش بيرحمه 

بلعت حور ريقها بخوق وقالتله بتردد: 

-ربنا يستر بقي 

اياد بص لرهف اللي كانت سرحانة في كلامه ليها من شوية 

فلاش باااك 

لما حور  كانت بتعمل المقابلة اياد. قرب منها وقالها وهو بيقعد قدامها: 

-متقلقيش مستر ياسين كويس وانا وصيته عليها 

رهف ردت بلهفة من خوفها علي حور: 

-بجد انا مش عارفة اشكرك ازاي هيا فعلا كانت محتاجة الشغل ده جدا 

اياد بصلها بحب وقالها: 

-هقؤلك تشكريني ازاي 

رهف اتوترت وبصت بعيد  عنه وقالتله؛: 

-مش فاهمة حضرتك تقصد ايه 

اياد قالها وهو بيقرب منها اكتر عشان السكرتيرة متسمعش: 

-تقبلي اعزمك و نقعد في كافيه نتكلم شوية  

رهف بصتله بجمود وقالتله: 

 وانا متأسفة مش هقدر اقبل عزومتك 

اياد قالها باصرار واضح في طريقة كلامه: 

-ليه بس انا والله عايز اتكلم معاكي في موضوع مهم 

رهف قالتله بسخرية لانها عارفة انه بيتسلي بيها مش اكتر: 

-عشان انا مش زي اللي بسمع عنهم انهم مقضينها مع حضرتك عرفت ليه ؟

اياد اتوتر واتحرج من كلامها عنه بس حاول يبينلها صدق مشاعره: 

-طيب مش جايز كنت مستني البنت اللي تغيرني وتستاهل ان اتغير عشانها 

رهف ردها كان قوي وقالتله بثقة: 

-وليه متصونش قلبك للانسانة اللي تستاهله بصراحة عذر اقبح من ذنب 

اياد بصلها بأعجاب ذايد وابتسم وقالها: 

-بكرة الايام تثبتلك اني فعلا هتغير 

بصت في عينيه بجمود وقالتله وهي بتعدل حجابها: 

-ولحد الايام ما تثبتلي ارجوك مش عايزة اي تجاوز اللي بينا شغل وبس، (بس من جواها فرحانه انه بيبادلها نفس الشعور بالاعجاب)

عودة من الفلاش باك 

فاقت رهف علي خبط حور علي ايدها وهيا بتقؤلها: 

-ايه يا بنتي بقالي ساعة بكلمك روحتي فين

اتنهدت رهف وقالتلها: 

-لا ابدا مفيش يلا هسيبك بقي تتعرفي عالشغل وفي الوقت ده كان ياسين كلم السكرتيرة قالها تفهم حور كل حاجة عشان تستلم منها الشغل من بدري وفعلا حور قعدت مع السكرتيرة وكانت مركزة جدا و فهمت كل حاااجة وكانت بتستوعب بسرعة 

...........

في اول يوم شغل لحور ياسين كان  قاعد في مكتبه وبيراجع اوراق مهمة ومسك الفون ورفع السماعة علي ودنه واتكلم:

 

-حور تعالي بسرعة

قفلت حور الملف وقامت وهي متوترة وخبطت ودخلت مكتب ياسين وراحت وقفت قدامه وقالتله:

-اؤمر يافندم  

ياسين بعملية بحتة قالها: 

-في عميل انهاردة مميز والصفقة دي مهمة جدا اول ما يجي  عمر المهدي بلغيني 

حور بطاعة ردت عليه عليه: 

-تمام يا فندم وقبل ما تلف وتمشي ياسين قالها.............

 البارت الرابع

تمام يا فندم وقبل ما تلف وتمشي ياسين قالها

-اه وحضريلي ورق صفقة المهدي بسرعة وهاتيه 

حور بتوتر قالته: 

-تمام يا فندم ومشيت بسرعة 

وحور كانت قاعدة علي مكتبها بتحضر ورق شركة المهدي اللي قالها عليه ياسين اتفاجأت بحد واقف قدامها رفعت وشها لقيت واحد بيسالها:

- مستر ياسين  موجود 

حور عرفت انه عمر المهدي صاحب شركة المهدي جروب قالتله باحترام: 

-اه يا فندم اتفضل ثواني هبلغه ان حضرتك وصلت 

عمر بصلها وسرح في جمالها وبصلها بنظرات وحشة وده لانه معروف عنه انه زي*ر نساء وعينه زايغة فاتكلم وهو بيغمزلها:

- الا القمر اسمه ايه ؟

حور اضايقت من نظراته القذرة وسؤاله اللي باين غرضه منه: 

-افندم.!! قولت لحضرتك ثواني ابلغه 

عمر المرادي تطاول عليها  ومد ايده وبيحطها علي وس*طها راحت مدياله بالقل*م فجأة اتصدمت من رد فعلها وحطت ايدها هلي وشها من الصدمة وعشان هو واخد علي كدة ان اي ست تبقي سهلة عشان فلوسه فاتصدم من رد فعلها  واتغاظ انها مدت ايدها عليه فبصلها بغضب وزعقلها 

ياسين كان قاعد في مكتبه وسمع صوت  زعيق برة قام بسرعة وخرج يشوف في ايه واول ما خرج لقي حور بتقؤل لعمر المهدي: 

-انت انسان سافل ومش محترم وتستاهل ميت قلم مش قلم واحد كمام 

عمر قالها بغضب وزعيق جامد: 

-انتي قد القلم ده انا هوريكي:

ياسين صرخ بغضب وهو بيبص لحور وقالها:  

- هو في ايه بالظبط وايه اللي حصل هنا 

عمر اتكلم بمكر وصوت عالي: 

- اللي حصل انك جايب ناس تهزقنا يا ياسين بيه وشاور علي حور وكمل كلامه وقال: الز*فتة دي مدت ايدها عليا 

حور بصت لياسبن وهيا بتعيط وقالته: -

- والله يا ياسين بيه هو اللي مد ايده وحطها عليا وكان بيعاكسني وكنت بدافع عن نفسي وبتعيط بشحتفة 

ياسين بصلها بصدمة وبعدين بص لعمر وفجاة رفع ايده وادي عمر الق*لم التاني علي وشه وقاله بغضب جحيمي: 

-ده جزاء اللي يمد ايده علي حاجة تخص ياسين العامري...

حور اتصدمت من رد فعل ياسين لانها توقعت انه ميصدقهاش او عالاقل يصلح الامور عشان الشغل اللي بينه وبين عمر .

وعمر حط ايده علي وشه مكان القلم واتكلم بصدمة وغضب: 

-انت اتجننت انت عارف انا اقدر اعمل فيك ايه 

ياسين حط. ايده في جيبه وهو بيتكلم: 

- اعلي ما في خيلك اركبه واه اعتبر الصفقة اللي بينا اتلغت لاني ميشرفنيش اشتغل مع واحد زيك حقير

عمر بص لحور بغضب وبعدين بص لياسين وقاله: 

-ماشي يا ياسين انا هوريك وسابهم ومشي 

حور بصت لياسين بامتنان وقالتله: 

- انا بجد متشكرة اووي والله انا حكيت الصدق وتقدر حضرتك تراجع الكاميرات 

ياسين بصلها بغضب واتكلم بعصبية وقالها: 

- اول يوم شغل وماشاء الله مصايبك سابقاكي وسابها ودخل 

حور كشرت وقعدت علي المكتب بغيظ وهي بتبرطم: 

- ماله ده ؟ ثم انا مالي مش الناس اللي شغالين معاه هما اللي مش محترمين وبعدين افتكرت وهو بيضر*ب عمر بالقلم وكانت  سعيدة انه صدقها وانه دافع عنها وقعدت تفكر فيه وفي وسامته وبعدين انتبهت لنفسها  وقالت لا يا حور مش هنعيده تاني خلاص اقفلي قلبك ده للابد وشافت شغلها 

ياسين دخل مكتبه وهو مضايق وحاسس انه كان المفروض يكس*ر عضم اللي اسمه عمر ده  عشان مد ايده عليها بس استغرب نفسه ليه مستحملش عليها حاجة كدة وحس بينه وبين نفسه انه معجب بيها واتشدلها بس امتي وازاي ميعرفش .

اليوم خلص حور عدت علي رهف عشان يمشو سوا واول ما دخلت مكتبها لقيتها مشغولة جدا فقالتلها: 

-رهف مش هتمشي معايا انا خلصت شغل؟ 

رهف قامت وقفت وقالتلها وهي بتشرب من النسكافيه بتعب: 

-لا يا قلبي انا هتأخر شوية روحي انتي عشان لسة ورايا شغل .

حور طبطبت عليها وقالتلها بحب: 

-تمام يا قلبي خلاص هروح.انا يلا بااي 

.........

في البيت كانت رؤي خارجة من اوضتها ولابسة دريس رقيق مع طرحة وهي اصلا ملامحها صغيرة وجميلة بعنيها اللي باللون الفيروزي كانت قمر وقابلها اسر وهو داخل من باب الشقة وسألها  : 

-رايحة فين كدة ؟ وفضل يبص لملامحها اللي شدته اوي 

رؤي ابتسمت وهيا بتبصله وقالتله: 

-رايحة الجامعة عشان اخد جدولي حضرتك عايز مني حاجة ؟

اسر ابتسم وقالها بهزار: 

-علي فكرة انا مش كبير اووي كدة فبلاش حضرتك 

رؤي بصتله بخجل وقالتله وهي  بتبص في الارض: 

-احم حاضر ياابي.. اسر بصلها ورفع حاجبه راحت قالت بسرعة: قصدي يا اسر 

واتكسفت ووشها احمر وهو استغرب رقتها اوي وفونه رن وهيا قالتله انا همشي بعد اذنك 

اسر قالها بسرعة:

- لا استني هوصلك ولقي نفسه بيقؤلها بغيرة: 

-بس ممكن تمسحي الميكب اللي انتي حاطاه ده؟ 

رؤي بصتله ببراءة وقالتله:

-  بس انا مش حاطة ميكب حتي شوف وقعدت تمسح وشها وشفايفها بالمنديل 

اسر استغرب وقالها:

- يعني شفايفك دي طبيعي كدة

رؤي اتسكفت جدا وسابته وجريت وقالتله

 وهيا بتجري:

- هسبقك علي تحت يا ابيه 

اسر مستغرب نفسه اووي وليه قلبه بيدق جامد كدة وابتسم ونزل وراها بسرعة 

............

خرجت حور من الشركة في نفس الوقت اللي خارج فيه ياسين وراح ناحية عربيته بس لمح حور وهي ماشية وفي شاب بيعاكسها وبيقؤلها: 

-اي ده طب والله قمر بجد ما تجيبي رقمك 

و نتعرف

حور مرضتش عليه بس كانت خايفة  وهيا ماشية لقيته بيحاول يمسك ايديها  لسة بتلف عشان تضر*به لقت اللي بيديله بو*كس وقعه في الارض من قوته اتصدمت ورفعت وشها لقيته ياسين قلبها دق جامد وفضلت منحة وبصاله زي الهبلة ولقيته قوم الشاب ومسكه وعمال يضر*ب فيه خافت اووي ومسكت ايد ياسين وهيا بتترجاه: 

-خلاص يا ياسين خلاص هيموت في ايدك بالله عليك سيبه واول ما سابه الواد جري وفجأة ياسين بصلها بغضب وقالها: 

-انتي واقفة هنا ليه اصلا عاجبك اللي عمال يعاكسك ده

حور بصتله بغضب طفولي وقالتله بعياط: -

- قصدك ايه يعني ثم اانا كنت ماشية في حالي وهو اللي عاكسني والله

ياسين بص لفوق وغمض عينه بغضب وحاول يتحكم في نفسه ورجع بصلها وقالها: 

-خلاص متعطيش انا مش عارف الاقيها منين ولا منين واحد الصبح وواحد بليل ده ايه ده  . 

حور بصتله شوية كدة وبعدين بدل ما كانت بتعيط فضلت تضحك جامد علي كلامه 

 

ياسين سرح في ضحكتها اللي خطفت قلبه وفضل يبصلها وهيا خدت بالها واتكسفت ووشها احمر من نظراته وبصت في الارض بس سمعت صوت من وراها عارفاه كويس فكشرت وقلبها اتقبض،  الصوت ده كان حسام طلقيها ومعاه مراته منة واتفاجأت بحسام وهو بيقؤلها: 

- حور  ازيك متوقعتش اشوفك هنا خالص 

حور حست انها هتعيط بس مسكت نفسها وقالت مستحيل تنولهاله وتخليه يشوفها مكسو*رة بالذات ان كان معاه مراته وبكل شجاعة قالتله: 

-وليه بقي متوقعتش مفكرني هفضل زعلانة بقي 

منة بصتلها بغيظ وقالت؛ 

-بغيظ لا بس كويس الصدمة مأثرتش عليكي اهو 

حور حبت تغيظها اكتر ولقت نفسها بتحط ايدها في ايد ياسين  اللي اتصدم من رد فعلها وبتقؤلهم لا وكمان اتجوزت بس ايه راجل بجد مش تباركولي 

حسام ومنة بصو لبعض بصدمة وقالولها في وقت واحد:

-  مبرووك 

ياسين استغل الفرصة وراح ايده علي وس*طها وقربها لحضنه وقالهم ببحة رجولية خلت قلب حور يدق جامد من الفرحة

-الله يبارك فيكم بجد حور دي احلي حاجة حصلتلي في حياتي 

حور طبعا كانت في عالم تاني حست ان قلبها هيخرج من مكانه من كتر ما بيدق بعن*ف واتكسفت بس مقدرتش تشيل ايده عشان متتكشفش بس جواها فرحانه اوووي 

ياسين قالهم بغرور: 

-اعرفكم بنفسي انا ياسين العامري صاحب شركات العامري جروب 

منة بصدمة ردت عليه

- طبعا غني عن التعريف وفي نفسها لا وقعتي واقفة يا حور 

حسام اتكلم بغضب مكتوم: 

طب اتشرفت بمعرفتك نستأذن احنا باي 

حور كانت فرحانة انها غاظتهم وانهم معرفوش يشمتو فيها واول ما مشيو بصت لياسين وقالتله بغضب: 

-انت ازاي تحضني كدة هه فهمني ؟

ياسين بصلها وضحك جامد لحد ما غمازاته بانت وحور تنحت شوية وسرحت في ضحكته وغمازاته اللي حليته اكتر وانتبهت علي صوته

-عارف اني حلو بس مش اووي كدة وغمزلها بعينه 

حور اتكسفت وحاولت تغير الموضوع وقالته: 

- احم لو سمحت متغيرش الموضوع ازاي تتجرا وتشدني عليك وتحضني كدة 

ياسين بصلها بخبث وقالها: 

-وبالنسبة لأنك قولتي اني جوزك عادي 

حور اتحرجت وقالتله:

- احم متأسفة بس انا اضطريت اعمل كدة عشان حاجة تخصني يعني بعتذر ليك .

ياسين حط ايده علي شعره وفكر شوية وقالها:

- ماشي بس اعتقد بما اني دخلت في الموضوع فمن حقي اعرف ايه هو ولا ايه 

حور ردت باندفاع وعياط من غير ما تحس قالتله: 

-لا مش من حقك وانت انت اكيد برضه زيه انا مش ممكن اامن لراجل تاني كفاية لما حبيت اتجر*حت او يمكن كنت واهمة نفسي اني بحب بس مش هضعف و اكرره تاني 

ياسين استغرب كلامها وطريقتها بس حس انه في حاجة وكبيرة كمان فقالها وهو بيقرب منها: 

-انا اسف خلاص متعطيش و مش عايز اعرف تعالي يلا اوصلك

حور بزعل قالتله وهي بتمسح دموعها: 

-لا انا هروح زي ما جيت متشكرة

ياسين بصلها بغضب واتكلم بعصبية:

- مش بعيد كلامي مرتين انتي عايزة حد يعاكسك تاني ولا ايه 

حور خافت من عصبيته فاتكلمت بسرعة: 

-لا خلاص خلاص هركب 

ياسين ضحك علي طريقتها كأنها طفلة وفي باله بيكلم نفسه وبيقؤلها: 

-يا تري ايه حكايتك يا حور  

...........

