بنات_الأسد
حلقه_خاصه
بعد مرور خمس سنوات
🔥🔥🔥🔥🔥🔥🔥
نوران و سيف خلفوا اسد 5سنوات وأسد فرح جدا و بقي قريب منه و واخد صفات اسد الكبير في كل حاجه مع غرور و قوه أبوه و مادلين 3 سنوات كل صفات نوران موجوده فيها من حيث البرود القوه الغرور بس عند ليث أبن فهد بتتحول
نورين و ياسين خلفوا بارق 5 سنوات
نور و ادهم خلفوا ادم 5 سنوات
فهد و كشماء و خلفوا ليث و رفيف 3 سنوات
جيسي و زين خلفوا جيسي رغم رفض جيسي بس زين صمم علي الاسم و هي وافقت عشان إصراره و هي بتعشق بنتها و قريبه منها جدا و بتحاول مش تكون ذي امها بالعكس هما أصحاب قبل الأهل و اسد مفتخر بيها جدا وهو و اليف و وجد
اوس و آسيا خلفوا كندا 3 سنوات
🔥🔥🔥🔥🔥🔥🔥
اسد & كندا
ليث &مادلين
بارق & جيسي
ادم & رفيف
في مكتب اسد
🔥🔥🔥🔥
اسد كان قاعد علي المكتب و سمع خبط علي الباب و لقي اسد الصغير دخل و مجرد و ما شافه وشه نور
اسد الكبير بابتسامه : اهلا اهلا اهلا باسد عيله عز الدين
اسد الصغير ضحك :حبيبي اسدي
وراح حضنه : كل سنه و انت طيب يا جدو
اسد باس راسه : وانت طيب يا حبيب قلبي و رمضان كريم صائم السنه ديه
اسد الصغير : طبعا
اسد بغمزه : جامد يلا ذي جدك
و سمع خطوات جاري ليه و كانت مادلين وهي بتعيط
واسد شالها بقلق : مالك يا مادلين
مادلين بدموع : اسدي ليث زعق ليا
اسد الكبير : نعم و انتي تعيطي و انا بقول انك خليفه امك و هتبقي جباره ذيها تعالي معايا
و شالها و راح بيها علي الجنينه لقي ليث قاعد مع الكل
اسد : ليث تعال هنا
نوران : مالك اسدي
اسد : البيه المحترم زعق لمادلين ليه
ليث : هي عارفه هي عملت ايه
اسد : وانا عايز اعرف منك
ليث : لبست قصير و أنا قولتها بلاش كدا
اسد الصغير : وانت مالك باختي هي حره تلبس اللي هي عايزاه
ليث : لا اسد
اسد نزل لمستوي ليث اللي حاطط رأسه في الأرض : حبيبي ارفع راسك
ليث رفع رأسه
اسد : انت مش اي حد فاهم يا ليث انت لازم تكون عاقل تحسب تصرفاتك انت حبيبي ذي اسد عندي انت و بارق و ادم كلكم ذي بعض عندي و مادلين اختك
ليث بغضب : لا مش اختي
و جري بعيد عنهم و اسد ضحك عليه
فهد : ابن الحيوان بيزعق في وشنا تربيه نيله
جيسي بضحك : يا عم اقعد بقي ما هي تربيتك
جيهان باستغراب : مش عارفه الواد ده ماله كدا
اسد بغمزه : عاشق يا اختي
سيف بغيره : نعم مالقش غير بنتي
اسد بغيره اكبر : ما انت خدت بنتي برضوا
نوران راحت ليه وحضنته : انتي اسدي
اسد حضنها : وانتي اميرتي وعشقي
نورين دخلت من الباب بتاع القصر و شافت اسد بيحضن نوران ومعاه نور
نورين : نععععم يا عم اسد و انا ايه بقي
اسد ضحك : ابتسامتي
نور : لا كدا ازعل
اسد : نوري الصغير
جيسي بدلع : طب أنا
اسد ضحك : فراشتي
محمود ضحك : لا واخد وضعك
اسد بغرور : وانا اي حد برضوا ده انا اسد
نور صفرت : العب يا وحش
