القائمة الرئيسية

الصفحات

الأخبار[LastPost]

سكريبت يا من احبتك الروح فالروح تناديك لتحيا

 


اسكريبت كامل❤️💃

يامن من أحبتك الروح فالروح تناديك لتحيا

_عاوزني اتجوز  بنت صغيره عندها

تمنتاشر سنه لييي يا بابا من قلة البنات...  وكمان النهارده كتب الكتاب؟ 


الاب ببرود_ مش جواز هو كتب كتاب عشان منه تفضل في بيتنا هنا بدل ما هي قاعده في البلد لوحدها.. 

_ هي من البلد كمان يعني فلاااحه؟ نعم ده لي بقااا ما تجوزها لحد تاني.. 

_شوف يا حلو البنت بنت اخويا وصاحبي كمان وصاني عليها قبل ما يموت وبعدين والله خساره فيك ده البت قمرر جاتك القرف وانت  شبه خالك اخو امك كده.. 


_ده صاحبك. 

_ملكش دعوه انا بحب اشتم صحابي انا بحب صحابي انت مااالك هاا انت مااالك.. 


ضحكت عليه _بس برضو مش موافق 


.......................................................................... 


_ ها امضي فين يابابا.. 

_هنا يا حبيبي.. 


لقيت بابا فضل يضحك عليا  وماما واقفه مبتسمه منكرش اني فرحان لفرحتهم بس انا اتجوز طفله؟. هل يعقل.. 


_ده كتب كتاب بس يا حلو يعني اعتبرها خطوبه يا رووح امك.. 


_انت يستحيل تكون ابويا.. 

_ايوه لقيك على باب معبد صهيوني ها اي تاني؟ 


عند منه..... 


كنت قاعده في البيت مبسوطه وفرحانه عمو حسن  كان كل ما يجي البلد يحكيلي عنه قد اي هو جميل وكأن بيوريني صوره كنت حباه لدرجه كبيره حبيته من قبل ما اشوفه من اخباره وعرفت انه دكتور جراحه القلب وهو دكتوركبير في القاهره خلاني عاوزه ابقا ذيه عاوزه اكون زيه يمكن يحبني اوقات بنحط احلامنا على احلام ناس حابين أحلامهم لمجرد اننا حبيناهم  وانا حلمي ابقا ذيه ذي زين بالله حتى اسمه حلو، انا عندي خالي واحد ساكن في فرنسا كان ممكن اروحله بس عمو حسن اخذني عنده وقرر انه يكتب كتابنا انا وزين رغم اعتراضي بس قالي اني في اي وقت عاوزه اطلق هطلق... 


فوقت على صوت عمو حسن.. 

_تعالي يا منه سلمي على زين. 


قومت ووقفت قدامه.. 

_اذيك يا زين. 


لقيته لف وقال_ اذيك ياا

_انتي ميين؟. انتي حقيقه؟ 

_نعم في اااي انا منه  

لقيت عمو حسن بيكمل 

_ومراتك يا قلب امك. 


زيين.... 

_انصدمت هي دي مراتي منه هي دي اللي بحلم بيها العيله الصغيره اللي كل يوم تيجي تضحكلي في الحلم وتمشي اذاي هي حقيقه اذذااي؟ 

اذاي بكون بحلم بيها والاقيها حقيقه.. 

فوقت على سرحاني على كلام بابا وهو بيقول.. 


_شوفتي يا منه الواد اتهبل من جمالك انا عارف.. 


هي فعلا جميله ومش باين ابدا انها صغيره كانت حلوه بطريقه تخطف القلب قولت بدون شعور للي بقوله.. 

_والله هي من ناحية الجمال يا حج فهي جمل يابا الحج جمممل... 


رديت عليه _انت جليل الادب والربايه اذاي بتجولي الكلام ده لا بجولك اي انا ميعجبنيش الحال المايل هتظبط كده ولا... 


لقيته ضحك هو وعمي وأمه راح قرب مني اووي وقال.. 

_ولا هتعملي اااي يا شجرة الدر انتي 


ضحكت.. 

_هعمل كده يا جلب امك

_آآآآآآه يا بنت المجاانيين 


بعد ما ضربته على رجله لقيته قرب مني وقال.. 

_وانتي بقاا قد الحركه دي يا صغنن

رديت بشجاعه محتاجاها في الوقت ده.. 

_ايوه قدها ولا انت فاكر اااي.. 

_انتي اللي ابتديتي.. 


