اخر امنيه قبل الموت بقلم هويدا زغلول حصريه وجديده وكامله جميع الفصول
نادين واقفه وهي لابسه فستان الفرح في اوضه نومها معاه عريسها فارس اللي قالت ليه
نادين
مش هكون مكسوفة منك وهقولك كل اللي جوايا من أول مرة شوفتك وأنا قلبي اختارك وكنت بدعي ربنا إنك تكون من نصيبي والنهارده وأنا لابسة فستان الفرح وحاسة إني بقيت مراتك بجد حاسة إن الدنيا كلها بقت ملكي ومفيش واحدة في الدنيا أسعد مني
فارس
متفرحيش أوي بالجوازة دي يا نادين لأن طلاقنا هيكون قريب وأنا لازم أقولك الحقيقة من أول ليلة أنا مش بحبك ومش عايز أكمل حياتي معاكي وأتمنى متعلقيش قلبك بيا علشان اللي بينا مجرد جواز وخلاص
نادين
إنت بتقول إيه إزاي بعد الفرح وبعد ما بقيت مراتك تقولي الكلام ده طب لو إنت مش بتحبني اتجوزتني ليه وليه وافقت تكسر قلبي بالشكل ده
فارس
اتجوزتك غصب عني علشان خاطر عمك وأنا مستحيل أقدر أرفض له طلب وهو في الظروف اللي بيمر بيها ولو إنت فعلا بتحبيه زي ما دايما بتقولي يبقى متفتحيش الموضوع ده تاني وسيبي الجوازة ماشية زي ما هي ومع الوقت هنطلق وكل اللي بطلبه منك إنك إنتي اللي تقولي لعمك إنك مش مرتاحة معايا وساعتها كل واحد هيروح في طريقه
نادين
يعني من أول يوم بتطلب مني أكون السبب في نهاية جوازنا وأنا كنت داخلة الأوضة دي وأنا فاكرة إن حياتي هتبدأ مع الإنسان اللي بحبه وطلعت داخلة على أكبر صدمة في عمري
فارس
أنا آسف إنك اتوجعتي بس ده الواقع وأنا مش هقدر أديكي مشاعر مش موجودة عندي
وخرج فارس من الأوضة ووقف في البلكونة وهو سرحان وافتكر اللي حصل قبل الفرح
فلاش باك
محسن ابو فارس كان في المستشفي وبعدها قال ليه
محسن
هتسمع الكلام اللي هقوله يا فارس وهتتجوز نادين لأن الجوازة دي مفيهاش نقاش وأنا خلاص أخدت قراري
فارس
بس إنت عارف يا بابا إني بحب هنا بنت خالي من وإحنا صغيرين وكل الناس عارفة إننا متفقين على الجواز ومستحيل أقدر أتخلى عنها بسهولة
محسن
اللي كان بينك وبين هنا ده كان لعب عيال إنما دلوقتي إحنا بنتكلم في مصلحة ومستقبل واسم العيلة وعايزك تنسى أي حاجة فاتت وتنفذ اللي بقولك عليه من غير ناقش
فارس
أنا عمري كله وأنا بنفذ كل كلمة بتقولها ومفيش مرة وقفت قدامك لكن أول مرة في حياتي هقولك لا لأن الجواز مينفعش يكون بالإجبار وأنا مش هقدر أظلم نفسي ولا أظلم بنت ملهاش ذنب
محسن
يبقى خلاص اعمل اللي يريحك واتجوز هنا زي ما إنت عايز لكن من اللحظة اللي هتعمل فيها كده اعتبر إنك معندكش أب واعتبر إن باب الفيلا هيتقفل في وشك ومش هتدخلها تاني طول عمرك ولا هيكون ليك مكان وسط العيلة بعد النهارده
فارس
حرام عليك ان انت بتعمله فيا ده ازاي ههون عليك
تخليني اتجوز واحده كده انت عارف ان عمري ما هكون مبسوط معاها
الاب
انا كلامي خلص خلاص ومستني رايك يا توافق يا ترفض وساعتها تاخد هدومك وتمشي من الفيلا
وساعتها فارس هيخرج من عنده ويروح ويقابل هنا وهنا هتقول ليه
هنا
هو في ايه بالظبط من ساعه ما رجعت وانت قاعد ساكت ما بتتكلمش خالص باباك كويس طمني عليه
فارس
بابا كويس بس ما تعرفيش عمل في ايه تصدقي اني عايز يجوزني نادين بنت عمي وانا لا يمكن اجوزها ابدا انا بحبك انتي هنا وما اقدرش اعيش من غيرك
هنا
انا مش فاهمه بس باباك ليه بيكرهني بالطريقه اللي هو بيكرهني بيها دي مع اني والله عمري ما عملت معايا حاجه وحشه
فارس
هو دلوقتي بيهددني ان انا امشي من الفيلا واكيد هيطلب مني اني اسيب الشركه
وأنا هسيبهم كلهم وهتجوزك إنت ومش هسيبك أبدا حتى لو خسرت كل حاجة في حياتي لأن وجودك عندي أهم من أي فلوس واهم من اي حاجه وأنا من غيرك ولا ليا قيمة ولا أعرف أعيش
هنا
وأنا عمري ما هقبل إنك تضيع مستقبلك علشاني ولا هرضى أبدا أكون السبب إنك تخسر أبوك ولا بيتك ولا شغلك لأن الحب الحقيقي عمره ما كان أنانية وأنا بحبك كفاية إني أشوفك ناجح حتى لو ده هيكسر قلبي
فارس
يعني إنت عايزاني أتجوز نادين وأسلم حياتي كلها لإنسانة أنا مش بحبها وأعيش معاها وأنا كل تفكيري فيكي إزاي تقوليلي الكلام ده وإنت عارفة إن قلبي عمره ما حب غيرك
هنا
أيوه هتتجوزها بس مش هتسيبني لأن أنا متأكدة إنك بتحبني ومستحيل تنساني وأنا واثقة إن اللي بينا أكبر من أي جوازة بالإجبار وكل اللي بطلبه منك إنك تستحمل شوية لحد ما نلاقي حل مع باباك وبعدها نبقى نشوف هنعمل إيه لكن متخسرش كل حاجة في لحظة غضب
فارس
أنا خايف ييجي اليوم اللي ألاقيكي فيه بعدتي عني أو زهقتي من الانتظار وساعتها هكون خسرتك وخسرت نفسي
هنا
أنا مستعدة أستنى العمر كله لو ده هيخليك تحقق اللي نفسك فيه وأنا واثقة إن ربنا مش هيسيبنا وإن في يوم كل حاجة هتتصلح وهتبقى معايا من غير خوف ومن غير حد يفرض علينا حاجة
فارس
وعد مني يا هنا مهما حصل ومهما الدنيا لفت بينا عمري ما هحب غيرك ولا هخلي حد ياخد مكانك في قلبي
باك
وبعدها هو كان واقف وعامل يفتكر اللي حصل وبعدين هنا جت من ورا وقالت
هنا
كنت عارفة ومتأكدة إنك النهارده مش هتكون كويس علشان كده جيت وقلت هبات الليلة في الفيلا جنبك يمكن أهون عليك اللي إنت فيه
فارس
إنت إزاي تعملي كده ولو بابا عرف إنك دخلتي الفيلا هيقوم الدنيا كلها ومش هيعدي الموضوع على خير وأنا مش ناقص مشاكل أكتر من اللي عندي
هنا
إيه يا فارس هو إنت لسه خايف من باباك ولا خايف من ست الحسن والجمال مراتك الجديدة لا تكون تشوفني وتقلب البيت فوق دماغك
فارس
إيه الجنان اللي انتي بتقوليه ده إنتي عارفة كويس إن نادين مش في دماغي أصلا وعمري ما فكرت فيها ولا هفكر فيها وكل اللي حصل كان غصب عني والمشكلة كلها مع بابا وبس
هنا
أنا عارفة يا حبيبي ومصدقاك ومش جاية أعملك مشكلة ولا أضايقك أنا كل اللي كان يهمني أشوفك بعيني وأطمن إنك بخير لأن قلبي كان حاسس إنك هتكون تعبان الليلة دي
فارس
أنا كويس يا هنا الحمد لله بس لو سمحتي امشي دلوقتي قبل ما حد يشوفك لأن أنا مش ضامن نادين ممكن تعمل إيه ولو شافتنا واقفين مع بعض ممكن تروح تقول لبابا وساعتها الدنيا كلها هتتقلب علينا
هنا
خلاص همشي علشان خاطرك ومش هسببلك أي مشكلة بس أوعدني إنك تطمني عليك أول بأول
فارس
أوعدك إني هكلمك أول ما أقدر ومهما حصل متفقديش الأمل فيا لأنك الحاجة الوحيدة اللي متمسك بيها في الدنيا دي كلها
وبعدها روحت بيتها واختها قالت ليها
