رواية شمس الزين
البارت العشرين قبل الاخير والاخير 🥰
زين نزل يستني مريم ف العربية لحد م تجهز وهو دماغه مبطلتش تفكير ف شمس زي ترى هي فين وتعبانه ولا لا حاصلها حاجه ولا لا
مسك دماغه وفضل يخبط عليها
زين: فيينك ي شمس ليه عملتى فيا كده فينك
قطع تفكيره حد بيخبط ع ازاز العربية بيبص لقى ست سألته انت استاذ زين قالها ايوه قالتله انا علا مرات ابو شمس مراتك
زين بمجرد ما سمع اسمها وأنها مرات ابو شمس افتكر كل حاجه وحشه كانت بتعملها مع شمس
وقالها بحده نعم عايزه ايه ردت وقالت
علا ..احمد جوزى عايز يشوف شمس وطلب منى انى اروح اجيبهاله يشوفها
زين نزل من العربيه وفتح الباب وقالها اركبى علشان نروح للحاج احمد
علا طيب ما تنادى شمس تيجى معانا
زين اركبى دلوقتى بعدين نشوف شمس
علا لوت بقها وقالت ماشى وركبت
فضلوا طول الطريق ساكتين زين قطع الصمت واتكلم
زين. هو انتى عرفتى مكانى انا وشمس منين
علا انا احمد جوزى عمل حادثه والدكاتره قاله لازم بتر رجله وبعد ما رجلها اتبترت وصحى لقى نفسه مش بينادى غير على اسم شمس فهو كلم الحاج رؤوف والدك وقاله انك هنا انت وشمس
وصلت العربيه لبيت الحاج احمد نزل زين وعلا مرات ابو شمس وفتحت الباب اول لما دخلوا احمد نادى عليها وقالها شمس جت معاكى رد زين
زين لا انا اللى جيت
بصله احمد باستغراب وقاله انت مين يا بنى
زين انا جوز بنتك شمس اه من صحيح عمرك ما شفتنى انا بعت بنتك بالفلوس وسبتها ولا عرفت هى عايشه ازاى ولا اى حاجه كل اللى كان همك الفلوس بس ملعون ابو الفلوس اللى تخلى اب يبيع بنته
علا قامت وبصوت عالى ايه استاذ هو انت بتتكلم كده ليه متتكلم عدل
زين على صوته وقالها عدل ده اللى هو ازاى انتى مش انسانه حرمتيها من التعليم واقنعتى ابوها مش يوديها الجامعه وكنتى بتضربيها وبتخليه يضربها وهو سمع كلامك ومشى وراكى وباع بنته بالفلوس وبص للحاج احمد اللى كانت عيناه مليانه حسره وندم لان كل كلمه ببقولها زين حقيقه ولا اي يا حاج احمد كلامى غلط
رد الحاج احمد وقال بأسف عندك حق يا بنى
رد زين وقال عرفت متأخر بعد ما ضاعت منك ومنى بس انا مش هعمل زيك وهسيبها انا هفضل ادور عليها لحد اخر يوم فى عمرى لاخر نفس وجه يخرج
نادى عليه الحاج احمد وقاله لما تلاقيها قولها تسامحنى
زين اتكلم وقال أنا لو طلبت منها كده ابقى بجح اوووى بعد كل اللى عملته انت فيها بس هقولها
خرج زين من عند أحمد ومش عارف يروح فين ركب عربيته وراح اكتر مكان شمس بتحبه وهو البحر قعد على البحر بيفكر فيها وبيسأل نفسه ياترى عامله ايه هى كويسه وراحت فين واسئله كتيره اووى فى باله ومره واحده صرخ شمس ارجوكى ارجعى محتاجك من غيرك مش عايش وفضل يبكى وكأنه بيشتكى للبحر وبعدها ركب عربيته ورجع الشقه لاقى مريم يلا بينا هنسافر
مريم دلوقتى ارتاح وبكره الصبح نسافر
زين بتقوللى ارتاح ارتاح ازاى ومراتى مش عارفه هى فين ولا جرالها ايه يلا هنسافر دلوقتى
سافر مريم وزين وطول الطريق ساكتين لحد ما دخلوا البيت كانوا بعد الفجر الحاج روؤف كان بيتوضأ علشان يصلى سمع صوتهم وخرج ايه جابكم فى الوجت المتأخر ده عاد خير وفين شمس يا زين فين مراتك ياولدى
زين مراتى يا بوى معرفش هى فين
رؤوف ايه الحديت ده عاد بتجول مش عارف مراتك فين
زين اه مش عارف بنت اخوك ضيعت مراتى وخلتها طلبت منى الطلاق علشان راجعه عايزانى أطلق شمس واتجوزها وذهب بنظره لمريم بس لا يا مريم شمس هترجع يا مريم من غيرها مش هعيش دى حب عمرى دى حياتى دى شمس الزين
