 |
مختل عشقيا
البارت الاول والتاني
مع اشراقه الشمس وحرارتها اللاهبة في منتصف الصيف....تململت في الفراش وهي تسمع صوت زوجها ينادي بأسمها ويتحدث لها....
وضعت الوسادة علي رأسها وهي تعاود النوم ، تتأفف من تسلط الضوء عليها...
بينما زوجها يقف امام المرآه يهندم الكراڤت الخاصة به وقد يأس ان تستفيق زوجته وتحادثه قبل ذهابه للعمل....
ارتدي حذائه اللامع وهندم خصلاته ...استعد للذهاب الي العمل وهي مازالت نائمه!!
اتجه نحو فراشها ليهزها برفق قائلا...
-رنا ..انا رايح الشغل لما تصحي كلميني....
رفعت يدها عاليا فجأة ليرجع الي الخلف بريبه...ثوان وحركت يدها يمين ويسار بوضع الوداع لتقول بصوت ناعس...
-مع السلامه يا حبيبي اقفل الستاير وارفع درجة التكييف ...
زفر بسخريه ليقول ..
-ستاير...الله يرحم شهر العسل الفطار والهدوم المتحضره...شكلي اخدت مقلب!!
خرج بعد ان طبع قبله علي وجنتها وخرج سريعا بينما هي مازالت تغط في نوم عميق اغاظه بشده .....
..........
بعد ساعه من النوم استيقظت علي صوت جرس هاتفها المتواصل ...
وضعت الهاتف علي اذنها بعد ان رأت اسم صديقتها...
-الو يا لوجي !!
-لوجي ايه و هباب ايه ...الهانم نايمة وانا هتنقط مستنياكي !!...
-ايه يابنتي !! اهدي في ايه ؟!
-يانهارك مش فايت وكمان نسيتي !!!...
اعتدلت رنا وهي تفرك عيناها بحنق لتردف...
-يابنتي وطي صوتك اللي زي العرسة ده وفهميني نسيت ايه بالضبط ؟!...
-هعيط منك بجد ..انهارده هعمل بروفه لفستان الفرح ،، انا وانتي ياهانم فرحي اللي هو بعد بكره ولا نسيتي ده كمان يا صديقه العمر !!...
خبطت علي رأسها بحرج لتردف...
-اوبس !! والله تاهت مني دي اصل امبارح شديت مع خالد عشان بيغظني وفضلت سهرانه اناكف فيه ؛ ده انا حتي نمت والله ومشفتهوش وهو نازل وزمانه اتشل مني !!...
-خلاااااص الله يهدك انتي وسي خالد افضلي احكي قصه حياتك وضيعي المعاد...بنت انتي قدامك بالظبط 15 دقيقه وهكون تحت البيت تبقي جاهزة انتي فاهمه !!
اغلقت الهاتف بينما ضحكت رنا علي توتر صديقتها ...انتفضت من الفراش لتدلفت سريعا الي المرحاض تلقي بالماء علي وجهها وتأخذ لمحه الي نفسها في المرآه...
ضحكت لتردف في نفسها...
-الحمدلله اني مصحتش ل خالد وشافني الصبح وانا شبه عم برعي كده !!
اسرعت الي خزانتها ترتدي اول فستان رأته واخرجت حجاب رقيق مناسب للونه ....
كل هذا لم يوقف محاولاتها في مهاتفة زوجها لتخبره بخروجها ....
انقطع الاتصال دون جدوه مره واثنان وثلاثة ...قذفت الهاتف بغيظ علي فراشهم لتردف...
-بقي كده مش بترد عليا طيب يا خالد انا بقي هنزل وزي ما تعمل اعمل !!
..............
في مكان عمل خالد....
دلف الي اجتماع مع مديره و زملاءه وترك هاتفه بالمكتب ولم ينتبه اليه ....ظل عقله مشغولا بزوجته الجميلة المجنونة وما فعلته به بالأمس بعد ان مازحها بانه يبحث عن زوجه جديده تعوضه " الدلع " علي حد قوله ...
