رواية نصف جناني الاخر البارت السابع والتامن

 

 البارت السابع والثامن

نصف جناني الآخر 😂

#ايزيس 

أسر صحي بعدها وبيبص م الڤراندا وانصدم من المشهد الي شافه 

أسر بص بصدمة وغضب لما شاف هنا واقفة ع الشط وشاب جي من وراها وهيحضنها 

هنا كانت فاكرة أنه أسر متقمص الشخصية الطيبة وحضنها لسة هتلف انصدمت لما لقيت زياد بيحضنها ويقول لها وحشتيني 

هنا زقته وضربته كف وهو اتعصب ومسك دراعها بقوة وكان بيهددها أنه هيدفعها تمن الكف دا غالي اوي 

أسر كان متابع الأحداث وبيقول ف نفسه اكيد هنا تعرف الشاب دا من طريقة حوارهم مع بعض واضح أنه مش واحد بيعاكس 

أسر نزل بسرعة لقي هنا قاعدة ع الشط ودافنة وشها بين ايديها وبتعيط 

مسك كتفها بصت بخوف لسة هيزعق فيها بس اتفاجئ أنها قامت بسرعة واترمت ف حضنه وعيطت 

أسر في الاول مارضيش يحضنها بس بعد كده اتجاوب معاها وحضنها بحنان عشان يخفف عنها 

أسر ...مالك بتعيطي ليه 

هنا..بدموع..مافيش حاجة 

أسر...مين الشاب اللي كان واقف معاكي دا 

هنا بدموع...دا دا زميلي ف الجامعة 

أسر ضيق عينيه وقال ..اسمه ايه زميلك دا 

هنا ببرأة ..اسمه زياد زفت السعدني 

أسر اتعصب جدا وقال ف نفسه ..هي حصلت كمان حبيب القلب يجي وراكي اد ايه انتي جريئة ..وبعدين قالها 

....واضح أنه واخد عليكي حبتين 

هنا بعدت عنه بصدمة وقالت ...انت ازاي تقول كده ..أنا عارفة حدودي كويس اوي ف التعامل مع اي شاب غريب ..بس دا كان بيضايقني من اول يوم في الجامعة .وكنت فاكرة اني خلصت منه لما اتجوزت بس رجع تاني يظهر ف طريقي 

أسر بشك ..بيضايقك ازاي يعني 

هنا ...كان عايزني ابقي حبيبته ونتصاحب وانا مستحيل امشي مع اي شاب من غير ارتباط رسمي 

أسر ..ايه دا وهو مارضيش يرتبط بيكي رسمي ولا ايه 

هنا بصت له بصدمة وقالت...هو انا ليه حاسة بنبرة شك ف صوتك انت بتشك فيا ولا ايه 

أسر ببرود ...لا العفو احنا بس بندردش 

هنا بغضب ..انا عمري ما فكرت ارتبط بواحد مغرور زي زياد علاقتنا كانت عبارة عن مقالب بنعملها ف بعض مش اكتر وتسمح توسع من طريقي انا هاطلع أنام وسابته ومشيت 

أسر مسك فونه وكلم شادي

.....شادي عايزاك تجيبلي تفاصيل علاقة هنا بزيادة السعدني 

خلال يومين بالكتير انت فاهم ..وقفل الخط 

لسة هيتحرك عشان يطلع السويت بتاعهم بس وقفه صوت 

.......أسر باشا المسيري هنا أنا مش مصدق عينيا 

أسر التفت لقي كمال السعدني اتضايق جدا

بس حب يظهر عكس اللي جواه 

أسر ببرود ...اهلا كمال باشا مختفي من يوم الصفقة ايه خايف تتحسد

كمال ...لا حبيت استجم شوية قبل معاد تسليم الصفقة لاني بعدها هابقي مشغول جدااا في الشغل انت عارف صفقة كبيرة زي دي عايزة الواحد يفضي نفسه ...بجد زعلت عشانك لأنك خسرتها يلا خيرها ف غيرها يا باشا 