نورين : فرس و ربنا
نوران : صاروخ
جيسي : العب يا جامد
اسد ضحك اكتر
كشماء بهيام : يخرب بيت الغمازه
اسيا بمعاكسه : ولا العيون الزرقاء
جيهان بغيره : كل حيوانه تركز مع جوزها و مالهاش دعوه بجوزي
اسد حضنها : انتي اللي في القلب
الكل ضحك و قعدوا مع بعض و اسد الكبير راح لليث
و جيسي الصغيره تقعد علي رجل فهد و هو يحضنها بحنان
جيسي الصغيره : فهدي عايزه منك طلب
فهد : اؤمري يا حبيبتي
جيسي الصغيره : أنا عايزه فهد يبقي بتاعي قولت لبابي و قالي لا كفايه ذئب امك أنا عايزه فهد
فهد بضحك : اشمعنا يعني
جيسي الصغيره : عشان لما بقولك فهدي كشماء بتقولي ده بتاعي و فهدي أنا فأنا عايزه فهد ليا و بتاعي انا
وجه بارق و شد جيسي من علي رجل فهد
بارق بغيظ : متقربش منها كدا ثاني
فهد بسخرية : تربيه نورين عايز منها
نورين قامت و قعدت تضربه و الباقي بيضحك
و بارق شد جيسي الصغيره و مشي بيها
زين بزهول : ايه العيال ديه
جيسي بسخرية : ابوهم سيف و ياسين و ادهم و اوس ماشاء الله العلاقه النسائيه مش تعد
سيف بلع ريقه لما لقي نوران بتبص ليه بغيظ
سيف : ما تهدي علي نفسك كدا يا ست جيسي هنام علي الكنبه النهارده
ادهم : وحياتك في الحمام أنا
ياسين بسخرية : أنا بقي شايف المفرش ده هموت مشنوق بيه ترهان كدا
أليف : ما تتلم ياض منك ليه كدا فيه ده احنا رجاله برضوا
وجد بتحذير : الييف
أليف بضحك : روح قلبي وربنا
الكل ضحك و قعدوا مع بعض في جو أسري دافئ
اسد الصغير : اميرتي
نوران بضحك : نعم اسدي
سيف بغيره و مسكه من هدومه : انت يا حيوان ديه امك يعني تقول ماما أو امي أو الاحسن مش تتعامل معاها خالص
اسد بعند : وانت مالك يا اخي احنا عيله مش متربيه الله
سيف بصدمه : نعم
اسد : امي و انا حر فيها احضنها و ادلعها ابوسها
سيف بغيره : تبوس مين ياض يا حيوان انت انت عارف ده انا قلبت ارجوز عشان اوصل للمرحله ديه و انت بكل بجاحه و تقولي ابوسها
الكل ضحك جامد و نوران اتكسفت منهم
نوران بضحك : سيف عشاني خلاص سيبه
اسد الصغير : استني انتي يا عمري هنشوف يقدر يعمل ايه إذا كان هو السلطان أنا ابن الامبراطورة و الفرعون
سيف زقه بعيد : تربيه و** و لا عرفت اربي اصلا غرور امك
نوران رفعت حاجبها : مالها أمه بقي
سيف بخبث : ما بلاش هنا احسن و الواحد داخل علي رمضان الله ما اني صائم
الكل ضحك و نوران ضربته بكسوف في كتفه وهو ضحك جامد حضنها
كشماء : امال فين بنتي مختفيه كدا
نور بضحك : تلاقيها و را الشجره مع ابنك
فهد بزعيق : نعم يا اختي رفيف
رفيف جات ليه و معاها ادم ابن نور ماسكه أيده
وفهد راح ليها : كنتي فين يا هانم
رفيف : مالك بابي
ادم : انت بتزعق ليها كدا ليه يا فهد
فهد بزهول : فهد كدا حاف يا حيوان
ادم بسخرية : المره الجايه ابقي احطها في سندوتش