قاطعته في كلامه وقولت_وانا اللي هنهيها.. 

وسيبته وروحت لمرات عمي حسن.. 

_بجولك اي مرت عمي اوضتي فين.. 

_تعالي يا قمرر اوريهالَك.. 


طلعت وريتني البيت كله بيتهم لطيف حبيت جوه هنا 

_ودي اوضتك بقاا يا قمرر.. 

_بالله انتي اللي جمر يا مرت عمي.. 

_قوليلي يا ماما يا منه ممكن.. 

_يا حلاوه يا ولاد طبعا هجولك هو انا عندي فرحه اكتر من أن انتي امي.. 

_ما تجيبي حضن بقاا 

_وه وبوسه كماان.. 


فضلت مبتسمه على حنيتهم معايا ما عدا ابنها الحيوان زوجي المبجل جاته القرف في حلاوته.. 


دخلت الاوضه نمت كتتتتيييير  اووي صحيت على جردل مايه عليا حسيت اني بغرق قومت بسرعه ببص لقيت اللي المفروض يبقى قرة عيني.. 


_انت اي اللي عملته ده يا دكتور يا محترم.. 


لقيته قرب عليا وحبسني على السرير بدراعه وقال... 


_جيت اصحى مراتي عشان اوديها اوول يوم مدرسه ولا انتي رأيك ااي.. 


قربه كان مهلك ليا بعدته عني بسرعه وقومت  

_طب طب اطلع برا لغاية ما البس.. 


_ليه عادي ما تغيري انا جوزك يا صغنن ولا انتي ناسيه


يتبع 


ايمان_عبدالرؤف❤️

الجزء التالي حسب التفاعل 

لاتنسو المتابعه


اسكريبت....

البارت التاني❤️🙆‍♀️


_نععععممم بتجوول اااي عاوزني اغير قدامك يا جلييل الحيااا..


ضحك ولقيته بيقرب عليا وقال...

_ماانتي مراتي يا صغنن يا قمرر انتي.. 


قولت بخبث..

_اها انا صغننه ماانت اكبر مني بقاا بكتيير..  أنا المفروض اقولك يا عمو مش كده؟ 


لقيت وشه حمر كتمت ضحكتي بالعافيه لقيته قال بتوتر.. 

_يعني انتي يعني شايفه اني اكبر منك بكتيير.. 


بصراحه حسيته مكسوف كده ومش على بعضه كنت هقوله بس لقيت مامته بتنادي لقيته بصلي كده بحزن ونزل ع طول... ياربي انا هببت اااي دانا عوزاه يحبني.. 


_صباح الخير ياأمي انا هودي منه المدرسه. 

_حاضر يا زين يا حبيبي روح ربنا معاكم.. 


ركبت العربيه جمبه كان في وادي تاني مكنش بيتكلم شكله زعل ولا اي، حاولت اقطع الملل وقولت.. 


_ممكن تفسحني في مصر دي يا زين


لقيته لفلي كده بفرحه استغربتها بس افتكرت عشان مقولتش يا عمو لقيته قال.. 


_اكيد قولي عاوزه تروحي فين بقاا بس الاول بشرط. 

_متقوليش يا عمو. 


كان باين علي وشه الحزن هو وبيقولها رديت عليه وقولت.. 

_مش هقول يا عمو يا عم.. 

_منه 

_خلاص خلاص 


سكتنا شويه لقيته بعدها بشويه قال.. 

_منه انتي شيفاني كبير في السن؟ 


عاوزه اضرب نفسي بميت جزمه على الكلام اللي قولته.. لقيتني بقوله... 

_طب وانت شايفني طفله؟ 


لقيته سكت قولتله.. 

_اول ما تعرف اجابه وقتها انا هقولك الاجابه برضو.. 


_وصلنا مدرستك اهي.. 


قربت عليه وبوسته من خده وقولت.. 

_باي يا عمو 

وضحكت وسيبته ومشيت


عند زين.. 


طفلة اي بس بالله انا اللي طفل دي دي بلوة متحركه انا لازم ابعد عنها بس حسيت قلبي وجعني لما قالتلي اني كبير اووي عنها هي طفله وحلوه وو قمر الصراحه يخربيت حلاوة امها..  بس لازم ابعد عنها دي لما باستني كنت في حته تانيه مش عارف روحت فين  قلبي كان بيدق بطريقه رهيبه قربها مهلك وبعدها برضو مهلك اااااه استرها يارب انا غلبااان.... 


