 |
مصنش العشرة
الجزء الاول والتاني
بقلم /تامر صقر
حنان أنا عاوز اتكلم معاكي في موضوع مهم
خير يا مراد..... أول مرة تكون كدة وانت بتتكلم
أنا هتجوز
بتهزر...... هو دة وقت هزار يا مراد
متصعبيش عليا الكلام يا حنان... أنا بقالي فترة متردد إني اتكلم معاكي في الموضوع دة
إنت بتتكلم جد ولا بتهزر
والله بتكلم جد فعلا أنا هتجوز
سكتت حنان وبدات تشعر بحالة من عدم السيطرة علي اعصابها وبدأت ترتجف من صدمة ما سمعت أذنها
جلس مراد بجوار حنان وقال وهو يلف زراعة حولها
أنا مش هتجوز عشان إانتي وحشة ولا إني مش بحبك بالعكس إنتي في عنيا أجمل ست في الدنيا وحبي ليكي هو اللي خلاني اجي واصارحك قبل ما أتجوز
نظرت حنان لمراد وعيونها تملئها الحسرة قبل الدموع وسألتة
لاخر مرة يا مراد إنت بتتكلم جد ولا بتهزر
إقترب منها مراد وقال لها هتجوز وعمري ما هأثر معاكي ولا مع الولاد وكل اللي هتطلبوة وزيادة شوية هيكون عندكوا
إنتفضت حنان ووقفت وقالت لة
تفتكر من عشر سنين لما كنت متقدملي ومكنش معاك تجيب شبكة وانا قولتلك هرضي بقليلي عشان عاوزك
تفتكر لما مكنتش عارف تكمل العفش ولا تكمل فرش الشقة وانا قولتلك مش مهم يا حبيبي نكمل بعد الجواز ولما ربنا يكرمنا
تفتكر لما مكنش عندك شقة وقولتلك نعيش في إيجار وهنتحمل لحد ما ربنا يكرمنا مع بعض ويبقي عندنا شفتنا
تفتكر لما إحتاجت دهبي ومن غير ما تطلب ولا افكر قلعت دهبي وإديتهولك
دلوقتي بعد ما ربنا كرمك وكبرت في شغلك وبقي معاك فلوس او ما هتدوس هتدوس عليا
يااااااااة يا مراد دا إنت اناني اوي
تفتكر لو كانت اللي هتتجوزها دي كانت مكاني من عشر سنين كانت رضيت بيك
مراد إتعصب من كلام حنان وقالها إنتي بتزليني عشان وقفتي معايا وبعتي دهبك لما إحتاجتة.
طب منا جبتلك اضعافة لما ربنا كرمني
بتزليني عشان اتجوزتك في شقة إيجار
طب منا جبتلك شقة أكبر من اللي كنتي بتحلمي بيها وفرشتهالك فرش جديد وكلها حاجات مكناش نحلم نجيبها
بصت حنان لمراد بصة تعجُب وقالت انا اللي إتحملت وعشت معاك ورضيت عشان كدة ربنا رزقك وكرمك عشاني وعشان ولادنا
بس للاسف يوم ما دوست كان عليا وعلي ولادك
والهانم اللي عاوزاك عشان فلوسك بس قبل اي حاجة
جت لقت كل حاجة علي الجاهز
إنما اللي إتحملت وعاشت اصعب الايام عشان بتحبك وبتحب عيالها وبيتها وعاوزة تحافظ علي البيت
كان مكافئتها إنك تتجوز عليها
مراد..... حنان أنا جاي اقولك عشان مش عاوز اعمل حاجة من وراكي
حنان.... لا وانت الصادق دة عشان لازم الزوجة الاولي تعرف
تزمر مراد وبدأ يعلو صوتة
مانتي معدتيش فيقالي ولا شيفاني اصلا
كل يوم سيباني وقاعدة مع العيال حتي النوم بقوم بلاقيكي نايمة معاهم وانا محتاج ست تقولي كلمة حلوة وتهتم بنفسها وبجسمها وشكلها
شوفي نفسك بقيتي إزاي شوفي أخر مرة عملتي شعرك كان امتي شوفي اخر مرة قولتيلي كلمة حلوة إمتي
نظرت لة حنان وقالت وهي اللي هتتجوزها لما تعيش معاك عشر سنين ومعاها أربع ولاد هتكون إزاي
الست يا استاذ طول ما جوزها برة البيت بتبقي الاب والام والشغالة والطباخة والحارث
بس إنت هتشوف اللي بعملة منين
منتا بتيجي من برة كل همك قعدت التيلفزيون والتليفون ولما حد يعمل صوت بتقلب الدنيا وكأنهم مش ولادك
يتبع
بقلم /تامر صقر
برجاء متابعه صفحتي الشخصية كاتب هاوي
التاني والتالت
مصنش العشرة.