مريم صرخت لا لو رجعت هموتها انت ليا مش لغيرى انتى وعدتنى هتتجوزنى فاكر ولا نسيت فاهم يا زين انت ليا مش لغيرى
كان زين والحاج رؤوف بيسمعوا الكلام وهم مصدومين
فاق زين ورد وقالها انا مش هبقى لحد غير لشمس وبس ووعدتك هتجوزك كنا عيال كنا صغيرين مش فاهمين يعنى ايه حب بس انا حبت شمس وسابها وخرج وقفه صوت الحاج روؤف على فين ياولدى ؟؟
زين رايح ادور على مراتى يا بوى
بعد ما زين خرج وقفت مريم تعيط وتصرخ لحد ما اغمى عليها
عمها الحاج روؤف طلب الدكتور فوقها بقت تعيط وتصرخ وتنادى على زين وتقول هقتلها انت ليا مش لغيرى
الدكتور قال للحاج رؤوف انها لازم تتدخل المستشفى لان حالتها صعبه جدا وممكن تعمل حاجه فى نفسها وأنها لازم تتعالج وودوها مستشفى الامراض النفسيه والعصبيه
أما زين رجع راح شقته هو وشمس ولسه طالع لقى ملك قاعده قدام باب الشقه قالها ملك
ردت وقالت
دكتور زين الحق شمس
ياترى ايه اللى حصل لشمس وليه ملك بالذات هى اللى جات لزين هل هى عارفه حاجه عن علاقه شمس وزين
كل ده هنعرفه فى البارت الاخير بكره إن شاء الله
يتبع
علقواب20 ملصق وانتظروووونى بعد التفاااااااااااااااااااعل
ومتنسوش رأيكم يهمني
#الاخيره
زين رجع شقته لقى ملك قاعده قدام باب الشقه وبتعيط نادى عليها زين وقالها ملك
ملك قامت وقفت وقالت دكتور زين الحق شمس
زين مالها شمس يا ملك وهى فين انتى عارفه مكانها
ملك هى فى المستشفى
زين سمع كلمه مستشفى وعقله طار احاسيس كتير متلغبط فرحان أنه لقاها بس خايف يكون جرالها حاجه وقال لملك ليه ايه اللى حصلها
ملك عملت حادثه والعربيه خبطتها
بقلم /ندى صلاح
نزل زين وملك ركبوا عربيه زين وراحوا المستشفى راح بص على شمس من بره وكان بيبكى رد وقال هى مالها نائمه ولا ايه
ملك كانت لسه هترد قاطعهم الدكتور اللى بيتابع حاله شمس
وقال دكتور زين اهلا وسهلا بيك
زين ازيك يا دكتور امجد
دكتور امجد بخير الحمد لله انت هنا فى حاجه ولا ايه
زين انا هنا علشان مراتى شمس مراتى
استغرب دكتور امجد وقاله انت اتجوزت لان طبعا كله عارف ان دكتور زين مش متجوز
دكتور امجد كان زميل دكتور زين فى الجامعه بس دكتور زين بقى معيد فى الجامعه لكن دكتور امجد كان بيشتغل فى المستشفى
رد دكتور زين وقال اه شمس مراتى هى حالتها ايه دلوقتى
دكتور امجد هى فى غيبوبه من امبارح ٢٤ ساعه اللى جايه يعدوا على خير وهتبقى كويسه إن شاء الله ربنا يقومها بالسلامه أن شاء الله
زين شكرا يا دكتور امجد
دكتور امجد العفو
بقلم / ندى صلاح
زين قعد قدام الغرفه اللى فيها شمس واتكلم ايه اللى حصل يا ملك وانتى عرفتى ازاى أن شمس هنا
Flash back
شمس كلمتنى وقالتلى أنها عايزه تبعد علشان مريم وأنها طلبت الطلاق بصلها زين باستغراب
زين وقال هو انتى كنتى عارفه أن شمس متجوزه
Flash back
فاكر يا دكتور زين اليوم اللى كلمتك فيه وقولتلك أن عايزاكى تيجى خطوبتي اليوم ده انا كنت أنا وشمس فى المول ولما طلبت منها تكلمك قالتلى لا فكلمتك بس حسيت وانا بكلمك أن شمس متوتره فخلصت معاك المكالمه وسألتها فالاول قالتلى أنه مفيش حاجه بس لما اصرت عليها قالتلى أنها متجوزاك وقالتلى كل حاجه
خاصه بحياتها بس بردوا حكت عن مريم وقالت مريم بنت عمك بتحبك وعايزه تتجوزك وانك وعدت مريم بالجواز من وانتوا صغيرين وقالتلى أنها بتحبك اوووى وخايفه انك تسيبها
كل ده وزين قاعد يسمع وقف وقالها وانا مش هسيبها يا ملك دى شمسى دى شمس الزين