منه... 


دخلت المدرسه لقيت رقم  بيتصل بيا حطيت الموبايل على ودني سمعت صوته.. 

_منه 

قلبي دق من كلمه قلبي دق اول ما سمع صوته.. 


_اهاا مييين

_يعني مش عارفه ومش مسجلاني عندك ابو العيال ولا قرة عيني.. 


_بس بس حيلك حيلك جرا اي  يا ولد الناس عاوز اي مش لسه شايفني اي لحقت وحشتك.. 


_ها وحشتيني اي يابت انا انا بس قولت يمكن عربيه شالتك وارتحنا منك.. 

_عربيه تشيلك انت واللي 

_بس بس اي مجاري انفتحت. 


_مش هرد عليك تعرف ليه.

_ليه 

_عشان هقفل في وشك.. 


غووور جاتك القرف في حلاوت امك.. 


عدت الايام كان بيوديني المدرسه مره أقرب منه ومره ابعد عوزاه يحبني ذي ما بحبه  بس هو حلوف لا يبالي.. 

اوقات بيهتم اوقات لا. 

طول عمري عملاه قدوتي عاوزه ابقا ذيه دكتور شاطر  محبوب من الناس الناس بتدعيله. 


_بس انتي قمر والله يامنه. 

رديت بكسوف _ الله يكرمك يارب ده كلامك هو اللي حلو.. 


_الله الله اتنين لمون هنا يا حج


اول ما سمعت صوته داخل بيقول كده قلبي اتقبض اتخضيت هو قالي مقعدش مع حمزه ابن عمه لما يجي هنا بس بس انا مسمعتش كلامه يا خراب بيتك يا منه الراجل هيضيع منك.. بالله ضحكت لما لقيت عمي بيقول.


_يا رييت والله خليهم تلاته عشان ريقي ناشف.. 

_بااااااابااااااااااا

_سكت اهه ياللي منك لله.. 


لقيته با صصلي.. 

_عجبك الوضع. 

بصتله ببراءه_وضع اي يا زين.. 

_مممننننههه اطلعي فووووووق


طلعت اجري احييه ده اكل لحوم البشر عرفاااه


زين 


كانت قاعده معاه وبتهزر وتيجي معايا بتتقل دانا جوزها حتى وه كلامه حلو شوف البت طب بالله لوريها.. 


حمزه مشي لقيت بابا بيقول.. 

_فين الليمون 

_بابا 


لقيته ضحك وقال.. 

_بتحبها؟ 

_مبحبش أطفال يا حج. 

وسيبته ومشيت بس سمعته بيهمس ويقول.. 

_لا بتحبها انا عارفك اصلك بتغير واللي بيغير بيحب يا حلو.. 


لا مبحبهااش مش على اخر الذمن انا هحب طفله... 


طلعت فووق دخلت اوضتها  لقيتها قاعده على السرير منكمشه شكلها معيط مش هكلمها مش هكلمها مليش دعوة.. 


_بتعيطي لي.. 

_مفيش 

_بتعيطي ليه.. اخلصي

_اصل كنت شايفه نفسي كبيره بس لسه عارفه اني طفله  المهم تصبح على خير يا عمو زين... 


نامت نامت  وسابتني باكل في نفسي من الغيظ يعني جاي اعاقبها بعملتها لقيتها بتعاقبني هي... 


صحيت على الضهر عشان عليا درس نزلت لقيتهم متجمعين على السفره لقيت واحده قاعده واحده مشكله كده صفرا وقاعده جمبه.. 


_صباح الخير 

_صباح النور يا قلبي تعالي اقعدي جمبي.. 

كانت ماما ببص عليها شكلها متضايق ببص على عمي مش قادر يبصلي.. 

لقيت البت الصفرا بتقول.. 

_هااي ازيك يا قمر.. 

_كويسه انتي مين.. 

_انا بسمله خطيبة زين.. 


وقعت اللقمه من بوقي وشنقت فضلت اكح جامد اكح كلهم اتجمعوا حوليا ماعدا هي كان هو بيبصلي نظرة حزينه لقيت دمعه نزلت من عيني وبصتله بحزن وقولت... 


يتبع 

تفاعل ياحلوين

لاتنسو المتابعه 

اسكريبت البارت التالت.... والاخير 🙆‍♀️❤️


رديت بحزن وقولت_الف مبروك يا ياعمو زين..


