رواية نصف جناني الاخر البارت الثالث والرابع بقلم ايزيس

 

البارت الثالث 

نصف جناني الأخر 

ايزيس 

سليم...بت يا هنا سواق سواق 

اضرِررررب ..وفجأة هنا توجه بيضة علي السواق وسليم يوجه طمطماية فينحني السواق لأسر وترشأ البيضة علي هدوم أسر والطمطاية ف وشه ويبدأ الصحفين تصوير في المشهد النادر دا والتلفزيون يصور 

عشان تنزل الاخبار في الجرايد (طبق اليوم أسر المسيري بيض بطماطم )

أسر بص لفوق لمح بنت بتجري وتضحك 

أسر ...😠😠😠هاقتلها....وركب بسرعة عربيته عشان يهرب من الكاميرات وساق بسرعة كان كل هدفه أنه يلاقي مول قريب يشتري منه أي بدلة عشان يلحق المناقصة بس المشكلة أنه اخد ورق شركته معاه 

وبعد حوالي ربع ساعة كان لقي مول وراح اشتري منه بدلة طبعا مش استايله خااالص بس مش مهم المهم أنه لازم يلحق الصفقة بص ف الساعة لقي فيه قدامه ربع ساعة كمان ساق بسرعة جدا وخلاص كان هيوصل قاعة المؤتمرات بس فجأة خبط في ست كانت ماسكة خضارومشتريات م السوبر ماركت 

وقف العربية وفجأة لقي حشد م الناس اتجمع حواليه وكله بيشتمه ويزعقله 

راجل ...مش تفتح مهو تلاقي ماما اللي جيبهالك 

أسر وعينه ع القاعة وبيرد ع الراجل ...احترم نفسك .وماتلمسنيش 

زيكو صبي القهوجي....ما يلمسكش ليه خايفة علي نفسك يا سوسو 

أسر بصله بغضب وضربه حتة بوكس وقعه ع الأرض وبعدها الناس مسكوا فيه وبهدلوا هدومه وهو بيقاوم وعينيه مركزة ع القاعة 

راجل تاني ...لازم تودي الست المستشفي نشوف يمكن رجلها انكسرت 

أسر...خد العربية بتاعتي وديها انت سيبوووني وخد فلوس بس سيبوووني 

الراجل ...نسيبك دا ايه انتوا تعملوا العملة وتهربوا احنا هناخدك ع القسم نعملك محضر 

أسر وصل لقمة غضبه وقام زق الراجل ع الأرض وصرخ ...سيبونيييييييي 

وفجأة وقف متصنم مكانه بمجرد ماشاف كمال السعدني خارج ومعاه ورق الصفقة 

مسك راسه وقام واقع مغمي عليه م الصدمة 

الست اللي اتخبطت ....خلاص يا جماعة جات سليمة أنا كويسة (بعد الدنيا ماباظت ياخي تبا لكي😂)

شادي لمح عربية أسر جري لقي الناس شايلنه وهياخدوه ع المستشفي

 شادي قلق عليه وقام سانده بمساعدة الناس ودخله العربية وساق ع البيت وكلم الدكتور 

بعد فترة جي الدكتور وفحص أسر وقالهم أنه ضغطه نزل عشان كده فقد الوعي 

واسر اخيرا استعاد وعيه 

أسر ساكت مش بيتكلم 

شادي بغضب ...انت رحت فين السعدني جروب اخدوا الصفقة هي دي اللي ف جيبك 

أسر...صرخ وهو ف قمة غضبه ...شادييييي بس مش عايز اسمع اي كلمة بخصوص اللي حصل ..بس دي مؤامرة ضدي وانا لازم اعرف مين وراها البت دي تجيبلي كل حاجة عن تفاصيل حياتها هي تقريبا كانت في الدور الخامس اكيد حد اتفق معاها عليا 

شادي ...تمام اهدي بس اهدي خلاص اللي حصل حصل تكون ف بؤك وتقسم لغيرك يا صاحبي 

أسر...اطلع برا سيبني لوحدي 

شادي ...تمام 

خرج شادي لقي ياسمين ف وشه لابسة وخارجة

شادي...رايحة فين يا ياسمين 

ياسمين ....ميت مرة قلتلك ماتسألنيش رايحة فين انت مالك اصلا 

شادي ...بغضب بيداريه...أنا مالي ماااشي يا ياسمين بس احب اقولك أنا عارف انك مارحتيش الجامعة من يومين وكنتي مع حبيب القلب ف كافيه 