ملك يا دكتور زين شمس كل ما تفوق تنادى باسمك وترجع تغيب تانى عن الوعى
زين انا بحبها اكتر ما هى بتحبنى بكتيريا ملك انا مش بحبها انا بعشقها
بقلم /ندى صلاح
دخل زين عند شمس الاوضه مسك ايديها قومى علشان خاطرى قومى انا من غيرك ولا حاجه قومى يا شمسى دا انتى روحى محدش بيعيش من غير روح ومن غيرك مش هقدر اعيش نزلت دمعه من عينه على أيدها فتحت عيناها وقالت زين انا بحبك متسبنيش
اتكلم زين بفرحه وقالها يا قلب زين عمرى ما هسيبك ابدا انتى حياتى انتى العمر اللى جاى كله
وخدها فى حضنه
وبعد يومين بدأت شمس تبقى احسن وخرجت من المستشفى
وهم فى الطريق راجعين البيت طلبت شمس تزور مامتها فاخدها زين وراحوا المقابر وقف زين بعيد مسكت شمس ايده وقالتله تعالى معايا وراحت قعدت تتكلم مع مامتها وقالت انتى عارفه انا معايا مين النهارده يا ماما انا معايا زين جوزى وحبيبى ❤️
كان نفسى انتى كمان تكونى معايا وعيطت زين أخدها فى حضنه وطبطب عليها وركبوا العربيه ومشيوا على شقتهم
بقلم /ندى صلاح
بعد كام يوم
رجعت شمس لدراستها وكل يوم كانت تروح مع زين الجامعه لحدما فى يوم كانت شمس عندها محاضره لدكتور زين اول لما دخل قالوهم صباح الخير
ردوا الطلبه صباح النور يا دكتور
زين شرح والمحاضره انتهت وفى نهايه المحاضره قال يا شباب كلكم معزومين على فرحى يوم الجمعه الجاي
كل الشباب بتهنىء دكتور زين مبروك يا دكتور
بقلم /ندى صلاح
وكانت شمس مش مصدقه اللى بتسمعه وكانت قاعده جنب ملك وبدأت ايديها تبقى ساقعه ودموعها نازله وبتقول ايه ده يا ملك زين هيتجوز طب هى مين
لا انا مش عارفه ليه مقاليش ملك خافت على شمس ومسكن ايديها وقالت أهدى بس يا حبيبتى اكيد فى حاجه غلط
شمس ردت وقالت غلط ايه انتى مش سمعتى بيقول هيتجوز وفرحه الجمعه اللى جاى
وخرجت من المدرج هى وملك لقت زين مسك ايديها وكان كل الدكاتره والطلبه واقفين وقال تتجوزينى يا شمس
فضلت ساكته فرحانه مش قادره تتكلم وفى الاخر اتكلمت وقالت موافقه
وهنا كل اللى كانوا واقفين بيصقفوا وبيهنوا شمس ودكتور زين
بقلم ندى صلاح
خرجوا من الجامعه سألته هنروح فين قالها هنروح الصعيد نجيب ابويا الحاج رؤوف علشان الفرح
وفعلا نزلوا الصعيد وكان الحاج رؤوف فرحان جدا وفضل يحمد ربنا على أنهم اتجمعوا على خير
وعملوا فرح كبير جدا كل الناس كانت موجوده والحاج رؤوف كلم الحاج احمدابو شمس يروح بس الحاج احمد رفض وقال لا هخاف ابوظ فرحتها لكن مع إصرار الحاج روؤف راح الفرح
الحاج احمد ابو شمس طلع الغرفه اللى فيها شمس خبط على الباب فتحت ملك الباب وقالتله اتفضل دخل الحاج احمد اول لما شاف شمس بدا يبكى وبكل أسف قال سامحيني يا بنتى ربنا اخدلك حقك منى
ربنا اسمه العدل اسف فى اللى عملته فيكى وفى والدتك
ربنا افتكرها علشان يرحمها من اللى كنت بعمله فيها بس انا والله ندمت وعرفت أن كنت غلطان ارجوكى سامحيني
كانت شمس واقفه بتسمع كلامه وبتعيط واتكلمت وقالت مسمحاك يا بابا
بقلم / ندى صلاح
احمد مسح دموعها وقال زى القمر شبه والدتك الله يرحمها
واخد شمس من ايديها وسلمها لزين اللى كان واقف لابس بدله سوداء
وكان فرح كبير جدا فى كل اصحاب زين الدكاتره وملك والعميد كل الناس اللى بيحبوهم
واشتغلت الاغانى واشتغلت اغنيه تملى معاك لعمرو دياب وبداؤا يرقصوا سلو وفى النهايه الاغنيه شالها ولف بيها وهمس فى ودنها وقالها بحبك يا شمس بحبك يا شمس الزين
تمت