يارا
انا مش فاهمه اي اللي بتعملي في نفسك وفينا ده
خلاص اتجوزت خرجي برا حياتك بقي
هنا
عارفه انه اتجوز وانا اللي ساعته علي اللي حصل ده
علشان عارفه انه مش هيطلقها وهيفضل معاها وكمان عارفه ان هي اللي هتقدر تنسي هنا
يارا
انا مش فاهمه منك حاجه اللي يسمعك كده يقول انك مش بتحبي مش فاهمه انتي عايزه اي
هنا
بكره هتفهمي انا مش قادره اتكلم في اي حاجه دلوقتي سيبيني الله يخليكي انا عايزه ارتاح شويه لان تعبانه اوي
وبعدها خرجت يارا وهي بتقول
يارا
انا مش فاهمه اي حاجه خلاص بجد انتي بقيتي شخصيه غريبه اوي
وبعدها خرجت وهنا وقفت قدام المرايا وهي بتقول
هنا
بكره الكل هيعرف انا عملت كده ايه سامحني يا فارس من كتر حبي فيك مش حبيت انك تتعب من بعدي بعد ما اموت
وبعدها بدات تفتكر اللي حصل
فلاش باك
هنا كانت واقفه مع فارس في الشارع وبعدها قالت لي
هنا
خلاص بقى يا فارس أنا لازم أمشي دلوقتي علشان عندي ميعاد مع الدكتور ومينفعش أتأخر عليه أكتر من كده وإنت خليك في شغلك ومتقلقش عليا
فارس
أكيد هاجي معاكي هو أنا هسيبك تروحي للدكتور لوحدك إزاي وإنتي عارفة إن أي حاجة تخصك بتقلقني ومش هرتاح غير لما أبقى جنبك
هنا
إيه يا ابني أنا عيلة صغيرة علشان تيجي تمسكني من إيدي وتوصلني للدكتور بلاش تدلعني بالشكل ده وإنت عندك شغل مهم وباباك في المستشفى وكل اللي محتاجه منك إنك تركز في الشركة وتخليها زي ما هي لحد ما يرجع ويلاقي كل حاجة مكانها
فارس
والله ما تعرفيش أنا بحبك قد إيه ولو بإيدي أفضل جنبك العمر كله مش هسيبك لحظة واحدة لأن وجودك في حياتي هو اللي مخليني قادر أكمل
هنا
يا حبيبي متكبرش الموضوع أنا بس بقالي كام يوم بحس بصداع بسيط وروحت أكشف علشان أطمن على نفسي وبصراحة إنت من كتر خوفك عليا خلتني أبقى موسوسة وأقل حاجة تقلقني
فارس
علشان حياتك عندي أغلى من حياتي نفسها وعايزك دايما تخلي بالك من نفسك ومتتأخريش عليا وأول ما تخلصي كلّميني على طول
وباس إيديها وهي ابتسمت ومشيت
ودخلت هنا عيادة الدكتور وقعدت قدامه وهي طالعة الأشعات من شنطتها
هنا
اتفضل يا دكتور دي الأشعات والتحاليل اللي حضرتك طلبتها مني المرة اللي فاتت ويارب تطمني وتقولي إن كل اللي عندي مجرد إرهاق
الدكتور أخد الأشعات وقعد يبص فيها دقيقة ورا التانية واتغيرت ملامحه وبقى ساكت
هنا
مالك يا دكتور ساكت ليه هو في حاجة وحشة ظهرت في الأشعات
الدكتور
بصي يا آنسة هنا أنا هقولك الحقيقة الأشعات للأسف وضحت إن عندك ورم على المخ والورم في مرحلة متقدمة جدا ودي مرحلة العلاج فيها صعب جدا
هنا
حضرتك أكيد فيه حاجة غلط يمكن الأشعات دي مش بتاعتي أو يمكن الجهاز غلط أنا الحمد لله كويسة وبخرج وبمشي وبضحك ومفيش غير شوية صداع
الدكتور
يا بنتي أتمنى من كل قلبي أكون غلطان لكن الأشعات واضحة جدا وراجعتها أكتر من مرة ولو حبيتي تروحي لدكتور تاني أنا معنديش أي مانع لكن للأسف النتيجة واحدة
هنا
يعني حضرتك بتقولي إني هموت
الدكتور
الأعمار بإيد ربنا وحده لكن لازم تكوني مستعدة وتكوني قوية وتحاولي تقضي وقتك مع الناس اللي بتحبيهم
وقفت هنا وهي حاسة إن الدنيا كلها بتلف بيها ومقدرتش تنطق ولا كلمة ومسحت دموعها بسرعة وخرجت من العيادة وهي بتكلم نفسها
هنا
لا فارس مينفعش يعرف ولا ينفع يعيش باقي عمره مربوط بواحدة أيامها معدودة وأنا لازم أبعده عني حتى لو هكسر قلبي بإيدي ولازم أخليه يكمل حياته مع نادين لأنها هي الوحيدة اللي هتقدر تعوضه عن غيابي وتخليه يعيش بعد ما أمشي من الدنيا
باك
وبعدها فارس كان نايم في الصاله وفي الوقت ده قربت منه نادين وقالت
نادين
يا فارس يا فارس لو سمحت قوم ادخل نام جوه الأوضة مينفعش تفضل نايم هنا في الصالة بالشكل ده إحنا مش عايشين لوحدنا إحنا في بيت عيلة وكل الناس عينها علينا ولازم قدامهم على الأقل يفضلوا فاكرين إننا أسعد عريس وعروسة لحد ما ألاقي الوقت المناسب وأتكلم معاهم في موضوع الطلاق
فتح فارس عينه وبصلها من غير ما ينطق ولا كلمة وقام دخل الأوضة وبعدها بصت ناحية الترابيزة ولاقت موبايله مرمي عليها
نادين
هو نسي موبايله
مسكت الموبايل واتفاجئت إنه مفتوح من غير باسورد ودخلت على الواتساب ولقت محادثة هنا في أول القائمة وبدأت تقرا الرسائل وانصدمت من اللي شافته
قفلت الموبايل بسرعة وهي دموعها محبوسة في عينيها
وفي نفس الوقت كان أهل العيلة والضيوف داخلين يباركوا وكانت هنا واقفة وسطهم وكأنها مفيش حاجة حصلت وقربت منه نادين وقالت ليها
هنا
ألف مبروك يا عروسة وربنا يتمملك على خير والله ما تعرفيش أنا فرحت قد إيه إنك اتجوزتي فارس لأن فارس ابن حلال ويستاهل واحدة كويسة زيك
بصتلها نادين من غير ما ترد ولا حتى ابتسمت
وبعد شوية قامت وقالت
نادين
عن إذنكم يا جماعة أنا حاسة بصداع جامد اوي هدخل أعمل لنفسي فنجان قهوة
دخلت المطبخ وبدأت تحضر القهوة وبعد شويه هنا دخلت وقالت ليها
هنا
معلش يا نادين لو مش هتعبك اعمليلي معاكي فنجان قهوة أصلي دماغي هتنفجر من الصداع
وقفت نادين مكانها وحطت المعلقة من إيديها وبصتلها نظرة طويلة
نادين
بجد إنت فرحانة إني اتجوزت فارس
هنا
أيوه طبعا وليه مستغربة
نادين
الغريب إن واحدة محترمة زيك بتقول إنها فرحانة بجوازنا وفي نفس الوقت بتقضي الليل كله تتكلم مع جوزي على الواتساب وتقوله إنها بتحبه وهو يقولها إنه عمره ما هيحب غيرها
انصدمت هنا من الكلام اللي سمعته وبعدها قالت ليها
هنا
إنت بتقولي إيه
نادين
بقول الحقيقة اللي شفتها بعيني وأنا فاتحة موبايل فارس وقريت كل كلمة بينكم من أول رسالة لآخر رسالة
هنا
إنت فتحتي موبايله
نادين
فتحته لأنه كان مفتوح ولقيت نفسي قدام حقيقة وجعتني أكتر من أي حاجة في حياتي
هنا
إنت فاهمة الموضوع غلط
ارجوكي اصبري مع الوقت هتعرفي كل حاجه وهتتاكدي ان انا مش وحشه
نادين
انت اكثر انسانه انا بكرهها في حياتي وما تعرفيش انا كنت بحب فارس قد ايه وبسببك كرهت كل الناس
هنا
انا هموت وبعدها فضلت تعيط وقالت ليها ارجوكي اي كلام هقوله لك دلوقتي مش عايزه فارس يعرف
بيه انا عندي مرض ملوش علاج وكنت عايزه اشوف فارس فرحان في حياتكم متجوز وانا عارفه ان انت كنت بتحبيه وعارفه ان هو هيكون سعيد معاكي
نادين
لا والله مطلوب مني بقى انا اصدق الكذب اللي انتي بتقوليه ده مش كده
هنا