رهف خلصت شغل ولسة هتقؤم جه زميلها في الشغل ودخل مكتبها وهو بيقؤلها: 

-رهف ازيك 

رهف استغربت وقالتله: 

-الحمد لله خير في حاجة ؟

زميلها قالها باحراج: 

-كنت عايز رقم والدك 

رهف قلقت وقالت في نفسها انه في حاجة بخصوص الشغل فسألته:

-ليه هو حاجة حصلت؟؟ 

زميلها بصلها بأعجاب وقالها: 

-بصراحة انا معجب بيكي من فترة وكنت عايز اتقدملك  

ورهف كانت لسة هترد بس اتصدمت من رد فعل اياد اللي واقف علي باب مكتبها وبيقؤل لزميلها: 

- نعععععم عايز ايه يا اخويا 

رهف بتوتر لما لقت اياد في وشها قالتله: 

-في ايه يا مستر اياد 

اياد بصلها بغضب وغيرة وقالها: 

-خليكي انتي بس علي جنب دورك جاي 

رهف خافت من رد فعله بس من جواها فرحانه وبتقؤل لنفسها: 

- الله ده طلع بيغير بس احسن تستاهل 

اياد بص لزميل رهف وقاله بغضب وهو ماسكه من لياقة قميصه: 

-اسمع يالا الهانم مخطوبة انت سامع؟ 

زميلها بصله بغيظ وقاله بعند: 

-بس انا مشوفتش دبلة في ايدها وهيا مقالتليش 

اياد بغضب اكبر من عند الشاب ده:

-لا وهيا تقؤلك بمناسبة ايه ثم يا عم لسة مجبناش الشبكة يلا بقي هوينا وياريت متقربش من القوضة دي تاني 

زميل رهف هز راسه بخوف وتوتر وسابهم ومشي بسرعة ورهف بصت لاياد بغضب وقالتله:  

- انت ازاي تقؤله اني مخطوبالك انت اتجننت 

اياد بصلها بعشق وقرب منها وقالها: 

-ايوة مجنون بيكي ثم انا فعلا هخطبك وهتبقي مراتي كمان 

رهف بصتله بسخرية وقالتله وهيا بتربع ايديها: 

-ده ايه الثقة دي ومين قالك اني هوافق عليك 

اياد اتكلم بصدق وهو عينه في عينها: 

-قلبي قالي و بجد انا حاسس انك بتحبيني زي ما بحبك والله من ساعت ما شوفتك وانا اتغيرت ومش شايف حد غيرك وافقي وانا اوعدك عمري ما هعرف ولا هبص بس لواحدة غيرك يا رهف انتي جننتيني وخلتيني افكر في اللي جاي وانا معاكي وانا عمري ما فكرت في حياتي واللي جاي يا رهف 

رهف شافت الصدق في عيونه وحست انها بجد بتعشقة بس خايفة خايفة توافق يجرحها فقالتله بصوت رقيق:

-وايه اللي يضمنلي انك مترجعش تحن للايام دي تاني يا اياد؟ 

اياد رد بلهفة وقالها؛: 

-خدي الضمانات اللي تعجبك بصي انا مستعد اخدك معايا في كل مكان اروح فيه عشان تصدقي 

انا بعشقك وعمري ما هفكر اخونك او اتغير عليكي لاني ما صدقت لقيتك يارهف

رهف فكرت شوية وبعدين بصتله وقالتله: 

-اديني فرصة افكر وياريت متضغطش عليا 

اياد حس بامل وقالها بابتسامة: 

-حاضر اللي انتي شايفاه بس ياريت تفكري كويس وتديني فرصة يا رهف 

...........

حور كانت قاعدة في اوضتها بتفكر في ياسين حاسة انها واحدة تانية معقؤلة بالسرعة دي حبته بعد ما قالت لا مش هفتح قلبي تاني لحد بس عقلها بيقؤلها ان الحب اللي بجد بيدخل من غير استئذان ومش بنتحكم فيه انتبهت لنفسها وبعدين طلعت البلكونة وهيا لسة بتفكر، ايه ده يعني انا مكنتش بحب حسام ازاي ده بس حاسة اني واحدة تانية بشوف ياسين ببقي مش علي بعضي وبتوتر ولما كدبت وقولت انه جوزي وكلامه عني خلاني حسيت  بالسعادة واتمنيت لو يكون بجد شوية ودخلت قوضتها تاني وقفلت النور وفضلت تفكر لحد ما نامت.

....... بعد شهر 

حور دخلت لياسين المكتب وقالتله: 

- حضرتك طلبتني في حاجة؟ 

ياسين بصلها وقالها بجدية: 

-رهف في عشاء عمل انهاردة بليل مع رجل اعمال هيا حفلة في فيلته ياريت تبقي جاهزة علي سبعة بليل هبعتلك العربية وتكون معاكي اوراق الصفقة بعد ما تراجعيها كويس .

حور قالتله بابتسامة: 

-تمام يا فندم بعد اذنك ولسة هتمشي سمعته بيقؤلها

-احم حور ياريت متلبسيش حاجة ضيقة وبلاش ميكب 

حور ابتسمت تلقائي وقالتله:

- نعم!!  مش فاهمة 

ياسين قالها بكدب وتوتر باين علي وشه: 

-ده عشان بس ميحصلش زي ما حصل اول يوم في الشغل 

حور استغربت كلامه بس تجاهلته وقالتله: 

- حاضر بعد اذنك وسابته وخرجت ولما خرجت قعدت علي مكتبها و ابتسمت لانها حست بغيرته وده فرحها اووي ومتعرفش ايه سبب سعادتها بكدة

............................... 

بليل رؤي خرجت من قوضتها وهيا لبسة دريس لونه احمر مع طرحة بيضة وكانت قمر اووي واسر كان قاعد مع امه في الصالة بيتفرجو علي التلفزيون فرؤي قالت لنبيلة خالتها:

-انا نازلة يا خالتو عايزة حاجة 

اسر شافها وهيا قمر كدة اتجنن فقالها بسرعة: 

انتي رايحة فين يا رؤي ؟

رؤي بصتله باستغراب وقالتله: 

-خطوبة واحدة صحبتي وانا مستأذنة من ماما وعمو 

اسر حس بنفسه وطريقته فحاول يتصرف طبيعي: 

-طيب ممكن اوصلك عشان محدش يضايقك 

رؤي فرحت وقالتله بلهفة: 

- بجد ياريت انا اصلا كنت هقؤلك كدة بس اتحرجت يعني لتكون مشغول واعطلك 

اسر فرح من كلامها وقالها وهو بيقؤم من مكانه: 

-لا طبعا عادي هلبس علطول وننزل 

رؤي قالتله و كان باين عليها السعادة: 

-تمام هستناك

 وخالتها متابعة وفي نفسها بتدعي ان ابنها بفوق ويعرف قيمة رؤي ويسيب البنت اللي من وجهة نظرها مش مناسبة ليه وخرج ونزلو سوا وركبو العربية وفي الطريق اسر فونه رن بص للفون بتوتر وبعدين بص لرؤي اللي اتحرجت وقالتله ممكن نقف هنا بس هشتري حاجة من السوبر ماركت وعملت كدة 

لانها حست انه اتحرج ومش عاوز يرد وهيا معاه 

اسر وقف العربية وهيا نزلت وهيا مخنوقة وهو رد ورانيا قالتله بدلع اول ما فتح الخط: 

-ايه يا بيبي فينك 

اسر قالها وهو بيضحك بسخرية: 

-انا اللي فيني ولا انتي وقبل ما يكمل كلامه سمع صوت ناس اتعصب وقالها:  

انتي فين يا رانيا......... 

البارت الخامس 

رانيا اتلجلجت وردت علي اسر  بتوتر: 

-هه انا نزلت مع ماما نعمل شوبنج 

اسرضغط علي الدركسيون جامد وقالها: 

-من غير ما تقؤليلي حتي كنت جيت وصلتكو 

رانيا قالتله بخبث: 

-اصل مش هنتأخر صدقني 

اسر اضايق وقالها: 

تمام يا رانيا يلا عشان مشغول دلوقتي وقفل 

ونزل من العربية  لرؤي اللي كانت واقفة عالكورنيش وبتبص للبحر 

اسر قرب منها وقالها:

-احم انتي اشتريتي الحاجة اللي قولتي عليها 

 

رؤي لفت وبصتله وبعدين قالتله بضيق: 

-لا اصل مفيش حاجة عجبتني لو خلصت مكالمتك يلا عشان اتاخرت علي الخطوبة واسر حس انها زعلانة وزعل انه حرجها 

فقرب منها وقالها: 

-انتي نزلتي عشاني صح مش عشان تجيبي حاجة؟ 

رؤي بصتله بحزن وقالتله وهيا بتتجنب تبص في عينه:

-لا عادي ده حقك ودي خطيبتك يعني محبتش اكون عزول يلا بقي وسابته ومشيت وركبت العربية

................... 

حور لبست وجهزت  عشان الحفلة لبست فستان سواريه بس سادة مش بيلمع بكم ضيق من الوسط ونازل علي واسع لونه بيبي بلو وسيبت شعرها مع تاج صغير رقيق وجزمة بكعب وميكب خفيف وكانت قمر 

اخدت الملف في ايدها وجالها فون ان العربية وصلت 

ركبت واول ما وصلت الحفلة كانت متوترة ومش عارفة تروح فين وعمالة تدور بعينها علي ياسين ومش لاقياه وفجأة شافته بيرقص سلو مع بنت والبنت متشعلقة في رقبته وبيضحكو سوا وهيا اتضايقت جدا لدرجة انها فكرت تمشي بس قالت وانا مالي وماله ما يعمل اللي هو عايزه وفضلت واقفة بصالهم بحزن وغيرة 

ياسين وهو بيرقص مع البنت لمحها وخطفت قلبه بشكلها وخليته مش مركز واعتذر وراحلها وهيا اتوترت اول ما لقيته جاي ناحيتها وبصت في الارض ولقيته وقف قدامها وقالها وهو بيبصلها بانبهار: 

- انتي بجد ولا خيال 

حور اتكسفت بس كانت متغاظة منه عشان رقص مع البنت ومردتش عليه 

ياسين قرب اكتر منها وقالها: 

-انتي جيتي امتي ؟

حور بصتله بغيظ وقالتله:

- من ساعت ما كنت بترقص مع السلعوة 

ياسين افتكر انه سمع غلط وساألها: 

-مع مين قولتي اصلي مش سامع 

حور قالتله بضيق: 

-لا مفيش المهم الاوراق اهي هستأذن انا واديتله الورق ولسة هتمشىي مسكها من ايديها بسرعة وقالها: 

-استني هنا يا حور مالك في ايه ؟

حور حاسة انها مخنوقة فردت عليه بصوت حزين: 

-لا مفيش بس وجودي اعتقد ملوش لازمة 

ياسين بصلها وقالها بصوت كله عشق: 

-مين اللي قال كدة بالعكس بالنسبالي انتي اهم حد هنا 

حور اتكسفت اووي ووشها احمر وحست انها سامعة ضربات قلبها وقالتله:

-  احم هو هو الحمام منين 

ضحك ياسين جامد علي كسوفها وقالها: 

-نعم وده وقته عموما هو من هنا وشاورلها علي مكان بعيد

حور قالتله بخجل: 

-تمام ميرسي اوي ومشيت وهيا ما صدقت انها هربت من كلامه ونظراته اللي بتوترها وهي ماشية سمعت بنتين بيتكلمو عليه وعلي وسامته وانهم بيتمنو بس نظرة منه

بصتلهم بغضب ورجعتله تاني ونسيت الحمام 

ياسين شافها راجعة تاني عليه استغرب وقالها: 

-ايه رجعتي ليه ؟؟ 

حور بصتله بتوتر وقالتله: 

-ها لا مفيش حاجة وفجأة عملت نفسها كانت هتتكعبل ومسكت فيه وهو سندها وتقريبا كانت في حضنه وعيون البنات متابعاها 

حور رفعت وشها وبصت في عينه وهو ابتسم وسرح فيها فقالتله بخجل: 

-اسفة كنت هقع 

ياسين قالها بصوت كله قلق عليها: 

-ولا يهمك المهم انتي كويسة طمنيني

حور قالتله بابتسامة: 

-اه يلا بينا وفضلت حاطة ايدها في ايده ومأنجچاه 

وبصت للبنات وطلعت لسانها 

.........في مكان تاني 

رهف كانت قاعدة في اوضتها بتفكر في اياد

فلاش باك

اياد كان كل يوم يقابل رهف بس مكنتش بتعامله الا في حدود الشغل وده كان بيضايقه جدا بس دايما كان يحاول ومش بييأس وفعلا اتغير وده هيا لاحظته في تصرفاته 

وكانت قاعدة مع هدي زميلتها  في الكافتريا وكانو بيشربو نسكافيه ورهف اتكلمت وهي بتحط الكوباية قدامها: 

-اللي بتقؤليه ده بجد يا هدي معقؤل اياد بقي كدة؟ 

هدي رجعت بضهرها لورا وهي بترجع شعرها لورا بثقة وقالتلها: 

-اه والله يا بنتي مني اللي قالتلي انها حبت توقعه بما ان هو يعني كان بتاع بنات وقالت تقلبه في قرشين بس راح مزعقلها جامد وطردها كمان 

رهف  في نفسها فرحت اوي وصوصا ان هدي صحبتها متعرفش اللي بينها وبين اياد وكانت رهف بتكلم نفسها:

- يعني اتغير بجد انا كنت قاصدة اعامله كدة عشان اشوف هيزهق ويبعد بس هو كان بيقرب اكتر بجد. مبسوطة انه اتغير عشاني 

عودة من الفلاش بااك 

رهف بصت لنفسها في المراية وكانت بتكلم نفسها بصوت  وبتقؤل: 

- انا كنت خايفة يكون بيضحك عليا او مفكرني زي البنات اللي يعرفهم بس ارجع واقؤل محدش فينا مبيغلطش وهو خلاص ساب الطريق ده هتحاسبيه يبقي علي اللي جاي مش اللي فات 

.................. 

في الحفلة كان قاعد ياسين مع عاصم الدمنهوري صاحب الحفلة وكانو قاعدين علي الترابيزة وبيتكلمو في الشغل وحور كانت قاعدة جمب ياسين وزهقانة وملانة جدا  وبعد ما خلصو الصفقة واتفقو في اغنية سلو اشتغلت وجت بنت عشان ترقص مع ياسين حور بصتلها بغيظ وقالت في سرها: 

- اوووف هيرقص تاني مع بنات ايه راس كرومبة انا يعني وبصت لياسين بترقب وهيا مستنية تشوف رد فعله ايه بس اتنهدت براحة اول ما لقيته بيقؤل للبنت: 

 

-سوري مش هقدر

فرحت حور وابتسمت بشماتة للبنت وفي نفس الوقت جه شاب زي القمر ووقف قدام حور وقالها: 

-ممكن تتشرفي و ترقصي معايا

حور ابتسمت ولسة هتعتذر اتفاجأت بياسين وهو بيرد علي الشاب بغضب: 

- لا مبترقصش هيا واتفضل وحرج الشاب جدا واول ما سابهم ومشي حور قالت لياسين بعتاب: 

-ليه كدة حرجته 

ياسين قرب منها وقالها بغضب: 

- ايه كنتي عايزة ترقصي والناس تتفرج عليكي 

حور ردت بنفي: 

- لا طبعا كنت هرفض بشياكة بس انت مدتنيش فرصة وبعدين بصت الناحية التانية وفضلت مكشرة وباصة للي بيرقصو بس

 اتفأجت بياسين بيمدلها ايده وبيقؤلها: 

-ممكن  ترقصي معايا انا ولا منفعش؟ 

حور بصت لأيده وبصت في عنيه وسرحت ولقت نفسها بتمد ايدها في ايده وراحة وسط الناس ورقصو وكأن العالم وقف في اللحظة دي وكانت اول مرة يبقو قريبين من بعض كدة وياسين قرب من ودنها وهمسلها: 

-بزمتك مش انا احلي من الصرصار اللي كان عايزك ترقصي معاه ده 

حور ضحكت برقة وقالتله: 

- علي كدة بقي انا احلي من السلعوة اللي كنت بترقص معاها 

ياسين قالها بحب وهو باصص في عينها جامد: 

-انتي اجمل وارق بنت قابلتها في حياتي 

حور اتكسفت وبصت في الارض وكان قلبها طاير من الفرحة وبيدق جامد كأنه بيحتفل بالكلام الحلو اللي بيسمعه  وفجأة سمعت اسمها من شفايفه 

 

-حور 

رفعت وشها ليه وبصت في عينه تاني فاتكلم هو وقالها: 

-انا مش بعرف اتحكم في تصرفاتي وانا معاكي بحس اني شخص تاني 

 حور  تيجي نمشي ؟

حور فرحت اووي وهزت دماغها بأه وقالتله: 

- اه موافقة يلا بينا وخرجو من الفيلا وياسين ماسك ايدها بس للاسف كان في عيون بتراقبهم بح*قد

ياسين وحور سابو الحفلة وخرجو الاتنين سوا من غير عربية ولا اي حاجة بس فضلو ماشين لحد ما راحو كافيه عالنيل وقعدو قصاد بعض فياسين  بص لحور وقالها: 

-حور انا عايزة اقؤلك حاجة 

حور ابتسمت وقالتله:  

-قول انا سامعاك 

ياسين بدون مقدمات مسك ايديها وقالها وهو عينه في عينها:

-انا انا بحبك وحاسس اني اتعلقت بيكي .