بقلم /تامر صقر
صرخت والدتها فيها وقالتلها
متعمليش في نفسك كدة يا عبيطة.. ولادك محتاجينلك بيعي اللي يبيعك وبكرة هيعرف قيمتك
حنان.... مش قادرة يا ماما..... مش قادر أتخيلة مع واحدة تانية.. انا لسة بحبة يا ماما
سكتت حنان لحظة وسرحت وقالت
بس انا نفسي اعرف هو عرفها منين ومين دي اللي أثرت علية وهو كل يوم من بيتة لشغلة ومن لشلة لبيتة
دا حتي لو بات برة الولاد بيكلموة فيديو كول كل شويه
ردت أمها وقالتلها
مش يمكن البت اللي إسمها غادة اللي بتشتغل سكرتيرة عندة في الشركة
لا يا ماما غادة بنت غلبانة وانا اللي ضغط علية عشان يشغلها عشان ظروفها وحشة
آنا لازم اعرف هو هيتجوز مين وأعرف الحكايه دي جت ازاي
إتصلت حنان ب غادة مرة واتنين وغادة مبتردش
غريبة!!!!! اول مرة اتصل بغادة ومتردش عليا
بعتتلها رسالة علي الواتس وقالتلها
غادة انا عوزاكي في موضوع مهم... لما تشوفي رسالتي كلميني ضروري
بعتتلها غادة رسالة من كلمتين
(مش فاضية)
مصدقتش حنان اللي قلبها حس بية ورجعت إتصلت على غادة بس المرة دي لقت غادة عملت حظر
زادت النار في قلب حنان بعد ما حست إن جزاء المعروف اللي عملتة لغادة اللي كانت بتتقرب منها عشان تشغلها اي شغلة في شركة جوزها
إتصلت حنان بمراد وقالتلة هو سؤال واحد وعاوزة إجابتة
انت هتتجوز مين
رد مراد وقالها... لما تعقلي وتعرفي إن دة شرع ربنا ودة حقي وتوافقي هعرفك
شرع ربنا؟؟؟
هو إنت متعرفش من شرع ربنا تعدد الزوجات
علي العموم انا عرفت هي مين وعرفها خطافة الرجالة دي إزاي ترد الجميل اللي عملتة معاها بأنها تلف علي جوزي عشان تاخدة
بس الحق مش عليها هي
الحق عليك انت اللي مصُنتش العشرة ورحت ورا واحدة تاريخها كلة إسود
مبروك يا مراد بس ياريت قبل ما تجيب لولادك مرات أب إبقي إسأل عليها كويس
وقفلت حنان السكة
إتغاظ مراد من كلام حنان وراح لغادة بيتها اللي عايشة فية مع والدتها وقعد معاها وسألها
إنتي مخبية عليا حاجة
غادة.... حاجة؟؟؟ حاجة إية يا مراد مالك شكلك متغير
هو إنت غيرت رأيك
لا بس حنان كلمتي وقالتلي حاجات غريبه وانا عاوز اسمع منك
ردت غادة ودموع التماسيح اللتي تتقنها جيدا تسيل علي خديها
وقالت... هي إتصلت بيا وانا مردتش وبعتتلي رسالة علي الواتس اهي ولما رديت تاني مرة قالتلي أنا عرفت إن مراد هيتجوزك وانا هعرف اخلية يبعد عنك بأي شكل ولما قولتلها حرام عليكي يا حنان دة حقة وانا هكون زي اختك وولادك هما ولادي قالتلي كلام صعب مقدرش اقولة وعايرتني بفقري وقالتلي إتحملي علي سمعتك بقي الكلام اللي هقولة والعار اللي ميصبش يدوش
ساعتها بس قفلت السكة في وشها وعملتلها حظر
بكت غادة بكاء شديد ليرق قلب مراد وقالت لة انا عمري ما عملت حاجه غلط يا مراد
انا حياتي كلها كانت تعب وشقي ورغم إني إتقدملي ناس كتير واغنياء بس قلبي إختارك إنت
يا مراد انا سلمتلك نفسي عشان حبيتك ووثقت فيك ولولا إنك اقسمتلي إنك هتتجوزني مكنتش فرطت في شرفي حتي لو كنت بعبُدك
يا مراد انا في الشهر الثالث وبطني هتبدأ تظهر ومش عارفة لو سيبتني أنا هعمل إبة