فهد بزعيق : غوري ياض من هنا ياض جاتك نيله في تربيتك و انتي ابعدي عن الواد مش طول النهار لازقه فيه كدا
رفيف : ده خطيبي يا فهد
فهد مسك قلبه و قعد جنبه كشماء اللي بتضحك بهستريه
فهد : روحي شوفي بنتك ادي آخره تربيتك واحد يزعق في وشنا و الثانيه خطيبي و مشقوطه قدامي و بقيت بقرون
اوس بخنق : علي الاقل يا اخويا الواد بيحبها و جامد في نفسه مش ذي بنتي الهبله طول النهار راحه جايه ورا الاستاذ اسد
نوران بغرور : ابني مش اي حد برضوا
اوس : نعم يا اختي
نوران ببرود : افندم
اوس بابتسامه بلهاء : براحتك يا امبراطورة
و قعد الكل بضحك مع بعض في جو أسري
اسد راح لليث و لقاه قاعد في الجنينه اللي ورا جنب اسطبل الخيل و راح قعد جنبه
اسد : مالك
ليث : انتي مش بتحبني ذي اسد صح عشان أنا مش حفيدك
اسد اتصدم من كلام ليث هو عمره ما كان في باله الموضوع و فهد ابنه مش ابن رافت و ليث حفيده وهو حضنه بقلق
اسد : مين اللي قالك كدا انتي حته من قلبي يا ليث ابوك ده انا اللي مربيه و تربيتي أنا و ابني و انت حفيدي ذي اسد و بارق و ادم و مافيش فرق انت و اسد اقرب اثنين لقلبي و لما بزعق لحد فيكم عشان تطلعوا رجاله احفاد اسد عز الدين الاسطوره ذي ما كانوا اهلكم الجبابره انتوا اسطوره عز الدين و هتكملوا اللي بدائنا فيه ذي ما ابوك و الباقي عملوا و جيسي و فهد اولادي ذي نوران و نور و نورين ابقي معايا دايما ذي اسد بس انت بتبقي لوحدك دائما حتي بعيد عن ابوك قرب منهم و ابقي السند لأختك دايما ذي ما كان ابوك السند لإخواته ماشي يا ليثي و كمان وعد مني يا سيدي بنت نوران مادلين ليك ومش لغيرك من هنا لمليون سنه و انت عارف اسد لما بيوعد بس اكبر انت بس
ليث بص ليه بفرح و حضنه جامد : أنا بحبك اسدي
اسد بحنان : وانا كمان يا قلب اسد بحبك
و جه ليهم اسد و اسد الكبير بص ليه و هو فهم
اسد الصغيره : متزعلش يا ليث مني
ليث بابتسامه : مش زعلان انت اخويا
و حضنوا بعض و اسد بص ليهم بفخر
اسد : هما دول تربيتي يلا يا بشوات لما نشوف بقي رمضان الهلال ظهر و لا لا
و قام مسك الاثنين و مشي بيهم و راحوا مكانهم و اسد بص لفهد وهو حرك رأسه بنعم و ليث راح لفهد وحضنه
فهد بحنان : ابني العسل
ليث : اسف
فهد : مش زعلان منك انت حبيبي يا ليث
كشماء بهيام : قمر ذي أمه
ليث بغمزه : قصدك فرس ذي أمه
مادلين بغضب : كشماء ليث ده بتاعي و بس مالكيش دعوه بيه
ليث راح حضنها : و انتي طفلتي
سيف بغيره : يا حيوان يا ابن الحيوان ابعد عن البت ياض
ليث ببرود : اهدي علي نفسك يا سيف و انت كبرت علي التعب
سيف بص ليه بغضب و نوران ضحكت جامد
نوران : حبيبي ليث و الله بيفكرني بفهد فيه كتير منك علي اسد موضوع لما يكبر
فهد : اه يا اختي كارثه هو و ابنك اللي كله اسد علي أبوه و لا بنتك اللي كلها انتي