حور اتفاجأت متوقعتش انه يعترفلها بحبه فقالتله وهيا بتسحب ايدها من ايده:

 - انت متعرفش حاجة عني يا ياسين انا حياتي كانت مد*مرة 

ياسين قالها بسرعة قبل ما تكمل وهو بيحط ايدها علي بؤها: 

-ميهمنيش ومش عايز اعرف 

حور قالتله بخوف وتوتر وهي بتحاول متبصش في عينه: 

-ومش جايز اما تعرف تغير رأيك بص انا هحكيلك عشان انا محتاجة اني احكيلك 

وحكتله كل اللي مرت بيه من ساعت ما قبلت حسام لحد ما عرفت انه كان بيحطلها موانع الحمل عشان متخلفش

وكانت بتعيط وهيا بتحكيله وبعدين مسحت دموعها بايديها وهيا بتقؤله: 

-لحد ما قابلتك كنت حاسة اني اعرفك من زمان معرفش ازاي قربت منك كدة انا كنت واخدة عهد علي قلبي اني مفتحوش تاني كنت مفكرة ان كلهم حسام واني معي*وبة او مستاهلش اني اتحب بس معاك انت حاجة تاني انا في وقت قصير اوي حسيت اني معجبة بيك ولما قولتلي كدة انهاردة وحسيت بدقات قلبي اتاكدت اني .... انا كمان

 بح...قاطعهم صوت جه من وارهم وكانت واحدة بتقؤل لياسين: 

- كدة يا ياسين تسبني وتمشي وقربت منه وقعدت جمبه ومسكت ايده. 

حور اتصدمت وبصيت لياسين  باستفهام كانها بتترجاه انه يقؤل انه ميعرفش البنت دي وبصت لايد البنت اللي ماسكة ايده ودموعها نزلت لوحدها 

ياسين قالها بسرعة: 

-انا هفهمك يا حور وقاطعته حور وهيا بتسأله بجمود: 

- مين دي يا ياسين ؟

ياسين بصلها برجاء وقالها: 

- انتي فاهمة غلط صدقيني انا اه اعرفها بس قاطعته حور وهيا بتقؤم من مكانها: 

- ردك وصلني بعد اذنكو وسابتهم ومشيت وهيا منهارة

ياسين اول ما حور مشيت قام من مكانه وزعق للبنت دي جامد لدرجة ان الناس بقت تبص عليهم: 

-انتي ايه اللي جابك هنا ثم انا مش سبتك انتي ايه معندكيش كرامة لولا انك بنت عمي انا كنت شفت شغلي معاكي .

هند ابتسمت بسخرية وقالتله وهي بتحط رجل علي رجل: 

-جيت الحقك قبل ما تغلط متنساش اننا مخطوبين ثم ملقتش غير حتة السكرتيرة دي وتحبها .

ياسين بصلها وقالها بزعيق وغضب:

- الغلط اني فكرت في يوم اني ارتبط بيكي والسكرتيرة دي برقبة مليون بنت من عينتك وفي عيني احسن بنت في الدنيا 

ياسين شاورلها بصباعه وحذرها وقالها: 

-اسمعي انا مش عايزة اشوف وشك تاني ولو حصل وعرفت بس مجرد انك قريبة من المكان اللي احنا فيه انا هوريكي وشي التاني وانتي متعرفيش الوش التاني لياسين العامري عامل ازاي فااااهمة 

هند بصتله بخوف لانها عارفة لما بيقلب بيبقي ازاي فقالتله:

- ححاضر 

..............

وصلو الخطوبة ورؤي كانت قمر بفستانها الرقيق وخطفت انظار كل الموجودين وده ضايق اسر جدا وحس انه عايز يخبيها عن عيونهم و رؤي قالتله تعالي اسلم علي اية صحبتي وتبقي العروسة وراحو سلمو عليهم وجه واحد من وراهم واتكلم وهو بيبص لرؤي: 

-مش تعرفيني علي القمر صحبتك يا اية 

اسر بصله ورفع حاجبه و اية قالتله دي صحبتي رؤي يا عماد وعماد بص لرؤي بنظرة اسر عارفها وفاهمها فضغط علي ايده جامد واتفاجأ كمان بعماد وهو بيقؤلها: 

- اتشرفنا يا قمر

 لحد هنا واسر خلاص جاب اخره فراح ناحية عماد ووقف قدامه وقاله: 

بقؤلك ايه ما تحترم نفسك انا ساكتلك من الصبح فلم نفسك عشان مخليش شكلك و*حش قدامهم 

عماد بصله بغيظ وقاله: 

-انت مين اصلا ثم انت مالك 

اسر حط. ايده في جيبه وقاله: 

خطيبها عندك اعتراض؟و يلا بقي هوينا بدل ما اقل منك

 كل ده رؤي بتتفرج وحاسة انها مبسوطة انه غيران عليها واسر قالها يلا بينا وخدها وقعدو علي الترابيزة وهيا حاسة ان اسر مش طايق نفسه وجت رقصة السلو وجه واحد قالها 

-ممكن ترقصي معايا؟ 

بصت لاسر لقيته وشه احمر من الغضب فبصت للشاب وقالتله:

-اسفة مش هينفع والشاب مشي وشوية واسر بص لرؤي لقاها  قاعدة زهقانة فقرب منها وهمس ليها وقالها:

- تيجي نرقص سوا 

..............

حور روحت واول ما دخلت قوضتها لقت رهف داخلة وراها وحور شافتها واترمت في حضنها وبقت تعيط 

رهف طبطبت عليها وقالتلها: 

-مالك فيكي ايه يا حور؟ طيب ايه اللي حصل

 

اتكلمت حور بانهيار وقالت: 

-لتاني مرة بتجر*ح ليه كدة انا عملت ايه عشان استاهل كل ده كنت فاكراه غيره بس للاسف طلع زيه بس المرادي موجوعة ااووي عشان حبيته بجد يا رهف وبتعيط بشحتفة وطلعت من حضن رهف واتكلمت بكسر*ة: 

 

والله يا رهف ما كان قصدي احبه انا اللي غلطانة ااانا اللي استاهل 

رهف حاولت تهديها فادتها كوباية ماية وقالتلها

 

-طيب فهميني ايه اللي حصل انا مش فاهمة حاجة ثم ده مش بايدك يا حور القلب هو اللي بيختار وبيحب 

حور شربت حبة مية وبعدين حطتها جمبها علي الكوميدينو وحكت لرهف كل حاجة حصلت من اول ما وصلت الحفلة لحد ما جت البنت دي وقالت انها خطيبته 

رهف قعدت قدامها وقالتلها: 

-غلطانة يا حور كنتي سمعتي منه مش جايز تكوني ظالماه.

حور كشرت وقالتلها: 

-سألته ومردش مفهمنيش حاجة عرفت من سكوته انها فعلا خطيبته ليه طيب انا و*حشة يا رهف مستاهلش اني اتحب ليه دايما اللي احبه يفضل عليا واحدة تانية ليه دايما رقم اتنين في حيات اي حد 

حور خدتها في حضنها وطبطبت عليها وقالتلها:

- متقؤليش كدة انتي ست البنات وتستاهلي انك تتحبي يا حور ومتقارنيش حسام بياسين لانه فعلا بيحبك واضح من تصرفاته وكل حاجة بتبين انه بيحبك وانا واثقة انه في حاجة غلط في الموضوع 

حورمسحت دموعها وقامت وقفت وهيا بتتكلم بثقة: 

-انا مش ههرب المرادي ومش هبان ضعيفة وهثبتله انه مش فارق معايا وعارفة انا قولت هسيب الشغل بس لا انا هكمل معاه وهثبتله اني اقوي من كدة وأنه مش فارق معايا .

رهف حركت راسها شمال ويمين وقالتلها: 

-متكدبيش علي نفسك يا حور انتي بتحبيه واووي كمان لازم تفهمي منه مضيعهوش من ايدك اديله فرصة يدافع عن نفسه

سرحت حور في كلام رهف اختها وحست انها عندها حق وكل ده وياسين  بيرن وهيا مبتردش عليه وفضلت تفكر في كلامه اللي قالهولها طول الليل لحد ما تعبت ونامت .

......... 

تاني يوم في الشركة كانت رهف قاعدة علي مكتبها وقدامها ملف وبتشتغل واتفاجأت باياد اللي داخل عليها وهو متعصب وقعد قدامها وبيقؤلها: 

-انا عايزة اعرف هنفضل كدة لحد امتي ؟

رهف سابت الورق اللي في ايدها وبصتله ببرود واتكلمت: 

-انت بتتكلم عن ايه يا مستر اياد ؟

اياد قام وقف بعصبية وقالها:

-رهف  متجننيش انتي بتعاقبيني علي ايه ده ربنا سبحانه وتعالي بيغفر انتي مش راضية تغفريلي ليه مش مصدقة اني بحبك بجد ليه ، هفضل لحد امتي اثبتلك اني اتغيرت انا تعبت من معاملتك دي 

رهف قامت وقفت وقالتله بزعيق وعياط: 

- انت لسة مش فاهم انا مش بعاقبك انا خايفة ايوة خايفة اتجر*ح منك مش هستحمل اني اتجرح منك يا اياد انت عارف يعني ايه اني افضل طول الوقت خايفة لتكون حنيت للايام دي وتخو*ني سعتها هكر*هك يا اياد واستحالة اعيش معاك انت فاهم 

اياد اتصدم من كلامها فقرب منها لحد ما بقي واقف قصادها وقالها...........  

البارت السادس

اياد اتصدم من كلامها فقرب منها لحد ما بقي واقف قصادها وقالها: 

-كدة انا فهمت يبقي انتي مش واثقة فيا ودي اهم حاجة قي علاقتنا يا رهف لازم تتبني عالثقة وطالما مش عارفة تثقي فيا يبقي مينفعش نبقي مع بعض وبصلها بنظرة حزن وعتاب ومشي  .

وهيا قعدت عالمكتب وحطت ايديها علي وشها وفضلت تعيط واتأكدت انها خسرت اياد .

.........

رؤي بصت لاسر بفرحة وعيونها لمعت وقالتله: 

- بجد طيب يلا بينا وهو فرح انها بقت مبسوطة بسرعة تضحك وفي ثانية تزعل زي الطفلة ومشيو سوا لقاعة الرقص وهو قرب منها و حط ايده علي و*سطها وهيا حطت ايدها علي رقبته بص في عينها وتاه في جمالهم وهيا بصتله بخجل واتفاجأت بيه وهو بيقؤلها: 

- تعرفي انك جميلة اووي 

 رؤي اتكسفت وبصت في الارض واسر  رفع وشها بايده وقالها متتكسفيش اوي عشان بتحمري وبيبقي شكلك حلو اووي  

رؤي اتوترت من كلامه وبقت تبص بعيد عن عينه وقالتله بخجل: 

- بطل كلامك ده بيخليني متوترة اووي احم اسر هو ممكن اسالك سؤال 

اسر حرك راسه وقالها  طبعا اسألي براحتك 

رؤي سألته بتردد: 

-هو انت بتحبها خطيبتك يعني  ؟ 

اسر اتنهد وقالها وهو بيحط ايده علي شعره بحيرة: 

- تعرفي انا لحد دلوقتي مش عارف او مش متأكد

بس اللي اعرفه اني مش عارف انا عايز ايه سعات احس اني بحبها وسعات لا بس تصرفاتها بتخليني هتجنن والعند بتاعها برضه فظيع ببقي خلاص واخد الخطوة وارجع في قراري بس انا اكيد بحبها والا مكنتش استحملت تصرفاتها دي كلها ولا ايه 

رؤي حست انها اضايقت اووي متعرفش ليه وقالتله وهي بتبعد عنه: 

-عندك حق ربنا يسعدكو سوا اسر هو احنا ممكن نمشي ؟ 

اسر استغرب تغيرها المفاجئ وقالها: 

- ليه زهقتي ولا ايه ؟

رؤي قالتله بحزن وهي بتتجنب تبص في عينه: 

- لا بس انا عايزة اروح ياريت نمشي 

اسر حس انها اضايقت فمشي جمبها وهو بيقؤلها: 

- طيب يلا بينا،  وهو بيكلمها فجأة بص لقي رانيا في الفرح مع بنات علي ترابيزة 

وشه احمر وقالها استني هنا يا رؤي جايلك وراح ناحية رانيا 

اللي اول ما شافته وشها جاب الوان وقامت وقفت 

وراح نحيتها وشدها من ايدها وخدها وطلعو برة 

ورؤي كل ده حاسة انها محرجة من الموقف واضايقت عشانه برضه وهو جارر رانيا وراه لحد برة ووقف وهيا عمالة تقؤله طب استني والله هفهمك انت فاهم غلط يا اسر وبكل عصبية وقف مرة واحدة وزعقلها  : 

-تفهميني ايه هو ده المول والشوبنج هه انتي مفكرة انك بتستغفليني انا اللي غلطان اني صدقتك ووثقت فيكي انا تعبت وخلاص و ده اخر اللي ما بينا يا رانيا

رانيا مسكت ايده واترجته وقالتله بدموع مزيفة: 

-لا يا اسر انت بس عشان متعصب وبعدين مش هتتكرر تاني اوعدك دي اخر مرة انا بحبك متعملش فيا كدة 

اسر مسح وشه بغضب مكتوم وقالها وهو بيشاور قدامه: 

-قدامي يا رانيا اروحك ومش عايزك تكلميني دلوقتي خالص فاهمة

رانيا قالتله بدلع وهي بتحط ايدها في ايده: 

-حاضر يا حبيبي يلا بينا وخدها ودخلو تاني وراح لرؤي اللي كانت واقفة محرجة وعمالة تبص حواليها  ولقت اسر جاي مع رانيا وهيا ايدها في ايده ورؤي اضايقت اووي لما شافتهم كدة واول ما جم ناحيتها  رانيا بصتلها من فوق لتحت وشاورت عليها بغرور وهيا بتسأل اسر: 

 -مين دي بقي ومعاك بتعمل ايه فهمني؟؟ 

اسر بصلها ورد بضيق: 

-دي رؤي بنت خالتي 

رانيا بصت لرؤي بغيظ وقالتلها وهيا بتحط ايدها في و*سطها: 

-وانتي بقي ايه اللي جابك مع خطيبي الفرح وبصت لاسر بغضب وقالتله دي معاك بتعمل ايه هنا ؟فهمني دلوقتي حالا 

رؤي عنيها دمعت وحست انها محرجة من طريقتها وخصوصا انا قصدت تعلي صوتها وتسمع الناس 

اسر بص لرانيا بغضب وشدها من ايديها وهو بيزعقلها: 

- انتي اتجننتي انتي مالك اصلا بيها هيا جاية معايا انتي اللي كنتي جاية لوحدك اعتقد طالما كدة يبقي تروحي لوحدك ومسك رؤي من ايديها وخدها ومشي ورانيا كانت واقفة هتتجنن ازاي يسيبها ويمشي وياخد البنت دي معاه وبقت تتوعدلها 

..........

حور كانت في الشركة وخبطت علي مكتب ياسين  ودخلت المكتب وياسين  بصلها ولقي عنيها وارمة من العياط وباين عليها التعب وهي شافت نظراته وتجاهلته ومدت ايديها بالملف وقالتله: 

- دي ملفات شركة العقاد محتاجة توقيع حضرتك

 ياسين  قام  وراح وقف قدامها وقالها بهدوء: 

-بكلمك طول الليل مش بتردي عليا 

حور تجاهلت كلامه وده غاظه اكتر وقالتله: 

- حضرتك العقود انا راجعتها وواقفة علي امضاءك بس 

ياسين بصلها بغموض وخبث وقالها: 

-انتي بتتجاهليني وقرب منها وهيا بقت ترجع بضهرها لورا لحد ما لزقت في الحيطة وبقي هو محاوطها بايده وعينه قي عينها 

 

حور اتوترت من قربه وقالتله:

- لو سمحت ابعد كدة شوية ميصحش وزقته  عشان يبعد 

ياسين بصلها وابتسم بمكر وهو بيقؤلها:

- ماهو لو مش هتسمعيني برضاكي هتسمعيني غصب عنك  ، وقرب اكتر عليها 

 

حور اتوترت اكتر وقالتله بلغبطة:

- ياسين ععيب كدة لو سمحت بقي سبني امشي 

ياسين بصلها بتوهان وقالها بعشق  :

-ممكن تقؤلي اسمي تاني كدة حلو اوي منك بجد يا حور

حور قلبها دق جامد بس افتكرت اللي حصل فقالتله بحزن: 

- لو مفكر اني هضعف تبقي غلطان انت زيه مفيش فرق بينك وبينه هو كداب وخاين وانت كمان سبني امشي بقي وبقت تعيط بحرقة 

ياسين قلبه وجعه عليها فمسح دموعها بايده وقالها بحزن:

-والله انتي ظالماني يا حور وخدها من ايديها وقعدها علي الكرسي وقعد قدامها وقالها: 

-لازم تسمعي مني وبعدين احكمي عليا 

مسحت دموعها وقالتله بعتاب: 

-وانا سألتك وانت قولتلي انك تعرفها يعني كلامها صح يا ياسين انا هفضل علطول كدة التجربة اللي مريت بيها هتاثر عليا دايما هشوفك حسام احنا مننفعش لبعض صدقني وقامت وقفت وسابته وخرجت من المكتب ومن الشركة كلها وياسين اضايق وحس انه قلبه وجعه عليها وانها لسة متاثرة بحكايتها القديمة 

...........