ياسمين ....بتوتر ...ا ا ايه انت عرفت منين 

شادي ...اسمعي يا ياسمين أنا بحذرك ابعدي عن معتز انتي ماتعرفوش 

ياسمين ...انت قلت لأسر 

شادي ...تفتكري لو كنت قلت لأسر كان سابك كده عادي 

ياسمين ...ابتسمت وقالت ...اومال انا بحبك ليه يا شاد يا عسولة ..وخرجت تجري 

شادي اتنهد بحزن ..ياريت تعرفي اني أنا كمان بحبك اوي يا بنت عمي 

ولسة بيلف لقي جيجي هاتدخل اوضة أسر 

شادي جري ...استني عندك ..لو عايزة وشك الحلو دا يتعمل منه شاورما ادخلي عنده

جيجي ...مش فاهمة ليه بقي 

شادي...أسر ف قمة غضبه والعفاريت بتتنطط قدام عينيه ومش عايز يشوف اي حد ..وانتي حرة يا قطة 

جيجي بصتله بغضب وجريت علي اوضة اختها 

جيجي ...صافي أنتي مش وعدتني انك هتكلمي اونكل خالد في جوازنا انا واسر 

صافي ...شور يا قلبي هاكلمه بس مستنية الوقت المناسب واطمني أسر مافيش حد ف حياته ..وانا بخطط حتة خطة بسببها أسر حتي لو رافض يتجوزك هيوافق غصب عنه ..وضحكت بخبث 

جيجي بحماس ...خطة ايه 

صافي...تؤ تؤ دا شغلي أنا انتي بس احلمي وانا هاحققلك كل احلامك هههههههه

جيجي ...😘😘😘

&&&&&&&&&&

تاني يوم في الجامعة 

هنا قاعدة سرحانة وبتبسم 

ندي ...مالك عاملة زي الهبلة كده بتضحكي للهوا بتفكري ف ايه يا قدري 

هنا ....اممم بفكر في اللي سرق قلبي 

ندي ...مين دا ياختي اللي سرق قلبك 

هنا....زين الجارحي 

شيري ...نعم ياختي احنا مش اتفقنا أنه زين الجارحي الكراش بتاعي أنا ومراد الألفي الكراش بتاعك 

ندي ...هتتجنن منهم..أنا قاعدة مع اتنين مجانين بتكراشوا علي ناس مش موجودة أصلا ابطال روايات 

شيري...اسم الله عليكي انتي الكراش بتاعك ممثل تركي 

سمعتهم بنت كانت مركزة معاهم اوي ...جاتك خيبة منك ليها بقي أنا ببيض علي إشاعة انشرها في الجامعة ويطلعوا في الاخر ابطال روايات ياخي ابو شكله اللي يتصنتكوا تاني ..ومشيت وهي هتطق م الغيظ 

ضحكوا التلاتة المجانين وقالت ندي ...يلا بسرعة لحسن مازن يعمل مننا كفتة لو اتأخرنا وهو اصلا شايط من هنا 

لسة هيدخلوا السيكشن لقوا زياد قدامهم 

زياد ببراءة ونحنحة....بنات ممكن اتكلم خمس دقايق مع هنا 

هنا ...لا 

ندي وشيري ....خلاص يا هنا هنقف بعيد عنك شوية تمام 

هنا...أندال وربنا ..وانت اخلص عايز ايه 

بصلها واتكلم بنحنحة ...أنا اسف يا هنا وعايز نبدأ صفحة جديدة مع بعض ايه رأيك مدام انتي مش بتحبي الصحوبية وكده خلاص انا هاخطبك انا بحبك يا هنا 

هنا بصدمة ...ايه تخطبني بس بس انت مش فارس احلامي يا زياد 

زياد...نعم أنا زياد السعدني البنات تتمني نظرة مني تقولي مش فارس احلامك اومال مين بقي فارس احلامك يا ست هنا 

