رواية حب غير مشروط
الاول والتاني والتالت
اللى جايب اعلى درجة .. جايب 27 برافو عليكى يا هند .. وتقدير لتعبك هيبقى ليكى شهادة.. أنا كدة بحب الطالب المجتهد ..
وأنا .. وأنا يا مستر جايبة 26
ايوة ممتازة بردة
حبنى أنا كمان !
.... حاول ميدققش على الكلمة وضحك !
لسانى دة مستاهل قطعة وبجدارة كمان
حبنى أنا كمان !! .. دا أنا غبية ، مش عارفة لية دايما بيحصل معايا موقف بايخ مع مستر كامل .. يمكن لانى بحبة !
هو فرق السن تقريبا اربع سنين .. أنا حاليا فى ثانية ثانوى .. وهو عندة 23 سنة ..
لما بشوفة بحس انى مطمنة .. بحس براحة نفسية رهيبة
عمرى ما حسيت مع حد المشاعر دى + انة استاذ شاطر جدا يعنى وشرحة اجمل مما تتصوروا .. هل دة حب اخوى عادى ولا حب بحق وحقيقى ؛ أنا هتجنن !
بحب اكلمة اوى .. وبفضل واقفة نص ساعة برة اكلمة عن المنهج مع انى مبحبش المذاكرة .. ولما يخلص الكلام اخترع اى مناسبة اى بتاع واكلمة فيها .. ولما اشوفة بيضحك قلبى بيتخلع من مكانة اجدعاان هو فية اية بقى ؟
بس لما المحة بس بيكلم أو بيضحك مع بنات تانية ببقى نفسى اقوم اولع فيهم كلهم بما فيهم هوا !
عارفة ان دة غلط ومتأكدة .. بس أنا بينى بجد بحبة !
لحد ما جية يوم السبت اللى قبل الامتحانات .. كنت متوترة اوى .. بس لقيتة دخل علينا وفتح الباب بسرور كدة حسيت ان حزنى دا هينتهى قريب ..
وبكدة يا شباب نكون خلصنا حصة النهاردة .. فية حاجة صعبة ؟
ولو مفيش والله لاخترعها واقرفك احنا هنهزر !! لحد ما قطع تفكيرى صوت البنت جانبى وهى بتسال
" هو مال المستر فرحان اوى كدة لية" ؟!
طبعا يا شباب انتو زى اخواتى الصغيرين وحبيت اقولكوا ان هخطب يوم الخميس الجى !!!
الولاد قاموا من اماكنهم وراحوا يباركوا والبنات قعدت تتكلم بسرور .. وكان باين انة بجد فرحان ، وانا حسيت ان فية حاجة جت ضربت فى قلبى !! .. وطرفت عينى فعيطت .. قومت من غير ما اتكلم مع حد .. وروحت البيت عيونى وارمة !
رميت الكتب عالسرير وبعدها نزلت علية بحملى كلة ..وقعدت اعيط ..
لحد ما اختى الكبيرة دخلت و قالتلى
رهف ، مستر كمال طالب ايدى !
الثاني
#التاني
رميت الكتب عالسرير وبعدها نزلت علية بحملى كلة ..وقعدت اعيط ..
لحد ما اختى الكبيرة دخلت و قالتلى
رهف ، مستر كمال طالب ايدى !
مستر كمال مين !!؟
اختى : مدرس الفيزيا بتاعك .. جة وطلب ايدى النهاردة !
أنا بجنون : لا لا يمكن مستر كمال اللى أنا بروحلة الطويل .. انتى عارفاة صح ، استنى اوريكى .. اوريكى صورتة !
شافت الصورة وخدودها احمرت بخجل .. بعدها سالتنى: "اه اية رايك فية بقى" ؟
_انتى اكيد بتهزرى يا امل ! .. انتى مش ممكن متعرفيش !
اختى باستغراب : اعرف اية و مالك يا رهف .. اهاا .. حطت ايديها على كتفى ( تقريبا فهمت انى بحبة )..
وبصت فى عيونى .. اللى كنت بحاول امنعها تدمع مرة تانية ..بضغطى على كفى بضوافرى لدرجة نقطت دم على السجادة !
وقالت بشفقة مفرطة : أنا عارفة يا رهف ، ومتفهمة وضعك كويس .. بس ما باليد حيلة وكل حاجة فى ايد ربنا _ مش كدة !؟
أنا .. أنتى يعنى انتى عارفة .. وازااى قبلتى بكدة !! الخطوبة يوم الخميس الجاى كمان !!