كان يحارب ابتسامته فقد اذاقته المر ليله امس من وسائد واشياء تقذفها اليه الي امتناعها عن تحضير العشاء وغيره كمعاقبه له علي اقواله....
................
في المول.....
-يوووة بقي ممكن تفردي وشك ده شويه اكيد مسمعش التلفون يا رنا مش جريمه !!
ولا انتي زعلانه بجد عشان جينا مع خطيبي واخويا انا قولتلك انهم بيعملوا بروفه علي البدل بتاعتهم في نفس المول ومتوقعتش ان هيبقي في مشكله !!...
اردفت لوجي بحنق من عبوس صديقتها ....لتردف رنا بغيظ...
-لا يا لوجي عمره ما عملها انا متأكدة انه بيعاندي عشان امبارح...
واصلا مش زعلانه اللي حصل حصل جينا وخلاص بس انا متأكدة انه هيتضايق ، وعارفه بقي يتحرق ....
-لا بجد انتوا تبقوا تافهين اوي لو دي خناقتكم !! ...
-يلا مش هفكر فيه اصلا وريني الفستان تاني كده ....
اتسعت ابتسامه لوجي وهي تدور بفستان العمر للمرة الالف لصديقتها ...
ضحكت رنا علي سعادة صديقتها وتركتها لارتداء فستان العرس السواريه الذي اختارته لها لوجي لتحضر به زفافها ....
................
في مكتب خالد....
خرج خالد من اجتماعه ليجد 15 مكالمات من زوجته ...قلق وامسك الهاتف يحادثها سريعا...
رن مره واثنتان وفي الثالثة رد عليه صوت انثوي مألوف له ولكن ليس بصوت زوجته .....
توترت لوجي عندما تكرر اتصال خالد علي هاتف رنا ولم تستطع الابتعاد واخبارها وهي بين يد الخياطه....
اتخذت قرار حتي لا تزداد فجوه خلافهم و فتحت الهاتف...
-الو يا استاذ خالد . .
-احم الو مين معايا ؟
-انا لوجي انتيمه رنا ...
-ايوة ايوة ازي حضرتك ..مبروك علي الفرح مقدما...
ضحكت لوجي لتردف...
-الله يبارك فيك ميرسيي جدا ....
-اومال فين رنا ؟
ردت لوجي بكل عفويه...
-بتقيس الفستان جوا وانا مش عارفه اناديها عشان بظبط فستاني انا اسفه والله بس قلت ارد عشان حضرتك تطمن....
شحب وجهه ليردف بهدوء وغضب غفلت هي عنه...
-انتو مش في البيت ؟
-لا احنا في مول......في محل.....للعرايس....
-طيب تمام ابقي قوللها تتصل بيا ...مع السلامه....
-مع السلامه !!
............
شهقت لوجي عندما ضربت الخياطة المقص بشكل خاطئ فتمزقت قطعه من القماش ....
-يانهار اسوووود !!
كادت لوجي تقتل الخياطة بعد ان اجتمع الجميع ورنا حولهم لمصالحاتهم و تهدئه الامور .....
ربتت رنا علي ظهر صديقتها الباكيه لتردف ....
-ممكن تهدي بقي والله هيتصلح ومش هيبان اصلا انتي موتره نفسك ليه بس !!
جففت لوجي دموعها عندما اتصل خطيبها يستدعيها للخارج فقد اشترطت عليه عدم الدخول ورؤيه فستانها لأنه فال سيء ...
بعد ان انهت المكالمة نظرت الي رنا....
-تعالي ناكل ونرجع تاني عشان مستنينا برا ...
رنا برفض فلا حاجه الي زياده اخطاءها يكفي ما سيفعله بها خالد ان علم انها خرجت من الاساس....
-لا انا مش جعانة روحي انتي اصل.....
-رنا بليز مش اللي هنعيده هنزيده ده مجرد اكل مش هتبقي انتي والخياطة !!