أسر بغرور ...انت زعلت بجد..بس انا فرحت عارف ليه ..اممم بصراحة الشغل كان ممل جدا وانا نمبر وان وماليش منافسين بس دلوقتي واخير بعد العمر دا كله ليك في المجال دا تقدر تتقدم خطوة وتبدأ تنافس good luck ...وبعدين حط أيديه ف جيوب الشروال بتاعه واتقدم بخطوات واثقة وهمس لكمال ...بس خلي بالك منافسك قوي جدااا واعي يسحقك وابتسم باستفزاز 

ومشي 

كمال كان شايط لانه ماقدرش يوصل للي هو عايزه ويقهر أسر 

واسر مشي وهو بيتواعد لهنا أنه ينتقم منها لانها السبب في الموقف اللي بيحصل دا لولا جنانها ماكانش خسر الصفقة 

كان متعصب جدا و مارضيش يرجع الفندق قعد يتمشي شوية واشتري حاجة ورجع وهو مبسوط جداااا

وصل السويت لقي هنا بتصلي 

بص لها شوية حس أنه فرحان لأنها كده بس ف نفس الوقت افتكر اللي عملته واتضايق 

خلصت هنا وبصتله بعتاب .هو بصلها بسخرية وقال...هتنزلي معايا نتعشي 

هنا ...اممم 

أسر ...هاخد شاور بسرعة وننزل 

أسر اخد شاور ونزلوا اتعشوا وبعدين رجعوا السويت وبعد شوية وقت ناموا هما الاتنين 

أسر صحي ع الساعة تلاتة بعد نص الليل 

لبس حاجة وراح جمب هنا قرب منها وحط أيده علي وشها 

هنا بتحلم أنه أسر ماسك ريشه وبيلعب ف وشها وهي بتضحك 

اسر كان لابس جوانتي اسود من الريش وبيمشي أيده علي وشها 

فتحت عينيها وفجأة 

هنا....اعاااااااااا يا مامااااااااااا الحقوني شبح شبح اسرررررررررر

أسر كان لابس لبس شبح كامل 

هنا كانت هتموت م الرعب أسر قلع القناع وضحك بانتصار

هنا بصت بصدمة ومش مستوعبة في حد بالجنان دا 

قامت م السرير وفضلت تضرب في صدر أسر وتعيط 

أسر كان بيضحك بسخرية خلتها اتعصبت اكتر مسكته من ياقة تي شيرته وقالت ...من انهاردة أنا اتحديتك يا اسر و عد بقي هاعمل فيك كام مقلب 

أسر ضحك بسخرية ...معلش بقي دا ملعبي ..طب واللي يكسب

هنا ...اللي يكسب هو اللي يحكم بالعقاب 

أسر مد أيده ...ديل 

هنا ...ديل 

&&&&&&&&&&&&

في شقة جميلة جدا وأساسها راقي 

معتز ...اسمعي يا روحي انا عندي فكرة جامدة ايه رأيك أقنع ياسمين اننا نتجوز عرفي عشان باباها يوافق يجوزنا وبكده نكون ضمنا نسبة كبيرة من ثروة كمال المسيري وبعدها بقي نخلص من أسر وكمال والثروة كلها تبقي من نصيبنا 

صافي ......اسمع يا روحي انت شكلك كده البت عجباك صح بس انا مش هاسمحلك تنفذ اللي ف دماغك ..احنا خطتنا أننا نمضي خالد علي كل أملاكه ولو فشلنا يبقي ساعتها نفكر بقي ف جوازك من ياسمين اوك 

معتز بإحباط ...اوك 

&&&&&&&&&&&&&&

عند هنا واسر 

بدأ صراع الجبابرة 😂

#هنا تخرج م التواليت تلاقي هدومها مقطعة كلها واسر بيضحك 

#أسر يقعد ع الكرسي اللي هنا حاطة عليه مادة لاصقة فميقدرش يقوم ويرشأ فيه 

#هنا تدخل تاخد شاور يقفل أسر عليها الباب ويخرج مايجيش الا اخر اليوم 

#اسر يطلب قهوة هنا تحطله فيها شطة 

#يرد عليها أسر بحبوب اسهال في العصير بتاعها 

استمر الصراع اسبوعين كاملين من الفرهدة والمقالب المجنونة وفي يوم 

أسر صحي مالقاش هنا جمبه 

بص م الڤراندا لاقها لابسة ميني دريس وبنطلون جينز وحجابها وبتستعد أنها تنزل البحر 

أسر نزل عندها 

أسر ..بتعملي ايه الصبح بدري كده 

هنا ....اسمع أنا بجد صاحية مزاجي رايق ومش عايزة ادخل معاك ف صراع من اي نوع ممكن تسيبني اعيش اللحظة مزاجي جايبني اني اعوم 