رهف في مكتبها وحاسة ان اياد بيتجاهلها بس هيا في نفسها عارفة ان ده الصح لان مش ممكن هتأمنه عليها وهيا عارفة ان ليه علاقات كتير بس مش بايدها حاجة قلبها حبه وطالما القلب حب مستحيل يشوف عيوب الشخص اللي بيحبه 

وهيا بتفكر دخل اياد عليها فرحت اووي وابتسمت وقامت وقفت بسرعة وقالتله: 

-اهلا مستر اياد خير في حاجة ؟

اياد اتجاهلها وقالها ببرود: 

-ايوة فين ملف شركة العقاد 

رهف اضايقت من تجاهله ليها وتغيره في معاملتها وانه مبقاش يتكلم معاها زي الاول  وانتبهت علي صوته وهو بيقؤلها: 

 

-احم بكلمك علي فكرة 

رهف بصتله بحزن وقالتله: 

-اسفة يا فندم هو مع سكرتيرة مستر ياسين 

اياد بصلها بغضب وزعق وهو بيخبط بايده الاتنين عالمكتب  وقالها: 

- ازاي توديه لرئيس مجلس الادارة من غير ما تعديه عليا مش المفروض تراجعي الحسابات وتجبيهولي اراجع عليه وبعدين يروحله 

رهف عنيها دمعت من صوته العالي وقالتله:

- اسفة يا فندم انا افتكرت عدي علي حضرتك الاول 

اياد اضايق انه زعلها وكان هيضعف لما شاف دموعها بس تماسك وقالها: 

-مفيش مشكلة لو سمحتي بعد كدة الغلط دع ميتكررش 

رهف حاولت تمسك دموعها قدامه فمسحت دمعة هربت منها بايديها وردت عليه:

- حاضر يا فندم حاجة تاني ؟

اياد قالها وهو بيلف عشان يخرج:

-  لا مفيش وسابها وخرج وهو بيأنب نفسه علي قسوته عليها ورهف  اول ما خرج قعدت عالمكتب وحطت وشها بين ايدها وفضلت تعيط وهيا صعبان عليها اسلوبه معاها 

...........

اسر كان في العربية ورؤي قاعدة جمبه وهو سايق بس عقله مشغول باللي عملته رانيا واحراجها لرؤي بالطريقة دي فبصلها وقالها: 

-انتي زعلانة مني عشان يعني الخطوبة معرفتيش تحضريها 

رؤي حاولت تهون عليه فابتسمت وقالتله: 

-لا يا اسر هزعل ليه اصلا حد يعمل خطوبة بالنهار ايه ده وضحكت وبعدين قالتله  انا بس مضايقة لانكو متخانقين بسببي 

اسر كشر وبص قدامه وهو سايق وقالها:

- لا طبعا انتي مش السبب ولو كنت جيت لوحدي وشفتها هناك كنا هنتخانق برضه 

رؤي قالتله ببراءة: 

- لا بس كنتو هتتصالحو لو مكنتش هيا شافتني معاك وهيا عندها حق انا لو مكانها وشوفت خطيبي بيكلم واحدة وواخدها معاه مناسبة اكيد هتضايق 

اسر  بصلها وابتسم وقالها باعجاب:

- انتي قلبك جميل اووي يا رؤي يعني رغم انها ضايقتك بالكلام وانتي برضه بتدافعي عنها وواخدة صفها 

رؤي بصتله بخجل وقالتله وهيا بتعدل حجابها: 

-انا بقؤل كلمة حق بصرف النظر عن انها عملت معايا مشكلة او زعلتني

اسر وقف العربية ولفلها وقالها بحماس: 

-طيب ايه رايك بقي اعوضك عن الخطوبة والمناسبة اللي باظت واخرجك 

رؤي  سقفت بفرحة وقالتله :

- بجد طيب هتوديني فين ؟

اسر ابتسم علي براءتها و طفولتها دي وقالها:

- تحبي تروحي انتي فين؟

رؤي فضلت تخبط بصباعها علي عقلها بتفكير وقالتله: 

-امممم طيب بص احنا نروح عالكورنيش نتمشي 

اسر استغرب وكشر وقالها:

- بس كدة عايزة تروحي عالكورنيش 

رؤي ردت ببراءة وقالتله وهي بترفع كتافها لفوق: 

-اه بس كدة واه طبعا تعزمني علي درة وحمص الشام شفت بقي انا طماعة اووي ازاي 

اسر حب بساطتها وتخيل لو رانيا مكانها وبيسألها تروح فين كان هيبقي ردها طبعا تروح تعمل شوبنج وتاكل في مطعم غالي زي صحباتها ياااه في فرق كبير بين رؤي ورانيا فضل يفكر لحد ما رؤي قاطعت افكاره 

لما افتكرت معهوش فلوس ومحرج منها يعني فقالتله: 

-ايه يا اسر لو مش معاك فلوس عادي خلينا نتمشي بس انا اصلا مليش نفس لحاجة 

اسر ابتسم  وبص في عنيها الفيروزي اللي سحرته  وقالها: 

-  انتي مفيش زيك يا رؤي بجد لو لفيت العالم مش ممكن هقابل بنت زيك 

رؤي اتكسف وخدودها احمرت وبصت بعيد عنه  وحاولت تغير الموضوع انت هتضحك عليا ومش هتخرجني ولا ايه 

اسر عرف انها بتغير الموضوع وقالها وهو بيدور العربية: 

-ماشي يا رؤي يلا بينا 

.............

حور روحت البيت لقت امها قاعدة في الصالة فقربت منها وقعدت جمبها وحضنتها وفضلت تعيط  وامها خافت عليها اول ما لقتها منهارة كدة وقالتلها: 

- بسم الله مالك يا روحي فيكي ايه احكيلي 

حور حضنتها جامد واتكلمت وهيا بتعيط: 

-تعبانة اووي يا امي وخايفة وحاسة اني تايهة

امها طبطيت عليها وقالتلها بحنان: 

-طب فضفضيلي وانا هسمعك ونفكر سوا بصوت عالي ايه رأيك؟

حور خرجت من حضن امها ومسحت دموعها وحكت لامها كل حاجة من ساعت ما قابلت ياسين لحد انهاردة والكلام اللي دار بينهم 

امها ابتسمت وقالتلها: 

-بصي انتي حاسة كل حاجة حصلت بسرعة وده اللي مخوفك خايفة يطلع حسام لا يا نور عيني مش كلهم حسام طليقك في رجالة بجد يستاهلو اننا نعيش عشانهم ويخطفو قلوبنا بحنيتهم وواضح من كلامك 

ان ياسين ده من الرجالة دي وبعدين انتي مش هتغلطي غلطتك مع حسام لا انتي سعتها فكرتي بقلبك بس وده غلط لازم في ايه علاقة هندخلها نحكم قلبنا وعقلنا كمان عشان منخسرش زي ما خسرنا وانا متاكدة انك المرادي هتختاري صح 

حور ابتسمت وباست ايد امها وقالتلها: 

-عندك حق يا ست الكل ربنا يخليكي ليا وميحرمنيش منك ابدا 

مسحتلها امها دموعها وهيا بتقؤلها  : 

-ولا يحرمني منك يا حبيبتي ويهديكي للصالح وينور طريقك يارب 

............

خرجت رهف من الشركة وكانت ماشية في الشارع  وهيا بتفكر في اياد وانه ازاي جرحها وهل ده بسببها وانها السبب في انه يبقي كدة ولا كان لازم تديله فرصة وكانت بتعدي الشارع ومش واخدة بالها من العربية الي جاية بسرعة لحد ما سمعت شخص بيقؤلها حاااسبي وشدها وهيا صوتت وغمضت عنيها جامد وسمعت صوته بيزعق.......... 

البارت السابع 

- انتي مجنونة مش تاخدي بالك ايه عايزة تموتي نفسك 

فتحت عنيها براحة لقيته هو اياد حست ان الدنيا وقفت في اللحظة دي وفضلت بصاله وهو باصصلها وكانت اول مرة تبقي قريبة منه اوي كدة تقريبا جوة حضنه و رهف فضلت بصاله وتنحت مش عارفة هو جه امتي وازاي بقت في حضنه كدة 

وكانت سامعة دقات قلبه من كتر ما هيا قريبة منه 

واياد قالها بصوت واطي: 

-مش تخلي بالك 

رهف كانت مكسوفة من قربه وقالتله: مخدتش بالي 

اياد بعدها عنه بالعافية غصب عنه وقالها:

- يلا عشان اوصلك واتكلم تاني بجدية زي الاول 

رهف بصتله بحزن وقالتله وهي بتسيبه وبتمشي: 

-لا متتعبش نفسك 

اياد مسكها من ايديها وخلاها وقفت وقالها: 

-بلاش عند ويلا بينا وهما ماشين رهف بتبص لقت  قدامها نادر وده يبقي زميل ليها من ايام الكلية اول ما شافها ابتسم بس هيا اتوترت لانه كان معجب بيها واعترفلها بحبه وهيا تجاهلته وقالتله انها مش بتبادله نفس الشعور بس هو كان ملح ولازقلها جامد 

قرب منها نادر وقالها: 

-رهف ازيك وحشتيني متوقعتش اشوفك هنا 

اياد وشه احمر من الغضب وضغط علي ايدها جامد وقاله:

-  ايوة ايه السؤال ؟

رهف ايديها وجعتها وبصت لنادر وقالتله بتوتر: 

- ازيك يا نادر عامل ايه 

نادر مد ايده عشان يسلم عليها وهو بيقؤلها: 

-تمام انتي عاملة ايه وفينك كل ده 

اياد بصلها بحدة وقالها بصوت واطي:

-اياكي تسلمي يا رهف احسن هزعلك 

رهف اتوترت وبصت لايد نادر وقالتله: 

-انا موجودة اهو انت فينك 

اياد بصلها بغضب عاللي قالتله وقالها: 

 - مين حضرته ؟

رهف خافت من بصته ليها وقالتله: 

-ده نادر يبقي زميلي ايام الكلية 

نادر بصلها بتسبيل وقالها: 

-بس كدة يعني مكناش بنحب بعض ولا حاجة ، اياد سمع كدة واتجنن وقالها بعصبية:

- افندم 

يعني ايه بتحبو بعض 

رهف حاولت تدوس علي الوتر بتاع الغيرة بتاعته وفرحت لما اتاكدت انه كان بيعاملها وحش كدة بس هو من جواه بيحبها لسة فبصتله وقالتله اه فعلا كنا بنحب بعض جدا مش كدة يا نادر

 

نادر قالها بهيام: 

-عيونه ايوة طبعا بس الظروف بقي خليتنا نبعد واعتقد ان الصدفة دي ممكن تجمعنا تاني مش كدة ولا ايه يا رهف 

اياد بصله بغضب ومسكه من لياقه قميصه وقاله: 

-علي اساس انها ماشية مع سوسن مش كدة ياض انت 

 

رهف حست ان اياد هيضر*ب نادر لو فضلو واقفين اكتر من كدة فقالت بسرعة: 

-طيب فرصة سعيد يا نادر يلا  بااي وشدت اياد  ومشيت بسرعة قبل ما نادر يرد 

اياد كان ماشي مش طايق نفسه متكلمش مع رهف طول الطريق واول ما وصلو للبيت بصلها وقالها: 

- انا مش عاجبك عشان لية ماضي مع البنات لكن ده عاجبك عشان ماضيه نضيف بس للاسف الحاضر بتاعه معروف لو هو ده اللي هيسعدك ربنا يوفقك معاه واتمنالك السعادة من قلبي و سابها ومشي 

ورهف فضلت باصة عليه بحزن...... 

.............

اسر ورؤي كانو قاعدين عالكورنيش ورؤي ماسكة الدرة في ايدها واسر بصلها وقالها:

-  عجبتك الخروجة يا رؤي ؟

رؤي بصتله وقالتله بفرحة: 

-ياااه بجد.اتبسطت اووي يا اسر انت مش عارف الخروجة دي فرقت معايا ازاي 

اسر استغرب وقالها: 

-للدرجادي ليه انتي اول مرة تخرجي 

رؤي اتنهدت وبصتله وقالتله بحزن: 

-عارف لما تبقي عايش مع اهلك اللي منك وتحس انك وحيد انا كنت كدة يا اسر ليا بابا دايما شايف اني كبرت ولازم اتجوز ومكنش ليه لزوم التعليم هو بس مش بيشوف غير بنت جارتنا اللي معرفش اتجوزت واللي اتخطبت واللي بقي معاها عيال ولمجرد اني تميت ال١٨ سنة ابقي كدة عنست ولازم اتجوز ميعرفش اني عندي طموح نفسي اتعلم واخد شهادة وابقي مهندسة قد الدنيا عارف سعات بحلم باليوم اللي اتخرج فيه واشوف ابويا وامي فخورين بيا ويقولولي اني كان عندي حق وان تعليمي اهم وان شهادتي هيا اللي هتنفعني وهيا اللي هتقويني بس الواقع غير كدة وبصتله سالته: 

مش كدة يا اسر

اسر اتنهد وقالها 

-عندك حق فعلا الواقع غير كدة

رجعت بصت قدامها وكملت كلامها وقالت: 

-حتي لو اخدت شهادتي برضه هيفضلو شايفني البنت اللي اتخلقت عشان تتجوز وتخلف بس وبصت لاسر وسالته بتردد:

- طيب تفتكر انا غلط يا اسر؟ 

اسر كان سرحان فيها وفي كلامها اللي لمس قلبه ومن جواه بيسأل نفسه ليه دايما بيقارن بينها وبين رانيا خطيبته ورد عليها وهو بيقوم يقف  وقالها:

- انتي صح اوعي تتأثري بكلام اهلك صدقيني لما توصلي هما سعتها هيبقو فخورين بيكي وهيتشرفو بيكي قدام الناس كلها ويعدين ما انتي برضه اكيد هتتجوزي هو انتي هتفضلي كدة لوحدك وعند الفكرة دي حس انه غيران ومضايق بس مش عارف ليه او جايز عارف بس بيكدب نفسه 

فاتكلم بهدوء وقالها: 

-يلا بينا نمشي 

رؤي حست انه اتغير فجأة واستغربت بس قامت من مكانها ومشيت جمبه بهدوء من غير ما ترد 

..............

عدت ايام وشهور وحور زي ما هيا ياسين بيتقربلها وهيا بتصده او خايفة تخليه يقرب لتتجرح 

ورهف اللي اياد كل يوم بيثبتلها بتصرفاته انه اتغير وانه جدير بيها ومع ان كلامهم قليل جدا وفي حدود الشغل الا انها مراقباه وعارفة اخباره كلها وعرفت انه مبقاش يسهر من يوم ما عرفها وبقي ملتزم في شغله وتعامله مع اي ست في حدود الشغل وبس وده خلاها تتعلق بيه اكتر واسر اللي تصرفات رانيا زي ما هيا بتثبتله انها مش هتتغير زي الانانية وحب الفلوس والمظاهر فقط وده خلاه يقرب من رؤي اكتر اللي خطفت قلبه وعقله ببساطتها وبرائتها وعفويتها اللي بتخليه هيتجنن من الغيرة عليها ومن جواه مش عارف ايه السبب بس اكيد كلنا عارفينه 

........ .... ...........