هنا...زين الجارحي 

البنات سمعوها وانفحروا ضحك 

زياد بعدم فهم ...دا معانا في الجامعة

هنا ...لا دا بطل رواية 

زياد...نعممممم وقال في نفسه مستني ايه من الهبلة دي بس ايه مزة وتستاهل الواحد يستحمل ام جنانها دا وبعدين قالها....خلاص توعديني انك تفكري وانا اوعدك اني ابقي زي زين الجارحي  

هنا...هحاول ..وطبعا كان فيه حد من رجالة أسر بيصور المشهد دا كله 

دخلت هنا والبنات السيكشن وهما هينفجروا ضحك علي هبلها وبيقلدوها 

مازن...هنا قربي تعالي عايزك

هنا...ايه عايز تتجوزني انت كمان ولا ايه عشان تبقي كملت 

مازن...نعممم 

هنا ...ما تاخدش ف بالك نعم عايز تسقطني كمان ولا تحرمني م الامتحان 

مازن ابتسم ...لا يا هنا أنا عرفت أنه مالكيش ذنب ف الانفجار اللي حصل أنا راجعت المواد ولقيت حصل خطأ وكان فيه مادة قابلة للانفجار فيهم عشان كده أنا اديتك اعمال السنة كاملة 

هنا بصتله ودمعت وعيطت ..بجد يا دوك 

مازن ..بجد والله بتعيطي ليه يا بنتي 

هنا...الظلم وحش اوي يا بيه 

مازن...بيه !!!! انتي بتشحتي 

هنا...قصدي يا دوك 

مازن...اتفضلي مكانك 

&&&&&&&&&&&

في مكتب أسر 

أسر بيتكلم ف الفون

....شكك طلع في محله البت ليها علاقة بكمال السعدني أنا صورتها وهي واقفة مع ابنه 

أسر ...تمام هاتلي بقي كل المعلومات اللي جمعتها عنها وتعالي بسرعة 

أسر قفل مع الراجل وفجأة يدخل مازن ومعالم الصدمة علي وشه 

مازن ...قريت اخر الاخبار ع النت 

أسر ...لا ايه اللي حصل 

مصورينك بالبيض والطماطم وبقيت تريند علي مواقع التواصل الاجتماعي واللالعن من كده الخير التاني 

أسر ...ايه تاني 

مازن ...بنت طالعة لايڤ وبتقول انها حبيبتك ومتجوزين عرفي والفيس والإنستا وكل مواقع التواصل مقلوبة عليك والصحفيين تحت مستنينك 

أسر...ايه وانا هاتصرف ازاي دلوقتي 

مازن ....مش عارف مش عارف 

وصل الراجل اللي كان بيراقب هنا اداله الملف 

أسر مسك الملف وقال لشادي ...يلا نازلين نشوف المصيبة دي 

أسر نزل ولقي الصحفيين ف كل حتة 

الصحفي ...ايه رأيك في التهمة الموجهة ليك يا أسر باشا 

أسر ...الكلام دا كدب وانا بحب واحدة وهاتجوزها قريب جدا ...صافي كانت بتابع البث المباشر ومبسوطة عشان خطتها ماشية كويس ومتحمسة عشان أسر يقول العروسة جيجي 

الصحفي ...ممكن اسم العروسة عشان المصداقية 

أسر ...العروسة ا... ا... ..بص لقي ملف هنا ف أيده وقعت عينه علي اسمها وقال 

العروسة أسمها ...هنا محمد فكري الأمين 

زينب في البيت بتابع التي ڤي ...😳😳😳😳😳...يتبع

&&&&&&&&&&&

البارت انتهي اتمني يعجبكم 

توقعوا أسر هيتصرف ازاي وايه رد فعل هنا لما تعرف أنه واحد ماتعرفهوش عايز يتجوزها 😂😂

#متابعة لصفحتي عشان يوصلكوا الجديد وماتنسوش اللاف

البارت الرابع 

 نصف جناني الآخر 

ايزيس 

أسر ...الكلام دا كدب وانا بحب واحدة وهاتجوزها قريب جدا ...صافي كانت بتابع البث المباشر ومبسوطة عشان خطتها ماشية كويس ومتحمسة عشان أسر يقول العروسة جيجي 