وبصت غادة للسما وقالت.... بارب خدني أنا وابني لو هنسببلة مشاكل
يارب أنا مش عاوزة من الدنيا غير إنة يعيش مرتاح ومبسوط وسعيد
يارب إنت اللي عالم وعارف أنا بحبة ومخلصالة أد إية
سكت مراد وأخدها في حضنة وقالها وانا لو مقدرتش أحميكي إنتي واللي في بطنك يبقي ما استحقش أكون ليكي
يعني مصدقني يا مراد
مصدقك طبعا يا حبيبتي وعارف إنها مش هتسكت وهتقلب الدنيا لانها أنانية ومش بتبص غير لنفسها
بس انا عامل حساب الولاد خصوصا البنات عشان عارف أد اية هما متعلقين بيا ومش عاوزها تأثر عليهم بكلام يكرههم فيا ويبعدهم عني
رجع مراد البيت ملقاش حنان ولا الولاد دخل الاوضة فتح الدولاب ملقاش الشنط وعرف إن حنان سابت البيت
إتصل مراد بتليفون حنان وقالها إنتي سبتي البيت؟؟
ردت حنان وقالت أنا في بيت أهلي اللي الحمد لله ربوني كويس وعرفوني يعني إية أصول ولو محتاج تتكلم مع حد
ممكن تتفضل تتكلم معاهم لان هما أهلي وسندي وأكتر ناس بيخافوا عليا
ولو ناوي علي الطلاق يبقي ملوش لزمة إنك تيجي.... تقدر تبعتلي ورقتي علي بيت أهلي
راح مراد بيت والدة حنان وبمجرد ما دخل لقي إخوات حنان ووالدتها وعمها وخالها
سألة عمها عن السبب اللي جعلة يُفكر بزواج ثاني والاسباب التي فعلتها حنان جعلتة يفكر بأخري
وبدأ الحوار علي تبرير مراد لزواجة من أخري
أولا انا عمري كلة عايش بقول إن حنان دي أحسن هدية من ربنا وإن وشها وش السعد عليا وإنها إتحملت معايا من إيام ما كنت لا املك شئ
بس في الفترة الاخيرة أهملتني حنان وكنت دايما أنزل الشغل وهي ناية ومكنتش حتي بتفكر تقوم تفطرني
وأرجع البيت الاقيها لسة بلبس شعل البيت وكل شوية صوتها عالي ومتعصبة وأنا برجع البيت عشان الاقي جو هادي بعد يوم شغل طويل ومحتاج ارجع الاقي مراتي منتظراني شكلها حلو ريحتها حلوة الجو هادي الولاد مخلصين مذاكرة او نايمين
انا بقالي مدة عايش علي كدة وكل ما اتكلم معاها تقولي إنت مش حاسس
فبدأت أحس فعلا إني محتاج لحد يفهمني ويقدرني ويحس بيا
رد أخوها وقال
بص يا مراد الست لما يكون معاخا أربع ولاد وكلهم في مراحل تعليمية مختلفة وسيادتك في الشغل لا عارف هي بتصحي تعمل إية وانت راجع من الشغل عاوزها تكون قاهدة برنسيسة
تمام... هنفترض حنان إهتمت بيك وعملت اللي إنت عاوزة بس دة علي حساب تربية الولاد ونضافتهم مذاكرتهم ونضافة البيت والطبيخ ليكوا ووقفة المطبخ بعد الطبيخ
وغسيل الهدوم والنشر والكوي وانت ما شاء الله معاك بنتين وولدي يعني مش عيل واحد
ساعتها هتكون راضي ومبسوط إن بيتك فية ست كدة
لاااااا ساهتها هتبقي أناني وهي أنانية
أختي يا مراد إتربت علي انها تصون البيت اللي هايشة فية وتكون اب وام ومدرسة وطباخة وكل الادوار
هقولك يا مراد كلمة واحدة
لو بنتك زينب اتجوزت وبتعمل كدة مع جوزها وعيالها وجت وقالتلك يا بابا جوزي عاوز بتجوز عليا عشان الاسباب دي هيكون ردك إيه
برجاء متابعه صفحتي الشخصية وعمي
كاتب هاوي Tamer Sakr
يتبع.......
بقلم /تامر صقر
الجزء الثالث من هنا 👇👇👇👇👇
تعليقات
إرسال تعليق