نوران بغرور : طبعا ولاد الامبراطورة لازم يكونوا كدا و احفاد الاسد دول الاسطوره
رفيف : اسد هو رمضان جه و لا لسه
اسد : لسه هيقولوا يا قلب اسد
جيهان بغيظ : مالك يا بت منك ليها كدا ده جدكم مش واحد صاحبكم
رفيف راحت لاسد و حضنته و مادلين قعدت علي رجله و جيسي نطت علي ظهره و كندا قعدت علي رجله الثانيه
مادلين : لا اسد واحد وبس
كندا : ده احلا اسد في العالم
جيسي : ده اسدي الحلو
رفيف : ده بتاعنا احنا وبس
اسد ضحك جامد و خد الاربعه بنات و قلع الجاكيت الجينز بتاعه عشان كان لابس بنطلون بيج و تيشيرت ابيض وجاكيت جينز
و راح لعب مع البنات و الاولاد و الباقي بيبص ليهم بزهول
سيف : ولا مش مصدق ده جد ولادي هو فين السن يا جدعان
ياسين : شايف اصلا لبسه عامل ازاي يا عم ده فيه شباب اكتر منا
جيهان بحسره : نفسي يكبر و لا باين عليه سن
نورين : انتي غريبه يا جيجي ده حتي الرجل يفتح النفس لما تصحي علي وشه
جيهان بسخريه : ذي ما فيه برضوا اكتر من واحده عايزه تصحي علي وشه أنا هتشل منه
نورين بصت ليها و ضحكت
نور جات بحماس و نادت بصوت عالي : يا اسد الهلال طلع
البنات كلها صوتت من الفرحه و نطوا علي اسد و وقع بيهم علي الارض و هو ضحك بصوت كله
جيهان : ما حد يبعد العيال دول عنه بقي الله
نور بضحك : غيوره اوي انتي يا جيهان
غمزه ليها و راحت لابوها اسد : عايزه فانوسي منك السنه ديه
نوران : وانا
نورين : وانا
جيسي : مش محتاجه اقول
سيف بسخرية : الامبراطورة عايزه فانوس
نوران : أه وماله يعني و بعدين متتكلمش معايا
سيف : عملت ايه أنا طيب
نوران بغيظ : اسال نفسك
و قعدوا و بعد شويه و جه البرت و معاه علبه كبيره و اسد خدها منه
البرت: هاي يا قمر
جيهان بضحك : هاي البرت عامل ايه
اسد : برا البرت بدل ما اموتك و ارتاح منك و دخل الفريق يبدوا في تزين البيت
البرت ضحك و مشي من قدام اسد و اسد بص لجيهان وهي ابتسمت ببلاها و الباقي بيبص ليهم بزهول و ضحك
ادهم مال علي نور : اسد مش معقول هو و امك عمري ما شوفت حد بيحب حد كدا بعد كدا العمر ده
نور ابتسمت ليهم : تعرف أنا دائما بحب علاقه الحب اللي بينهم كدا مميزه و طول عمري كان نفسي في واحد ذي اسد و يحبني ذي ما بيحب جيجي وبصت ليه : بس جيت انت
ادهم ابتسم و حضنها بحب
نورين : اسدي هو ايه اللي في العلبه ده
اسد ادها لجيهان وهي بصت ليه باستغراب و فتحت العلبه و طلعته منه و كان فانوس كبير من الدهب و فيه احجار كريمه مكتوب عليه جيجي العيد احلا معاها و جيهان ضحك جامد و طلعته و الباقي بص ليه بإعجاب وهي حضنته
جيهان : شكرا
اسد : كل سنه وانتي طيبه يا قمري
جيسي بصت لزين بغيظ : شايف هو عامل ازاي مش عارفه ليه مش اتجوزت واحد ذي اسد ده و بصت لاسد اللي بيضحك عليهم
جيسي : و النبي رومانسي و حبيبي بس فانوسي فين
جيهان : لا انسي متجوزه جوزك يعمل ده هو ليا أنا وبس