الصحفي ...ممكن اسم العروسة عشان المصداقية 

أسر ...العروسة ا... ا... ..بص لقي ملف هنا ف أيده وقعت عينه علي اسمها وقال 

العروسة أسمها ...هنا محمد فكري الأمين 

زينب في البيت ...اييييه هنا بنتي ازاي😳

عند أسر

الصحفين كلهم باركوله ومشيوا بعد ما اخدوا المعلومات اللي هما عايزنها عشان كل واحد ينشرها بطريقته 

أسر وشادي طلعوا الشركة تاني 

شادي...انت اتجننت ما قولتش ليه العروسة جيجي 

أسر...اعمل ايه ارتبكت مش عارف ايه اللي خلاني اقول الاسم دا. وبعدين جيجي دي ايه أنا مستحيل اتجوزها 

طلعوا الشركة ودخلوا مكتب أسر لقي خالد والده قاعد وشكله غضبان

خالد...ايه اللي انت قولته دا ومين هنا دي 

أسر....ما اعر...ولسة هيقول ما اعرفش قام قاطعه شادي وقال 

...هنا دي حبيبت أسر يا عمي هو بيحبها من فترة بس كان مخبي 

خال...بجد ..طب بنت مين مش لازم اعرف اصلها وفصلها وبعدين انا كنت هاجوزك جيجي 

شادي....انت ابن حلال يا عمي أنا مجهزلك السي ڤي بتاعها اهو 

خالد...نعم ؟؟؟!!! سي ڤي ايه دا هي مقدمة علي وظيفة ..اللي انا عايز اعرفه هي بنت ناس يعني 

شادي ...اومال بنت حيوانات اكيد بنت ناس وناس كويسين كمان اسمع يا سيدي 

كل دا واسر قاعد بيبص لهم وحاسس أنه بيتدبس ف جوازه من واحدة ما يعرفهاش ابدا وبيشاهد ف صمت 

ومسك شادي الملف بتاع هنا وبدأ يقوله معلومات عنها 

هنا محمد فكري الامين طالبة في كلية العلوم والدها مدير بنك وأخوها بيشتغل محاسب في نفس البنك و.....ووو

خالد....بس بس انت ايه بكابورت انفتح ..المهم يا أسر انت بتحبها بجد يا ابني أنا كل اللي يهمني سعادتك 

أسر ...اه بحبها صح يا شاد 

شادي...صح جدا 

خالد...علي بركة الله انهاردة نروح نتقدم عشان نوقف الاشاعات دي خالص عشان شغلنا ما يتأثرش 

أسر ..ايه نتقدم انهاردة ازاي قول حاجة يا شاد الحقني 

شادي...جرا ايه يا عمي خليها بكرة 

أسر...ايه بكرة انت مجنون 

شادي غمزله ...خلاص بكرة يا عمي تمام 

خالد ...وقف ..تمام ربنا يقدم اللي فيه الخير 

خرج خالد 

أسر ..انت مجنون يا ابني ازاي اروح اتقدم لواحدة من غير ما نعرف بعض ولا حتي اعرف أنها مرتبطة ولا لا 

شادي ..سيب حوار التعارف دا عليا استني انت بس مني تليفون وكون جاهز ..انت مش واثق فيا 

أسر...لا مش واثق 

شادي...هي دي اول خطوة في طريق النجاح يبقي علي بركة الله اطير أنا بقي الحق انظم لقاء الأحبة 

خرج شادي وبعد ساعتين كلم أسر عشان يروحله 

أسر وصل الجامعة وانصدم من اللي شافه 

اسر..ايه فرح العمدة اللي انت عامله دا انا مستحيل اتصرف زي المراهقين كده 

شادي...دا الحل الوحيد اللي قدامنا البنات بتحب الحاجات دي اهدي انت بس ونفذ اللي هاقولك عليه من غير غلطة 

وبعد صراع طويل بين اسر وشادي أسر استسلم للأمر الواقع 

داخل الجامعة 

البنات طالعة بتجري والوضع بيقول أنه فيه حاجة غريبة برا الجامعة بتحصل

هنا وشيري وندي ماسكين ايس كريم و مستغربين وهنا موقعة الايس كريم علي حجابها وفيه شوية جمب بؤها وحالتها حالة