اختى بحب : عارفة انة قبل امتحاناتك بمفيش واكيد انتى متوترة وخايفة بسبب التجهيزات بس من الناحيه دى عايزاكى تطمنى خالص .. كمال وعد انة مش هيقصر معاكى .. وماما وعدت انتى ملكيش مكان غير اوتضك تذاكرى فيها ومتحطيش ايدك فى اى حاجة !
ها اية رايك بقى ؟ .. عايزاكى تبقى فرحانة انتى هتبقى اخت العروسة بعد كل شىء !
وسابتنى بعد ما بابا ندة عليها على استعجال .. أنا هبدت الباب ونزلت على ركبى بندب حظى ومش عارفة أنا هيحصلى اية ؟! .. لو حد يعرف اسهل وسيلة للانتحار يا ريت يتواصل معايا !
عدى يومين وجة معاد درسة .. كنت مرعوبة حاسة أن شعرى كان واقف تحت الطرحة ، رحت علشان ميشتكيش لاهلى .. وزى ما توقعت بقى مركز معايا اكتر فى الحصة وعينانا جت كتير فى بعض !
يا ربى هو اية اللى بيحصل؟؟! ذنب اية دة !؟
وطبعا مسلمتش من زملاتى اللى بقوا يسالونى ..
"هو صحيح اختك هى العروسة"!؟
كنت ساعات بحب انفجر واقول .. "لاا أنا ، أنا اللى المفروض اكون العروسة !! "
لحد ما جة قبل الخطوبة بيومين .. مكنتش مركزة فى دروسى فقولتلهم انى نازلة اجيب الشبكة معاهم وكانت والدتة موجودة معانا .. وصلنا عند الصايغ ..
هو وامل فضلوا واقفين بينقوا بفرحة .. أنا لية جوايا شعور الحقد دة نفسى الحتة تولع فالدبل تنصهر ولا الصايغ تحصلة مشكلة ويدخل الحمام ميخرجش منة النهاردة .. استغفرك ربى !!
لحد ما جيت قدام الطربيزة .. لبست خاتم سوليتر وقولت بانفة " لا لا يا امل دة مش حلو خالص ".. شاورت على الخاتم اللى فايدى وقولت : بصى الخاتم دة جميل ازاى !؟
امل بزهق : ايوة بس هو صغير عليا مش جاى على مقاسى..
قولت بسرحان : ولية ييجى على مقاسك انتى !!؟
والدتة بصتلى و ...
حب_غير_مشروط
بقلمى
شكرا على التفاعل القمر والكلام الجميل على البارت اللى فات
اتمنى يكون فية زية على دة ، اشوفكوا بخير البارت الجاى ❤️❤️❤️❤️
التالت
#التالت
لحد ما جيت قدام الطربيزة .. لبست خاتم سوليتر وقولت بانفة " لا لا يا امل دة مش حلو خالص ".. شاورت على الخاتم اللى فايدى وقولت : بصى الخاتم دة جميل ازاى !؟
امل بزهق : ايوة بس هو صغير عليا مش جاى على مقاسى..
قولت بسرحان : ولية ييجى على مقاسك انتى !!؟
والدتة بصتلى بصة محدش فهمها غيرى يمكن لان محدش كان فى دماغه اللى بفكر فية .. غيرها !!
.. تداركت الموقف وقولت بسرعة وأنا بضحك .. : طبعا اهم حاجة تكون اخت العروسة راضية .. اها هها مش كدة !؟
والدتة بانافة بصتلى من فوق لتحت وقالت : طبعا .. طبعا..
والخروجة دى كانت اكتر وقت هزرت فية .. لان حسيت بالهزار بقدر ادارى كسفتى وبسيطر على أفكارى
اخييراا رجعنا البيت واحنا طالعين كانت امل عمالة تكلمنى عن اد اية هو شهم وحد لذيذ اوى .. وبتعرض عليا اخرج معاهم المرة الجاية .. علشان وجودى وهزارى خلى الخروجة تحلى !
مش بايدى ان وجودى كان لذيذ بالنسبالكم !
.. اول ما دخلت اوتضى .. وبصيت فالفون لقيت كمال مغير حالتة لمرتبط ! .. رميت التلفون السرير وسمعت راديو جارى وهو بيعلى صوتة على امتحانات الثانوية وقد اية ممكن تيجى صعبة السنادى !