نور بتحدي : بس ده ابويا يا جيهان يعني أنا ليا حق فيه اكتر منك
جيهان : لا ده بتاعي أنا صح اسد
نورين : لا نور معاه حق صح اسد
اسد مسك دماغه : أنا طالع انام تعبت كتير عليا كدا
و مشي و هو بيهز رأسه ان مافيش فايده و الباقي قعد يضحك و الفريق جهز البيت كله للاحتفال برمضان و كل واحده طلعت اوضتها و ليث خد مادلين عشان تنام وهو بيقعد معاها لحد ما تنام و ادم قاعد مع رفيف و بارق خد جيسي و قعد يلعبوا سوا و اسد الصغير قاعد مع أبوه و الباقي و قاعده جنبه كندا
ياسين : نورين قلبت كدا مش عارف مالها
ادهم : امممم انت الصراحه اتعدلت بس شوف كدا عملت ليها ايه
فهد : سيبك طب أنا بقي
اسد الصغيره بسخرية : لا بجد مش عارفين ايه السبب
سيف بسخرية : ايه يا فيلسوف زمانك و عصرك
نزل ليث من فوق و قعد جنب اسد بعد ما نامت مادلين
ليث : انت شوفت اسد عمل ايه عشان جيجي انت عملت كدا
سيف بصدمه : نعم عايزين فانوس
اسد : وماله الفانوس مش عارف بصراحه امي حبت فيك ايه
سيف : ولا انت اتلم مش طايقك اصلا جاتك نيله في خلفتك واد قليل التربيه
اسد بص ليها بلا مبالاه و كندا مسكت تلفون ابوها اوس و كلمت البرت
كندا : البرت ممكن تدخل الحاجه لو سمحت
البرت بضحك : حاضر كندا هانم
كندا : شكرا يا عمري
و قفلت و حطت التليفون في جيب اوس ثاني و قعدت جنب اسد و اوس بص ليها بصدمه وهي ضحكت وحطت راسها علي كتف اسد اللي ضحك
اوس : طب احترمي ابوكي اللي قاعد
فهد بسخرية : ابوها انت عايزها تطلع ايه دكتوره سنان يعني
اوس بلا مبالاه : علي رائيك
و دخل البرت و كندا راحت ليه بسرعه و خدت منه علبه من اللي معاه و هو ضحك و دخل الباقي و خرج
كندا : كنا عارفين انكوا هتعملوا كدا خلينا اسد يعمل لكل واحد فيكم فانوس باسم مراته و مسكت علبه
كندا : سيفو ده انت ، اوسي ، فهدي ، دومي ، ياسو كدا تمام خلص دورنا
اوس بصدمه : انتي ازاي كدا
كندا بلا مبالاه : عادي يا بابي انت اصلا علي طول بتنسي ذي ما برضوا نسيب عيد جوازك لولا أنا جبت هديه من ورا مامي ما تعرف و انت داريت الموضوع
الكل بص ليه بصدمه و هو حك رأسه بحرج ذي المراهقين
سيف : أنا الحمد لله لو عملتها مش بعيد ابقي جثه عشان كدا دايما فاكر بس ماكنش اعرف انها عايزه فانوس الصراحه يلا أنا الحق نفسي بقي سلام
و طلع كل واحد فيه لمراته و اسد و ليث بصوت ليهم بملل
كندا بضحك : ايه الابهات دول
ليث : من غيرنا كانوا عاملين ازاي
اسد ضحك : يلا نروح لادم و رفيف
و مشيوا الثلاثه سوا و قعدوا مع الباقي
في جناح سيف
🔥🔥🔥🔥
سيف دخل لقي نوران خارجه من الحمام و شعرها مبلول و المايه علي وشها مع عيونها الزرقاء و كانت كتله جمال ماشيه
و راح حضنها من ضهرها و حط رأسه في شعرها و هي ابتسمت
سيف بغزل : و النبي قمر طب أنا أعمل ايه من القمر اللي قدامي ده علي فكره انتي بتجريني للانحراف