انا مش مجبره ان احلفك بس بكره هتعرفي ان انا ما بكذبش عليك في اي حاجه ارجوكي انا عايزاه اعرف ان انا انسانه وحشه عايزاه لما اموت ما يزعلش عليا انا عارفه هو بيحبني قد ايه
وسكتت شويه وبعدها قالت
هنا
بجد انا اسفه انا عارفه ان الكلام ده هيتعبك جدا بس والله العظيم غصب عني اني بقوله ليكي ارجوكي يا نادين انا عايزكي تفضلي جنبه ترفضي موضوع الطلاق ده خالص
نادين
هو انتي بجد هتموتي زي ما انتي ما بتقولي ولا بتقولي اي كلام كده وخلاص
هنا
لو عايزه تيجي معايا للدكتور انا ما عنديش مشكله انا مرحلتي ما لهاش علاج
نادين
انا معايا فلوس ولو محتاجه تسافري بره وتعملي عمليه انا ما عنديش مشكله انت لو انت هتاخدي حبيبي مني والله ما فارق معايا
هنا
علشان كده حبيت ان فارس يفضل معاكي علشان عرفت قد ايه انتي قلبك طيب وكبير هتقدري تحبيه من كل قلبك بجد
نادين فضلت تعيط وبعدين حضنتها ودخل فارس
فارس
هو في ايه بالظبط انا مش فاهم حاجه في ايه يا نادين وبتعيطي كده ليه وانتي يا هنا
هنا
ما فيش اي حاجه كنت تعبانه شويه بس وكنت عايزه افضفض معاها بكلمتين
فارس
طيب خالتو اختك روحوا لو عايزين روحك ما عنديش مشكله
هنا
لا ما ينفعش انك تروحني خليك مع عروستك النهارده انا همشي انا وهعرف
نادين
لا معلش انا هكون مرتاحه لما هو يوصلك
وبعدها مشي وراحت نادين المستشفي عند محسن
محسن
ازيك يا نادين يا حبيبتي كويس ان انت جيتي تشوفيني معلش ان انا ما حضرتش الفرح كان نفسي اكون مكان ابوكي وانا اللي اسلمك لابني بنفسي
نادين
انا جايه وعايزه اطلب منك طلب وعارفه ان انت مش هتقولي لا
محسن
انت عارفه يا حبيبتي ان انا ما ينفعش ارفضلك اي طلب خالص اؤمري وانا هنفذ لك كل اللي انت عايزاه
نادين
لو انت بتحبني يا خالي فارس يتجوز هنا بجد الموضوع ده هيفرحني جدا
محسن
الكلام الغريب اللي انت بتقولي عليه ده يا نادين انا مش فاهم حاجه منك ازاي عايزه يكون ليكي دره
نادين
لو بتحبني بجد وافق على الكلام ده يا عمي انا هكون مبسوطه لو الكلام ده حصل مش انت عايز تشوفني ان انا سعيده في الدنيا دي
محسن
بس مش بالطريقه دي يا بنتي وبصراحه انا عمري ما ارتحت للبنت دي ابدا يمكن اكون غلط بس مش عارف ليه حاسس ان هي مش سالكه
نادين
بجد لو بتحبني يا عمي وافق على الكلام اللي بقول لك عليه ده وخليه يتجوزها كفايه ان هو سامع كلامك واتجوزني وانت عارف ومتاكد كويس قوي ان هو بيحبها
محسن
انا مش عارف اقول لك ايه بس طالما انت موافقه على الكلام ده انا ما عنديش مشكله المهم يا حبيبتي انت تعيشي سعيده في حياتك
وبعدها باست عمها وروحت الفيلا وفي الوقت ده محسن بعت ل فارس
فارس
خير يا بابا حضرتك اتصلت بيا وقلت لي ان انت عايزني ضروري معاك انا سامعك
الاب
انا عارف ان انا باجي عليك وعارف ان انا خليتك تعمل حاجات انت مش عايز تعملها بس في نفس الوقت انا اتصلت بيكي النهارده علشان اقول لك روح وحدد ميعاد مع هنا
فارس
هو انت اكيد بتهزر ازاي يعني الكلام ده واي اللي خلاك تغير رايك كده
محسن
هو إنت ولا عاجبك كده ولا عاجبك كده يا فارس كل ما أعمل حاجة ألاقيلك عامل عليها اعتراض الأول زعلت علشان جوزتك نادين وإنت بتحب هنا ودلوقتي أنا غيرت رأيي وقلتلك روح اتجوز البنت اللي قلبك متعلق بيها وبرضه مش عاجبك وأنا والله ما عدتش فاهم أعمل إيه علشان أشوفك مبسوط وأحس إني صلحت الغلط اللي عملته في حقك
فارس
وإنت فاكر يا بابا إني هكون مبسوط وأنا معذب إنسانة بريئة ذنبها الوحيد إنها حبتني بصدق أنا عمري ما حبيت نادين ولا قدرت أشوفها غير بنت عمي اللي اتجوزتها غصب عني ولو فضلت على ذمتي وأنا قلبي مع واحدة تانية يبقى أنا بظلمها كل يوم وده عمره ما هيريح ضميري ولا هخليني سعيد حتى لو اتجوزت هنا بعد كده
محسن
علشان كده أنا لقيتلك الحل اللي يرضي كل الأطراف تكمل مع نادين لأنها مراتك وفي نفس الوقت تتجوز هنا بالحلال طالما دي البنت اللي بتحبها وتعدل بينهم بما يرضي ربنا وساعتها لا نادين هتتظلم ولا إنت هتخسر حب عمرك وده آخر كلام عندي ومش هغيره تاني
فارس
أنا مش هقدر أعمل كده يا بابا لأن الجواز مش لعبة ولا حل لأي مشكلة وأنا مستحيل أعيش بقلبين ولا أخلي اتنين يتعذبوا بسببي وهنا نفسها عمرها ما هتوافق تكون سبب في وجع نادين وأنا كمان مش هقبل أعيش العمر كله شايف نظرة الانكسار في عين مراتى كل يوم
محسن
يبقى قوللي إنت عايز إيه لأن صبري بدأ يخلص وكل مرة أتنازل خطوة ألاقيك راجع لورا خطوتين وأنا مش هفضل ألف في دواير معاك العمر كله يا تكمل بالطريقة اللي قولتلك عليها يا تنسى هنا خالص والموضوع ينتهي عند كده
فارس
لا يا بابا الموضوع مش بمزاجك ولا بمزاجي الموضوع فيه بني آدمة ليها قلب ومشاعر وأنا مش هتجوز هنا وهي على ذمتي ولا هفضل مخلي نادين مربوطة بيا وهي عارفة إن قلبي مش معاها وأنا أول حاجة هعملها إني أطلق نادين طلاق باحترام وأديها كل حقوقها وبعدها لو ربنا كتبلي نصيب مع هنا يبقى خير ولو ما حصلش هرضى بقضاء ربنا لكن مستحيل أظلم واحدة علشان أرضي حد حتى لو كان أغلى الناس عندي
الاب
لو عملت الكلام اللي انت بتقول عليه اعمل حسابك ان مش هتعيش في الفيلا دقيقه واحده
فارس
اسمع يا بابا انا لو سمعت كلامك مره مش هسمعه الفيلا دي من حقي وانا مش هسبها
الاب
ات بتقف قدامي يا واد انت معقول اللي انت بتعمله ده
فارس
بقولك اي حرام اللي انت بتعمله انت جيت عليا بكتير وانا مش هقبل تاني
وبعدها نزل علي السلم وطلعت نادين في الاسانسير
ولاحظ فارس أنه نسي الموبيل و كانت نادين واقفه عند عمها
العم
انا عملت اللي انت عايزه بس هو مش موافق انا
عملت اللي عليا بس هو مش عايز يبقي خلاص بقي كبري دماغك
نادين
بس هو لازم يتجوزها يا عمي لو بتحبني اقنعه
الاب
انا مش فاهم والله اللي انتي بتعملي ده
نادين
بالله عليك يا عمي تعمل كده انا عايزه اشوف فارس فرحان لو بتحبني اعمل اللي هو عايزو
العم
معقولة يا نادين قلبك كبير للدرجة دي وإنت بنفسك اللي جاية تطلبي مني أقنع فارس يتجوز البنت اللي بيحبها وأنا كل ما أبصلك أقول مستحيل يكون في الدنيا زوجة ترضى بده بإرادتها والله مهما حاولت أفهم اللي جواكي مش قادر أستوعب إنك بتضحي بسعادتك بالشكل ده
نادين
