الفندق الملعون..... الجزء الاول
بقلم / تامر صقر
نادر يلا يا نادر نمشي من هنا الفندق دة في حاجة مش طبيعيه وانا مش مرتاح للناس اللي فية
الحكاية بدأت لما نادر أخد أجازة من شغلة في البورصة بعد ما خسر الفلوس اللي كان بيشغلها لأصحابة وعشرة عمرة
اللي وثقوا فية وفي شطارتة في إدارة ألاموال في البورصة
بس نادر خاف يقولهم ويحصلهم صدمة خصوصا إنة عارف إن دي كل اللي الفلوس اللي قدروا يجمعوها بعد ما باعوا كل اللي يملكوة
نادر قرر إنة ياخد اصحابة في رحلة لمكان مجهول لايعلمة ولا يعلم حتي طريق الرجوع
بس قرر ياخد اصحابة ويسوق بيهم والمكان اللي يحس إنة مناسب هيقف فية ويصارحهم إنهم خسروا كل فلوسهم
وطول الطريق بيضحكوا وبيهزروا بس نادر عشان حاسس بمرارة الخسارة وإنهم مش هيتحملوها كان مش مستوعب رد فعلهم لما يعرفوا إنهم خسروا كل شئ
أصحاب نارد هما هيثم ومحمود أصدقاء الطفولة اللي دايما مع بعض ومفرقهمش غير الشغل بس
حتي الخروجات وزوجاتهم وأولادهم مع بعض
مشي نادر في طريق مش مجود علي GBSولا لية ملامح والليل بدأ يليل وملامح الطريق بدأت تختفي
سأل هيثم... إحنا رايحين فين بالظبط
دا إحنا أول مرة نشوفك بالشكل دة وكمان مسألناش هنروح فين وهنبات إزاي ولا معانا هدوم ولا معانا حاجة
رد محمود وقال طالما إحنا مع بعض ماتشيلش هم حاجة أهم شئ نلاقي بس حاجة ناكلها حتي لو هنبات في العربية
فجأة وقفت العربية ومؤشر البنزين زيرو ومفيش في المكان غير سواد كاحل ونسمات هواء تبدو با ردة
نزل الاصدقاء الثلاثة من العربية وخرج كل واحد فيهم تليفونة يحاول يتصل بحد بس للأسف مفيش شبكة
محمود قالهم طب ممكن نتمشي شوية يمكن نلاقي بنزينة او أي حاجة تعرفنا إحنا فين او حتي نلقط شبكة
وفعلا مشوا مسافة طويلة وبعين إكتشفوا إنهم دخلوا من طريق متفرع من أكتر من طريق
وإكتشفوا في الوقت دة إنهم مش عارفين مكان العربية
نادر قالهم حد يساعدني أطلع الشجرة دي واشوف أي ضؤ من مرتفع الشجرة
وفعلا ساعدوة وتسلق نادر الشجرة
ومكنش يعرف حقيقة الشجرة اللي كانت سبب في هلاك كل من مر بالطريق
نادر من حظة السئ ساب الطريق كلة والاشجار كلها وتسلق أكثر الاشجار رعبا علي وجة الارض
طلع نادر وكل ما بيطلع خطوة في شئ بيساعدة وبيسحبة
هو فاكر انها شطارة منة أو تسلق الشجرة سهل
بس الحقيقة إن نادر كان بيتسحب
إستقر نادر في مرتفع مناسب وبدأ يشوف أي ضؤ من بعيد وبدأ يستكشف المكان المجهول اللي هما فية
في الوقت دة هيثم رفع كشاف الموبايل علي الشجرة بعد ما حس بحركة غريبة على الشجرة
ضوء الكشفاف عكس عيون كائن خلف نادر تمام
همس هيثم لمحمود وقالة
محمود بص كدة دة إية اللي ورا نادر دة
رفع محمود كشاف تليفونة تجاة الشجرة ومكان ما شاور هيثم لقي كائن غريب يشبة القرد لة قرون وزيل طويل ولة أسنان حادة
محمود وهيثم حاولوا ينبهوا نادر ويطلبوا منة ينزل من الشجرة بسرعة
بس هما في شئ مكتفهم شئ مسيطر عليهم مش مخليهم يتحركوا من مكانهم ولا صوتهم يخرج
تليفوناتهم وقعت منهم علي الارض ومش قادرين ينزلوا يحيبوها
شئ سيطر عليهم سيطرة كاملة
نادر بيسألهم حد شامم ريحة وحشة
أنا شامم ريحة كريهة أوي
محدش بيرد
نادر بص عليهم ووجهة ضوء تليفونة عليهم مش شايفهم