ندي ...هو فيه ايه يا بنات الناس اتجننت ولا ايه 

شيري ...يلا نخرج نشوف فيه ايه 

هنا ...يلا يمكن خناقة

وهما ماشين سامعين تعليقات البنات 

واحدة بتقول..يا جزمة يا هنا يا رتني كنت أنا 

وواحدة تاني ...انا هاخرج واقول أنا هنا محمد فكري 

هنا سمعت الكلمة دي وقالت ..اكيد دا زياد عامل حركة من بتوعه عشان يضغط عليا أجروا نشوف فيه ايه 

بمجرد ما خرجوا وهنا بصت وقفت زي الصنم ووقعت الايس كريم من أيدها 

هنا...انتوا شايفين اللي انا شايفاه ولا أنا بحلم 

ندي...لا اظاهر اننا كلنا بنحلم 

كان المشهد عبارة عن لافتة كبيرة من القماش الابيض مكتوب عليها بحبك يا هنا محمد فكري ..تتجوزيني 

واسر واقف قدام عربيته ومعاه ورد احمر 

شيري ...مين المز دا يا هنا طلعتي بتحبي من ورانا يا كلب البحر 

هنا...وربنا ما اعرفه 

شادي ضرب اسر في كتفه يعني بيقوله اتحرك 

أسر اتقدم ناحية هنا وعلي وشه ابتسامة صفرة مش عارف يداريها 

اسر اتكلم كأنه بيسمع نشيد حافظه من غير احساس...احم انا بحبك يا هنا تتجوزيني 

هنا ببلاهة...ها اه فعلا نفس الكلام المكتوب 

أسر جز علي أسنانه وحاول يداري غضبه وطلع من جيبه منديل معقم ومسح بيه بؤها ومسك أيدها حطلها المنديل عشان تمسح بقايا الايس كريم من علي أيدها وقال ...تتجوزيني يا هنا ..انا بحبك من زمان

هنا بتوهان قالت في نفسها الله دا قمور وكمان بيهتم بالنضافة اللي انا ما اعرفش عنها غير اسمها وبعدين قالتله..انت بجد بتحبني يا اسمك ايه 

ولا دي نمرة 

أسر...نمرة ؟؟؟..لا بحبك وعايز اتجوزك 

هنا بصت لصحباتها وقالت.. بنات احضنه واقوله موافقة ولا اضربه بالقلم دا عدي كل الروايات الرومانسية دا رومانسي اكتر من زين الجارحي أهبب ايه بسرعة 

البنات ...قوليله هافكر

هنا بصتله وقالت بهبل ..هاصلي استخارة 

أسر ضحك علي طريقتها وقال استنيني بكرة هاجي اخطبك واداها الورد وسابها في حالة زهول وركب العربية وهو بيلعن الظروف ومشي ومعاه شادي

زياد بص بحقد كبير لأسر ولهنا وقال ..ماشي يا هنا الأيام بينا 

هنا ..أنا افتكرته دا سوبر هيرو اللي أنقذني من زياد وصاحبه ..انا خلاص موافقة عليه 

شيري وندي بصولها بمفاجأة وفرحوا...وقالوا اخيرا هنلبس فساتين سواريه 

&&&&&&&&&&&&

في شركة AM 

صافي اقتحمت مكتب خالد وغضب العالم كله علي وشها 

صافي....ايه اللي ابنك قاله دا تطلع مين ست زفتة دي ..احنا مش متفقين أنه أسر ل جيجي 

خالد...بهدوء وجمود...صافي أسر اختار شريكة حياته ودي حاجة أنا ما اقدرش اتدخل فيها انتي عارفة أني طول عمري باديله حرية في اختيارته وهو بيتحمل نتيجتها في الاخر ودا اللي عمل منه راجل ناجح بجد 

صافي فضلت تهز في رجلها بعصبية وهي قاعدة ع الكرسي

خالد تابع...جهزي نفسك بكرة خطوبة أسر 

صافي مشيت بغضب اكبر وقالت....علي فكرة جيجي ما استحملتش الصدمة واخدت هدومها وسافرت تهدي أعصابها 