من كتر حبي لفارس يا عمي بقيت كل اللي يهمني أشوفه مبسوط حتى لو السعادة دي مش هتكون معايا وأنا والله ما بقيتش بفكر في نفسي قد ما بفكر إنه يعيش العمر اللي جاي مرتاح ولو بتحبني بجد خليك وراه وحاول تقنعه يعمل اللي قلبه عايزه ومتسيبوش يضيع عمره في حياة هو مش راضي عنها
العم
إنتي بنت طيبة يا نادين ويمكن أطيب من اللازم وربنا وحده يعلم إنتي بتوجعي قلبي قد إيه بالكلام اللي بتقوليه وأنا أوعدك إني هعمل كل اللي أقدر عليه علشان أوصله للي يريحه لكن القرار في الآخر هيكون بإيده هو
وفي اللحظة دي الباب خبط
فارس
معلش يا بابا أنا نسيت الموبايل بتاعي فوق ولما افتكرت رجعت آخده إيه ده يا نادين إنتي هنا هو إنتي جيتي علشان تطمني على بابا
نادين
أيوه جيت أطمن عليه والحمد لله لقيته أحسن بكتير ودلوقتي كنت لسه همشي
العم
أنا الحمد لله بقيت كويس يا بنتي ومبقاش فيا حاجة تقلق روحي مع جوزك بقى ومتتعبيش نفسك وأنا هخرج كمان شوية من المستشفى
نادين
لا يا عمي مفيش داعي أنا جيت لوحدي وأعرف أرجع لوحدي ومش مستاهلة يتعب نفسه علشاني
فارس
وعلى إيه بس يا نادين ما إحنا رايحين نفس المكان يلا بينا نروح سوا بدل ما ترجعي لوحدك وأنا أوصلك للفيلا وبعدها أبقى أشوف أي حاجة ورايا
نادين
اللي تشوفه يا فارس يلا بينا
وبعدها خرجوا الاتنين من أوضة المستشفى ومشيوا جنب وبعدين وصلها البيت وفي الوقت ده كانت هنا في الفيلا
نادين
كويس ان انتي هنا بجد كنت محتاجه اشوفك واتكلم معاكي
فارس
اي الكلام الغريب ده من أمتي
هو فيه اي بالظبط انا مش فاهم اي حاجه
هنا
انت اللي فيه اي حاجات بنات وانت ملكش دعوه بيها خليك في حالك
فارس
طيب ممكن يا نادين تطلعي تغيري هدومك عقبال ما اتكلم معاه هنا في كلمتين انا عايز اتكلم معاها شويه
نادين
تمام مافيش مشكله وبعدها طلعت وهو فضل باصص ل هنا وقال ليها
فارس
هو انا ممكن افهم فيه اي اللي بيحصل بالظبط انا مش فاهم حاجه هو انتي عرفتي بابا كان عايزني في ايه
هنا
وانا هعرف منين يعني
فارس
عايزني اتجوزتك وبجد انا مش فاهم حاجه خالص
هنا
اي الكلام الغريب ده
فارس
و الصدمه بقي لما تعرفي مين اللي عمل كده نادين ومش فاهم ايه وازاي بس حاسس ان انتي معاها في كل حاجه
هنا
اي الكلام الفارغ ده ازاي يعني وبعدين هي
ليه تتكلم في الحوار ده
فارس
مالك يا هنا اهدي شويه مينفعش طريقه الكلام دي
هنا
لا حصل هي ملهاش فيه وهي مش تكرر انا اعمل ايه ومش اعمل اي حاجه مش تخصها
فارس
مالك يا هنا انا اول مره اشوفك كده
هنا
بقولك اي يا فارس لو سمحت انا مش عايزه اشوفك تاني وطلعني من دماغك خالص ارجوك انا مش عايزه اشوفك
فارس
هو فيه اي الموضوع شكله مش علشان ابويا غصبني شكلك كده انتي مش عايزه تكلمي معايا
هنا
اعتبرها زي ما انت عايز اوعي كده من وشي
وبعدها طلعت فوق عند نادين
نادين
اي ده ايه اي مالك داخله عامله ايه كده
هنا
هو إنت إزاي تروحي لعمي وتقولي له يقنع فارس يتجوزني إنت بتشفقي عليا ولا إيه أنا كنت غلطانة أصلا إني حكيتلك على أي حاجة تخصني
نادين
والله العظيم يا هنا أنا ما قلتش لحد على مرضك ولا على أي سر قولتيهولي كل اللي قولته لعمي إن فارس قلبه متعلق بيكي وبيحبك ومينفعش يفضل عايش وهو مجبر على حياة مش عايزها وبس
هنا
ملكيش دعوة بيا إنتي سامعة ولا لا خليكي في حالك ومتدخليش في حياتي تاني أنا أدرى بمصلحتي
نادين
أنا ما عملتش كده علشانك أنا عملته علشان فارس يستريح ويعيش مع الإنسانة اللي بيحبها
هنا
وأنا مش عايزة حد يقرر عني أي حاجة ولا عايزة حد يساعدني بالطريقة دي لو سمحتي ابعدي عني
ولفت هنا ومشيت بسرعة وكانت دموعها نازلة من غير ما تحس وفي اللحظة دي كان فارس واقف عند باب الأوضة وسمع آخر الكلام
فارس
هو فيه إيه يا نادين أنا عايز أفهم دلوقتي هنا بتكلمك بالطريقة دي ليه وفي إيه إنت مخبياه عني
نادين بصتله وحاولت تمسك دموعها لكن مقدرتش
نادين
مافيش حاجة يا فارس كل الموضوع إنها قالتلي إنها بتحبك وأنا حسيت إني واقفة في طريق سعادتكم فكلمت عمي علشان يحاول يقنعك تتجوزها لو ده هيريحك
فارس
إنت عملتي كل ده ليه يا نادين
نادين
أرجوك يا فارس أنا مش ناقصة كلام ولا أسئلة أوعى كده من وشي وسيبني لوحدي
وجريت على تحت وفضلت واقفه في الجنينه
و هنا فخرجت من الفيلا وركبت تاكسي وهي بتحاول تمنع دموعها لكنها مقدرتش
أول ما وصلت بيتها رمت نفسها على السرير وفضلت تعيط وفضل موبايلها وهي كانت بتبص للشاشة ومش بترد
وبعد شوية حست بدوخة جامدة ومسكت دماغها ووقعت على الأرض أختها يارا أول ما شافتها جريت عليها
يارا
اي يا بنتي فيكي اي انتي كويسه يا بنتي
هنا
اه كويسه انا لازم اخرج دلوقتي
يارا
تروحي فين وانتي كده حرام عليكي شكلك تعبان اوي
هنا
لو سمحت سبيني باللي انا فيه انا مش قادره اتكلم كتير اوعي من وشي
وبعد راحت المستشفي والدكتور علقلها المحاليل فتحت هنا عينيها بالعافية ومسكت موبايلها واتصلت بنادين
هنا
أرجوكي يا نادين تعاليلي المستشفى دلوقتي أنا تعبانة أوي ومش هينفع أكلم أي حد غيرك إنت الوحيدة اللي عارفة بمرضي
نادين
دقيقة واحدة بس يا هنا وهكون عندك حالا متقلقيش
وقفلت المكالمة وطلعت تجري ناحية الباب وفي اللحظة دي وقف فارس قدامها
فارس
رايحة فين يا نادين
نادين
رايحة مشوار مهم بعد إذنك خليني أعدي
فارس
إزاي يعني أنا جوزك ومن حقي أعرف إنت رايحة فين وفي إيه
نادين
أرجوك يا فارس متسألنيش دلوقتي انا لازم انزل وهرجع على طول
فارس
لا والله مين اللي كلمك في التليفون ومخليكي مستعجله قوي كده ردي قولي لي مين اللي مستنيكي بالشكل ده
نادين
مش فاهمه كلامك يا فارس هو انت بتشك فيا ولا ايه فاكر ان انا ممكن بعمل حاجه غلط وبقابل حد
فارس
انا مش بشك ولا بعمل اي حاجه لو سمحتي تردي على سؤالي
نادين
لما أرجع هحكيلك كل حاجة لكن دلوقتي أرجوك خليني أمشي الوقت مش في صالحنا
#اخر امنيه قبل ما اموت
#الحلقه الاخيره
#بقلم هويدا زغلول
فارس
يعني ايه الكلام ده يا نادين أرجوكي فهميني ايه اللي بيحصل بالظبط وانتي رايحه فين كده انا مش هسيبك تمشي من قبل ما أعرف كل حاجة
نادين
وانا مش هقدر اقولك علي اي حاجه دلوقتي ارجوك يا فارس سبني امشي وبعدين نبقي نتكلم في كل اللي انت عايزه
ومشيت وسابته وكان قلبها بيدق جامد وهي بتجري في طرقة المستشفى ولما وصلت للاوضه اللي فيها هنا دخلت لها
هنا