نوران ضحكت : أنا و الله ده انا طيبه خالص
سيف : هتقولي ليا برضوا يا امبراطوره
نوران بضحك : الامبراطورة مع الكل ماعدا السلطان
سيف ضحك : بتثب صح
نوران بضحك : تقريبا
سيف جاب العلبه : كل سنه و انتي طيبه
نوران باستغراب : ايه ده
سيف : افتحي و شوفي
نوران فتحت و لقت فانوس و ضحكت : مش انت اللي عملت كدا صح
سيف : نعم مين يا اختي لو مش انا
نوران بخبث : ابني اكيد
سيف بخنق : هو انتي الواد ماله و مالك كدا مش عارف عامل ليكي سحر
نوران بضحك : بتغير من ابنك
سيف : والله ومن ابوكي كمان
نوران ضحكت : شكرا علي الفانوس بس لازم تشكر اسد برضوا
سيف : الله ينعلن ابو اسد ده واد مش شاف تربيه ربع ساعه و بعيد هو احنا طول النهار في سيره اسد و زفت
و قرب منها و مسكها من وسطها
نوران بخبث : مش فاهمه عايز ايه يعني
سيف بخبث : يا عمري لازم عملي طبعا
و مره واحده سمعوا خبط علي الباب و كان اسد و دخل مره واحد و سيف بعد عن نوران
اسد : اميرتي يلا عشان نتسحر
سيف بغضب : في حد يا حيوان يدخل كدا و بعدين أنت يا ابن الحيوان انت بطل تدلعها
نوران بضحك : و الله عسل
اسد : مالك كدا يا سيف امي مزه مش افتخر بيها و غمز : و النبي انتي اللي عسل
سيف بغيظ : مزه و سيف خد هنا با ابن **** و نزل اسد بيجري و سيف وراه و نوران قعدت علي الارض و بتضحك جامد عليهم و قامت من الأرض نزلت و راهم بسرعه
🔥🔥🔥🔥🔥🔥🔥🔥
في جناح اوس
🔥🔥🔥🔥
لقي اسيا قاعده مع كندا و كل واحده ماسكه التليفون و بتلعب بيه
اوس بزهول : طلعت قبلي ديه امتي
و راح ليهم : بتعملوا ايه يا قمرات
اسيا بانتباه للتليفون : بعدين يا اوس
كندا بخنق : ابعد يا بابي بقي
اوس بسخرية : هي بقي فيها بابي ده انتي اللي بابي يا اختي
و سمعوا صوت زعيق
كندا سابت التليفون بسرعه : اسد
و نزلت جري و اوس بص لاسيا بغضب اللي كتمت ضحكها
اوس : مش عارف انا لازقه فيه ليه
اسيا : حرام عليك يا اوس دول اطفال و متعلقين ببعض بس
اوس بسخرية: قال اطفال دول عارفين كل حاجه اسكتي انتي اصلا مش فاهمه حاجه بقولك اهو ابعدي بنتك عن اسد عشان مش تتعلق بيه علي الفاضي اه أنا بحب نوران و سيف بس اسد ده شكله من صغره دنجوان و هو في السن ده و عامل كدا بعدين بقي
اسيا راحت حضنته : مالك بس يا اوس اسد تربيه اسد الكبير و هو شبه اسد و لا انت مش واثق في تربيه اسد عز الدين
اوس بخنق : هو انا قولت كدا اسد ده ابويا أنا اتربيت تحت أيده هو بس مش ضامن الواد نفسه اصلا مش طالع لأمه كدا هادي و ذكي اه هو عليه دماغه شيطان و لما يكبر بلا شك هيبقي ليه اسمه لكن مش عايز بنتي تتعلق بحاجه
اسيا : اوس حبيبي بلاش نضحك علي بعض انت عارف كويس أنهم من صغرهم لبعض و اسد قال اسد لكندا و ليث و مادلين و ادم و رفيف و بارق و جيسي و من هنا لمليون سنه هما لبعض و انت عارف طالما اسد قال حاجه خلاص انت غيران عليها صح