قاطعتها لوجي بحنق فتنهدت بقله حيله وتبعتها رنا ...اتجه الاربعه الي قسم الطعام في المول....
اما خالد فقد استأذن من عمله واخذ سيارته وهو عاقد النية علي قتلها .....
لا يصدق ان عنادها ومزاحه معها بالأمس اوصلها الي هذا الحد ....
ان كانت تظن حبه و دلاله لها ضعفا فهي مخطئه تماما وسيريها كيف تعصي كلمته .....
دلف الي المول وهو يشعر بغيظ شديد توجه الي اسم المكان الذي اخبرته عنه صديقتها ليتفاجأ بذهابهم ولكن الخياطة اخبرته بأنهم يتناولون الطعام في المول وعائدون.....
توجه سريعا الي قسم الطعام ليتفاجأ بما هو اسوء وهو جلوس زوجته مع صديقتها ورجلين غريبين ....غلت الدماء في عروقه اتظن نفسها في موعد مزدوج....
كانت تبتلع قضمه من الخبز عندما ظهر بملامحه الغاضبة والمريبة امامها ...
وقفت اللقمة في حلقها وسعلت بشده ليتنقل هو بعيونه بين الرجلين وصديقتها ليعود اليها مره اخري ويردف بهدوء قاتل...
-قومي معايا !!
ليتحدث اخ لوجي باستغراب...
-ايه ده في ايه !!
رمقه خالد بنظره غاضبه وهو يحاول تمالك نفسه ليردف بحده...
-قومي معايا !!!!
نظرت بحرج بجوارها لتردف لوجي بسرعه فقد نست ان تخبر صديقتها باتصال خالد ولا بد انه غاضب منها ...
-استاذ خالد اهدي و اتفضل معانا !!
نظر لها خطيبها ثم وجه اخيها السؤال الذي يراوده...
-مين ده ؟
لم ينتظر خالد حديثهم وامسك بذراعها يجذبها بعنف من مقعدها ويجرها خلفه ....
-ايه اللي بتعمله ده ممكن تهدي شويه ...
لم يبالي بها واستمر في طريقه وهو يري النيران تشتعل امام اعينه .....
حكم قبضته علي يدها وهو يخرج من المول وكأن اناس الارض وجنها يلاحقونه...
ليفتح باب السيارة ويدفعها داخلها ...اتجه الي الجهة الأخرى ليركب ، بدأ في القيادة لتقول بنبره عالية ووجهه احمر من شدة الغضب...
-خالد ايه الي بتعمله دا بتجرني وراك زي المعزة ولا كأن بني ادمه الي معاك ؟!..
كلمه هادئة خرجت من فمه قائلا..
-اخرسي يا رنا !!
ازداد غضبها لتقول شبه صارخه....
-اخرس!! انتا الي فرجت علينا الناس وبتقولي اخرس !!
تلك المرة ازداد انقباض يده علي عجله القيادة حتي ابيضت مفاصله ليقول صارخا....
-بقولك اخرسي احسنلك !!
دمعت عيناها من منظره المرعب وصرخته بها لتتيقن انه سيصب جم غضبه عليها عندما يصلا الي منزلهم.....
لتقول بنبره باكيه...
-لا مش هخرس وديني لماما !!
هتف بها بغضب عارم...
-اخرسي يارنا بدل ما اخبطك قلم يخرسك ولا هينفعك ماما و لا غيرها!!
زاد خوفها لتقول بصراخ وهي تحاول فتح باب السياره...
-وديني لماما يا خالد بقولك !!
التفت اليها بعينين غاضبتين لتشيح بوجهها الي الزجاج سريعا داعيه الله بأن يمر اليوم علي خير...
لحظات ووقف امام بنايه لتنظر وتجدها بناية والديها...خرجت من السيارة سريعا وهي تبكي بقهر ليتبعها ويقف جوارها عند باب المنزل....