نادين تعالي انا كنت عارفة إنك هتيجي لأنك الوحيدة اللي حسيت إني أقدر أكلمها في الوقت ده وأنا بجد تعبانة أوي يا نادين وحاسة إن كل يوم بيعدي بياخد حتة من عمري
نادين
بعد الشر عليكي يا هنا متقوليش الكلام ده أبدا إنت هتبقي كويسة وهتقومي بالسلامه وهترجعي أحسن من الأول بإذن الله
وفي اللحظة دي دخل الدكتور وبص على الأجهزة وعلى التحاليل وبعدين بص لنادين
الدكتور
هو حضرتك قريبتها مش كده برضو
نادين بارتباك
ااا أيوه يا دكتور ااا انا أختها خير طمني عليها هي عامله ايه دلوقتي
الدكتور
طيب ممكن بس دقيقه مكتب نتكلم سوا
نادين
حاضر يا دكتور انا جايه ورا حضرتك اهو
وخرج الدكتور ونادين بصت لهنا وقالت لها
نادين
بصي انا دقيقتين بالظبط وجايه لك علطول
وراحت مكتب الدكتور وقالها
الدكتور
بصراحة الحالة صعبة جدا والورم مأثر عليها بشكل كبير وهي لازم تفضل تحت الملاحظة ومينفعش تخرج النهارده لأنها هتبدأ جلسة كيماوي ولازم تكون مستعدة والعلاج هيكون مرهق جدا وعايزين كل اللي حواليها يدعموها نفسيا لأنها محتاجة ده أكتر من أي حاجة
نادين
بس هي اصلا مش قايله لحد يا دكتور طيب ممكن حضرتك تقولي ايه اللي نقدر نعمله معاها عشان هي تبقي النفسية بتاعتها كويسه
الدكتور
هو انا كل اللي اقدر اقوله انكم تعملوا لها كل اللي نفسها فيه لان هنا أيامها معدودة ولو تعرفوا تبسطوها باكتر حاجة هي نفسها فيها ياريت تعملوا كده
وخرجت نادين من عند الدكتور وهي حاسه إن رجليها مش شايلينها ودخلت عند هنا وقربت منها ومسكت إيديها وهي بتحاول تمنع دموعها
هنا
طبعا الدكتور قالك اني هموت يا نادين صح يعني أنا مقولتش حاجة من عندي لان أنا فعلا بموت وحاسة إن النهاية قربت ومش عارفة أعمل إيه
نادين
لا لا يا هنا بالله عليكي متقوليش كده وبعدين ده الدكتور قالي انك هتبقي كويسه هي بس مسألة وقت مش اكتر وربنا أكبر من أي مرض وإحنا هنعمل كل اللي نقدر عليه وربنا قادر يشفيكي في لحظة ان شاء الله
هنا
أنا مبقتش خايفة من الموت قد ما خايفة على فارس من بعدي أنا عارفة إنه بيحبني ولو عرف الحقيقة هيتكسر وأنا مش عايزة أشوفه بالشكل ده حتى لو من بعيد
نادين فضلت تمسح دموعها وهي بتحاول تبتسم قدامها
نادين
اسمعي انتي متفكريش في اي حاجة خالص دلوقتي وكل اللي إنتي محتاجاه دلوقتي إنك ترتاحي وتفكري في نفسك وبس وسيبي بكرة على ربنا يا حبيبتي
هنا
ونعم بالله بس أرجوكي يا نادين أوعديني إنك تخلي بالك من فارس وتحافظي عليه وتخليه يحبك وينساني بأي طريقة أنا مش عايزاة يفضل عايش على ذكرى واحدة ماتت وسيبته لوحده
نادين
حاضر أنا أوعدك إني هقف جنبه بس أوعديني إنت كمان إنك هتحاربي ومش هتستسلمي لأن ربنا قادر يعمل المعجزات وبعدين في حاجه هتعمليها وهتفرحك جدا بس اصبري
هنا
حاجه ايه تاني اللي هتفرحني أنا خلاص فعلا حاسة إن أيامي خلصت وكل يوم بصحى فيه بحس إنه يمكن يكون آخر يوم في عمري وأنا كل اللي نفسي فيه أمشي وأنا مطمنة إن فارس هيكون بخير
نادين حضنتها جامد وهي بتعيط وفي اللحظة دي دخل الدكتور تاني
الدكتور
لو سمحتمي المريضة لازم ترتاح دلوقتي لأنها بعد شوية هتدخل جلسة الكيماوي وممنوع أي انفعال أو مجهود ممكن تسبيها
نادين باست رأس هنا وقالت
نادين
طيب أنا همشي دلوقتي بس هرجعلك تاني بسرعة وإوعي تفقدي الأمل لأن ربنا كريم ماشي يا حبيبتي
هنا بابتسامة
حاضر وانتي متنسيش وعدك يا نادين فارس أمانة في رقبتك
وخرجت نادين من المستشفى وهي منهارة وركبت العربية وفضلت طول الطريق تعيط ولما وصلت الفيلا دخلت وهي بتحاول تخبي دموعها لكن فارس أول ما شافها اتخض
فارس
انتي كنت فين يا نادين ومن ساعة ما خرجتي وإنت مش بتردي على أي اتصال أنا قلقت عليكي جدا انتي رحتي فين بقا انتي قولتي انك هتعرفيني كل حاجه
نادين
انا كنت في مكان كان لازم أروحه بسرعة يا فارس
فارس
ايوه مكان إيه ده بقا ومين اللي كان مستنيكي عشان تجري وتسبيني قاعد محتار كده
نادين بارتباك
ااا أنا كنت عند واحده صاحبتي اصل مامتها في المستشفى وهي لوحدها ومعرفتش تتصرف غير لما انا روحت عشان كده جريت بسرعة
فارس
لا حول ولا قوه الا بالله العلي العظيم طيب اطمنتي عليها طيب قبل ما ترجعي من عندها
نادين
اه الحمد لله انا مسبتهاش غير لما اطمنت عليها وجيت علطول انا بس كنت عايزاك تعمل حاجة عشاني يا فارس وياريت توافق
فارس باستغراب
اكيد يا نادين أي حاجة تطلبيها انا هعملها طالما في مقدرتي اني اعملها
نادين
انا عايزاك تتجوز هنا بأسرع وقت ممكن
فضل فارس يبصلها وكأنه مش مستوعب اللي سمعه
فارس
إنتي بتقولي إيه يا نادين انا مش فاهم إنتي ليه مصرة على الكلام ده ليه عايزاني اتجوز هنا
نادين
عشان انا شايفه ان ده في مصلحتك ومصلحتها وكمان إنتوا الاتنين بتحبوا بعض ومينفعش تضيعوا عمركوا بعيد عن بعض كده
فارس
علي فكرة انا عرفت انك انتي روحتي لبابا وكلمتيه في الموضوع ده ومش فاهم ليه عملتي كده
نادين
أنا فعلا طلبت من عمي يقنعك انك انت توافق تتجوز هنا وأنا لسه عند رأيي يا فارس عشان خاطري تنفذ اللي انا بطلبه منك
فارس
طيب وإنتي بتعملي كده ليه يا نادين أنا بجد مش فاهم ارجوكي فهميني وعرفيني اي حاجه
نادين
عشان انا أهم حاجة عندي أني أشوفك سعيد حتى لو السعادة دي مش هتكون معايا ومع واحده تانيه وانا عارفه ان سعادتك دي مع هنا عشان كده عايزاكم تتجوزوا
فارس
انا مش عارف اقولك ايه يا نادين إنتي بجد إنسانة انا عمري ما شوفت زيها وأنا والله ما أستاهلش كل اللي بتعمليه عشاني ده
نادين
لا تستاهل وتستاهل أكتر كمان وأنا كل اللي بطلبه منك إنك تنفذ اللي بقولك عليه من غير تأخير ارجوك يا فارس اعمل اللي انا بطلبه منك ده
فارس
طيب بس ليه يعني عايزاني اتجوزها بالسرعة دي
نادين بارتباك
ااا عشان ااا يعني الوقت مهم برضو وانتو لازم تفرحوا ببعض ارجوك
فارس فضل ساكت شوية وبعدين نزل برأسه
فارس
ماشي يا نادين أنا هفكر كويس ولو ده فعلا اللي هيريحك هعمل اللي إنتي عايزاه طالما دي رغبتك
نادين
لا أنا عايزاك متفكرش كتير أنا عايزاك تجهز كل حاجة بسرعة وتعمل لهنا فرح كبير وتخليها تلبس فستان أبيض وتفرح وتعيش اليوم اللي كانت بتحلم بيه معاك لانها فعلا كان نفسها فيه من زمان وانا عارفه كده كويس
فارس
والله انا ما كنتش أعرف إن في الدنيا قلب بالطيبة والحنيه دي كلها إنتي بجد إنسانة عظيمة وربنا وحده اللي يقدر يجازيكي على اللي بتعمليه ده يا نادين انا بجد فرحان ان ربنا رزقني بيكي