اوس بخنق : بصراحه مش حابب علاقتها بيه اوي كدا أنا مش بكره و ربنا يعلم بحبه قد ايه مش هو لو عامل ليها اي حاجه حتي لو ايه بتجري علي حضنه و تفرح اما انا مش بتبقي ذيه كدا
اسيا ضحكت جامد وهو بص ليها بخنق
اوس : ما تبطلي بقي الله
اسيا ضحكت : حبيبي انت حاجه و هما حاجه و بعدين دول لسه اطفال يا اوس و عايزك توعدني انك عمرك ما تفرق بنهم
اوس تتنهد : مقدرش اصلا اعمل كدا وعد يا ستي
اسيا حضنته : هو ده حبيبي يلا ننزل نشوف اسد و سيف عاملين ايه في بعض
اوس بضحك : الواد ده بيفكرني بخناقي مع ابويا علي وجد
اسيا ضحكت : واخد من الكل و خصوصا اسد الكبير فعلا تربيته
و نزلوا تحت عشان يشوفوا اسد عمل ايه ثاني
🔥🔥🔥🔥🔥🔥
في جناح فهد
🔥🔥🔥🔥
فهد ماسك رفيف من هدومها و رجليها بعيده عن الأرض وهي بتحاول تنزل و كشماء مش قادره تتكلم من الضحك
فهد بغل : بقي يا بنت *** كنتي مع ادم بتعملي ايه ايه مافيش دم و لا احترام دول النهار مع ادم بيه دوا كحه هو كل ١٢ ساعه
رفيف بخنق طفولي : فهد نزلني بقي
فهد : لا مافيش نزول يا تربيه واطيه ايه يا بت انتي ده انا كنت عايش مع اربع بنات و اخوات و عمر ماحد بينا كان بيعمل كدا مع الثاني انتوا ايه مافيش تربيه خالص مش عدت علي اهلكم ام التربيه
رفيف بطفوله : بس ده خطيبي
فهد بغضب : مافيش خطوبه يا روح امك هتفضلي قاعده جنبي كدا و ابن ادهم ده مش هيقرب منك ده بعينه هو و أبوه
نور دخلت : طب عشان أمه طيب
رفيف بطفوله : نوري الحقي فهد بقي
نور بضحك : قلب نورك و الله فهد نزل رفيفي
فهد بص بغضب لرفيف : عشانها هي بس
و نزلها وهي عدلت من هدومها بخنق : علي فكره انت مش اب
و جات تخرج في وقت دخول ادهم وهو نزل لمستوها بعد ما باسها من خدها
ادهم بحنان : مالك يا رفيقي
رفيف بطفوله : الرجل اللي جوا ده قرفني في عشتي يا ادهم بجد لازم مامي تتطلق منه و تتجوز واحد اوبن مايند
ادهم بزهول : اوبن مايند مين يا روح امك وربنا انتوا جيل ما يعمل بيه الا ربنا غوري يا اختي عن ادم غوري بيدور عليكي
رفيف بصت ليه بغضب و نزلت تحت و هو ضرب كف علي كف بزهول و دخل
ادهم : شايف بنتك عايزه امها تتطلق منك و تتجوز و واحد اوبن مايند
فهد بسخرية : الله يرحم امها كانت فاكره الزبادي جيلي قال اوبن مايند قال
نور ضحكت جامد و كشماء بصت بغضب لفهد وهو ضحك و ادهم مقدرش يمسك نفسه
فهد بضحك : بص يا ادهم أنا مش عايز البت ديه خلي ابنك يربيها أنا بعترف اني فشلت في تربيه ولاد **** دول
ادهم بضحك : وربنا ما انت بس يلا
و سمعوا صوت زعيق و كان صوت اسد و سيف
فهد بضحك : اسد عمل ايه ثاني
نور بضحك : ده فظيع بجد تعالوا ننزل نشوف
و نزلوا الاربعه تحت عشان اسد بيه اللي مدوخ الكل
🔥🔥🔥🔥🔥🔥