ندة عليهم كتير ومحدش بيرد فجأة لقي إيد وكأنها إيد قرد ماسكة دماغة وبتوجهه تجاة ضؤ أصفر علي مسافة قريبة
إتخض نادر وإلتفت يشوف مين اللي مسك دماغة ولفها كدة بس ملقاش حد
في اللخظة دي نادر خاف وبدأ جسمة يرتعش وكرر ندائة علي أصدقائة بس مفيش إجابة
نزل نادر بسرعة وفلتت رجلة وقع من علي الشجرة وقع علي الارض
قام ومن غير ما يبص وراة جري نادر ومن خوفة وفزعة مبصش وراة وطول ماهو بيجري حاسس بخطوات بتجري وراة
فجأة رجلة نزلت في حفرة وقع علي الارض
في الوقت دة لقي محمود وهيثم قدام عينية ويبحالوا ياخدوا نفسهم بصعوبة من شدة الجري والخوف
وهما اللي كانوا بيجروا وراة بس كانت ألسنتهم متلجمة مش قادرين ينطقوا
حاول هيثم ومحمود يسَندوا نادر ويرجعوا للعربية وفي طريقهم وجدوا مبني كبير يبدوا قصر فاخر
إقتربوا منة علي أمل أن يجدوا اي شخص يساعدهم
أو ينتظروا في القصر حتي الصباح
وبعد ما اقتربوا منة وجدوا لوحة مكتوب عليها أوتيل Hotel
دخلوا من بوابة القصر ومشوا في الجنينة في إتجاة الضوء
خبطوا علي الباب محدش فتح
وبمجرد إنهم فتحوا أُوكرة الباب فتح بسهولة
دخلوا المان وكانوا مبهورين بفخامة وعظمة المكان اللي يبدوا مهجور ولا يسكنة أحد من مدة
بدوا يمشوا في القصر وبدأت أسئلة كتيرة تُراود أفكارهم
هيثم.... إية المكان الجميل دة وإزاي مكان بالفخامة دي موجود في مكان مهجور زي دة
محمود..... الغريب إن في كهربا أي نعم كام لمبة وإضائتهم ضعيفة بس المكان باين علية مهجور من سنين
نادر...... المكان دة ممكن نفضل فية لحد الصبح بس نشوف في حد موجود فية ولا مفيش
خصوصا اليافطة اللي مكتوب عليها فندق يمكن نلاقي حد هنا
فجاة وهما واقفين لقوا خيال شخص وراهم
إتفزعوا وخافوا وإلتفتوا وراهم يشوفوا الخيال دة خيال مين
لقوا راجل كبير وجهة شاحب قصير القامة أصلع بيسألهم
إنتوا مين وإية اللي جابكوا هنا وعاوزين إية
رد نادر وقالة إحنا عاوزين ناخد اوضة نبات فيها للصبح وتحت أمرك في اللي تطلبة
رد الراجل وقال مفيش مكان ليكوا إتفضلوا أخرجوا من المكان دة فورا
رد نادر وقالة معلش إحنا محتاحين بس نبات للصبح وهنمشي عشان العربية عطلانة ومفيش شبكة نتصل بحد
سكت الراجل شوية وقالهم أنا حظرتكوا بس طالما مصممين تباتوا إنتو أحرار
قالهم تعالوا معايا وطلعوا السلم للدور الثاني وهما طالعين سألة محمود.... إنت قاعد هنا مع مين يا حاج
رد الراجل وقالة سيد قولي يا سيد
نادر..... ليك الاحترام بردوا يا حاج مينفعش نلغي الاحترام
سيد....... إنتوا عندكوا كام سنة
رد نادر وقالة إحنا تقريبا كلنا ٣٥ سنة لاننا زملاء وأصحاب من أيام الدراسة
سيد..... أنا بقي اصغر منكوا أنا لسة مكملتش ٣٠ سنة
فجأة وقف نادر ومحمود وهيثم وبصوا للراجل بزهول
قالهم طالما دخلتوا هنا متستبعدوش أي شئ إدخلوا ناموا ولو صحيتوا كويسين هحكيلكوا كل شئ
نادر مصدوم...... صحينا كويسين
فجأة لقوا ناس في الدور التاني كلهم نفس شكل سيد عواجيز وقُصار القامة ووجوههم شاحبة
هيثم...... نادر يلا يا نادر نمشي من هنا أنا مش مرتاح للمكان دة ولا للناس اللي فية
فجأة إتفتح باب الاوضة وخرجت منها...................
يتبع
بقلم /تامر صقر
تعليقات
إرسال تعليق