وقومت بسرعه وحاولت امسك دموعي بس مش قادره مش قادره استحمل خطب؟ يعني لسه معتبرني طفله مش معتبرني مراته..

لبست بسرعه عشان اروح المدرسه مش طايقه افضل في البيت خطب هو خطب؟


_استنى عشان هوديكي المدرسه.. 


بصيتله نظره حزينه دموعي على وشك تنزل بس قولت بقوة... 

_لا شكرا بعرف اروح لوحدي يا يا عمو زين. 


لقيته اتعصب وقال_بلاش عمو زين دي بقاا. 

قربت منه جامد وقولت _لا يا عمو انت عمو زين وبس اها ومبروك مرة تاني علي الخطوبه.. 


عند زيين.. 

غبيه غبيه برضو بتقولي عموو مش عارفه انها مراتي اروح اقتلها طب ولا اي بس لا شكلها زعلت اني خطبت بس انا عملت كده عشان عشان مش عارف عملت كده ليه زي ما يكون عاوز اضايقها بأي طريقه بصراحه انا مني لله على اللي بعمله فيها... مش عارف هوصل لأيه بس كل اللي عاوزه اني محبهاش ايوه محبهاش.. 


نزلت وراها بسرعه  وديتها دخلتها العربيه كانت ساكته ساكته وبس... 


منه.. 

فضلنا طول الطريق ساكتين مكنتش عاوزه ادخل في جدال معاه لقيت موبايلي بيرن برقم غريب... 


_الو 

_

_يا حبيبي بتهزر صح عامل ااي يابني واحشني اوووي.. 

_

_ماشي هشوفك بلليل 

_

_خلاص اشطاا مستنياك باي


زين.. 

كانت بتتكلم في الموبايل وضحكتها من الودن للودن كان قلبي قايد نار مين اللي بتكلمه ده وبتقول واحشني ممممييين ددده اول ما خلصت المكالمه محستش بنفسي غير وانا ماسك ايديها وبشدها وبقول بعصبيه.. 


_مييين دده ياااهاانم؟ 

لقيتها شالت ايدي من عليها  وبصتلي وقال.. 

_وانت مالك

_انتي مراتي 

_وه اخيرا افتكرت ان ليك زوجه 

_انا منستش

_امال خاطب ليه 


معرفتش ارد اقول ااي هقولها ااي وانا اصلا مش عارف خطبت بسمله ليه.. 


_طب اخلصي مين ده وبتقوليله واحشني ليه وياحبيبي ياشيخه حبك برص.. 

_حبك انت 

_طب ما تحبيني انتي.. 


حسيت ان قلبي دق جامد  هو ازاي قال كده اللي مشمحترم ده 

_لا مهحبكش 

_يبقى مين ده 

بخبث_ابن خالي 

بعصبيه_وبتقوليه حبيبي وواحشني. 

لقيتها نشكت بأيديها وبصت على شباك العربيه وقالت

بخبث_براحتي على الاقل مروحتش خطبت وانا واحده متجوزه.. 


زين....


هرد اقول ااي وانا الغلطان هرد اقول ااي وانا مش عارف ارد لا والأنيل اني متضايق انها بتكلم راجل غيري وده عاوز اي بقااا اها هو جاي النهارده لما نشوفه...


_المدرسه عدت ياعمو زين..

_ما تبطلي بقاا

بخبث_ابطل اي

بعصبيه_انزلي يا منه اخلصي..

بخبث_ماشي استني

بوسته من خده برضو زي كل يوم هههه طب بالله لاجننك..

_باي يا عمو زيين..


عند زين..

اتنهدت انتي خليتي فيها عمو؟ دانا قربت اتشل من أفعالك يا شيخه منك لله، طب والله مني لله انا..

اما اروح واشوف اللي جاي ده... 


_طب ما تاخدني معاك 

_طب يلا حضري هدومك.. 

_ترووح معاك فين انتي ملكيش جوز تتكلمي معاه وتشاوريه.. 


قاعده من الصبح مع ابن خالها اللزج ده عمالين يتكلموا ويضحكوا طب طب وانا سيباني ومش معبراني حتى والزفته بسمله دي قاعده جمبي ياربي انا ناقص تشتيت بس لقيتها بتقوله ياخدها معاه تسافر فرنسا الي هنا وكفى... 


لقيتها ابتسمت بحزن وقالت. 

_محتاجه السفريه دي يا زين ممكن توافف

قلبي اتقبض اول ما قالت كده حسستني قد اي انا وحش وعملت معاها كتيير وبصراحه انا عملت بصيت على بسمله  فعلا انا عملت معاها كتير.. 