ثوان وفتح الباب بعد ان طرقت رنا الباب ليدخل كل منهم ونظرات والدتها القلقة تفترسهم لتقول بوجل وهم يجلسوا...
-مالكو يا ولاد في ايه...مالك يا رنا بتعيطي ليه؟
اتجهت رنا الي احضان والدتها وهي تبكي بقوه ، بينما شتم خالد بخفوت بأحد الالفاظ البذيئة ..لتقول والدة رنا...
-يا ابني في ايه البت منهاره ليه ؟!
ثوان وخرج والد رنا ليقول بقلق...
-في ايه ياام كريم ؟!.....
لو عجبتكم نكمل هيا روايه قصيره
الفصل الثاني .....
تقلصت عضلات وجه خالد ليقول بغضب مكتوم....
-بنتكم عايزه تقعد معاكم شويه ياعمي !
ازدادت دموعها وهي تحضن والدتها ليقول والدها بحزم...
في ايه يا ابني فهمني
ثوان ونظر خالد لوجه رنا بحده قبل ان يقول....
-بنتك تقولك ياعمي .....
ثوان وخرج من المنزل امام انظارهم لتقف رنا سريعا وتتجه الي غرفتها الصغيرة وهي تبكي بغضب...
امسكت هاتفها واتصلت علي صديقتها علها ترتاح قليلا بشكوي لها ولكن لا رد.....
القت هاتفها علي الفراش وهي تهمس بغضب وبكاء ...
-يجرني زي البهيمة ويشخط فيا ويبهدلني وفي الاخر يرميني في بيت ابويا!!
اجهشت في بكاء حاد يقطع نياط القلب بشده...استقلت علي الفراش لتنام بقهر و دموع ....
............
صباح يوم جديد....
استيقظت بكسل وخمول واضح لتخرج الي الصالة لتجد والدتها تجلس امام التلفاز بأعين شارده
ولكنها سرعان ما نظرت اليها بحنو لتقول...
-صباح الخير ياحببتي تعالي !!
اشارت والدتها علي الاريكه بجوارها لتجلس رنا بوجوم لتسمع والدتها تقول...
-ها حصل ايه خلاكم تزعلوا مع بعض !!
دمعت اعين رنا وهي تقص لوالدتها عن كل تفاصيل الشجار العنيف...
تقلصت ملامح والدتها لتقول بغضب...
-انتي غلطانه يا رنا ازاي تخرجي من ورا جوزك وازاي تكلميه كدا!!
وضعت رنا يدها علي وجهها لتبكي كطفله مذنبه وهي تنتفض فربتت والدتها علي كتفها بحنان قائله...
-اهدي شويه وخشي كلميه!!
حركت رأسها بإيجاب لتدلف الي غرفتها وتمسك هاتفها برتجاف لتطلب رقمه بقلب يدق بقوه...
دقيقه ...اثنتين ...ثلاث
ولا يرد علي اتصالها
اعادت الكره مره اخري ولكن بلا اجابه...
تنفست بغضب ولعنت تحت انفاسها بأقصى الشتائم التي تعرفها....
بينما هو جالس في مكتبه ينظر لهاتفه بشرود...يود معاقبتها وبقوه...بل بأكثر من القوه...تجاهلت اوامره و ارتفع صوتها صرخت به...ثم طلبت الطلاق .....
يجب ان يعاقبها وبأشد العقاب!!
ثوان ودلف زميله الي المكتب قائلا بمرح...
-قولي انك فاكر حفلة الشركه قولي ونبي
تنهد خالد وقلبه يرتجف...ليقول....
-لسه هنزل اشتري بدله جديده...
جلس زميله علي الكرسي قائلا....
-تمام نروح نشتري احنا الاتنين بعد الشغل
حرك خالد رأسه بإيجاب بينما صدح صوت هاتفه مره اخري بلاسم الذي طالما عشقه...رنا
نظر للهاتف ليغلقه بأهمال وهو يقسم بكل غالي ان يعيد تربيتها من جديد....