نادين
متشكرنيش يا فارس انا بس كل اللي لباه انك تنفذ اللي طلبته منك وبس
وبعدها سابته ودخلت أوضتها وقفلت الباب عليها وأول ما بقت لوحدها وقعت على الأرض وهي بتكتم صوت عياطها
نادين
أنا ايه اللي بعمله في نفسي ده وإزاي قلبي مستحمل الوجع ده كله وأنا بحب فارس أكتر من نفسي وكان نفسي أعيش معاه العمر كله لكن يمكن ربنا كتبلي أكون سبب في سعادته مع غيري وهستحمل كل الوجع ده المهم هنا تلحق تفرح قبل ما المرض ياخدها وفارس يفضل فرحان حتى لو أنا اللي هدفع تمن الفرحه دي من قلبي وعُمري كله انا عندي اهم حاجه هو فارس وبس
وبعدها فعلا فارس كتب الكتاب علي هنا وعملها فرح كبير جدا وبعدها خلص الفرح وكانت هنا فرحانه وهي لابسة الفستان الأبيض مع إن التعب كان باين على وشها
هنا
متتصورش يا فارس انا فرحانه اد ايه اني خلاص بقيت معاك يا حبيبي
فارس
وانا كمان يا حبيبتي والله اسعد واحد في الدنيا النهارده يارب فرحتنا انا وانتي تدوم علطول كده يا هنا انا كل اللي بطلبه من ربنا انك تفضلي جنبي وبس
هنا بابتسامة متعبه
اكيد يا حبيبي طيب هو احنا مش هندخل اوضتنا ولا ايه انا حاسه اني تعبت اوي النهارده وعايزة ادخل ارتاح
فارس
يلا بينا يا حبيبتي تعالي وانا هشيلك
وشالها وكانت فرحانه اوي ونادين كانت واقفة عند اوضتها بتراقبهم وهي بتحاول تخبي دموعها وبعدها دخلت أوضتها وفضلت تعيط وهي بتقول لنفسها
نادين
الحمد لله يا رب انهم اتجوزوا لان كان أهم حاجة عند فارس إن هو يشوف اليوم اللي كان نفسه فيه وأهم حاجة إن هنا كمان فرحت قبل ما المرض يسرق منها كل حاجة حتى لو أنا قلبي هو اللي بيتكسر في اللحظة دي
وعند فارس كان شايل هنا وهو فرحان جدا ودخل بيها أوضتهم وهي مرهقة جدا وقعدت علي السرير ونادين خبطت عليهم
فارس
خير يا نادين في حاجة
نادين
معلش يا فارس تعالى لو سمحت لحظه كده عشان أنا عايزة أتكلم معاك شوية
فارس بص لهنا وقال
طيب استنيني دقيقة يا هنا وهارجعلك على طول
هنا ابتسمت
روح وأنا هستناك
وخرج فارس ودخل أوضة نادين وشاف عيونها حمرا من كتر العياط
فارس
خير يا نادين كنتي عايزاني في إيه وبعدين انتي مالك كده انتي كنتي بتعيطي ولا ايه اتكلمي في ايه
نادين
مفيش يا فارس أنا بس كنت عايزة اقولك اني عارفة إنك النهارده أسعد إنسان في الدنيا وفرحان إنك أخيرا اتجوزت الإنسانة اللي قلبك اختارها وحبها مش كده
فارس بارتباك
ااا والله يا نادين أنا فعلا سعيد بس في نفس الوقت مش قادر أنسى اللي إنتي عملتيه عشاني وإزاي ضحيتي بكل حاجة عشان انا اشوف اليوم ده وصدقيني إنتي كبرتي في نظري أكتر من أي وقت فات وحسيت انك اجدع واحده في الدنيا كلها
نادين
متقولش كده يا فارس أنا عملت كده عشان بحبك ومكنتش مستحملة أشوفك عايش حزين طول عمرك وإنت بعيد عنها وهي بعيدة عنك وكنت عارفه ان قربكم من بعض هو ده اللي كان هيفرح قلبكم
فارس
ربنا يجازيكي خير على قلبك الكبير بس قوليلي كنتي عايزاني في إيه
نادين أخدت نفس طويل وهي بتحاول تتمالك نفسها
نادين
أنا عايزاك تطلقني يا فارس لأنك انت دلوقتي خلاص اتجوزت الإنسانة اللي بتحبها وهتكمل حياتك معاها وأنا وجودي مبقاش ليه أي معنى في حياتك بالعكس ممكن يزود العبء عليك
فارس اتنهد بحزن
أرجوكي يا نادين بلاش الكلام ده الليلة دي أنا لسه مش مستوعب كل اللي حصل ومش عايز حاجه تنكد عليا وانا عايزك تسيبيني بس أعدي اليوم ده وبعدها نتكلم في أي حاجة إنتي عايزاها
نادين
أرجوك يا فارس انا عايزاك تنفذ طلبي لأن أنا مش عايزة أفضل مربوطة بيك وإنت قلبك مع غيري اظن انت مترضهاش ليا مش كده برضو
فارس
نادين اسمعيني أرجوكي انا عارف انك انتي بتقولي الكلام ده من ورا قلبك وعارف انك بتتقطعي من جواكي بس خليني اقولك أني مش عايز اتكلم في اي حاجه دلوقتي وانا بوعدك اني هفكر في كل كلمة قولتيها بس النهارده سيبيني وبكرة نتكلم براحه
نادين ابتسمت ابتسامة كلها وجع وقالت
نادين
ماشي يا فارس روح شوف ليلتك مع هنا وربنا يسعدكم مع بعض ومتنساش وعدك ليا ده
هز فارس رأسه وخرج بسرعة وهو راجع ناحية أوضة هنا ونادين انهارت من العياط وفارس فتح الباب وهو بيبتسم لما شافها نايمه
فارس
ايه ده يا هنا أنتي نمتي هي دي برضو ليله تنامي فيها يا حبيبتي ده احنا لسه عندنا كلام كتير اوي عايزين نقولوا قومي عشان نتكلم سوا
كان بيكلمها لكن هنا كانت نايمة على السرير من غير أي حركة وابتسم فارس وهو بيقرب منها
فارس
إيه النوم ده يا كسولة هو معقول برضو انك تنامي من أولها كده قومي بقى إحنا لسه هنتكلم كتير يلا يا حبيبتي
ولمس كتفها وهزها براحة بس هي ماردتش عليها
فارس بقلق
هنا قومي بقى متهزريش معايا أنا عارف إنك بتعملي كده عشان تخضيني قومي يا هنا
وقرب أكتر وهو بيهزها جامد شوية وصوته بدأ يرتعش
فارس
هنا يا هنا افتحي عينيكي وبصيلي بالله عليكي متعمليش فيا كده أنا رجعتلك أهو قومي بقا كلميني انتي ليه نومك تقيل كده هو في ايه بالظبط
ولمس إيديها حس إنها باردة اوي فاتخض وفضل ينهج بسرعه وكأن حد بيجري وراه
فارس
هنا هنا لا لا مستحيل لا يا هنا إنت وعدتيني إنك هتفضلي معايا قومي بالله عليكي ردي عليا أنا مش مستحمل الهزار ده
وقعد على ركبته جنب السرير وهو بينادي عليها بصوت عالي
فارس
يا هناااا افتحي عينيكي بقااا كفايه كده أرجوكي أنا بحبك ومينفعش تسيبيني لوحدي كده قومي عشان خاطري بلاش تعملي كده
وفي اللحظة دي جات نادين بسرعه على صوت صريخه ودخلت الأوضة وهي مرعوبة
نادين
في إيه يا فارس مالك بتصرخ كده ليه ايه اللي حصل
فارس كان بيبص لهنا بعين مليانة صدمة ودموعه بتنزل من غير ما يحس
فارس
الحقيني يا نادين هنا مش بترد عليا أنا بكلمها من بدري ومش بتفتح عينيها بالله عليكي خليها تقوم وترد عليا وقوليلي إنها نايمة بس قولي إنها هتصحى لأن مستحيل تسيبني في أول ليلة عمرنا كده وتروح مستحيل يا هنا تسيبني لوحدي هو في ايه يا نادين
نادين بصت علي هنا وفضلت تعيط جامد بحرقه جامده وشايفه فارس وهو بيحضن إيد هنا وهي ميته فقعدت جنبه وخدته في حضنها وهي منهارة
نادين
بس يا فارس أرجوك متعملش في نفسك كده بالله عليك اهدى شوية أنا عارفة إن الوجع كبير بس بلاش تعمل في نفسك كده استهدي بالله