خالد...بجمود...عملت خير

صافي كانت هتتجنن وسابته ومشيت 

&&&&&&&&&&

هنا صحباتها وصلوها لغاية بيتها لأنها كانت في حالة توهان 

خبطت ع الشقة فتح سليم بصت لقيت العيلة كلها واقفة ومربعة ايديها وبيبصولها بصة غريبة 

هنا...ايه اليوم الغريب دا هو في حاجة انتوا مالكو واقفين كده ليه 

احمد مدلها الفيديو اللي بيعلن فيه أسر أنه هيتجوزها 

هنا بصدمة ...ابن المجانين ..ع السوشيال ميديا وبعدين ابتسمت وقالت ...لا لا دا طلع أجن مني انا اوافق وش بقي

وبعدين قالت لأهلها ...طبعا انا لو حلفتلكم من هنا ليوم القيامة اني اتفاجئت زيكم بالظبط مش هتصدقوني صح

والدتها حضنتها وقالت بحماس ...مش مهم المهم عريس لقطة وعايزك مش عارفة علي ايه بس شكله امه داعت عليه ف لحظة غضب ...الحمد لله كنت فاقدة الأمل أنه حد يتجوزك بهبلك وجنانك دا 

هنا بصدمة...للدرجة دي يا زوزة انتي شايلة مني 

احمد قرب بحماس...وافقي عشان خاطري يا هنا خلينا نعرف نقعد مرتاحين في البيت 

هنا بصدمة اكبر ...ياااااه وانت يا ابو احمد مش هتضيف التاتش بتاعك دانا طلع ليا أعداء كتير وانا ما اعرفش 

محمد حضنها بحب ...أنا اكتر واحد هازعل لو اتجوزتي 

حضنته وباسته..عارفة اني ماليش غيرك في ام العيلة دي 

سليم...هنا هنا هو العريس اسمه ايه 

هنا...اسمه....والنبي ما اعرف 

احمد بصدمة...اييييه انتي عبيطة أنا دلوقتي اتأكدت انك هبلة..دا غني عن التعريف يا بنتي دا أسر المسيري صاحب شركة AM الكيميائية أكبر شركة في مصر 

هنا....بجد؟!!!! ايه الهبل دا بقي خطيبي وما اعرفش اسمه أنا متفائل 😊

عدي اليوم بسرعة وتاني يوم كانت زينب مشغولة جدا بترتيبات الخطوبة وقلبت الشقة وعملت اكل وعصاير وفاكهة وهنا نايمة 

صحيت هنا وصحباتها جم يوقفوا جمبها واسر وأهله وصلوا وخطبوا هنا واتفقوا أنه الفرح يكون بعد أسبوع بحجة أنهم يمحوا الإشاعة اللي طلعت علي أسر 

عدي الاسبوع بسرعة واسر مشغول ما بين الشغل وترتيبات الفرح 

وجه يوم الفرح 

دخلت هنا زي الاميرات بفستان ابيض هادي وحجاب جميل 

أسر بجد لما شافها انبهر بجمالها بس بسرعة افتكر اللي عملته وقال لازم انتقم 

وهو كمان ما كانش أقل منها في الوسامة والشياكة والتألق

أسر مسك ايد هنا 

هنا...استني يلا هنرقص الفريست دانص عشان اغيظ البنات دول وشاورت علي صحباتها 

أسر التفت وقال بغرور ...نعم ارقص أنا مش بارقص 

هنا بمجرد ما سمعت الكلمة دي وقامت ساحبه أيدها من أيده وراحت للدي چي وطلبت مهرجان وشاورت لصحباتها وركنوا أسر ع جمب وقاموا ولعوا الفرح علي مهرجان 

(قمر التيكتوكاية ..انتي يا مزمزيلاية ..حلوة بجينز وبادي وبرضو حلوة في العباية ...وحش الكون بحاله من يجي ف جماله...دا حبيبي براحته يعمل كل اللي ف خياله )