أسر برفعة حاجب ...انتي بتعرفي تعومي ..نتسابق

هنا في نفسها...لو قلتلوا لا هيستهزأ بيا وهو ما بيصدق يتريق علي خلق الله عشان كده مش هينفع أقوله اني كنت بفكر اعوم ف شوية المية اللي بيجوا ع الشط 

أسر ..بتفكري ف ايه خايفة 

هنا ...وانا هخاف من ايه أنا بعرف اعوم جدا علي فكرة 

أسر بخبث....طب قولتي ايه نتسابق 

هنا ..بخوف بتحاول تداريه ...نتسابق 

وفعلا بدأوا يتسابقوا واسر وصل لنقطة بعيدة جدا في البحر وهنا بتحاول بأقصي جهد عندها توصل عنده 

والمية كل مدي بتبقي اعمق ..لغاية ما فجأة هنا فقدت السيطرة علي نفسها وكانت بتغرق ..أسر شافها من بعيد بس كان فاكرها بتعمل مقلب وبعد دقيقة أدرك أنها بتغرق بجد بقي بيعوم باقصي سرعة عشان يوصلها ..وصل بس كانت فقدت الوعي 

أسر شالها وخرج بيها م المية ونيمها ع الرمل وبدأ يضغط علي صدرها يعملها إنعاش ويخرج المية من رئتها بس ما كانتش بتفوق كان قلقان جدا وبدأ يعملها قبلة الحياة واخيرا بدأت المية تخرج من بقها أسر مشاعره اتحركت م الحركة دي وهنا اخيرا بتفتح عينيها لقيت أسر مركز علي شفايفها وقرب منهم بقبلة عميقة جداااا وهي مبرقة مابعدش عنها الا لما رجعت ميه ف بقه 

أسر بقرف ...يخرب بيت قرفك 

هنا حست أنه وشها نارر فضلت تكح وقالت ...انت استغلالي اوي علي فكرة كح كح

أسر من غير ما يرد لانه بيقرف بجد ..شالها وطلع ع الفندق دخل السويت ودخلها التواليت وحطها ف البانيو بكل هدوء وشغل المية 

هنا باحراج ..م ممكن تخرج 

أسر بوقاحة...ليه مانا هاساعدك 

هنا بخجل ....لا شكرا 

أسر ابتسم بخبث وخرج 

أسر غير هدومه وجاله اتصال 

أسر بفرحة ومش عارف سببها ....بجد انت متأكد من اللي انت بتقوله دا ..طب أقفل أقفل دلوقتي 

خرجت هنا بالبرنص بصلها أسر وابتسم بخبث وكان بيتفحصها وقال 

.....انتي خسرتي التحدي يلا بقي هتنفذي العقاب 

هنا...بتوتر ...وايه العقاب 

أسر..........يتبع 

&&&&&&&&&&

البارت انتهي اتمني يعجبكم ❤️

#ماتنسوش اللاف ومتابعة لصفحتي عشان يوصلكم الجديد 😊

البارت التامن 

نصف جناني الآخر 😂

#ايزيس 

أسر غير هدومه وقعد ع السرير وجاله اتصال 

أسر بفرحة ومش عارف سببها ....بجد انت متأكد من اللي انت بتقوله دا ..طب أقفل أقفل دلوقتي 