سيبتهم ومشيت اصلي مش هقدر اقولها خليكي محتاجك جمبي ومش هقدر اقولها امشي عشان ترتاحي.. 

عدا اسبوع ومش بشوفها مبقتش اوديها المدرسه وسبت بسمله وهي كانت وحشاني  كنت مفتقدها بطريقه فظيعه كنت بدخل الاوضه عليها بلليل أملي عيني منها وامشي بس لما دخلت امبارح لقيت في شنط متحضره يعني هتسافر وتسبني هتسافر؟ 


صحيت الصبح بدري.. 

_منه 

بصت عليا لقيتها احلوت اووي كانت جميله وتتاكل اكل كده اول ما شوفتها اخدتها في حضني مش عارف ليه بس كانت وحشاني... 

_وحشتيني 

_ها 

ضحكت عليها _وحشتيني يابت 

_وه اتحشم يا راجل انت بتقول ااي

ضحكت بس افتكرت انها مسافره.. 

_انتي مسافره يا منه؟ 

_ها اه مسافره. 

ابتسمت_توصلي بالسلامه.. 

_نععععممم هو ده اللي قدرك عليه ربنا اها ماانت عاوز يخلالك الجو انت والسنيوره طب بص بالله ما مسافره.. 


رفعت حاجبي_لا والله 

ضحكت بخبث _اها والله ما مسافره وابقا وريني بقاا هتعمل ااي.. 


منه.... 

روحت قعدت على السفره فضلت اكل وهو كان قاعد ومبتسم كنت عارفه انه با صصلي انا عندي عاده بتخليني اعرف اذا كان حد باصصلي ولا لأ.. 


زين... 

كنت مبسوط بكلامها مش هتسافر عشان فكراني لسه موجود مع بسمله بتغيير يعني بتحب هييييح انا اتجننت والله بطفله صغيره كانت بتجيلي في أحلامي ودلوقتي بقت في الواقع بتاعي... 


_عامله اي في المذاكره..

_يعني حلوه 

_تيجي ازاكرلك 

_بججججاد 

ضحكت_اها بجد 


كان بيزاكرلي كل يوم لما بيجي من المستشفى الامتحانات كانت قربت وانا تالته ثانوي كنت على اعصابي عاوزه ابقا دكتوره وجراحه ووزيه زي زين حبيبي،  كان دايما بيطمني ويقولي انتي طالما بتتعبي في المذاكره يبقا ربنا هيديكي وعمره ما يكسفك ابداا كنت بصلي قبل ما ازاكر وبعد ما ازاكر بدعي كنت بدعي كتيير اووي وواثقه فيه انه هيقبل ويحقق.. الامتحانات خلصت وجاي وقت النتيجه.. 


_النتيجه ظهرت 


كلمتين خلوا اعصابي سابت كان هيغمي عليا دموعي سابت لوحدها.. 


_هاتي رقم جلوسك يا منه. 

_ااي لا لا مش معايا. 

_عادي انا حافظه 

_زين انا خايفه 


حضني وطمني وقال.. 

_تعبك هيتقدر متخافيش خلي عندك ثقه فيه. 

_ونعم بالله 


كنت على اعصابي متوتره خايفه لغايه 

_جبتي 99.8٪


نطيت عليه 

_كداااب يالهوووووي الحقو وني بسسييح من الفرحه.. 


كله حضني فضلت اعيط معاهم كله عيط وهو هو كان فرحان كل شويه يحضني.. 


_نفسك بقاا وحلمك تدخلي كليه اي. 

_ذيك نفسي ابقا ذيك انت 

بصلي باستغراب.

قولت _متستغربش انا حلمي هو انت حلمي انت وبس 

ضحك_يا بخته 

_هو مين 

_اللي نفسك تبقى ذيه 

وطيت عليه وقولت في ودنه 

_اصلي بحبه 


لقيته اتصدم وبعدين حضني جامد وقالي في ودني .. 

_وهو بيمووت فيكي 


ويا من احبتك الروح فالروح تناديك لتحيا♥️😌🌹

تمت 

ايمان_عبدالرؤف♥️

لو تفاعلتم حلو هنزل بقصه جديده 

لتصلكم القصص الجديده ادخل الصفحه 👈 احمد منصور  ودوس متابعه

تعليقات

CLOSE ADS
CLOSE ADS
close