بعد دوام العمل اتجه مع صديقه الي المول لشراء بدلات للاحتفال ...
ليجد صديقتهم هدير تسير وهي تمسك بيد زوجها وتضحك بأتساع .. لتراه وتهتف....
-خاااالد ايه الصدفه السعيده دي!!
ابتسم خالد ليصافح زوجها اولا قائلا...
-ازيك يايوسف عامل ايه؟
اجاب يوسف بابتسامه...
-كويس!
ليوجه حديثه بعدها الي هدير...
-ازيك ياهدير ؟
ابتسمت بأتساع لتقول...
-كويسه انت عامل ايه ورنا عامله ايه ؟؟
اجاب باتزان...
-تمام احنا بخير الحمدلله ....
ابتسم له زوجها ليردف ....
-انتو بتجيبوا بدل ولا ايه فرح ده ؟
-لا دي حفله عمل !!
هز يوسف رأسه بموافقه ليقول...
-طيب نستأذن احنا يا جماعه عشان ورانا مشوار بس اكيد هكلمك انا وهدير قريب !!
لتردف هدير بحماسه...
-ايوة عشان ندبر خروجه سوا بليز !!
ابتسم لهم خالد بأدب قائلا...
-تمام بأذن الله ....
القوا السلام عليهم وانطلقوا اظا هو فقد انهي تسوقه وعاد الي منزله الفارغ والخالي من ملامح بهجتها ....
زفر ليدلف الي المرحاض يأخذ حماما ساخنا يهدأ اعصابه واقناع نفسه بصواب مافعله بتجاهل مكالماتها ويحث نفسه علي القوة وعدم الخضوع لقلبه ....
...........
بعد شهر ونصف عند منزل عائله رنا....
صعد والدها الدرج بمجموعه من اكياس الطلبات المنزلية ليوقفه عبدلله صاحب المبني...
-عنك يا ابو كريم هات اشيل معاك...
ذهل من مبادرته واصراره علي الحمل معه ليردف..
-مفيش داعي دول هما دورين فاضلين !!
-لا والله ابدا..
-احم طيب متشكر جدا يا استاذ عبدالله ...
-لا شكر علي واجب ده انا عنيه ليك ولحبايبك يا ابو كريم....ااااه صحيح كان في حاجه كده سمعتها وقلت اطمن ....
-خير يااستاذ عبدالله...
-بص يا ابو كريم انا سمعت ان بنتك رجعت واطلقت ده بجد !!
زم والدها شفتيه بغيظ ليقول...
-والله دي حاجه شخصيه ومحدش ليه فيه ...
ليقول بسرعه موضحا..
-مقصدش واالله يا ابو كريم ...اصل الصراحه لو هي فعلا اتطلقت.....انا عايز اتجوزها !!!
سقطت الاكياس من يده بصدمه ليرفعهم بتوتر...
-والله يا استاذ عبدالله مش عارف اقولك ايه بس هي لسه مطلقتش !!
ليرد بلهفه ....
-يعني هتطلق!!
-استغفرالله العظيم ...احتمال اه ...عن اذنك يا استاذ عبدالله اصلي مشغول جدا وعندي ضيوف ..
قالها وهو يدلف الي الداخل هربا منه...
هز رأسه بالموافقه . .
-تمام هكلمك بعدين يا ابو كريم تكون فاضي...
اغلق والد رنا الباب ليعطي الاكياس الي زوحته وهو يخبط كف علي كف .. نظرت له والده رنا بتعجب لتردف..
-مالك يا راجل ؟!
-الراجل صاحب العمارة اتلحس ..عايز يتجوز رنا ....
اتسعت اعين رنا الجالسه تشاهد التلفاز بذهول لنظر الي والدها تتابع حديثه .....
-يوووة الراجل ابو 45 سنه ده عايز يتجوز رنا ..هو مش عارف انها متجوزة الله يخيبه !!