في يوم ابو حور جه من الشغل وفتح باب الشقة ودخل  ونادي علي اسر واسر كان في اوضته وخرج لما سمع ابوه بينده عليه ولقي ابوه قاعد في الصالة علي الكرسي فقعد قدامه وابوه اتكلم وقاله: 

الاب / بص يا اسر يابني انا عايزك في موضوع يخص بنت خالتك رؤي 

اسر قلق وحس بنغزة في قلبه وبص لابوه بخوف وقاله: 

-خير يا بابا في حاجة ؟

 

ابوه قاله وهو بيقلع الجاكت بتاعه بتعب : 

-خير يابني في عريس متقدم لبنت خالتك وكلمني انهاردة ومستني مني رد 

اسر كشر و اضايق وقام بسرعة وهو مش حاسس بنفسه وقال لابوه: 

-  ايه لا طبعا مستحييييل ثم شافها فين وامتي واتكلم معاها ولا ايه بقي؟

ابوه استغرب جدا تصرفاته وبصله بغموض وقاله وهو بيرجع بضهره لورا عالكرسي: 

- لا يابني ده حتي باين انه كويس ومحترم وقالي انه زميلها في الجامعة والبنت مش هتفضل كدة يعني مسيرها تتجوز 

اسر اتعصب وضغط علي ايده جامد وحس انه غيران عليها لمجرد بس انه في حد شافها في الجامعة واعجب بيها وحاول ميبينش وقال بهدوء وهو بيقعد تاني عالكرسي: 

-ايوة ايوة بس يعني هيا لسة بتتعلم 

ابوه حط ايده علي دقنه وبصله بغموض وبعدين قاله بخبث: 

-والله انا شايف طالما هو انسان كويس ومش هيمانع انها تكمل يبقي خلاص نعمل خطوبة وكتب كتاب بعد امتحانتها 

اسر ملقاش مبرر لتصرفاته ولا لرفضه فقال بضيق:

- خلاص يابابا اللي تشوفه بس انا بصراحة مش موافق عشان هيا لسة صغيرة والمفروض تكمل تعليمها الاول والموضوع ده هيشغلها عن دراستها 

 

ابوه بصله وحرك راسه شمال ويمين بيأس من ابنه ومن عنده  وقاله: 

-متقاطعش اما اشوف رأي البنت الاول مش جايز ترفض هنده عليها اسألها يا رؤي يا رؤي 

رؤي طلعت من اوضتها وقعدت جمب جوز خالتها وقالتله خير يا خالي

محمود جوز خالتها  قالها  يا بنتي  عايزك في موضوع: 

اسر كان  قاعد علي اعصابه وعمال يهز في رجله جامد  وخايف لتوافق وعايزها ترفض باي طريقة وكان مستغرب نفسه كدة ازاي 

محمود قالها وهو بيطبطب عليها: 

-في عريس متقدملك يا رؤي وانا باخد رايك يا بنتي عشان لو كدة هكلم ابوكي وامك 

روؤي اتفاجئت وبصت لاسر وابتسمت وافتكرت انه هو العريس بس اتصدمت والابتسامة اختفت اول ما محمود جوز خالتها قالها: 

-ها يا بنتي ايه رأيك هو انسان كويس وبيقؤل انه زميلك في الجامعة يعني شاب كويس وقالي انه بيشتغل مع الدراسة وعنده شقة من تعبه وشقاه 

رؤي كشرت بعد ما سمعت باقي الكلام وعرفت انه مش اسر وبصت لمحمود وقالتله:

-  لو سمحت يا خالي انا مش موافقة 

و مش بفكر في الموضوع ده دلوقتي خالص 

اسر اتنهد بارتياح وابتسم وقالها: 

- فعلا انتي عندك حق تعليمك اهم شوفت يا بابا مش قولتلك

ابوه بصله بقلة حيلة وبعدين بص لرؤي وقالها: 

-اللي يريحك يا بنتي بس برضه فكري كويس وبعدين قرري وصلي استخارة وبلغيني ردك بكرة ان شاء الله واللي فيه الخير يقدمه ربنا 

رؤي حركت راسها وقالتله: 

-حاضر يا خالي بعد اذنكو وسابتهم وقامت دخلت اوضتها واسر متابعها بعينه 

.....................

في الشركة ياسين كان قاعد علي مكتبه ومسك الفون وكلم حور وقالها: 

-حور تعالي عايزك 

حور دخلت وهيا بتتجنب عنيها تيجي في عينه وده اللي كانت بتعمله طول الفترة اللي فاتت، وقفت قدامه وقالتله: 

- نعم يا افندم 

ياسين بصلها بحزن وقالها: 

-في سفرية تبع الشغل انا هسافر اسبوع هخلص الصفقة واجي عايزك تمشي كل حاجة كأني موجود لو في اي حاجة ضروري رني عليا وانا هقؤلك تعملي ايه 

حور حست ان قلبها وجعها متعرفش ليه لمجرد انها عرفت انه هيسافر وهيبقي بعيد عنها واتكلمت بصوت مهزوز: 

-تمام يا فندم 

ياسين حس بيها وقام وقف قدامها ورفع بايده  وشها ليه وقالها هتوحشيني 

 بصتله حور وعنيها دمعت و قالتله:

- متتأخرش لو سمحت 

ياسين مسك ايديها وباسها وقالها: -مش عارف بتعملي فينا كدة ليه انتي متأكدة اني بعشقك يا حور متحرمنيش من اني اكون معاكي 

حور بصتله برجاء وقالتله وهي بتمسح دمعة هربت من عنيها  :

- سيبها للايام وهيا هتقربنا من بعض لو لينا نصيب سوا 

ياسين اتنهد بضيق وقالها: 

- ماشي يا حور اللي انتي عايزاه هعمله بس اوعديني لما ارجع تكوني فكرتي وقررتي ،

 هزت دماغها بمعني حاضر لانها حاسة انها لو اتكلمت دموعها هتفضحها وهتبين حبها و اشتياقها ليه واتفاجأت بياسين بيحضنها  جامد وهيا اتصدمت من رد فعله ورغم كسوفها الا انها كانت مبسوطة اووي وحاسة انها مش عايزة تخرج من حضنه فضلو كدة دقايق وبعدين بعد عنها وهيا بصتله وقالتله بصوت رقيق:

- هو لازم تسافر ؟

ياسين قالها وهو بيمسح دمعة من عنيها بايده: 

-ايوة لازم وضروري دي صفقة كبيرة ولازم اكون موجود بنفسي بس افهم من كدة انك مش عايزاني اسافر ؟

حورهربت من السؤال وقالتله:

- تروح وترجع بالف سلامة بعد اذنك وسابته ومشيت وهو اتنهد وقال لنفسه واخرتها معاكي يا حور 

...........

دخلت رؤي قوضتها واترمت عالسرير وعيطت جامد مش عارفة هيا بتعيط عشان كان نفسها يكون اسر هو العريس ولا عشان هو مش حاسس بيها وبحبها ليه اللي باين في عنيها مسحت دموعها وبصت لنفسها في المراية وقالت:

- لا يا رؤي كدة غلط هو واحد مرتبط متوهميش نفسك وتعيشيها في حلم لازم تفوقي نفسك ومتمشيش ورا قلبك هو لو كان بيحبك كان حتي لمح ليكي لكن هو بيحب خطيبته حتي لو هيا متستهلوش بس بيحبها لازم تتقبلي الواقع واخددت قرار انها تحاول تبعد عنه ومتتقابلش معاه كتير عشان تعرف تنساه بس السؤال هنا هو الحب الحقيقي ينفع يتنسي ؟

..............

استأذن اسر من والده ودخل اوضته وفي نفس الوقت كانت خرجت امه نبيله وقعدت جمب محمود جوزها ولقيته بيفكر وسرحان فقالتله:

- مالك يا حج فيك ايه يا خويا 

محمود حكالها علي العريس ورأي رؤي وتصرفات اسر ورأيه هو كمان وقالها: 

-مش عارف ليه قلبي بيقؤلي ان اسر فيه حاجة بس مش عارف ماله 

نبيلة ابتسمت وقالتله بفرحة انا بقي عارفة ماله

محمود استغرب وقالها ماله بقي قوليلي يمكن افهم منك

 

نبيلة قربت منه عشان محدش يسمع وقالتله:

- ابنك في محتار مع نفسه او بالظبط في خناقة  بين عقله وقلبه 

محمود مسح علي شعره وقالها:

- والله منا فاهم منك حاجة بقيتي تتكلمي بالالغاز وانا مش فاهم في ايه 

ضحكت نبيلة وقالتله: 

-هفهمك انا ابنك معجب برؤي قلبي بيقؤلي كدة وكمان تصرفاته انا ملاحظاها بس هو يا حبة عيني بيحب اللي ما تتسمي اللي معرفش اتحدفت علينا منين والله ما اعرغ  هو بيحبها علي ايه لاهي من توبنا ولا احنا من توبها بت مغرورة وشايفة نفسها عليه وهو معمي ومش شايف غيرها بس لما شاف رؤي وانها متربية وبنت اصول بقي بيقارن بينهم بس مش قادر يعترف لنفسه انه محبش الز*فتة دي وانه حب رؤي بنت اختي 

محمود  ضيق عينه وبصلها وقالها:

- يا سلام كل ده عرفتيه من قلبك ومن تصرفات ابنك ده انتي علي كدة بقي نفتحلك مدرسة 

نبيلة ضحكت وقالتله: 

- اومال ايه ده انا افهمها وهيا طايرة بس تعرف هو صعبان عليا اووي يا عين امه نفسي اكلمه وافهمه بدل ما هو تايه كدة

محمود حذرها وقالها: 

-لا اوعي تتكلمي في حاجة سبيه هو كبير وراجل وعارف دنيته ايه سبيه هو يجرب ويعرف لوحده 

نبيلة حطت ايدها علي بؤها وقالتله بلهفة: 

-عندك حق يا حج خلاص مش هتكلم ولا هفتح بوقي هقؤم بقي اعملك شاي يظبط مزاجك 

محمود مسك ايديها وباسها وقالها؛: 

-تسلميلي يا ام العيال 

.............

عدي ١٥ يوم وياسين  مرجعش وحور  شايلة الشغل بس حاسة انها بنص عقل وقلبها كله مع ياسين  واللي وجعها وقلقها اكتر انه مكلمهاش بقاله كتير وخايفة عليه وكانت حاسة انها ناقصها حاجة كبيرة اووي وكانت بتلهي نفسها بالشغل ومش بتدي نفسها فرصة تريح عشان الوقت يعدي بسرعة لحد.ما يرجعلها ، وفي يوم كانت بتبعت شغل بالفاكس وكانت مشغولة جدا وباصة في الورق بس وقفت عن اللي بتعمله لما شامت ريحة برفانه اللي عارفاها وحافظها صم........... 

البارت الثامن

 وقفت عن اللي بتعمله لما شامت ريحة برفانه اللي عارفاها وحافظها صم رفعت وشها لقيته وبقت في نفسها مش مصدقة انه قدام عنيها وانه رجعلها تاني وقلبها بيدق بعن*ف من كتر شوقها ليه  وياسين اول ما رفعت وشها جري عليها وشالها وحضنها وهيا بقت تعيط وتقؤله: 

-انت كداب قولتلي اسبوع انت انت اناني وفضلت تقؤل كلام كتير ياسين بص في عنيها 

وقالها وايده علي بؤها وقالها: 

-هشششش خلاص انا معاكي دلوقتي وانتي معايا خلاص بقي متعيطيش عشان خاطري بجد كان غصب عني سامحيني وهي جمعت نفسها وحاولت تهدي وقالتله وهي بتمسح دموعها:

- انا افتكرت حصلك حاجة

رفع وشها بايديه  وبص في عنيها وقالها: 

 - يعني وحشتك يا حور؟

 

حور سكتت ومردتش عليه وحاولت تغير الموضوع فقالتله:

- انت لازم تروح ترتاح 

ياسين مسك ايديها وقالها بحب:

- مش هرتاح الا لما تجاوبيني وتقؤليلي انك بتحبيني وعايزة تبقي معايا 

حور ابتسمت وقالتله  بخجل:

 -بابا اجازة بكرة علي فكرة بس بينام بدري هه

ياسين تنح ومكنش مستوعب وقالها : 

-انتي بتتكلمي جد يا حور يعني وافقتي 

حور هزت دماغها بمعني ايوة 

ياسين شالها ورفعها من الارض وقالها بفرحة :

- انا مش مصدق نفسي اخيرا هتكوني ليا وملكي انا هبقي اسعد راجل في الكون لما تكوني علي اسمي يا حور 

حور قالتله بخجل:

-ياسين نزلني احنا في الشركة مينفعش كدة 

ياسين نزلها وقالها بعشق:

-بكرة تبقي حرم ياسين العامري وتدخلي ايدك في ايدي يا حوري....  

............

كانت رهف قاعدة علي مكتبها وسرحانة في اياد و حاسة انها مخنوقة مش عارفة تعمل ايه الفترة اللي فاتت كلامهم مع بعض هيا واياد قليل وهو بيحاول يبعد عنها  وانتبهت علي كلام زميلتها وهي بتديها الملف بتاع الشغل وقالتلها: 

- احم بتقؤلي ايه يا دنيا معلش مخدتش بالي

 

دنيا حطت الملف علي المكتب وقالتلها: 

-بقؤلك ان مستر اياد اتغير اووي عارفة البت علا حاولت معاه ما انتي عارفة بتحب الفلوس زي عنيها بس اللي عرفته انه صدها وجر*حها جامد وسمعها كلام زي الس*م وكمان طردها مع انه معروف عنه انه مقضيها بس متعرفيش ايه اللي غيره 

رهف فرحت من جواها اووي وحست انها ظلمته وانه اتغير فعلا وان فعلا ممكن حد يتغير عشان اللي بيحبه وخصوصا لو بيحب بجد واياد طلع بيحبها بجد بس يا تري فات الاوان ولا ممكن تعرف ترجعه تاني 

.............. 

رانيا كلمت اسر وعزمته علي حفلة عيد ميلادها وطلبت منه يجبب رؤي معاه وهو استغرب بس قال يمكن فهمت اخيرا وهتصاحب رؤي بس رانيا كان في نيتها حاجة تانية واسر مكنش عارف يقؤل لرؤي ايه خصوصا انها مبقتش تتكلم معاه من ساعت موضوع العريس وده ضايقه جدا وكان بيحاول يفتح معاها كلام بس هيا كانت بتصده وحتي مكنتش بترضي تخليه يوصلها الجامعة 

وهو مش عارف ليه اتغيرت من ناحيته كدة   

..............

ممكن اكلمك في موضوع سمعت صوته رؤي وهيا بتشرب نسكافيه في البلكونة وحست انها قلبها وجعها بس كالعادة ردت بهدوء: 

رؤي /طبعا يا اسر اتفضل انا سامعاك 

اسر دخل وقعد علي الكرسي اللي قدامها وقالها: 

-رانيا عزماكي علي حفلة عيد ميلادها وطلبت مني اقؤلك واجيبك معايا 

رؤي استغربت ومكنتش حابة تروح بس محبتش تحرجه فقالتله:

-  تمام مفيش مشكلة ثواني اجهز وننزل وسابته ودخلت لبست  وراحو الحفلة فعلا وكانت جميلة وكل حاجة فيها مميزة كان  رانيا قاصدة تعمل ده عشان تعرفها انها اعلي منها ومعاها فلوس وكانت رؤي قاعدة جمب اسر علي الترابيزة ومتوترة بس كانت قمر بلبسها اللي يجنن وحجابها اللي زادها جمال بس فجاة جت رانيا وقالتلهم: 

- هااي ازيك يا رؤي

 رؤي ابتسمت و قالتلها: 

-كل سنة وانتي طيبة يا رانيا 

رانيا ردت ببرود:

 وانتي طيبة، اسر ممكن نرقص ،

 اسر بص لرؤي وبعدين لرانيا وقالها تمام ومشيو  وكانو بيرقصو ورؤي بتبص عليهم و متغاظة وعلي اخرها وحست ان رانيا قاصدة تغيظها وفجاة جه شاب وقف قدامها  وقالها: 

- ممكن ترقصي معايا 

رؤي بصتله وبصت علي اسر وهو بيرقص مع رانيا وحبت تغيظه فوقفت وقالت للشاب: 

-تمام موافقة 

 

واسر مخدش باله الا لما جم جمبه ولقي الشاب بيقرب من رؤي اووي وحط ايده علي ضهر*ها

 بطريقة اوفر ورؤي اضايقت وقالتله:

- لا خلاص مش عايزة ارقص بس الشاب فضل حضنها ومش راضي يسبها  

اسر  اتجنن اول ما لقي الشاب ده قريب من رؤي  وهيا بتعافر عشان تبعد وهو برضه مش بيسبها وراح ساب رانيا ومسك الشاب وبعده عنها وقعد يضر*ب فيه بالبو*كسات ورؤي عمالة تعيط وتحاول تبعده عنه وتقؤله: 

-خلاص يا اسر. بالله عليك سيبه بقي يلا يا اسر بس هو مش سامع ولا شايف الا الشاب وهو بيتح*رش بيها كدة ونازل ضر*ب فيه لحد ما اتلمو الشباب وبعدوهم عن بعض وهو سابهم وشد رؤي بغضب من ايدها وخدها وخرج وكل ده ورانيا شايفاهم وباصة لرؤي بحق*د وكر*ه وخرجت وراهم 

ورؤي اسر بيشدها وجاررها وراه وهيا بتعيط جامد وايدها وجعتها وقالتله اسر استني هقع راح وقف مرة واحدة ولفلها وقالها بزعيق:

- كله بسببك انتي ايه اللي خلاكي ترقصي مع الحي*وان ده 

- رؤي دموعها نزلت من كلامه وقالتله باندفاع: 

-وانت مالك انت كنت خطيبي ولا اخويا ولا حبيبي عشان تعمل كدة انا كنت هتصرف معاه لوحدي انا مش صغيرة 

اسر بصلها وقالها:

- انتي عندك حق انا مش خطيبك ولا اخوكي ولا حتي حبيبك 

رؤي حطت ايدها علي بؤها بصدمة من اللي هيا قالته وقالتله بندم:

- اسر انا انا اسفة بس هو قاطعها وقالها:

- خلاص يا رؤي، ورانيا جت نحيته بزعل مصطنع وقالتله كدة يا اسر تبوظ عيد ميلادي وعشان مين عشان الفلاحة دي وشاورت علي رؤي بصباعها من فوق لتحت

 ورؤي صعب عليها بس قالتلها  :

، انا مش هرد عليكي احتراما لاسر بس وانا همشي لأني غلطانة اني جيت من الاول وجت تمشي اسر مسك ايديها وقال لرانيا: 

-لو رؤي مشيت انا كمان همشي يا رانيا فاعتذري حالا ليها والا همشي دلوقت  

رانيا حست انها كدة هتخليه يتمسك برؤي اكتر ورؤي هتبان هيا اللي غلبانة فقالت تكسبه بطريقة تانية فعملت نفسها 

زعلانة وقالت: 

-اسفة يا رؤي واسفة ليك يا اسر ومتشكرة علي عيد ميلادي اللي مفرحتش بيه وسابته ودخلت واول ما لفت وشها ضحكت ضحكة خبيثة 

...............