فارس رفع عينيه وهو بيعيط بحرقة وصوته كان بيطلع بالعافية
فارس
قوليلي يا نادين هي راحت بجد ولا هي بتعمل كده عشان تخضني عليها قوليلي إنها هتفتح عينيها بعد شوية وتقولي إنها كانت بتهزر معايا بالله عليكي ردي عليا يا نادين اتكلمي
نادين
ارجوك تهدى يا فارس أرجوك بالله عليك انا مش هستحمل اشوفك في الحاله دي ادعي لها يا فارس
فارس
ادعي لها ايه يا نادين وازاي أنا عايز أعرف هي ليه عملت فيا كده ليه راحت في الليلة دي بالذات طيب كانت استنت يوم واحد كنا فرحنا مع بعض وضحكنا شوية وبعدها كان يحصل اللي يحصل لكنها سابتني ليه يا نادين سابتني ليه ردي عليا عشان خاطري عرفيني في ايه
نادين
أرجوك متقولش كده وربنا يصبر قلبك ويقويك بلاش الكلام ده لان ده امر ربنا ونفذ استغفر ربنا يا فارس ومتخليش ربنا يزعل منك
فارس
استغفر الله العظيم أنا مش قادر أصدق إن كل اللي كنت بحلم بيه انتهى في لحظة واحدة أنا كنت فاكر إن النهارده بداية حياتنا وطلعت نهاية عمري كله يا نادين عمري كله انا حاسس اني مش قادر اقف علي رجلي
نادين
لا لا اهدى يا فارس أرجوك لازم تتمالك نفسك الله يخليك بلاش كده عشان خاطري وعشان خاطر هنا كمان
فارس
ليه يا نادين ليه راحت مني وهي لسه لابسة فستانها الأبيض ليه ربنا خدها دلوقتي لا حول ولا قوة الا بالله العلي العظيم
نادين
قولت لك بلاش الكلام ده استني وقوم معايا وأنا هفهمك كل حاجة بس الأول لازم نجيب الدكتور عشان يكشف عليها
فارس
تفهميني إيه هو إنتي كنتي عارفة حاجة وأنا معرفهاش قولي لي انتي مخبيه عني ايه بالظبط هنا راحت ليه
نادين
اسمعني بس دلوقتي ومش وقته الكلام ده وخلينا نكلم الدكتور الأول عشان خاطري يا فارس
وكانت نادين منهارة واتصلت بالدكتور اللي كان بيتابع حالة هنا وبعد شويه وصل وهو باين عليه القلق ودخل الأوضة وكشف عليها وغمض عينيه بحزن
الدكتور
البقاء لله للأسف هي فارقت الحياة خلاص والسبب إن السرطان كان في مرحلة متأخرة جدا وجسمها مبقاش قادر يستحمل أكتر من كده
فارس قام وقف فجأة وهو مش مستوعب اللي سمعه
فارس باستغراب
سرطان سرطان إيه يا دكتور إنت بتقول إيه هنا مكانش عندها سرطان إنت أكيد غلطان يا دكتور انا مش عارف انت بتقول كده ليه
الدكتور باستغراب
إسمعني ارجوك انا عارف ان الانسه هنا كانت مخبية عليكم الموضوع كله بس أنا كنت بطلب منها أكتر من مرة تعرف أهلها والناس اللي بتحبها عشان يقفوا جنبها بس هي كانت رافضة تماما وكانت بتتعالج لوحدها
فارس حس إن الدنيا كلها بتلف بيه
فارس
يعني ايه الكلام ده يعني هي كانت بتموت وأنا ولا كنت حاسس باي حاجة خالص طيب ليه تعمل فيا وفيها كده ليه
الدكتور
استهدي بالله يا استاذ فارس امر الله ونفذ وأنا دلوقتي هكتب لكم تصريح الدفن وربنا يصبركم يارب
وخرج الدكتور وساب فارس في صدمة وبص ناحية نادين وعينيه مليانة دموع
فارس
أنا عايز أفهم كل حاجة دلوقتي هنا عرفت انها تعبانة من أمتي وانتي كنتي عارفه انها كده ومقولتيش ليه وعشان كده كنتي مصممه اني اتجوزها بسرعه مش كده ردي عليا يا نادين
نادين مسحت دموعها
ارجوك يا فارس كفايه بقا اللي انت عامله في نفسه ده وبعدين انا مكنتش اعرف هي كانت مريضة من امتي وهنا هي اللي قالت لي بنفسها بعد ما عرفت إني شوفت رسايلكم مع وكانت بتترجاني إنك متعرفش لأنها كانت عايزاك تكرهها عشان لما تموت متتوجعش عليها وكانت بتقول إنك لازم تكمل حياتك وتنسى وجودها اصلا بس انا محبتش كده ولا كنت عايزة انفذ رغبتها دي
فارس
إزاي قدرت تستحمل كل الوجع ده لوحدها وإزاي كانت بتضحك قدامي وهي بتموت من جوه ليه مقالتليش كنت هشيل عنها التعب كله وكنت هلف بيها الدنيا كلها عشان ألاقي لها علاج
نادين
يا فارس هي مكانتش قايله لحد ابدا حتى أختها مكانتش تعرف حاجه هنا كانت مخبية وجعها عن الكل ومش عايزة اي حد يشوفها وهي بتتعذب
فارس
أنا السبب أنا إللي كنت مشغول بنفسي ومخدتش بالي إنها كانت بتتألم كل يوم وأنا فاكر إنها بخير ومفيش عندها اي حاجه أبدا ايوه يا نادين
نادين قربت منه ومسكت إيده
نادين
أرجوك متلومش نفسك دلوقتي وفرق كده وقوم معايا نشوف هنعمل ايه عشان إحنا لازم نكرمها ونقوم بكل اللي لازم يتعمل معاها
هز فارس راسه وهو بيعيط ومبقاش قادر يتكلم وبعدها خلصوا إجراءات الغسل والتكفين واتدفنت هنا وسط عياط وسريخ كل اللي عارفها وكان فارس واقف قدام قبرها وهو حاسس إن حته من روحه اتدفنت معاها وقال
فارس
حبيبتي يا هنا انا عايزك تسامحبني عشان خاطري انا عارف اني قصرت معاكي في حاجات كتيرة اوي بس انتي لو كنتي قولتي لي علي كل اللي تعبك كنت هقاسم معاكي الوجع ده بس انتي اللي اختارتي انك تتوجعي لوحدك وتروحي لوحدك انا مش هسيبك يا حبيبتي وهاجي لك علطول
نادين كانت سامعه كلامه وبرغم انها كانت حزينه علي هنا موجوعة بس كان كلامه ليها بيقطع في قلبها من حوه وبعدشويه قربت منه
نادين
يلا بينا يا فارس خلينا نمشي من هنا الناس كلها مشيت مش هينفع نفضل هنا الليل قرب يدخل
فارس
انا عايز افضل معاها شويه يا نادين أرجوكي سبيني معاها شويه
مسكته نادين ومشيت بيه بالعافيه وعدت أيام العزاء والبيت كله كان حزين وفي آخر يوم من العزاء يارا راحت عند نادين
يارا
انا عايزة اعرف كل حاجة يا نادين وقوليلي الحقيقة ومتخبيش عني حاجة أبدا أختي كان عندها إيه وإزاي ماتت فجأة بالشكل ده واحنا منعرفش حاجه خالص ردي عليا
نادين وهي بتحاول تتمالك نفسها
نادين
أختك كانت تعبانة من فترة يا يارا وكانت مخبية مرضها عنكم وعن كل اللي حواليها وكانت رافضة تقلق أي حد عليها
يارا بصدمه
يعني ايه الكلام ده يا نادين يعني اختي كانت بتموت وإحنا قاعدين جنبها ومش عارفين طيب واشمعنى إنتي اللي كانت بتحكيلك كل حاجة ليه وانا أختها ومكنتش أعرف عنها اي حاجة
نادين
يا يارا بالله عليكي اهدي دلوقتي مش وقته الكلام ده وهي كانت بتعمل كده عشان كانت بتحبكم ومكنتش عايزة تشوف قلقكم عليها ارجوكي بقا افهمي الكلام
يارا انهارت في العياط
أنا كان نفسي أفضل جنبها وأحضنها وأقولها إني بحبها حتى لو كانت هتمشي علطول ليه حرمتني من آخر أيامها وليه اختارت تموت وهي شايلة الوجع لوحدها ليه عملت فينا وفي نفسها كده
نادين حضنتها