-لا يا ستي الجيران بتتكلم وبيقولوا اطلقت وهو جاي يصطاد في المايه العكرة ..
حزنت رنا واتجهت الي غرفتها ....هذا ما ينقصها ان تصبح كالعلكة علي كل لسان !!!!
وان يأتي عجوز خيبر ذلك والمطالبة بالزواج منها !!
............
مر الوقت لتتمم الثلاث اشهر بعيدة عنه وكأنها ثلاث سنوات وقد فقدت قليلا من وزنها وسيطر عليها حزنها ....
توقفت عن الاتصال به منذ شهر بعد شهرين لم تتوقف فيها عن ملاحقته والاتصال به علي الاقل مرتين اسبوعيا لتقل تدريجيا حتي انتهي الشهر الثاني وشعرت بضياع كرامتها وانه لم يعد راغبا بها...
تقلبت علي فراشها بتململ .... ها هي تقبع في غرفتها بمنزل والديها بلا اي اهميه منتظره ان يحن عليها ويطلقها او يرجعها اليه....
تبدو كالشيء المهمل الذي تركه وتناسي وجوده او العودة للبحث عنه ....
كان هذا التفكير نقطه الانطلاق لدموعها التي لم تتوقف طوال تلك الشهور …..
قطع نحيبها و حفله اشفاقها علي الذات صوت هاتفها ...نبض قلبها بأمل ان يكون هو المتصل لتجدها احدي صديقاتها ....
مسحت دموعها وتنحنحت بخفه قبل ان تجيب...
-الو...
-الوو يا حبيبي وحشاني اوي يا رووونا كده يا وحشة مفيش اي سؤال علي هدير...
حاولت التحدث بابتسامه مجبره لتجيب..
-اهلا يا هدير وحشاني والله ...معلش كنت مشغوله جدا انتي عارفه الحياه وبعدين يا هانم محسساني انك كل يوم بتسألي !!
-ولا يهمك يا حبيبتي فعلا والله الحياه تلاهي وبعدين انا مش من فتره كده بعتالك سلام مع خالد ايه هتنهبي !!
ارتفعت اجهزة استشعارها وهي تعتدل وترفع شعرها الي اعلي لتردف باهتمام...
-ايه ده بجد ..امتي ؟
-هو مقالكيش ولا ايه ...ده حتي يوسف اتفق معاه اننا نخرج سوا وعلي تلفون ؟!
ضحكت باصطناع لتردف...
-شوفي الراجل ولا جاب سيره ... رجاله مخ سمكه فعلا !!
ضحكت هدير قائله..
-علي رأيك يااختي !!
-واتقابلتوا فين بقي وامتي علي كده ده انا كنت هموت واخرج من فتره ...
-مش فاكرة من حوالي شهرين او3 كده ..كان مع صاحبه بيعملوا شوبينج عشان حفله ...
اختفت بسمتها لتبتلع ريقها وتردف....
-ااه اليوم ده افتكرت ...احم ع العموم مش مهم بقي نتفق يوم تاني !!
-ايه الكروته دي !! انا بتصل عشان نتفق علي يوم دلوقتي!!
-ااه لا اصل انتي متعرفيش عندي حاله وفاه وهفضل عند ماما فتره ...بصي معلش اخلص بس كده و هكلمك نتفق علي يوم ...
-ماشي يابيبتي بس متروحيش وتقولي عدولي !
-لا طبعا مش هنسي يا روحي...
-يلا باااي يا رونا والبقيه في حياتك ياحبيبتي !!
-في حياتك الباقية ...مع السلامه ...
اغلقت الهاتف بحنق وهي تمسح دموع الغضب المتسارعة....هي تعيسة وتعيش كالزومبي وهو يتسوق ويذهب الي حفلات ....
لن تكون هي رنا ان لم تجعله يندم علي تجاهله لها لتتمتم بحنق....
-ماااشي يا ابن عايدة !!!!
..................تفاعلكم بيشجعني
البارت التالت من هنا 👇👇👇