حور كانت  في اوضتها وقاعدة علي الكرسي وبتفكر انه خلاص اخيرا هتكون مع ياسين  ورغم انها جواها خايفة وحاسة انها مش عارفة ده قرار صح ولا غلط بس هيا مقتنعة انها بتحب ياسين  وانه هو بيحبها وهيحافظ عليها نده عليها باباها وخرجت لقته قاعد مع امها في الصالة فقربت عليهم  وقعدت جمبه وقالتله: 

-نعم يا بابا 

ابوها  ابتسم بحنان وقالها: 

-اكيد طبعا عارفة انه ياسين  بيه اتقدملك 

حور هزت راسها بكسوف وقالتله: 

- ايوة يا يابابا 

ابوها طبطب عليها وقالها: 

-طيب يا بنتي علي خيرة الله بس برضه صلي استخارة ومش عايزك تتسرعي يا حور انا عارف ان ياسين انسان كويس بس برضه فكري يا بنتي واتمهلي في اختيارك 

  

حور حست بالخوف بس حاولت تبان طبيعية وباست ايد ابوها وقالتله: 

-اكيد يا بابا متقلقش مش هغلط غلطتي مع حازم تاني ابدا 

طبطب عليها وهو بيقؤلها: 

-ربنا يكملك بعقلك يا بنتي وامها قربت منها و حضنتها وقالتلها: 

-ربنا يجعله من نصيبك يا بنتي ويسعدك يااارب 

حور وطت و باست ايد امها وقالتلها: 

-متحرمش منك يا ست الكل ابدا 

خرجت رهف علي كلامهم وقالت خير يا جماعة ما تفرحوني معاكم 

امها قالتلها بفرحو وهيا بتشاور علي حور: 

-ياسين  بيه اتقدم لحور وهيا وافقت وهيجي بكرة ان شاء الله يتقدم رسمي 

رهف بصت لحور وابتسمت وبعدين صوتت وجريت عليها وحضنو بعض وقالتلها:

- اخيرا بقي ده انتي عذ*بتي الراجل معاكي يا شيخة

حور ردت بغرور مصطنع وهو بتعدل لياقة البيجامة:

- ايوة يا بنتي هو انا شوية ولا ايه 

رهف ضحكت وقالتلها: 

-ده ايه التواضع ده كله وضحكو الاتنين سوا حور  قالت:

- صحيح هيا رؤي فين مش باينة مش انهاردة اجازة 

امها ردت عليها وهي بتلوي وشها: 

-اه دي مع اسر في  عيد ميلاد خطيبته اللي ما تتسمي دي انهاردة وقال ايه عزماه وهو خد رؤي معاه

حور استغرب وقالت: 

-ربنا يهديك يا اسر وتفوق لنفسك في الوقت المناسب 

....... ......

رؤي قاعدة علي ترابيزة في الحفلة وبتبص علي اسر وهو مع رانيا اللي متشعقلة في ايده ووخداه وعمالة تلف علي كل اللي موجودين وده لانها  مرضيتش تنكد عليه وقالتله يلا ندخل بعد ما رانيا خطيبته زعلت ومكنتش عايزة تعمل مشكلة بينه وبينها وهو فهم كدة ودخل معاها وفضلت قاعدة مقامتش من مكانها وسرحت و ابتسمت لما افتكرت اسر وهو بيقؤلها بغيرة اوعي حد يقؤلك تعالي نرقص وتقومي فااهمة ولا تتكلمي مع اي راجل و محستش غير وهو قاعد جنبها وبيقؤلها بغضب:

- بتضحكي لمين وبيبص مكان ما هيا باصة 

رؤي ردت ببراءة: 

-لا مفيش ده انا سرحت والله غصب عني وبعدين انت هتفضل مكشر كدة 

اسر قالها بتريقة وهو بيرجع بضهره لورا عالكرسي: 

-ويهمك في ايه ما انا مش خطيبك ولا حبيبك ولا اخوكي 

رؤي بصتله بحزن وقالتله: 

-لا انت بتشيل جامد اووي انا مكنتش اقصد بجد يا اسر و بصراحة انا اضايقت اما انت سبتني وروحت ترقص مع خطيبتك وانا كنت قاعدة لوحدي ومعرفش حد هنا

اسر ضيق عينه ورف حاجبه وقالها: 

-اااه يعني عند فيا  

رؤي اتوترت من نظرته دي وخافت يكشف مشاعرها ناحيته فقالتله: 

- يعني حاجة زي كدة 

اسر بصلها وقالها بمكر: 

-  اممم يعني دي غيرة مش كدة؟ 

رؤي وشها احمر ومكنتش عارفة تقؤل ايه بس جمعت نفسها وقالتله بتوتر: 

-هو احنا مش هنشرب حاجة هنا ولا خطيبتك بخيلة 

اسر ضحك علي كسوفها وسرح في غمازتها اللي خطفت قلبه ورانيا كالعادة جت لما شافتهم سوا وقالتله: 

حبيبي تعالي نتصور سوا يلا وشدته وقبل ما تمشو حبت تغيظ رؤي وقالتله فاكر اما قولتلي قبل كدة انك نفسك تخطفني ونعيش سوا في مكان لوحدنا ومحدش يعرف طريقنا 

اسر اتوتر وبص لرؤي اللي بان عليها الزعل وكانت بتكلم نفسها

- معقؤلة للدرجادي بيحبها 

واسر بص لرانيا وقالها يلا بينا احسن ومشيو ورؤي مقدرتش تقعد اكتر من كدة وفي نفس الوقت كانت مخنوقة ومش عايزة تتكلم مع اسر لان لو بصتله بس دموعها هتخونها وتنزل وقامت مشيت بهدوء 

واسر  بعد شوية بص عليها ملقهاش اتجنن وكانو هو ورانيا لسة هيتصورو سلفي ساب رانيا ومشي بسرعة وقعد يدور عليها ملقهاش عرف انها مشيت جري وراها بسرعة وخرج ورانيا بتنده عليه وهو عقله وقلبه مش هنا مع رؤي 

.............

اياد  في بيته مخنوق حاسس ان الدنيا كلها سودا في وشه وقال بندم باين في صوته:

- ياريتني كنت زي ما بتتمني يا رهف ياريتني مكنش ليا ماضي يمكن ساعتها كنتي هتبقي معايا انا ندمان اني عرفت قبلك اي حد ياريت تعرفي اني حبيتك بجد ياريت تفهمي انك ملكتي قلبي وعقلي ياريت تديني فرصة فرصة واحدة بس وانا اوعدك عمري ما هضيعك من ايدي تاني ابدا هتبقي كفاية عليا مش عايز غير اني اكمل بقيت عمري معاكي وفضل يكلم في نفسه لحد ما فونه رن ومكنش مصدق ان اسمها اللي علي الشاشة 

ورد بلهفة :

-احم رهف ره ازيك 

رهف بشوق بتحاول تداري: 

-ازيك يا اياد 

اياد ابتسم وقالها: 

-اول مرة تقؤليلي اياد من غير مستر

ابتسمت رهف وهيا بتقعد علي السرير وقالتله: 

- جايز عشان احنا مش في الشغل

اياد كشر واتكلم بخيبة امل حستها رهف في صوته: 

- ايوة انا فاهم خير كان في حاجة ؟

رهف قالتله بفرحة: 

-انت عرفت ان ياسين هيجي يخطب حور اختي بكرة 

 

اياد قالها بحزن وهو طالع البلكونة والفون علي ودنه: 

-ايوة ياسين  قالي وفرحتلهم والله وكان نفسي افرح زيهم بس الظاهر ان ربنا بيعاقبني علي كل اللي كنت بعمله 

رهف ابتسمت و قالتله بخبث: 

-مين قال انه عقاب جايز دي قرصة ودن عشان تفوق وتلحق نفسك مش يمكن لما تتغير تنول اللي انت عايزه 

اياد فرح وحس بامل من ناحيتها وقالها:

- تفتكري؟؟ 

رهف ردت بكسوف:

-  اكيد يلا هقفل انا اكيد هتيجي بكرة مع ياسين هستناك 

اياد قالها هو بيمسح علي راسه بفرحة: 

-طبعا ده صاحبي واكيد مش هسيبه في يوم زي ده 

رهف قالتله مع السلامة وقفلت واتنهدت وحضنت الفون 

..............

خرج اسر وهو بيجري وفضل يدورعلي رؤي وعمال ينهج لحد ما لمحها وهيا ماشية بعيد وبتشاور لتاكسي راح عندها جري وقبل ما تفتح باب التاكسي كان واقف قدامها و............ 

البارت التاسع  

 

خرج اسر وهو بيجري وفضل يدورعلي رؤي وعمال ينهج لحد ما لمحها وهيا ماشية بعيد وبتشاور لتاكسي راح عندها جري وقبل ما تفتح باب التاكسي كان واقف قدامها ومسك ايديها بلهفة وقالها: 

-رؤي مشيتي ليه ومقؤلتليش ليه عشان اروحك انا 

-رؤي شدت ايديها منه و بصت في عينه بعتاب وكانها بتقؤله انت عارف السبب بس متكلمتش اتنهدت وقالتله: 

-انا وجودي ملوش لازمة يا اسر لو سمحت سبني امشي 

اسر بصلها ومتكلمش وبص للسواق وقاله:

- اتفضل انت هيا مش هتمشي وفعلا السواق مشي ورؤي بصتله بغضب وقالتله: 

-انا مش عايزة اقعد ايه هتقعدني بالعافية ولا ايه 

اسر بصلها وابتسم بهدوء وقالها: 

-طيب ممكن اروحك انا ونتمشي سوا 

رؤي ردت بضيق وقالتله: 

-طيب ورانيا خطيبتك هتسيبها انا ميرضنيش انك تعمل كدة ولو سمحت انا هروح لوحدي انا مش صغيرة يا اسر وقاطعهم دخول رانيا عليهم وهيا بتبص لرؤي بغضب وكر*ه وقربت من اسر بدلع وقالتله: 

-حبيبي سبتني وروحت فين 

اسر اتنهد بضيق وغمض عينه بغضب وقال في سره مش وقتك يا رانيا خالص  وفتح عينه وبص لرؤي اللي ابتسمت بحزن وردت هيا علي رانيا عشان تعفيه من الاحراج: 

- مفيش يا رانيا انا بس كنت ماشية وهو كان بيوقفلي تاكسي  ،  وفعلا شاورت لتاكسي وركبت وسابته واقف مع رانيا وهو من جواه نفسه يسيبها ويروح معاها وانتبه علي صوت رانيا وهيا بتقؤله: 

- يلا يا بيبي بقي ندخل  احسن الضيوف هياخدو بالهم من  غيبانا  

اسر مردش عليها اكتفي بس انه يمشي معاها بهدوء ودخلو تاني الحفلة 

................... 

تاني يوم كانت حور ورهف ورؤي قاعدين مع بعض في الاوضة وبيضحكو ويهزرو وحور كانت في قمة سعادتها لان ياسين هيجي يتقدم ليها انهاردة بليل وهما بيتكلمو فون حور رن واول ما مسكته اتصدمت اول ما لقت اسم حسام طليقها بصت للفون ورجعت بصت لرهف ورؤي  وهما استغربو خضتها دي فرهف قالتلها: 

-في ايه يا حور مالك اتغيرتي كدة مرة  واحدة هو ياسين اللي بيرن ولا ايه وغمزتلها بعنيها ورؤي ضحكت وقالتلها: 

-ايوة بقي مين قدك الله يسهلو يا ستي 

حور بصتلهم  بصدمة وقالتلهم بصوت مهزوز: 

-ده حسام  

الاتنين اتصدمو وقربو منها ورهف قالت بغضب: 

-وده عايز منك ايه تاني ده وايه اللي يخليه يكلمك 

حور ردت وهي بتقؤم من مكانها وماسكة الفون في ايدها: 

-مش عارفة تفتكري بيرن ليه وفجأة الفون رن تاني فرؤي قالت بسرعة: 

-خلاص ردي يا حور شوفيه عايز ايه وقوليله ميكلمكيش تاني  عشان عيب كدة وميصحش 

وفعلا حورت فتحت الخط وحطت الفون علي ودنها بخوف وقالت: 

-الووو،  حسام!!  ،  خير في حاجة؟

حسام اتكلم بلهفة: 

-حور ازيك عاملة ايه؟ 

حور ردت باستغراب: 

-انا كويسة، هو انت بتتصل ليه يا حسام ؟ 

حسام كان في الشارع لما اتصل بيها وده عشان يتكلم براحته بعيد عن هند مراته فقالها بحب: 

-وحشتيني وقولت اكلمك اسمع صوتك: 

حور اتصدمت من كلامه وحتي متأثرتش باي كلمة قالها وردت عليه بغضب: 

-انت اتجننت وحشتك ايه لو سمحت يا حسام متتصلش بيا تاني انت فاهم وقبل ما تقفل في وشه سمعته بيقؤلها بسخرية: 

- سبحان الله كنتي بتتمني تسمعيها مني لكن دلوقتي بقي خلاص حسام بقي وحش عشان في البديل مش كدة 

حور قالتله بغضب: 

-انت حيوا*اان وانا غلطانة اني رديت علي انسان  مريض زيك 

حسام رد بغيظ وقالها المريض ده كنتي بتتملي في جماله مش كدة ودلوقتي بقي وحش عشان ياسين بيه صاحب الملايين 

حور قالتله وهي بتقعد علي سريرها بغضب: 

-ياسين ده برقبة الف واحد من عينتك يا حسام راجل بجد مش زيك ميعرفش حاجة عن الروجولة 

حازم قالها بخبث وهو بيضحك: 

-مش اووي  كدة يا حور انا عرفت انكو لسة متجوزتوش زي ما عرفت حجات تانية تثبتلك ان ياسين مش ملاك بجناحات  ولا حاجة زي ما انتي فاكرة بالعكس  ده اسوأ 

حور قلبها دق من كتر الخوف وقالتله بتوتر وبصوت مهزوز: 

-انت تقصد ايه؟ 

ابتسم حسام لما حس انه وصل لمراده وانها ابتدت تشك في ياسين وقالها: 

-انا بس حبيت انورك احسن ما تتغشي فيه وعشان بس تعرفي اني لما قولتلك ندي علاقتنا فرصة كنت صريح معاكي وبصراحة عرفت قيمتك لما بعدتي عني 

حور قالتله بغضب ونفاد صبر: 

-اخلص يا حسام وقول اللي عندك وتقصد ايه بكلامك ده عن ياسين 

رد حسام ببرود: 

هبعتلك فيديو  حالا تشوفيه وتعرفي ان ياسين بيه اللي طالعة بيه السما مش زي ما انتي فاكرة وقفل السكة في وشها ومستناش ردها 

حور نزلت الفون من علي ودنها وهي خايفة ومرعوبة ورهف ورؤي كانه جمبها وسمعو كلام حسام كله وبصو لبعض بتوتر وبعدين بصو لحور اللي كان قلبها مقبوض وخايفة تتصدم في ياسين هو كمان وفجأة سمعو التلاتة صوت مسدچ بصو لبعض كلهم بخوف وحور اللي ايديها اترعشت اول ما الفون  رن  ورهف بصتلها وحاولت تخفف عليها التوتر ده وقالتلها وهيا بتطبطب عليها: 

-شوفي يا حور بعت ايه ومتخفيش ده اكيد كداب 

حور بلعت ريقها بخوف وفتحت الفون  واتفاجئت انه حسام بعتلها فيديو لياسين وهو قاعد  علي ترابيزة في كافيه قدام بنت لا مش اي بنت دي نفس البنت اللي قالت انها خطيبته  وكان ماسك ايديها وبيضحكو سوا وشوية وباس ايديها 

حور كانت بتتفرج علي الفيديو  ودموعها نازلة وقلبها لتاني مرة بيتجر*ح والمرادي شافته بعينها وهو بيحبها وبيتغزل فيها وكمان بيبوس ايديها  ،  رهف ورؤي حضنو حور ورؤي قالت: 

-اكيد في حاجة غلط ازاي يعمل كدة 

حور اتكلمت بهدوء وهي بتبعد عنهم: 

- لو سمحتو عايزة اقعد لوحدي محتاجةاكون مع نفسي 

رؤي ورهف بصو لبعض وخرجو بهدوء وسابوها لوحدها واول ما خرجو حور اترمت عالسرير وفضلت تعيط مش عارفة ليه دايما مش مكتوبلها تفرح كان نفسها تعيش مع ياسين ويكون هو عوضها بس للاسف شافته بعينها مع نفس البنت اللي كدب عليها و قالها انها متهموش وانه مش بيحبها وفجأة قامت وقفت ومسحت دموعها بضهر ايديها قررت انها مش هتكون الطرف الضعيف تاني ابدا وعلي قد ما  وجعها من ياسين اكتر بكتير لانها حبته بجد وحست معاه احاسيس كتير جميلة ومحستهاش مع حسام  بس خلاص هيا مش هتضعف تاني ابدا ولا هتبينله انه  خدعها 

.................. 