أسر كان واقف مصدوم بقي دي مدام أسر المسيري والصحافة والتلفزيون بيصوروا 

واخيرا خلص الفرح ما بين جنان هنا وصدمة أسر 

مشيوا بالعربية وصلوا فيلا خالد المسيري نزلوا م العربية 

أسر...احنا هنقعد في الفيلا مؤقتا لغاية ما الشقة بتاعتنا تتشطب 

هنا...بصت بخجل وقالت ...زي ما تحب 

دخلوا الفيلا كان فيه اكل ع السفرة 

أسر ...تاكلي 

هنا..باحراج ..لا شكرا 

أسر...تمام يلا نطلع الأوضة 

هنا..قالت ف نفسها ...ايه دا كان المفروض يصر عليا اكل أنا واقعة م الجو..شكله بخيل

أسر بص لقي صافي بتبصله بغضب قام ابتسملها ومسك ايد هنا وطلعوا 

في الأوضة 

بمجرد ما دخلوا أسر ساب ايد هنا وهي كانت بتبص للأوضة بانبهار كانت جميلة وواسعة جدا أسر بصلها بسخرية وابتسم بخبث وبدأ يقرب منها بطريقة مرعبة ونظرات مخيفة ..

هنا بصت واتوترت منه وقالت .......ايه في ايه يابني انت هتتحول لزومبي ولا ايه ..لسة بيقرب لها بنفس النظرة المخيفة...تابعت هي ...صلي ع النبي واهدي اهدي مالك الله يخرب بيتك وفجأة

تخبط في الحيطة ف تبقي محبوسة بينها وبين أيديه وهو محاوطها 

قرب منها فغمضت عينيها 

همس لها....استعدي لعقابك يا هنا 

هنا...فتحت عينيها بدهشة وسألته

... عقاب عقاب ايه اه قصدك عشان مارضيتش اتعشي تحت من شوية ..ابتسمت وتابعت ..انت بقي هتعمل زي زين الجارحي لما ليليان كانت ترفض تشرب اللبن فيعاقبها ببوسة صح تمام عادي أنا موافقة يلا بوس 😚بس بلاش نظرة الرعب دي 

رد بدهشة ...مين زين الجارحي وليليان دول يا هنا 

هنا.....ايه دا انت ما تعرفش رواية عشق الزين 

أسر... قال بتعجب...رواية اه دانتي هابلة بقي ..طب قوليلي انتي شايفاني زين الجارحي 

هنا...لا طبعا زين دا مافيش منه اتنين اصلا دا أسطورة 

أسر....تمام وشايفة نفسك ليليان 

هنا....بص هو الكدب حرام بس تقدر تقول كده أنا ليليان الا ربع يعني فاضلي ربعاية كده وابقي ليليان 

أسر بغضب ...ولما انتي مش ليليان ولا أنا زين عايزة تتعاقبي زيها بالبوس ليه 

انتي تتعاقبي بالعض بالقتل بالحرق إنما البوس دا خيال علمي بالنسبة لك 

بصت له بحيرة وهي مش مستوعبه سبب غضبه ..

أسر قرب منها اكتر وهمس في ودنها...استعدي يا هنا وتابع بسخرية( هنا) من دلوقتي الحاجة الوحيدة اللي هتربطك بالهنا هو اسمك وبس وشالها ورماها علي السر*ير فصرخت بصوت هز اركان الفيلا 

في الأوضة اللي جنبهم 

خالد قاعد ع الكنبة بيقرأ كتاب

وصافي بتمسح (الميك اب) بتاعها

بصت صافي بعصبية لجوزها لما سمعت صرخة هنا وقالت ....ايه الوقاحة وقلة الادب دي ..مش كنت تحجزلهم في فندق بدال الفضايح دي 

رد خالد بجمود ...صافي هو هيقضي ليلة ولا اتنين هنا وهيسافر شهر عسل ولما يرجع هتكون شقته جاهزة ..وانتي عارفة أنه ابني مسموحله يعمل اللي هو عايزه ف بيته

 نرجع لأسر وهنا 

رماها علي السر*ير وربط ايديها ورجليها .....فصرخت مرة تانية .......يتبع 

&&&&&&&&&&&&

البارت انتهي اتمني يعجبكم 

#شكرا لكل اللي كتبلي كومنت جميل يطمن عليا امبارح بحبكم اوي ❤️

بارت طويل و جاحد اهو تعويضا عن امبارح 😂

ياجماعه ياريت تعليقاتكم توصلني انزل تحت شويه هتلاقي التعليقات

شكرااااااااااااااااااااااا