أما مادلين كانت نايمه و صحيت علي الصوت العالي و قلقت راحت لليث و دخلت علي طول اوضته رغم صغر سن كل واحد فيهم بس اسد أمر كل واحد بيتعمل ليه جناح مخصوص عشانه و ينام فيه مش مع أهله
مادلين : ليثي
ليث خرج من الحمام : مادلين مالك يا عمري
مادلين : فيه صوت زعيق تحت
ليث ضحك : تلاقي اسد و سيف تعالي ننزل نشوف
و مسك أيدها و خرجوا سوا
🔥🔥🔥🔥🔥
مكان تجمع الكل
🔥🔥🔥🔥
الكل نزل و لقوا سيف معلق اسد في النجفه و هو باين عليه البرود و الباقي بيضحك
سيف بغيظ : يعني برضوا مش هتقول اسف
اسد ببرود : مش غلطت عشان اعتذر ده المفروض العكس و نزلني بقي
سيف : مافيش نزول من غير اسف
اسد بسخرية : يبقي مش هتسمعها يا سيف
سيف : ابن الحيوان برضوا سيف ياض بلعب معاك أنا
اسد بص ليه بلا مبالاه و سمعوا صوت اسد الكبير
اسد : في ايه اللي بيحصل ده و ايه اللي معلقك كدا يا اسد
اسد الصغير بغضب : اسال الاستاذ سيف
اسد ضحك : وانت عملت ايه ما هو مستحيل يعمل كدا من غير سبب
اسد : والله يا جدو معملتش حاجه كل الموضوع اميرتي كانت قمر مش لازم اشكر في أمي يعني لكن غيرور ابويا تقول ايه بقي
الكل دخل في هستريه ضحك
اسد ضحك : سيف نزله عشاني المره ديه
سيف : والله يا اسد ده مش متربي اصلا سيبه كدا
اسد الصغير : ما هو العيب عليك مش عليا بقي
سيف بغيظ : شايف
اسد ضحك و قال بحده مصطنعه : اسد عيب كدا معلش يا سيف نزله
سيف مسكه بغل و نزله علي الارض
اسد الصغير : ايه شوال رز أنا
سيف بغضب : والله يا حيوان مش هسيبك المره ديه
اسد جري بسرعه بعد ما مسك ايد كندا و سيف وراهم و نوران لحقتهم عشان سيف ميعملش فيه حاجه و الباقى ضحكوا خرجوا عشان السحور في الجنينه ليث خد مادلين و ادم خد رفيف و بارق شد جيسي و مشي بيها
و راحوا كلهم الجنينه و اسد واقف علي بعد منهم و علي وشه ابتسامه ساحره و جيهان وقفت جنبه و شافت الكل مجتمع مع بعض و سيف بيجري ورا اسد و كندا و ليث قاعد وعلي رجله مادلين و بارق و جيسي بيلعبوا و كل واحد مع مراته و حضنها
جيهان بابتسامه ساحره : اخيرا بعد عذاب الكل مع بعض
اسد بص ليها و مسك وشها بايده : أنا بحبك و هفضل احبك لاخر العمر و انت السبب بعد ربنا في اني يبقي عندي احسن بنات في الدنيا و بقوا الجبابره و اتجوزوا احسن رجاله في الدنيا وكل واحد بيعشق التراب بتاع مراته و جالي احسن احفاد في الدنيا انتي نعمه كبيره جدا و من غيرك كنت هفضل الاسد من غير قلب كل حياته شغل وبس أنا بحبك يا جيهان من هنا لاخر يوم في عمري و نفس فيا
جيهان حضنته : وانا كمان بحبك يا اسدي
نورين بصوت عالي : جيجي اسدي يلا عشان السحور و الفجر
اسد خدها في حضنه : يلا بينا
جيهان : يلا
تمت بحمد الله
خلصت الحلقه الخاصه اتمني تكون الرواية عجبتكم منتظره رايكم الجميل
دمتم_متابعين
تعليقات
إرسال تعليق