ررانيا كانت قاعدة في النادي مع صحبتها وبيتكلمو ورانيا بتقؤل بغضب:  

-انا مش عارفة اعمل ايه في موضوع الست رؤي اللي طلعتلي جديد دي 

ردت صحبتها بزهق وهيا بتشىرب من العصير اللي قدامها : 

-هو لسة برضه اسر خطيبك  معجب بيها 

بصتلها رانيا بغيظ وقالت وهيا بتشاور بصباعها في وشها: 

-اسمها بتلعب عليه وبعدين شاورت علي نفسها وكملت كلامها وقالت هو معقؤل برضه هيسيب رانيا الشهاوي ويعجب بالفلاحة دي  

صحبتها ردت بتأكيد وقالتلها: 

-طبعا طبعا يا روحي هو في حد في جمالك يا رورو قوليلي بس ناوية تعملي ايه معاها بقي 

ردت رانيا بخبث وقالتلها: 

-ده انا عاملالها حتة مفاجئة بس اصبري عليا 

هخليها تشيله من دماغها للابد ويمكن تسيبهم وتمشي ترجع بلادها تاني 

ردت صحبتها باعجاب وهيا بتسقف   : 

-يا سلام عليكي يا رانيا يا جامدة ايوة كدة متخليهاش تاخده منك 

ردت رانيا بسخرية وهي بتمسك كوباية العصير: 

-انا محدش ياخد حاجة بتاعتي ابدا لازم انا اللي اسيبه بمزاجي  ،  وقامت وخدت موبايلها وشنطتها وقالت: 

-همشي بقي بسرعه احسن معاد رجوع اسر من الشغل جه ولو كلمني ولقاني في النادي هيعملها  حوار وانا مش ناقصة يلا باااي

...................

بليل ياسين جه ومعاه اياد وكان قاعد مع محمود واسر في الصالون وبيتكلمو وياسين بدأ الكلام وقال: 

-انا طبعا يشرفني يا عمي اني اطلب من حضرتك ايد حور واتمني ان حضرتك توافق 

رد محمود ابو حور وقاله بابتسامة: 

-طبعا يابني يشرفني وانا مش هلاقي احسن منك انت ونعم الناس  وقاطعهم دخول نبيلة ام حور بصنية وعليها كاسات عصير  وحطتها عليةالترابيزة وهيا بتقؤل: 

-نورتنا يا ياسين يا ابني اتفضل ومدت ايدها بكاس العصير  وهو اخده منها وابتسم وقالها: 

-النور نورك يا طنط متشكر اووي وبص لابو حور وقاله: 

لو سمحت يا عمي يعني ممكن تاخد رأي حور ولو كدة نقرا الفاتحة 

ابتسم محمود ورد وهو بيقؤم من مكانه: 

طبعا يابني هاخد رأيها واجي ابلغك وقبل ما يخرج كانت دخلت حور وهيا باين عليها العياط

وقالت وهيا واقفة قدامهم: 

- خليك يا بابا انا جيت ابلغه ردي بنفسي 

ياسين بصلها بتوتر واستغرب كلامها وشكلها المرهق  اللي باين علبه العياط وقالها بقلق عليها: 

-حور انتي كويسة مالك؟ 

بصتله حور عتاب وحاولت تتماسك قدامه وقالتله بثقة: 

- انا كويسة يا ياسين  بيه انت جيت وطلبت ايدي وانا بقؤلك طلبك مرفوض واتفضل مع السلامة 

كلهم اتصدمو و بصو لبعض باستغراب وياسين كان مصدوم اكتر منهم وبيسألها بعنيه ايه اللي حصل غيرها كدة وقطع الصمت اسر اللي اتكلم بحدة مع حور وقالها بعصبية خفيفة: 

-حور عيب كدة انتي اصلا ايه اللي دخلك ولا احنا مش ماليين عينك 

بصتله حور بحزن وقالتله: 

-اسفة يا اسر بس  كان لازم ارد علي ياسين بيه بنفسي ودلوقتي اتفضل ومدت ايدها بورقة وقالتله دي استقالتي 

ياسين بصلها بغضب مكتوم وقبض علي ايده جامد بغيظ وقام بهدوء خارجي عكس البراكين اللي جواه وقال لمحمود ابوها: 

-بعد اذنك يا عمي انا ماشي وسابهم وخرج واول ما حور سمعت باب الشقة اتقفل جامد حست ان الدنيا اسودت في وشها ووقعت في الارض مغمي عليها وكلهم جريو عليها بلهفة 

واسر شالها ودخلها قوضتها ومحمود ابوها اتصل بالدكتور ونبيلة امها بقت تعيط هيا ورهف ورؤي

........................     

بعد اسبوعين كانو كلهم متجمعين في البيت وبيفطرو سوا وكانت حور بقت احسن شوية وبقت تتكلم معاهم عادي بس الحزن لسة جواها وحاسة ان قلبها مع ياسين  ومفيش وقت بيعدي الا وهيا بتفكر فيه ورغم ان كلهم حواليها الا انها حاسة بوحدة لمجرد انه هو بعيد عنها بس جر*حها منه لسة بينز*ف مش مصدقة انه طلع زي حسام هو الوحيد اللي وثقت فيه وكانت متخيلة انه عمره ما هيد*مر ثقتها فيه او يخو*نها بس للاسف هو كمان طلع كدة خا*ين واناني فاقت علي صوت نبيلة امها وهيا بتقؤلها: 

-يا حور انتي مكلتيش حاجة عشان خاطري يا حبيبتي كليلك لقمة 

حور ابتسمت بحزن ومدت ايدها تاخد السندوتش وقالتلها: 

-حاضر يا ماما 

ااسر فونه رن واول ما رن مسكه ولما شاف اسم رانيا بص لرؤي علطول وهيا حاولت  تتجاهله بس كانت مضايقة جدا واضايقت اكتر لما اسر خد الفون وطلع البلكونه وبعدها امه قالت بغيظ: 

-اهو هيفضل يرغي معاها بقي ومش هتخليه يعرف ياكل  زي كل يوم  معرفش انا بيقؤلو ايه كل ده  

ردت عليها رهف بضحك وهيا بتشرب الشاي: 

-تلاقيها عايزة تروح تشتري حاجة وعايزاه يدفع كالعادة 

اتكلمت نبيلة وهيا بتعمل سندوتش وبتديه لرؤي: 

-رؤي حبيبتي روحي ادي السندوتش ده لاسر ياكله وهو بيتكلم احسن كدة مش هيفطر 

ردت رؤي وهيا بتاخد السندوتش من ايديها: 

-حاضر يا خالتو وقامت وكل ده ومحمود بيبص لمراته وبيضحك عشان عارف بتفكر في ايه وهيا بصتله وغمزتله وضحكت 

رؤي دخلت البكونة ومان اسر مديها ضهره وبيتكلم ولسة هتنده عليه سمعته بيقؤل: 

- انا منكرش اني اعجبت بيها بس مش لدرجة الحب وانا عمري ما حسيت الاحساس ده قبل كدة ثم انا اتأكدت دلوقتي اني محبتش غيرها 

لا لا فعلا رانيا دي حاجة تانية خالص وبيلف لقي رؤي وراه والدموع في عنيها  نزل الفون  علي ودنه وقالها بتوتر: 

-رؤي انا يعني وقطعت كلامه وهيا بتمد ايدها  بالسندوتش وقالت: 

خالتو قالتلي اديلك ده وسابته وجريت علي جوة ودخلت اوضتها وقفلت الباب عليها ووقفت وراه وفضلت تعيط بحر*قة وهيا بتقؤل لنفسها: 

-تستاهلي يا رؤي عشان قولتلك ابعدي عنه ده بيحب خطيبته وانتي مشيتي ورا قلبك اهو داس عليه بجزمته ومكنتيش اكتر من مجرد اعجاب لكن قلبه وكيانه مع  الانسانة اللي حبها 

...................... 

رهف راحت الشركة ودخلت مكتب اياد وخبطت ودخلت وهو اول ما شافها قام بسرعة وراح ناحيتها وقالها بلهفة: 

-رهف طمنيني عليكي انتي كويسة   تعالي اقعدي 

رهف بصتله  وقعدت علي الكرسي واتكلمت بهدوء: 

-كنت عايزة حضرتك في موضوع لو مش هعطلك 

اياد استغرب طؤيقتها وقعد قدامها وقالها: 

-في ايه مالك وكنتي غايبة ليه الاسبوعين اللي فاتو انا  كنت هتجنن  وعدل كلامه وقالها احم قصدي احنا يعني قلقنا والشغل كان متعطل 

ردت رهف وهيا بتديله ملف: 

- اولا اسفة ان الشغل اتعطل ثانيا   ده ملف الصفقة الاخير وفي الملف ده ورقة استقالتي  

لاني هسيب الشغل 

اياد اول ما سمع كدة اتجنن  وقام وقف بعصبية وقالها: 

-ممكن اعرف ايه اللي حصل لكل ده وبناء علي ايه بتقدمي اسنقالتك. 

رهف قالتله بعصبية وهي بتقوم من مكانها هيا كمان وبتقف قدامه:

-االلي حصل اني لا يمكن هكون السبب في تعاسة اختي ومينفعش افضل شغالة عند الراجل اللي جر*حها وخانها وداس علي كرامتها 

اياد بصلها باستغراب وقالها: 

-خانها!!  ياسين خانها؟ 

ردت رهف بسخرية وهيا بتربع ايديها:

-والله معرفش ابقي اسأله ولا تسأله ليه ما تلاقي انت اللي مظبتله المواعيد ما انت خبرة  في الحجات دي 

اياد بصلها بغضب وشاور بصباعه قدام وشها وقالها بتحذير  : 

 ررررهف الزمي حدودك معايا ومتسوقيش فيها انا متملك نفسي بالعافية 

بصتله رهف بضيق ورمت الملف عالمكتب ومشيت وبعد. ما خرجت اياد كان باين عليه الغضب و ضر*ب علي المكتب بايده جامد 

وخرج وراها وراح علي مكتب ياسين 

................. 

في مكتب ياسين كان قاعد علي مكتبه وقدامه ملف مفتوح بس هو كان  عقله في مكان تاني حاسس انه مجر*وح ومن مين من الانسانة اللي ملكت قلبه مش عارف  ليه عملت معاه كدة وازاي جر*حته قدام اهلها وطردته بالشكل المهين ده وازاي قدرت تعمل ده مع انه شاف حبها ليه في عنيها وشاف خوفها ولهفتها عليه لما كان غايب عنها مسح علي وشه بغضب وفك الجرافتة بضيق وشوية وسمع الباب خبط ودخل عليه اياد وقاله........

البارت العاشر 

دخل اياد ووقف قدام ياسين وقاله باستغراب: 

-ممكن بقي تفهمني موضوع خيا*نتك لحور دي ومن امتي احنا بنخبي علي بعض حاجة يا ياسين 

ياسين بصله باستغراب وقام من مكانه وقاله بغضب: 

- خيا*نة ايه اللي بتتكلم عنها يا بني ادم انت انا مش فاهم منك حاجة 

بصله اياد بسخرية وقاله وهو بيحط ايده في جيبه: 

-والله ده مش كلامي ده كلام اختها وبعدين شاور بصباعه قدام وش ياسين وقاله انت خليتها رجعت تعاملني زي الزفت تاني  بسببك بعد  ما كنت خلاص حاسس انها  موافقة علي ارتباطنا 

ياسين مكنش مركز في اي حاجة غير كلمة اياد لما قاله انه خا*ن حور بص لاياد وبعدين مسكه من ايده وقعده عالكرسي قدامه وقاله احكيلي كل حاجة بالتفصيل ورهف اختها قالتلك ايه بالظبط 

اياد اتنهد وقاله كل اللي حصل  رهف جاتلي مكتبي من شوية وكان معاها ملف اخر صفقة ومعاهم استقالها ولما زعقت وقولتلها ليه كل ده قالتلي انها مينفعش تشتغل عند الراجل اللي جر*ح اختها وخانها  ولما استغربت وسألتها ازاي  ،  شاور علي نفسه وكمل وهو بيقؤل اتهمتني اني انا اللي كنت مظبتلك كل حاجة وسابتني ومشيت بس ده كل اللي حصل يا سيدي 

- ياسين كان ماسك دقنه وبيفكر في كلام اياد وبعدين قاله  بهدوء: 

-انت معاك رقم رهف اخت حور؟ 

رد اياد باستغراب وهو بيطلع فونه: 

-اه معايا  بس ناوي علي ايه 

مسك ياسين فونه وفتحه وقاله: 

-هقؤلك علي كل حاجة بس اديني الرقم بسرعة قبل رهف ما تروح...... 

....................... 

كانت رؤي في الكلية وبعد ما خلصت محاضرتها وخرجت  سمعت شاب بينده عليها وهو بيقرب منها استغربت ووفقت وقالتله: 

- افندم حضرتك تقصدني انا؟ 

رد الشاب بابتسامة وهو بيهز راسه: 

-ايوة انتي يا رؤي انتي مش عارفاني؟ 

هزت رؤي راسها وقالتله  : 

-متأسفة بس لا معرفكش 

ابتسم ومسح علي شعره وقالها بهدوء: 

-انا زميلك هنا في الجامعة وكنت طلبت ايدك من استاذ محمود وبصراحة محبتش اكلمك  الاول وقولت ادخل البيت من بابه لاني بصراحة عجبني اخلاقك جدا  

ااتحرجت رؤي وبصت في الارض ومكنتش عارفة تقؤله ايه وهو لاحظ واتكلم هو وقالها: 

-انا اسف اني وقفتك دلوقتي بس كنت حابب اعرف سبب رفضك ليا يعني انتي حتي مدتيش نفسك فرصة تعرفيني  ،  وكمل كلامه بتوتر وقالها ولا في حد في حياتك يعني ممكن تصارحيني 

اتوترت رؤي وبصتله بكسوف وقالتله: 

-انا اسفة اوي بس صدقني انا مش بفكر في موضوع الارتباط ده دلوقتي يعني مش رفضتك لصفة شخصية  و حضرتك محترم جدا وده باين من كلامك او ان في حد تاني بس حقيقي انا مش عايزة ارتبط دلوقتي خالص

فرح جدا الشاب وابتسم وقالها: 

-انا كنت خايف ليكون في حد تاني في حياتك بس طالما كدة يبقي مش هفقد  الامل  وهنتظرك بعد اذنك وسابها ومشي وهيا اتنفست بارتياح وحست انها كدة ظلمته والمفروض كانت قالتله ان قلبها مع حد تاني بس للاسف واتفاجأت باسر وهو بيمسكها من ايدها جامد وبيشدها عليه وبيقؤلها بغضب: 

-مين اللي كنتي واقفة معاه وعمالة تضحكيله كدة 

رؤي قالتله بدموع  وو*جع من مسكته ليها : 

-ااه اسر ايدي لو سمحت وجعتني سيبني 

اسر اتنفس بغضب وخفف مسكته ليها وشدها ومشيو سوا لحد ما وصله كافيه وساب ايديها وقالها اقعدي  وهيا قعدت وهي بتعيط واسر شاف دموعها اتجنن اكتر وقالها: 

-انتي بتعيطي ليه دلوقتي ممكن افهم 

ردت رؤي وهيا بتمسح دموعها: 

-عشان انت جر*حتني وحرجتني وسط الناس كاني عملت عاملة 

اتنهد اسر وحاول يتحكم في نفسه وقالها وهو بيمسك ايديها: 

-اانا اسف بجد يا رؤي بس انتي متعرفيش انا كنت عامل ازاي اول ما شفتك واقفة مع الشاب 

كنت هتجنن وهاين عليا اروح اخطفك من قدامه 

رؤي كانت بتسمع كلامه وباصة علي ايده اللي حاضنة ايديها وقلبها بيدق جامد وخدودها احمرت من الكسوف ونسيت كل حاجة واي حاجة كانت مبسوطة انها  معاه  بس للحظة افتكرت كلامه عن رانيا خطيبته وانه احساسه من ناحيتها هيا مجرد  اعجاب وفرحتها واتحولت لحزن وشدت ايدها منه وقالتله بحدة: 

-و بصفتك ايه تعمل كدة يا اسر؟  انت اصلا ايه اللي دخلك في حياتي انا حرة اعمل اللي انا عايزاه وقامت وقفت وبعدين كملت  لو سمحت ملكش دعوة بيا بعد كدة وخليك انت في  حياتك وخطيبتك اللي بتحبها  وسابته ومشيت ودموعها سابقاها 

واسر كان قاعد وحاسس انه مخنوق معقؤلة هيا كلمته كدة كان عقله بينبهه ان طريقتها وكلامها ليه علاقة بالشاب اللي كان معاها وفجأة وقف بغضب لما اتهيئلو ان رؤي ممكن تكون بتحب الشاب ده وعلي علاقة بيه وعشان كدة اضايقت انه ادخل بينهم وخد بعضه ومشي و هو خلاص اتأكد انه بيحبها ولا يمكن هيسيبها تروح منه 

............................