خرجت هنا بالبرنص بصلها أسر وابتسم بخبث وكان بيتفحصها وقال 

.....انتي خسرتي التحدي يلا بقي هتنفذي العقاب 

هنا...بتوتر ...وايه العقاب 

أسر........قربي 

هنا بتوتر...لا انت اكيد هتعمل فيا مقلب 

أسر ابتسم ...لا أنا قررت نعمل معاهدة سلام يعني هدنة. موافقة 

هنا كشرت ...هدنة يا خسااارة الوقت هيبقي ممل ويعدي ببطء هنا من غير مقالب 

أسر برفعة حاجب ...ياااااه انتي مش بتقدري تعيشي من غير مقالب بقي 

هنا ...بصراحة اه 

أسر ....طب تعالي عشان العقاب 

هنا قربت بحذر ...ن نعم 

أسر قرب عليها اوي وهي اتوترت جدا همس لها...امسحيلي الجزمة ...وضحك 

هنا بعدت عنه بصدمة وقالت ...يخرب بيت الجزمة ..بص أنا معايا فلوس تعالي نروح المول واشتريلك جزمة جديدة بس انسي الحوار دا ابوس ايدك 

أسر مد أيده وقالها....خدي بوسيها 

هنا ...لا دانت مش طبيعي وربنا ..يا بركة دعاكي يا زينب 

ضحك ومسكها من راسها قربها لوشه وهمس لها لو مش عاجبك تبوسي ايدي يبقي تبوسي حاجة تانية 

هنا بتوتر ...ايه 

أسر مركز علي شفايفها قامت فجأة واحدة عطست ف وشه 

أسر بسرعة جاب منديل معقم ومسح وشه وقال...يخرب بيت اللي يقربلك يا شيخة ..دانتي عروسة فقر مرة تغرقي ومرة تتعبي ومش عارف اخرتها ايه 

هنا بزعل ...أسر انت كنت هاتزعل لو غرقت 

أسر ...احم ..كنت هاقول ايه لأهلك ساعتها

هنا ...يعني انت كل همك اهلي ..أسر هو انت حبتني امتي وازاي 

أسر حب يغير الموضوع ...مسكها من أيدها وشدها ليه وقال...انتي بقيتي رغاية كده ليه يلا نامي شوية دانتي كنتي هتموتي مني 

هنا بصت له بحيرة ومش لاقية تفسير لأسر وتصرفاته  

لسة هتحط راسها ع المخدة لقيت أسر حط أيده 

هنا...ممكن تشيل ايدك عشان أنام 

أسر ...ليه هو فيه مانع انك تنامي علي دراعي ..هو مش معترض علي فكرة 

هنا ابتسمت ونامت علي دراعه وبعد شوية راحت ف النوم..

و أسر بيفكر ...هو أنا ليه فرحت اوي لما شادي قالي أنه علاقة هنا بزياد كانت عداء وأنه هو فعلا كان بيضايقها وهي بتصده ..ايه العبط اللي انا بقوله دا ما اكيد هتضايق لما اعرف انه مراتي بتحب واحد تاني ..ايه دا انا قلت مراتي هو أنا شكلي حبيتها ولا الحب اصلا عامل ازاي انا عمري ما حبيت الا امي واختي وشادي ..لا كده هاتفهم غلط حبيت شادي زي اخويا😂 

 طب انا أعرف ازاي بقي اني حبيتها ولا لا ..اممم بس مافيش مانع نتسلي شوية ونتعامل علي اننا مخطوبين لغاية ما أتأكد من مشاعري ومشاعرها وبعدين بقي نتجوز تاني ساهلة جدا 

بعد تفكير طويل أسر سابها نايمة وبدل لبسه ونزل 

&&&&&&&&&&

في فيلا خالد المسيري 

شادي مسك ياسمين من دراعها بقوة وقال ...كنتي فين دا كله يا هانم 

ياسمين بعصبية ...وانت مالك 

شادي ...اسمعي يا ياسمين انتي بنت عمي ومن حقي اضربك كمان لو لقيتك بتغلطي..و في يوم هاثبتلك أنه معتز انسان مش كويس وما يستهلكش بس خايف يكون فات الاوان ساعتها 

ياسمين بغضب ...ابعد عني مش علي اخر الزمن هاخد نصايح من واحد فلاح جي من الارياف 

شادي بصلها باحتقار وقال ...ماشي يا ياسمين باراحتك بس انا بخلي مسؤوليتي منك وهاقول لعمي كل حاجة ..سابها ومشي 

ياسمين فضلت تتصل ب معتز يلحق المصيبة بس مافيش رد ..فقررت تروحله شقته ..