خلاص بقا يا يارا مش وقته الكلام ده خالص هي دلوقتي في مكان احسن وهي كانت عارفه ان وجع الفراق مش سهل علي اي حد عشان كده كانت مخبيه اللي جواها وربنا يرحمها ويغفر لها ويصبر قلوبنا كلنا
وعدت الايام وفارس كان قافل على نفسه أوضته من يوم موت هنا ومبقاش بيخرج غير ثواني قليلة وكل الأكل اللي كان بيتحط قدام الباب كان بيرجع زي ما هو
ووقفت نادين قدام الباب وخبطت عليه وهي بتحاول تمنع دموعها
نادين
يا فارس افتح الباب بالله عليك إنت بقالك أيام حابس جوه لا بتاكل ولا بتشرب ولا بتتكلم مع حد وإنت كده بتضيع نفسك وهي عمرها ما كانت تتمنى تشوفك بالحال ده ابدا عشان خاطري افتح الباب
رد عليها من جوه الأوضة وصوته كله انكسار
فارس
ارجوكي يا نادين سيبيني غي حالي أنا مش عايز اشوف حد ولا اتكلم مع حد انا كل لما اغمض عنيا وأصحى وأفتكر إنها ماتت بين إيديا بحس اني بموت ميت مرة
نادين
طيب أرجوك افتح الباب بس وتعالى اقعد معانا شوية الوجع لما بيتقسم علي اتنين بيخف وإنت لو فضلت لوحدك هتتعب أكتر
فارس
قولت لك أنا مش عايز أشوف حد ولا أتكلم مع حد
نادين
طيب إحنا كلنا موجوعين عليها يا فارس لكن دي إرادة ربنا ومحدش يقدر يغيرها مهما عملت انت لازم تفتكر ربنا في كل وقت وتعرف انها خلاص مش هترجع تاني افهم بقااا
فارس
أنا حاسس إني ظلمتها لأنها كانت بتتوجع وأنا كنت فاكر إنها بخير ولو كنت أعرف الحقيقة كنت فضلت شايلها طول العمر في عيوني ومكنتش سبتها لحظة واحدة
نادين
متجلدش نفسك بالشكل ده لأنها هي اللي اختارت تخبي مرضها عن الكل وكانت عايزة تفضل صورتها في قلبك جميلة لآخر لحظة
فارس
انا مش قادر اتصور ان هنا بقت تحت التراب وبجد مش قادر أصدق إن كل ده حصل
نادين
أنا عارفة إن الفراق صعب وإن الوجع كبير لكن هنا كانت نفسها تشوفك عايش ومكمل حياتك مش حابس نفسك وبتعذب روحك كل يوم عشانها كده افتح بقااا ارجوك
فضل فارس ساكت شوية وبعدها سمعته نادين بيعيط بصوت مكتوم وقال
فارس
ادعيلي يا نادين ربنا يديني قوة عشان أقدر أعيش بيها لأني حاسس إن جزء كبير مني مات يوم ما هي ماتت وأنا لحد دلوقتي مش عارف أتعلم إزاي أكمل من غيرها
نادين عيطت جامد وقالت له
بس موجوده يا فارس عمرك ما فكرت لحظه اني ممكن اكون جنبك واشيل عنك ليه مش شايفني كده حرام عليك اللي انت بتعماه فيا وفيك ده حرااام حرااام
ومشيت بسرعة ودخلت اوضتها وقفلت علي نفسها وهي منهارة وهو حس ان هو جرحها جامد وسكت فجأة وقال لنفسه
فارس
غصب عني والله يا نادين غصب عني سامحيني
وبعدها نام وعدت الايام وفارس دقنه طولت ونادين بطلت تسأل عليه وهو خرج اخيرا من اوضته ونادين شافته واستغربت شكله وهو وقف قدامها وقال
فارس
انا جعان يا نادين
نادين ضحكت علي طريقته وجريت عليه حضنته وقالت
نادين
حمد لله على السلامه يا فارس
وبعدها اكل واخدته علي الحمام عشان يحلق دقنه
نادين
لازم احلق لك بنفسي حلاقة كده ملوكي يلا هات دقنك هااات
فارس
انتي مجنونه يا نادين تحلقي لي ايه هاتي البتاع في ايدك ده خليني احلق لنفسي لحسن تعوريني يا مجنونه انتي
نادين
طيب تحلق وتيجي عشان نقعد علي البسين بس بسرعة ماشي
فارس
حاضر هخاص واجي وراكي علطول هتلاقيني وراكي
وسابته نادين ومشيت وهو خلق دقنه ودخل غير هدومه وخرج وهي لما شافته قالت
نادين
ايه الحلاوه دي كلها يا ارض اتهدي
فارس
لا مش للدرجه دي يعني وبعدين انا حلو في كل حالاتي ولا هتنكري بقا ولا إيه
نادين
لا وهو انا اقدر برضو انكر ده انت احلي راجل في الدنيا كلها
فارس فضل باصص لها ومسك أيديها وقال
فارس
حقك عليا يا نادين متزعليش مني انا عارف اني جيت عليكي كتير اوي بس والله غصب عني انتي عارفه
نادين
عارفه وعمري ما ازعل منك أبدا عشان مفيش حد بيزعل من روحه يا فارس
فارس باستغراب
روحوا
نادين
ايوه ما هو انت روحي وقلبي وعقلي وكل حاجة انا قلبي ده مش بينبض غير ليك انت وبس
فارس
ياااه بعد كل اللي حصل يا نادين لسه بتقولي كده
نادين
واكتر من كده كمان يا فارس انت حبيب عمري برغم انك قلبك عمرة ما كان معايا بس ربنا قال وبشر الصابرين وانا صابرة ومش عايزة منك غير بس كلمه حلوه
فارس فضل باصص لها اوي وبعدين اتوتر وقال
فارس
ااا انتي صحيح ليه مش بتروحي شركتك انا شايفك طول الوقت قاعدة جبني وبتهتمي بيا
نادين
عشان انا مش هعرف ادير الشركة دي لوحدي ومحتجاك جنبي
فارس
وانا معاكي ومش هسيبك ابدا يا نادين
وبعدها فارس بقا يقرب من نادين وبقا شايف خوفها عليها وحبها ليه وهو بقا قلبه يتعلق بيها اكتر واكتر وفي يوم جاب لها هديه ودخل عليها في الاوضه وهو بيقول
فارس
الجميل صاحي ولا نايم
نادين
انا صاحيه انت اتأخرت كده ليه بقا ان شاء الله
فارس
ابدا يا ستي اصل انا خرجت من الشركة وبعدين روحت عديت علي البنك عشان اعمل شويه اوراق خاصه بالشركة وبعدها عديت علي واحد عنده محل مجوهرات كده وعجبتني حاجة وقولت اجيبها هديه
نادين باستغراب
وهديه لمين بقا ان شاء الله
فارس
هتكون لمين يعني لمراتي طبعا هو انا عندي غيرها اجيب له هديه غمضي عنيكي بقا وتعالي عند المرايا كده عشان البسها لك وتشوفيها في رقبتك
نادين
اممم زي بتوع الافلام وكده طيب ماشي لما اشوفك هتعملها بنفس الرومانسيه ولا لأ
فارس
هي الافلام دي اللي مودياكم في داهيه بجد يلا تعالي قدامي
وراحت ناحيه المرايا وهي مغمضه عيونها ولبسها السلسلة وقالها
فارس
فتحي بقا يا ستي
فتحت عيونها وقالت بفرحه
نادين
الله دي حلوه اوي يا فارس شكرا بجد
فارس حضنها وهي استغربت بس حست ان هو عايز يفضل في حضنها وهي كمان ضمته لها
نادين
مالك يا فارس
فارس
حاسس اني عايز أفضل في حضنك يا نادين انا اسف علي كل حاجه وعلي كل زعل سببتهولك
نادين
متقولش كده يا فارس انا عمري ما ازعل منك ابدا لأني بحبك اوي
فارس
نادين انا كمان بحبك
نادين ضمته جامد بفرحه وبعدها هو شالها وقالت
نادين
ايه ده انت بتعمل ايه نزلني هتوقعني يافارس
فارس
عيب عليكي اوقعك ده ايه هو انا اقدر اوقعك ده انتي اللي وقعتيني فيكي
نادين
انت هتعمل ايه
فارس
هعمل ظخلتنا اللي اتجألت كتير اوي
نادين
بطل قلة ادب يا فارس
فارس
ابطل ايه انتي مجنونه يا بنتي انتي مراتي يلا بينا
وحطها غلي السرير وعاشوا مع بعض في عالم الحب وعدت الايام عليهم وعاشوا في فرحه وسعاده وقدرت نادين تنسي فارس هنا وبعدها حملت في بنوته وخلفت وسموها هنا
وبكده تكون خلصت قصتنا
تعليقات
إرسال تعليق