في كافيه تاني كانت قاعدة رهف وقصادها ياسين واياد وكانت رهف بتبص لياسين بغضب وقالتله 

-خير حضرتك طلبتني ليه يا مستر ياسين اعتقد انا قدمت استقالتي  وخلاص 

رجع ياسين بضهره عالكرسي واتكلم بهدوء وقالها 

-لو سمحتي يا رهف ممكن تقؤليلي ليه قولتي لاياد اني جر*حت اختك واني كمان خا*ين؟ 

اتوترت رهف وبصت لاياد بغيظ وبعدين بصت لياسين وقالتله: 

-ايوة مش ده اللي حصل ثم انت جايبني هنا عشان تحاسبني علي كلامي علي فكرة انا مش ندمانة اني قولت كدة لان حور مكنتش تستاهل منك كدة ابدا يا استاذ ياسين 

ياسين حاول يتحكم في اعصابه وقالها وهو بيضغط علي ايده: 

- بصي يا رهف انتي اكيد بتحبي اختك بس اللي عايزك تعرفيه ان من  الواضح كدة ان حور وانا كنا ضحايا لعبة قذ*رة اتعملت علينا لاني مخنتهاش ولا اعرف اللي بتتكلمي عنه ده اصلا 

رهف كشرت باستغراب وبعدين قالت بتلقائية:  

- ازاي وانا شوفتك بعيني في الفيديو؟!!!! 

ياسين بصلها بغموض واتاكد ان كدة في لعبة اتعملت عليهم وقالها وهو بيقرب منها: 

-عايزك تحكيلي كل حاجة حصلت بالتفصيل ومتنسيش حاجة عشان اقدر اعرف مين ورا الموضوع ده 

رهف بصتلهم وبعدين هزت دماغها بايوة وابتدت تحكي كل حاجة حصلت من اول مكالمة حسام وكلامه مع حور  لحد ما قالها عالفيديو وشافته مع البنت في الكافيه يوميها 

وطلعت رهف الفون من شنطتها وهيا بتقؤلهم: 

-حتي معايا الفيديو علي فوني وفتحته ومدت ايدها بالفون  لياسين وهو خده منها واتفرج عالفيديو وبعدين ابتسم وفهم كل حاجة..

استغرب اياد وضيق عينه  و قاله: 

-هو انت بتضحك علي ايه يا ياسين ما تفهمني 

ياسين قفل الفون وحطه عالترابيزة وبعدين اتنهد وقالهم 

-هفهمكو كل حاجة واللي انا متوقعو كمان  و لازم نتفق علي كل حاجة..... 

....................

روحت  رهف ودخلت اوضة حور بفرحة وهيا شايلة فساتين وكانت حور قاعدة عالكرسي بتقرأ رواية،  دخلت رهف وحطت الفستان عالسرير وقربت من حور ومسكت ايديها وخلتها تقف وشدتها ناحية الفساتين وهيا بتقؤلها  :

-  حور حبيبتي بصي الفستان القمر ده شكله يجنن ولونه تحفة 

حور استغربت وقالتلها وهيا بتمسك الفستان وبتتفرج عليه: 

-ايه ده يا رهف لمين ده وبمناسبة ايه؟ 

رهف قرصت حور من خدودها براحة وقالتلها:

- ده فرح واحدة صحبتي وحبيبتي ولازم تحضريه معايا ولا عايزة اختك حبيبتك تكون لوحدها 

ابتسمت حور وحضنت رهف بحب وقالتلها بصوت حزين: 

-لا طبعا ميرضنيش خلاص هروح معاكي بس بشرط 

فرحت رهف وسقفت وقالتلها اؤمري طبعا واتشرطي براحتك: 

حضنت وش رهف بايدها واتكلمت والدموع في عنيها: 

-انك ترجعي الشغل تاني يا رهف انا عارفة انك روحتي انهاردة عشان تقدمي استقالتك عشان خاطري يا حبيبتي لو بجد عايزاني ابقي مبسوطة تروحي بكرة تسحبي الاستقالة وترجعي شغلك تاني 

رهف طبطبت علي حور وابتسمت وقالتلها: 

-حاضر يا  حبيبتي لو ده اللي هيريحك  هعمل كدة  وبعدين سقفت بحماس وقالتلها بصي بقي الفرح بكرة بليل عايزين انهاردة نظبط نفسنا ونبقي قمرات بكرة ماشي 

ضحكت حور بخفة علي طفولة اختها وقالتلها ماشي يا ستي يلا بينا  وافتكرت حور حاجة وبعدين قالت اه  صحيح  هناخد رؤي صح؟ 

بصتلها رهف وهيا بتضيق عنيها  وقالتلها 

-طبعا يعني هسيبها دي روؤة حبيبتي ده حتي انا جايبلها فستان  زينا عشان نبقي جامدين  كلنا  وضحكو سوا هما الاتنين 

..................... 

تاني يوم بليل 

كانت رهف وحور ورؤي في القوضة وبعد ما لبسه كانه قمرات هما التلاتة  

رؤي كانت لبسة فستان بينك هادي زيها مع طرحة نفس اللون وميكب خفيف مع لون عنيها كانت قمر 

ورهف كانت لبسة فستان لونة بيبي بلو ومسيبة شعرها الكيرلي مع بشرتها البيضة كانت جميلة جدا 

وحور اللي كانت لبسة فستان لونه اوف وايت  مع شعرها الطويل  وعنيها الزرقاء كانت ملاك فعلا عسل اووي 

بصو التلاتة لبعض باعجاب وبعدين خرجو وكانت نبيلة ومحمود  لبسين وقاعدين منتظرين  فحور استغربت وشاورت عليهم وهيا بتقؤلهم  : 

-ايه ده انتو كمان رايحين الفرح زينا؟ 

نبيلة قربت منها وهيا بتعدلها الفستان   وقالتلها  : 

-اه يا حور ده صاحبة رهف اوووي وحبيبتي لازم اروحلها وكمان مامتها حبيبتي مينفعش مروحش وحاولت تغير الموضوع وقالت بسم الله ما شاء الله زي القمر يا بنات ربنا يحفظكم يارب ونزلو كلهم مشيو و اول ما وصلو نزلت حور من العربية لقت ياسين قدامها....... 

البارت الحادي عشر والاخير 

اول ما وصلو ڤيلا ياسين وحور نزلت من العربية لقت ياسين واقف مستنيها  بصتله بحزن  وبعدين بصت لابوها وقالتله بدموع: 

-احنا جايين هنا ليه يا بابا وبصت لرهف وقالتلها انتي كدبتي عليا يا رهف عشان تجيبيني لياسين مش همك اختك واللي عملو فيها 

ياسين بصلها بشوق لانها كانت وحشاه اووي و قرب منها وقالها  : 

-ممكن تسمعي مني يا حور وبعد كدة القرار اللي هتاخديه انا مش هعترض عليه 

ردت حور بعياط وهي واقفة قدامة و بتشاور عليه: 

-انت  كداب يا ياسين وانا مش ممكن هصدقك تاني كلكم زي بعض وانا اللي كنت  غبية لما صدقتك افتكرتك غيره وانك هتبقي مخلص ليا بس انت ضحكت عليا زي ما هو ضحك عليا  ومسحت دموعها بعن*ف وكملت وقالتله انا مش مسامحاك علي وج*ع قلبي 

ياسين بصلها وكانت الدموع متحجرة في عينه وقلبه حزين عشانها وعشان هيا شايفاه وح*ش كدة 

وقرب منها ابوها واخدها في حضنه  وقالها بهدوء: 

-اسمعيني يا حور انا عمري ما هرخصك ابدا يا بنتي بس ياسين مظلوم اسمعي منه الاول وبعدين احكمي عليه متخليش عواطفك هي اللي تتحكم  فيكي  ومتخفيش من اي حاجة انا جمبك وبعد ما تسمعيه لو قولتيلي يلا يا بابا  وانا مش عاوزاه صدقيني هاخدك ونمشي  فورا ماشي يا حبيبتي 

- حور مسحت دموعها بايديها و هزت راسها باه وقالتله: 

-ماشي يا بابا  اللي حضرتك شايفه 

وسابوها كلهم ودخلو الفيلا وكانت الناس كتير جدا والڤيلا متجهزة للفرح كويس اووي وراحو قعدو علي ترابيزة و كانت رؤي قاعدة جمب خالتها نبيلة ومحمود جوزها ورهف قامت من مكانها و قالتلهم: 

-هروح اجيب عصير احسن عطشانة جداا وسابتهم ومشيت  وفجأة جه اسر وقعد معاهم عالترابيزة وقال لابوه  بدون مقدمات: 

-بابا انا عايز اخطب رؤي 

رؤي بصتله وتنحت وحست انها سمعت غلط وبصت لخالتها عشان تأكد لها انها سمعت صح 

فابتسمت نبيلة وقالتله وهيا بتطبطب علي ضهر رؤي: 

-يا زين ما اخترت يابني هو في احسن من رؤي وبعدين قربت من جوزها محمود وقالتله بصوت واطي مش قولتلك ان اسر بيحب رؤي عشان تبقي تصدقني بقي بعد كدة  وضحكت جامد 

محمود ضحك وقالها: 

بصراحة انا كنت خايف احسن يفضل مع البت دي ويضيع رؤي من ايده وسعتها افتكر خطيبة ابنه وبص لاسر وقاله 

 باستغراب: 

-طيب وخطيبتك يا اسر يابني قاطعه اسر وهو بيقؤم وبيقف جمب رؤي  وقال: 

-انا خلاص سبت رانيا يا بابا وبص لرؤي  وقال وهو بيقعد جمبها وبيقرب منها: 

-انا اكتشفت اني مكنتش بحب رانيا بالعكس  انا مكنتش اعرف يعني ايه حب  غير لما قابلت رؤي  

رؤي بصت في عينه بخجل وبعدين بصت بعيد عنه وابتسمت وقلبها كان بيدق جامد وكانت فرحانه انه اخيرا اسر طلع بيحبها زي ما هيا بتحبه  وافتكرت كلامه في البلكونةو حبت تتأكد من حاجة ولفت وشها ليه تاني وسألته وهيا مكشرة: 

-اومال  ازاي كنت بتكلم في الفون وبتقؤل انك اتأكدت  انك محبتش غيرها وان رانيا حاجة تانية وانك عمرك ما حسيت كدة مع حد 

اسر بصلها وابتسم لما حس بغيرتها عليه واتأكد انها هيا كمان كانت بتحبه وقرب منها و همس في ودنها: 

-ده كان واحد صاحبي اللي بكلمه وكنت بتكلم عنك مش عن رانيا علي فكرة وكنت بقؤله اني محستش اللي حسيتو معاكي قبل كدة وان رانيا كان اعجاب مش اكتر  لكن انا  محبتش غيرك يا رؤي 

رؤي اتوترت وقلبها دق جامد وخدودها احمرت ودورت وشها وهيا بتبتسم بخجل  

اسر ضحك جامد  عليها  وبعدين  قالها  بحبك 

.......................

كانت رهف عمالة تدور بعينها علي اياد ومش لقياه لانها كانت نفسها تقؤله حاجة ولما ملقتوش اتخنقت ونفخت بضيق وقالت  يبقي مجاش عشان ما يشوفنيش وراحت مكان هادي كدة بعيد عن الناس  شوية ودموعها خانتها ونزلت حاسة انها اتسرعت وانها كان لازم تديله فرصة وهيا بتعيط سمعت صوت اياد وراها بيقؤلها:

 

-معقؤلة العيون دي تبكي

 

رهف بصت وراها بلهفة اما سمعت صوته وابتسمت وحست من فرحتها انها عايزة تحضنه وقالتله وهيا بتقرب منه:

- افتكرتك مش هتيجي 

اياد قالها وهو بيزيح خصلة شعرها اللي نازلة علي عنيها: 

-مقدرش مجيش ومشوفكيش يا رهف وفضل باصص في عنيها 

رهف اول ما قالها كدة عيطت  وقالتله: 

- يعني جيت عشاني ؟

اياد مد ايده ومسح دموعها بطرف صوباعه وقالها: 

-يعني انتي بتعيطي عشاني ؟ 

بصت في عينه وملامحه اللي وحشتها اوي وقالتله: 

-مش هعرف اخبي عليك يا اياد اكيد باين في عيني 

اياد  اتنهد  بحزن واداها ضهره وغمض عينه بالم وقالها: 

- وليه عاملة فينا كدة واحنا ممكن نبقي اسعد زوجين 

رهف ابتسمت وقالتله: 

-توعدني تفضل تحبني ومتسبنيش

 

اياد لف بفرحة ومسك ايدها وقالها بحب: 

-اوعدك تفضلي في قلبي لحد ما اموت 

رهف حطت ايديها علي شفايفه وقالتله بخوف:

 ،-بعد الشر عليك عشان خاطري متقؤلش كدة تاني 

اياد غمزلها بعينه وقالها: 

-خايفة عليا ؟

رهف بصتله بخجل وهيا بتشد ايدها منه وبتقؤله: 

- وان مكنتش اخاف عاللي هيبقي زوجي قرة عيني هخاف علي مين .

اياد ابتسم ومسك ايديها وباسها وقالها : 

-بحبك اووي يا رهف 

ورهف بصتله بعشق وقربت من ودنه وقالتله وانا كمان بحبك يا اياد  

.......................... 

 ياسين اخد حور و قعدو في ضهر الفيلا  عشان يبقو براحتهم  واتكلمت حور بحزن وهيا بتقعد علي الكرسي: 

-اتفضل سامعاك 

قالها ياسين وهو بيقعد قدامها : 

-قبل ما اقؤل اي حاجة عايزك تعرفي اني عمري ما اقدر اخو*نك لاني حبيتك بجد يا حور واتنهد وبعدين قالها اللي شفتيه في الفيديو صح  بس مش الحقيقة كلها  لان يوميها هند كلمتني وقالتلي انها عايزة تقابلني  وفعلا قابلتها وقالتلي انها بتعتذر مني علي اللي عملته يوم الحفلة وكمان هيا خلاص بتعتبرني اخوها وانها فرحانه  اني لقيت الانسانة اللي حركت قلبي ناحيتها  ، وبعدين ياسين مسك ايد حور وبص في عنيها وقالها: 

- صدقيني ده اللي حصل وطبعا كرد فعل مني بوست ايدها وقولتلها اني مبسوط انها اخيرا فهمت مشاعري ناحيتها مش اكتر من اننا اخوات وقرايب بس واول ما شوفت الفيديو وعرفت بمكالمة حسام ليكي عرفت سعتها انهم كانو متفقين سوا عشان يبعدونا عن بعض وفعلا لما جبت حسام وظبته اعترف علي هند 

حور كانت بتسمعه ودموعها  نازلة مش مصدقة انه طلع مظلوم يعني فعلا بيحبها ومخنهاش بصتله بدموع وياسين قرب منها ومسح دموعها بايديه وقالها وهو بيحضنها: 

-محبتش ولا هحب غيرك يا حور وعمري ما افكر اخونك لاني ما صدقت لقيتك ومش غبي عشان اضيعك من ايدي تاني 

حور لقت نفسها بتحاوط رقبته بايدها وبتحضنه وهيا بتعيط لانها مكنتش متخيلة انها ممكن تعيش من غيره 

فجأة ياسين بعد عنها ونزل علي ركبة واحدة وقالها وهو ماسك ايديها:

-  حور تقبلي تتجوزيني وتكوني شريكة حياتي 

حور بدموع ابتسمت وهيا حاطة ايديها علي بؤها وهزت دماغها وقالتله اه 

قام ياسين بسرعة حضنها ولف بيها وهو بيقؤل  بصوت عالي بحبببببك  .

تمت

اتمني متبخلوش عليا بكومنت تقؤلو رأيكم في البارت الاخير و انتظرو  روايتي الجديدة اول يوم رمضان وكل سنة وحضراتكم  طيبين ورمضان كريم عليكم كلكم يارب 

بقلمي_اسراء_ابراهيم

تعديل المقال