&&&&&&&&&&&

أسر نزل قعد ف البار بتاع الفندق 

بص لمح زياد وقال في نفسه ...ماعاش ولا كان اللي يلمس مرات أسر المسيري ....وقال في نفسه أنا مالي كده بقيت باستمتع لما اقول ع المجنونة دي مراتي أنا هربي العيل الفاشل دا الاول وبعدين نشوف حوار هنا 

قرب عند زياد لقاه ماسك خمرة وبيسكر 

أسر للجارسون ...لو سمحت واحد كولا زيرو شوجر ..وواحد فوتكا(خمرة)

أسر شرب الكولا وسكر بقي😂....قام ماسك كاس الفوتكا ودلقه علي وش زياد لسة زياد بيستوعب الصدمة قام أسر ضربه بالبوكس ف وشه وقاله ...دا عشان لمست مراتي ..وضربه بوكس تاني وقاله ..ودا لو فكرت انك تلمسها مرة تانية ولسة هيضربه مرة تالتة فجأة لمحه كمال والد زياد وجي بسرعة وقال بغضب ...اسر باشا ايه اللي انت بتعمله دا ليه بتضرب ابني 

أسر....أسأل المحروص عمل ايه لمراتي

كمال ...مراته ..انت تعرف مراته منين يا زياد 

زياد بيمسح الدم من بقه وبيقول ...هو اللي خطف هنا مني احنا كنا بنحب بعض

أسر اتجنن م الكلمة صرخ في زياد وقال ...اخرسسس ما تجيبش اسمها علي لسانك القذر دا وكان هيضربه تاني بس كمال وقفه 

وقاله...عندي أنا دي يا باشا 

ومسك ابنه قومه زياد همس لوالده...هتسيبه 

كمال همس...اهدي كل حاجة في وقتها حلوة هجيبلك حقك بالعقل

أسر سابهم ومشي وهو بيفكر ف كلام كمال ...واضح أنه كمال ما يعرفش هنا اصلا 

يعني أنا كنت ظالم هنا وهي ما اتفقتش عليا معاهم وانه دي صدفة ..هو أنا فرحان كده ليه ...اكيد أنا معجب ب هنا يا ربي حد يفهمني الاحساس اللي جوايا دا ايه 

&&&&&&&&&&&

ياسمين وصلت شقة معتز وكانت مترددة تخبط دي اول مرة تروح شقته والوقت متأخر فكرت تمشي تاني بس قالت إنها هتقوله ينزلوا يتكلموا في أي كافيه زي ما متعودين يتقابلوا .. خبطت

في الشقة 

........معتز ميزو روح افتح ...راح فين دا اممم بياخد شاور ..دا اكيد الدليڤري اروح افتح بقي 

فتحت الباب 

ياسمين بصت بصدمة لما شافت واحدة تقريبا كده مش لابسة الا حاجات قليلة جدا 

المزة😂...انتي مين 

ياسمين بتعيط ومش قادرة تتكلم م الصدمة 

معتز خارج بفوطة وبس ...مين يا بوسي وأنتي واقفة كده ازاي

بص بصدمة لما شاف ياسمين 

وهي جريت لتحت وهو كان هيخرج بس افتكر أنه بالفوطة رجع تاني وبص ل بوسي بغل وضربها كف وقالها برا وقفل الباب وكان هيتجنن ومسك الفون يبلغ صافي

&&&&&&&&&&&

أسر رجع السويت بتاعه وهو هيطير م الفرحة قرب علي هنا وباس جبينها لقي حرارتها مرتفعة جدا ..جاب مية ساقعة وفوطه صغير وفضل يعملها كمادات طول الليل وفجأة هنا بتهلوس 

هنا بتعيط ....اهئ اهئ ..أنا مش بحبك يا أسر أنا بحب ..........يتبع 

&&&&&&&&&&

البارت انتهي اتمني يعجبكم 

#ماتنسوش اللاڤ ❤️ومتابعة لصفحتي عشان يوصلكم الجديد 😊