حملى زاد وحسيت أن عايزة اعيط .. عايزة احضن حد وافضل اعيط على كتفة ، عايزة حد يملس على شعرى ويقولى .. كلة هيبقى تمام !
مش ربانزل عملت كدة ليوجين .. امتى هييجى يوجين لحياتى ! .. لحظة دا بقى لغيرى اصلا !
مليش نفس افتح الكتب .. ولكن ماما كانت بتبصلى نظرات عالعشا .. نظرات معاتبة ، ضيعت وقتى ب شراء الشبكة معاهم ومذاكرتش حاجة ..
دخلت اوتضى وقفلت الباب بالترباس .. حاولت اذاكر لكن كنت بسرح .. بسرح فحاجات كتير اوى .. وحاسة ان احلامى معدش ليها وجود فعالمى البسيط ..
فقت لقيت امل بتخبط .. هميت بسرعة وفتحتلها
أنا بزهق : نعمم ؟
امل بلطف : ممكن استعير منك البلوزة الكشمير .. كمال اتفق معايا أنة عايز يخرجنى وانتى عارفة أنى مش بنزل كتير ومعنديش لبس حلو ..
أنا حاولت ادارى غيظى : طبعاا .. بس هو شافها عليا مرة اكيد هيفتكر أنها بتاعتى !
امل بحزن : اذا كان كدا تمام ... وقفلت الباب وراها
قعدت عالمكتب بعد ما قفلت الباب بالترباس تانى .. ومفكرتش اللى عملتة دة صح ولا غلط ، أنا ملبستهاش قبل كدة اصلا ....
قمت الصبح على صوت خبط جامد ..
أنا بفزع وبلغبطة : ايية .. أنا ،، هو فية اية !
قمت فتحت الباب بخوف شديد ..
ماما قرصتنى من دراعى وقالت بصوت واطى : انتى قفلة الباب عليكى من امبارح لية !!؟
أنا : ااهه .. ك .. كنت بذاكر ونمت عالمكتب ،، اسفة اهاا
ماما : بااس وطى صوتك عريس اختك برة بيتفق مع ابوكى
أنا : .. جايين تصحونى علشان تقولولى كدة ؟! بيجااد !!!
ماما : سلفى اختك البلوزة الكشمير على ما ننزل نجيب الهدوم الجديدة وحاجة الفرح ...
أنا بعصبية : يادى ام البلوزة الى جايبالى وجع القلب دى ... اتفضلى !
أمل : تسلمى ي
قاطعنا صوت بابا وهو بيزعق .. : يعنى اية الفرح هيبقى الاسبوع الجااى !
ماما جريت عالصالة وأنا وامل وقفنا ورا الستارة ..
كمال : اهدى يا عمى .. أنا مش هكمل الترم التانى هنا ،، هدرس فى الكويت الثلاث سنين الجايين وطبعا مش هسيب خطيبتى هنا كل المدة دى !
ماما راحت تهدى بابا وتقعدة ...
بابا بعد ما هدى : ايوة يبنى بس بالسرعة دى !؟ .. الواحد مكنش عامل حسابة ..
كمال : ماهو من الناحية دى متقلقش خالص .. احنا هنطلع عالكويت تانى يوم علطول .. نقضى شهر العسل ونستقر هناك ..
فمش هنحتاج لا عفش ولا شقة ولا اجهزة ، كل اللى هنعوزة العروسة طبعا ..
بابا بص لماما بحيرة .. وامل كانت هتنط من الفرحة جنبى
أنا بهزار : فرحانة ... احنا كنا بنعذبك هنا ولا اية ؟!
أمل بقرف : رهف .. خشى غسلى سنانك ..
بابا قام وقف ..واتنهد : اللى عايزة ربنا هيكون يبنى
كمال بفرحة : يعنى موافق يعمى ؟!
بابا : لو كنت هتحافظ على بنتى وبتحبها اوى كدة .. اه موافق !
ماما زغرطت بعد ما كمال حضن بابا .. وامل حضنتى
اما أنا مكنتش حاسة بحاجة .. كنت حاسة أن روحى اتسحبت منى .. تقريبا كنت حاسة باللى هيحصل فالفرح .. !!
حب_غير_مشروط
بقلمى
استعدوا علشان القصة والاكشن هيبتدوا !
و... اية رايكوا فطريقة العرض دى اللى هيا اسيب فراغات وكدة حلوة ولا ورا بعضة احلا ؟
شكرا على التفاعل القمر .. ❤️
اشوفكوا على خير فى البارت القادم .. ❤️❤️
تعليقات
إرسال تعليق